الأخبار
أخبار إقليمية
أبوعيسى الحوار دُفن بخروج الأمة والإصلاح الآن
أبوعيسى الحوار دُفن بخروج الأمة والإصلاح الآن



06-06-2014 12:00 PM


الخرطوم : علي الدالي
توقع رئيس تحالف قوى الإجماع الوطني فاروق أبوعيسى مقاطعة بقية القوى السياسية المشاركة في الحوار الوطني الذي دعا له الحزب الحاكم معتبراً خطوة مقاطعة الأمة والإصلاح الآن بمثابة دفن للحوار من قبل الوطني نفسه ، متهماً الوطني بعدم الجدية في دعوته. وقال ابوعيسى ان الوطني ضاق ذرعاً بالحريات الصحفية التي فتحت العديد من ملفات الفساد لا قبل له بها علاوة على ازدياد الصراع بين أعضائه ، مؤكداً ان خطاب الوثبة الأخير الغرض منه تنفس الوطني الذي يختنق الآن بعدد من الازمات. وشدد على ان التحالف يريد حواراً وحلاً سياسياً لازمات البلاد الاقتصادية والضائقة المعيشية وليس حواراً من اجل إنقاذ المؤتمر الوطني وأضاف قائلاً (ان ما سمعناه من خصومات وخلافات داخل لجنة السبعة ستفجر الحوار من داخله ) وتابع أتوقع خروج مزيد من اللاعبين الصغار والكبار بعد نهاية المباراة بمقاطعة الامة والإصلاح.

الجريدة


تعليقات 9 | إهداء 0 | زيارات 1685

التعليقات
#1027719 [مصباح]
0.00/5 (0 صوت)

06-07-2014 12:08 AM
بعد كل هذه السنين الطويلة طلعت مابتعرف اى شئ عن السياسة ياأبوعيسى !!!! ودي مراهنات تراهن عليها!!؟ الصادق وغازي !!؟
روّق بس وخلي مسرحية الإعتقال دي تنتهى علشان تشوف وتسمع العجب والأعجب من العجب ذاتو!!

[مصباح]

#1027685 [مرتضي الجعر]
0.00/5 (0 صوت)

06-06-2014 11:09 PM
أبوعيسي زول جعجاع ساي.. في أول ندوة سياسية عملها في ميدان الرابطة بشمبات قبل شهرين تقريباً مسك المكرفون وقعد يشتم في الحكومة تمااااام ساعة كاملة لمن صوته بح وشبع من الكلام، وناس الشرطة والامن قاعدين يتفرجوا عليهو ويشربو في سجائرهم بدون يتدخلو، وبعد أبوعيسي كمل شتائمه وإنبسط بالإنجازات الوهمية بتاعتو وداير ينزل من المنصة عارفين حصل ليهو شنو؟؟ وقع من طوله... أي والله.. وقع من طوله بسبب الجعجعة الكتيرة وفورة النفس ساي دي ونقلوه لمستشفي البراحة في شمبات - والحمدلله طلع منها كويس ومشي بيته، لكن رجع يجعجع تاني، لأنو الجعجعة عادة عندو.

والله يا جماعة الجعجعة والصياح ما بتجيب نتيجة.. السياسيين الكبار ديل مفروض يعرضو برامجهم للناس بهدوء وعقلانية بعيداً عن الشتائم والاهانات والجعجعة اللي حتكتلهم دي.. ياخي حتي المؤتمر الوطني خلي الصياح والجعجعة الكان شغال بيها في فترته الاولي بعد إنقلاب 89.

الأصوات لازم تكون هادئة وعاقلة والناس تطرح خطط وبرامج ومقترحات للشعب السوداني بهدوء بدلاً من الشتم والاهانات والالفاظ التي لن تسقط حكومة الانقاذ التي تحولت لحكومة واعية عاقلة راشدة.

أنا حضرت كم ندوة للمعارضة في ميادين الرابطة وشمبات وندمت علي الحضور لأنو مافي موضوع غير الفوضي الكلامية اللي ما بتقدم ولا بتجيب.

[مرتضي الجعر]

#1027661 [مراقب]
0.00/5 (0 صوت)

06-06-2014 10:39 PM
غايتو لو الامام مع الحوار بعد البهدلة دي كلها والسجن والتلفيق الشايفنو دا شكلنا بنشوف لينا زول لحزب الامة.

[مراقب]

#1027581 [dolfine]
0.00/5 (0 صوت)

06-06-2014 08:20 PM
abu eisa participated as a parliment member and a minister.while he was in power he did nothing and said nothing.please fool others by such statments.

[dolfine]

#1027506 [mohd]
5.00/5 (1 صوت)

06-06-2014 06:47 PM
كان راجين الصادق المهدي يرجع ويعارض صباحكم اصبح

الصادق دا الناس ديل ماسكين عليه حاجات ما يقدر ينتقدهم حتى لو جروه بالشوارع بالارض ما يقدر يقول شي ولا يقدر ينتقدهم وحيدافع عنهم لاخر نفس في حياته حفاظا على سمعته لانه مافي بشر بيرضى الاهانة والذل والتبعية مالم يكنوا كلاب الانقاذ روضوه لدرجة بقى هو من يدافع عنهم في كل مكان وفقد انصاره ما معنى ذلك معناه انه ماسكين عليه حاجات شينة ما يقدر يقول بغم ضد كلاب الانقاذ
عشان كدا اعتبروه ميت همشوه زي ما همشه معظم انصاره وقعنوا من خيرا فيه

[mohd]

#1027491 [عبدالهادي عيسي]
5.00/5 (1 صوت)

06-06-2014 06:28 PM
هو يا ابو عيسي البلد دي بس الصادق القاعد 100 سنه ولا الغازي الطلع امبارح ؟؟

فعلاً محتاج اسعاف ومنو والمقابر !!!

[عبدالهادي عيسي]

#1027473 [ali murtey]
0.00/5 (0 صوت)

06-06-2014 05:52 PM
يا ابوعيسى الصادق وود العتبانى ديل منغلبى الاراء لا تضعوا بيضكم فى سلتهم اللهم قد بلغت

[ali murtey]

#1027312 [الزين]
0.00/5 (0 صوت)

06-06-2014 12:56 PM
ياخي نفرض جدلا انه دخول السيد الصادق المهدي كوبر ليست لعبه من الاعيب الكيزان مع الامه وطبعا الساده المعارضه عارفين انه مليشيات حميدتي لا تتبع للمؤسسات الحكوميه مثل الجيش والشرطه باقي الاحزاب راجين شنو دي ثقره كل الناس بي خطاب واحد تدين المليشات المرتزقه وخليهم يفتحو بلاغ في الشعب السوداني كلو ويدخلونا السجن الكلام ده لي رؤسلء الاحزاب اذا حقيقه هم مقتنعين انه الحكومه هي عباره عن مليشيات ومرتزقه وازقيه.
ولا كيف يأمه الصادق طلع راجل حادب علي الوطن وسجنو ده مايروح شمار في مرقه... ولا انتو عارفين ده لعب تحت الطربيزه وشايفين مافي داعي للتضحيه في سبيل القضيه زيييييييرو كبير.

[الزين]

#1027310 [بت قضيم]
5.00/5 (1 صوت)

06-06-2014 12:54 PM
واذا الموؤدة سالت باي ذنب قتلت لكم الله يوم الحساب العسير يا منافقين

[بت قضيم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة