الأخبار
أخبار إقليمية
مبادرة أنا عاطل، أنا عاطلة توصل رسالة مفادها أن والي الخرطوم كاذب
مبادرة أنا عاطل، أنا عاطلة توصل رسالة مفادها أن والي الخرطوم كاذب
مبادرة أنا عاطل، أنا عاطلة توصل رسالة مفادها أن والي الخرطوم كاذب


المعتصمون يمنعون اعتقال أحد الشباب بعد حديثه لوسائل الإعلام عن الوالي
06-08-2014 04:34 PM
أفادت مصادر معارضة بأن حوالي 200 شاب وشابة اعتصموا هذا اليوم أمام مكتب والي الخرطوم (عبدالرحمن الخضر). مطالبين والي الخرطوم بتوفير وظائف وعد بها والي الخرطوم.
وحاول موظفو الولاية اقناع الحضور بملء استمارات التمويل الأصغر، إلا أن هذا الأقتراح تم رفضه، حيث طالب الحضور بمقابلة الوالي شخصياً.
ونتيجة لعدم استجابة الوالي جلس الحضور على الأرض رافعين شعارات متعددة اتسمت بالسخرية والطرافة، وواصلوا مطالبتهم الوالي بالحضور.
وحاولت الأجهزة الأمنية استدعاء (خالد بحر) بعد أن شاهدته يتحدث لوسائل الإعلام، ولكن المعتصمين حالوا دون ذلك. ليعلن بعدها (خالد بحر) أن والي الخرطوم كاذب في دعوته، وما حدث يثبت ذلك، وقال أن الأعتصام سيتم فضّه في الثانية عشر ظهراً حيث أن الرسالة التي جاءوا من أجلها قد تم توصيلها.

وقبل أن يُفض الإعتصام استدعى الأمن شرطة مكافحة الشغب (ثلاثة دفارات) ومزيد من قوات الأمن وحالوا مجدداً اعتقال (خالد بحر) ولكن تم ايضاً افشال المحاولة وانفض الشباب من أمام مكتب الوالي.

فيسبوك + الراكوبة


تعليقات 26 | إهداء 0 | زيارات 12655

التعليقات
#1030432 [amo.amo]
0.00/5 (0 صوت)

06-09-2014 05:49 PM
الكضب حبلو قصير الحكومة دي في زول ما كضاب فيها ابتداء من الرئيس الكذاب المنافق
كلهم حرامية ولصوص لو وظفو الاموال المسروقة والمنهوبة لساعدو هولاء الخريجين في ايجاد فرص عمل ولكن لا حياة لمن تنادى ولا مفر الا بخروج جماهير الشعب السودانى واقتلاع هؤلا الكيزان من الجزور لو كان لهم جزور اصلا

[amo.amo]

#1030000 [واحد مستاء]
0.00/5 (0 صوت)

06-09-2014 10:47 AM
يا متعلمين يا مثقفين
بالله قبل ما تكتبوا اراءكم فرزوا بين حرف الذال والزين
نفتح ليكم فصل محو امية يعني ولا شنو ؟؟؟

ما معقول ياخي

[واحد مستاء]

#1029820 [مبسووووووط]
3.00/5 (1 صوت)

06-09-2014 09:05 AM
والله العظيم انا اكثر المبسوطين لم يجري للسودانيين من ويلات لانكم والله يا جميع المطبلاتية واقسم بالله كنت شاهد علي الانتخابات والشيب والشباب يذكر لك (جن تعرفو ولا جن ما تعرفو) واذا ذهب الكيزان من سيحكم وكم سنحتاج من الذمن في حين انه كان هنالك منافسين للرئاسة اكثر علمآ من حماركم وبعيدآ عن العسكرة فكلكم ساهمتم في سقوط الوطن ولا يوجد الرجال الذين يستطيعوا اقتلاع الكيزان ..بل اصبحت حواء السودان اقوئ قلبآ من ميكي السودان...
وتاني بتجي الانتخابات وتاني بترشحوا الكيزان ...والله والله
فقط مع قليل من الاعمدة الكهربائية في بعض الاحياء وقليل من التشجير و 10 ارطال سكر في رمضان ...سيصبح الكيزان هم الخيار الصعب السهل بالنسبة لكم..
والواحد من الشباب حارس امو ويقول ليك ماف شغل وكمان حتي الام والاب يقتنعون بذلك..

[مبسووووووط]

ردود على مبسووووووط
European Union [ودالنيل تمساح] 06-09-2014 11:07 AM
فعﻻ ليك حق تكتب مبسوط عشان كده بتكتب كﻻمك الزباله ده

[الطريفى] 06-09-2014 10:48 AM
والله ما قلت الا الحق ، الحاصل للبلد دى كل الشعب السودانى شريك فيهو ، وانتظر الانتخابات على الابواب والله يكضب الشينه ؟


#1029793 [let it rain]
5.00/5 (1 صوت)

06-09-2014 08:41 AM
لماذا 200 شاب فقط عدد الشباب العاطلين يزيد عن المليون مفروض يطلعو كلهم عشان يرهبو الوالي الكوز المعفن الكذاب دا

[let it rain]

#1029657 [أسمر جميل فتان]
0.00/5 (0 صوت)

06-09-2014 12:53 AM
الخطوة في حد زاتها جرئية وشجاعة من الشباب
وبعدين خلوه يعرف نفسه انو كذاب ويتكشف قدام نفسه وقدام ناس بيته انو كضااااااب وراسه من الارض ما يقدر يرفعوا ده لو عندهم كرامة وشهامة!!!
ودمتم

[أسمر جميل فتان]

#1029625 [معاويــــــــــــــــــــــــــــــــــة]
5.00/5 (1 صوت)

06-09-2014 12:04 AM
ده كلام فاضى ديل مناهضتم بالبندقية ياشباب انتو ما هارفين كيف تمت ازالة نظام القذافى ومبارك بداها الشباب وتمامها الشعب الان الفرص متاحه امامكم والسلاح جاهز والطريق فاتح والله اى تحرك منكم على الجبهات النظام واعوانه لن يتظروكم فى الخرطوم ابدا ولا عذرلمن انذر اعتصامات واضرابات ده كلو ماينفع مع ديل هؤلاء بس مقاومتهم بالسلاح .......................................................

[معاويــــــــــــــــــــــــــــــــــة]

ردود على معاويــــــــــــــــــــــــــــــــــة
European Union [المهاجر] 06-09-2014 07:51 AM
طيب ماتنزل الساحة بي بندقيتك .. قاعدين ومرتاحين خلف الكيبورد وعندكم راي في كل حاجة وكل موضوع وعاملين فيها معارضبن والبتعملوا فيهو دا ونسة ساكت .. والتحية للشباب على خطوتهم الجريئة واتمني ان تستمر عبر مواقع التواصل الاجتماعي لحشد الشباب للمزيد من الخطوات الجريئة.


#1029593 [Jalila Bakheit Alteib]
5.00/5 (2 صوت)

06-08-2014 11:15 PM
بدل ما يعتقلوا الناس الكانوا فاكرين الوالي . والي وولي أمر محترم ورجل بيمثل الدولة البينتمي ليها خليهم يبحثوا عن الكذاب الحشد ليهم الناس أمام الولاية ويعتقلوه والله كلام غريب !!!

[Jalila Bakheit Alteib]

#1029587 [nagatabuzaid]
4.00/5 (2 صوت)

06-08-2014 11:01 PM
عفارم عليكم مبسوطة منكم توقعت يجيب ليكم قواته واحد جداده قال بيسخر من 900 بقيتوا 100 ان بقوا واحد برضوا كشفوا الوالى الكضااااااب عندى سؤال ما شروط تعيين الوالى حسب تعاليم الاسلام؟ على اى جدادة
مزعوطة ان تجيب حسب تعاليم الاسلام الستم جداد استسلامى ؟

[nagatabuzaid]

#1029552 [عود العشر]
4.00/5 (2 صوت)

06-08-2014 10:05 PM
ههههههههههههههههههههههههههههههههههه
هسي في داعي الي الفضايح دي
اسرق وانهب وانت ساكت, في حد سألك, عالم هاوي فضائح
ههههههههههههههههههههههههههههههههه

[عود العشر]

#1029516 [عصمتووف]
5.00/5 (1 صوت)

06-08-2014 09:14 PM
الوالي للشباب العاطل الفاقد الامل
حم حم حم ي حمام شتت ليك سكر
الشباب العاطل الفاقد الامل
كلما سالت عليك صدوني حراسك ترترت مع اني ما من ناسك ترلاترلا

[عصمتووف]

#1029509 [هنا امدرمان]
4.25/5 (4 صوت)

06-08-2014 09:02 PM
السيسي مسك وبعد ما ينضف ليبيا من الجماعه حا يقبل علي جماعتنا ديل قولوا ليهم بلو راسكم

[هنا امدرمان]

ردود على هنا امدرمان
[nagatabuzaid] 06-08-2014 10:54 PM
منتظرين السيسى انتوا ماكم ايديكم محننات ولا حلاقيمكم مسرطنات وضيعتوا فرصة كان ممكن من قدام مكتب الوالى تنطلق شرارة الانتفاضة اقعدوا انتظروا السيسى


#1029501 [مندكورو]
5.00/5 (2 صوت)

06-08-2014 08:56 PM
هل يكذب رفقاء صلاة الصبح في جماعة.حكومتنا الرشيده دايماً تلبي مطالب الشباب وان وعد الوالي هذا أعطي الشباب نظرة أمل واحساس بأنو بكره أحلي.(المؤمن لايلدغ من جحر مرتين) ونحن لدغنا حتي أعلنت العقارب والثعابين بنفاذ سمومها.هؤلاء لم يجود التاريخ بأمثالهم وصلو درجة من النفاق لو كان عبد الله بن سلول موجوداً لحسدهم علي فوزهم علية.هؤلاء دخلاء علي الشعب السوداني العفيف الكريم ذو الاخلاق العالية لكنهم أستغلوا كل هذه الصفات لكي ينعموا هم وابنائهم بخيرات هذا البلد وطمس هويته السمحاء واحالتة الي شعب عنيف يحب الاقتتال حتي يطول أمد حكمهم وهذه هي سياسة اليهود وليس غريبا علي من تربي علي أيادي اليهود أصحاب الفكر المأسوني(ربنا يعجل بانتقامة ممن فرقوا شمل ووحدة السودان)

[مندكورو]

ردود على مندكورو
United States [مندكورو] 06-09-2014 03:50 PM
لوسمحت شوف ليك لقب غير( مندكورو) والالغاب كتيرة لكن لو مصر عليه قول لي عشان اتنازل ليك منو اصلو مشكلتنا في السودان المحاكاة والتقليد.


#1029498 [ود كركوج]
5.00/5 (2 صوت)

06-08-2014 08:52 PM
والي الخرطوم ده من زمن الانتخابات الملفقة قاديننا بصوره في الملصقات. من الوقت داك مارتحت ليهو وشكله كده بقول انو حرامي ومنافق من الجماعة المنافقين البيرفعو اصابعهم بتاعين الله اكبر، والحمد لله لم اظلمه وطلع حرامي كبير.

[ود كركوج]

#1029452 [sam7]
5.00/5 (4 صوت)

06-08-2014 07:48 PM
هل نحلم بمجموعه (انا عاطل)ان تكون تنظيم شبابي متخذا من وسائل التواصل الحديث كوسيله للمطالبه بحقوقها في الحياه الكريمه وحق العمل في بلدهم ووطنهم
واصلوا في تكوين هذا الجسم...

[sam7]

#1029416 [المشتهي الكوارع]
0.00/5 (0 صوت)

06-08-2014 06:35 PM
هنالك تفكير في كيفية الفوز في الانتخابات الجاي

[المشتهي الكوارع]

#1029403 [تركى ما متورك]
4.00/5 (2 صوت)

06-08-2014 06:20 PM
انتو معتصمين واولاده مصيفين فى تركيا فى ضيافة السفارة السودانية وعمدة اسطنبول .

[تركى ما متورك]

#1029391 [الخمجان]
3.00/5 (2 صوت)

06-08-2014 06:03 PM
من 9000 بقوا 100 بس؟
ابشر بطول سلامة يا مربع

[الخمجان]

#1029371 [ود المعلم]
4.50/5 (2 صوت)

06-08-2014 05:39 PM
يا مساكين الموضوع عملية مخابراتية واستخباراتية بحتة اهمها جسة نبض.25 سنة دمرت البلد...العاملون حالياسواء بالخدمة المدنية او العسكرية يعانون من الوضع المزري( هنالك خبر قبل ايام قليلة مفاده ان 200 من معاشيي الشرطة لم يصرف لهم مستحقات نهاية الخدمة) وسؤال بسيط من اين لهم بميزانية للتوظيف- الي متي يكون العاطل وغير العاطل بهذه السزاجة ليصدق كل ما يقال...اي اساليب تحريك الشارع او الراي العام- حتي اذا تم توفير وظائف ستكون اما بالقوات المسلحة والتي انتهت هيبتها ومن يلتحق بها فمصيره معروف - او الشرطة وهي علي شاكلة القوات المسلحة.انتهو منذ 89 وانتهت الهيبة(خير دليل مقاطع الراقصين بالمخرات)اللذي شوهد علي مستوي العالم...والله يحل البلد من هذه الطقمة.

[ود المعلم]

#1029363 [تصريح وتسلية]
4.50/5 (2 صوت)

06-08-2014 05:32 PM
عفارم عليكم يا شباب تاني اي واحد يصرح بحاجة بلعوها ليه وخجلوه اعلاميا علشان كل واحد يبلع لسانه ويحترم عقولنا كمواطنين شبعنا كذب ووعود واستخفاف .

دعونا نسخر منهم بنفس هذا الاسلوب

[تصريح وتسلية]

#1029362 [من زمان قلنا]
5.00/5 (1 صوت)

06-08-2014 05:29 PM
بعد كدا يا الوالي إلا تشيل ليك (طرحة ونعال دكتورشول‏)‏

[من زمان قلنا]

#1029360 [غريب في وطني]
5.00/5 (2 صوت)

06-08-2014 05:25 PM
انتوا متين الحكومة ماكزيت علي المواطن 23 سنة ضلال في ضلال حسبي الله ونعم الوكيل

[غريب في وطني]

ردود على غريب في وطني
[بي كرت] 06-08-2014 06:05 PM
ياخي ٢٤ سنه و٣٤٢ يوم ما تفتكرنا ما ما حاسبين .


#1029359 [سوداني حار نار]
3.00/5 (1 صوت)

06-08-2014 05:24 PM
اتفوووووو علي وشو الكذاب الحرامي القذر قذارة البلاعات والمراحيض ..
والله السودان كلو مافيهو رجال !! دا اسمو استخفاف بعقول الناس ليس الا ..
راجعين ليه وماشين وين ؟؟ والله الموت بالرصاص ارحم ليكم من الموت بالجوع وخيرات البلد ينهبوا فيها الحثالة الكيزان ديل ..
اما حياة تسر الصديق *** وأما ممات يغبظ العدا

[سوداني حار نار]

#1029349 [واجد]
5.00/5 (1 صوت)

06-08-2014 05:16 PM
اذا أنت حقاً والي نظيف (نضيف) أخرج اليهم.. أنا أشك في خروجك لهم لأنك تحتاج لكلوركس- منظف قوي- قبل مقابلتهم.
ما هو السر في الاحتفاظ بك وأنت في كل يوم تثبت بأنك كارثة حقيقية؟!!!

[واجد]

#1029339 [ود برتي]
5.00/5 (1 صوت)

06-08-2014 05:02 PM
اذا رفضوا كمان نصدر ليكم جنجويد من هنا ---لكنهم يبدا بطرد الخضر اولا ثم تفريق المهتجين

[ود برتي]

#1029333 [سقد]
4.50/5 (2 صوت)

06-08-2014 04:57 PM
انا ومعى الملاييين مامشينا لهذا الهراء ولكن والله العظيم جاهذين لمبادره ثانية من العدل والمساواة نحو الخرطوم لان هذا النظام لاينفع معة الاالبل
لنحمل الراية وثوار ليبيا خيرمثال

[سقد]

#1029330 [ود صالح]
5.00/5 (7 صوت)

06-08-2014 04:54 PM
التحيّة لشباب بلادي وهذا التعبير الحضاري في المطالبة بحق العمل وإيجاد الوظيفة بأسلوب حضاري لا يدرك معناه الوالي الخضر الذي ظنّ أنّ الكلام ليس بفلوس كما هو ديدن أصحاب الأيادي المتوضّأة. اليوم والأيّام التالية يتمّ الإختبار العملي للمثل القائل: الكضّاب وصّلوه لي بيت أمّو".

[ود صالح]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة