الأخبار
أخبار إقليمية
الخضر: نحنا ضد الفوضى التي تعرقل المواصلات
الخضر: نحنا ضد الفوضى التي تعرقل المواصلات



06-05-2014 12:22 PM
الخرطوم: ندى رمضان
قال والي الخرطوم د. عبد الرحمن الخضر إن قرار تحويل المواقف لا يدعو للانزعاج أو التخوف وأضاف: أعدنا الوضع الى سابق عهده بإرجاع كل الحافلات الى المواقف القديمة (الاستاد+ كركر) وتخصيص موقف شروني للبصات بعد أن أصبح من المستحيل جمع البصات والحافلات في مكان واحد بعد الزيادة الكبيرة في عدد البصات والحافلات الكبيرة وأكد أن ولايته ليست ضد البيع وإنما ضد الفوضى التي تعرقل دخول المواصلات الى المواقف وأردف خلال مخاطبته تدشين البصات بالساحة الخضراء أمس: بدأنا في تنظيم المهن المؤقتة بتحديد مواقع ووسائل تحفظ كرامتهم، بل أنشأنا (4) أسواق مركزية جديدة في الخرطوم وكرري وأم درمان وشرق النيل لاستيعاب الراغبين في التجارة بهذه الأسواق وتعهد الوالي بتوفير وسيلة كسب لكل راغب عن طريق التمويل الأصغر وأضاف: (نحن جاهزون له ) .
ووجه البصات الجديدة والتي تم تمليكها للمواطنين أو التي تمتلكها شركة البصات أن تباشر عملها فوراً تعمل للانتقال تدريجياً من سعات النقل الصغيرة الى سعات النقل الكبيرة والمتوسطة وتطبيق نظام الحركة الدائرية للنقل وطمأن الوالي خلال تدشينه اليوم بالساحة الخضراء المرحلة الثانية لبرنامج تحسين النقل الداخلي والمواصلات المواطنين.
الى ذلك كشف وزير البنى التحتية والمواصلات دكتور أحمد قاسم عن تخصيص مائة بص للعمل في عدد (11) خط وتركيب (235) محطة بص من جملة (240) محطة وأن الباب مفتوح للقطاع الخاص والأفراد لإقامة محطات كمظلات وقفية وأشار الى أن الحزمة خفضت رسوم الترخيص ورسوم الخطوط للحافلات الصغيرة وأن الباب مفتوح لترخيص العربات الملاكي للعمل في مجال النقل الطارئ.

الجريدة


تعليقات 11 | إهداء 0 | زيارات 2787

التعليقات
#1027708 [اب تلوشة]
0.00/5 (0 صوت)

06-06-2014 11:48 PM
بالله يا جماعة الخضر ده بيحس
الراجل ده لسع قاعد - وبيتكلم كمان عن الفوضى
حقيقة الاستحوا ماتوا
جلده تخين - لا يحس لا يشعر

[اب تلوشة]

#1027477 [ابوكلام]
0.00/5 (0 صوت)

06-06-2014 05:59 PM
لماذا التخبط .. فى تحويل الموقف... نتساءل هل هنالك تخطيط ام هو خبط عشواء لم تطق فى راس المسؤول يحولو ولم يزهج تاااانى يرجعو .... والخاسر هو المواطن

[ابوكلام]

#1027208 [واحد]
0.00/5 (0 صوت)

06-06-2014 10:57 AM
أنتو الحدر دا بعد فضيحة مكتبه وهو رأس الحية، بقى بس يدشن المواقف القديمة الجديدة وناس المؤتمر الوطني قاعدين يترشحوا في ولايته، طبعا لو مشى ليهم الخدر الفضيحة الاقبال ح يكون ضعيف. شفت كيف يالخدر حفرت لنفسك حفرة سقوطك ودا الكان متوقع وحصل.

[واحد]

#1027143 [Khalidali]
5.00/5 (1 صوت)

06-06-2014 08:54 AM
ونحن ضد المفسدين وخصوصا الناكرين بأنهم مفسدين ليك يوم يا افسد الفاسدين وتعلمها كمان باسم الدين .

[Khalidali]

#1027028 [سدالنهضة]
5.00/5 (1 صوت)

06-06-2014 01:14 AM
والله يا الخضر عينك قويه انتا لسه ما استقلتا وما وريتنا الولد غسان اديتوه كم عشان يسكت وما يفضحكم ووديتوه وين عايزين نعرف

[سدالنهضة]

#1026872 [محمود]
5.00/5 (1 صوت)

06-05-2014 08:09 PM
رمضان كريم.. وربنا يهون على الشعب السوداني ..وكل سنة وأنتم طيبين.اللهم أحفظ السودان وأهله, قوالوا آآآآميييييين.

[محمود]

#1026802 [صادميم]
5.00/5 (1 صوت)

06-05-2014 06:34 PM
هل عبد الرحمن الخضر ضد الفوضى التي تعرقل المواصلات ؟ وهل الفوضى في مواقف البصات؟
ان الفوضى ضاربة اطنابها في الصيانة التي تقام حالياً في كبري القوات المسلحة التي تشهد بان فساداً ظاهراً قد صاحب العقد مع هذه الشركة الصينية التي اثبتت انها لا تملك
معدات ولا قوى عاملة و لا حتى الخبرة لإنجاز مثل هذه الاعمال و الذين يعبرون هذا الجسر يومياً يشهدون بأعينهم عمال يبدو عليهم البؤس لا يملكون حتى ملابس عمل تميزهم بأنهم عمال في شركة محترمة
و آلات و معدات كأنها من بقايا الحرب العالمية الثانية و لو اسند هذا العمل لشركة محترمة لما احتاجت الصيانة لكل هذا الوقت.
و الفوضى موجودة أيضاً بموقف بصات شندي وهي فوضى كان من الممكن تجاوزها لو كان هنالك شخص مسؤول على راس هذه الولاية

[صادميم]

#1026741 [خاطره]
5.00/5 (2 صوت)

06-05-2014 04:53 PM
اذا حركة البصات دائرية ما بتحتاج موقف محدد. بس بتحتاج لورش عشان الصيانة. وبعدين بصاتكم دي جبتوها جديده ولا مستعملة كالعادة وتخمشوا خمشتكم. بعدين نتمني انه البصات تكون عندها محطات معينة تتوقف فيها مش كل مترين يدقوا للبص عشان يقيف.يعني في كل دول العالم الزول يمشي لمحطة البص الا في السودان الواحد عايز محطة البص تجي قدام بيته. بعدين الزول وهو في البص لما محطتك تقرب بتقيف علي حيلك تمشي علي الباب تكون جاهز للنزول. في السودان لحدي ما البص يقيف حتي الواحد يقوم من مقعده. طبعا في الحته دي الناس الكبار او عندهم اعذار لا حرج عليهم. دي سلوكيات ما كويسه لاحظتها في بصاتنا. وارحموا السواقين والكماسرة شوية من النبذ. هم برضوا ظروفهم صعبة وعندهم مشاكلهم. وربنا يهدي الجميع وخصوصا رمضان قرب.

[خاطره]

#1026679 [الغلبان]
5.00/5 (1 صوت)

06-05-2014 03:37 PM
تجربة شخصية لتخبط الولاية ، رزقني الله بسيارة نقل ركاب كريز ما يقولون نتاج غربة وبعد عن الوطن بدأت العمل بها في نقل الركاب وهي ملاكي وهذا ممنوع وعلى عينا وراسنا تدفع من الصباح في وقتها 30 جنيه لادارة المرور وعلى عينا وراسنا غير بقية الاشياء التي تمارس من قبل رجال المرور وبرضه على عينا ما هو دا حال البلد السيارة جديدة ومكيفة لما كثرة مسألة الايصال ابو 30 قلنا ناخدها من قصيرها بعنا السيارة الجديدة وملاكي حتى نحترم القانون ويكون لك خط معين تعمل به حتى لا يتشربك فيك جماعة النقل وجماعة المرور بعد شراء السيارة باقل من اسبوع وبيع راس مالنا الذي يعتبر بالسيارة الاحسن حالا يفتح السيد الوالي لكل السيارات ان تعمل في اي خط بمجرد رسوم اسميه تدفع لادارة النقل (انا هنا تضررت بس مش مشكله ما هو برضه هم عام) ولكن ان تعمل السيارة في كل الخطوط وتمنع انت لانك اشتريت عربة تجارية الا بخط واحد دا حيرنا قلنا نمشي النقابة ونحتج رفضت النقابة احتجاجنا وضاعت العربة الجديدة وصارت العربة القديمة مطاردة من قبل المرور ولانها كلها اعطال ربي يعلن اللي كان السبب قمت ببيعها ومرة ثانية الى الغربة ورغم ان الغربة الاولى كانت جيدة لم نحظي فيها بقطعة سكن حتى وجاءتنا سفارتنا الموقرة واخذت رسوم كل شي وامشوا وزارة شوؤن المغتربين للاراضي وجدنا ان الارض في الوادي الاخضر قلنا ما مشكلة مصيرها تعمر كان القسط الاول للارض 9 مليون وقيمة الارض 18 مليون قبل ان نشرع في الشراء وجدنا ان الارض عند سماسرة الاراضي في نفس المنطقة لا يتجاوز سعرها حينها ال 5 مليون يعني الدولة عاوزه تاخد اكثر من السماسرة واكثر من سعرها على ارض الواقع ب 3 مرات او اكثر بطنا طمت عديييييييييييييييل

[الغلبان]

#1026475 [جساس الثقفي..الطائف]
0.00/5 (0 صوت)

06-05-2014 01:07 PM
هل هو حل للفوضى هو حل نهائي لاستحاله امتلاك المواطنين سيارات خاصه بعد غلائها الفاحش بسبب قرار منع استيراد الخارجي ؟

[جساس الثقفي..الطائف]

#1026430 [عبد الله]
5.00/5 (2 صوت)

06-05-2014 12:41 PM
كل سنتين تلاته يغيرو المواقف ! ليه ؟ عشان الحركة دى بياكلو منها جوكية المؤتمر الوطنى ، غايتو على كيفكم فى الشعب الاهبل دا مرمطو فيهو زى ما عايزين ان شا الله تمشوهو برجليه موش حيقوليكم تلت التلاته كم فهم كما عودوكم دائما نعااااااج تستقبل كل انواع الاهانات والاذلال

[عبد الله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة