الأخبار
أخبار إقليمية
والي الخرطوم في ورطة.. والسبب عرض "توظيف"
والي الخرطوم في ورطة.. والسبب عرض "توظيف"
والي الخرطوم في ورطة.. والسبب عرض


06-08-2014 10:08 AM

تنادى مئات الشباب السودانيين في مواقع التواصل الاجتماعي، خلال اليومين الماضيين، للتوافد، صباح الأحد، على مكتب والي الخرطوم، عبدالرحمن الخضر، الذي نسبت إليه صحف سودانية تصريحات مفادها أنه على استعداد لتوظيف أي شاب يطرق باب مكتبه للعمل.

ويبدو أن المسؤول السوداني لم يدر بخلده أن رد الفعل سيكون جماعياً بهذا الشكل. إذ نقلت صحف سودانية عن مواقع التواصل عبر هاشتاغي #أنا_عاطل، و#أرح، والأخيرة تعني فلنذهب، عنها عزم نحو ثلاثة آلاف شاب عاطل التجمع أمام مكتب الوالي الذي سارع مكتبه للتأكيد بأن الصحف لم تنقل بدقة حديث الوالي، الذي كان يتحدث عن توظيف الشباب عن طريق مشاريع تمويل للأعمال التجارية الصغيرة.

وحفلت مواقع التواصل الاجتماعي بمئات التعليقات الساخرة من حديث الوالي ثم تراجعه عن وعده، خاصةً أن قضية فساد كانت تناولتها الصحافة السودانية قبل نحو شهر، طالت موظفين في مكتب الوالي، بينهم ضابط شرطة شاب، اتهم بالاستيلاء على مليارات الجنيهات السودانية.

واستخدم بعض الشباب كاريكاتيرات وصوراً تسخر من الوالي، توّظف إحداها أغنية أم كلثوم الشهيرة "أغدا ألقاك" للسخرية من الورطة التي وضع فيها الوالي نفسه.

وفي أخرى يسأل شاب الوالي باللهجة السودانية: إذا كنت عاجزا عن توظيفنا، فلماذا تتحدث؟ (بتتكلم ساكت لي شنو؟).

وفي ثالثة يبدو الوالي في صورة مع الرئيس السوداني على متن طائرة، والوالي يعترف بأنه في ورطة، فيما البشير يذكّره بتصريحات سابقة له عندما قال إن الحريق الذي شب في مصنع ضخم في الخرطوم كانت سببه شرارة من عامل كان يقوم بعمله، ثم اتضح لاحقا أن السبب هو الطيران الإسرائيلي.

العربية


تعليقات 29 | إهداء 0 | زيارات 12318

التعليقات
#1030022 [الراصد]
0.00/5 (0 صوت)

06-09-2014 11:07 AM
الزول ده.... من كفوة لحفرة...

[الراصد]

#1029523 [فوزي]
5.00/5 (1 صوت)

06-08-2014 09:25 PM
مين اللقال انو المسافة البينا بين الشمس طاقة او مياه النيل بتخرج من عروق السنبلة المسقية بى عرق الجعانيين والمساهرين بالبطاقة .

[فوزي]

#1029232 [ابو سكسك]
5.00/5 (6 صوت)

06-08-2014 03:10 PM
حلها بسيط:
الوالي يتصل بوزارة الدفاع والداخلية فور تجمع العاطلون امام مكتب الوالي يتم حصارهم ويتم تعيينهم كووولهم في وظائف عسكرية ويتم ارسالهم الي مناطق العمليات فورا.

غايتو لو ده حصل، لو ما سمعتوا الكواريك والجوعير واشياء اخرى حاميني في نص الخرطوم لوموني

[ابو سكسك]

#1029222 [ود النيل]
5.00/5 (1 صوت)

06-08-2014 02:58 PM
يا شباب لو مشيتوا بهذه الصورة الي مكتب الوالي الحكومة ح تقول هؤلاء متظاهرين وما تنسوا الجنجويد الجهلة بقيادة حميدتي موجودين بالخرطوم

[ود النيل]

#1029176 [زول ( مغرب ) عن وطنو]
5.00/5 (1 صوت)

06-08-2014 02:07 PM
هههههههههههههههه قال ورطة قال
ياخي دا سرق قروشنا نهاراً جهاراً وأتحلل لمن ما يقدر يتحلل من تهريج أقصد تصريح . في حرامي عندو كلمه . قومو الي ثورتكم يرحمكم الله ويغير من حالك البائس هذا .

[زول ( مغرب ) عن وطنو]

#1029087 [albr]
5.00/5 (1 صوت)

06-08-2014 12:45 PM
يا والى نحن حرامية توالى ههههههههههههههههههههههههههههه

[albr]

#1029067 [ِAburishA]
4.50/5 (2 صوت)

06-08-2014 12:30 PM
ورطة...لو اتّلحتوا مكتب الوالي يوميا ولمدة اسبوع.. والله الا يخلي ليكم الولاية... وراكم شنو!! تعالوا يوميا.. ستات الشاي والفول المدمس موجودات.. والحافلات ..ام بدة مكتب الوالي وبالعكس...
** ما تنسوا تطالبوا الوالي بسندوتشات للفطور وحق المواصلات عند الرجعة...

**ان من واجب الدولة تشغيلكم.. وده حق من حقوقكم.. اوع تفوتوا فرصة (الكضبة) دي !!!
** ورب كضبة ودت الحكومة التوج ...

[ِAburishA]

#1029059 [sudane free]
5.00/5 (1 صوت)

06-08-2014 12:27 PM
ومنذ متي كان هؤلاء صادقون ؟؟؟؟؟؟

[sudane free]

#1029039 [حسكنيت]
5.00/5 (1 صوت)

06-08-2014 12:09 PM
الوالى دا درس أراضيكولوجى وبالذات مرض الدولاريميا فى كلية البيطرة وعايز إشغل المساكين ديل فى قوات الدعم السريع

[حسكنيت]

#1029038 [الحاج]
5.00/5 (1 صوت)

06-08-2014 12:09 PM
اها والعاطلين ديل رجعو بصمة خشمهم ما كسرو مكتبه وظعطو دقنو

[الحاج]

#1029031 [المناهض للترمس]
5.00/5 (1 صوت)

06-08-2014 12:05 PM
انا عاوزو يشغلنى فى محل غسان اب جضيمات
ولا احسن يشغلنى عامل لحام ؟؟ ............. ؟؟

[المناهض للترمس]

#1029030 [جاسر]
5.00/5 (1 صوت)

06-08-2014 12:05 PM
جعجعة الإنقاذ وطحين السنوات العجاف

[جاسر]

#1029023 [جمري]
5.00/5 (1 صوت)

06-08-2014 11:58 AM
هو مين الما بيكذب في الامقاص اذا كان رب البيت باللدف ضاربو فشيمة اهل الانقاذ الرقص والكذب

[جمري]

#1029016 [شبتاكا]
5.00/5 (2 صوت)

06-08-2014 11:53 AM
نكتة السودانيين زمان عن نميرى لمن عمل القياده الرشيده حزر ناس شلته بتاعين مجلس الوزراء وهو برضو معاهم انو يبطلو طشم وفى اليوم التالى لما اجتمعو بدا يستجوبهم واحد ورا التانى وصادف جلوس ابو القاسم قدام على شمو ولما جاء دور ابو القاسم.... رد.. يا ريس ابدا ما شربت امبارح... نميرى نادى على شمو طبعا حسب الدور ... قام ابو القاسم نط و قال لعلى شمو.. والله تشمنى اطلع دينك
الوالى لما ريحة عفنة فساد غلمانه راحت بعد قرارات النيابه بعدم التناول وقضية المرتده وملاسنات حريم الخليج واعتقال ود المهدى واغلاق جريدة الخال الرئاسى........وعيك ولماصفت وراقت شيخنا قام فكاها غليده بانو اى عاطل هو قادر يشغله وطبعا فاهم ومتاكد انو ما فى زول يقدر يحاسبه والماكينة الاعلاميه للانقاذ ح تردد انو الحيكومة ما قصرت وهسع الوالى موفر الفرص ويمرق لينا حسين خوجلى بالليل بانو حزب السودانيين يعضد خطوة الوالى وادوهم تواريب يلحقو المطر او ضان يرعو فى مشروع الجزيرة ويبطلو الحوامة جنب ستات الشاى...........الخ من الافكار الفطيره والبلهاء
ولكن لما جاءت التقارير عن دعوة الاحتشاد فى وسائل التواصل الاجتماعى نط الوالى نطة ابو القاسم الشهيره وما فضل له الا ان يقول والله تحتشدو جنب مكتبى الا اطلع دينكم
تفتكرو البلد دى لو ماشيه كويس ومشاريعها التنمويه شغاله فرص العمل ما بتحتاج لاعلانات من الوالى لانو اصحاب العمل هم براهم ح يحاصرو الشباب وينقو الكفاءات منهم لكن فى زمن انقاذ الاخوان المسلمين شوال الاسمنت بقى بمية الف جنيه قديم تفتكرو صاحب العمل البيشتغل بالسعر ده بيقدر يشغل حتى نفسه

[شبتاكا]

#1029004 [قوز دونقو]
5.00/5 (4 صوت)

06-08-2014 11:42 AM
المسلم يسرق و يزني و يفجر و لكن المسلم ((لا يكذب)) لا يكذب لا يكذب لا يكذب ؟؟؟؟؟؟

[قوز دونقو]

#1028991 [نكس]
5.00/5 (1 صوت)

06-08-2014 11:32 AM
يا جماعة كدي استفسروا من الخضر التشغيل دا داخل ولاية الخرطوم ولا كل السودان - عشان عدنا عطالة في الولايات لو ممكن نرسلهم لمكتب الوالي - بشتقلوا اي حاجة - و بقبضوا بالسوداني

[نكس]

#1028982 [الشمالية]
5.00/5 (2 صوت)

06-08-2014 11:26 AM
المصيبة ملفي الحكومة براها وقولت الحق دي نحن مابنرضاها


اسف :

الشغل موجود ليس في مكتب الوالي لكن الشباب السوداني بصفه عامه لايحب العمل وهذه حقيقه واحد في البيت يعمل والباقين راقدين في ضل الضحى واللسان لاحول ولاقوة

[الشمالية]

#1028976 [Salah E l Hassan]
5.00/5 (1 صوت)

06-08-2014 11:23 AM
خدارى ما بخلى انا وين يا ود الخضر لونو زرى ههههههههه.؟مع الاعتذار للشاعر ود القرشى ..!!!

[Salah E l Hassan]

#1028973 [عبيد الله]
5.00/5 (1 صوت)

06-08-2014 11:21 AM
( أوعدني وتعذر ) ( واعدني وتنصل ) ديل على وزن (أسرقني وتحلل )

[عبيد الله]

#1028960 [ود المعلم]
5.00/5 (1 صوت)

06-08-2014 11:12 AM
الموضوع عبارة عن جسة نبض. ونجحو في ذالك يا وهم.

[ود المعلم]

#1028943 [ahmed]
5.00/5 (1 صوت)

06-08-2014 10:59 AM
هذا الولى ولو متابعين الاحداث .بعد اتهامهو وتورطهو فى الفساد داخل مكتبه.هذا الرجل تقيرت لهجتهو تمامأ واول خطاب له بعد تورطو فى الفساد القى خطاب فى ام بده وكان كلو انا حاعمل لكم كده وكده وحاتبنى كده وكده وكل شى انا مستعد له = صراحةكان خطاب يختلف من كل خطاباته السابق وكانهو يدس راسه فى التراب من الفضيحه التى المت به

[ahmed]

#1028941 [ahmed]
5.00/5 (1 صوت)

06-08-2014 10:58 AM
هذا الولى ولو متابعين الاحداث .بعد اتهامهو وتورطهو فى الفساد داخل مكتبه.هذا الرجل تقيرت لهجتهو تمامأ واول خطاب له بعد تورطو فى الفساد القى خطاب فى ام بده وكان كلو انا حاعمل لكم كده وكده وحاتبنى كده وكده وكل شى انا مستعد له = صراحةكان خطاب يختلف من كل خطاباته السابق وكانهو يدس راسه فى التراب من الفضيحه التى المت به

[ahmed]

#1028936 [ابو العتاهية]
5.00/5 (1 صوت)

06-08-2014 10:51 AM
المسألة بسيطة جدا وممكن يوفي بوعده لأن قروش مكتب الوالي (600 مليار) جنيه كافية لتشغيل العاطلين عن العمل .. بس وين غسان؟ وانا مستعداشتغل محل غسان

[ابو العتاهية]

#1028930 [فرح ود تكتوك]
5.00/5 (3 صوت)

06-08-2014 10:46 AM
والى يكذب ، والى يسرق ، والى ينافق ، وده كله باسم الدين الاسلامى ، ماذا تنتظرون منه يا شباب السودان ؟ .

[فرح ود تكتوك]

#1028925 [jungle,s lion]
3.50/5 (2 صوت)

06-08-2014 10:42 AM
ها ها ها هيه تحسبوا لعب ؟؟

[jungle,s lion]

#1028905 [رانيا]
5.00/5 (5 صوت)

06-08-2014 10:28 AM
لم يدر بخلده أن رد الفعل سيكون جماعيا بهذا الشكل .. لأنه غبي . وبتساءل أنا هو كان منتظر شنو من الشباب العاطل بعد تصريحه ؟ هو ما عارف يعني إنه العاطلين عن العمل في السودان أضعاف الشغالين ؟ وما عارف إنه الشغالين هم المؤتمر الوطني وأقرباءهم ؟

[رانيا]

ردود على رانيا
United States [المشروع] 06-08-2014 08:56 PM
( وما عارف إنه الشغالين هم المؤتمر الوطني وأقرباءهم ؟)
احسنت
لكن نقول الله يكفنيا شركم يا كيزان


#1028898 [abuw ael]
5.00/5 (1 صوت)

06-08-2014 10:24 AM
اتوالت فضائحك يا حرامى ياوسخ قال يوظف وظف اللصوص السفلة زيك

[abuw ael]

#1028892 [الغلبان]
5.00/5 (2 صوت)

06-08-2014 10:21 AM
انا عاطل في بلد الغربة والشتات برضه بجي معاكم ان شاء الله معنويا شردتوووووووووونا

[الغلبان]

#1028885 [واحد]
5.00/5 (1 صوت)

06-08-2014 10:19 AM
بحث عن حتفه بظلفه
بما أن الخدر بيطري فالعبارة تناسبه

[واحد]

ردود على واحد
European Union [Amin] 06-08-2014 01:31 PM
حتى وإن لم يكن .. فهي تناسب عقله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة