الأخبار
أخبار إقليمية
الصحة تطعن في قانونية بيع مصنع حجار للسجائر
الصحة تطعن في قانونية بيع مصنع حجار للسجائر



06-02-2014 11:30 AM


الخرطوم: ندى رمضان
طعنت وزارة الصحة الاتحادية في قانونية بيع مصنع حجار للسجائر لمستثمرين أجانب، وقال مدير إدارة تعزيز الصحة الاتحادية د. مصعب برير إن الوزارة طالبت بإيقاف صفقة بيع مصنع حجار باعتباره مخالفاً لقانون التبغ للعام 2012م سيما وأنه منع بيع المصانع والتصديق بفتح مصانع جديدة. وقال برير في مؤتمر صحفي إن السودانين يحرقون (5) مليارات من الجنيهات لشراء السجائر، وهو ما يوازي دعم السلع الاستهلاكية.

الجريدة


تعليقات 8 | إهداء 0 | زيارات 5622

التعليقات
#1023508 [murtada eltom]
0.00/5 (0 صوت)

06-02-2014 09:30 PM
Very strange ...Somebody like Annis Hagar,,So degnified...so respectable ,,and so sonobel wish to sell his properties and quit ..what is wrong in that unless kaizan looking to swallow the victim before the deal is finished

[murtada eltom]

#1023188 [azamaedouma]
5.00/5 (1 صوت)

06-02-2014 03:25 PM
السجاير هين البمنع الحاويات عابرة القارات يعملو ليها شنو؟

[azamaedouma]

#1023124 [قرد الطلح]
5.00/5 (1 صوت)

06-02-2014 02:13 PM
القصة من الاول اسرة حجار باعت المصنع لمجموعة jti العالمية بمبلغ 450 مليون دولار الحكومة خاته عينها على هذا المبلغ وكلام دة طول وهم حسب علمى بداو تصفيلة اعمالهم فى السودان لان السيد انيس حجار وهو رجل كريم جداجدا وعطوف ويندر وجود رجل اعمال مثلة ما يقول لى كرور البرير والوالى ةبقية الشرزمة المعروفة فى السودان السيد انيس عمل نقل كلى فى لندن وهم يمتكلون عقارات هناك ويحتاج الى رعاية طبية مكثفة تم البيع لعدم التفرغ وغيرهم كثار من رجال اعمال نقلو اعمالهم للخارج ومصنع حجار يدفع ضرائب مليار ج شهريا للحكومة والان شركة jti المشترى الجديد يواجه بمشاكل مع ناس الانغاذ

[قرد الطلح]

#1023123 [الراصد]
3.00/5 (1 صوت)

06-02-2014 02:12 PM
الحكومة تتعامل بصورة خاطئة مع السجائر كمنتج وسلعة...فالتدخين شر يستوطن العالم ولابد منه...ومحاربتة تتطلب سياسات توعوية وتثقيفية ترجي نتائجهاعلي المدي الطويل بلا تعجل...الا ان محاربة الدولة للتبغ ومنتجاتة برؤية قاصرة تتلخص في زيادة اسعاره والضرائب علي منتجاته تضعف من الانتاج المحلي...وبالتالي اعاقة استفادة القوي المحلية العاملة في دورة انتاجه وتسويقه واستبدالها بسلع مهربة تتدفق عائداتها الي مهربين ونفعيين يديرون نشاطهم خارج اطار الرقابة الصحية للدولة ومظلتها الضريبية...لا نستثني منهم نافذين في الدولة فضلوا مصالحهم الخاصة علي مصالح الدولة العليا...

[الراصد]

#1023041 [جلد الفيل]
5.00/5 (3 صوت)

06-02-2014 12:42 PM
السجاير ضار بالصحة ما في ذلك شك .. ولكن الشك الحقيقي في أهداف الجماعة ديل من الضغط على حجار .. يعني هم لو منعوا السجاير كله كله كان معليش نقول .. يعني لا مستورد ولا محلي ... ولكن أن يتم الضغط على آل حجار وحدهم والمستورد مالي السوق وكذلك العماري فهذا هو محل الشك الكبير .. الجماعة ديل مما عرفناهم ما قاعدين يسووا حاجة لله وفي الله أبدا أبدا.. بعني تصدقوا يا ناس إنهم فعلا حريصين على صحة المواطن؟ وانه هذا هو الدافع لهم لاصدار مثل هذا القرار؟ اللهم إلا إذا كان أصابهم الجنون .. كل أعمالهم وقراراتهم ضد المواطن .. من بتين بقى المواطن الغلبان ده محل عنايتهم ورعايتهم؟ الأغلب إنو يكون الهدف تفليس ناس حجار لمصلحة آخرين مسنودين جوة النظام .. في الدول المتحضرة لو الدولة أصدرت قانون بتتحمل تكلفته يعني ما في قانون بيتطبق بأثر رجعي .. الدولة في يوم من الأيام صدقت لناس حجار بمصنع سيجاير وبتاخد منهم ضرايب بمئات الملايين ... إذا دايره تقفلهم أقل حاجة تديهم فترة سماح كافية للتخلص منه بالبيع في الخارج أو تتحمل هي جزء كبير من الخسارة .. ممتلكات المواطنين مسئولية الدولة ..في بريطانيا لمن ظهر جنون البقر .. أبادوا كل البقر "المشتبه فيه" ولكن عوضوا أصحابه لدرجة أن بريطانيا استعانت بالاتحاد الأوروبي ليساهم في التعويضات لأنها كانت كبيرة جدا .. ناس حجار أسرة محترمة ولهم أعمال انسانية كبيرة في السودان .. ولكن أظنهم أبوا يدخلوا المؤتمر الوطني وما بيدفعوا كويس للجماعة ... يا خي هو في الدنيا دي كله هل يوجد وزير صحة عنده مستشفيات وكليات طب خاصة .. طيب دا مصلحته شنو في إنه يهتم بالمستشفيات والكليات العامة .. لمن عملوه مدير الجامعة .. عمل دراسة الطب في الخرطوم بالعربي وفي كليته الخاصة بالإنجليزي لأنه الدراسة بالانجليزي مقيمة أكتر في المجال .. طيب لو ارتكبت مستشفياته وكلياته دي أخطاء أو مخالفات كيف يحاسبها وهو سيدها ؟

[جلد الفيل]

ردود على جلد الفيل
United States [ماجد] 06-02-2014 04:45 PM
. ناس حجار أسرة محترمة ولهم أعمال انسانية كبيرة في السودان ...صدقت والله ياخي ...سنة 2003م انا طالب في هندسة الخرطوم دفعو لي رسوم الجامعة لحد ما اتخرجت وما بعرف فيهم اي زول ولا حتي زول شغال في المصنع ..ربنا يوفقهم ويكفيهم شر الكيزان...

European Union [kandimr] 06-02-2014 01:36 PM
متى يحوز..هذا النرجسى.. المافون حميضة.. لآخر شهادة له فى الحياة..لصحة الجميع..أو كما يقولها المصريون بفتكره ربنا ..كما جميع الهؤلاء..نحن رفاق الشهداء..الصابرون نحن..


#1023001 [حسكنيت]
0.00/5 (0 صوت)

06-02-2014 12:19 PM
نحنا ذاتنا بقينا سلعة إستهلاكية

[حسكنيت]

#1022985 [جنوبي]
5.00/5 (1 صوت)

06-02-2014 12:10 PM
يعني انا لو بطلت السجاير داير اجي اديكم قروش السجاير تدعموا بيها السلع الاستهلاكية !؟
اما يا برير لو قاصد انكم بتدوا مصانع التبغ الدولار بالسعر الرسمي تبقي طامه !!

[جنوبي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة