الأخبار
منوعات سودانية
طعن دستوري يوقف تنفيذ إعدام نظامي
طعن دستوري يوقف تنفيذ إعدام نظامي



06-02-2014 10:36 PM
الخرطوم – سماح عثمان

أوقف طعن دستوري تنفيذ عقوبة الإعدام شنقاً حتى الموت قصاصاً بحق النظامي قاتل مطلقته وشقيقها رمياً برصاص بندقية كلاشنكوف عقب كسبها لقضية حضانة طفلتها داخل منزلهم بضاحية الكلاكلة جنوب الخرطوم، وتقدم محامي الدفاع عن المتهم بطعن للمحكمة الدستورية بعد تأييد الإدانة والعقوبة الموقعة على موكله في كافة المحاكم الأعلى وتأييدها من دائرة المراجعة بالعليا، وبموجبه حددت سلطات السجن الاتحادي موعد تنفيذ العقوبة أمس الأحد في الساعة الثانية، وأخطرت أولياء الدم بموعدها بيد أن الدستورية أصدرت أمراً بإيقاف التنفيذ لحين الفصل في الطعن، وحسب الوقائع أن المحكمة الجنائية قضت بإدانته بتهمة القتل العمد مع سبق الإصرار والترصد لأن المدان تهجم عليهما داخل منزلهما وأيقظهما من النوم ساعة القيلولة، وثبت من خلال البينات أن المتهم دخل في مشادة كلامية مع شقيق مطلقته قبل أن يصوب سلاحه نحوهما ويطلق عليهما وابلاً من الرصاص، ثم تركهما جثتين هامدتين وهرب من المنزل. حيث صادف شقيقهما وقام بتهديده ما جعله يفسح له الطريق ويتصل بالشرطة التي خفت دوريات منها لمسرح الجريمة، وتم القبض على المتهم والبندقية أداة الجريمة.

اليوم التالي


تعليقات 4 | إهداء 0 | زيارات 1633

التعليقات
#1024571 [الطريفي زول النصيحة]
0.00/5 (0 صوت)

06-03-2014 06:40 PM
ياخ انت لمن عملت عملتك السوده دي كنت منتظر شنو يعني غير الاعدام و لا خلاص لمن عيونك فتحت و شفت حبل المشنقه بقيت تتراجف و رجليك ما شايلنك وبقيت تكوس محكمة عليا و دستوريه عشان تتخارج من الموت اها لمن الموت ده حار و ما بندار الناس الكتلتهم ديل ما حار ليهم. اركز وخليك راجل و بطل شغل النسوان البتعمل فيه دا.

[الطريفي زول النصيحة]

#1024475 [ابو نزار]
0.00/5 (0 صوت)

06-03-2014 04:51 PM
ياخي طعن دستوري بتاع الساعة كم...الزول دا- وحرام نقول عليهو زول,- الجريمة دي راكباهو راكباهو,...بس باين لي انو كوز مبخر بي مستكة

[ابو نزار]

#1024098 [سعيد]
0.00/5 (0 صوت)

06-03-2014 12:11 PM
براءة مفيش وسوف يعدم حسب حيثيات القضية , ولكن لو خرج منها براءة تكون هذه مصيبة الا ان يعفو اولياء الدم

[سعيد]

#1023987 [ابوايمن الحلاوى]
5.00/5 (1 صوت)

06-03-2014 10:42 AM
أكيد عنده واسطه ولو وكيل رقيب !! كيف يقبل الطعن بعد التصديق من المحكمه الدستوريه وتأييده من دائرة المراجعه العليا!!!!!!!!!!!!!! يمين الله لو فى المملكه ما يجلس اسبوع الا وتسمع بيان من وزارة الداخليه ،، دا الشغل النضيف ....

[ابوايمن الحلاوى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة