الأخبار
أخبار سياسية
جهاز المغتربين والولاية الشمالية يتفقان على فتح فرص استثمارية للسودانيين بالخارج
جهاز المغتربين والولاية الشمالية يتفقان على فتح فرص استثمارية للسودانيين بالخارج
جهاز المغتربين والولاية الشمالية يتفقان على فتح فرص استثمارية للسودانيين بالخارج


وقعا مذكرة تفاهم مشتركة
06-04-2014 02:02 PM
وقَّع جهاز تنظيم شئون السودانيين بالخارج ، وحكومة الولاية الشمالية ممثلة فى المجلس الاعلى للاستثمار مؤخراً ، مذكرة تفاهم مشتركة اتفقا خلالها على فتح فرص الاستثمارات المختلفة بالولاية للسودانيين بالخارج ،
واتاحة المجال لرأس المال السودانى المهاجر للدخول فى الاستثمارات الوطنية وادماجه فى الاقتصاد الكلى .
جاء ذلك خلال زيارة الامين العام لجهاز تنظيم شئون السودانيين بالخارج ، السفير حاج ماجد محمد السوار ، والوفد المرافق له من ادارة الاستثمار بجهاز المغتربين ، الى الولاية الشمالية مؤخراً ، بغرض استكشاف
فرص الاستثمار بالولاية فى المشروعات المختلفة ، ودعا سوار السودانيين بالخارج وابناء الولاية الشمالية بصفة خاصة الى توجيه اموالهم نحو الاستثمار بالداخل فى مشروعات مدروسة وناجحة بالولاية فى مجالات الزراعة ، السياحة وخدماتها ، التعدين ، انتاج الدواجن ، تعليب الخضر والفاكهة وغيرها من المشروعات الاخرى ، مشيداً فى هذا الاتجاه بالمناخ الاستثمارى فى الولاية والذى وصفه بالجيد والمرن .
وكشف سوار عن حجم الاقتصاد السودانى المهاجر البالغ خمسين مليار دولار، مبيناً انها يتم تحريكها فى اقتصادات الدول الاخرى ، مشيراً الى سعى الجهاز لاستقطاب هذه الاموال ، فى اطار سعى الدولة لادماج الاقتصاد المهاجر فى الاقتصاد الوطنى عبر اتاحة الفرص الاستثمارية للسودانيين بالخارج بما يحقق الفائدة المشتركة للمغترب السودانى وللبلاد .
ووقف سوار خلال زيارته الى الولاية الشمالية على نماذج لمشرعات استثمارية مختلفة فى محليات مروى ، الدبة ، البرقيق ودنقلا .
هذا وقد وقع على المذكرة عن جانب جهاز المغتربين السفير حاج ماجد سوار، الامين العام للجهاز ، وعن حكومة الولاية الشمالية جعفر عبد المجيد عثمان وزير الاستثمار بالولاية ، بحضور حسن بابكر احمد مدير ادارة
الاستثمار وخدمات المغتربين بالجهاز ونائبه عمر صابر قسم الله ، ومدير جهاز المغتربين فرع الولاية الشمالية معاوية حسن عبد الرحمن ، والمهندس عادل جعفر وزير الزراعة ، وتاج السر عبد الله عثمان ، الامين العام
للمجلس الاعلى للاستثمار ، والمهندس على حسين بتيك وزير التخطيط العمرانى بالولاية الشمالية .


جهاز المغتربين


تعليقات 7 | إهداء 0 | زيارات 1471

التعليقات
#1038908 [halfaa]
0.00/5 (0 صوت)

06-19-2014 03:27 AM
يا شباب دي لزوم وجهات ساي توقيع الاوراق والخ دول عارفين من اين تؤكل الكتف المهم جباياتهم ماشة زي السلامو عليكم والفلوس جايتهم منكم يا مغتربين يا غلابة شغالين دوامين وهما رحلاي سفارى ساي وفنادق خمس واربع نجوم ووو يا بختك يا سوار اتمتع ساي بفلوسنا جاييك يوم الحساب انت ومعلمكم الكبير تاج الدين اللي علمكم طريق النصب والاحتيال لعنت الله عليكم ليوم الدين

[halfaa]

#1025585 [ود احمد]
0.00/5 (0 صوت)

06-04-2014 05:56 PM
خلاص نشفتو الجوة قبلتوا على البرة الناس طارت خلتلكم البلد ولسع مطاردنهم بعد ان فقدتم الصليح بسياساتكم العرجاء من اول يوم كلب الحكومة ما خلالوا زول ولا دولة ولا حجر ولا مدر الا تطاول عليهوا بلسانه الحديث السياسي وهو حديث غير سياسي وغير مسؤوول اذ قال صلى الله عليه وسلم موصيا معاذ امسك عليك هذا واشار الي اللسان واصحاب المشروع الحضاري لم يعرفوا هذه القيمة والتي يجنون حصائد السنتهم وتقطعت بهم السبل وفقدوا الصليح فقبلوا على المغتربين

[ود احمد]

#1025547 [جبل البركل]
0.00/5 (0 صوت)

06-04-2014 05:23 PM
والله إلا يكون مغترب مغفل حتى يصدقكم .... قدمت لمشروع زراعي في منطقة مروي و سددت كل الرسوم و سجلته بإسمي في الأراضي و بعد إنتهاء الفترة الأولي 3 سنوات جينا نجدد للفترة الثانية - 7 سنوات - قالوا صدر قرار جمهوري من الرئيس بمصادرة كل الأراضي هناك و عدم التصرف فيها من قبل حكومة الولاية !!!!!! الشكوي لله يا مجرمين .... يا سارقي قوت الشعب .. و مصاصي دماء المتعبين .... لن نلدغ مرتين ... لن ندفع ولا سنت مقابل أراضي تستلموا رسومها هذا العام و تصادرونها العام القادم لتباع لآخرين ....
* هل إعتذر حاج ماجد لأستاذه الجامعي الدكتور أحمد سليمان ..... الدين المعاملة .... و إن عدتم عدنا

[جبل البركل]

#1025485 [ودالنيل تمساح]
0.00/5 (0 صوت)

06-04-2014 04:33 PM
هههههه ممكن دى برضو تكون سرقه بحسابات جديده
يعنى ممكن تسرقوا القروش من هنا وباسم واحد يكون تابع ليكم مغترب تدخلوها تانى
عشان ماتتعرف
لانو قصة تكون فى قروش فى بلاد المهجر دى بقت قصة قديمه ومافى قروش ماتغشونا ساى
هسه المغترب بقى يفتش لمكان عمل وسكن ودراسة لاولاده لكن قصة قروش بالكوم زى زمان
ديك انتهت
ماتخمونا ساى استثمار وما استثمار ولو كمان فلستوا وعايزين تتجهوا للمساكين المغتربين
ماتتعبوا ساى دى قروش جايه بعد جهد وقروش حلال مابتروح ساى
فكروا ليكم فى فكره تانيه

[ودالنيل تمساح]

#1025477 [أبو أحمد]
0.00/5 (0 صوت)

06-04-2014 04:24 PM
وين الأمين طه القرين مدير الاستثمار السابق بجهاز المغتربين...قصدته ذات مرة في مكتبه الوسيع فوجدته في فاقة وظيفية جعلت إدارة الجهاز تستعين به في إستقبال العائدين من ليبيا وسألته عن فرص الاستثمار المتاحة للمغتربين فأجابني ما عندنا غير إنك تدخل سيارة بلوحة استثمار وتوكل مهمة إيجارهاوتشغيلها لشركة المهاجر التابعة للجهاز مقابل 30% من قيمة الايجار كرسوم إدارية على أن تكون السيارة جديدة على الزيرو وموديل العام ويفضل أن تكون لاندركروزر أو تويوتا بوكس دبل كاب لأنها مرغوبةعلى أن تنتهي علاقة المهاجر بالسيارة بعد أربع سنوات لأنها بعد ذلك ستدخل في نطاق الاحتياج إلى الصيانات الكبيرة والعمرات .. بعد الأربع سنوات يتم تقييم السيارة وتقدر قيمة جماركهاوإذا أردت الاحتفاظ بالسيارة تدفع الجمارك المقررة أو يتم بيع السيارة في السوق وتخصم رسوم الجمارك ويرد إليك ما تبقى... شوف كيف إدراة كبيرة عريضة إسمهاإدارة الاستثمار هذا هو عملها.... قلت ليه طيب ما أشتري أربع أو خمسة أمجاد بثمن اللاندكروزر علي الأقل أوزع المخاطر ودخلها حايكون أكثر من إيجار اللاندكروزر.

[أبو أحمد]

#1025450 [سوداني حر]
5.00/5 (1 صوت)

06-04-2014 04:03 PM
والله بدل التعب دا كلوووو لو جبتووو قروشنا بتاعت استثمارات ماليزيا كان كفتناااا ليوم القيامة تقوم فيك شنوووو اقول يا سوار ،،،، للاسف شروط مشروع كوكا المقترح فيه ظلم واضح للمغتربين من ابناء المنطقة انت داير تجي تقول استثمار يا ود سوار اصحاب الحق ابوووو يدوهم أراضي بحكم الشروط المكتوبة في ورقة الطلب الخمووووو بيها القروش وادها للمتعافي ان شاء الله ما تنفعوا ،،، والله ريح نفسك واستريح مافي زولا بجيك خاصة نحن اولاد الولاية الشمالية وتحويلات تاني مافي ولو كترتووووو السودان زاتوو تاني ما بنجي فيهوووو

[سوداني حر]

#1025354 [سدالنهضة]
0.00/5 (0 صوت)

06-04-2014 02:51 PM
اختلاس ... جبايات... نفايات... كسر رقبه تدفع... زكاة يومي تدفع... دمغه جريح... دعم سريع تدفع... رشوه تدفع... اي حاجه تدفع ولا كتر خيرك... مشكورين يا حراميه المؤتمر اللا وطني طمعانيين في قروش المغتربين ومشاريعكم فاشله ذي حكمكم يا وسخ يا عفن اعمل المشروع ده لنفسك اول حاجه اكان فشل يا هاج سوار يكون اصلا ما خسرت حاجه لانو دي القروش السارقا من الدوله
وسلم علي بقيت الحراميه المعاك ديل

[سدالنهضة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة