الأخبار
أخبار إقليمية
برلمانيون يتخوفون من أن يصل الدولار إلى «20» جنيهاً
برلمانيون يتخوفون من أن يصل الدولار إلى «20» جنيهاً
 برلمانيون يتخوفون من أن يصل الدولار إلى «20» جنيهاً


دولتنا دولة منظراتية
06-05-2014 12:18 PM

البرلمان: هبة عبيد
طالب برلمانيون بإعادة النظر في استيراد القمح والدقيق والتخلص من شهادات شهامة وزيادة الصادر بالتركيز على الإنتاج، وشددوا على ضرورة التركيز على الزراعة، وقالوا: «إذا ما ركزنا على الزراعة دولارنا بلحق «20» جنيهاً»، واعتبروا الدولة ناجحة في التنظير وفاشلة فى التطبيق، وكشفوا أثناء التداول حول تقرير اللجنة الاقتصادية عن بيان المالية عن ضغوط تمارس على البلاد من الدول العربية لعدم إيفاء البنك المركزي بالاعتمادات المحددة، وشددوا على ضرورة المحافظة على الموارد، خاصة أن أطراف البلاد تشهد عمليات تمرد.

الانتباهة


تعليقات 23 | إهداء 0 | زيارات 8309

التعليقات
#1027149 [Khalidali]
5.00/5 (1 صوت)

06-06-2014 09:09 AM
أنتو بتمثلوا منو فى المجلس دي وكم بتأخدوا عشان تضللوا الشعب السودانى ومنو من الناس فوضكم وبتفهموا شنو عشان تهتموا وتتفزلكوا بجضومكم المنفوخة وجعابكم المخجوجه وعلى كل حال الدولار هو الدولار اما جنيهكم الانقاذى ورق التشوز بقى أغلى منه اقعدوا فى مجلسكم المعفن دى الى ان يصلكم خور المجارى .

[Khalidali]

#1026989 [ِAburishA]
0.00/5 (0 صوت)

06-05-2014 11:42 PM
انتاج ايه...المزارعين دمرتوا ليهم مشاريعهم.. والسماد الفاسد..والاقطان.. خليتوهم يفرشوا سفنجات وامواس حلاقة وابر في موقف حاكسون,, والرعاة عملتوهم قوات ددعم سريع (جنجويد)...

[ِAburishA]

#1026974 [hassan]
0.00/5 (0 صوت)

06-05-2014 11:18 PM
شنو حكاية برلمانيون دي القادننا بيها

نقوليهم خايفين ليه--- واصلا انتو قاعدين تسو شنو

تمومة جرتق للحرامية

الفساد وغسيل الاموال القدام عيونكم دة هو سبب صعود الدولار

وخايفين ليه يا برلمانيون ولا يمكن بكرة تلقو الخزنة قفلت

اصرفو قروشكم واسكتو وارجو الراجياكم

[hassan]

#1026973 [مريود]
0.00/5 (0 صوت)

06-05-2014 11:15 PM
لو وقف عندها كويس.

[مريود]

#1026900 [Hisham AbdelHai]
5.00/5 (1 صوت)

06-05-2014 09:09 PM
القروض الربوية كانت بداية حرب الله ورسوله للحكومة.
الفساد البين للعيان في شتي المناحي.
محاربة الإنتاج الزراعي و الصناعي بالرسوم و الضرائب الباهضة وعدم الإسهام في جلب مدخلات الإنتاج وعدم وضوح واستقرار السياسات الإقتصادية للدولة.
في ظل هذه المعطيات سيصل الدولار ل30 جنية بكل يسر.

[Hisham AbdelHai]

#1026882 [Hisham AbdelHai]
0.00/5 (0 صوت)

06-05-2014 08:31 PM
هي القروض الربوية والتي هي حرب من الله و رسوله.
الفساد البين في شتي المناحي.
محاربة الإنتاج الزراعي والصناعي من الدولة وعدم الإسهام في توفير المدخلات والمعينات إضافة لعدم وجود رؤية وسياسة إقتصادية واضحة.
وفق هذه المعايير سيصل الدولار ل30 جنيها بكل إقتدار.

[Hisham AbdelHai]

#1026842 [sadig ali]
5.00/5 (1 صوت)

06-05-2014 07:33 PM
Too late to save him .. buy buy !!

[sadig ali]

#1026808 [ابوبكر]
0.00/5 (0 صوت)

06-05-2014 06:44 PM
والله بعرف سايق سيارة برحل البرلمانين قال كل بدرسن نافع تقل شنو وكيف تعترض من الجهات الاخرة من الاخر قال مسمي درس العصر

[ابوبكر]

#1026714 [الولايات المتحدة السودانية]
4.99/5 (8 صوت)

06-05-2014 04:20 PM
يعني دي مشكلة !! شيلوا صفر تاااانى وسموهو الجنيه الجديد الجديد !!! يعنى الجنيه الجديد الجديد = 10 جنيه الجديد = 10000 جنيه قديم !!! وبكدة يكون الدولار = 2 جنيه جديد جديد !!!
وكلها إبتلاءات من رب العالمين حتى يميز الخبيث من الطيب !! زيها وزى السيول والأمطار !!! وزي الطيارات الطافية نورا وخفي مرورا !!!وهي لله هي لله !! لا لدنيا قد عملنا !! وسفينة الإنقاذ سارت لا تبالي بالرياح !! وإتحللي وسكتي الخشامة !!
وألحسوا كوعكم يا شذاذ الآفاق !!
يا شحادين !!
يا الفي كل بيت من بيوتكم زانى وسكران ومسطول !!
وعاش أبو هاشم !!!!!!!!!!!!!!!
وعاش الصادق امل الأمة !!!!!!!!!!!!!!!!!!!!!!!!!!!!!
وعبد الرحمن المساعد !!!!!!!!!!!!!!!!!!!!!!!!!!!!!!!!!!!!!!!
وبشرى الضابط !!!!!!!!!!!!!!!!!!!!!!!!!!!!!!!!!!!!!!!!!!!!!!!
وجعفوري الصغنصونى!!!!!!!!!!!!!!!!!!!!!!!!!!!!!!!!!!!!!!!!!!!!!!!

[الولايات المتحدة السودانية]

ردود على الولايات المتحدة السودانية
European Union [قطبى] 06-05-2014 10:53 PM
ههههههههههههههه خليتنا نضحك بدل نبكى

European Union [ولايه سودانيه] 06-05-2014 10:37 PM
قلت الما قادرين يقولو كتيرين

[ممغوووووس 25 سنة] 06-05-2014 05:19 PM
ابداع يا الولايات المتحدة السودانية

[ahamed] 06-05-2014 05:07 PM
ههههههههه والله متعتنى عديل كدة


#1026699 [بساط الريح]
0.00/5 (0 صوت)

06-05-2014 03:58 PM
طالما انتو قاعدين فيها اكيد حا يصل.

[بساط الريح]

#1026656 [كفاية]
4.00/5 (1 صوت)

06-05-2014 03:14 PM
مشكلتنا مشكلة بعد 25 سنة النواب يحذرون من كذا والوزراء يتخوفون من كذا طيب الحل شنو دي ياها سياساتكم الوصلت البلد لهذه الحالة استقيلوا يرحمكم الله ولكن بعد ان تتحللوا

[كفاية]

#1026650 [psk]
4.50/5 (2 صوت)

06-05-2014 03:08 PM
اوب اوب اوب دا الكان خايف منه صلاح كرار وقوموا الانقلاب عشان دا ما يحصلش

[psk]

#1026602 [بامكار]
0.00/5 (0 صوت)

06-05-2014 02:25 PM
باقان اموم عندما قال السودان دولة فاشله وحكومه فاشله زعلت شديد ويبدوا اننا لانحب بلدنا لانوا اليحب بلدوا ما يعمل كدة فى عازة عازة قتلناها كيف نقول لميت قوم كفاك نوم مسكين انا

[بامكار]

#1026534 [ركابي]
0.00/5 (0 صوت)

06-05-2014 01:39 PM
كما قال قائد انقلابكم اللعين يوم 30يونيو 89 اتينا لكي لا يصل الدولار عشرين جنيه نقول له ولكم اذهب واعتقنا لوجه الله انت ولصوصك لكي لا يصل الدولار عشرين جنيه مع اختلاف العشرين جنيه بتاعت 89 عن عشرين 2014

[ركابي]

#1026525 [الغلبان]
0.00/5 (0 صوت)

06-05-2014 01:34 PM
عشرين جنية متفائلين شديد 20 يعني بالقديم كم حيرتونا

[الغلبان]

ردود على الغلبان
United States [واحد درس فى حنتوب] 06-05-2014 08:12 PM
200.000 تأمل المثيلين عملو شنو


#1026524 [كاكا]
5.00/5 (3 صوت)

06-05-2014 01:34 PM
مجموعة جهلاء فازوا بسند قبلي وتحت شعار الشجرة لضمان انسياب مصالحهم والاستمتاع بالمخصصات المليونية والحصانات الوهمية لضرب ما تبقي دلى لاشعب السوداني من قيم واخلاق ومنفوخين بالعمم والجلاليب والتمختر في البكيات والأعراس وترديد عبارات جوفاء ليظهروا أن هم فاهمين أو لهم دور وهم عبارة عن رؤوس خاوية،، الحل في 75% تمثيل النسبي للاحزاب 25% مقاعد للمهنيين (الاقتصاديين والمحاسبين) ( القانونيين) (الاطباء ) ( المهندسين) وهكذا،، عشان ناس شعبة تجار القبلية والأرزقجية ديل يعيشوا حياتهم بنقاء بدل هذا التهافت الذي أضاع الشعب،،

[كاكا]

ردود على كاكا
United States [ود الحاجة] 06-05-2014 04:45 PM
خطوة في الاتجاه الصحيح


#1026496 [kushuko]
0.00/5 (0 صوت)

06-05-2014 01:17 PM
ياتو عشرين جنيه بتاع صلاح دولار(بالقديم) ولا بتاع حسي بالجديد يعني عشرين الف غايتو الكيزان محنهم تحير ابليس ذاته

[kushuko]

#1026487 [ودالشريف]
5.00/5 (1 صوت)

06-05-2014 01:13 PM
يلحق 20000 الف كان انتو صادقين انتو لما جيتو قلتو لو ما جينا الدولار كان بقي 20 جنيه واسي بتحزرو من وصولو الى ال 20000 الف حايصل اذا بقيتم فى السلطة والعشرين الف ما بتمسكو لانه انتم فاشلون وسياستكم فاشلة تعملون لانفسكم لا للوطن ولاتهتمون فى الانتاج والانسان دمرتو كل شي بطمعكم وجشعكم وحبكم للدنيا ومتاجرتكم بالدين حسبنا الله ونعم الوكيل

[ودالشريف]

#1026455 [الجاحظ]
0.00/5 (0 صوت)

06-05-2014 12:54 PM
يعلم الله فرق بين كلامكم يوم جيتوا سنة 1989 وهسي
المثل بيقول الفي البر عوام اها هسي لما دخلتوا البحر اصبحتوا تبلبطوا ساكت
انتو قايلين الحكم دة اي زول بيعرف يحكم ؟؟والا قايلين الحكم دة زي اتحاد الجماعات
اتضح انكم افشل الفاشلين ولن تقوم لكم قايمة بعد الان لان الشعب السوداني اصبح واعيا واصبح يتجنب تجار الدين خاصةوكل مدعي الاسلام.

[الجاحظ]

#1026448 [أبوقرجة]
0.00/5 (0 صوت)

06-05-2014 12:49 PM
لولا قيام الثوره لوصل الدولار إلى عشرين جنيه .... اقتباس من ناس الانقاذ .... شوفوا الدولار وصل إلى كم يا جماعه ..... ما تقارنوا من سنة 89 إلى اليوم ... بقت مهزلة الله ينجي الشعب السوداني منكم ....

ثوروا يا شباب السودان ....

[أبوقرجة]

#1026419 [حسكنيت]
5.00/5 (1 صوت)

06-05-2014 12:33 PM
( 20 جنيه دى على منو ؟)...20000 جنيه بالتمام والكمال

[حسكنيت]

#1026416 [جساس الثقفي..الطائف]
5.00/5 (1 صوت)

06-05-2014 12:33 PM
كان السياسيين قديما حتى لو فشلوا اقتصاديا او سياسيا فانهم يبقون متامسكين ويظهرون القوه والحضور امام من حولهم اما اليوم فترى الفشل حتى في بدلته وتسريحه شعره


تصريح لبرلماني حالي : نتخوف من أن يصل الدولار إلى «20» جنيهاً


تصريح لبرلماني سابق : نعمل على الا يصل الدولار الى «20» جنيهاً

[جساس الثقفي..الطائف]

ردود على جساس الثقفي..الطائف
United States [جساس الثقفي..الطائف] 06-05-2014 06:36 PM
مافهمتكي اول اسف ثانيا انا مااقصد احد بعينه ههههههههههههه

United States [جساس الثقفي..الطائف] 06-05-2014 06:12 PM
النمره غلط ياسيده !!!

[رانيا] 06-05-2014 03:32 PM
هي وينا البدلة ؟؟ ما تكون بس ذي حقت الرئيس ( النص كم ) أما الشعر ف ههههه بالغت ... !


#1026405 [بت قضيم]
0.00/5 (0 صوت)

06-05-2014 12:27 PM
هو لسه ما وصل استنو رمضان ان شاء الله يصلكم

[بت قضيم]

ردود على بت قضيم
United States [ابوبكر] 06-05-2014 06:36 PM
ههههههههههههههههههههه الله خلو نافع لصيام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة