الأخبار
أخبار إقليمية
المعارضة تطالب بحل ميليشيات حزب البشير من جنجويد ودفاع شعبي وتجريدها من السلاح
المعارضة تطالب بحل ميليشيات حزب البشير من جنجويد ودفاع شعبي وتجريدها من السلاح
المعارضة تطالب بحل ميليشيات حزب البشير من جنجويد ودفاع شعبي وتجريدها من السلاح


نرفض الدخول في أي حوار مع الحزب الحاكم لا يؤدي إلى تفكيك النظام الحالي
06-02-2014 07:53 AM

لندن: مصطفى سري
طالب تحالف قوى الإجماع المعارض في السودان حزب المؤتمر الوطني (الحاكم) بحل الميليشيات التي تدعمها الحكومة وتجريدها من السلاح، كونها أصبحت أكبر مهدد للأمن. وشدد التحالف، الذي يضم عددا من أحزاب المعارضة، على أنه لن يشارك في أي حوار لا يؤدي إلى تفكيك النظام الحاكم الذي قاربت سنوات حكمه على ربع قرن، متهما الحزب الحاكم بإشعال الحروب والفتن والنعرات الدينية والعنصرية في البلاد طوال فترة حكمه.

وقال رئيس لجنة الإعلام في قوى الإجماع الوطني، عضو اللجنة المركزية للحزب الشيوعي السوداني، صديق يوسف لـ«الشرق الأوسط» إن الحكومة السودانية هي المسؤولة عن تسليح الميليشيات التي تعمل معها في مناطق الحرب، وأضاف: «على الحكومة إيقاف تسليح الميليشيات وحلها ونزع السلاح منها، وهذه من سلطات الرئيس عمر البشير».

وأشار يوسف إلى أن ما يعرف بقوات «الدعم السريع» جرى تجهيزها بشكل كامل من أجل الحرب، وقال: إن «إحضار الحكومة لقوات الدعم السريع إلى الخرطوم يعني أن لديها معلومة أن جهة ما تريد مهاجمة العاصمة، وللمفارقة أن النظام يوميا يقول إنه دحر المتمردين. وبإدخال هذه القوات إلى الخرطوم يريد النظام أن يهاجم المواطنين إذا خرجوا في مظاهرات، مثل التي حدثت في سبتمبر (أيلول) وأكتوبر (تشرين الأول) الماضيين». وعد أن الحكومة تسعى لنقل الحرب إلى داخل العاصمة، مثلما هو حادث في سوريا، وقال: إن «سلاح هذه الميليشيات يجري توجيهه كل يوم نحو صدور الآمنين في دارفور وجنوب كردفان والنيل الأزرق، والآن الخرطوم». وجرى اعتقال الصادق المهدي، رئيس حزب الأمة المعارض، بسبب نقده لهذه القوات والجرائم التي ارتكبتها في دارفور وجنوب كردفان، وأصبح وجود هذه القوات في الخرطوم يواجه بسخط شعبي كبير.

وشدد يوسف على رفض الدخول في أي حوار مع الحزب الحاكم لا يؤدي إلى تفكيك النظام الحالي ويقود إلى التحول الديمقراطي، وقال: «لن نصبح كالكومبارس، نزين جلسات المؤتمر الوطني لكي يستمر في السلطة ويزيد من تدمير البلاد.. نحن في المعارضة نملك رؤية كاملة لحل الأزمة في البلاد، والتي تتطلب وقف الحرب وإلغاء القوانين المقيدة للحريات وإطلاق سراح المعتقلين. ومستعدون للتعاون وتقديم الحلول حولها»، مشيرا إلى أن موضوعات الحوار هي قضايا تلبي الحاجات الأساسية للإنسان السوداني وكيفية الحكم وطريقته وشكل الدولة.

وأوضح يوسف أن قيادات الجبهة الثورية التي تقود العمل المسلح متمسكة بالحل الشامل لإنهاء أزمات البلاد، وأنها تطالب بفتح المسارات لإدخال المساعدات الإنسانية للنازحين والمتأثرين في مناطق الحرب، وأن قيادات الجبهة الثورية هم الأكثر تمسكا بوقف الحرب، وهم مستعدون لوضع السلاح، لكن الحكومة هي التي ترفض وقف إطلاق النار ولا تريد تمرير الإغاثة. وأضاف أن «الحوار يحتاج إلى تهيئة المناخ، وهذه هي مطالب كل السودانيين، لكن البشير ونظامه لا يريدون تنفيذ مطالب الشعب ويسعون إلى حوار ناقص يعمل على استمرار النظام. وهذا لن ندخل فيه. واعتقال المهدي يؤكد عدم جدية النظام في موضوع الحوار، رغم أن حزب الأمة كان أكثر الأحزاب المعارضة التي ناضلت من أجل الحوار».

الشرق الاوسط


تعليقات 36 | إهداء 0 | زيارات 13483

التعليقات
#1023651 [زمبعوك]
0.00/5 (0 صوت)

06-03-2014 05:00 AM
كلُ يغني على ليلاه

والله ما عرفنا المزعوط منو ؟
لا حركات دارفور نافعة ولا جنجويد نافعين ولا جبهة ثورية ولا حكومة نافعة .. كل واحد فيهم بقول (واي) من التاني..
الدارفورين المساكين غاشنهم ناس عبد الواحد ومني وجبريل وغيرهم من زعماء الحركات بأسم التهميش ونحنا نجيب ليكم حقوقكم ... الحكومة تجي تقول ديل متمردين وتجي تتفاوض معاهم .. تدي الواحد منهم بيت وعربية وحرس وووو ...ودا كلو طبعاً على حساب الشعب .. يقوم الأهبل يبيع القضية ويبيع أهلو ويغشهم يقول ليهم أنا بقيت في نص الحكومة وحجيب ليكم حقكم والمساكين يصدقهو .. والحكومة تعصرو بي جاي يقوم تاني يرجع للغابة عشان يجي دور واحد تاني غيرو وهكذا .. المهم إنتي يا الحكومة قومي أزهجي من الموال دا وجيبي ناس (حميرتي)سليحيهم وأدعميهم وبرضو بأموال الشعب عشان يحاربو ليهم التمرد وتقوم العركة .. مجمجة شمال مجمجة يمين يموتو 10 من الحركات المسلحة وخمسة من الجنجويد وآآآآآآآلاف من المساكين يعني (ميتة وخراب ديار)... وشعاراتم لا لدنيا قد عملنا .. ودارفور بلدنا والمجمجة .. وكل واحد فيهم حاضن كاشاتو وقاعد ... التقول السودان دا قارة ما بلد عشان يتحكمو فينا مية وخمسين تيار ... والله كذابين كلكم وزول قلبو على البلد مافي ... ليهو الله ساي السودان دا ..ياخ غرزتو في الشعب حب نفسو ... خليتيهو ضايع بين تقاسمكم لي البلد .. كل زول فيكم شايف (نخرتو) أطول من التاني ... لمن بقيتو (تجم) الواحد فيهم يشيل صباعو يتبظ بيهو عينو وعينا نحنا معاهو ... ما عرفنا االمجاهد فيكم منو ... كل زول عايز يركب التاني ...لمن ضيعتو كل البلد معاكم.. ياخ حكومة السجم دي قسمت كل شي لا خلت أحزاب لا خلت حركات لا خلتنا نحن في بيتونا دي ..
الأحزاب في نفسها مقسمة حزب الأمة أصل وإصلاح والاتحادي الديمقراطي الاصل وواحد مسجل وواحد سوداني ياخ يسد نيتكم ... وإنتو يالحركات المسلحة في دارفور لو فرضنا فرض يعني إنو دارفور دي ما تبع السودان والعياذ بالله من فرض زي دا بس النقول كدي ... نظام كنتو حتتفقوا يعني ؟؟!! والله عجاجكم برضو يكون قايم للسما عاملين مليون حركة لي أقليم واحد وكل زول بحارب براهو التقول صف عيش ... ياخ اتوحدو مرة واحدة صادقين وخلونا من التحالفات الكذابة البتتزود بي إنسان دارفور البسيط .. أتوحدو في كيان دارفوري واحد وطالبو بي حق مهمشيمكم وأنتو على قلب رجل واحد مش تهمشوهم زيادة وتجدعوهم برا الصفحة كمان .. اتوحدو بعداك حتلقو روحكم مش بدافعو عن دارفور بس بدافعو عن كل السودان وحتلقو السودان كلو معاكم ... ماتخلو الحكومة تلطشكم في بعض ...
وإنتو يا الجنجويد يووووم تخلصوا مهمتكم الحكومية دي تزهج منكم تقصفكم قصف غرائب الإبل وتلبسوها أنتو يا الحركات المسلحة ... زي ما عملت مع صاحب الوفاق .. لمن هبش الحكومة استغلت مقالو بتاعي (كوفي) وحرضت عليهو تنظيم من تنظيمات دارفور بي عملية رخيصة فخلصت من الصحفي محمد طه وخلصت ليها من كم دارفوري بعملوا في تنظيم جديد ... ولاحظو أنو صاحب (الوفاق) كان من كوادرهم ..
أوعو يا ناس أوعو ... ما تخليكم عرايس للحكومة تلعبكم كل يوم بي خيط جديد...
أما أنتو يا ناس المعارضة أنطموا ساي معارضين على شنو أنتو كل حزب فيكم مدخل كراعوا في لباس الحكومة وبكورك لمو لسانكم دا عليكم ساي ... 25 سنة وجاين تحاورو ... ياخ دي هيثم مصطفى ما بعملا .. ياتو يوم كان إرادة الشعوب بتجي بالحوار ... إن ما جات قلع المتحزبين ليها شنو مفروض تتحزمو وترقصو عشرة بلدي ... تغشو الشعب المسكين دا وقاعدين في القاهرة وتعملو في العيد ميلادات .. والحكومة مسكتااااكم وماسكة كل حزب من بيضو .. قومو لفوا كدا ولا كدا ..
لا معارضة
ولا حركات مسلحة
ولا حكومة
كلهم وجع في قلب الشعب المسكين .. ليهو الله بس .. ليهو الله

[زمبعوك]

#1023536 [عصمتووف]
4.50/5 (2 صوت)

06-02-2014 10:43 PM
ثورة الافلاس والمفلسبن
ود ضحوية قال اكل حاره ما اضوق بارده

مرت 25 عام تطالبون النظام بالتسليم ليسلم مفاتيح البلد لكم و من سنن الحياة الفكر يواجة بالفكر والحديد بالحديد والسلاح بالسلاح هل تريدونها بارده والله لو اصحاب الغبينة الغاضبون والصامتون في انتظاركم وعشمهم لانقاذهم من ثورة الافلاس ستظل امانيهم وامنياتهم في مهب الريح

[عصمتووف]

#1023529 [Krkaab]
5.00/5 (1 صوت)

06-02-2014 10:26 PM
ياهو دا الكلام النحن زمان قولناه كل المليشيات مع الحكومة ولا ضد الحكومة وبذات الحركات المسلحه أنتم حاربتم النظام عشرات السنين ولم تفعلوا شيئا وكونتوا الحركات علي أساس عرقي وجعلتوا عدوكم الجلالبه وناس الشمال وحتي أنتم في بعضكم فيكم خيار وفقوس وتقسمتم الي 100 حركه نفس الأسلوب تعاملت به الحكومة واستغلت البسطاء وقالت ليهم لو ديل العنصرين استلموا البلد حيعدموا كل ناس الشمال فهمتوا الدرس ولا لا( أنتم والنظام فهمكم واحد )
أنا عندي طلب واحد وعارف انو مرفوض ولكن حا اطلبه

أنتم انضموا لينا نحن اللذين نرفض تكوين المليشيات

أنتم حاربتم عشرات السنين نحن عاوزين منكم سنه واحدة
نسلمكم البشير ماسكن من ..........

[Krkaab]

#1023515 [حمدالنيل ابورصاص]
0.00/5 (0 صوت)

06-02-2014 09:47 PM
والله نحن بقينا ما عارفين الصاح من الغلط
الحكومه وصلتنا مرحله خلتنا نفقد الثقه في كل من هب ودب ولا امل فيها بعد ما وصلت السودان مرحلة الصفر او ادني
والمعارضه حدث ولا حرج لا خير فيها خالص وقد تكون اسوا من النظام الحاكم علي كل حال نحن كرهنا حتي الي الاسوا بعدالدمار والتقسيم والفتنه العملوها في البلاد نسال الله العظيم ان يخلصنا منهم في اقرب وقت ويجعل تدميرهم في تدبيرهم هم واعوانهم
امييييييين

[حمدالنيل ابورصاص]

#1023511 [المنجلك]
0.00/5 (0 صوت)

06-02-2014 09:39 PM
نعم مربط الفرس في السلاح القومي ولكن كيف؟

1- أعادة هيكلة القوات المسلحة ودعمها
2- نزع أسلحة القبائل والمليشيات

يا معارضة ويا حكومة ما تغشو أنفسكم وتغشو الناس نحن في بداية الصوملة. بالأمس تحاربت المسيرية حتى في بعضها. وماذا تتوقعون كثر السلاح وجاعت البطون سيفترس بعضنا البعض لا محالة.

[المنجلك]

#1023485 [زول محتار]
0.00/5 (0 صوت)

06-02-2014 08:37 PM
الصوملة قادمة

[زول محتار]

#1023482 [عوضين]
0.00/5 (0 صوت)

06-02-2014 08:37 PM
يا صديق يوسف ، الحيكومات الزي (الإلغاز) دي ما بتمشي بالأماني والتصريحات
والبيانات البتطلقوها ليل نهار دي .
لا بمشوا ، لا بحاوروكم ، لا بحلوا المليشيات ، لا بفككوا نفسهم براهم ..
بالله شفتوا ليكم حزب شمولي سلّم السلطة قبل كدا من عندو باخوي واخوك كدا .. ملح يعني .. .. ما شفنا والله .
وقد قالها لكم أمين حسن عمر .
خلوكم واقعيين وعمليين ، تصريحك ده كم مرّه قلتوا وكم مره قالو ابوعيسى وكم سنه بترددوهو ؟؟؟
اصدروا بيانتكم الفارغة دي وخُتوا فيها شروطكم وبرضو شوية شمار ومرقه وما تنسوا الشطة كمان واقعدوا مربعين ايدينكم
وانتظروا الفرج !!!

[عوضين]

#1023478 [ابو طاقية]
4.00/5 (1 صوت)

06-02-2014 08:18 PM
المعارضة منتظرة ، حاجة تجي من السماء و تقلع ليهم النظام من السلطة !!!
والصادق المهدي عايز النظام ـ من عندو كدا ـ يقلع نفسو من السلطة ويسّلما بارده !!!

والشعب منتظر المعارضة وابوعيسى والصادق !!!

عيش يا حمار !!!

[ابو طاقية]

#1023425 [حد بيعرف احسن م الحكومه]
5.00/5 (1 صوت)

06-02-2014 07:10 PM
يا ناس المعارضة .."اوسعتم الحكومه شتما واودت هى بالأبل".. ما تهبّلو رقبتكم اكتر من كدا.. انتو اتفقو اولا على مرتكزات تجمع بينكم .. وخليكم من المؤطمر الشعبى وحلّوووا عن سماوات الحبيب الرمز ألأولادو ألأفنين جووّا النظام ولسّ كووولهم معانا فى الحوار .. " من يضحك اخيرا يضحك كثيرا"

[حد بيعرف احسن م الحكومه]

#1023386 [ود كترينا]
5.00/5 (1 صوت)

06-02-2014 06:10 PM
***...(...زى ماقلت ايكم...البلد دى نحن البلف فيها...نحن البنحل ونحن البنربط...مافى ود مرة بيفك لسانو فينا...ماقاعدين فى الضل ونحنا فازعين الحرابة...نقول أمسكو الصادق يمسكو الصادق...فكو الصادق يفكو الصادق...أى واحد تانى يعمل مجمجة ياهدى النقعة والذخيرة تورى وشها...مافى حكومة نحنا الحكومة...الحكومة لمن تسوى ليها جيش تجى تتكلم معانا...)...!!هيع...الهمباتة نحنا أصلنا معروفين...بلا حق الرجال ماعندنا تعيين...مابندنا ليهو...بنسوقو حمرة عين...وبي موت بي حياة لازم نرضى أم زين...هيع!!!أبشرن!!!

[ود كترينا]

#1023215 [علاء الدين أبومدين]
5.00/5 (2 صوت)

06-02-2014 03:43 PM
نعم لقوى الإجماع
نعم لتهيئة المناخ للحوار
نعم لحوار يفضي إلى تفكيك نظام الإسلامويين الفاشل

لا لتفرقة قوى المعارضة على أسس دينية وعرقية وجهوية
لا حوار بدون الاستجابة لطلبات قوى الإجماع
لا لحوار يبقي على حكومة الاستبداد والفساد الإسلاموية

[علاء الدين أبومدين]

#1023129 [nagatabuzaid]
4.50/5 (4 صوت)

06-02-2014 02:19 PM
ناس المعارضة ديل فايقين ورايقين ولانهم ما عايزين يعملوا حاجة وضعوا شرط يعتبر من المستحيلات الحكومة مكنكشة والمليشيات بكل مسمياتها هى سندهم فى الكنكشة وانتم يا معارضة عارفنهم لا يعتمدون على الله بل على المليشيات وما حيسرحوها لكن المليشيات حتنقلب عليهم ان شاء الله ونحن لاننا متوكلين على الله لن نفتر من رفع ايدينا لله سبحانه ان يزيلهم وخليكم انتوا فى اجتماعاتكم ومحاوراتكم التى تعنى اعترافكم بنظام الخرابيط الشخابيطى الحرامى المجرم

[nagatabuzaid]

#1023121 [ِAburishA]
5.00/5 (1 صوت)

06-02-2014 02:09 PM
** ان سحر الجنجويد عاجلا ام آجلا..سينقلب على الساحر (النظام).. ان ما حدث ويحدث في دارفور ومناطق الصراعات..من قتل وسلب واغتصاب..سيحدث في قلب الخرطوم نهارا جهارا..عيانا بيانا..من لا يعرف طبع وطبيعة الجنجويد أرجو ان لا يغالط... فليس من رأي كمن سمع..
**ان خباثة النظام وحماقتة وحقده يسعى في حالة سقوطه او اسقاطه الى تدمير ما بقي من السودان حتى لا يهنأ ولا يهدأ أي نظام آت..ان استراتيجية الكيزان الشيطانية مبنية على.. سهر الجداد ولا نومه.. وكفى!!

[ِAburishA]

#1023112 [Salah E l Hassan]
0.00/5 (0 صوت)

06-02-2014 02:03 PM
اذا ح نقعد نتابع كلام الصادق المهدى و نعامة المك وتك و المصطلحات السخيفة بتاعتو دى والله الناس ح يقعدو مائة سنة ..ّّ!!!!!

[Salah E l Hassan]

#1023111 [بوالحسن الشايقي]
5.00/5 (1 صوت)

06-02-2014 02:03 PM
ياقوم مالكم كيف تحكمون الانقاذ هذه لن تسقط بحوار وهم قالوها من اراد السلطه عليه بحمل السلاح والتجارب اثبتت علي مدار سنين الانقاذ فشل اي حوار او اتفاق جري مع هؤلاء المخادعين والانقاذ لن تسقط الا بثوره مدعومه بالسلاح وان كانت الانقاذ صادقه في الحوار الذي تدعو اليه لماذا لا توافق علي تفكيك الانقاذ وتقبل بحكومه قوميه تشرف علي انتخابات نظيفه ولماذا تقدم المعارضه طوق نجاه للانقاذ وهي قاب قوسين او ادني من السقوط وكل اسباب سقوطها اكتملت داخليا واقليميا ودوليا حوارهم الذي يدعون اليه يرجون منه تجاوز المرحله التي يمرون بها وان كانت الانقاذ صادقه فعليها القبول بتفكيك نظامها ومليشياتها ليتركوا لشعب السودان الحريه الكامله في اختيار من يحكمونه ويردون اليه حقوقه التي سلبت والجرائم التي ارتكبت والمال الذي نهب علي مدار سنوات الانقاذ ليفتح شعبنا بعد ذلك صفحه بيضاء مع الجميع والكلمه الاولي والاخيره هي لشعبنا الصابر العظيم وشعبنا يحتاج لقياده ذات شكيمه
ا

[بوالحسن الشايقي]

#1023096 [radona]
1.00/5 (1 صوت)

06-02-2014 01:54 PM
وللشعب السوداني كلمة حول ذلك
ان يتزامن حل ميلشيات النظام مع تسليم الحركات المتمردة سلاحها لتنرط كاحزاب سياسية تمارس نشاطها اسوة بالاخرين وحتى يكون الوصول الى السلطة عن طريق الديمقراطية فقط بصندوق الانتخابات وليس سواه
لانه ليس مقبولا ان يحتفظ الحزب الحاكم بالسلطة عن طريق الميليشيات
وغير مثبول ايضا تجريد ميلشيات النظام السلاح ويبقى السلاح في يد المتمردين لانه بذلك لم نفعل شئ ولم نغير شئ ولم يتغير شئ
مطلوب حل ميليشيات النظام ومطلوب تسليم المتمردين اسلحتهم ايضا
وبعدم ذلك سيحتدم السلاح حزل السلطة الماسك يابى الفكاك والبقية تتاجر بالحرب والامن والتنمية من اجل الوصول للسلطة وصولا للمال العام مما يعد ارضا خصبة للفساد

[radona]

#1023088 [البركان]
5.00/5 (1 صوت)

06-02-2014 01:44 PM
قبل ما يحل المليشيات و الزمر الارهابية الاخري عليهم ان يمحو العار الذي صنعوه باياديهم المتوضئة بدماء شعبهم , هذا العار هو تنازلهم غير المشروط و المذل عن حلايب و شلاتين ثمنا لسكوت المصريين و عدم تحريكهم لمف محاولة اغتيال حسني مبارك و المتورط فيها كبار قادة الانقاذ من علي عثمان و نافع علي نافع و من ضمنهم المرشح الحالي لتولي سفارة السودان بمصر عبدالمحمود و اخرين يعلمهم جهاز الامن المصري.عليهم قبل فوات الاوان من حشد كل هذه المليشيات التي يرهبون بها شعبهم و شركائهم في الوطن وان يوجهوها الي المحتل علي ان يتقدمهم الذين ملؤا الارض ضجيجا و صموا اذاننا بالجهاد في سبيل الله و في سبيل الارض و العرض.
السيسي الان رئيس مصر المنتخب و اول مهامه الملف الامني و في مقدمته الملف السوداني: لن يتنازل عن حلايب و شلاتين بل سوف يضم اراضي اخري الي حين تسليم الاسلاميين المصريين المطلوبين للعدالة و الموجودين بالخرطوم تحت حماية نظام الانقاذ ارهابي و الذي انكر صلته بالتنظيم الدولي للاخوان المسلمين رغم الزيارات المكوكية القطرية و التحالفات الاستراتيجية مع نظرائهم في المحيط الاقليمي و الدولي , السيسي لن يهدأ له بال و لن يعرف النوم الا بعد اقتلاع الارهاب من جزوره في السودان و جلب مدبري محاولة الاغتيال الي العدالة الناجزة المصرية و يا ويلكم من الجاييكم.

[البركان]

#1023056 [Mohamed]
5.00/5 (1 صوت)

06-02-2014 12:58 PM
المادة مثيرة للاهتمام للغاية. شكرا.image

[Mohamed]

#1023050 [انا]
0.00/5 (0 صوت)

06-02-2014 12:50 PM
والله كلام يوسف عين العقل توحيد المعارضة بشقيها السلمي وحامل السلاح لهدف استراتيجي وهو تفكيك الانقاذ وإقامة نظام جديد يلبي كافة تطلعات ابناء الوطن ده الحل وماممكن يتم بالعنتريات وكمان الأخ التحت تحديدا ذكر النموذج السوري والليبي؟؟!! عليك الله ديل نموذجين يحتذى بهم؟؟؟ ديل بالضبط للتخويف مما سيحصل لو حملنا السلاح!!! الامام الصادق المهدي بتكلم معاكم من 2004 انو في اكثر من 50 فصيل مسلح وانو ده خطير جدا على الامن في البلد ولازم تحل كل هذه المليشيات ولازم العمل على قومية القوات المسلحة و و و قلتوا شنو؟؟؟ ابو كلام!!! اها حسي ما قاعدين ترددوا في نفسسسس الكلام بي ضبانته!!؟ هو ابو رؤية وتحليل صائب مبني على المعطيات لذلك ينبئك كما لو رأي ولكننا لا نسمع النصح للاسف!! ويجوا معلقين كمان غالبا جداد يكاكي بانه الثالوث الخطر الميرغني والترابي والصادق!!! ياخي افتح عقلك ده شوية وسيب ترديد حجج الامنجية الفاشلين العاوزة تنزع الأمل من قلوب الناس بتشويه صورة قياداتها وتاريخها حتي نصير امة منهزمة يسهل قيادها!!! بعدين الواحد احسن يقول الحق ولو على نفسه شن جاب الامام للباقين الذكرتهم؟؟؟ يعني الواحد محبط عاوز يحبط باقي الخلق من الصباح، طيب ح تثوروا كيف وانو لاعنين خاش اييي زول؟؟ بدل تعليق الخيابة وقلة الحيلة على شماعة الغير اخير الواحد يبدا التغيير والثورة بنفسه ويخلي فلان فشلنا وعلتكان مرضنا والتاريخ قاااعد بيكتب وبيسجل لما الصادق المهدي في السجن بسبب قول الحق المفروض كلنا نقوله لو عندنا وطنية او شجاعة ونحنا ضاربين الترطيب

[انا]

#1023034 [شاهد اثبات]
5.00/5 (4 صوت)

06-02-2014 12:38 PM
مجموعة من العلماء و ضعوا 5 قرود في قفص واحد و في وسط القفص يوجد سلم و في أعلى السلم هناك بعض الموز
في كل مرة يطلع أحد القرود لأخذ الموز يرش العلماء باقي القرود بالماء البارد
بعد فترة بسيطة أصبح كل قرد يطلع لأخذ الموز, يقوم الباقين بمنعه
و ضربه حتى لا يرشون بالماء البارد

بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب
بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد

فأول شيء يقوم به القرد الجديد أنه يصعد السلم ليأخذ الموز
ولكن فورا الأربعة الباقين يضربونه و يجبرونه على النزول..
بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب
قام العلماء أيضا بتبديل أحد القرود القدامى بقرد جديد
و حل به ما حل بالقرد البديل الأول حتى أن القرد البديل الأول شارك زملائه بالضرب و هو لا يدري لماذا يضرب
و هكذا حتى تم تبديل جميع القرود الخمسة الأوائل بقرود جديدة
حتى صار في القفص خمسة قرود لم يرش عليهم ماء بارد أبدا
و مع ذلك يضربون أي قرد تسول له نفسه صعود السلم بدون أن يعرفوا ما السبب
لو فرضنا .. و سألنا القرود لماذا يضربون القرد الذي يصعد السلم؟
أكيد سيكون الجواب : لا ندري ولكن وجدنا آباءنا وأجدادنا هكذا
عملياً هذا ما نطبقه نحن في أعمالنا وحياتنا اليومية
نبقى في الروتين خوفاً من التغيير !!!!

[شاهد اثبات]

ردود على شاهد اثبات
[حقاني] 06-03-2014 08:37 AM
ب

[Abu Hawa] 06-02-2014 02:50 PM
هاهاهاهاهاهااااي
والله انت رهيب


#1022968 [أبو كلام]
5.00/5 (1 صوت)

06-02-2014 11:58 AM
ورطة كبيرة للحكومة في دخول الجنجويد القتلة إلي عاصمة البلاد؟؟؟؟؟

[أبو كلام]

#1022966 [الفاتح]
5.00/5 (2 صوت)

06-02-2014 11:56 AM
ما قام به النظام مؤخرا من نشر قوات الدعم السريع ( الجنجويد ) ليس له معني غير أنه تهديد واضح وصريح لكل من يريد معارضة النظام !!! وهذا شيئ مخجل للغايه من قبل النظام والذي فقد الآن كل شيئ وهذه آخر أوراقه يرمي بها في وجه الشعب السوداني الذي لا يقبل التهديد وأكيد مهما تشبث هذا النظام بالسلطة فإنها زايلة مهما طال أمدها .
مواطني شمال كردفان تأذوا كثيرا من هذه القوات الهمجية ولكنهم تصدوا لها إلي أن غادرت أراضيهم وإني أرى أن هذا الأمر ليس عصي على سكان العاصمة

[الفاتح]

ردود على الفاتح
United States [اللحوي] 06-02-2014 08:29 PM
دي خوفة ساكت .... بكرة نسمع بإستيراد قوات من الصين لحماية أنابيب البترول.


#1022963 [abuzar]
5.00/5 (1 صوت)

06-02-2014 11:54 AM
لايوجد حل الا استخدام القوة القوة القوة فقط ودا الكلام الحايقتنع بيه كل الناس ان طال الزمن او قصر لن يسلموا لكم رقابهم لتحاكموهم وهم مدعومون من التنظيم العالمي اذا بدات المعارك سوف تجدون من يساندكم بالمال والرجال. اولا واخيرا اعتماد كامل علي ابناء الوطن اكنسواالاستعمار ووكلاؤة اتحدوا مع الجبهة الثورية والحركة الشعبية قطاع الشمال لاستعادة الوطن نظيفا ثم غنوا اليوم نرفع راية استقلالنا
مهما كانت التضحيات فنحن لسنا اقل من الليبيين او السوريين بل بالعكس الشعب كله متحد ولكنه لايجد الوعاء وعليه ان يجعل قلبه قلب رجل واحد والله سوف يفرون كما تفر العير وسوف نسترجع كل الحقوق المسلوبة والمنهوبة وسوف تطير رؤوس الخونة والعملاء والمدعيين يومها سوف يتحرر الشعب من زل الاسترقاق وحدوالهدف فسوف يجاهد معكم الناس بالمال والرجال ولانامت اعين الجبناء والمخذلين

[abuzar]

#1022961 [jas]
4.00/5 (1 صوت)

06-02-2014 11:53 AM
ماذا تعني كلمة المعارضة في السودان

[jas]

#1022900 [حسن - الخليج]
4.50/5 (2 صوت)

06-02-2014 11:02 AM
طيب و كمان تسلم ليكم الحكومة ناس نايمة و الواحد من يصحى من النوم و يوقوم يقول ليهم كلام دة و خلاص قال تحل المليشيات و كلامك الفارغ دة انتظر ليكم كمان 25 سنه تانية علشان دة يحصل اطلب المعقول علشان الناس تعرف انك عاقل

[حسن - الخليج]

ردود على حسن - الخليج
United States [Abushazalia] 06-02-2014 11:44 AM
نحييك ولكن انت انت فهمت الكلام الركيك دة اولا حتى ترد انا ما فهمت
وهل هم بينوا للناس كيف يساهموا في حل مشكلة السودان هل بالشحدة وفتح المسارات لتمرير الاغاثات ... ما عندهم اي برنامج بس خالف تذكر
صديق يوسف بقول نحن نسقط النظام وبطالب النظام نفسه بحل المليشيات دة يبقى كيف يعني والله حكاية


#1022884 [زول وطني غيور]
5.00/5 (3 صوت)

06-02-2014 10:53 AM
لا للمليشيات لا لفوضى السلاح ، نعم للقوات المسلحة السودانية المؤسسة الوطنية القومية التي لا تعرف العنصرية ولا المحسوبية .عاشت المعارضة الوطنية السودانية وعاشت قوى الإجماع الوطني...

[زول وطني غيور]

#1022864 [abe27633]
0.00/5 (0 صوت)

06-02-2014 10:39 AM
؟

[abe27633]

#1022833 [abusami]
5.00/5 (3 صوت)

06-02-2014 10:12 AM
النظام الآن أصبح في قبضة الجنجويد وهو لا يملك الشجاعة ولا القدرة لتفكيك هذه المليشيات حتى لو أراد ذلك وإقتنع به لسبب بسيط هو أنه بدونها سيصبح مكشوف الظهر تماماً وفي اللحظة التي يقرر فيها تفكيك هذه المليشيات ستنقلب عليه وهو يدرك هذا الأمر تماماً .. وقد أتي بهذه القوات للعاصمة بعد دراسة طويلة ودقيقة وهي آخر محاولة للمحافظة على إستمرار النظام بعد إستنفاد كل الفرص والوسائل ... التسويه كريت تلقاه في جلدها

[abusami]

ردود على abusami
European Union [اللحوي] 06-02-2014 08:37 PM
وقد أتي بهذه القوات للعاصمة بعد دراسة طويلة ودقيقة

الدراسة دي عملها زرقاء اليمامة ولا نافع ولا على المكار ... حكومة الإنتقام دي من ما جات لاتوجد لديها دراسة دقيقة في أي حاجة تعملها .... كل شىء تقوم به مرتجل وبدون تفكير ولهذا السبب كل مشاريعها فشلت وكل وزراءها فاشلين ...


#1022830 [ادروب الهداب]
5.00/5 (1 صوت)

06-02-2014 10:11 AM
هذه الشرذمة عارفه ما فعلته بالبلاد والعباد وتفكيك الجيش والفساد الخ...
فهي امام خيار واحد فقط (انا او الطوفان) فلذلك ارجوكم لا تفكروا مطلقا
بانهم يستسلموا فلذلك ليس هنالك حل الا المواجهة بالقوة.

[ادروب الهداب]

#1022818 [صوت العقل]
4.50/5 (2 صوت)

06-02-2014 10:04 AM
احلو الدعم السرع كيف انتو مجانين بعد الدرش

[صوت العقل]

#1022784 [mabba ashoni]
5.00/5 (2 صوت)

06-02-2014 09:36 AM
كلام رجال, وهذا الذي سنظل نردده حتى تمتلئ قلوب السودانيين الاخرين بالدماء. لا ادري الي متي سيظل الشعب السوداني في لعبة (توم و جيري) ولا بد من ان يكون هناك وعي بعدم جدية الثالوث الخطير علي الشعب وهو الميرغني, الترابي والصادق المهدي, كلهم لا قواعدلهم فهم مثلهم مثل عمر بشير يعملون عل كسب الزمن في محاولات يائسه لايجاد موطئ قدم يساهم في زيادة شعبيتهم التي يزتنزفونها كل يوم, فما هو رد الذين يلقون بانفسهم الي التهلكه بالتمسك بالمظاهرات السلميه وخاصة بعد تطويق العاصمه المثلثه بقوات الجنجويد هذه الفئه المعروفه بالاجرام النهب والسرقات المتنوعه واغتصاب النساء والاطفال, انهم الان ينتظرون على احر من الجمر قيام المظاهرات السلميه لاجل القيام بهوايتم المفضله في النهب والسرقه والاغتصاب وان الخرطوم تمتلئ عن اخرها بما يسيل لها لعابهم. وحينها كيف تواجهون هؤلاء القتله المدججون بكل جديد اتت به ترسانات الاسلحه في روسيا والصين والا تكونون كمن يرمي بنفسه الي النار وهذا ما يعرف بالانتحار وله مآلات اخرى غير محببه.
من ناحيه اخرى نطالب الجبهه الثوريه باتخاذ اللازم والتنسيق التام مع كافة قطاعات الشعب الموثوقه وتهيئة مراكز التدريب لاستقبال المقاتلين الشرفاء من ابناء الشعب السوداني. ولتوفير المزيد من الغذاء وتامينه نطالب الجبهه الثوريه والمعارضه السودانيه بدراسة توفير الدعم لمعسكرات التدريب عن طريق جمع التبرعات النقديه والعينيه وفتح حسابات يتم التحويل اليها من الداخل والخارج واعتقد انه من الممكن استثمار الحالات الرهنه من اعتقال المهدي ومحاكمة الدكتوره مريم عالميا لتصعيد القضيه.

[mabba ashoni]

#1022732 [شاهد اثبات]
0.00/5 (0 صوت)

06-02-2014 08:47 AM
ب

[شاهد اثبات]

#1022719 [Salah E l Hassan]
4.57/5 (5 صوت)

06-02-2014 08:33 AM
لن يفكك النظام مليشياته .!
لن يترك لكم كرسى السلطة كما يقولوا الا بصندوق انتخابات .؟
لن يسمح لكم بمحاكمة من سرقوا او قتلوا .؟
القوات المسلحة لا تملك طلقة ذخيرة واحدة يعنى جيش ديكور .!!!
الحل هو الثورة المسلحة يعنى النموزج السورى واليبى .!!
فى رجال ولا مافى رجال .؟اذا ارواحكم غالية و عزيزة اسكتو ساكت ...

[Salah E l Hassan]

ردود على Salah E l Hassan
United States [فركتو] 06-02-2014 11:15 AM
دى الكلام الصاح لازم نمر بالتجربة الصومالية حتى ينصلح حال البلاد وحتى نصنع
وطن بدون تمييز

United States [فاروق بشير] 06-02-2014 11:11 AM
ترتيب ادوار. يوجد سلاح وسلاح مضاد:-سلاح المليشيا ووحدات وافراد من القوات المسلحة.اما
السلاح المضاد يتكون من الجبهة الثورية ووحدات وافراد ومعاشيين ومفصولين من القوات المسلحة.
المليشا سياسيا يساندها ويصنعها المؤتمر الوطني.
فى الجانب الاخر وللتوازن بل للتفوق لابد من تنظيم قيادة المعارضة السلمية وتشمل القيادات السياسية للجبهة الثورية
والمعارضة السياسية رافضة الحوار او التى تدخله لفرض الديمقراطية.
هكذا يبدو ان جانب العمل المسلح اقرب للتحقق من تكملة بناء القيادة السياسية. فاضافة عضوية سياسية بدماء جديدة اصعب لان عيون الامن فى المدن ترصده ابدا.
ان الخراب الشديد هو الذى يرجح المعالجة العسكرية للازمة نموذج حفتر والسيسي, ولكن هذا سئ لذا ارى الحاجة لجهود تحفظ توازن السلمي والعسكرى.

United States [ود أمدرمان] 06-02-2014 10:17 AM
الله ينور عليك يا أبو صلاح قلت المختصر المفيد ، المعارضة حقو لو عندها كلام فالشعب عاوز أفعال و ليس أقوال والنظام الفاسد الحالي لن يسلم السلطة ولا حتى عن طريق الانتخابات ، الحل في العمل العسكري و الاغتيالات السياسية ولنبدأ بولاة الولايات وقادة المليشيات وصدقوني لن تجد منهم شخص في الخرطوم فقد اغتالوا هم الشعب السوداني على مدى 25 عاما و مازالوا

[جركان فاضى] 06-02-2014 09:55 AM
تعرف يا صلاح يا حبيبى ان كلامك البتقول فيه دا كلام شامل وكامل ومليان....ومهما كتبت الصحف...ومهما اجتمعت المعارضة مع النظام بغرض الحوار ...ومهما حلل المحللون,...ومهما تفلسف المتفلسفون....لن يجدوا رأيا صوابا اكثر مما تقول...لك التحية والتقدير

United States [mabba ashoni] 06-02-2014 09:32 AM
كلام رجال, وهذا الذي سنظل نردده حتى تمتلئ قلوب السودانيين الاخرين بالدماء. لا ادري الي متي سيظل الشعب السوداني في لعبة (توم و جيري) ولا بد من ان يكون هناك وعي بعدم جدية الثالوث الخطير علي الشعب وهو الميرغني, الترابي والصادق المهدي, كلهم لا قواعدلهم فهم مثلهم مثل عمر بشير يعملون عل كسب الزمن في محاولات يائسه لايجاد موطئ قدم يساهم في زيادة شعبيتهم التي يزتنزفونها كل يوم, فما هو رد الذين يلقون بانفسهم الي التهلكه بالتمسك بالمظاهرات السلميه وخاصة بعد تطويق العاصمه المثلثه بقوات الجنجويد هذه الفئه المعروفه بالاجرام النهب والسرقات المتنوعه واغتصاب النساء والاطفال, انهم الان ينتظرون على احر من الجمر قيام المظاهرات السلميه لاجل القيام بهوايتم المفضله في النهب والسرقه والاغتصاب وان الخرطوم تمتلئ عن اخرها بما يسيل لها لعابهم. وحينها كيف تواجهون هؤلاء القتله المدججون بكل جديد اتت به ترسانات الاسلحه في روسيا والصين والا تكونون كمن يرمي بنفسه الي النار وهذا ما يعرف بالانتحار وله مآلات اخرى غير محببه.
من ناحيه اخرى نطالب الجبهه الثوريه باتخاذ اللازم والتنسيق التام مع كافة قطاعات الشعب الموثوقه وتهيئة مراكز التدريب لاستقبال المقاتلين الشرفاء من ابناء الشعب السوداني. ولتوفير المزيد من الغذاء وتامينه نطالب الجبهه الثوريه والمعارضه السودانيه بدراسة توفير الدعم لمعسكرات التدريب عن طريق جمع التبرعات النقديه والعينيه وفتح حسابات يتم التحويل اليها من الداخل والخارج واعتقد انه من الممكن استثمار الحالات الرهنه من اعتقال المهدي ومحاكمة الدكتوره مريم عالميا لتصعيد القضيه.

Hong Kong [tankNZ] 06-02-2014 08:54 AM
؟


#1022718 [صائد الجرذان الاسلاميه]
3.75/5 (4 صوت)

06-02-2014 08:32 AM
إنتو أغبياء ...لأنو الناس ديل جهزو ليكم من رباط الخيل ما استطاعو (زى اخوات تش تش واخوان العجل محمد نافع والواد حميرT مع فرقته البغاليه إضافة للبعاتى اسحق 0اها انتو منتظرين شنو؟لايرهبهم الا الكلاش توكلو على الله وابتدأو الدواس داخل الخرطوم فى دول كتيره حتساعدكم

[صائد الجرذان الاسلاميه]

#1022715 [المتجهجه بسبب الانفصال]
4.13/5 (4 صوت)

06-02-2014 08:29 AM
هذا الموضوع من الصعب تنفيذ الحكومة له لأنه يكشف ظهرها،، فالحكومة أصرت اصرارا والحت الحاحا ولا زالت تصر وتلح فهي ملحة ومصرة في هدم الجيش واقامته على قواعد جنجويدية لاحقة منذ 1989، فالحكومة تعلم أن الجيش المؤسساتي أكبر خطر على وجودها ولو كان الجيش في عافيته التي كان عليها قبل 1989 على الاقل لما بقيت الانقاذ ولخرج من الـ 2 الف ضابط وضابط صف المفصولين من يقلب الحكومة كما قلبتها الجبهة الاسلاموية بقيادة عمر البشير للقصر رئيسا والترابي للسجن حبيسا،،، أضف الى ذلك جيش جهاز الامن الذي تتبع له القوات الجنجويدية وغيرها من المنتسبين للجهاز في الخدمة المدنية والصحافة والقضاء والمؤسسات الحكومية من غير لابسي الميري،، إن الوضع جد صعب يا علي وهو أشبه بالحالة التي أدت الى دخول الاتراك السودان والمليشيات الحالية حكومية وغير حكومية أشبه بالسلطنات التي كانت متصارعة سنار والمسبعات ودارفور وعلوة ،،، والغريب في الموضوع أن نصف الشعب في مغبي ومدهوش بتلاثة كباري وسد قدونا بيهم قد ولا يدرون أن ذلك تم على خصم كبير في الاخلاق والسلام الاجتماعي وادارة التعدد،، وقد سمعت أمس في تلفزيون السودان استطلاع حول ترشح السيد تاتي لولاية ثالثة وقبول الناس لذلك وقد أيدت العينة التي جرى استطلاعها تأييدهم للبشير لولاية ثالثة بل ذهب احدهم وهو يرتدي عمة كبية الى القول ان هذه البلد لن تستقر الا اذا استمر البشير في الحكم ولا أدري ما اذا كانت العمة التي يرتديها هذا الرجل توتل أم دبلان لفحص ما اذا كانت هذه الانواع من الاقمشة تؤثر في الدماغ ارتجالياً،،،

[المتجهجه بسبب الانفصال]

ردود على المتجهجه بسبب الانفصال
[malik] 06-02-2014 08:28 PM
ازا قضب الله على قوم صلت لهم ......البشير وعصابته قضب الهى من عند الله وعلى الشعب التوبه الى الله اولا حتى يظهر الحاكم العادل

United States [nagatabuzaid] 06-02-2014 02:12 PM
العينة التى تم استطلاعها منهم وفيهم تلفزيون السودان لا يمكن يعمل لقاءات مع عينات عشوائية ديل مجهزنهم ومحفظنهم

European Union [ودالنيل تمساح] 06-02-2014 10:09 AM
المتجهجهة ازيك
كنت عايز اعلق لكن لمن قريت تعليقك كلامى طار منى
تسلم اناملك
تعليقك راقى جدا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة