الأخبار
أخبار إقليمية
دانيال واني زوج مريم اسحق" للراكوبة " : عندما تعرفت عليها كانت مسيحيه‎
دانيال واني زوج مريم اسحق" للراكوبة " : عندما تعرفت عليها كانت مسيحيه‎
دانيال واني زوج مريم اسحق


06-05-2014 04:11 AM
الراكوبة - عبدالوهاب همت
في اتصال للراكوبه بالسيد دانيال واني زوج الدكتورة مريم اسحق المحاكمة بالردة سألناه هل كانت مريم اسحق مسيحيه عندما تعرفت عليها أم كانت مسلمة فقال: مريم كانت مسيحيه , وأنها لم ترتد كما يحاولون تلفيق الامر الان ,وأنه حتى هذه اللحظة لم تستطيع أي جهة أن تثبت بالوثائق ادعائها.
وحول الحديث الذي يدور على أن والدتها مسيحية أكد الاستاذ دانيال واني ذلك وقال هي تربت في كنف أمها وهي مسيحيه وعن هل كان اسمها ابرار عندما كانت طالبة أوضح قائلا: حسب علمي ان اسمها هو مريم وهي لم تقم بتغييره ومن لديه أي شيء غير ذلك فليقله


تعليقات 19 | إهداء 0 | زيارات 12019

التعليقات
#1027781 [ود الدلنج]
0.00/5 (0 صوت)

06-07-2014 02:12 AM
طيب يا جماعة مريم يحي دي أهلها وين ،وليه ما اجريتم مقابلة مع أي زول في الدينا دي بعرفها أو بعرف أمها أو أخوانها أخواتها أو أعمامها أو أي زول من أهلها لو في أثيوبيا أو في الديم ولا أي حتة ،على الأقل كان أثبتم أن مريم يحي هيليست أبرار وعندها أهل أبرار عليهم البحث عن ابنتهم المفقودة ....ولا شنو!!!!

[ود الدلنج]

#1027571 [معاذ عباس العبيد]
0.00/5 (0 صوت)

06-06-2014 08:04 PM
عذرا أحبتي ..فهذا ليس هو الواقع واي حكم بطبق ؟ انحن نطبق الشريعة الاسلامية بحزافيرها..أم بظواهرها(شوفوني..) لتطبيق هل تطبيق الشريعة هي الظواهر الاجتماعية؟ نغلق البارات ومحلاعية؟ نغلق البارات ومحلات الات الخمور ومحلات الدعارة ونقصر الملابس ونطلق اللحى ونفتح أفواهنا بالحلال والحرام في وجه من؟ الغلابة والشماسة والغير قادرين علي اجتزاب لقمة العيش ..عذرا فالسودان كما قال معمر القذافي للرئيس نميري (السودان ياحبيبي لايحتاج الى شريعة اسلامية فهم مسلمون بطبعهم ) وهذة حقيقة فكل بيت يصلي ويصوم ويعمر ويحج ويساعدون بعضهم البعض ويتعايشون مع الاديان الاخري ويحترمونها وفي كل حارة ينبذون المرأة الداعره ويخرجونها من الحي غير انهم لايتدخلون في ديانتها (فالدين للإله والحب لله وللوطن)..تعدمونها ..امراءة اردت ؟ كم غيرها من الذين ارتدو عن الاسلام ؟ لانملك احصائية لهم ولانملك احصائية لعدد المسلمين واسمائهم والديانات الاخرى ..كثيرين في مل الولايات مرتدين وراجعين الى الاسلام وهكذا ..اذكر ان مرة من ذات (المرارات)وقبل انفصال الجنوب ان امرأة لم يكن لها دين فدخلت المسيحية وبعد فترة جاء اليها الدعاة وأدخلوها الاسلام فجلست قرابة 6 أشهر مسلمة ثم عادت وأرتدت ، فقالوا لها لماذا ترتدين عن الاسلام وترجعين الى المسيحية؟ فقالت في المسحية كانوا يعطوني اعانات شهرية وسكن وعلاج ...الخ ودخلت الاسلام فتوقفت الاعانات ..ولم يعطوني المسلمين شيئا. فتركوها ولم تعدم...وغيرها كثير وكثير وهناك الاف مولفة مسلمين بالبطاقة والانتماء الى الاسرة المسلمة (يعني مولود كده ..مسلم) وغيرهم من لادين لهم . ومسلمين غارقين في أخطاء اكبرمن الارتداد اثرا ..( من يكن منكم با خطيئة ..فليرمها بحجر ) عذرا احبتي ..اتركوها لتعيش بقية حياتها كغيرها فليحاسبها الله ان كانت علي خطأ ..لاننا لم نطبق المساواة في القضاء علي ارتداد المسلمين ..ولم نطبق قوانين الشريعة اطبيقا كاملا ..ولانريد ان نفتح باب عداء للاديان السماوية الاخرى ..دعونا نعيش في سلام وامن السودان القديم ...وتحياتي،،،،،

[معاذ عباس العبيد]

#1027418 [مرتضي محمد]
0.00/5 (0 صوت)

06-06-2014 04:18 PM
االاخ شكسبير مشكور علي الرد تم عمل مقابله مع اهل البيت وانا بقول الكلام ده ومتاكد منه انا كنت شغال في المقابله دي

[مرتضي محمد]

#1027328 [عصمتووف]
0.00/5 (0 صوت)

06-06-2014 01:21 PM

[عصمتووف]

#1026891 [مرتضي محمد]
2.00/5 (3 صوت)

06-05-2014 08:57 PM
يجماعه ناس ال cnn عملوا مقابله مع البت دي الكلام ره كله ماحاصل البت دي مسلمه واهلالها موجورين وبي الشهود والناس وجيران كلهم موجورين وناس المدرسه والحله
الكلام ده كله هتشفوه في المقابله دي لكن الموضوع موصوع عرض الناس ديل

[مرتضي محمد]

ردود على مرتضي محمد
United States [مأمون المأمون] 06-06-2014 08:36 PM
الأخ مرتضى أنا أطلعت على تقرير ال CNN و كما توقعت يبدو أنهم سجلوا الكثير وبدلا من التركيز على إظهار الحقائق المغيبة ركزوا فقط على التصريح السالب الذى أورده و لكن الأخ ياسر الكردى من صحيفة السودانى بذل جهداً مقدراً من خلال زيارته لقرية الشديرة علمنا منه أن القرية بطبيعتها المحافظة لم تأذن له بالتصوير كما علمنا أن والدها رفض أن تجرى معه مقابلة وهذا أمر طبيعى بالنسبة لقريتهم المحافظة طبيعى أن يشعر بالخزى و العار فإبنته لم تظهر فى وضع يجعله يفتخر بابوته لها مما يمنعه من مواجهة الأجهزة الإعلامية من ناحية أخرى فإن ال CNN لا شك أنها منحازة للجنوبى صاحب الجنسية الأمريكى لذلك لا تظهر إلا ميخدم قضية مواطنها و لو بالزور و البهتان

European Union [قال مسلمين قال] 06-06-2014 03:13 AM
يا اخي افترض مسلمة .... مافي حرية تغيير الرأي. و اللا ياهو الدين البقيتو تشبهو بالحمام دة؟ دخول الحمام ليس كالخروج منه و دخول الاسلام ليس كالخروج منه!!!
هي قناعة و اللا ارهاب؟ تقول لي الاسلام دة دين حرية و سلام كرهتونا الاسلام
و الله انا لو عارفو كدة ما كنت اسلمت!

European Union [Shakespare] 06-05-2014 11:40 PM
الاخ [مرتضي محمد], علي حسب تصريحات موقع السي ان ان , فان الفتاه مسيحية تربت عند امها المسيحيه عندما تخلي عنها والدها !!! وحاولت السي ان ان الحصول علي مقابلة مع أفراد من الحكومه وتم رفض الطلب !!!

ده الرابط بتاع الموضوع من صفحه السي ان ان
http://edition.cnn.com/2014/05/30/world/africa/sudan-apostasy-husband/


#1026874 [ساب البلد]
4.00/5 (3 صوت)

06-05-2014 08:14 PM
******* علي حسب علمي لحدي هسي اخوان مريم - ابرار ما قادرين يثبوا بالوثائق انها ابرار ****** لا شهادة ميلاد ولا جنسية ولا غيره *******

[ساب البلد]

#1026847 [أحمد عبدالله]
0.00/5 (0 صوت)

06-05-2014 07:38 PM
الحقيقة شنو بالضبط في القصة دي

[أحمد عبدالله]

#1026749 [محمد عوض]
0.00/5 (0 صوت)

06-05-2014 05:05 PM
سبحان الله
يتكلمو عن الاسلام ولايفقهونا شي عنهو
وين الشريعة من الفسادة الحاصل في البلد دي
الاسلام في نظكم هو الصلاة والصيام
مريم قالت هي اساسا مسيحيه وان كان ابوها مسلم
يعني مين المستفيت من هذا الزوبعه الاعلاميه
بعدين السودان ما دوله اسلاميه السودان دوله افريقيه

[محمد عوض]

#1026727 [سامح سيد]
3.00/5 (3 صوت)

06-05-2014 04:34 PM
ههههههههههه كزاب منو وفية . تم تنصيرها بغرض الزواج منها وقد كانت هنالك حالات كثيرة مشابهو في ولاية الجزيرهكانت هنالك حالة وكان السبب في التنصير هو رغبة من الرجل في الزواج منها وتم تنصيرها علي هذا الاساس وهنالك الكثير الكثير من الحالات وليس حالة واحدة . اتمني من الزين لا يفقهون شيئا عن الموضوع عدم الخوض فية فالمسالة اكبر من تتفلسفوا فيها ايها الجاهلون.

[سامح سيد]

ردود على سامح سيد
European Union [الامي سامح سيد] 06-05-2014 08:04 PM
انظر الي الاخطاء الاملائية التالية :


كزاب (كذاب) - وفية (و فيه) - مشابهو (مشابهة) - هكانت (كانت) - الزين (الذين) - فية (فيه) -


ننصح الاخ سامح بالالتحاق بفصول محو الامية حتي يتعلم الكتابة ثم ياتي ليسخر من الركوباب

European Union [ملاحظ] 06-05-2014 06:32 PM
أول شىء أمشى اتعلم تكتب عربى بعدين تعال علق.


#1026692 [حزينة]
0.00/5 (0 صوت)

06-05-2014 03:51 PM
ببساطة ممكن إثبات ما إذا كانت الزولة دي مسيحية من الاول ولا مسلمة. عايزين برنامج تلفزيوني على الهوا يضم الذين ادعوا انهم بنتهم المسلمة من الاول ونشوف امها وأسرتها من سؤال والتاني صاحب العقل يميز. لكن سرعة البت في الموضوع بدون التحقق امر في غاية الخطوورة.

[حزينة]

#1026615 [نكس]
0.00/5 (0 صوت)

06-05-2014 02:41 PM
الموضوع دا اخد اكتر مما يجب - وتعددت الروايات والتحليلات - ارجوا من صحفيين الراكوبة تقطية الحقيقة بالوثائق ان امكن - قرية البنت دي - والدتها - جنسية الوالدة - وديانتها السابقة وديانتها الحالية - (يمكن كانت مسيحية الجماعة ديل ارهبوها اسلمت )- تاريخ زواجها - ترددها علي الكنيسة قبل الزواج - شهادة اصدقاءها - لتعم الفائدة والتنظير والتعليق يكون عن علم مش نقلا عن اقوال الناس
ونستخفر الله العظيم ونتوب اليه ان كنا خضنا في اعراض الناس دي بغير علم بتعليق او راي - انتهي

[نكس]

ردود على نكس
European Union [esam] 06-05-2014 07:05 PM
ليه افترضته انها ( كانت مسيحية الجماعة ديل ارهبوها اسلمت)،،،، ليه مايكون كانت مسلمة وحنكوها


#1026597 [ود برتي]
1.00/5 (1 صوت)

06-05-2014 02:22 PM
ان كانت مسلمة ام كافرة .....سودانية ام اثيوبية ...اين هوياتها ومستنداتها من :
جنسية
رقم وطني
شهادة سودانية
شهادة جامعية
يا ابرار ما بالك بهذا العب اللعين الذي اخرجك من دار الجنة الى دار الاخرة ...ومن ديار اهلك الى ديار الغربة ----شكلك لئيمة تركت اهلك واسرتك من اجل هذا الرجل
الزنجي ليس له هم غير الاكل والتمتع بالجنس والرقص وفي لن تستطيعي العيش معه ويالك من اهل بعيد!!
اسلمي وتوبي الى الله وارجعي الى اهلك وعشيرتك سوف تجدين من الرجال ما يفتقر به ----او ان اردتي زنجياً هناك مني اركوي سوف يوقع السلام ونضع زواجك به 50% من بنود الاتفاق

[ود برتي]

ردود على ود برتي
[ود مليك] 06-06-2014 06:00 PM
الزنوج الانت بتعيرهم ديل اشرف منك ومن الخلفوك عندهم اصل وجذور يعني مش مهاجرين و قاطعين صحاري ووديان عشان يستوطنوا في بلد غيرهم ويستحكموا فيهم الكلام دا قولو لاسلافك و امشى فتش اصولك يا واطى.

European Union [قال مسلمين قال] 06-06-2014 03:29 AM
دة البخلينا نحب الاسلام و المسلمين و ما نرتد منو!
خليك كدة طوالي عليك الله
رغم انو ما فهمت كتير من عربيك المكوجن دة لكن شكلو رايك دة راي مسلم موحد لله تعالى!!!! هنيئا لك و لكم و زي ما قلت ليك خليك طوالي كدة
قال دار الجنة قال! تكوت خرجت ليك عشان تدخل انت. معقولة بس جنة يدخلها غيرك تحرم علينا يا ابن برتي

[الخزامى] 06-05-2014 10:52 PM
انك امروء فيك جاهلية كيف تدعو الى الاسلام وانت بهذا الجهل؟

United States [مجوك نكدديمو] 06-05-2014 08:36 PM
تاكد لى أن المشكلة ليست دين بل مشكلة قوم لا يدرون إنهم زنوج..إنها أزمة الهوية التى تحدث عنها كثيراً الأستاذ الباقر العفيفى. المدعو ود برتى الذى وصف دانيال وانى بالعبد يجب أن يعرض صورته إن كان لايشبه دانيال. لا أدرى ولكن مثل هؤلاء يلعنون القدر الذى أبقاهم سوداً وفى السودان.

European Union [ساب البلد] 06-05-2014 08:07 PM
********** يعني عامل فيها حريف يا جدادة كاتب ود برتي عشان تثير الفتنة ******* غبي ****** شابكنا عب و زنجي امشي شوف روحك في المرايا يا سليل القرشيين ****** داهية تاخدك انت و قفصك ******


#1026447 [حسين صالح اركجو]
0.00/5 (0 صوت)

06-05-2014 12:48 PM
لعلم الجميع مريم ممرضة وليست طبيبة حتى يلقبوها بدكتورة

[حسين صالح اركجو]

ردود على حسين صالح اركجو
European Union [قال مسلمين قال] 06-06-2014 03:21 AM
شكرا يا عميد الكلية!!
انت وكت بتعرفا قدر دة ما تورينا اتولدت وين و اتربت كيف و اسرتها من وين و و و بدل تلقيط كلام الناس البتسوي فيهو دة.
يعني لو قلنا ممرضة ح يضيف للموضوع شنو؟ اول مرة اسمع انو خريج المختبرات الطبية ببقى ممرض و الله محن سودانية

[اركجو] 06-05-2014 08:44 PM
على ذلك البصير اللي في حلتكم دكتور !!؟

[نكس] 06-05-2014 02:30 PM
ولو ما جهل سوداني في طبيب بيتلقب بدكتور - الدكتورات درجة علمية لا علاقة لها بمارسة الطب - بس اخذت العادة علي كل من يقوم بتطبيب الانسان يلغب بدكتور - يعني هي دكتوووووووووورة


#1026328 [حاجه ميرو]
2.00/5 (1 صوت)

06-05-2014 11:40 AM
اعوذ بالله مما وصلنا اليه من تردى فى كل شى فما كان لهذه القضية الصغيرة التى لم تتعدى تتعدى دور الاسرة او الحى ان تصعد الى المستوى العالمى وان كنا حقا ندافع عن الاسلام فاين نحن من الاسلام سلوك وممارسة ومعاملة وخلق واخلاق والتزام فاين نحن من كل هذا !!!! المثل بقول الجفلن خليهن اقرع الواقفات

[حاجه ميرو]

#1026302 [احمد سعيد]
1.00/5 (1 صوت)

06-05-2014 11:27 AM
والله البنت هذه غلطانه 100% لأنو أهلها مسلمين وساكنين في هذه القرية التي ذكرت وأهلها إلا أن يكون تغير الحال لكن أنا أسأل الله إنو بتاعين الجرائد كلهم وخاصة الراكوبة يكون في زواج في قرية أم شجيره ويحضروا الحفل يشوفوا جلد الصوت البدوّر في الحفله بيعرفوا أهلها عرب ولا حبش وأنا أسأل الله أن لا يكون تغيير أهلها وهي مجرمه بلا شك في حقها وفي حق أهلها وهي الآن خياران لا ثالث لها إما أن تتبع هذه الرجل وتقول أنها مسيحية أو الموت الذي ينتظرها وهي إن ماتت بهذه الطريقة فهذا أمر خطير جداً جداً عليها الشيء الثاني يجب أن لا يكون هناك شماته والله هذه الأمور لا يرضها أحد لنفسه فلماذا بعض الناس يسميها مريم والبعض الآخر يسميها هي ابرار وأنا اتكلم جازم أن هذه البنت لا تسطيع أن تخرج مع هذا الرجل مهما كلف الأمر وهو لا يستطيع أن ايأخذها بهذه الطريقة اليأسه والساذجة لأنوا أمريكا أو غير أمريكا ماعندهم أم ولا ابو لهذه البنت فكونوا عقلاء يا مجرمين ولاعلامين هم دائاً يتكلمون بكلام بيع الجرائد ولهم قانون يحمي الكذب والله النفخ في الصور قريب والقيامه من خلف الحاج يوسف التي يسكن فيها هذا المجرم دانيال أعملوا حسابكم يا

[احمد سعيد]

ردود على احمد سعيد
[ود مليك] 06-06-2014 06:04 PM
ممكن تتكلم من غير اساءات لو دي طريقتك امشي اتخمد بلا يخمك انت والزيك.

European Union [جاك سبارو] 06-05-2014 02:36 PM
وكمان بتحلف ؟

عرفت من وين أنت ؟

ولا الاخ جداده الكترونية ؟


#1026150 [abo ahmed]
1.00/5 (2 صوت)

06-05-2014 10:12 AM
ربما تكون غير سودانية لانها لاتملك اى اوراق ثبوتية ولايوجد لها اسم فى اى مدرسة اوجامعة ادعت انها درست فيها وحتى اسماء الذين جلسوا لامتحان الشهادة السودانية اسمها غير مدرج سواء مريم او ابرار

[abo ahmed]

ردود على abo ahmed
[سوداني مدبرس] 06-05-2014 02:00 PM
دا جاي من وين هسي قال احتمال تكون ماسودانيه لو ماسودانيه بيحاكموها ليه انت ماعارف داير تقول شنومش عفا عنك الزمن لانك عايش في عهد المشروع الاسلامي الحضاري الكاذب ياجماعه والله دايرين نجن عديل كدا الناس بقت تتكلم لاكن ماتفهم حاجه (منتظرين الحافله تتملي من سوق ليبيا للشقله في واحد داير يركب بسأل سوق ليبيا ياجماعه )


#1026029 [ابو الطماير]
3.00/5 (2 صوت)

06-05-2014 08:23 AM
يا اخوي القصه الظاهر فيها فلوس والله اعلم هل ابوها حي ام ميت هل هو غني ام فقير ولماذا سكت من ابلغوا عنها حتي انجبت طفلها الثاني وليه اسرتها ان كانت تخاف عليها من التنصير لم تاخذها من امها النصرانيه لاني فهمت من القصه انها تربت مع والدتها فقط وان كان لهااخوه يكونوا اخوتهالابيها فقط وفي النهايه قال الرسول الكريم((ادرؤوا الحدود بالشبهات))

[ابو الطماير]

ردود على ابو الطماير
[أبو الخيرات] 06-05-2014 12:03 PM
كمان أزيدك في الشعر بيت يا أب أحمد .. إنت قلت {والزول المفروض يحاكموه هو ابوها الرماها وخلاها وراح} ولكن قالوا أبوها دا -نسأل الله السلامة- مختل العقل وعشان كدا ما جا المحكمة ولا حضر .. أسع زول مختل دا يحكموا عليه بإنه مسلم كيف؟ يعني لو جا بعشر ذاته -ربنا يرحمه ويغفر ليه- ما حيعرف إنه مسلم ولا يهودي كيف يقولوا "ولدت لأب مسلم" وهو ما نصيح من أساسو؟ العقل في الإسلام هو مناط التكليف .... يعني القصة ديرة ديرة ... بعدين تعال "النسعلك" إنت "الجماعة ديل" المسلمين من جدود جدودهم عملوا ليهم شنو غير طلعوا زيتهم؟ ما نعرفه عن الشريعة زي ما قال أبو الطماير "إدرأوا الحدود بالشبهات" يعني لو في أي شك كدا أو كدا المحكمة توقف الحد ... يعني زولة قالت أنا مسيحية وأصلا ما قالت أنا كنت مسلمة وقلبت مسيحية كيف يقولوا مرتدة؟ هل يوجد إنسان مطلع على سرائر ناس تانين إنهم مسلمين ولا لا؟ أسع جماعتنا ديل عمايلهم دي عمايل مسلمين؟ .. هو الاسلام دا شنو؟ كلام ساكت؟ بعدين شوف حكم المحكمة "المجغبس" دا.. حكمت على مريم بحد الزنا والراجل فكته .. طيب لمن المحكمة دي حكمت عليها بالردة معناها إنها لمن زوجها دخل عليها ما ما كانت مسلمة فكيف يكون عليها حد ..؟ بعدين خلونا من مريم المسكينة دي .. والي الخرطوم "أب جاغومة" دا حكمتو عليه بشنو؟ أقل حاجة ولو صدقنا إنه ما عارف الحرامية "الجوة هدومه ديل" معناها زول مهمل في العمل الأوكلوه ليه ... طيب الإهمال في أداء الواجب دا ما عليه عقوبة كلو كلو؟

United States [مأمون المأمون] 06-05-2014 11:28 AM
ء

United States [Aboahmed] 06-05-2014 10:09 AM
يا ابوالمطامير انا اشرح ليك القصه كلها ...زي ماشرحها لينا واحد وفهمنا الحاصل شنو...
ابوها سوداني مسلم اتزوج سودانيه مسيحيه ...حلو..
انجبت بنت ياها مريم دي .. بعد كده ابوها طلق امها وشتت ...وخلى البنيه مع امها المسيحيه..
يعني باقيلك كانت حتطلع شنو؟؟؟؟؟؟ البت دي مسيحيه اصلا ولم تكن مسلمه في يوما من الايام ..
والزول المفروض يحاكموه هو ابوها الرماها وخلاها وراح ....
والزول ده نفسه متزوج واحده تانيه وعندو منها ابناء هم اخوان مريم دي وهم مسلمين ... قاموا رفعوا عليها قضيه بالرده ودي كل القصه ...والعهده على الراوي...
وانا لوكنت القاضي كنت حاحاكم اخوانها ديل وابوها واطلعها هي ... لانها ماعندها ذنب في كل الحاصل ده ... وكل الذنب على ابوها...


#1026013 [الحقاني]
3.00/5 (4 صوت)

06-05-2014 08:00 AM
سبحان الله انت قاعد وتصرح كمان حقوا او يجب ان يزجوا به في السجن بتهم الغواية والتستر والتزويروممارسة التبيشروسط المسلمين هو وشقيقته
انت المفترض ان تجيب امها المزعومه وشهاداتها الاصليه وتثبت انها مريم والا المحاكمه يا حكومة الغفلة

[الحقاني]

ردود على الحقاني
European Union [بت قضيم] 06-05-2014 11:53 AM
والله انت اغبى انسان رايته في الوجود جهلك بالقانون والاعراف يؤكد غبلءك المستحكم يا كتكوت يا كوز يا مقدود


#1025992 [مأمون المأمون]
5.00/5 (2 صوت)

06-05-2014 07:06 AM
و هو لماذا لم يقدم أى و ثيقة تثبت إدعاءه خاصة أن الأثيوبيين لديهم كنيسة معروفة فى العمارات وفيماأعتقد أنهم أرثوذوكس بينما الكنيسة التى زعم أن أبرار كانت تتردد عليها هى كنيسة كاثوليكية

و من ناحية أخرى لماذا لا تتصل الراكوبة بالطرف الثانى أسرة أبرار الطرف الذى يحتاج فعلا للمساعدة الإعلامية أما هذا الطرف فكل و سائل الإعلام المحلية و الأجنبية كل يوم تحمل له تعليقا جديدا يكرر قصته التى ثبت أمام المحكمة كذبها و آخر هذه التصريحات منه كانت "العيش من دونها أمر رهيب"!!!!!

[مأمون المأمون]

ردود على مأمون المأمون
United States [salome] 06-05-2014 10:25 AM
فاين المشكلة كونك مسلم وتصلى بمسجد انصار السنة او تصلى بمسجد الانصار . يبدومع فى جعبتك اكراه للمسيحية والاسلام يدعو لعدم الاكراه فى الدين ؟ فاذا كنت من اهل مريم فقدم ادلتك ياخى فلا داعى لزوبعة على شئ ليس لديك ادلة بماتقوله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة