الأخبار
أخبار إقليمية
قائد الجنجويد السابق أحمد هارون : "إنتو دايرين جلسة طويلة وإعادة تأهيل نفسي"
قائد الجنجويد السابق أحمد هارون : "إنتو دايرين جلسة طويلة وإعادة تأهيل نفسي"
قائد الجنجويد السابق أحمد هارون :


قال للصحفين: "يا اخ أنا مدبرس منكم "..إنتو غرقانين في 20 نفر عملوا مظاهرات
06-01-2014 11:43 AM

البرلمان: سارة تاج السر
قلل والي شمال كردفان أحمد محمد هارون، من حجم التظاهرات التي خرجت في مدينة سودري "الثلاثاء" الماضي احتجاجاً على نقص الخدمات وأسفرت عن إصابة 4 أشخاص واعتقال 46 آخرين، وقال هارون: أعتبر ما جرى حادث محدود، من قبل نفر عبروا عن رأيهم في مسيرة صغيرة لا تعبر عن الرأي العام في سودري" وأكد أنه سيزور المنطقة هذا الأسبوع.. ونفى هارون في تصريحات محدودة بالبرلمان علمه بحيثيات الأحكام الآنية التي صدرت في حق المتظاهرين وقال: " ما أقدر أدعي أنو عندي معلومات كافية عنها باعتبار أني أنا بخلي الولاية ما بشيلها معاي، ما عندي تفاصيل أكتر ما ذكرت باعتبار أنا في الخرطوم" هذا بجانب أن بالولاية والٍ بالإنابة ولجنة أمن وأضاف: " ما المناسب أنك تشيل المؤسسات معاك في شنطتك" واستنكر هارون على الصحفيين الذين استفسروا عن التحديات الأمنية بالولاية انصرافهم عن موضوع نفرة شمال كردفان الى قضية المظاهرات وتابع: "يا اخ أنا مدبرس منكم معقول نحنا بنتكلم في قضية كبيرة زي دي وإنتو غرقانين في 20 نفر عملوا مظاهرات" وأردف: "يا جماعة ما تحبطوا الشعب السوداني عليكم الله"، وقال نرغب في أن توقد الصحافة شموع أمل جديدة وما "نبقى مأزومين" ورفض هارون الخوض في أي تفاصيل بشأن قوات الدعم السريع وقال "القضية دي طلعنا فيها بيان وسطر جديد وأنا ملتزم بكلامي"ومازح الصحفيين" إنتو مأزومين ليه والله مأزومين" وتابع "إنتو دايرين جلسة طويلة وإعادة تأهيل نفسي".

الجريدة


..


تعليقات 16 | إهداء 0 | زيارات 6640

التعليقات
#1023119 [محمود]
0.00/5 (0 صوت)

06-02-2014 02:09 PM
يا امسح اكسح قشو ما تجيبو حي اذا كان المعتقلين 46 والمصابين 4 هذا يساوي 50 وانت قلت كل المتظاهرين 20 بعني ال 30 ديل قشيتوهم من الشارع؟ هذا يجب عليك المبادرة الي المصحة

[محمود]

#1022936 [المجنونة]
0.00/5 (0 صوت)

06-02-2014 11:40 AM
ههههههههههههههههههههههههههههههههههههههههههههههههههههههههههههههه

[المجنونة]

#1022906 [أبو التيمان]
0.00/5 (0 صوت)

06-02-2014 11:09 AM
بحكم وجودي خارج السودان اتصلت عدة مرّات ومن مصادر مختلفة، فقد اتفق الجميع على أن هنالك عمل يجري على الأرض في مدينة الأبيض. هذه المدينة التي عانت الفقر والتجاهل في كل الحكومات التي مرّت على السودان. لذلك هذه الولاية تحتاج لأي إضافة في التنمية إن شاء الله تكون ( بئر ، حفير، كيلو متر واحد زلط ....). فقط ما ننبه له هو ضرورة توزيع التنمية على أجزاء الولاية المختلفة وعدم حصرها في الأبيض .
الذي يريد أن يعارض أو يسقط النظام فهو حر ونحن نقف معه كتفاً بكتف. أما معارضة التنمية فهذه ليست معارضة وهي التي أسهمت في تردي أوضاع البلد وكمّلت ما قصرت فيه الحكومة من التدمير.
وإلى أن تسقط الحكومة يجب ألا نحارب التنمية. ولا يهمنا إن كان الوالي مطلوب لمحكمة الجنايات الدولية أو غيرها. فكثيرون في هذه البلد يحتاجون لمحاكمات علنية وحز للرؤوس في الحكومة والمعارضة على حدّ سواء.

[أبو التيمان]

#1022791 [إبراهيم محمد عثمان]
0.00/5 (0 صوت)

06-02-2014 09:45 AM
ربنا يوفقك و يديك العافية يا مولانا احمد هارون, و الله راجل و ود رجال و عافى منك تب.

إبراهيم محمد عثمان( الشويحى)
الأبيض _ حى الشويحات

[إبراهيم محمد عثمان]

ردود على إبراهيم محمد عثمان
[الوالي] 06-02-2014 03:35 PM
الأخ ابراهيم
أمرنا لك بتصديق عشرة دكاكين في السوق نظرا للخلاصة ووطنيتك


#1022202 [shah]
0.00/5 (0 صوت)

06-01-2014 02:36 PM
4أصيبوا ... 46 أعتقلوا ... 20 نفر فى المظاهرة ... لكن الرياضيات ما عندك.

[shah]

#1022196 [بيكانتو]
5.00/5 (1 صوت)

06-01-2014 02:27 PM
مأزومين دى قاصد بيها معزومين ولآ شنوا

عجبتنى

بإعتبار أنى انا بخلى الولاية و بإعتبار انا فى الخرطوم

[بيكانتو]

ردود على بيكانتو
United States [sasa] 06-01-2014 06:39 PM
بطل الدغمسة يا بيكانتو والله قوية خالص مازومين


#1022186 [الحنكول اخو الدعول]
5.00/5 (2 صوت)

06-01-2014 02:20 PM
شموع الامل ستوقد يا هارون لكن برحيل واسقاط نظامكم وتقديمكم الي المحاكمات

[الحنكول اخو الدعول]

#1022166 [تويست]
5.00/5 (1 صوت)

06-01-2014 02:04 PM
20 نفر عملوا مظاهرات

كذاب وحرامي وقاتل ... المعتقلين عددهم 46

[تويست]

#1022164 [منشى]
0.00/5 (0 صوت)

06-01-2014 02:03 PM
الزول دا بهضرب مالو فى كلامو .. و الله انا شايف اللى داير جلسه للتأهيل النفسى هو الوالى دا ذاتو لأنوا فى علم النفس فى حاجه اسمها التوكيد الذاتى و دا لامن الواحد بيسألوا عن موضوع و يقوم هو فجأة يقحم موضوع تانى دون سابق قول دا فى حد ذاتو بيشير الى عقده نفسيه عميقه من شئ ما يصارعه من الداخل ... اقترح استخراج اورنيك رقم 9 كحاله طارئه و ارساله للمستشفى لمقابلة طبيب نفسانى قبل استفحال المرض .

[منشى]

#1022127 [أدروب]
0.00/5 (0 صوت)

06-01-2014 01:23 PM
عشرين نفر عملوا مظاهره أعتقلوا منهم 46 ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


يحدث في بلد العجائب ..


أنتو حتى الرياضيات لحقتوها

[أدروب]

ردود على أدروب
[جنرال زمان] 06-01-2014 02:40 PM
ولا يهمك يا أدروب وخليك إنت الكبير، بعدين الراجل بيع الترمس والكبكبي أثر في حساباته شوية وفي الآخر يا هو كلام مأزوم (من الأزمة وكدا وإنشاء الله تلم فيه أزمة تخليه يبيع طعمية بس). المهم يا حبيبي ما تزعل نفسك


#1022119 [عصمتوووف]
5.00/5 (1 صوت)

06-01-2014 01:12 PM
صح لسانك يا مولانا يحتاجوا تأهيل نفسي هدفهم المادة والإثارة والفتنة صحافة أخر زمن

[عصمتوووف]

ردود على عصمتوووف
United States [ساب البلد] 06-01-2014 07:54 PM
********** هههههههههه عصمتووف (المزيف ) انت المحتاج تاهيل نفسي ****** عشان لافح ليك اسم ما حقك ********* هدفك الاثارة و الفتنة ********


#1022117 [انا]
0.00/5 (0 صوت)

06-01-2014 01:11 PM
والله انت الداير جلسة تأهيل نفسي طوييييييلة الأمد وممكن نسمح ليك تعملها في لاهاي بال easy way لانو هنا بتاباها والله!!! حسبنا الله ونعم الوكيل من العاهات الانسانية الفكتها فينا الانقاذ من البشير وانت نازل

[انا]

#1022071 [الغلبان]
0.00/5 (0 صوت)

06-01-2014 12:33 PM
ان تفض المظاهرات بالقوة ويحكم على اناس نصبح نحنا المأزمين بالدارجي كدي ادو الناس فرصه تعبر عن رأيها فيكم كده يومين وما تقمعوهم شوفوا شعبيتكم الجارفة كيف وجع يعني مو حشود

[الغلبان]

#1022061 [الكردفاني الأغبش]
0.00/5 (0 صوت)

06-01-2014 12:17 PM
السيد الوالي يقول بأنه ترك الولاية خلفه وبها نائب والي ولجنة أمن ونحن نقول له بأن حكومته كلها ليس فيها شخص واحد يتخذ أبسط قرار ولا يقدر أي وزير من وزرائه أن يغير موقع تربيزته ناهيك عن إتخاذ قرار أو إصدار أي أمر وأما مجلس الولاية التشريعي فهولاء عبارة عن مجموعة موظفين تم تعينهم من قبل الوالي بعد فصل ولاية غرب كردفان فلذلك يبصمون بالعشرة على أي قرار للسيد الوالي فكان الأولى يا سي الوالي أن لا ترهق خزينة الولاية والمواطنين الكرام بمرتبات وبدلات السادة الوزراء والنواب بالمجلس التشريعي وتكون حضرتك الآمر والناهي في ما يخص أمور هذه الولاية الصابرة

[الكردفاني الأغبش]

#1022051 [Abu sami]
0.00/5 (0 صوت)

06-01-2014 12:08 PM
و الله ما فى زول غيرك داير تأهيل نفسى يا شين.

[Abu sami]

#1022043 [الفاتح عز الدين]
0.00/5 (0 صوت)

06-01-2014 12:00 PM
أحمد هارون خايف يتكلم في قوات الإغتصاب السريع يجي حميدتى يركبو و يندمو اليوم الولدوهو فيهو

[الفاتح عز الدين]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة