الأخبار
أخبار إقليمية
إرتفاع أسعار السيارات عقب قرار بنك السودان المركزي بحظر تمويل السيارات
إرتفاع أسعار السيارات عقب قرار بنك السودان المركزي بحظر تمويل السيارات
إرتفاع أسعار السيارات عقب قرار بنك السودان المركزي بحظر تمويل السيارات


سعركورلا موديل 2007 يصل إلي (180-200) مليون جنيه
06-04-2014 06:10 PM

الخرطوم (سونا) أكد عدد من تجار السيارات بولاية الخرطوم أن القوى الشرائية بمعارض السيارات تراجعت وأن الأسعار ارتفعت عقب قرار بنك السودان المركزي بحظر تمويل السيارات .
ودعوا الجهات ذات الصلة إلي ضرورة إعادة النظر في القرار .وأشاروا إلي ارتفاع أسعار الاسبيرات المستعملة الناتج عن ارتفاع سعر الدولار والضرائب علاوة على ارتفاع سعر الدولار الجمركي والذي بلغ 5.7.

وقال التاجر مختار محمد الزين بكرين بحري للسيارات هنالك تذبذبا في الأسعار وارتفاعا وصفه بالجنوني للسيارات النظيفة والجديدة التي يعزوها لارتفاع الجمارك وتصاعد ارتفاع الدولار.
وأضاف صاحب معرض السيارات بكرين بحري السيد محمد عثمان أن المعرض شهد ركودا نتيجة لتوقف تمويل البنوك.

أما السيد عبد الرحمن طه حميدة أكد أهمية إعادة النظر في قرار بنك السودان باعتبار تدفق التمويل للسيارات يحرك السوق كما أن الإقبال ضعيف جدا علي السيارات الكبيرة .
وأبان أن سعر الاكسنت الخليجية موديل 2014 بلغ (220 -225 ) ألف وسعر كورلا موديل 2011 (195) ألف جنيه وتصل موديل 2007 إلي (180-200) بحسب نظافتها.

وأشار إلى اتجاه كثير من التجار للعمل في مجال بيع وشراء العربات المستعملة لما تحققه من أرباح وفوائد مادية .


تعليقات 22 | إهداء 0 | زيارات 16788

التعليقات
#1026896 [basheer]
0.00/5 (0 صوت)

06-05-2014 09:04 PM
رد علي ود ناس هيبة
شكرا لك علي ابداء رايك وانا احترمه جيدا
تسمح لي بتعقيب بسيط علي ماورد .. انو الناس البشترو هم فئة معينة نعم والناس التي تبيع عليهم التزامات برضوا نعم وصحيح ولكن الي متي والي اين والواقع يقول ايضا ان السوق ليس به سيولة والشعب عموما انحصرت اولوياته الي مجال ضيق جد وصعب والشعب في النهاية هو السوق ... بالنسبة للالتزامات وعدم البيع باسعار منخفضة هذه مسالة زمن يعتمد علي مقاومة هؤلاء للسوق والواقع ايضا يقول ان السجون مليانة بناس الكسر والشيكات وهؤلاء ايضا كانت عليهم التزمات فمن الذي زج بهم في السجون انها حركة السوق لان عليهم التزامات وصبروا ليلوح السعر المناسب في السوق ولكن لم يحدث ذالك وكانت العاقبة السجون ... المشكلة الوضع معقد سياسيا واقتصاديا والبلد مقفول لو صح التعبير وكل ذالك يرجح نظرية انخفاض الاسعار وحتي ولو انخفضت الاسعار سوف يكون الطلب محدود لانه لايلوح في الافق وفق المعطيات الحالية اي انفراج واصحاب المعارض ليس لديهم كل الاوراق ليلعبوا بها ... انه في النهاية السوق وانظر للصين اليوم واوربا واقتصاداتهم الان... الصين بضائع رخيصة وجودة فقيرة ولكن اقتصادها حدث ولاحرج والدولة الاوروبية بضائعها ذات جودة عالية ولكنها بتصرخ الان وتذهب شركاتها الي الصين قابلة ومرغمة علي كل الشروط الصينية .. كل ذالك نتاج واقع الشريحة الكبيرة الذي قلب الموازيين راسا علي عقب والذي سوف يقلب الموازين بالسودان والذي اعتقد انه بدا فعلا... بالنسبة للطلب الخفي وغسيل الاموال ايضا هو يتاثر ويتغير ومافي شي مابتغير وخصوصا بعد الشفافية التي بداءت تدخل رويدا رويدا وطبعا الكل متابع الاوضاع السياسية اليوم كل ذالك يصب في خانة تغيير الواقع الذي استمر فترة من الزمان ....

[basheer]

#1026828 [Return of Django]
0.00/5 (0 صوت)

06-05-2014 07:12 PM
تجار الهنا ديل بحددوا اسعارهم دى من ال Blue Book....ولا من راسهم الخاوى المليان تمباك ده.
كلهم بتكلموا عن ارتفاع الدولار وما فيهم واحد اتكلم عن انخفاض الجنيه المستمر...سؤالى لهؤلاء الدكاتره من هو الرئيس الامريكى فى فئة الخمسه دولار.

[Return of Django]

ردود على Return of Django
European Union [بكري الملك] 06-06-2014 08:28 AM
والله كيفتني يا ديجانقو ديل الواحد خاتي سفته عليدة والجلابية رهيفة ويتكلم عن الدولار واسمو ما بعرف يكتبه شغال بصمة بس


#1026748 [omer]
0.00/5 (0 صوت)

06-05-2014 05:02 PM
عايز افهم ما سيوله و ارتفاع فى الاسعار ولا ده لغة الشراء والبيع عايز تبيع م فى سيولة عايز تشترى الاسعار ارتفعت

[omer]

#1026652 [samisuh]
2.00/5 (1 صوت)

06-05-2014 03:09 PM
والله قبل عام عندى عربة ميتسوبيشى صالون 2009 يسميها ناس الكرين القرش عربة رهيبة عندما عرضتها على الدكاترة ناس الكرين اولا" تفهونى وتفهوا العربة وقالوا أن الكورى أفضل من اليابانى سبحان الله - هؤلاء الجشعون الحرامية الطفيليون الجهلاء يتشابهون فى الأخلاق ومنافقون هم سبب الكوارث . الحمدلله الذى سلط عليهم من لا يخاف ولا يرحم.

[samisuh]

#1026588 [ود ناس هيبة]
0.00/5 (0 صوت)

06-05-2014 02:17 PM
السليمي وبشير وحجازي
كلامكم نظريا صاح ظاهريا يبدو انو الناس البتشتري بالكاش اصبحو شبه معدومين بسبب الظروف الاقتصاديه ومع قرار بنك السودان يفترض ان يقل الطلب وبالتالي تنخفض الاسعار ...
لكن علي ارض الواقع في السودان الكلام ده ما بيحصل والناس البتقول الكورلا حتنزل اول السنه دي ونسه ساكت لان التاجر ما حابيع بالخسارة وهو متحمل جمارك 125% وترحيل وضرائب وزكاة زي حكايه اسعار العقارات الحتنهار فجاة الناس بتسمع الكلام ده وراجياهو من التسعينات ماف ارض انخفض سعرها الا الفي الفيافي وطرف المدائن زي الوادي الاخضر لانها بتاعت المغتربين اصلو المنحوس بيلقي العضم في الكبدة والحمد لله
في السودان في شئ غريب ونظرية اقتصاديه جديدة كلما يقل الطلب يزداد العرض وترتفع الاسعار
اعتقد السبب وجود طلب خفي او عمليات غسيل اموال حيث لايمكن ان يكون العالم كلو صح ونحنا الوحيدين المتفردين في الحاجة دي خصوصا في مسالة العقارات .....

[ود ناس هيبة]

#1026402 [hasko]
5.00/5 (1 صوت)

06-05-2014 12:25 PM
سودانا فوق فوق فوق فوق
اسعارو فوق فوق فوق فوق
سودانا فوق فوق فوق فوق

[hasko]

#1026241 [حضرس]
0.00/5 (0 صوت)

06-05-2014 10:55 AM
كلام زى دا حقو الناس تعقب عليهو، مامعروف جاى من وين

[حضرس]

#1026165 [قرفان]
0.00/5 (0 صوت)

06-05-2014 10:18 AM
يا اخوانا المعارض بتاعتهم دي تشتغل كيف لو ما عملو كدة ليه اصلا جمارك العربية تكون ضعف سعرها ما يقولو عشان الدولار لانو المغتربين لما يرسلو العربات مابيشلو دولار من السودان بيشتروا العربات بالريال والدرهم وغيرو يعني الدولار ما عندو دخل هنا لكن ناس الحكومه عايزين يشغلو المعارض حقتهم وبس

[قرفان]

#1026134 [abuhabu]
0.00/5 (0 صوت)

06-05-2014 10:01 AM
سماسرة المعارض المزنوقين
الناس ديل قالو فى بعض منهم بتاتيهم تمويلات من الخارج من اجانب سعوديين وخليجيين فى شكل رسائل عربات يعنى ماشغالين بى قروشهم مية المية ودا تم حسب الارتفاع الجنونى للاسعار و ارتفاع الدولار عندنا هنا يعنى ركبو الماسورة.
ياما حنشوف جنس طربقة وجرس والايام بيننا

[abuhabu]

#1026044 [صالح السليمي - فيتنام]
5.00/5 (1 صوت)

06-05-2014 08:48 AM
من ناحية اقتصادية الاسعار مرتبطة بالعرض والطلب وفي هذه الحالة توقف البنوك عن تمويل شراءالسيارات يقلل من عدد المشترين مما يقود الى تكدس السارات بمعارض السيارات ، وبالتالي زيادة العرض في ظل انخفاض الطلب الناتج عن توقف التمويل ، بالنتيجة يقود لانخفاض اسعار السيارات المختلفة . بس يمكن يكون السودان حالة مغلوبة (على امرها)قياسا على كلام ناس الكرين والصحفي كاتب المقال. تحياتي

[صالح السليمي - فيتنام]

#1025890 [basheer]
3.00/5 (1 صوت)

06-05-2014 02:06 AM
ههههههههههههههههههههههههههههههههههههههههههههههههههههههههههههههههههههههههههههههههههههههههه
في سمسار صادق الزمن ده..... والله خايف خوف ... ياخي انت في ونحنا في والكوريلا 2007 السنة الجاية وفي بدايتها اذاماعملت مائة الف ابقي قابلني ... هو الناس اليوم باعوا عرباتهم بسرعة واشتروا ركشات والعندو ركشة يتوصل بيها باعا واشترا موتر ... السوق كاشف كشفة ملعونة والدين ...واقول ليك معرضك ده الا تخلل عرباتو ... قال ايه قال السعر ارتفع قال ... هي المعارض بتاعت منو ياحبيبي ... ده الشعب فتح تفتيحة مصلحة ومستحيل تاني يدخل جحر الحمار .. والحمد لله اولا واخيرا يمهل ولايهمل .....

[basheer]

#1025836 [isam basheer]
4.44/5 (5 صوت)

06-04-2014 11:48 PM
دي غشه بتاعت سماسرة ليس لا ما في زول بيشتري بالكاش بطلوا لعب واستخفاف بالعقول الناس كانت بتكسر بس

[isam basheer]

ردود على isam basheer
[hassan] 06-05-2014 07:59 AM
كلامك صاح يا عصام لانو المفروض يحصل العكس

لانو زمان الناس بتشتري بقروش الابنوك

وجلدا ما جلدك جر فيهو الشوك

زي صاحبنا الاتكودك بالبصل وقال اسعار البصل ارتفعت


#1025828 [نكس]
4.82/5 (5 صوت)

06-04-2014 11:30 PM
قرار بنك السودان حكيم بدون شك - وارتفاع الاسعار الان مع قلة الطلب ما هي الا مناورة - فمحدودي الدخل الذين كانوا يعتمدوا علي التمويل البنكي حيبطلوا الشراء - حيرجع السوق يعتمد علي حركة الدولار وسعر الصرف ليس الا

[نكس]

#1025819 [ود احمد]
4.63/5 (4 صوت)

06-04-2014 11:18 PM
ردود على حجازي
والله بالفعل اذا كان انخفض الطلب كيفن يزيد السعر حاجة ما تدخل الراس السودان بلد العجائب

[ود احمد]

#1025815 [عصمتووف]
2.29/5 (6 صوت)

06-04-2014 11:09 PM
ارتفعت اسعار الصعوط والويكة والكجيك والمرس / شنو قالوا الدولار زاد/ لو تعلمون قيمة الدولار في انجمينا هو اكثر اهانة ويوضع تحت الحذاء بل انه يوضع نقطة للفنانين خاصة السودانين والدليل هجرة الفنانات والفنانين الي انجمينا لينجموا

[عصمتووف]

#1025774 [جاوس]
3.50/5 (2 صوت)

06-04-2014 10:04 PM
-من انواع التضخم الذي يحصل من تغييرات كلية في تركيب الطلب الكلي في الاقتصاد أو تغيرات في الطلب النقدي حتى لو كان هذا الطلب مفرطاً أو لم يكن هناك تركز اقتصادي إذ أن الأسعار تكون قابلة للارتفاع وغير قابلة للانخفاض رغم أنخفاض الطلب.لدراسه وفهم هذه المشكله نحتاج لرصد ثلاث اشياء رئيسيه الشاري و التاجر والحكومه.

[جاوس]

#1025757 [قرد الطلح]
4.25/5 (3 صوت)

06-04-2014 09:45 PM
يا جماعة الخير السودان دولة مفلسسسسسسة عمليا الدخل القومى صفر .... الانتاج,,,,,صفر لا تنطبق علية اى معيار حديث للاقصاد تجار العربات الكرين كلهم فاقد تربوى شغل كلة عبط فى عبط واللة كوريا بلد الاكسنت وكيا ما عارفنها تقع وين ممكن يقول جنب المغرب والحمدللة اخيرا الشعب عرفهم مشيت الكرين بحرى قيل 3 شهور نايم نوم العوافى

[قرد الطلح]

ردود على قرد الطلح
United States [الحمد لله] 06-05-2014 11:11 AM
كلام سليم ميه ميه وللاسف الشديد سوق السيارات يقودوا ناس جهلاء وهم البتحكموا وينظروا ، كلام فارق وحاجة تقرف ، نصيحتى مافى زول يسمع كلام سمسار لانو همهم الواحد يملا جيبو قروش بأى طريقة


#1025723 [سنوسى]
3.50/5 (4 صوت)

06-04-2014 08:52 PM
عندى سيارة كورولا موديل 2007 - أدخلتها السودان عن طريق الافراج المؤقت - وهى فى حكم الجديدة و عدادها 55 ألف كلمتر فقط - ماكينة 1600 سىسى-جير عادى -زجاج كهرباء وسنترلوك و تكييف تلاجة- لون سماوى- ومقرشة منذ أغسطس2008 الى اليوم لم تتحرك أطلاقا -طبعا السيارة خالصة الجمارك لكن الترخيص منتهى - أريد مقايضتها بقطعة أرض 300 متر فى الخرطوم أبوآدم مربع 3 أو 4 - و أدفع الفرق على أن لايتعدى 150مليون جنيه - للجادين والراغبين مراسلتى عبر الايميل [email protected] - السماسرة والوسطاء يمتنعون .

[سنوسى]

ردود على سنوسى
[abdu] 06-05-2014 02:30 PM
سلام سنوي انا عندي أرض فى ألحتانه مقابل محطة المنار 300 متر درجه أولى دا تلفونى 0561614044 الرياض

[جاكوما] 06-04-2014 11:50 PM
يا سنوسى الكرولا براها بتجيب ليك الارض فى ابوادم
انا حارسل ليك رقم واحد زول مضمون بيخدمك وماتنسى حقو


#1025691 [hijazee]
3.50/5 (2 صوت)

06-04-2014 08:04 PM
بصراحة السودان ده حيرنا كل حاجة فيه ماشية بالمقلوب وضد المنطق فكيف يؤددى تراجع القوة الشرائية فى سوق السيارات الى ارتفاع اسعارها بدلا من انخفاضها.ومن المفروض ان يؤدى قرار بنك السودان بوقف تمويل شراء العربات الى تراجع فى الطلب وبالتالي الى انخفاض الاسعار وهذه من الابجديات. استاذ الهادي هباني الله لا يسئيك اسعفنا بتحليل علمي لهذه الظاهرة الغريبة فقد احتار دليلنا

[hijazee]

ردود على hijazee
United States [hajoj] 06-05-2014 12:03 AM
الموضوع برمته هو عباره عن محاولة يائسة من تجار و سماسرة السيارات للتخفيف من اثر قرار بنك السودان بعدم تمويل شراء السيارات,تجار السيارات عندهم لوبي قوي حتى في وسط الصحفين...كيف يستقيم منطقا وجود ركود في السوق,تراجع القوة الشرائية,و قرار بنك السودان و في نفس الوقت زيادة في اسعار السيارات!!!,هذا يسمى عنادا من قبل التجار

United States [مواطن] 06-04-2014 09:17 PM
كلامك منطقي أخ حجازي ... من المفترض انخفاض أسعار السيارات بعد قرار البنك المركزي ...


#1025675 [العشارى]
4.38/5 (4 صوت)

06-04-2014 07:38 PM
كلام متناقض وغبى
كيف ترتفع الاسعار وليس هناك طلب
يا جماعة عاملون قدر عقولنا
فى حاجه اسمها عرض وطلب
لما اكون العرض اكبر من الطلب تنخفض الاسعار
ولما يكون الطلب اكبر من العرض ترتفع الاسعار
الآن قلتو بيع مافى كيف برتفع السعر
يعنى هناك عرض كبير ولا يوجد طلب
كيييييييييييييييييييييييييييييييييييييييييييف يرتفع السعر
بلد العجايب
ليكم حق احكموكم بنى كوز

[العشارى]

ردود على العشارى
United States [أم كرتبو] 06-04-2014 09:40 PM
يا حبيبنا التجار رابطين بضاعتهم بالدوﻻر اﻻمريكي والدوﻻر الجمركي يعني البضاعة قاعدة في الرف سعرها بيتغير مع تغير أسعار الصرف. ..ومرات في حالة تذبذب اﻻسعار التجار الشطار بيوقفو عملية البيع والشراء حتي تستقر اﻻسعار وتضح الرؤية. ...فهمت وﻻ اعيدو ليك


#1025669 [sky painter]
5.00/5 (4 صوت)

06-04-2014 07:32 PM
هذه فرفرة مذبوح ليس الا. السؤال هو : هل هناك رواج اي زيادة في الاقبال على شراءالسيارات؟ الاجابة بالطبع لا,بل بالعكس هناك عزوف عن الشراء, لذلك ارتفاع الاسعار لا تعني اي شئ....منظومة سوق العربات المستعملة منظومة قوية ,تتكون من تجار كبار لهم القدرة على الصبر و المناورة في السوق و هناك سماسرة متمرسة (يجعلون الشخص يشتهى حتى الموت اذا كان المعروض للبيع هو الموت )...عناد التجار و عدم واقعية السماسرة سوف يجعل اسعار السيارات تستمر عالية لبعض الوقت و لكن في النهاية لا يصح الا الصحيح و الشمس لا تغطى بغربال...سوق تسقط الاسعار سقوطا مدويا حتما ...لا يوجد الكثير ممن لديه القدرة على الشراء بالكاش...كان تمويل المصارف شجع الكثير من الموظفين و محدودي الدخل على شراء السيارات...امبراطورية اباطرة السيارات الى زوال

[sky painter]

#1025648 [خالد]
4.00/5 (2 صوت)

06-04-2014 07:02 PM
عال والله لو صدرت كورولتي ال 2007 ابو 15 الف درهم دي الما لاقي ليها سوق هنا لي هناك ممكن تجيب لي راتب سنتين بي كلاموم دا , لا حول ولا قوة الا با الله والله اليابانيين لو عرفو الكلام دا ممكن يعيدو صناعة الكرولا 2007 ويصدروها لي السودان طبعا بعد ما يرشو ليهم كم وزير كدا عشان يشوفو استثناء بي اسم دعم الجنجويد او دعم الحوار الوطني او اي شي كدا , طيب قولو لينا سعر الكامري والاند كروزر والبرادو والجيمس والماكسيما والمرسيديس والجيبات التانية وصلت كم ورونا اصدمونا الله يصدمكم
كرهتونا البلد الله لا كسبكم يا منافقين والله ما باقي الا نسمع التنفس بقى بي قروش تاني .....

[خالد]

ردود على خالد
[ِAburishA] 06-04-2014 10:56 PM
لك التحية اخ خالد..
عندما يضعوا لكورلتك.. الجمرك وهو ضعف قيمتها..والرسوم وعددها سبعون رسوما.. والقيمة المضافة..والبدلات.. والرشوات والتسهيلات والدمغات..(ودمغة جنجويد)..ال 15 بتصل ل 150الف درهم..
أنا متأكد حتخليها ليهم في بورسودانها وتقوم صوف.... لك المودة..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة