الأخبار
أخبار إقليمية
الأمة القومي ينظم مسيرة جماهيرية غداً لمقر حكومة الخرطوم
الأمة القومي ينظم مسيرة جماهيرية غداً لمقر حكومة الخرطوم



06-03-2014 12:21 PM

الخرطوم: أم سلمة العشا
قرر حزب الأمة القومي تصعيد الوقفة الاحتجاجية وتحريك مسيرة احتجاج جماهيرية غداً تبدأ من مقر الحزب بأم درمان إلى مقر مكتب حكومة ولاية الخرطوم، احتجاجاً على استمرار اعتقال زعيم الحزب الإمام الصادق المهدي المعتقل قرابة الشهر بسجن كوبر، وفي المقابل نفذ أنصار وكوادر حزب الأمة أمس وقفة احتجاجية داخل مقر الحزب رددوا خلالها هتافات مناهضة للنظام الحاكم.

الانتباهة


تعليقات 17 | إهداء 0 | زيارات 3331

التعليقات
#1024468 [اقبضو السفاح الهارب من العدالة الدولية]
0.00/5 (0 صوت)

06-03-2014 05:48 PM
نحن مرقنا مرقنا
ضد الناس السجنو امامنا
ولاية الخرطوم قال

[اقبضو السفاح الهارب من العدالة الدولية]

#1024451 [sudani]
0.00/5 (0 صوت)

06-03-2014 05:34 PM
فاقد الشيء لا يعطيه وكما تعلمنا أن للحوار آداب وان الحوار لن يثمر ولن ينجح مالم تتوفر البيئة الصحيحة للحوار تلك البيئة التي لا يحتملها الذين يدعون للحوار ليل نهار لأنها سوف تعريه وتكشف كذبه بسرعة وتلخبط حساباته من أعلاه للأسفل سافليه .
لست ادري من يحاور من ؟ وعلى ماذا يتحاورن ولكن على ما اعتقد وما اشعر به هو أن شعار الحوار هو ( حوار - بدون احراج او حوار خلف الكواليس او حوار بدون ازعاج او حوار على الماش او حوار دسم بس الحساب علينا) واعتقد ان الاخير هو الانسب قوموا الى حواركم يلعنكم الله

[sudani]

#1024446 [الصادق المهدي - الميرغني]
0.00/5 (0 صوت)

06-03-2014 05:30 PM
للأسف ( اللُحمة ) الشعبية في السودان صارت متفتتة صرنا أحزاب وشيع , لا نخرج المظاهرات ونسير المسيرات لأجل الوطن السودان الكبير - إن إستثنينا مظاهرات سبتمبر الأخيرة- إنما صرنا نخرج للمظاهرات و نسير المسيرات لرؤوس الأحزاب ولأجل البيوتات الطائفية الصادق المهدي أنموذجاً.

بعيدا عن هذا الموضوع وعن السياسية وعلي ذكر البيوتات الطائفية الصادق المهدي يمتاز عن الميرغني بأن له بنات دخلن معترك السياسية عكس الهمبول الميرغني , رغم دخولي مرحلة الشيخوخة بسنوات لم أعرف للميرغني الهمبول أي أسماء لبنات وزوجات ما السر في ذلك ؟ هل لجهلي بذلك أم للتعتيم الإعلامي أم للأوامر الصارمة للميرغني في ذلك ... الرسول صل الله عليه وسلم نعرف أسماء أبنائه وبناته وزوجاته وأعمامه وخالاته وحبوباته وأحبابه وأصدقائه

[الصادق المهدي - الميرغني]

#1024382 [111111كديس فى السروال]
0.00/5 (0 صوت)

06-03-2014 04:22 PM
سؤال برئ ي اخوانا
البلد ح يحصل فيها شنو لو الصادق المهدى ده مات الليلة فى السجن

[111111كديس فى السروال]

#1024359 [الانصارية]
0.00/5 (0 صوت)

06-03-2014 04:04 PM
ايوييييي يويييي ابشروا يا انصار الدين اهو الكلام واها دى الرجالة رجالة ابواتكم الفرسان الحررو السودان الله اكبر ولله الحمد ود المهدى مرق انشاءالله ما تنسوا امشوا في طابور الانصار وشيلوا التهليل والتكبير وختو العلوقة ( بفتح العين والقاف ) في جيوبكم الدنيا ما معروفة رفعتوا رأسى وبرتو همى وغمى .اختكم الانصارية.

[الانصارية]

#1024317 [ود كترينا]
4.07/5 (5 صوت)

06-03-2014 03:32 PM
***...(...تبدأ من مقر الحزب بأم درمان إلى مقر مكتب حكومة ولاية الخرطوم، ...)...انتهى
*** يعنى حيمشو المسافة دى كوووولها كدارى؟؟؟لازم يكون عندهم تصريح والا كيف حيعدو الكوبرى!!!الفكرة الأحسن انو يمشو بالعربات ويتجمعو قدام مكتب الوالى...وبعدين ليه مقر حكومة ولاية الخرطوم...علاقة حكومة ولاية الخرطوم شنو بالموضوع؟؟؟الصادق تم التحفظ عليهو بواسطة جهاز الأمن والمخابرات...اذا عندهم مسيرة يمشو مقر جهاز الأمن والمخابرات مش مقر حكومة ولاية الخرطوم!كل الناس التم اعتقالهم فى الفترة الأخيرة الوقفات الاحتجاجية كانت أمام جهاز الأمن والمخابرات...أمور الثلاث ورقات دى ياناس حزب الأمة بطلوها...لسه بعد ده كلو برضو كراع جوة وكراع برة؟؟؟

[ود كترينا]

#1024253 [عباس محمد علي]
3.00/5 (4 صوت)

06-03-2014 02:47 PM
إذا عرف السبب بطل العجب هذا هو سبب إعتقال الصادق المهدي لتلميع , وتنظيف صورته كبطل وزعيم سياسي معارض بعد أن تم تلطيخه وتعريته و فضحه بواسطة مبارك الفاضل المهدي في الحوار الذي أجرته معه قناة أم درمان الفضائية: إن الاموال التي تدفعها الحكومة الي الامام الصادق المهدي زعيم حزب الامة القومي لا علاقة لها بتعويضات حزب الامة القومي وإنما عبارة عن ثمن شراء سكوت الامام الصادق المهدي ومهادنته للنظام، إي شراء الولاء السياسي لحزب الامة القومي لان حجم تعويضات حزب الامة لايعرفها الا أنا والمؤتمر الوطني رفض دفعها لي عندما كنت شريك معه في الحكم. ونحن هنا نطالب الاحباب في حزب الامة بالرد وتوضيح الحقائق للجماهير الحزب خاصة والشعب السوداني عامة.

[عباس محمد علي]

#1024212 [ابو طربوش]
3.94/5 (5 صوت)

06-03-2014 02:22 PM
الانصار حالهم لايسر صديق ولا عدو يوم الجمعة الفائتة الضابطط يصرخ ي المصلين بعد الصلاة الراجل فيكم يطلع وكان؟ الكل عمل نائم
وقفة شنو مع الشرطة والجنجويد ؟ ياحليل الانصار وجهادهم

[ابو طربوش]

#1024194 [نكس]
3.94/5 (5 صوت)

06-03-2014 02:09 PM
والله ربنا يقوييكم وتمر علي خير - وللناس الشماتة بقول مازلت اري الانصار في الشارع ولااحد سواهم - شكلوا الحزب دا منظم بجد تحت راية سارة وبيعرف يتمرحل كيف -

[نكس]

#1024170 [علي برقاوي]
3.13/5 (4 صوت)

06-03-2014 01:55 PM
ههههههههههههههه...الله يعينكم, والله مشفقين عليكم !!! بكرة الحبيب يطلع ويزور المشير في قصرو ويشرب معاه شاي المغرب ويتوسطهم نجله عبدالرحمن وانتو تسفو التراب وتطلعو سفهاء ساكت

[علي برقاوي]

#1024155 [ساب البلد]
3.32/5 (5 صوت)

06-03-2014 01:46 PM
************ ههههههههه ح تكون زي مسيرة الخال الرئاسي بتاعت مرسي دعم الشرعية ******** ح تحرسهم الشرطة لحدي ما يصلوا بالسلامة مش كده و بس كمان الشرطة ح تضرب الناس البتتفرج عليهم **** اتمني انو المسيرة تكون بقيادة عبد الرحمن و بشري هم اولي بابوهم من بقية الانصار ولا شنو ؟؟؟ *******

[ساب البلد]

#1024123 [لينا عبد القادر التني]
2.25/5 (3 صوت)

06-03-2014 01:28 PM
قسما بالله جباااااااانين ويا حليل الانصار

[لينا عبد القادر التني]

ردود على لينا عبد القادر التني
[الكشكول] 06-03-2014 02:24 PM
كلامك مية المية والله جبانين واقترح عليهم ان يستعطفوا غندور ويرقدو لي امين حسن عمر ويقدموا ورقة احتاج باهتة لمندور المهدي ويسألوا قطبي المهدي يتوسطوا لهم بجامع كلمة المهدي في اسم كل منهم.. يا حليل انصار ام دبيكرات و عثمان دقنة وعبدالقادر ود حبوبة وحليل انصار كرري وغردون.
اما تكونوا انصار بالجد و لا كل واحد يشوف شغلة وقفة احتجاجية قال.. حميدتي يسجن الصادق والحكومة تنفذ والانصار يحتجوا هانت الزلابية ...
اعتقد ان الذين سيصلون الى مقر حكومة ولاية الخرطوم لن يتعدوا العشرات لأن الجميع سوف يتساقط في الطريق ويتخارج بحجة او بدون حجة.
اتذكر زمان كان عندنا استاذ حار جدا وكان عليهم المذاكرة وجابونا باليل مهرجلين في المذاكرة نحن ثلاثة طلاب ولما وقفنا امامه كنا نرجع الى الوراء واحد وراء التاني كل واحد ما عايز يكون قدام وما عاوز يكون اول واحد وما زلنا نتراجع حتى وصلنا الحيطة .. فقال الاستاذ/ اها الليلة قدوا الحيطة دي ؟ غدا نشوف الانصار بقدو ياتو حيطة والمؤسف بعد الوقفة دي الصادق بجي طالع وهو كمان يقول ان مسيرة الحوار ماضية وان الحوار لن يتوقف حتى اخذ حقوقنا بالحوار وسوف يردد الانصار
الحوار الحوار
نحن معاك يا حوار
الانصار اهل الحوار
الانصار مع الحوار
حوار حوار يا انصار
الحوار ولا القمار
الحوار ولا الدمار
الحوار ولا الشمار
لا شمار بدون حوار
ولا حور بدون انصار

والرماد كال حماد


#1024075 [jas]
3.00/5 (5 صوت)

06-03-2014 12:49 PM
اعملو الف حساب ليد بناتكم لان ناس انقاذ دي لما فاضيين ليدسن البنات سوال انتو مريم يدها بقت كيف ان شا الله بلعت الصحة وانت ناس حكب الامة حلاليب ساكت بدون روؤس كل مرة نحن والحزب ومسيرة وشغلكم مابطنط ساحة المولد المرة ددي شجو حيلكم شوية

[jas]

#1024067 [مصباح]
3.19/5 (5 صوت)

06-03-2014 12:43 PM
شر البلية مايضحك فعلاً..هههههة

المخدوعين ديل بكرة زولهم دا حيطلع ويحرجمهم ويبلعهم هتافاتهم زى الماحصل شئ.
على كل حال أصحاب العقول في راحة فعلاً.
بعدين الإعتقال دا عشرين يوم ماوصلها، متين بقى قرابة الشهر بالسرعة دي، والإعتقال ذاتو ما في معتقل خمسة نجوم ومعاملة خاصة! المشكلة وين!!؟ولاّ الزعيم إياه الأيام دي فاقد الأضواء والرغي الكتير والمناورات المتقلبة وسِمِع إنه ندوات المعارضة شغالة وبيحضروها ناس كتار وتاقت نفسه من جديد وكالعادة لفركشة القليل الموجود الذي بدأ؟

[مصباح]

ردود على مصباح
United States [مصباح] 06-03-2014 09:34 PM
الراجل حليفهم وقدم ليهم الكتير في فركشة المعارضة لذا هو معهم آمن ، وفي الحفظ والصون.. لكن باقي المعتقلين الشرفاء كيف!!؟مزرعة الدواجن الكيزانية كلها في بيت الإمام والدنيا كلها عارفاها علشان كدو قصروا لسانكم المقطوع واتلهوا .

[قاسم] 06-03-2014 06:38 PM
انشاء الله يعتقلوك في الخمسة نجوم دي عشان تكاكي كويس


#1024059 [Ahmed Al Ibrahim]
3.63/5 (4 صوت)

06-03-2014 12:38 PM
حزب الأمة .. الحزب الأكبر جماهيرية ينظم وقفة احتجاجية خجولة ومسيرة في الغد خجولة ايضا...
توقعت وبصراحة انتفاضة شعبية يوم اعتقال الإمام ده ولكن يبدو أن الأمة غير الأمة التي نعرفها .. والأنصار غير الأنصار الذين نعرفهم ..
المهدي باع القضية ليهو زمن وتبعه من معه

من يوقف نزيفك يا وطن ؟!

[Ahmed Al Ibrahim]

#1024056 [ممغوص من الكيزان]
4.07/5 (5 صوت)

06-03-2014 12:37 PM
الصادق المهدي تناقصت شعبيته بشكل كبير بسبب مواقفه الضبابيه والغريبه ضد الكيزان وهي ماأفقدته الدعم الشبابي حتي وسط حزبه ويحتاج لشبه معجزه ليعود لسابق شعبيته

[ممغوص من الكيزان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة