الأخبار
أخبار السودان المحلية
مظاهرات بالرميلة والشجرة وقوات الشرطة تفرقها بالغاز المسيل للدموع
مظاهرات بالرميلة والشجرة وقوات الشرطة تفرقها بالغاز المسيل للدموع
مظاهرات بالرميلة والشجرة وقوات الشرطة تفرقها بالغاز المسيل للدموع


صور
06-02-2014 04:41 PM
الراكوبة - اندلعت ظهر اليوم مظاهرات بالرميلة واللاماب واشعل المتظاهرون النيران في الاطارات فتدخلت الشرطة واطلقت الغاز المسيل للدموع.

image

image


تعليقات 17 | إهداء 0 | زيارات 16161

التعليقات
#1033653 [nagatabuzaid]
0.00/5 (0 صوت)

06-12-2014 10:41 PM
الى مبارك ومن هم على شاكلته :

فى القصيدة الرائعة الملحمة التى تهز الوجدان ورد ( يا ساحة القصر ياحقل النار ويا واحة بتحضن روح نصار ) الشهيد نصار هو عز الدين خالد نصار من اسرة تركية امدرمانية شهيرة وكان طالبا فى الكلية القبطية الخرطوم زحف مع الزاحفين نحو القصر كان فى نفس عمر الطلبة من شهداء سبتمبر الم اقل لك ان امدرمان هى الرجالة وانا منها ؟؟
عفوا اعزائى الكرام فى الراكوبة هذا الرد خاص لاحدهم يدعى مبارك فقط ولكن عز الدين نصار ابن كل السودان

[nagatabuzaid]

#1024384 [جاكومه ردا على بومدين]
2.00/5 (1 صوت)

06-03-2014 04:24 PM
يا ثائر فجر بركانك.

هذه القصيدة الوطنية يجب ان تدرس بالمدارس .

[جاكومه ردا على بومدين]

#1023945 [hamimi]
3.00/5 (1 صوت)

06-03-2014 11:16 AM
للتوصيح الميدان الكبير الموجوده حاليا في الرميله هي اراضي للمواطنين .ولكن كلما يريد اصحابها تسلم الاراضي يتم حشد وخروج الاهالي والادعاء بان هذاه الاراضي ملك لهم . ولا يوجد مستند واحد يثبت صحه اقوالهم. والبارحه كان موعد التسليم وهذا امر صادر من القضاء . ولكن يوجد بعض بعض الاشخاص ولا يريدون تسليم الاراضي لي اصحابها وهم الان يواجهون تهم امام القضاء

[hamimi]

ردود على hamimi
[مني محجوب] 06-03-2014 05:00 PM
ياسيد hamimi للتوضيح الميدان ملك اهالي الرميله وهو حرم الرميله ومتنفس للنيل والمشكله قديمه منذ عهد الرئيس نميري وفي كل مره يتم خروج الااهالي بصوره عفويه ولاتحشد لهم حشود واذا كان ماتقوله صحيحا بشان هذه المستندات لماذا سكت هولاء كل هذه المده ولماذا لايوخوذن حقهم طالما كان صادر من القضاء ولعلمك بالامس القريب استعان اهالي الرميله بالحكومه فاتئ المعتمد نمر وعاني من من الغاز المسيل للدموع معهم وهو من قام بفض الاشتباكات بين الشرطه والموطنين ولايوجد احد يواجه الان اي تهمه امام القضاء فهم اصحاب قضيه وليس لصوص اراضي وشعارهم دائما بالروح والدم نفديك يارميله والارض الجنوبيه مابنديها وبنموت فيها والله اكبر فوق كيد المعتدين ولاحول ولاقوة الابالله والنصر لااهالي الرميله وهذا مالزم توضيحهوhttp://www.alrakoba.net/vimg.php


#1023912 [hamimi]
0.00/5 (0 صوت)

06-03-2014 10:55 AM
دي مللك حر

[hamimi]

#1023562 [jas]
0.00/5 (0 صوت)

06-02-2014 11:34 PM
ياجماعة حسي الحكومة دي مايخجل ساكت سبعة نفر ساكت مويتم قطعة سايق ليهو ثمانية عربية هي القمع دي مبتندهر ممكن ثورة شعب صعير يطلع عين الحكومة لكن المسالة يعني الحكومة زاتا زي تدقشك وتشاكلك قبل ماتسالو هسي ناس خرطوم ديل يوم مرقو ساكت في الشارع شفتهم من الازهري كلامي للبشير هو زمن ازهري عمرو 39سنة ناس الخرطوم ديل شغلهم محمود عبدالعزيز والسر قدور وفناينين نجوم الغد ديل ما عندهم روح شكل مع الحكومات بالله اخاف العيب شوية كن كترت ليك الرجالة تعال للرجال في الهامش ديما الخوف يلف حول الضعيف لكن شد هيلك نحن جاين والكلام دي ما ساكت كدة تاني نسمع عربية شرطة مرقت وراء الناس

[jas]

#1023456 [جركان فاضى]
0.00/5 (0 صوت)

06-02-2014 07:46 PM
بصراحة الناس العاملة المظاهرات دى جنب القابر...بصراحة ديل ما بخافوا الموت...ديل ناس حارة عديل

[جركان فاضى]

#1023449 [بومدين]
4.88/5 (4 صوت)

06-02-2014 07:40 PM
قصّة ثورة

كلمات: هاشم صديق
ألحان: محمد الأمين
التوزيع الموسيقي: موسي محمد إبراهيم
الأداء: محمد الأمين
بالإشتراك مع: عثمان مصطفي
بهاء الدين أبو شلة
أم بلينه السنوسي
خليل إسماعيل
الكورال: طالبات مدارس المليك وطلاب مدرسة المؤتمر الثانوية بامدرمان
ـــــــــــــــــ

لما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى
وفي ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً...قسماً
لن ننهار
طريق الثورة
هُدى الاحرار
وغضب الامه اتمدد نار
والكل يا وطنى حشود ثوار
وهزمنا الليل
وهزمنا الليل
والنور فى الآخر طل الدار
والعزة اتهادت للأحرار
وطنى أنحا سيوف امجادك
ونحنا مواكب تفدى تُرابك
ولِسّه الشارع بِشهَد لينا
فى يوم الغضبه حصاد ماضينا
مشينا نَعَطّر حقل الثوره
بِدَم نَفْدِيبُو بلادنا الحره
وكان اكتوبر فجر الغضبه
كسرنا قيود الماضى الصَعَبه
لما مشينا مواكب صَامده
تهدر- وتغلى ... وتهتف راعده
الرصاص لن يفنينا
وسال الدم فى أرض الوادى
فَدينا النور بالروح يا بلادى
وكانت صفحة حكاها العالم
وفجر اكتوبر طَلّ وسَالَم
كان فى الجامعه موكب هادر
صمَّم يجلى الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر
صمّم هادر
يصرع ليلنا الداجى الطَّوَّل
وكان القرشى شهيدنا الاول
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوه بنلقى شهيد
بى دمه بِيِرسُم فجر العيد
يا اكتوبر
أنِحْنا العِشنا ليالى زمان
فى قيود ومظالم وويل وهوان
كان فى صدورنا غضب بركان
وكنا بنقسم بالاوطان
نَسَطَّر اسمك يا سودان
بدمانا السّالت راويه الساحه
وحلفنا نسير ما نْضوق الراحه
شهرنا سيوف عِصيانّا المدنى
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك تار يا ظالم
خُطانا تسير فى درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور فى الآخر طل الدار
والعِّزه اتهادت للأحرار
يا ساحة القصر..يا حقل النار
ويا واحهَ بتَحَضِن روح نَصّار
روينا ورودك دم ثوار
وشتَلنا فضاك هتاف أحرار
خَطّينا ترابك احرف نايره
بتحكى سطور ايامنا الثايره
وشلنا الشهدا مشينا ونهتف
وجرح النار فى قلوبنا بينزف
سَجّينا الشُهدا وجينا نقاوم
ما بنِتراجع وما بِنساوم
وفجأه ونحنا صفوف بتصمم
زغرد فجر الثوره الحالم
والنور فى الآخر طل الدار
والعزه اتهادت للأحرار
قسماً..قسماً يا اكتوبر
نحمى شعارك
ونجنى ثمارك
ونرفع راية الثوره الغاليه
عاليه ترفرف فوق الساريه
عليها شعار الثوره الأكبر
رسُمه النادر زاهى واخضر
ولِسّه بنقسم يا اكتوبر
لما يطل فى فجرنا ظالم
نحمى شعار الثوره نقاوم
نبقى صفوف تمتدّ وتهتف
لما يعود الفجر الحالم

[بومدين]

ردود على بومدين
[nagatabuzaid] 06-12-2014 10:11 PM
طريق الثورة هدى الاحرار كل الملحمة رائعة وهيا الى طريق الثورة هدى الاحرار لن نتحرر بدون ثورة يا ابناء واحفاد جيل اكتوبر هيا نبقى صفوف تمتد وتهتف يسويها الله

لك التحية يا بومدين العظيم

[سودان هوان] 06-03-2014 01:48 AM
لك الشكر الأخ العزيز بومدين علي هذه القصيده العظيمة (الملحمة) .. لك الشكر يا ابن السودان البار


#1023437 [ahmed]
1.00/5 (1 صوت)

06-02-2014 07:26 PM
هو الوضع الزفت دا ما محتاج لمظاهرات يعني ..
من جوع ومرض وفقر وبطالة وفساد باكل اموال المساكين والتعابه بالباطل
اللهم انتفم منهم
اللهم انتقم منهم
اللهم ارنا فيهم عجائب قدرتك.
الله لاكسبهم كيزان وسخانين حرامية

[ahmed]

#1023436 [زائر]
0.00/5 (0 صوت)

06-02-2014 07:25 PM
ربنا يصلح الحال

[زائر]

#1023414 [سامي]
2.00/5 (2 صوت)

06-02-2014 06:53 PM
لاتتركوا اللصوص يبيعون الميادين والمدارس

[سامي]

#1023407 [ما ضروري الاسم]
2.00/5 (1 صوت)

06-02-2014 06:43 PM
الشعب السوداني شعب يحب الحياه ويكره الموت ويفضل حياة الضنك والمسغبه علي الموت الزوام والسجون والمرمطه علشان كده ابشرو بحكم الكيزان الدائم وسيطرة المشير المكعوج علي مقاليد الحكم حتي الموت ,,,,, السبب عدم ايمان الشعب السوداني بالموت والتضحيه ومواجهه الرصاص من اجل الخلاص ومن اجل رفاهية الاجيال القادمه والدليل علي كلامي اي زول ماعاجبو الوضع وينقنق وجالس مكانو وجثوم جماعة الهوس الديني علي صدورنا 25 عام ومازال الحبل علي الجرار

[ما ضروري الاسم]

ردود على ما ضروري الاسم
European Union [Kudu] 06-03-2014 11:46 AM
ما قلته صحيح للأسف نحن استمرأنا لعبة الوقوف حفاة في الرمضاء وأي واحد يظن انه يحمي x أمو لن يتحرك ....

United States [Huyam Abdullah] 06-02-2014 10:43 PM
للأسف كلامك صحيح وعين الحقيقة بس نسيت تضيف كلمة كسل وركوع وخنوع للشاويش!!!!!


#1023389 [متابع]
5.00/5 (1 صوت)

06-02-2014 06:12 PM
يا ربى يكونو ديل قوات الجنجويد بدو يتدربو فى الجماعة.

[متابع]

#1023371 [علي أحمد البكري]
0.00/5 (0 صوت)

06-02-2014 05:54 PM
هو الحاصل ده ما أكبر سبب ، دايرة ليها سبب كمان؟

[علي أحمد البكري]

#1023369 [عنتره]
0.00/5 (0 صوت)

06-02-2014 05:53 PM
لاماب شنو بتقوم فيها مظاهرات لابد ان ناقل الخبر كان بيحلم بعد الشر عليها يااخى

[عنتره]

ردود على عنتره
European Union [ibrahim] 06-02-2014 07:28 PM
وناقل الخبر هو من أخرج بعض الصبية الذين تروهم فى الصورة وذلك بعد أن قفل بلف الماء الذين يطالبون بها ،،،، ثم قام الشخص نفسه بإشعال الإطارات فإلتقط الصور وأرسلها الى الراكوبة ،،، صح ولا أنى غلطاااان ؟؟؟


#1023353 [amo.amo]
0.00/5 (0 صوت)

06-02-2014 05:35 PM
المظاهرات بسبب بيع ميدان الرميلة والقصة دي من زمن الزبير محمد صالح والظريف تم مطاردة المعتمد نمر واحتمى با حد المنازل خوفا من الحجارة المنطقة مطوقة بقوات الشرطة التي اعتعصت عليها دخول المنطقة واغلق الاهالي الشوارع .....

[amo.amo]

ردود على amo.amo
[hamimi] 06-03-2014 11:09 AM
الحقيقه غير كده . ميدان الرمليه هو ملك حر لمجموعه من الافراد البسيطين .وهذا حق ولا يوجد بيع ولا احد يستطيع بيع

[جركان فاضى] 06-02-2014 07:43 PM
بينى وبينك يا امو يا حبيبى ميدان الرميلة دا مغرى شديد...صيدة ودخلت زريبة الانقاذ


#1023352 [انا الموجوع من حكومة الكيزان عليكم لعنة الله]
0.00/5 (0 صوت)

06-02-2014 05:35 PM
حقيقي المظاهرات كدا ما عندهااا هدف سامي يجب علي جميع الشعب السوداني ان يطلع في وقت واحد مثال لذلك شعب مصر العظيم الذي حقق الحرية الكاملة لي مصر رغم الضغوط الحصلت ليهو بس هو افضل من الشعب السوداني بي كتيرر ياريت نتعلم منهم ولو شوية بس علشان نقدر نثبت حق الشعب الضعيف دا

[انا الموجوع من حكومة الكيزان عليكم لعنة الله]

ردود على انا الموجوع من حكومة الكيزان عليكم لعنة الله
[محتار] 06-02-2014 06:33 PM
فعلا و الله اذا كل حي من احياء السودان قاموا قومه واحده تاكد بانه الناس ديل ما حيقعدوا تاني


#1023321 [النشوف اخرتها]
4.50/5 (3 صوت)

06-02-2014 04:57 PM
بس مظاهرات كده ساي في الهوا ? لازم يكون في سبب ولا اسباب . ورونا غير الاسباب المعروفه المفروض تخلي الشعب السوداني كله يتظاهر ويمرق

[النشوف اخرتها]

ردود على النشوف اخرتها
United States [ahmed] 06-02-2014 10:52 PM
اول الغيث قطره

[السفير] 06-02-2014 09:49 PM
النشوف اخرتها انت قمة السخرية...انت اكييييييييييد سعد الدين ابراهيم.

[ذوالفقار] 06-02-2014 07:02 PM
الكهرباء شغالة 24 ساعة
الموية نقية وكمان ما قاعدة تقطع
والبلد حرية
والتعليم مجانا وكمان الطلبة بياخدو كفالة عشان الرفاهية
والدولار = 0.5 جنيه
والمزارع راسمالي وكدة
والمغتربين كلهم رجعو السودان
فعلا مافي سبب للتظاهر يا(سعد الدين ابراهيم)



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة