الأخبار
أخبار إقليمية
الشرطة ترفض منح حزب الأمة إذناً لتسيير مسيرة
الشرطة ترفض منح حزب الأمة إذناً لتسيير مسيرة
 الشرطة ترفض منح حزب الأمة إذناً لتسيير مسيرة


06-04-2014 02:11 PM
أكد حزب الأمة القومي أن مدير شرطة محلية أم درمان رفض منح الحزب إذناً للقيام بتسيير موكب سلمي، وقال رئيس الحزب بولاية الخرطوم إن الشرطة اعترضت على هدف المسيرة وهو تقديم مذكرة لوالي ولاية الخرطوم بالأمانة العامة لحكومته لإطلاق سراح رئيس الحزب السيد الصادق المهدي حيث أنه مسجون في قضية جنائية. ولا يسمح بتسيير المواكب في شأن أصحاب القضايا الجنائية لمخالفتها للبند ۲/٦ من القرار الجمهوري رقم ۱٥۸ لسنة ۲۰۱٤

الجريدة


تعليقات 21 | إهداء 0 | زيارات 2704

التعليقات
#1025927 [xman]
0.00/5 (0 صوت)

06-05-2014 03:19 AM
هههههههههههه مش قلت ليكم ناس الامة ديل طير ساااااكت !!!

[xman]

#1025871 [ِAburishA]
0.00/5 (0 صوت)

06-05-2014 01:06 AM
حميدتي رفض....

[ِAburishA]

#1025771 [موسي]
0.00/5 (0 صوت)

06-04-2014 09:59 PM
الطائفية ذهبت من غير رجعة ........والمهدية والانصار كانوا وطنيين لبوا نداء الجهاد ضد المستعمر ( المحتل ) من كل انحاء السودان لأن دعوة المهدي كانت صادقة( ما كراع بره وكراع جوة) لذلك كانوا هم صادقين ... ولكن اين الان الامام محمد أحمد المهدي الذي كان يقول ( لاشيعة ولا طوائف ديننا الاسلام ووطننا السودان ) قال ينتظرون تصريح من الشرطة .... يا ناس حسب الامة لو سمعت الطابية المقابلة النيل باعذاركم لاختاركم الغرق في المياة وشبعت غرق ...............

[موسي]

ردود على موسي
European Union [الوطن العزيز] 06-05-2014 01:26 AM
كلمة طائفية اوجدها الكيزان والشيوعيين لان الطائفية بمعناها الفكرى لاتوجد فى السودان لان للطائفية ثلاثة شروط غير موجوده فى السودان وهى 1مذهب معين 2 رقعة جغرافية معينة 3 عرق معين وهذا غير موجود فى السودان مثلا توجد فى لبنان وسوريا=الموجود فى السودان انصار وطرق صوفية وحتى الحكومة تطلق كلمة طائفية للطريقة الصوفية اذا عارضتها واذا ايدتها تسميهم مشائخ الطرق


#1025754 [Mohd]
0.00/5 (0 صوت)

06-04-2014 09:40 PM
نجح كلام الانقاذ في ترويض الصادق المهدي وجردوه حتى من شعبيته وفتتوا حزبه والدليل توظيف ابنائه في الانقاذ ومع ذلك لم يراع مجرمي الانقاذ ولم يحترموا ابنائه بشرى الصادق المهدي الذي يعمل ضابط بالامن ولا عبد الرحمن الصادق المهدي الذي يعمل مستشارا للرئيس ، لم يحترموهم واعتقلوا والدهم ومرمطوه وكله لماذا؟ تقديرا للمجرم حميدتي القادم من غرب افريقيا وقوات الجنجويد القادمة من مالي وغرب افريقيا فهؤلاء الاوباش لهم مكانة لدى الحكومة وتعمل لهم الف حساب لا احتراما او تقديرا لهم ولكن خوفاً منهم لانه لا يوجد جيش بالبلد كما قال حميدتي فمن سيتصدى لهم ان دخلوا الخرطوم؟ لا يوجد احد يتصدى لهم

الصادق المهدي برغم انبطاحته وولاءه للمؤتمر العام الذي يفوق ولائه لحزب الامة وعمالته وارتزاقه من حزب المؤتمر الوثني الا ان القصد من اعتقاله هو التالي :
اولاً : صرف نظر الناس عن قضية الوالي الحرامي وجماعته (الخضر) .
وفعلا منذ اعتقال الصادق المهدي لم يتعرض الا القليل جداً لموضوع قضية الوالي
ثانيا: معظم الانصار الشباب المناضلين خذلهم الصادق اكثر من مرة عندما حاولوا القيام بثورة وقال لهم بالحرف الواحد الشعب يريد نظام جديد وكانوا هم يهتفون الشعب يريد اسقاط النظام وقال لهم الداير يسقط النظام بالقوة اليمشي يسقطه ( كان دائما محبطا ومثبطاً للهمم وكل ذلك خدمة لاولياء نعمته المجرمين الانقاذيين والافاكين المنافقين المؤتمرجية )
لقد عمدت الانقاذ على حرق الصادق المهدي حياً وتكريه شعبيته فيه ونجحت بدرجة امتياز والدليل الان بضع العشرات وان قلنا المئات هم الذين يريدون ان يسيروا مظاهرة وجلهم ليسوا من حزب الامة وان حسبنا العدد الحقيقي سنجدهم لا يتجاوزن المائتين من حزب الامة المهتمين بموضوع اعتقال الصادق المهدي

الصادق المهدي قبر تاريخ جده محمد احمد المهدي وافقد الحزب الملايين من انصاره بسبب خنوعه وذله وانبطاحه للنظام ، ولن يفرق كثيرا ان خرج او لم يخرج وان مات الصادق والمرغني فهذا معناه انتهاء اكثر من 20% من مشاكل السودان وان مات الترابي فمعناه انتهاء 60% من مشاكل البلد والعشرين الباقية دي بقيةالمشاكل الزرعوها كلاب الانقاذ الملاعين قاتلهم الله

[Mohd]

#1025750 [معاويــــــــــــــــــــــــــــــــــة]
0.00/5 (0 صوت)

06-04-2014 09:37 PM
سيبك من الصادق وغير المسالة لازم تحسم عسكريا الاخوان الشياطين لايعرفوا غير لغة الحرب وجون قرنق هو الزول الوحيد القدر عليهم وخافوا منو لمان سلوه الجنوب كامل والان يامعارضة لو عاوزين السلطه تعملوا مقاومه مسلحه مظبوطه لاتخضع لاى مساومات غير اسقاط النظام والنظام اصلا الان متهاوى ومن تبقى من منسويه هم الحراميه والطفيليين والله ديل ما يحاربو ساعه واحدى زلزلة النظام بالحرب فقط .........

[معاويــــــــــــــــــــــــــــــــــة]

#1025749 [المنجلك]
0.00/5 (0 صوت)

06-04-2014 09:35 PM
انه سودان جديد واجهة لإفرازات الأخوان القذرة رأينا وجهه القبيح فى جنوب السودان و دارفور و كردفان والنيل الأزرق ولن يمضى وقت طويل حتى يكشف عن وجهه ألجهويي البغيض في كل ربوع السودان

إلى متحف التاريخ أيها ألماضي العتيق و لنرى ما سيرى الله فلن يلقاها ألا الصابرين ولن يلقاها ألا ذوى الحظ العظيم. اللهم ثبت قلوب الذين امنوا والهم أهل السودان الصبر فالأخوان بلاء عظيم.

[المنجلك]

#1025743 [القادمون الجدد]
0.00/5 (0 صوت)

06-04-2014 09:17 PM
الخبر دا شكلو ناقص اكيد ناس الامن قالو ليكم امشو انتو ارتاحو وانحنا نسير ليكم مسيره من افرادنا انحنا في الحر الحاره دي .وان شاء الله يفكو ليكم الامام عن قريب وعفا الله عما سلف

[القادمون الجدد]

#1025598 [ود كترينا]
1.00/5 (1 صوت)

06-04-2014 06:05 PM
*** هو الصادق ذاتو ناس الأمن متسامحين معاهو غاية التسامح...وكل يوم بالليل بشرى الصادق بيسوق عربيتو وبيركب معاهو أبوهو الصادق بيوديهو ينوم فى البيت وبيرجعو بعد صلاة الصبح...والراجل الحبيب مرتاح فى السجن...حقو يستغل الفترة دى ويراجع حساباتو...المهم انو يستفيد من الخيط وابرة الكورشيه الجابتهم ليهو مريم ويعمل عراقى من الدامور زى المهاتما غاندى عشان يوم حميدتى يقول فكو الصادق يجى الصادق مارق من السجن وهو لابس مما يصنع!
***من مصلحة المؤتمر الوطنى والمؤتمر الشعبى والغازيون الجدد وحزب الحقيقة الفدرالى والحزب الناصرى بتاع محمود مصطفى ومنبر الشرق الديموقراطى انو الصادق يصوم ويعدى العيدين فى السجن عشان الحوار يمشى لقدام!!!!!!وبعدين الأمن مامفروض يفكو الا بعد وصول محمد عثمان من لندن بعد عيد الأضحى وزيارته للحبيب بسجن كوبر متساويا مع الترابى وأحمد المهدى ومبارك الفاضل
***ليت الحبيب يستغل العشر سنوات القادمات التى سيقضيها فى كوبر فى كتابة مذكراته!
***الدرس المهم ...هل عرف الصادق وحزب الأمة جناح الصادق الوزن الحقيقى لحزبهم الآن بعد عشرين يوم من سجن الصادق؟؟؟؟يا أنصار انتو الجمعتين ماطلع منكم ناس يملو دفار...ده حجمكم الحقيقى الآن فى الشارع السودانى فاتواضعوا وأعرفو حجمكم الحقيقى وانو التاريخ ما اتوقف يوم 29 يونيو 1985؟؟؟؟قالت سارة نقدالله (...السودان كلو واقف ألف أحمر ورا الصادق...)...معليش يا أستاذة السودان مشغول ببطولة حوض النيل وملفات فساد الوالى وولده وزوج بنته وزوج أخت الوالى ومئات قطع الأراضى التى حصل عليها الانقاذيون....وما شغالين بالصادق لو قعد مية سنة فى السجن لأنو كان شغال يفكك فى معارضة الانقاذ ويودى محاضر اجتماعات التحالف لناس المؤتمر الوطنى...!حقو الأنصار يخلو الراجل يعتذر لناس الأمن ويقول ليهم أمسحوها لى فى وشى؟؟؟؟لأنو هم الاتنين واحد!!والضفر مابطلع من اللحم!!!وبعد ماحميدتى يفكو يمشى الحج ويجى يعتكف فى بيتو ويبطل سياسة لأنو حميتى قاعد طرف الخرطوم!

[ود كترينا]

ردود على ود كترينا
[بعانخي] 06-04-2014 08:03 PM
ود كترينا يامحترم كلامك تمام ، فعلا سجن الصادق كشف للجميع التغير الكبير في وﻻء السودانيين للأحزاب الطائفية، بسبب خيانة هذه ألاحزاب لقضايا الشعب ووقوفهم ودعمهم للمستبدين لتحفيق مصالح أسرتين هم اسرة الصادق واسرة الميرغني، وسواء قضى الصادق عمره في السجن او خارج السجن فقد اصبح مجرد صفر لا يهتم به الشعب السوداني


#1025593 [غاندى]
0.00/5 (0 صوت)

06-04-2014 06:02 PM
يبدو لى ان الاحزاب انتهت اذا كان هذا حزب الامه الذى كان له شنه ورنه الحزب الوحيد الذى ازعج النميرى حت قصفهم بطائرات فى الجزيرة ابا قفا نبك من ذكرى الحبيب انا لله وانا اليه راجعون

[غاندى]

ردود على غاندى
[عباس] 06-04-2014 07:20 PM
مقصوده حتى بقيت الاحزاب تعمل حسابة ومثل ما بيقول المثل ( اجلد المربوط يخاف السايب ) .


#1025592 [جركان فاضى]
0.00/5 (0 صوت)

06-04-2014 06:02 PM
كان تاخدوا الاذن من عبدالرحمن الصادق المهدى....فهو الذى قادر على ان يوجه مدير شرطة ام درمان بالسماح للمسيرة

[جركان فاضى]

#1025559 [قرفان للطيش]
0.00/5 (0 صوت)

06-04-2014 05:33 PM
ياناس الحقوا ما تبقى من تاريخ وطنا حزب اﻻمة ده مهما حدث حدث له من اختطاف واهدار لطاقاته من قياداته الضعيفة اﻻن اﻻانه يظل قامة من قامات التاريخ السودانى موكب شنو البايخذ ليهو اذن ومنو حزب اﻻمة سبحان ياحليل جدودنا الراحو فى شان الله زى مابقولو ووالى شنو البكتبو ا ليهو ناس حزب اﻻمة اليوم تاكدت تماما ان اﻻنقاذ من ركيزة من ركائز الوطن حزب اﻻمة يطلب اذن ويرفض له وعشان يقابلو الوالى عيب والله عيب يا بت نقدالله واخت نقدالله ماكان ابوك وﻻاخوك شفاه الله للعدو منكسرين ؟؟؟؟؟؟؟؟؟؟؟؟؟

[قرفان للطيش]

#1025520 [حلفنكو]
0.00/5 (0 صوت)

06-04-2014 05:00 PM
اذن بتع الساعة كم مين الحيد الاذن لميين ... وبعدين صادق دا ما عايزنو خلو ليهم احسن لينا يكون جالس كده بعيد بلا صادق بلا بشير بلا حكومة بلا عونطه .. اصلا البلد دي فضل فيها شي البلد ما خلاص كل سنة وانتم طيبين باي باي يا سودان ..

[حلفنكو]

#1025513 [زول وطني غيور]
1.00/5 (1 صوت)

06-04-2014 04:54 PM
لسان حال الجماعة في حزب الأمة يقول إذا خرج سيد/ الصادق من السجن على المعارضة تكريمه !! كما كرمته حكومة الإنقاذ من قبل !! ياناس حزب الأمة شبعنا من تكتكاتم الباينة ومعروفة ، الشغلانة مطبوخة ومليانة خل كمان !! كيف يكون سيد/ الصادق في السجن وإبنه عبد الرحمن في القصر الجمهوري ؟؟ فهمونا بس الغلوطية دي !!

[زول وطني غيور]

#1025463 [عبدالرحيم العمده]
1.00/5 (1 صوت)

06-04-2014 04:14 PM
يا جماعة الخير هو اخطار وليس اذن ... اذا كان راجين اذن فانتظروا مع الامام !!! .. بعدين الامام مرتاح أكلو وشرابه من القصر وجهاز الامن والمشكلة شنو .. رأي خاص أحسن يكون متحفظ عليه لسلامته الشخصية لانو بأمانة الجو ملغم ولا احد يستطيع التنبوء بالحالة في مقبل الايام .. قال اذن قال .. ما اخذ بالقوة لا يسترد الا بالقوة ..

[عبدالرحيم العمده]

#1025422 [بت قضيم]
0.00/5 (0 صوت)

06-04-2014 03:41 PM
نفهم من ذلك بانه سيطلق سراحه قبل موعد المسيرة

[بت قضيم]

ردود على بت قضيم
[جركان فاضى] 06-04-2014 05:58 PM
كضبا كاضب


#1025371 [المتجهجه بسبب الانفصال]
1.00/5 (1 صوت)

06-04-2014 03:04 PM
كيف يطلب الحق من غير أهله،، هذه الحكومة خارجة على القانون ولاتلتزم حتى بالقوانين التي أنشأتها بالتالي على جماهير الانصار تسيير المسيرة دون إذن،،، واشهار قوتهم وعددهم سلميا حتى يوجهوا للحكومة رسالة قوية بأن لا تتهور في حق إمامهم رغم اختلافي معه في موقفه تجاه الحكومة،،،

[المتجهجه بسبب الانفصال]

#1025357 [حسكنيت]
0.00/5 (0 صوت)

06-04-2014 02:54 PM
قانون جديد لنج يتناسب مع تلفيق التهم وإضاعة الحريات إن وجدت
على الشعب السودانى عامة وشباب حزب الأمة خاصة أن يخرجوا لإنتزاع الحقوق كاملة فالقضية لا تخص الصادق المهدى وحده مهما أختلفنا معه أو إتفقنا معه ، سواء كانت مسرحية أو لم تكن ، وسواء شارك أبنائه ( لا أظن) فى التظاهر أو لم يفعلوا ( لا حوار مع الإستعمار)

[حسكنيت]

#1025344 [الاسلامى]
1.00/5 (1 صوت)

06-04-2014 02:45 PM
يا ناس حزب الامه خلو المسرحيات بتاعتكم دى بقت ممله خالص وبايخه اذن بتاع شنو انتو عندكم عبد الرحمن الصادق مساعد رئيس وبشرى نائب مدير الامن وتقولو عايزين اذن نحن عندنا قنابير

[الاسلامى]

#1025311 [ابو نسيبة]
0.00/5 (0 صوت)

06-04-2014 02:22 PM
قلنالكم يا انصار وسطوا كبار الكيزان الذين تنتهي اسمائهم بما يشبه اسم امامكم وهم
قطبي المهدي
مندور المهدي
ثم تقدموا بطلبكم الى مفكري الكيزان:
امين حسن عمر
محمد الحسن الامين
عشان يطلعوا لكم امامكم

[ابو نسيبة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة