الأخبار
أخبار إقليمية
رئيس لجنة بالبرلمان : «ناس الريف صليبم طالع»
رئيس لجنة بالبرلمان : «ناس الريف صليبم طالع»
 رئيس لجنة بالبرلمان : «ناس الريف صليبم طالع»


06-05-2014 12:15 PM

البرلمان: هبة عبيد
شنَّ رئيس لجنة النقل بالبرلمان عبد الله مسار هجوماً على سياسة الخصخصة، واتهم البنوك التجارية بالمضاربة في أموال صناديق الدعم الاجتماعي مما أدى إلى زيادة حجم الفقر، وأبدى استغرابه من خصخصة شركة الموانئ البحرية والكهرباء والطيران المدني، وقال «ما شفنا حكومة تاجر إلا في السودان» مشيراً خلال جلسة بالبرلمان أمس إلى أن نظام الهيئات هو النظام المتبع عالمياً، وشدد على أهمية دعم الدولة للزراعة التقليدية للحد من الهجرة من الريف للمدن، وقال: «ناس الريف تعبانين وصليبم طالع».مشيراً إلى أن 90% من الجهود المبذولة تتجه لراحة ناس المدن، ودمغ مسار الولايات بتبديد حقوق المعاشيين، وقال: «الولايات أخذت الأموال ولم تستطع الدفع للمعاشيين»، وطالب بنك السودان بتقديم تقرير للبرلمان حول سياسات البنك.

الانتباهة


تعليقات 28 | إهداء 0 | زيارات 6048

التعليقات
#1027183 [Mordeakye]
0.00/5 (0 صوت)

06-06-2014 10:23 AM
الله يخمك يامسار والانتباهة العنصرية من استخدامكم للرموز المسيحية

[Mordeakye]

#1027035 [هيثم الخلا]
0.00/5 (0 صوت)

06-06-2014 01:37 AM
الما بطلع صليبهم شنوا يا مسار إذا كان البشير بعضمة لسانه بقول أنا لي عشرين سنة حصل يوم واحد كضبت عليكم؟ ديل زمان بقولوا نحنا لمن نزور منطقة ونغادرها ينزل المطر طوالي، مش قال لناس الجزيرة بكره حتركبوا تكاسي بدل الحمير وبعد كم سنة لم يجدوا حتى أرضهم... وعييك

[هيثم الخلا]

#1026945 [الفاقد حنان]
0.00/5 (0 صوت)

06-05-2014 10:34 PM
الدكتورة مريم لما طلعت صليبة اتهموها بالردة وحكموا عليها بالإعدام..يبقي القضاء عندنا خيار وفقوس وحسب المزاج

[الفاقد حنان]

#1026864 [آمال]
0.00/5 (0 صوت)

06-05-2014 07:58 PM
ما ده كله بسبب سياساتكم دي لو بتهتموا بناس الريف و بتوفروا ليهم كل متطلباتهم بدون ما تركزوا على ناس المدن ما كان ده بقى حالهم

[آمال]

ردود على آمال
[ودالجزيرة] 06-06-2014 12:30 AM
يا آمال هم مهتمين بناسهم فقط وقد قالوا بنرفع المعانا وليس المعاناه


#1026841 [معمر حسن محمد نور]
4.75/5 (4 صوت)

06-05-2014 07:27 PM
تعودنا في السودان علي جملة صليبم طلع أوينعل صليبك.. ولم ألتفت الى المعتى الا عندما احتج معلم مصرى مسيحي معار بلطف علي مدير سوداني ردده اكثر من مرة..هو في عرف المسيحيين سب عقيدة .فالرجاء احترام المشاعر

[معمر حسن محمد نور]

#1026804 [الكردفاني]
4.50/5 (2 صوت)

06-05-2014 06:38 PM
طوبى للمطرودين من اجل البر ، لأن لهم ملكوت السماوات .
طوبى لكم اذا عيروكم و طردوكم و قالوا عليكم كل كلمة شريرة من اجلي ، كاذبين .
إفرحوا و تهللوا، لأن أجركم عظيم في السماوات ، فإنهم هكذا طردوا الذين قبلكم .( مت 5 : 10-12 )

[الكردفاني]

#1026778 [wronged]
0.00/5 (0 صوت)

06-05-2014 05:46 PM
ههههههههههههههههه
والله طلعو صليبهم ساي , ديل جعلوا المليون ميل مربع , اوللها واخرها من القصر لكافوري
, هي دي حدود السودان الجديدة , كل الخدمات تكمن في مسافة التى تربط بيت الوزير وبيت المشير
اما باقي السودان كلها رموها في الزبالة , الله يعين ناس بلدي الغلابا ربنا معاكم , لا تحزنوا
ان غدا افضل .

[wronged]

#1026752 [مازيل تنيبور]
1.00/5 (1 صوت)

06-05-2014 05:09 PM
هي جملة تقال بدل عن سب الدين وتستخدمها عادةً البنات زي ميتينك ..
ومافيها شيء وتعنى بلوغ الغاية في الشيء..!!!

[مازيل تنيبور]

ردود على مازيل تنيبور
United States [مغبون] 06-05-2014 11:53 PM
بل هو سب مسئ جدا وقد بدأ استخدامه بعد تدمير سوبا المسيحية1505م علي يد الفونج والعبدلاب والقتل الوحشي للعنج المسيحيين،وهو سب توعدي بالهلاك


#1026708 [Peter Gerog Lado Wany]
4.50/5 (2 صوت)

06-05-2014 04:07 PM
"For the message about the cross is foolishness to those who are perishing, but to us who are being saved it is the power of God"
corinthians 1:18

[Peter Gerog Lado Wany]

#1026669 [alkarb]
0.00/5 (0 صوت)

06-05-2014 03:27 PM
ابصليب بتكلم عن الناس الصليبم طالع

[alkarb]

#1026661 [جدودنا زمان]
0.00/5 (0 صوت)

06-05-2014 03:19 PM
فقد المنطق...

[جدودنا زمان]

#1026660 [حسكنيت]
0.00/5 (0 صوت)

06-05-2014 03:16 PM
ثلاثة قطع أراضى فى الخرطوم وإثنين فى أبوسعد وواحدة فى الحلفايا،..الما بطلع صليبم شنو ؟

[حسكنيت]

#1026592 [سدالنهضة]
0.00/5 (0 صوت)

06-05-2014 02:19 PM
هوالصليب قاعد وين عشان يطلع يا وهم انتو طلعتو الشيطان من السودان يا كيزان يا خسيسين

[سدالنهضة]

#1026579 [Adolf]
0.00/5 (0 صوت)

06-05-2014 02:10 PM
هل تقصد يا مسار "زقاق ابو صليب"

[Adolf]

ردود على Adolf
European Union [زول عاطل] 06-06-2014 09:20 AM
زقاق ابو صليب بتاعنا الفي الابيض ولا اي زقاق


#1026560 [Quickly]
0.00/5 (0 صوت)

06-05-2014 01:55 PM
كيف صليبهم مرق ؟؟طيب ديل مارتدوا ياخي!! ,,, لازم تحاكموهم وتعدموهم عشان تخلصوا منهم احسن
,,,,,,, بلايخمكم

[Quickly]

#1026559 [Quickly]
0.00/5 (0 صوت)

06-05-2014 01:54 PM
كيف صليبهم مرق ؟؟طيب ديل ارتدوا ياخي!! ,,, لازم تحاكموهم وتعدموهم عشان تخلصوا منهم احسن
,,,,,,, بلايخمكم

[Quickly]

#1026549 [صالح]
0.00/5 (0 صوت)

06-05-2014 01:48 PM
ناس الانقاذ طلعوا دين الناس مش صليبهم بس .الله يطلع روحهم ويخلصنا منهم

[صالح]

#1026530 [الغلبان]
5.00/5 (1 صوت)

06-05-2014 01:36 PM
«ناس الريف تعبانين وصليبم طالع».والبطلع صليبو بيحكم بالردة الناس اصابها الجوع في القرى والحضر

[الغلبان]

#1026484 [افريقى]
0.00/5 (0 صوت)

06-05-2014 01:12 PM
مسار أبوصليب

[افريقى]

#1026480 [سعيد]
5.00/5 (1 صوت)

06-05-2014 01:09 PM
بس مافي داعي للصليب

[سعيد]

#1026479 [الشاكووش]
3.00/5 (2 صوت)

06-05-2014 01:08 PM
والله الزول دة ما ينفع راعى بقر مع أهله الرزيقات،، يهاجم الحكومة وقد كان بالأمس مستشارا للرئيس ثم وزيرا فيها،، بل أخلت له المؤتمر الوطنى دائرة جغرافية ليفوز فيها وفضلوه على الهندى عزالدين كسار التلج للبشير إلى أن سلطوا عليه سناء حمد لإقالته من الوزارة،، كلهم ملاعين ومرتزقة.

[الشاكووش]

#1026458 [ودالشريف]
0.00/5 (0 صوت)

06-05-2014 12:56 PM
حاضر يا ود الشريف كلامك على العين والرأس

[ودالشريف]

#1026454 [ابو السارة]
5.00/5 (1 صوت)

06-05-2014 12:54 PM
قريت الخبر لصديقى الميكانيكى فقال لى "لو صليبهم طالع ما يركبوا مكنة دفع امامى!!!؟؟"

[ابو السارة]

#1026439 [جساس الثقفي..الطائف]
5.00/5 (1 صوت)

06-05-2014 12:45 PM
لماذا صوره الصليب !!

هل هو شعار لبرمان السودان ام علامه للخصخصه ام دعايه لبوكو حرام

[جساس الثقفي..الطائف]

#1026435 [الكشكول]
0.00/5 (0 صوت)

06-05-2014 12:43 PM
الله يكفينا شركم يامسار ومن معكم
كلها طالب ودعا واكد وقال
25 سنة وتتلولو زي الثعابين طالعين ماكلين نازلين ماكلين
الله يكفينا شركم وشر الكيزان

[الكشكول]

#1026426 [أبو أحمد]
3.00/5 (5 صوت)

06-05-2014 12:39 PM
مع حكاية مريم والردة دي الزول دة بكرة بنكر وبقول أنا قاصد صليبهم بكسر الصاد وليس بفتحها

[أبو أحمد]

ردود على أبو أحمد
United States [المتجهجه بسبب الانفصال] 06-05-2014 02:39 PM
ههههههههههههههههه ههههههههههههههههه رائع وهذا اقرب الى وثبات الجماعة والتحلل اللغوي كمان


#1026391 [بت قضيم]
0.00/5 (0 صوت)

06-05-2014 12:20 PM
الحمدلله انك امت بالصليب يا كوز يا مقدود

[بت قضيم]

ردود على بت قضيم
European Union [دارفوري] 06-05-2014 04:11 PM
يا بت قضيم انت دائماً معارض وكمان متشدد كمان



الصليب تدل على راي كاتب المقال


#1026386 [سامية الشينة جداً]
0.00/5 (0 صوت)

06-05-2014 12:18 PM
عبد الله مسار ده شيوعي ولا شنو

[سامية الشينة جداً]

ردود على سامية الشينة جداً
[جساس الثقفي..الطائف] 06-05-2014 07:46 PM
وش ها الاسماء وش هالردود والله مت ضحك الله ربنا وربكم ههههههههههههههههههههههههههه

United States [الجمبلق] 06-05-2014 02:32 PM
عبد الله مسار دا فنى تبريد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة