الأخبار
أخبار إقليمية
جيش الأمة للتحرير : مستعدون لهذا الظرف السياسيى الهام
جيش الأمة للتحرير : مستعدون لهذا الظرف السياسيى الهام
جيش الأمة للتحرير :  مستعدون لهذا الظرف السياسيى الهام


بيان رقم (1)
06-05-2014 08:41 AM
جيش الأمة للتحرير مستعدون لهذا الظرف السياسيى الهام

عقدت أمانة العائدين بحزب الأمة القومي أجتماعاً هاما ناقشت فيه تداعيات إعتقال رئيس الحزب وعدم اطلاق سراحه رغم اكتمال التحريات معه وقالت قيادة جيش الأمة ان الإنقاذ رجعت للمربع الأول و نكصت عن عهدها وطالب أمانة العائدين أن جيش الامة للتحرير على إستعداد لهذا الظرف السياسي و أصدرت الأمانة البيان التالي و وعدت بتوضيح موقفها إيزاء تطور الأوضاع المتلاحقة .

بسم الله الرحمن الرحيم

الله اكبر و لله الحمد
قوات جيش الأمة للتحرير

بيان رقم (1)

ظللنا نتابع بإنضباط و سيطرة على النفس و الإلتزام بالنظام و المؤسسية الظلم الذي يقع على الشعب السوداني عموماً و على أهلنا في دارفور و كردفان منذ أن وضعنا السلاح في نداء الوطن إستجابة لاتفاقية الحزب مع الإنقاذ و لم يتوقف العنف المنظم ضد الزُراع و الرعاة في ريفنا الحبيب و توسعت الحرب لتشمل جنوب كردفان و النيل الأزرق، كنا نثق أن حكمة الإمام وميوله نحو الحلول السلمية سيجعل الظالمين يرفعون أيديهم عن الشعب السوداني و أن تصل تفاهمات الحزب لواقع سياسي جديد يؤسس للإستقرار و الأمن و السلام و كالعادة خاب تفاؤلنا وجرت الأحداث عكس مسار التاريخ بل ضد المنطق فقد بلغ النظام في الإستهتار ، اليوم يدعو للحوار و غدا يعتقل الذين إستجابوا للحوار مما يعكس حالة الفوضى بل يعد السكوت الأن عن الظلم خروجاً عن واجبات الشرع و أصول الدين .

إننا نرى أن اعتقال الحبيب الإمام الصادق المهدي إهانة للشعب و إهانة للانصار بل قتل عمد لمشروع الحوار السياسي و أماني الحل السلمي الذي دعا اليه الإمام و تحمّل في سبيله كافة الأذي و المشاق ، و لم يدرك الإنقاذيين أن للحليم غضبة و ان للصبر حدود .

ان الحجة التي اعتقلت بها عصابة الإنقاذ أنه رفض سلوك قوات النظام المتفلته في كردفان و دارفور و التي تعرف بأسم قوات الدعم السريع و نحن نقول إنها قوات الفوضى السريعة ونحن نعلم ان اعتقال الإمام ليس له علاقة بالقوانين و العدالة و هو حبس إجرامي لتتقليل من دور الانصار و مكانتهم و تهديد لإستقرارهم و أمنهم لهذا نحن نقول ( ياأيها الشعب السوداني )

* الإمام لن يركع و لن يستسلم لصنم الإنقاذ المنهار المهزوم بأذن الله .

*الأنصار لن يساموا في الدفاع عن الوطن و الدين

* جيش الأمة للتحرير على إستعداد التام لظروف المرحلة السياسية واهمها إعتقال الحبيب الإمام

الله أكبر و لله الحمد
أمانة العائدين
4-6-2014م


تعليقات 49 | إهداء 0 | زيارات 5933

التعليقات
#1027549 [yousif]
0.00/5 (0 صوت)

06-06-2014 07:38 PM
أين جيش حزب الأمه للتحرير ...أين رجال الأمه الطردو الإنجليز أين ... أين الحملو أسم السودان عالياً
جاكم حمارتى من تشاد يهين رأس الأمه هى أهانة للسودان
أنتم تعرفونهم جيداً لا دين لهم ولا أصل ولاأخلاق والشهود الشعب السودانى

[yousif]

#1027107 [المنجلك]
0.00/5 (0 صوت)

06-06-2014 06:53 AM
الجداد الكتير دة الكلام واضح لابد ان تتحول مياه النيل الى اللون الاحمر وعارفين عددكم 2 مليون ارزقجى ولن نتنازل من شرف الدفاع عن انفسنا وترابنا وتاريخنا وحضارتنا.
الله اكبر ولله الحمد

[المنجلك]

#1026972 [عصمتووف]
5.00/5 (2 صوت)

06-05-2014 11:15 PM
المهدية مهديتكم والتور توركم ف لا علاقة لنا بما يحدث بين التور والجزار توركم هو من سعي بظلفة للجزارة ف جوهر قضيتكم التور الذي قال لقطيعة الباب يفوت جمل احملوا حرابكم واقواسكم وسيوف العشر لمواجهة المدافع شخصيا اقف متفرجا

[عصمتووف]

ردود على عصمتووف
United States [طارق محمد على] 06-06-2014 08:30 AM
كلامك صح
ديل جارين ورا صنمهم الصادق ما عشان السودان
انشاء الله هو و الميرغنى و الترابى وكل منظراتية الانقاذ الى محرقة الشعب


#1026926 [أنصار في كل مكان]
5.00/5 (1 صوت)

06-05-2014 10:00 PM
سبق و ان عرفت ميادين القاتال جيش الأمة
نحن انصار بطبيعتنا باقي كتله من المهدية
ما بنقول لكن بتشوفونا يا كيزان في الميدان و الله اكبر على كل معتدي و الله اكبر و لله الحمد

[أنصار في كل مكان]

#1026905 [حميدتي]
5.00/5 (2 صوت)

06-05-2014 09:24 PM
نحن اسياد الربط والحل نقول اقبضوا الصادق المهدي اقبضوه نقول فكوا الصادق المهدي افكوا الصادق المهدي ومافي ود مرا كلامه بمشي فوق راسنا واي مجمجة الذخيرة تشوف شغلها ارموا قدام بس وناس جيش الامة ديل لو رجال اليمرقوا لينا من الضللة للحراية

[حميدتي]

#1026904 [Bit Messamis]
0.00/5 (0 صوت)

06-05-2014 09:24 PM
هوووووووووي ......قال جيش التحرير قال!

[Bit Messamis]

#1026854 [مرتضي الجعر]
0.00/5 (0 صوت)

06-05-2014 07:43 PM
بيان مضحك مبكي يؤكد علي درجة الهشاشة والغباوة التي تدير المعارضة اليوم.
لا برنامج ولا خطط ولا يحزنون.
فقط تهديد الحكومة بمليشيات إما زائفة أو هزيلة عرجاء.

هسع جيش الامة ده عملتوهو أول أمبارح ولاشنو؟
وده كلو عشان إعتقال الصادق المهدي.
المهدي غلط غلطة عمرو وبيدفع الثمن الان.. خلو الجرسة والكبكبة والبيانات المضحكة!

[مرتضي الجعر]

#1026852 [السماك]
5.00/5 (1 صوت)

06-05-2014 07:41 PM
سبحان الله .. يعني إنتو ما شفتوا الظلم ولا شعرتوا بيهو إلا عندما ألقي القبض على إمامكم؟؟ ألم تروا مجازر أهل السودان في دارفور منذ 2003م ومجازر النوبة منذ عام 2011م؟؟ القتل الجاري حالياً في المنطقتين لم تروه أبداً ورايتم إعتقال الإمام!!

والله أنتم أجبن من مشى على الأرض .. وسلطة الإنقاذ أول من يعرف هذا .. طيب حاولوا مره ونشوف مين البفك الكدو ..

[السماك]

#1026836 [محمد خليل]
0.00/5 (0 صوت)

06-05-2014 07:22 PM
نحن نعرف و أنتم يا حزب الأمة تعرفون و الانقاذ تعرف انه لا يوجد جيش يسمى جيش الأمة، على من تودوا أن تضحكوا؟ أنحن ما عندنا قنابير.

[محمد خليل]

#1026823 [مساكم خير]
0.00/5 (0 صوت)

06-05-2014 07:00 PM
يش الأمة للتحرير على إستعداد التام لظروف المرحلة السياسية واهمها إعتقال الحبيب الإمام

[مساكم خير]

#1026813 [المحجوب]
0.00/5 (0 صوت)

06-05-2014 06:50 PM
يا زول! .. الناس دي اتفاعلت مع الموضوع ده بطريقة غريبة؟ ايه كل التعليقات دي؟ .. واضح ان الحديث ذو شجون :]

[المحجوب]

#1026807 [النمر]
0.00/5 (0 صوت)

06-05-2014 06:42 PM
انتو جيش الامة دا كان وين الفترة الفاتت دي كلها و الله عشان الامام بتاعكم اعتقلوهوا اذا كان الكلام دا اصلا صاح
بلاء يخمكم انتوا و امامكم

[النمر]

#1026781 [عزيز]
0.00/5 (0 صوت)

06-05-2014 05:50 PM
ياجماعة خلونا نكون واضحين ما عندكم قدرة لعذا الكلام لا ماليا ولا بشريا ، ومن الأفضل لكم وأنا لكم من الناصحين أن تركزوا مجهودكم في تنشيط عضويتكم للإنتخابات القادمة التي ستكون في ميعادها دون شك وحتي الحوار إن تم لن يؤجلها .إبذلوا مجهودتكم في الندوات في جميع الولايات وعارضوا علنا ودون مواربة ولا تراخي ولا تراضي وأشرحوا برنامجكم للحكم ووضحوا للناس أخطاء منافسيكم السياسيين وأوجه إختلافكم معهم من أجل مصلحة السودان وقدموا التضحيات من أجل ذلك عسي ولعل أن تحصلوا علي بعض المقاعد البرلمانية تمكنكم من تفلد الحكم مع آخرين أو تشكلون معارضة قوية تؤدي الي الكثير من التغيرات لمصلحة السواد الأعظم من السودانيين .

[عزيز]

#1026773 [خليل ابومحمد]
0.00/5 (0 صوت)

06-05-2014 05:41 PM
جيش الأمــــه؟؟؟؟
الساده الأحباب في أمانة العائدين , أسألكم بكل حسن نيه ,,,, هل هذا البيان مدسوس عن قائد جيش الأمه الأمــــيرالعميدالركن عبد الرحمن الصادق الصديق المهدي ؟ أم تم اصداره بعلمه ووفقا لتوجيهاته ؟ومنبع حسن النيه , أن شعب السودان وحتى الآن لم يطالع بيانكم الخاص بعزله من قيادة جيش الامــــــــه كما لم يطلع على تسميتكم لقائدكم الجديد ولا هيئة أركان حربه, وللأهميه الشعب السوداني يريــــــد أن يعــرف ؟

[خليل ابومحمد]

#1026738 [ميمو]
5.00/5 (1 صوت)

06-05-2014 04:50 PM
قال جيش الامه هههههههههههه والله انتواجبن خلق الله امشو حريقه فيكم وفي حزب الامه وكل الاحزاب السودانيه الله يريحنامنكم جميعا

[ميمو]

#1026734 [السودانى المضطهد]
5.00/5 (1 صوت)

06-05-2014 04:42 PM
الشايل الحربة ده حميدتى بتاع جيش الامة؟

[السودانى المضطهد]

#1026720 [locolo]
5.00/5 (2 صوت)

06-05-2014 04:28 PM
بالله قم لف قال جيش الامه قال كلكم مليشيات حزبيةو لا فرق بينكم و بين مرتزقه الهروب السريع !! آلم تتذكروا ما فعلتموه فى جنوب كردفان و بالتحديد عام 1985 م عندما بداتم بمجزره هيبان بجنوب كردفان و مجزره الضعين ضد الدينكا و التجنيد العنصرى للقبائل المستعربه المسماه بالبقارة آى رعاه البقر عام 1987 م و ما فعلتموه بالسكان العزل فى كادقلى و نقربان ( آم دورين ) و الشاتات ( آى شات الصفية و الدمام ) و كل عموم جبال النوبه ؟؟؟
الصادق المهدى عميل للمؤتمر الوثنى و قد إستلم ثمن العماله و هاهم المؤتمرجية يدفعونه الثمن ،،،

آلم تتذكروا يا مليشيات حزب اللمه ما فعله بكم إبن الصادق و غواص المؤتمر الوثنى عند عودتكم من إريتريا ؟؟؟ ماذا قال لكم عندما طالبتم بحقوقكم ؟؟؟ و الله صحيح المثل بيقول الكلب بريد خناقو !!!

[locolo]

#1026674 [احمد]
0.00/5 (0 صوت)

06-05-2014 03:31 PM
اقول ليكم حاجه .انتو جعجاعين بس .يله بلا لمه لو عندكم رجاله امشوا حرروا الزول الفى كوبر دا .ماقلتو دا امامنا يله ورونا همتكم

[احمد]

#1026665 [SESE]
5.00/5 (1 صوت)

06-05-2014 03:22 PM
الزمان ليس هو الزمان والرجال ليسوا هم الرجال والامام ليس هو الامام وإلا فمتى كان حزب الامة يطلب الاذن من الحكومات......؟؟!!

طعنة الظهر هي عبدالرحمن الصادق المهدي مستشار البشير واخوه بشرى ميدرب مليشيات النظام بدون مقابل لمواجهة الشعب السوداني فكيف يستقيم الظل والعود اعوج.....؟؟!!

[SESE]

#1026658 [رانيا]
5.00/5 (1 صوت)

06-05-2014 03:15 PM
(تعليق على الصورة)

ما شاءالله تبارك الله في الزمن العلينا ده أنا ما شفت يد بالحجم ده .. الجماعة ديل يدهم بطاّشة .

[رانيا]

#1026590 [مصباح]
5.00/5 (1 صوت)

06-05-2014 02:19 PM
جيش الأمة للتحرير!! ياتو ديش ! وياتو تحرير ؟يحيي العظام وهى رميم

[مصباح]

#1026531 [حافظ حمد]
0.00/5 (0 صوت)

06-05-2014 01:37 PM
هذا لا يعقل كيف يدين الصادق المليشيات وهو يمتلك جيش اي مليشيات حزبية لتخويف باقي الاحزاب لذلك يجب ان لا نلوم الانقاذ لانها عرفت وادركت ما يخطط له حزب الامة بكرة يطلعوا يقولوا جيش منضبط لانو ببساطة ما في جيش منضبط ومن يحمل السلاح لا يعرف لغة غيرها هذا زرع الصادق فاليتحمل نتائجه الكارثية على مناطق نفوذه

[حافظ حمد]

ردود على حافظ حمد
United States [الكشكول] 06-05-2014 03:21 PM
كيف ما نلوم الانقاذ وهي تعمل في العمايل القاعدة تعمل فيها دي ؟ عمرك شفت الانصار عملوا حاجة ولا قتلوا جدادة بالغلط ؟ ديل منضبطين وعندهم مرجعية ولكن الكيزان مرجعيتهم ارهاب الناس.. والان الخرطوم محاطة بقوات الدعم السريع والانسان لأيأمن على روحه من هذه القوات ..
اما ان يكون للأنصار جيش فهذا شي عادي بل الشئ غير العادي ان لا يكون له جيش ولا جريدة ولا فضائية والشي الاغرب ان حزب الامة ليس له نشرة ولو اجتماعية يصدرها لأنصاره بل ولا حتى اذاعة اف ام حتى اف ام ما عنده وبالمناسبة الاذاعة الاف ام ممكن الواحد يعملها من داخل بيته وممكن تتعمل من اوضة او غرفة في مدينة الفتح الحكاية اسهل من اي شئ


#1026522 [فارس]
3.00/5 (2 صوت)

06-05-2014 01:33 PM
عايزين تانى يدوروا الفيلم دة من جديد بس المرة دى ألعبوها براكم،،

كفاية هجوم قوات الجبهة الوطنية على الخرطوم بقيادة محمد نور سعد عام 1976 الذين نسيهم الصادق المهدى عندما عاد للسودان بعد مصالحته مع النميرى وذهب يبحث عن قبر عمه الإمام الهادى لا حبا فيه بل ليتأكد من موته وخلو منصب الإمامة،،

كفاية حكاية جيش الأمة فى إرتريا ضد الإنقاذ و(الأمير) عبدالرحمن و(الأميرة) مريم وعندما تصالح مع البشير فى جيبوتى خلف ظهر التحالف الوطنى الديمقراطى نسيهم، وعندما عادوا للسودان وإحتلوا دار حزب الأمة تجاهلهم، وعندما إعتدوا على أمين حزب الأمة عمر نور الدائم بشأن وعوده بالتعويضات هدد بأخذهم للقضاء،،

كفاية يالصادق جيش شنو وبطيخ شنو؟؟ المؤمن لا يلدغ من جحر مرتين.

[فارس]

#1026497 [أبوقرجة]
0.00/5 (0 صوت)

06-05-2014 01:18 PM
اشششششششششششش اشششششششششششششش اشششششششششششششششش

[أبوقرجة]

#1026478 [ساب البلد]
5.00/5 (1 صوت)

06-05-2014 01:08 PM
************ جيش الامة Vs جيش حميدتي ههههههههههه ******* اسمع جعجعة و لا اري طحين ******* اها جيش الامة بقيادة الامير عبد الرحمن ولا بشري ولا مريم ******* زي ما قال حميدتي دي النقعة و دي الذخيرة خلينا نشوف دواسكم *******

[ساب البلد]

#1026441 [موسي]
5.00/5 (1 صوت)

06-05-2014 12:46 PM
حزب الأمة والانصار اصلا من زمان بقوا ترلة قاطرة قندران الكيزان .... الله يرحكم يا محمد أحمد المهدي .............

[موسي]

#1026413 [ثوج]
0.00/5 (0 صوت)

06-05-2014 12:32 PM
هم كلهم 14 نفر .. وقائدهم الان مساعد رئيس الجمهورية ..
أنا بفتكر انو إذا كان هناك جيش أمة ، وهذا غير صحيح .. لان اغلبية جيش الامة طلعوا كيزان ناس صديق شعيرية وغيرهم كلهم كيزان والان يتقلدون مناصب في الدولة ..
شوفو ليكم عيشة غير هذه القربة المقدودة .

[ثوج]

#1026408 [التاج محمد احمد]
0.00/5 (0 صوت)

06-05-2014 12:30 PM
اهو كلو كلام في كلام وابشر بطول سلامة يا مربع

[التاج محمد احمد]

#1026406 [مصباح]
5.00/5 (1 صوت)

06-05-2014 12:28 PM
الجيش الهلامي دا كان قائده منو ؟ والعينه منو ؟ واين هو الآن وماذا يعمل؟ وماهى صلته بالشخص المعتقل؟ وأين كان هذا الجيش في كل الأحداث والمآسي التي مرت على السودان في ظل هذا الحكم الدموي المدمر ومازالت !!؟
بعدين لو فرضنا مجرد فرض إنتو فعلاً جيش وعندكم قوة!! موقفكم من الجهاد المدني والحوار مع النظام الذي يدعو له الشخص المعتقل ويصر عليه حتى من داخل محبسه في كوبر شنو !!؟
وبعدين تتحركوا علشان شخص واحد!!؟ يعني هو أهم وأكبر من كل السودان وجراحاته!!؟ وأهم من كل الشهداء الشرفاء والمعتقلين الأوفياء الذين لاتحركهم الأطماع ولا الأضواء أو بريق السلطة وإنما تحركهم فقط وطنيتهم الأصيلة وضمائرهم الحية وتوقهم للعدالة وإطلاق سراح الوطن !!؟

[مصباح]

#1026387 [نكس]
5.00/5 (1 صوت)

06-05-2014 12:18 PM
دل الوعيد والتهديد - شن فايدة الجيش البتوعد وبهدد وزعيموا محبوس - المفروض ينضم الجيش دا للجبهة الثورية المسلحة حتي لو طلع الصادق المهدي
الأنصار لن يساموا في الدفاع عن الوطن و الدين
ولا دا شعار البيان لزوم الرتوش وكدا

[نكس]

#1026282 [سادولاك]
0.00/5 (0 صوت)

06-05-2014 11:14 AM
انا ما بعرف جيش لحزب الامه لكن بعرف عصابه اسمها نفذ وهى اشبه بقوات الدعم السريع وعشان نعرف مدى جديتكم ورونا عرضكم باي طريقه شئتم

[سادولاك]

#1026280 [مجنووووووون]
0.00/5 (0 صوت)

06-05-2014 11:13 AM
الراجل شايل ليه حربة كبيرة اظنو شيخهم قاليهم الحربة دى بتتحول الى ار بى جى ببركات سيدهم المهدى ههههههه مجموعة متخلفين

[مجنووووووون]

#1026246 [اسد]
0.00/5 (0 صوت)

06-05-2014 10:56 AM
غريب تصرف الامام، يريد أن يأكل عسل الانقاذ، وينصر متمردي دارفور وكردفان، هذا تصرف يغضب الحليم. أما تهديد جيش الأمة فأجوف ومخبور من الحكومة، الم يجرب الحرب سنين عددا ثم عاد مصالحا.ايد وراء وايد قدام، على كل حال مثل هذه التصريحات لا تخيف احدا، و لا تجدي مع اساطين الحكومة ( وياجبل مايهزك ريح)

[اسد]

ردود على اسد
[نكس] 06-05-2014 05:48 PM
بت قضيم هنا يرضوا بتشتمي الاختلفوا معاك في الراي -وريني فرقك شنو من الكيزان

[حسكنيت] 06-05-2014 04:56 PM
ديك حلايب وديك الفشقة يا برميل الحكومة

United States [الانصارية] 06-05-2014 11:55 AM
خلاص يا ياسر عرفات قال ( وياجبل مايهزك ريح)

European Union [بت قضيم] 06-05-2014 11:35 AM
قال اسد قال ما انت الا جرذ من فاران الكيزان التي تاكل فضلاتها يا كتكوت يا كوز يا مقدود قال اسد والله لبوة كثيرة عليك


#1026220 [الصلاحابي]
5.00/5 (1 صوت)

06-05-2014 10:45 AM
كلام
جعجة
كذاااااااابين
انتو مؤتمر وطني بشكل جديد
هل قدم عبد الرحمن استقاله

[الصلاحابي]

#1026217 [المتجهجه بسبب الانفصال]
0.00/5 (0 صوت)

06-05-2014 10:43 AM
على الانصار مبايعة امام مؤقت بسبب تعثر الاهلية،، إمام مثل الامام الهادي رحمه الله ،،،

[المتجهجه بسبب الانفصال]

#1026137 [أحقاد وضغاين]
4.50/5 (4 صوت)

06-05-2014 10:02 AM
بدل البيانات والجعجعة بلا طحين، انضموا للجبهة الثورية، وحاربوا هذا النظام الظالم الجائر، فالنظام الذي جاء بالبندقية لن يسقط بالكلمة والجهاد المدني. ووجود الصادق المهدي في سجن كوبر خير دليل.

[أحقاد وضغاين]

#1026127 [احمد]
0.00/5 (0 صوت)

06-05-2014 09:57 AM
ده كله كلام جرايد الشعب السوداني يئس من اصلاح القادة لا ينفع زعيم ديني ولا قبلي ولا سياسي كلهم راكضين خلف المناصب والمكاسب المادية البحتة ولا هم لهم الا ذلك ونسوا بانهم خلقوا لعبادة الله واعمار الارض واشاعة العدل بين الناس ..........وبعدين السودانيين بالاضافة لما يعانونه من الجوع والمرض والفقر والجهل اضيفت لهم خصلة اخري غير مرغوبة هي اللا مبالاة..........بس ربنا يغير الحال؟

[احمد]

#1026120 [خالد]
5.00/5 (1 صوت)

06-05-2014 09:50 AM
يا جيش الامة وحزب الامة فشلتم ومعكم الصادق فى الحكم وفى المعارضة شغالين لينا كلام بس ... حزب الامة الان يلعب دور الكمبارس ومتواطى مع هذا النظام ...وكل ما يدور الان مجرد مسرحيات مفبركة ... نحن نريد قوى شبابية جديدة تخمكم وتخم الكيزان معاكم

[خالد]

#1026099 [ود نقد]
0.00/5 (0 صوت)

06-05-2014 09:38 AM
جيش الامة!!!!! مرت ايام على اعتقال السيد الصادق المهدى..وحجم وتاخر تحرك الانصار يعكس حسب مرئياتى الشخصية حجم ومكانة السيد الصادق المهدى فى قلوب اتباعه...بعد استسلامه وانقياده للمؤتمر الوطنى ووجود ابنه مستشارا للبشير وهو الوحيد الذى تمت اعادته للخدمة من بين آلاف الضباط الذين شردتهم الانقاذ تحت مسمى الصالح العام...بعد هذا السكون والخنوع من حزب الامة ..لا يستطيع احد ان ينكر ان مكانة الامام ليست كما كانت وان الغالبية ترفض الخنوع والانكسار لرغبات المؤتمر الوطنى....لن يتحرك الانصار حتى تقرر الحكومة الافراج عن السيد الصادق وساعتها لم ولن يكن هنالك دور لجماهير حزب الامة فى الافراج عنه....البعض يعتقد ان هذه مسرحية قام بتاليفها الترابى وان الصادق وابنائه على علم بذلك والمخرجات وبقية الفصول ستاتى بها الايام المقبلة...

[ود نقد]

#1026096 [الأنصاري]
0.00/5 (0 صوت)

06-05-2014 09:36 AM
والله دا كلام يشبه أنصار الله 000 أهو كدا الشغل 000 هذا البيان هدية لقائد وأمير جيش الأمة (السابق) العميد عبدالرحمن والي والي اخيه البشري والي المتفلتون الجدد وسدنة الانقلاب داخل الحزب الذين أتوا بسارة نقد الله أمينة عامة عليهم في برنامج الملوثة بجراثيم الفساد والإفساد والتي عملوا بها علي تفريق وتشتيت الصف الأنصاري ظنا منهم أن ذلك يقربهم زلفة لاهل النظام عبر تسوية مناصبية يتسنموا بها وظيفة ما لدعاة التعطل السياسي ولكن بهذا البيان الملئ عبارات العزة والكرامة يؤكد ويبين ان المارد ما زال سيد نفسه وهو أيضا ( البيان) رسالة للسيد ومساعديه الذين أزاقوا هؤلاء المجاهدين الويل ولكن الضمير الأنصاري الحي لا يموت ولا يتبدل ومهما يكن يا سيدي الامام نحن جند الله وجند الوطن وجندك الذي تخوض بهم إيما بحر أو فلاة قصدتهما ... منا لك السمع والطاعة ومنا عليك الصبر علي المبادئ والمكاره وعدم المساومة في أمر الدين والوطن وحياة الناس وامنهم ومعاشهم وسلامة عرضهم0000 الله أكبر ولله الحمد0000

[الأنصاري]

ردود على الأنصاري
United States [تلفون صحراوى] 06-05-2014 10:40 AM
عاوزين نشوف بيان بالعمل يا الانصارى من جيش الامة اهو داك حميدتى واهو داك جيشه اى مجمجة السلاح يورى وشه.


#1026090 [bullet ant]
0.00/5 (0 صوت)

06-05-2014 09:32 AM
هبل فعلا دراويش الامام اللعوب يطبخ العجب مع الدكتاتور المريع
هل استشاركم الصادق الكضاب فى اى شئ وانت تحملون حراب عفا عليها الذمن؟

[bullet ant]

#1026089 [جركان فاضى]
5.00/5 (1 صوت)

06-05-2014 09:32 AM
وهل يحتاج الانصار لجيش تحرير؟...مليون انصارى وحزب امة يتدفقون فى شوارع الخرطوم...ويسقطوا الحكومة فى ساعات...والانصار يعلمون انه لو نزل 50 الف منهم سوف ينزل معهم خمسة ملايين من الغلابة...اطلعوا الشارع فنظام الانقاذ ليس له شعبية بين الناس

[جركان فاضى]

#1026085 [علي خميس]
0.00/5 (0 صوت)

06-05-2014 09:29 AM
بـــــــــــــــــــــــــــــــــف بااااااااااااااااااااااااااااااااااف

[علي خميس]

#1026082 [الحقيقة المرة]
0.00/5 (0 صوت)

06-05-2014 09:26 AM
اين كنتم في سبتمبر ؟؟؟ تقولون ( كنا نثق أن حكمة الإمام وميوله نحو الحلول السلمية سيجعل الظالمين يرفعون أيديهم عن الشعب السوداني )ونفس حكمة الامام جعلتكم لا تشاركون الشعب في سبتمبر.. والآن فقط تتباكون لاعتقال الامام .ولم تشعروا بشهداء سبتمبر الذين قتلوا .. تباً لكم ولإمامكم .... وهذه المسرحية أي اعتقال الصادق مسرحية كاملة بين الحكومة والصادق وذلك للآتي :
1/ تم إلقاء القبض عليه بواسطة لابنه وفي سيارة برادو وركب بجوار السائق .
2/الإبن الثاني ( مساعد الرئيس )كان في قطر وعاد بعد الاعتقال بعدة ايام...هل يمكن لشخص هو مساعد الرئيس أن يوافق علي أعتقال والده ؟؟؟؟ إلا بضمانات كافية إذا وافق .
ويقول بيانكم رقم (1) الإمام لن يركع و لن يستسلم لصنم الإنقاذ المنهار المهزوم بأذن الله .
ونقول الإمام راكع من زماااااااااااااااااان .
ويقول بيانكم رقم (1) أيضاً( الأنصار لن يساموا في الدفاع عن الوطن و الدين )
ونقول الأنصار لن يساوموا في الدفاع عن الصادق فقط ..
بيان هزيل لا يستحق النشر ...

[الحقيقة المرة]

#1026067 [Hussein Hamid]
0.00/5 (0 صوت)

06-05-2014 09:10 AM
حلول الصادق و شطحاتة اللامفهومة أهلته لان يكون عجل البصيرة ام حمد حيث ركض و راء السلطة مع المتسلطين فكسر الكنتوش و دفق امل أنصاره علي الرهاب وقطع رأسه زبانية صهره الحرباء الترابي قربان للحكم الذي فرط فيه

[Hussein Hamid]

#1026066 [الصهيونىى]
0.00/5 (0 صوت)

06-05-2014 09:10 AM
هرشه ساكت الانقاذ تعرف نقاط الضعف فى حبيبكم الصادق وهو المال هذا البيان يجب ان ياتى من عبد الرحمن مساعد الرئيس او من بشرى نائب مدير الامن وهذا ابوهم وهم اقرب له من كيان الانصار الى الان انتو قايلين عندنا قنابير احملو السلاح وحاربو الحكومه كده يمكن نقول ما مسرحيه ونصدقكم لكن مابصدقكم ذى ما قال عثمان حسين

[الصهيونىى]

#1026065 [محمد عبدالرحمن الشريف]
5.00/5 (1 صوت)

06-05-2014 09:09 AM
هههههههههههههههههههههههههههههههههه والله 8ذا زمانك يا مهازل وين جيشكم ده عندما كان حبيبكم المغضوب عليه يقبض ويبيع ويزرع الفتن والشقاق في اوساط تحمع المعارضه لا لفكر ولكن امعانا في خدمه الانقاذ حتي رسخ لدي الكثيرين اعتقاد بان حبيبكم هو من قاد الانقلاب اختشوا

[محمد عبدالرحمن الشريف]

#1026054 [ودالبله]
5.00/5 (1 صوت)

06-05-2014 08:59 AM
جيش امة شنو ياوهم يادجالين ياعملاء الانقاذ..خدعتونا وحاربنا معكم من ارتريا ولكن عندما حصلت المصالحه لم يستوعب ضابط واحد ..فقط اولاد الصادق عبدالرحمن وبشري . شوفوا الغافل تاني البيتابعكم .. يكفي ابوكم خان المعارضه ووقع في شر اعماله .. ىااااامنافقين العابكم مكشوفه

[ودالبله]

ردود على ودالبله
[مصباح] 06-05-2014 12:30 PM
ههههة.. كلهم تاني مستحيل يغشوا الناس


#1026048 [سودان جديد]
0.00/5 (0 صوت)

06-05-2014 08:51 AM
ديل شنو كمان ديل !

[سودان جديد]

ردود على سودان جديد
[kushuko] 06-06-2014 07:01 PM
والله صحي دراويش وكمان مهابيل كنتوا في 89 لمن اولاد الحرام ديل عملو انقلابهم ورموا امامكم دا في السجن

[مراقب] 06-05-2014 10:53 AM
ديل لو ما كان المؤتمر الوطني اعتقل الصادق المهدي ما كانوا قالوا الشعب السوداني ولا تحدثوا عن المجازر في دارفور وجبال النوبة والنيل الازرق يعني مزايدة ساي

United States [habbani] 06-05-2014 10:40 AM
ديل أنصار الدين حربة وسكين . فى عملية غضبة الحليم يا مسكين .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة