الأخبار
أخبار إقليمية
وزير النفط المهندس مكاوي : حوض نفطي بالسودان يحوي 4 مليارات برميل
وزير النفط المهندس مكاوي : حوض نفطي بالسودان يحوي 4 مليارات برميل
وزير النفط  المهندس مكاوي : حوض نفطي بالسودان يحوي 4 مليارات برميل


06-03-2014 04:59 PM

أعلن وزير النفط المهندس مكاوي محمد عوض لأول مرة، عن وجود حوض نفطي ضخم يمتد عبر كردفان وولايات النيل الأبيض والخرطوم ونهر النيل، ويحوي احتياطياً يقدر بنحو أربعة مليارات برميل، وكشف عن أن شركة برازيلية ستقوم بعمليات التنقيب.


وقال الوزير عوض طبقاً لصحيفة المجهر السياسي السودانية الصادرة يوم الثلاثاء، إن الحكومة وقعت اتفاقاً مع شركة برازيلية لعمليات الاستكشاف والتنقيب في هذا الحوض ليبدأ الإنتاج في السنوات القليلة المقبلة.


وأشار إلى أنه أجرى خلال زيارته لدولة ماليزيا أخيراً، مفاوضات مع الشركة الوطنية الحكومية الماليزية للبترول للدخول مع الشركات البرازيلية من أجل توفير التمويل الكافي لهذا المشروع الذي يعد الأكبر من نوعه في مجال البترول بالسودان.


ولفت عوض إلى أن الشركة البرازيلية أبدت ترحيبها بدخول الماليزيين في شراكة من أجل التنقيب عن النفط في هذا الحوض الكبير.


يذكر أن السودان فقد ثلاثة أرباع إنتاجه النفطي عندما انفصل جنوب السودان عنه في يوليو 2011، ليتراجع إلى 120 ألف برميل يومياً قبل أن يبدأ الارتفاع التدريجي بعد تشغيل الحقول التي كانت معطلة بسبب التوترات في المنطقة وزيادة الاستثمار في التنقيب.


ويبلغ احتياطي السودان من النفط المؤكد 6,8 مليارات برميل (2010م)، بينما يبلغ احتياطيه المؤكد من الغاز الطبيعي (2010م) مليار متر مكعب.


شبكة الشروق


تعليقات 63 | إهداء 0 | زيارات 18836

صفحة 1 من 212>
التعليقات
#1025375 [rooma]
0.00/5 (0 صوت)

06-04-2014 03:06 PM
انا بس داير اسال من وقود شجرة الجاتروبا الاكتشوفا الجماعه ناس هي لله هي لله داك

[rooma]

ردود على rooma
European Union [ركابي] 06-04-2014 08:11 PM
ههههههههههه بالله هم الاكتشفوا استخلاص زيت البايوديزيل من الجاتروفا؟؟؟؟ ديل طلعوا زيتنا ربنا ينتقم منهم


#1025289 [KABAS]
0.00/5 (0 صوت)

06-04-2014 02:05 PM
بالمناسبة أصلاً البترول في و بي وفرة و بغطي حوجة السودان ده كله و ممكن ينعش أقتصادنا , المشكلة أبداً ما في البترول , المشكلة في الحرامية الشغالين ينهبوا مليارات الدولارات واهمين الناس أنه البلد مافي بترول و الجنوبيين شالوا ثلاث أرباعه .. تفتكروا أنه الحرامية ديل بالغباء ده عشان يوقعوا أتفاقية يفقدوا فيها البترول لصالح الجنوب هههه أي زول بفكر كده زول ساذج و مضحوك عليهو ..

[KABAS]

#1025282 [الغلبان]
0.00/5 (0 صوت)

06-04-2014 02:01 PM
يخلوه مدفون احسن

[الغلبان]

#1025254 [htamrabe]
0.00/5 (0 صوت)

06-04-2014 01:40 PM
غريبة مثل هذه الأخبار لأن احتياطات البترول دائما تصرح بها الشركات قبل الدول لأنها ترفع من اسهمها في السوق العالمية ويعتبر اجازكبير لهذه الشركات وأنها تملك المعلومة فبل الدول نفسها

مثل هذه التصريحات سمعناها من عوض الجاز اكثر من مائة مره ولم يصدق منها شئ

ثانيا وين الصين ؟ لماذا البرازيليين ؟ الصين ملكوا السودان كله كيف فرطوا في هذه الأحتياطات ؟
ولماذا حاولوا اشراك ماليزيا وليس الصين
لذا اشك في صحة هذه المعلومة ويبدوان الغرض منها معروف في هذه الظروف

[htamrabe]

ردود على htamrabe
[ودالجزيرة] 06-04-2014 08:03 PM
الغرض من هذه التصريحات أعتقد أنه لقرب إنعقاد الإنتخابات وأنها تغتبر فى حكم الدعاية للكيزان حتى يخدعوا بها الشعب السودانى المسكين المعارف حقوقه وبالتالى يصوت لهم بئس مثوى الكاذبين


#1025222 [بنت الناظر]
0.00/5 (0 صوت)

06-04-2014 01:14 PM
يا جماعة الناس ديل ماعندهم شغلة غير الكذب دايرين يخدروا الناس بعد الإثارة بموضوع مريم أبرار الإنتهى وإعتقال الإمام ..
عايزين يشوفوا ليهم حاجة يلهوا بيها الناس عن فسادهم العم القرى والحضر..لكن ما زول بيصدقهم..

[بنت الناظر]

#1025152 [ابو محمد]
0.00/5 (0 صوت)

06-04-2014 12:13 PM
هذا الرجل صادق ولا تنسو موقفه من كهرباء سد مروى حين صرح لن تكون هنالك كهرباء من السد "حتى يلج الجمل فى سمِّ الخياط"
ولكن هل هنالك رجال صادقين معه؟؟؟؟!!!!!

[ابو محمد]

#1025137 [EzzSudan]
0.00/5 (0 صوت)

06-04-2014 12:04 PM
Makawi is a big (Kooze) , everyone knows that!!!!!!!!!!!

[EzzSudan]

#1025121 [العمدة]
0.00/5 (0 صوت)

06-04-2014 11:50 AM
ايه حكاية البترول مع العوضاب عوض ( الجاز + مكاوي) تخدير .. الحكومة تحتضر مثل الغريق المتعلق بقشة .. ومتين البرازيل بفتشو بترول .. كفاية ك>ب وغش

[العمدة]

#1025091 [قرع ود العباس]
0.00/5 (0 صوت)

06-04-2014 11:30 AM
لو محيط من النفظ طول ما في كيزان لن يستفيد المواطن شي غير الفقر ووالجوع والمرض طول ما بش بش وواللمبي وباقي العصابة موجدين في الحكم

[قرع ود العباس]

#1025079 [دقر الحرايق]
0.00/5 (0 صوت)

06-04-2014 11:21 AM
إن صح هذا الخبر ، فهو بشارة خير لأهلنا فى ولاية نهر النيل عموما وفى ديار العرامنة خصوصا فالحوض كما وصفته الأخبار الصحفية يشمل المنطقة الممتدة ما بين خناق السبلوقة إلى منطقة الدامر حاضرة الولاية لكن من الأفضل أن لا يتم إستخراجه إن وجد فى ظل وجود حرامية المؤتمر الوطنى

[دقر الحرايق]

#1024989 [nimir]
0.00/5 (0 صوت)

06-04-2014 10:22 AM
نسأل الله أن يوفق أبناء هذا البلد المخلصين ويجعل الحل لأزمات السودان على أيدي الأمناء منهم ، والله تعبنا من الفساد والمفسدين وعدم الحكم الرادع عليهم حتى يتعظ الآخرين . نسأل الله أن يخفف على أهلنا في السودان معاناة الفقر والأمراض ، وأن يجعل لهم في الدنيا النصيب الأكبر من الرفاهية وأعلى الدرجات في الآخرة .

[nimir]

#1024952 [مغبون]
0.00/5 (0 صوت)

06-04-2014 09:58 AM
لو استخرج السودان بمقدار ما تستخرج السعودية من بترول فسينهبه الكيزان وحال الناس هو نفس الحال،انهم آفة كالجراد الصحراوي

[مغبون]

#1024925 [Khalidali]
0.00/5 (0 صوت)

06-04-2014 09:38 AM
هجم النمر هجم النمر ، دى يبدو انها قنبلة كيزانيه من نفس النمط القديم ( قدييييييمه العب غيرها )

[Khalidali]

#1024874 [المنجلك]
5.00/5 (1 صوت)

06-04-2014 08:36 AM
حوض ولا بحر بترول لم يتحدث عن الجدوى الاقتصادية فلا زال الأمر فى مرحلة التنقيب
ولكن يا جماعة الكيزان ديل لازم تراقبوهم كويس فقد تكون خدعة فهناك ثروات اخرى ومعادن وقد يكون الأمر مجرد تمويه فقد ادمن هولاء المال الساهل ويربدون بيع مايمكن بيعه حتى الأثآر لتغطية عجوزات الميزانية وضمان الولاء السياسي لطوابير الارزقجية.

[المنجلك]

#1024834 [شليل]
5.00/5 (2 صوت)

06-04-2014 07:10 AM
والله يا جماعة اذا كان التصريح ده من مكاوي حقيقة فهو خبر صادق 100%
انا كنت بعرف مكاوي شخصيا لغاية خروجي من السودان 2006 وغالبا ماكان يتردد على منزلنا لزيارة زميله (ابن خالتي رحمه الله) ولا أظنه انقطع حتى الآن .. عموما ماقصدت فشخرة بالكلام ده لكن عشان اوريكم انو شهادتي فيهو عن معرفة ...وتلك الفترة كان بيعمل فيها مكاوي مدير للكهرباء وما شفت منو اي عيب يذكر في شخصيته والله يعلم بما تخفي الصدور طبعا لكن الرجل ممتاز جدا وبيعرف الله كوييييس (ما عرفة كيزان )
واحد المواقف الأكبرتها ليهو جدا هو وابن خالتي المذكور ،وهو أيضا كان مهندسا في الهيئة القومية للكهرباء يعمل تحت مكاوي ..انهما حين صدر امر تخصيص الهيئة القومية للكهرباء قد قدما استقالتيهما ومعهم مجموعة من المهندسين ممن رفضوا القرار جملة وتفصيلا ... بعدها قدم المرحوم للعمل في الامارات وتم قبوله بسهولة بمرتب عال جدا فالرجل ( لو سمحتم لي بالقول )كان عبقريا في مجاله ....ولكن للأسف كان للموت مخطط آخر ..
اما مكاوي فآخر ما علمته عنه بعدها أنه انتقل الى السكه حديد قبل أن أقرأ المقال واعرف انه اصبح وزير النفط .
وعودا للمقال ده كان بقى قول الزول ده فأغلب الظن أنه صادق ..
وكونوا بقى وزير النفط دي سلامة .. المشكلة باقي ليكم النفط ده بعد يطلعوا ده كان قعدوا عشان يطلعو طان غشى الماليه بمشيى وييييين بعداك ..

[شليل]

ردود على شليل
Hong Kong [شليل] 06-04-2014 05:33 PM
بعدين يا اخوانا مفروض يكون في منطق شوية غي الحوار .... القال ليكم منو انا كوز عشان تسالوني عن مال البترول ..
الحمدلله انا ماكوز وعزة النفس حشوم ايواب يا مويجيع وطن ما اي راجل بمسحو ليهو شنبوا ....
انا قلت كلمة حق في زول بعرفوا ..ولاااا عشان كوز مفروض انبز من طرف بس
دي تلقوها من مغفل نافع تاني
انا شخصيا بقول الحق ولو اوجع الموجوعينن
لو داير تعرف انا موقفي شنو من الحكومةارجع لتعليقاتي القديمة
او اتقدم لينا بزيارة في صفحتنا نبض الكاريكاتير بالفيسبوك ارائي انا بقولها هناك رسم

Hong Kong [شليل] 06-04-2014 05:24 PM
طبعا يا موجوع وطن بعذرك لانو شكلك متخلف يتاخذ الكلام على عواهنه ولو كان فيك ذرة اخلاق كان بديت بالترحم على الميت
بعد دلك اكتب الداير تكتبوا وماكان والله حاولت ارد ليك ...
وتشخيصا لي حالك ده بقول ليك اذا شكيت اني كذاب فكل اناء بما فيه ينضح ولانك يا عزيزي يبدو انك كذاب جدا شايف الناس كلها ا زيك .... عموما اذا كذبت انا فربنا يجعل الدائرة علي واذا ااتهمتني زورا نلتقي امام جبار يعلم مافي النفوس ...وشكرا

[اب شلاضيم] 06-04-2014 05:24 PM
شليييييل يا شليل
شنو

[موجوع وطن] 06-04-2014 10:51 AM
ما حنقدر نصدقك مهما حاولنا لأنه من ثوانت الكيزان أن يكون مؤهل كل دستوري درجة عالية من النفاق الغبي... والذي يعد في عرفهم من أهم أدوات الجهاد و لشيخهم الفقيه إسحق فضل الله أسفار من تلك المراجع.. وحتي تجد من يصدقك مجاملة فحاول أعادة تحوير القصة و خلي مكاويك دا كوز تائب مدغمس في الحكومة كدة ممكن تسوق القصة وتروجها بصورة ممتازة و تكسب رضاء الوزير وربما أغناك من الإغتراب هو أصلو الكيزان ديل صدورهم بتنشرح لما يلقوا زول يكضب عشانهم و يقول ليهم أنتو ما كيزان أنتو ناس نضيفين زينا كدة...

United States [الصلاحابي] 06-04-2014 08:21 AM
اذا كان صادق ام لا ليست هذة المشكلة
السودان مليان خيرات
السؤال هل هذة الخيرات في ايدي امينة
عندك مثال حي اين اموال البترول ولا تقول المشاريع لان كلها تمت بالقروض
اذن لا تتوقع ان ياتي الخير منهم
تحياتي


#1024825 [الساخر]
0.00/5 (0 صوت)

06-04-2014 05:55 AM
الوزير عايز يقول البترول في مثلث حمدي وبس

[الساخر]

ردود على الساخر
European Union [ركابي] 06-04-2014 08:14 PM
وناس ام برمبيطة طلعوهم بقعر القفة ههههههههه


#1024822 [adil a omer]
5.00/5 (1 صوت)

06-04-2014 05:15 AM
كضاااااااااااااااااااااااااااااااااااااااااااااااااااااااااااااااااااااااااااااااااااااااابه

والله لو حوض بتاع ماس عديل ما عاوزين خلقكم

اصحى يا بريش ببيعوا ليكم الوهم يعنى اصبروا علينا كمان ميتين سنه ثانيه

[adil a omer]

#1024752 [salaheldin]
5.00/5 (1 صوت)

06-04-2014 12:43 AM
.....اللهم عجل بزوال حكم الطغاة الظالمين الفاسدين ...واحفظ خيرالبلد لاهله البسطاء الطيبين..وولى فيهم من يصلح...امين .......................................................................

[salaheldin]

#1024751 [سم الارقط]
0.00/5 (0 صوت)

06-04-2014 12:42 AM
البترول راااقد هو السودان دا فقير البلد غنيه جدا لكن ماعندها وجيييييييييييييييع ياناس بلد هامله اي واحد بقي وزير بي دقنه عشان ياكل بي حنكه طلعو حراميه كلهم حتي عوض الجاظ طلع بايظ علي كرتي من قائد فوج مجاهدين الي وزير خارجيه ويملك فندف قصر الصداقة ومزارع في العيلغون بالمليارات والمتعافي دا مارق لها عديل ماهو كيشه زي ناس عبدالرحمن الخضر يكتبها بي اسم ود اخته وتنكشف اهاا باقي منو تاني !! الله يستر عليك يامكاوي ماتطلع لنا بكرة بي مليار دولار في فرنسا الوزارة دي قروشه بره والكوميشنات بتجيك في البيت عشان ترسي المزاد ع الشركات الله يستر علي ميزانية السودان البقت زي الحواشة ام كرنكي المترة شغاله فيها للصباح ماتمﻷ ليها سرابه عشان( الشق) بنزل المويه كلها تحت الواطة ميزانيه السودان دا اسمها الحواشه( ام كرنكي) الكلام دا بعرفوهو ناس الجزيرة

[سم الارقط]

#1024736 [عصمتووف]
5.00/5 (1 صوت)

06-04-2014 12:15 AM
هي تصبيره وتخديره لنا ما عاوزين حتي لو كان بقدر المحيطات والبحار والانهار والترع و اراضينا تطفوا فوقة ما كل بيدخل كروشكم اللعينة

[عصمتووف]

#1024735 [الكنزي]
5.00/5 (1 صوت)

06-04-2014 12:12 AM
ده حقيقة بحلم ارجع لتقارير شيفرون السابقه, حوض البترول علي شكل هلال الراس الاول في شرف السودان منطقة بورسودان ويغلب علي هذه المنطقه من الهلال الغاز الطبيعي اما كرش الهلال هي المناطق الجنوبيه من السودان القديم بما فيها ابيي ودي منطقة نفط يامكاوي اما الراس الاخر من الهلال فهو موجود في غرب السودان وهي منطقة المياه الساخنه جدا ويمكن استخدامها كطاقه اما بحيره نفطيه في شمال السودان والوسط لم نسمع به ولم نقراء عنه ويبدو ان هذا الامل فلته من فلتات سي مكاوي الجاهل

[الكنزي]

ردود على الكنزي
[Quickly] 06-04-2014 12:47 AM
كدا احوانا المريخاب بزعلو


#1024720 [دغيم]
5.00/5 (1 صوت)

06-03-2014 11:39 PM
مع انو الكذب من كترتو بقي سمة مميزة لاهل الانقاذ . لكن مستعدين نصدقم شريطة ان يجيبونا بصدق فيما صرفت عائدات النفط فيما مضي ?

[دغيم]

#1024712 [شهاب]
5.00/5 (3 صوت)

06-03-2014 11:25 PM
لن يدخل جيب المواطن منه جنيهاً واحداً حتى يدخل الجمل من سم الخياط

[شهاب]

#1024705 [ِAburishA]
5.00/5 (2 صوت)

06-03-2014 11:18 PM
البيان صحيح عن احتياطي النفط من زمن نميري.. ولا ادري لماذا لم يضمن الوزير الجزيرة وشمال دارفور وهي من ضمن مناطق الاحتياطي المذكور..
** ان كمية البترول المنتج الان هو اكبر بكثير مما يرد في الميزانية..ومما يصرح به للرأي العام.
هناك قرصنة ما تتم من قبل جهة ما في النظام في هذا الامر..وذلك بحسب مصادر موثوقة متخصصة في الشأن (البترولي)..
** ***السؤال الذي يطرح نفسه.. هل استفاد حقا الشعب السوداني من البترول المنتج من التسعينات الى تاريخ انفصال الجنوب ؟ اذا كانت الاجابة لا.. فلماذا؟ وهل سيستفيد مما هو آت ..
** رفعنا شعارات .. السودان سلة غذاء العالم.. وهي كلمة حق... نأكل مما نزرع ونلبس مما نصنع..
ولكن لماذا لا هذا ولا ذاك....

**********ان حالنا هو أشبه بما قاله الشاعر
*** كالعيس في البيداء يقتلها الظمأ ... والماء فوق ظهورها محمول..

[ِAburishA]

ردود على ِAburishA
United States [المنجلك] 06-04-2014 08:23 AM
حقيقة نخجل منها ان السودان من اغنى الدول فى افريقيا من حيث الموارد الطبيعية ولكن حالنا كحال نيجريا المواطن أخر المستفيدين من موارد الدولة بسبب الفساد.


#1024697 [عاشق ام فتفت]
0.00/5 (0 صوت)

06-03-2014 11:09 PM
ست مليارات ؟؟؟؟؟؟؟
ستة حرامية ونشالين من اصحاب المشروع الاحتقارى يلحقو ليك امات طه
ماشفتو غسان 24 سنة عندو 48 مليار ؟؟؟
ياناس؟؟
ياعالم؟؟
اعتبرو يا اولى الابصار

[عاشق ام فتفت]

#1024696 [نكس]
5.00/5 (1 صوت)

06-03-2014 11:07 PM
والله دا خبر بيفرح رايك شنو يا مكاوي تحفروا السودان كلوا حفر بترول وتنقيب دهب وتزرعوا بنقوا في الشبرين البفضلوا - اهو حل حكومة بتلحس وشعب مسطول بتلحس - وكدا مافي زول بتهمكم بشراب البنقو -

[نكس]

#1024682 [الدنقلاوي]
5.00/5 (3 صوت)

06-03-2014 10:34 PM
لو صحت هذه التوقعات "وهي كثيراً تكون للاستهلاك السياسي التخديري" فإن أربعة مليار برميل هي تحديداً ما تصدره السعودية من النفط في عام واحد فقط بمعدل يتراوح بين 10 و12 مليون برميل يومياً .. يعني هي كمية تافهة، يا دوبك تكفي البشير وبقية الأسرة الحرامية

[الدنقلاوي]

#1024675 [Mohd]
0.00/5 (0 صوت)

06-03-2014 10:18 PM
محض كذب وافتراء

وبعدين فلنفرض انه صح ماذا استفاد الشعب من البترول حق الجنوب قبل الانفصال ؟

الاستفادوا منه اللصوص امثال عبد الله البشير والجاز والتماسيح الكبار في نظام الافك والضلال الانقاذ

وبعدين المساحة دي تعادل نصف السودان والشركات بتقب ليها اكثر من عشر سنين اشمعنى ظهر الان ؟

دي مكنة والغرض منها الاستهلاك المحلي ولفت انظار الناس عن المواضيع الرئيسية مثلما صرفتوا نظر الناس من قضية الوالي الحرامي باعتقال الصادق المهدي حتى توقفوا الكلام عن فساد ولصوص النظام المنافقين الفاسدين المنحطين اسال الله ان يحشركم جميعا في قعر جهنم يا دجالين يا كذابين يا منافقين يا سفاكي الدماء

اللهم امين يا رب العالمين

[Mohd]

#1024667 [وجع راقد]
4.00/5 (1 صوت)

06-03-2014 10:13 PM
اها يا ناس كردفان بدل الموية جاكم بترول .... نفاق X نفاق = هوت دوق ... كل زول في الحكومة عندو دور ... اصلو لو في حاجة زي دي كان زمان عوض الجاز لحسها كلها ... لأنوإسم على مسمى..

آخ يا وجع قبل رجع ،،،

[وجع راقد]

#1024660 [ابوعزام]
5.00/5 (3 صوت)

06-03-2014 09:54 PM
زراعة بس بلا بترول بلا كلام فارغ البترول الكان فى شفنا منو شنوووووو احىىىىىىىىىىىىىىىى عليكم مرضتونا الله يجيب اخركم

[ابوعزام]

#1024656 [الــســيــف الــبــتــار]
5.00/5 (1 صوت)

06-03-2014 09:47 PM
بركة الله وسور القران المائة و اربعةعشر والقبلتين و دعوات الصالجين من اهل التقابه و نيرانه ما بتنطفى و بركات حبيبنا المصطفى النبى الامى محمد بن عبدالله عليه الصلاة و السلام و اله و الصحابه الابرار أن تعجزوا و توقف كل الاليات و لا تستطيعوا الوصول الى استخراجه ويحفظ فى باطن الارض ولا تستفيدوا منه ابدا لانه ملك لهذا الشعب المسكين و المغلوب على أمره و يكفى ما نهبتوه وبددتوا عائداته فى الفارغه و امقدوده و لم يستفد المواطن البسيط بملتر واحد و يا ويلكم و سهر ليلكم مع الحكم العدل و نسيتوا الحساب و العقاب و هناك رب .

[الــســيــف الــبــتــار]

#1024637 [أرسطو]
0.00/5 (0 صوت)

06-03-2014 09:18 PM
أذا فعلا البترول موجود فأستخراجه و تسويقه يحتاج الى 20 سنة و حينئذ يكون البشير بقى عجوز غابرين و يبول فى سرواله و وداد تكون بقت عجوزا شمطاء لاتعرف وجهها من قفاها و حيث أن لا زرية لهذا السفاح فأن خير هذا البترول الموعود سوف يعود لهذا الشعب المسكين الصابر - اللهم آمين .

[أرسطو]

#1024626 [الزين]
5.00/5 (1 صوت)

06-03-2014 09:04 PM
تشربو بنقو يامرسي...
البترول ده قبلي كده طلع مطلنا منو رباط
رباااط
بتشربو بنقو ياعوض.

[الزين]

#1024621 [ابو الخير]
4.00/5 (1 صوت)

06-03-2014 09:00 PM
نصيبي فيهو كم

[ابو الخير]

#1024618 [هدهد]
4.50/5 (3 صوت)

06-03-2014 08:59 PM
ههههههها قال بترول !!!!!! خليك من بترول نحت الارض افرض انه على السطح وكل يوم بتصدروا عشرة ملايين برميل فماذا نستفيد نحن منه كمواطنين !!!!؟؟؟ سوف تقومون بتجيد الشباب وتاتون بصاليك العالم والمتطرفين وتجعلون السودان عبارة عن بؤورة دمار وحرب . لعنة الله عليكم يا منافقين وهل البترول افضل من مشروع الجزيرة الذى دمرتموهو وتقول بترول ؟؟؟؟؟ لانريد بترولا ولا ذهبا يكفينا هذا النيل وهذه الاراضى الشاسعة الخصبة التى بعتم نصفها ايها السماسرة . وكفى لعبا بمشاعر الناس .

[هدهد]

#1024580 [مقداد الشيخ]
5.00/5 (1 صوت)

06-03-2014 08:00 PM
لعبه مكشوفه يا مواسير ...لن تنجح عملية التخدير. ...

[مقداد الشيخ]

#1024577 [wad-aljazeera]
0.00/5 (0 صوت)

06-03-2014 07:56 PM
قديمه شوف غيرا...كمية من البشريات والوعود لا شفنا طين ولاعجين...بلا اخمكم ياكيزان ياسجم..

[wad-aljazeera]

#1024573 [Naser]
0.00/5 (0 صوت)

06-03-2014 07:47 PM
نفس النبيذ القديم وإن اختلفت القناني.
نفس الأكاذيب استراتيجية واحده مجربة وناجعه... بيع الكذب وتعبئة الهواء.
يمشي الجاز يجي مكاوي ونحن نصدق وننسى كذبة سلفة.
منذ انفصال الجنوب و ذهاب مصادر تماسك العصابة وهم يبشرون أنفسهم و الشعب السوداني بعودة الرخاء وتم اكتشاف مرة بحيرة ومرة حوض ومرات حقول. لكن الاهم حتى وإن كان المكتشف محيط بالله هل ستخطي جشعكم للسرقة؟ ؟؟ وكم سيكون نصيب الشعب السوداني من المتبقي بعد خصم المستحق من السرقات.
أيها الشعب قوموا لحماية مواردكم من هذه العصابة.

[Naser]

#1024566 [الدغري]
5.00/5 (1 صوت)

06-03-2014 07:29 PM
الكلام دا غير صحيح لانو لو بالفعل هناك اي احتياطبات حتي ولو اقل مما اعلن السيد الوزير لتسابق المستثمرون واولهم الصينيون والماليزيون للظفر بهذه الغنيمه كما لا اظن مع الوضع المالي الحرج الان انو بستطيع بنتظر لل...(سنوات القليله المقبله) حسب تصريح الوزير اعلاه الي حين بدأ الانتاج فلقد بلغ الروح الحلقوم. هذا لا ينفي ان البلد غني بموارده البتروليه التي لم تكتشف بعد.

[الدغري]

#1024565 [awad]
5.00/5 (1 صوت)

06-03-2014 07:27 PM
الكاركتير يغنى عن كل تعليق لوفرض أنه كلام الوزير صحيح وليس دغمسة للإطالة عمر النظام بكذبة تصبيرية.

[awad]

#1024547 [ايو الهول]
5.00/5 (1 صوت)

06-03-2014 07:05 PM
.........Leave it 4 the coming generation

[ايو الهول]

#1024546 [ود احمد]
0.00/5 (0 صوت)

06-03-2014 07:04 PM
هذا الجيل من 1989 الي 2013 فهو جيل عاش عصور الظلام ولذلك يجب ان نحتفظ ان صدق الوزير بهذه الثروة للاجيال القادمة بدلا من ان تذهب لجيوب الطغاة كما ذهبت ال 70 مليار ماقبل الانفصال اما ما تم من كباري وطرق فهو ديون على الاجيال القادمة

[ود احمد]

#1024543 [بعيد الانفجار]
0.00/5 (0 صوت)

06-03-2014 06:59 PM
نحن شعب لا يستحق وطن به جالون موية. بيعوا هذا الوطن التعيس واعطونا حقنا لمنموت على قوارب الهجرة الى اوروباو عليكم السلام

[بعيد الانفجار]

#1024524 [معتدل]
5.00/5 (1 صوت)

06-03-2014 06:38 PM
فى انتظار عينبك كملت الصبر كلو

[معتدل]

#1024522 [نهبوك يا وطن]
5.00/5 (2 صوت)

06-03-2014 06:36 PM
لا تنقيب قبل زوال الانقاذ.. و بمناسبة ظهوركم على الساحة الان يا سعادة الوزير منو الشركة البرازيلية و منو وراهم؟؟ يرجى الافادة. نتمنى خلوها من مستثمرين مشبوهين امثال الملياردير اليمني شاهر عبدالحق و اتفاقات بترودار الفاسدة. و شكراااا.
بالمناسبة امازال المذكور اعلاه شريك في السلام روتانا؟؟ ولا كرهتو السودان؟؟ شايفو قلب الصومال الايام دي!!! و مشاريع تنقيب على الابواب (في الصومال, هل هذا تمديد لعمليات الصومال؟؟
اخوانا و اخواتنا مهندسين البترول الاحرار,, افيدونا افادكم الله.

[نهبوك يا وطن]

ردود على نهبوك يا وطن
European Union [نهبوك يا وطن] 06-03-2014 07:53 PM
عفوا . سودابت - باشراف و دغمسة المدير العام محمد صالح عثمان - فبراير 2014


#1024516 [الكونت]
3.50/5 (2 صوت)

06-03-2014 06:34 PM
لعلمكم الشخصيه الاعلنت هذا الخبر اذا كانت هى المهندس مكاوي صدقوني فهو صادق الايام بيننا

نعم هنالك بعض التصريحات من المسؤوليين تكاد ان تفجر راسك من قوة انفجار القنبله؟؟؟

[الكونت]

ردود على الكونت
[ابو احمد] 06-03-2014 09:01 PM
خبر سيئ جدا لانهم سوف ياتون بالمرتزقة لحمايتهم من الشعب السودانى لانهم قنعوا من الشعب السودانى واصبح عدوهم رقم واحد. ياما تشوفرا مرتزقة وجنجويد اشكال والوان فى كل مدن السودان ويدفعون لهم بالدولار من عائدات البترول لحمايتهم من غضبة الشعب السودانى.


#1024509 [محمدين]
0.00/5 (0 صوت)

06-03-2014 06:24 PM
الجاك!

[محمدين]

ردود على محمدين
[الجاك قسم السيد] 06-03-2014 09:13 PM
اقضوا حوائجكم بالكتمان والله الامركان زي ما شالوا منكم البترول بي جنوبو وخلوكم ايد ورا وايد قدام ايضا هم قادرين ان يكرروا نفس الموال واخلوكم كانك يا ابو زيد ما غزيت او العروسة للعريس والجري للمتاعيس


#1024497 [سعيد]
0.00/5 (0 صوت)

06-03-2014 06:15 PM
نتمني ان يكون الخبر صحيح وان تكون هناك شفافية في التوزيع العادل لثروة البلاد لتستفيد منها كل الولايات

[سعيد]

ردود على سعيد
European Union [Mohammed Hussein] 06-03-2014 11:37 PM
عليك الله!!!!!!!!!!!!


#1024495 [الجنقوري]
4.94/5 (5 صوت)

06-03-2014 06:10 PM
مورفين، اولفين، الطلع قبل كده مشى وين؟؟؟؟؟؟؟؟؟؟

[الجنقوري]

#1024492 [بامكار]
5.00/5 (3 صوت)

06-03-2014 06:07 PM
عند اكتشاف البترول فرحنا شديد لكن الحكايه طلعت ماسورة لا تعليم لا علاج اذن الفائدة شنو؟؟؟؟؟؟

[بامكار]

#1024481 [أبوعلي]
5.00/5 (3 صوت)

06-03-2014 05:54 PM
هو الكلام بي قروش! أدمنّا الكذب والتلفيق
أصاب بصداع لو ماسمعت كذبة كوزيّة يوميّا

[أبوعلي]

#1024478 [ركابي]
5.00/5 (2 صوت)

06-03-2014 05:53 PM
مابصدقكم (مع الاعتذار للراحل المقيم عثمان حسين) ...الكيزان بيوعدوا الشعب بانهار من اللبن والعسل وبيطلبوا فرصة تانية لمدة ربع قرن............لو افترضنا انو ما كضاب برضو لو جابوا بترول السعودية والعراق وغاز قطر وروسيا كلو ديل بيلهطوهوا في لمح البصر عندهم كروش رهيبة وشهية مفتوحة مابيشبعوا كلو كلو

[ركابي]

#1024471 [Quickly]
4.50/5 (4 صوت)

06-03-2014 05:49 PM
محاولة مكشوفة لتخدير وامتصاص غضب الشارع الذي يغلي بسبب قضايا الفساد والغلاء والحروب والامراض والاتطهاد
لماذا يظهر هذا الخبر الآن ؟؟!!
لو كان في حاجة زى دي لما انتظرتم ليوم واحد ياللصوص
وين ايرادات البترول الظهر من سنة 97 دي كانت بتمش وين وحدي هسه بتمش ووين ؟؟؟
ليييه ماتكلمتو عنها؟؟؟؟

[Quickly]

ردود على Quickly
European Union [الحازمي] 06-03-2014 10:20 PM
تماما هذا ما يرمي اليه هذا اللص الثعلبي!!!!
قال بحيرة قال
انتو البترول السابق وديتوهوا وين يا حرامية؟؟؟


#1024467 [كاهل ابوعرب]
5.00/5 (1 صوت)

06-03-2014 05:47 PM
بلدنا دي ما حقتنا حقت اثيوبيا ومصر وارتريا والكميرون وغانا وزائر والكنغو وانغولا ...

بلد ماشه بالبركة والسذاجه ...

الهند بلد فقير لو تجها بطريقة غير شريعية تكره حاجه اسمها كاجول وسوني دول

نحن تجي رطاني من الكميرون تطلع الجنسية في اسبوع بس قول انو صاموئيل ايتو ولد عمك ولد لعبت انت واياهو ولا ولد قريتك

قوم بالله

[كاهل ابوعرب]

#1024466 [العشارى]
4.00/5 (1 صوت)

06-03-2014 05:47 PM
حكومة انتقاليه
انتخابات ديمقراطيه
بلا بترول بلا لمه
يجب منع استخراج جالون واحد من البترول الى حين رحيل عصابة الانقاذ
ارجو من الشعب ان يتحمل مسؤليته
شعب جبان
تانى اللهط ح بدأ
كفاااااااااااااااااااااااااااااااااااااااااااااااااااااااااااااااااااااااااااايه
على الجبهة الثوريه منع اى تنقيب الا بعد رحيل الانقاذ لاننا لن نستفيد من هذا البترول
بل سيذهب كما ذهب اخوه

[العشارى]

#1024462 [ود الدكيم]
5.00/5 (1 صوت)

06-03-2014 05:45 PM
إنك لم تأتِ بجديد أيها الجهول وهذه الحقائق موجودة منذ حكم الرئيس جعفر نميري. والأفضل للشعب السوداني أن البترول حيث كائن لأننا لم نر من ريع بترول السودان الذي تم تصديره شيئاً وحتى المشاريع التي بناها السودانيون الشرفاء قمتم بتحطيمها.

[ود الدكيم]

#1024459 [كاكا]
0.00/5 (0 صوت)

06-03-2014 05:42 PM
انا عياز اعرف الجني الاكتشف البحيرة دي منو اذاكان الصينيون مااكتشوها

[كاكا]

ردود على كاكا
United States [فانطاو] 06-03-2014 07:38 PM
الجني الذي اكتشف البترول هو الشيخ بله الغائب اكتشف دهب واكتشف الطائرة الماليزية لكن الناس ما صدقوا


#1024457 [ابوعبد الله]
4.50/5 (2 صوت)

06-03-2014 05:40 PM
خد

[ابوعبد الله]

#1024454 [سوداني بس]
5.00/5 (2 صوت)

06-03-2014 05:36 PM
لن تبقوا حتى تسرقوه إن كان موجوداً وهذا ظني بالله .اللهم صلي وسلم على محمد وعلى آله وصحبه وسلم تسليماً كثيراً(حررعقلك تحرر وطنك).

[سوداني بس]

#1024449 [زول وطني غيور]
4.75/5 (3 صوت)

06-03-2014 05:33 PM
السودان بلد به ثروة نفطية كبيرة جدا ويقال أن الإحتياطي النفطي يفوق إحتياتي أكبر الدول الخليجية ويقال أن الثرة النفطية بالسودان تكفي العلم لمئات السنين ولا سيما بالصحاري السوداني الممتدة ولكن مثلي مثل كثير من السودانيين لا أتمنى أن يتم إستخراج ولو جزء من هذه الثروة الإستراتجية الهامة في ظل هذا النظام الذي عرف بالفساد والإستبداد لأنني أخشى أن تذهب مداخيل هذه الثروة إلى بطون التماسيح الكبار ويطلع بقية أفراد الشعب السوداني من المولد بدون حمص .....

[زول وطني غيور]

ردود على زول وطني غيور
European Union [AAA] 06-03-2014 07:45 PM
خليك عايش علي كدي...

بترول شنو ياخوى ....

الكلام دا قالو الرئيس أول الانقلاب وظل يكرر فيه لحدي قبل إنفصال الجنوب..قالو نحنا أكتشفنا بترول كتير في الشمال بس منتظرين الإنفصال عشان نعلنو وطلع الكلام كضب ساي..


ثانيا البترول الأسع عندنا دا ياهو الاكتشفتو شيفرون..يعني بعدا سجم رماد أم أهلنا ماعندنا الروس جو فتشو وفترو لا خلو كاب الجداد لا خلو غيرها...الكنديين برضو والصينين لامن انفصلو مع الانفصال ..لكن


الحكاية دايرين اخدرو الأمة شوية لحدي ما إحشرو زيادات البترول وكلو بحجة الدعم المزعوم..وعشان الماسكين دولار من الجربانين ناس الفين وتلاتة افكوهو فى السوق عشان القفوهو أبان كروش

وأخيرا من سهام صدرك جاني رايش وعلي الذكرى القديمة خلتني دايش

European Union [كفاية ارهاب باسم الله] 06-03-2014 07:18 PM
وهم وهم وشعب وهم وأنت وهم وأنا وهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة