الأخبار
أخبار إقليمية
المجلس القومي للاستثمار ينظم فى 25 يونيو الجارى ملتقي المستثمر الوطني الاول
المجلس القومي للاستثمار ينظم فى 25 يونيو الجارى ملتقي المستثمر الوطني الاول
المجلس القومي للاستثمار ينظم فى 25 يونيو الجارى ملتقي المستثمر الوطني الاول


بعد فشله في إستقطاب دول الخليج والمغتربين
06-03-2014 04:47 PM
الخرطوم (سونا) ينظم المجلس القومي للاستثمار ملتقي المستثمرالوطني الاول في الخامس والعشرين من الشهر الجاري بمشاركة ورعاية نائب رئيس الجمهورية الاستاذ حسبو محمد عبد الرحمن رئيس اللجنة العليا للاصلاح الاقتصادي ووزراء القطاع الاقتصادي ومحافظي البنوك والمصارف السودانية والقطاع الخاص السوداني.
اعلن ذلك د.مصطفي عثمان اسماعيل وزير الاستثمارفي تصريح /لسونا /مشيرا الي أن الملتقي عبارة عن حوار مباشر بين المسؤولين بالدولة والمستثمرين السودانيين لمناقشة القضايا والمشكلات التي تواجه المستثمر الوطني والعمل علي حلها مباشرة باعتبارها الطريقة الافضل من تقديم الاوراق والخروج بالتوصيات التي لاتجد طريقها للتنفيذ .
وأضاف أن الملتقي يأتي تنفيذا لاستراتيجية الدولة الربع قرنية التي تهدف لتولي القطاع الخاص 70%من الاقتصاد السوداني وعلي الجانب الحكومي تهيئة مناخ الاستثمار بإزالة كل العقبات والتحديات التي تواجهه حتي يستطيع ان ينجح في مهمته


تعليقات 10 | إهداء 0 | زيارات 1879

التعليقات
#1024916 [بنت الناظر]
0.00/5 (0 صوت)

06-04-2014 09:28 AM
اعلن ذلك د.مصطفي عثمان اسماعيل وزير الاستثمارفي تصريح /لسونا /مشيرا الي أن الملتقي عبارة عن حوار مباشر بين المسؤولين بالدولة والمستثمرين السودانيين لمناقشة القضايا والمشكلات التي تواجه المستثمر الوطني والعمل علي حلها مباشرة باعتبارها الطريقة الافضل من تقديم الاوراق والخروج بالتوصيات التي لاتجد طريقها للتنفيذ

الشافع أبو جضيمات زى اللقيمات ده خلاص بعد ما طفشوا منه المستثمرين الخليجيين قال كدى نشوف ناس جوة..
عشان كده خلوا الحكواتى حسين خوجلى يمهد ليهو الشغلانية دى ..قبل يومين حسين خوجلى كان بقول حسى تجار السوق العربى ديل لو لموا القروش العندهم وشغلوها ما بتشغل الشباب القاعد عاطل ده وكمان المغتربين بدل يخلوا قروشهم مجمدة فى البنوك الخارجية ودائع ما بربحوهم فيها إلا ملاليم مش أحسن يجيبوها السودان هنا ويشغلوها يفيدوا ويستفيدوا ؟؟؟
الأبالسة ديل بعد ماكدوا السودان خلوهوا عضم... وبعد ما جفت كل المنابع قبلوا جاى وقبلوا جاى ..عايزن الناس بعد ما شقت وطفحت الدم يدوهم شقى عمرهم عشان يلهفوهوا ويخلوا الناس خشمهم ملح ملح..
..هو منوالأهبل البدى قروشه لحرامية؟؟؟ قال إستثمار...
نقول للطفل المعجزة شايل كماشتك دى روح شوف ليك سنينات أقلعهن بيها..

[بنت الناظر]

#1024846 [aadilkhidir]
0.00/5 (0 صوت)

06-04-2014 07:35 AM
يا مغتربين ما تتغشوافاسامة عبدالله هو السبب فى تعطيل اى تنمية او استثمار وطمى فى الولاية الشمالية . وسعى هذا الدعى اسامة عبدالله الى عزل البروف عبد الفتاح عبدالله محمد طه من منصبه كوزير للزراعة بالولاية الشمالية وجاء بالجخلول عادل جعفر ليكون ذيلا ذليلا لاسامة السدود ليحرس لها ما يسمى باراضى السدود فى منطقة القولد. وما زال الجهلول عادل جعفر يقوم بمهمة الخفير بكل حماسة رغم زوال سلطة اسامة السدود ولكن له /ىرب أخرى فى سهل القولد وهو بيعه للدول الخليجية كاش بملايين الدولارات

[aadilkhidir]

#1024831 [وحيد فى الغربة والحمدلله]
0.00/5 (0 صوت)

06-04-2014 07:00 AM
احسن استثمار فى العالم السودان بدليل الجنيه كان يساوى 3 دولار من غير البترول فى الزراعة والحيوان ... اذن السبب فى الحكومة كل واحد عايز يلم والسودان وشعبه المسكين .

[وحيد فى الغربة والحمدلله]

#1024627 [اصيل]
0.00/5 (0 صوت)

06-03-2014 09:06 PM
ورونا قروش الاستثمارات بتمشى وين يامصطفى

[اصيل]

#1024610 [مؤتمر وطني قال]
0.00/5 (0 صوت)

06-03-2014 08:43 PM
د.مصطفي عثمان اسماعيل وزير الاستثمار يا أفشل وزير و يا أكبر كسار ثلج أستقيل يا ثقيل فلم و لا و لن تقدم شيئ إتق الله فينا.

[مؤتمر وطني قال]

#1024540 [في التنك]
0.00/5 (0 صوت)

06-03-2014 06:57 PM
صدقوني هذا الوزير المائع يغش في حكومته وليس المغتربين , المغتربين عرفوا كل شيء منذ مشروع سندس الزراعي.

[في التنك]

#1024531 [جركان فاضى]
5.00/5 (1 صوت)

06-03-2014 06:42 PM
وبذلك يكون الطفل المعجزة قد حرق اوراقه...واصبح كرت محروق بعد الفشل الذريع فى استقطاب الاستثمارات الخليجية...فقد دغدغ احلام البشير بدخول ثلاثة مليارات استثمارات خليجية فى عام 2014 ...وها هو العام يمر وكبد البنك المركزى عطشانة من الدولار...قريبا سوف تسمعوا ان البشير قد شات هذا المتخلف شوتت نافع...مشيوت مشيوت مشيوت...كان ما الليلة بكرة

[جركان فاضى]

ردود على جركان فاضى
European Union [نهبوك يا وطن] 06-03-2014 09:38 PM
اللهم عاجلا لا اجلاا.


#1024463 [جساس الثقفي..الطائف]
5.00/5 (1 صوت)

06-03-2014 05:45 PM
جماعتنا بالخليج والسعوديه تحديدا لهم شروط كثيره للاستثمار الخارجي حسب خبرتهم الطويله بالتجاره بصحاري نجد اهمها طبعا لون البشره واللهجه الجميله التي لاتشبه لهجات الصحراء الكئيبه وايضا وجود مجموعه عرقيه لايتحسس منها الاوروبيين فهم لايوجد بينهم اناس سمر البشره يشبهون اسامه بن لادن ولا حركات من الحالمون بعوده العباسيه التي ينتمون لها ولا تيارات من الواهمون بفكره القوميه وعوده مشابهه لثوره شريف مكه الخروفيه وهذه الصفات لاتوجد بالسودان الفقير اصلا بموارد الماء والاراضي الصالحه لزراعه ولايوجد به نفط سوى بحلايب البائسه وليس ببحره اي ثروه سمكيه انما كائنات بحريه غريبه قد تكون تتبنى الفكر الاخواني لاقدر الله ؟؟!!!!

[جساس الثقفي..الطائف]

ردود على جساس الثقفي..الطائف
United States [جساس الثقفي..الطائف] 06-03-2014 10:49 PM
اقصد انهم لن يستثمرون باي بلد سوى لبنان ولاسباب انا زيك ماافهمها

[جركان فاضى] 06-03-2014 06:36 PM
بصراحة يا جساس ما فهمت عليك...ايش تقول يا هذا؟


#1024450 [على حسن]
0.00/5 (0 صوت)

06-03-2014 05:34 PM
تم افتتاح باب مأكلة جديدة لتجار المؤتمر الوطنى

[على حسن]

ردود على على حسن
European Union [نهبوك يا وطن] 06-03-2014 09:49 PM
اخي علي, بعد 25 سنة عشرة فقرية مع ذا النظام اسمح لي دقيقة من زمنك:
اولا يا ودالحسن هذه ليست مأكلة دي "فخ" للأسباب التالية:
- الانقاذ عودتتنة انو استثمار يعني الحكومة لديها مشاريع ولكن نو كاش فهل من مجيب, وعليه ينصب الفخ للمستثمر و هذه عملية بتاخد وقت و ثقيلة عليهم لانو فيها حلف طلاق كتير و قصص و كذب.
- اما المأكلة للانقاذ هي جااااات القروش و الحكومة قاعدين يدرسو اولويات الدولة.. و ما الز المأكلة لانو معظم الاحيان لو هذا المستثمر اجنبي القروش لا تمر بالسودان اصلا.
تحياتي و اتمنى ان ياكلو السم


#1024421 [الكشكول]
5.00/5 (1 صوت)

06-03-2014 05:09 PM
قلنا ان اول خطوات الاستثمار الغاء الازدواجية ما بين المجلس القومي للأستثمار الذي لا وجود له وبين وزارة الاستثمار المكونة من شخص واحده هو الوزير وهوالمسئول ووكيل الوزارة ومدير الاعلام والعلاقات العامة بها وهو موظفي الوزارة.

ولا يمكن ان يكون الاستثمار في يد شخص هو الامين السياسي للمؤتمر الوطني؟ وان كان لا بد فلماذا لا يكون في يد الامين الاقتصادي للمؤتمر الوطني وليس الامين السياسي
ولا يمكن ان يكون الاستثمار تحت يد شخص واحد وبيده بلف الاستثمار في البلاد يفتح ويغلق كيف ما اتفق ..

[الكشكول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة