الأخبار
أخبار إقليمية
إبراهيم الشيخ : الترابي يعاني من وسواس.. اقتنعنا بأن الترابي لن تغسله مياه البحر الأحمر،
إبراهيم الشيخ : الترابي يعاني من وسواس.. اقتنعنا بأن الترابي لن تغسله مياه البحر الأحمر،
إبراهيم الشيخ : الترابي يعاني من وسواس.. اقتنعنا بأن الترابي لن تغسله مياه البحر الأحمر،


في ندوة قبل إعتقاله
06-09-2014 12:59 AM

النهود: أميمة عبدالوهاب

هاجم رئيس حزب المؤتمر السوداني المؤتمر الوطني والأمين العام للمؤتمر الشعبي الدكتور حسن الترابي محملاً الأول مسؤولية ما أسماه اهتزاز القيم وجلب اللعنة وإشاعة الفوضى بالبلاد، واتهمه بالسعي لجر الأحزاب للانتخابات من خلال مسرحية الحوار، مجدداً رفضه للخطوة معلناً تمسكه بتفكيك النظام وإحداث تغيير شامل.
وكشف رئيس الحزب إبراهيم الشيخ عبدالرحمن خلال مخاطبته أمس مؤتمر شباب حزبه بمحلية النهود بولاية غرب كردفان، عن دعوته الترابي للانضمام إلى مجموعة الأحزاب الرافضة للحوار غير المشروط مع الحكومة عله يغتسل، وزاد لكن اقتنعنا بأن الترابي لن تغسله مياه البحر الأحمر، مشيراً إلى أنه يعاني من وسواس سياسي يدفعه لتوحيد الحركة الإسلامية خوفاً من المحاسبة في المستقبل إلى جانب المؤتمر الوطني، وقال الشيخ بأن الترابي فوّت على نفسه فرصة النجاة، قاطعاً بأن مصيره سيكون كمصير الوطني، مردفاً أننا نرى ذلك قريباً ويرونه بعيداً.

اخر لحظة


تعليقات 28 | إهداء 0 | زيارات 12643

التعليقات
#1030705 [المشلهت]
1.00/5 (1 صوت)

06-10-2014 01:06 AM
هي هي,, البحر الاحمر؟؟ و الله الترابي موية زمزم كلها ما تغسلو.

[المشلهت]

#1030697 [جلد الفيل]
3.00/5 (2 صوت)

06-10-2014 12:27 AM
أهو يا شعب السودان ربنا أداكم قائد جديد وإن شاء الله يكون مخلص وأمين و"حمال تقيلة" وهو هذا الشاب إبراهيم الشيخ.. أقيفوامعاه وأيدوه صفا واحد وهو يلتزم ليكم بعدم النكوص أو الانكسار أو "البيع" لا بالدولار ولا بالدرهم ولا بالمنصب مساعد رئيس ولا نائب رئيس ويكون ديمقراطي وما يسرق ولا يخلى أهلو ولا أخوانه ولا قبيلته يسرقوا ولا يستفيدوا لأنفسهم من قيادته من دون بقية الشعب .. نحب أن نسمع منك هذه التأكيدات يا إبراهيم الشيخ ولو من وراء القضبان .. فقط أعطوا زعماءكم "الأبديين" وهما السيدين "راحة" في هذه المرحلة التي تحتاج لنوعية إبراهيم الشيخ .. ما بنقول ليكم آذوهم أو أسيئوا إليهم لأنكم عندكم عقيدة فيهم وما عندنا مانع نحترمهم في حدود مكانتهم الدينية أو التاريخية.. .. فقط أعطوهم "راحة" من ممارسة السياسة بدون نتيجة للوطن على مدى نصف قرن ..يكونوا رحموا أنفسهم ورحمونا وإياكم .. مش كفاية عليهم بأمانة كده؟ أعطوا القيادات الجديدة فرصة يا شعب السودان .. واصل كفاحك يا إبراهيم الشيخ وربنا ينصرك ويعلى مراتبك ...

[جلد الفيل]

#1030683 [احمد ابوالقاسم]
1.00/5 (1 صوت)

06-10-2014 12:07 AM
ما قلتة يا سيد ابراهيم عن الترايى هو عين الحقيقة

[احمد ابوالقاسم]

#1030563 [عاشق السودان]
1.00/5 (1 صوت)

06-09-2014 08:28 PM
ان شاء الله ربنا يسمع منك. لازم محاسبة الكيزان ديل ما سرقوا بيت ديل سرقوا وطن كان حدادي مدادي

[عاشق السودان]

#1030546 [المفتح]
5.00/5 (2 صوت)

06-09-2014 08:04 PM
الترابي دا قايل نفسو دبيب ؟؟ عايش لي متين انت ياخ .. الله يغتس حجرك انت وكل كوز واطي

[المفتح]

#1030534 [مواطنx]
0.00/5 (0 صوت)

06-09-2014 07:52 PM
هذه المتغيرات المتعاقبة التي يشهدها المشهد السوداني تعكس صورة واحدة لا غير،هو أن المؤسسة الأمنية هي التي تحكم اليوم،والمؤسسة الأمنية اليوم عبارة عن مليشيات تكون بين ليلة وضحاها وتشرعن بعد اتمام مدة لا تتجاوز سنة أو سنتان قتال ميداني!!وفرق خاصة تحت إمرة مدنيين،وغيره من الفوضى والهرج التسلسلي في الدرجات الوظيفية والزحمة والتصادم في التسميات الأمنية الساذجة المملة،والمؤسسة العسكرية وسط كل هذه الفوضى تبدو وكأنها مجرد مؤسسة افتراضية،خاصة بعدأن خرج متحدثها يهذي دفاعا عن انسانية وفعالية وشرعية قوات خاصة تابعة لجهاز الأمن.....

[مواطنx]

#1030449 [ساب البلد]
5.00/5 (1 صوت)

06-09-2014 06:09 PM
********** اقتنعنا بأن الترابي لن تغسله مياه البحر الأحمر ********* اض لذلك لو اصبحت مياه المحيطات ديتولا و امطرت السماء كلوركسا ثم غسل سبع بالتراب و واحدة بحامض الكبرتيك المركز فلن ينظف هذا الترابي فهو اسم علي مسمي ******** التحية للبطل ود الشيخ *********

[ساب البلد]

#1030435 [علي سليمان البرجو]
0.00/5 (0 صوت)

06-09-2014 05:52 PM
الجنجويدية الانفاذية لحماية أئمة النفاق الديني والكسب التمكين ولضرب حمائم المعارضة المسالمة ولاستقطاع دارفور وكردفان والنيل الأزرق لأشاوس الجبهة الثورية: يتم كل ذلك لأجل هروب أنجاس أبالسة الكيزان من الحساب والمساءلة العدلية، واستغرب عن ماهية القوانين التي تتحدثون عنها في ظل حكم قاراقوش الانقاذ

[علي سليمان البرجو]

#1030386 [سبحان الله!!]
5.00/5 (1 صوت)

06-09-2014 04:46 PM
قلت شنو يا الجعر؟؟.. بيروقراطية القوات المسلحة؟!!.. وبطأها فى التحرك على الارض؟!!.. و شنو كده قوات دعم سريعة ورشيقة؟!!..

غايتو البتابع تنظيم اخوان الشيطان ديل بتجيهو لوثة عقلية وتبلد فى التفكير بتخليهو اقرب للمسخ لا هو بشر ولا هو حيوان.. جعران جوعار..

[سبحان الله!!]

ردود على سبحان الله!!
[وكيل عريف] 06-10-2014 02:13 AM
المسكين ابو الجعران رايحة ليه كديسة و شريط ترقية من العميد جنجويد حميدتي !!! و ما دري شيئآ عن الكوماج و صناديق القتال و كيف أن خمسة جنود بقيادة رقيب يفعلون ما لا يقدر عليه خمسمائة مرنزقة جنجويد .. آل ايه .. أل بيروقراطية .. و سلمللي علي الراعي حميدتي ..


#1030357 [المقهور الصامت]
0.00/5 (0 صوت)

06-09-2014 04:08 PM
ردا علي الاخ الجعر اقول طالما الحكومة معتمدة اعتمادكلي علي قوات الجنجويد ما تسرح الجيش والشرطة وتخلي جهاز الامن والجنجويد

[المقهور الصامت]

#1030337 [حسكنيت]
5.00/5 (1 صوت)

06-09-2014 03:51 PM
وسواس شنو البعانى منو ؟ دا الوسواس الخناس ذاتو

[حسكنيت]

#1030242 [مدحت عروة]
4.50/5 (2 صوت)

06-09-2014 02:40 PM
ناس الحركة الاسلاموية يخافوا من الحريات والمظاهرات والصحافة الحرة اكيد ساقطين ساقطين سقطهم بلا يخمهم زى ما سقطوا السودان الكان بلد المليون ميل مربع بى حلايبه وفشقته وغيرهم والكان متجه لحوار وطنى ومؤتمر قومى دستورى فى ظل الحريات فى 30 يونيو 1989 ذلك اليوم الاقذر والاسفل والاوطى فى تاريخ السودان والله على ما اقول شهيد ويجى امين حسن عمر ويقول انجازات كبيرة والحروب والتشظى ما وقفوا يوم واحد خلال 25 سنة هى مدة حكمهم حتى عندما وقفت حرب الجنوب بعد نيفاشا دارفور كانت شغالة هو الفشل ده كيفنه يا امين حسن عمر ويجى يقول ليك صف رغيف وبنزين وكبرى وسد وطريق هو الوطن نفسه فى مهب الريح لا سيادة وطنية ولا سلام ولا استقرار ولا وضع اقتصادى زى الناس !!!!!!!!!!!

[مدحت عروة]

#1030204 [محمد سعيد]
5.00/5 (1 صوت)

06-09-2014 01:58 PM
السيد/ ابراهيم الشيخ ارجوا ان لا ينضم إليكم هذا الواطى وكلبه كمال عمر وقبيلة بنى كوز بدون فرز الى اى مجموعة وطنية ، تهدف لاقتلاعً هذا النظام الجاسم على صدورنا منذ 25 عاما. وكم هى جمىلة ان تكون جميع احزاب الفتة واللمة مع الحوار ومع الحكومة، سوف نقتلعهم جميعا، ولنا الان احزاب وطنية لا باس بها، سوف تتكتل، وفى نهاية الامر تكون ثلاثة الى اربع احزاب قوية تناسب ما نرنوا اليه، ونبنى سوداننا سودان العزة والكرامة والمواطنة الحقة بعيدا عن دولة الهوس الدينى والعنصرية، والقبلية، التى أطرها الترابى المافون.

[محمد سعيد]

ردود على محمد سعيد
[مصباح] 06-09-2014 04:50 PM
لك التحية أؤيدك كلامك بشدة وبلا تحفظ

بعد النظام الشعبي الأمة الإتحادي هم الكوابح التي تعرقل وتكبح وتفرمل هى محاولة جادة للتغيير وهم سبب البلاوي، مالم تبترهم قوى الإجماع الوطني كما السرطان لن تقوم لها قائمة ، وسيتخطاها الناس ويشوفوا شغلهم.
ابراهيم الشيخ أنت شعلة فكن منارة واصدح واصدع بالحق دائماً كعهد الناس بك، لك التقدير و الحرية وكامل التضامن معك.


#1030158 [د/ نادر]
5.00/5 (1 صوت)

06-09-2014 01:02 PM
نعلن انضمامنا الكامل والغير مشروط لحزب المؤتمر السوداني

[د/ نادر]

#1030046 [السودانى السودانى]
5.00/5 (2 صوت)

06-09-2014 11:18 AM
ردود على مرتضى الجعر
لو كان انتقاد عصابة النهب والسلب والاغتصاب تكسب سياسى فى نطرك اخى فماهو دور الاحزاب السياسية وقاداتها هل هى مباركة هذا العبث هل هو التصفيق لمن يقتل ويسلب ويغتصب ويحمى تجار الدين واللصوص اخى نحن الشعب السودانى الصابر على تلك المهازل وذلك الفشل اكثر من ربع قرن الفيهو مكفيهو ارجوا ان تنضم لهؤلاء المرتزقة وتترزق كما هم وتبعد عنا فى صفحات الحرية والديمقراطية صفحات الراكوبة .

[السودانى السودانى]

#1030023 [احمد المصطفى]
5.00/5 (3 صوت)

06-09-2014 11:07 AM
إقتباس:
((اقتنعنا بأن الترابي لن تغسله مياه البحر الأحمر،)) .

بس البحر الأحمر ؟؟
دة العملها فى البلد لن تغسله منها مياه المحيط الاطلسى والهندى والاطلنطى مجتمعة , و معاهم كمان مياه المحيط المتجمد الشمالى و الجنوبى .
حسبنا الله و نعم الوكيل عليكم يا كيزان الشر و الفسوق ..

[احمد المصطفى]

#1029972 [Adam Ibrahim]
5.00/5 (1 صوت)

06-09-2014 10:37 AM
صورة فعلاً معبرة.. لو اتغيرت الخلفية للون داكن سيظهر الوسواس الاكبر بحق وحقيقة..

[Adam Ibrahim]

#1029965 [قرد الطلح]
5.00/5 (2 صوت)

06-09-2014 10:31 AM
كل المؤشرات تدل على انو الصدام الدموى لابدة منه وان طال السفر والشواهد كثير . اولا : الموتمر الوطنى لن يترك السلطة حتى لو بقو وحدهم فى السودان . ثانيا :سوف تجرى الانتخابات ويفوز عمر البشر بنسة 100 بالمئة : ثالثا :حزب الامة والاتحاى الدمقراطى لن يحلو مشاكل السودان . رابعا درافور جنوب النيل الزرق وجبال النوبة سوف تنفصل عن السودان فى غضون سنتين قصرا اوعبر استفتاء على اسنة الرماح . خامسا هناك ملامح صدام مؤجل عسكرى مع مصر بدعم من السعودية وقد فقد السودان معظم اراضى الشمال سوف يكون صدام كارثى فقط الخروج من هذا المازق التاريخى يكون عبر عمل عسكرى عاجل وسريع يقضى قضاء مبرما على الكيزان وهذا هو الخوف الزى يجعلهم تمسكون بالسلطة حتى اخر رمق وقد يكون العمل العسكرى بدعم عربى وغطاء مصرى ضارب هذة الشرزمة ليس لها عقل بشرى

[قرد الطلح]

#1029824 [نصرالدين عباس]
4.00/5 (1 صوت)

06-09-2014 09:07 AM
شيخ الترابي ما هو ارهابي

[نصرالدين عباس]

#1029811 [مرتضي الجعر]
3.82/5 (7 صوت)

06-09-2014 08:58 AM
الأخ أبراهيم الشيخ قال كلامو ده بجاي وتمّ إعتقاله بجاي في نفس اليوم.
لكن طبعاً لم يُعتقل بسبب الكلام الفوق ده وإنما لنفس السبب الذي من أجله تم إعتقال المهدي، وهو تشويه سمعة القوات التي تحارب علي الأرض وإطلاق أسوأ التهم عليها دون مراعاة حتي للروح المعنوية للجنود وهم يسمعون هذه التصريحات في حقهم من سياسي كبير يحميه الدستور كمواطن سوداني. أبراهيم الشيخ قال كلامه هذا لإصطياد جماهيرية وبطولة زائفة لأنه يعرف من تجربة المهدي أنه سيتم إعتقاله لو أهان القوات.

يا جماعة الخير العقول راحت وين بس؟ لازم الناس تعرف أن قوات الدعم السريع لا يجب أن تكون هدفاً للتكسب السياسي في الندوات واللقاءات الجماهيرية لأنها قوات تحارب علي الأرض و(الفيهم مكفيهم).

هسع أبراهيم الشيخ لم يستفد أي شئ بإهاناته تلك غير إنو يجلس جنب الإمام المهدي في كوبر لغاية يشوفو ليهم حل.. ونعم: هم الإثنين شايفين أنها فائدة وبطولة كبيرة بمظان إنو البطولات تُكتسب بمخالفة القانون ودخول السجون في هذا الزمن العجيب جداً!!

[مرتضي الجعر]

ردود على مرتضي الجعر
[رندوك] 06-10-2014 12:11 AM
أنصح الأخوة الراكوباب عدم الالتفات لهذا الجعران كي يصمت و يتلم بعيدآ عنا .. اذ وضح جليآ بأنه اما مصاب بلوثة عقلية و يتلذذ (بتدوير) أهل الراكوبة و استفزازهم بخطرفته أو انه مفغل نافع و انتهازي لايدري ما يقول سوي تكرار مايسمعه من أولياء نعمته المعتوهين الذين ابتلانا الله بتسلطهم مع تحفيزه بالضحاكات .

United States [ابومفتاح] 06-09-2014 08:46 PM
شوف ليك (نقطة) للراء بتاعتك دي اولاً ، وبعدين تعال .

[كمسارى] 06-09-2014 03:02 PM
أما إنك واحد طرطور 100%

[السوداني الاصيل] 06-09-2014 02:35 PM
اللهم اجعل الجعر هذا واسرته واقاربه ضحايا من ضحايا الجنجويد بكل بشاعتهم وفظاعتهم وقسوتهم(نهب تعذيب قتل حرق اغتصاب) انك سميع مجيب الدعوات حتي يعلم ما تعرض له لاخرين

European Union [مرتضي الجعر] 06-09-2014 02:06 PM
الإخوة: الصوت وtom والحمري سألو عن علاقة الدعم السريع بالقوات المسلحة وهل تخرجوا في الكلية الحربية.. الاجابة هي أن قوات الدعم السريع هي قوات مشتركة من جهات مختلفة ومنها الجيش والامن وجزء من الشرطة وكمان فيها أفراد متطوعين جديدين تماماً علي العسكرية، وبالتالي لم يتخرج جميع أفرادها من الكلية الحربية أو كلية الشرطة، وهذا لا يعيبها.. يا جماعة هل أي قوة عسكرية لازم تتخرج من الكلية الحربية أو كلية الشرطة؟ طبعاً لا - وأمامكم مثال قوات الدفاع الشعبي اللي هي أصلاً قوات شعبية من متطوعين مدنيين تعسكرو بسبب ظروف الحرب.

أما الناس الذين سألو عن لماذا الدولة لا تدعم القوات المسلحة بدلا من قوات الدعم السريع فالاجابة هي أن الدولة تدعم الاثنين طبعاً، لكن وجود الدعم السريع ضروري جداً لأسباب تتعلق بـ (بيروقراطية) القوات المسلحة، والبيروقراطية تعني البطئ في الاجراءات وبالتالي البطئ في الحركة علي الارض ومطاردة المتمردين، وده شئ طبيعي لأن القوات المسلحة مؤسسة قومية ضخمة وتحرك قواتها علي الارض يستلزم إجراءات وموافقات طويلة.. لذلك السبب إضطرت الحكومة لإنشاء قوات الدعم السريع بتنسيق مع الامن والجيش معاً بحيث تكون قوات رشيقة وسريعة في تحركاتها بنفس سرقة تنقل الحركات المتمردة، وتكون بعيدة عن البيروقراطية الحكومية عموماً، وهي تتبع تنظيمياً لجهاز الامن وعملياتياً أثناء المعارك للقوات المسلحة.

أتمني إجابتي تكون وضحت للجميع.
تحياتي.

United States [ابوعديلة] 06-09-2014 01:42 PM
لكن بالجد جعر .

[نزار عوض] 06-09-2014 12:38 PM
ارجوك لا تخلط الكيمان المهدي والترابي والميرغني كوم وابن السودان ابراهيم الشيخ كوم ثاني كوم جديد على السياسه السودنيه كوم انت حاليا ما مستعد نفسيا او فكريا تصدق وجوده في بلد كثر فيه الضباب السياسي ليلبسوا فيه المنافق عباءة الواعظ الامين والوطني الغيور قرون الشيطان . حاول ان تزيح الضباب من امام عينيك واملاء قلبك بحب السودان لترى الحقيقه

[الكاملابى الانصارى] 06-09-2014 12:15 PM
اى قانون تتحدث عنه القانون الذى نهبت امامه اموال الشعب قصر نافع فى ماليزيا
ووالى الخرطوم والغسساسنة.........


واى قوات تتحدث عنها القوات التى كانت نتيجتها تشريد الشعب السودانى

وفصل الوطن والتهديد بفصل ما تبقى ........

اذاكنت حرامى معاهم اكل ولم ضنبك اخليك حرامى حريف ما تدافع سا.............



....... لابد من ان تأتى لحظة حساب مهما طال الامر ........

[الصوت] 06-09-2014 12:02 PM
كدي يا الجعر خلينا من كلام ابراهيم الشيخ .. انت قول لينا حميدتي تخرج من الكلية الحربية مع الدفعة الكم ؟؟

اما موضوع قوات تحارب على الارض فهناك الكثير منها عبر التاريخ لم تبدأ بقوات النازية ولم تنتهي بها ... ولكن

يبقى السؤال الدائم ... من منها تحارب مع الحق ؟؟؟ والحق لا يشترط ان يكون مع السلطة دائماً والا لكان هتلر

صاحب حق وهو الذي تسنّم السلطة بانتخابات ديموقراطية لا خج فيها .... والا لكان الحق مع جورج بوش وهو

يدمر العراق بُغية الحفاظ على مصالح امريكا ... والا لكان الحق مع الذين حاربوا مع الاتراك لتدمير السلطنة الزرقاء

الاسلامية..والا لكان الحق مع الذين دخلوا السودان وهم يمسكون (( بلجام )) فرس القائد الانجليزي ...والكارثة

ان احفاد هؤلاء هم الذين توالوا على حكم السودان حتى الآن (( وباسم الحق )) ... عجايب .....

اما (( مخالفة القانون )) دي (( قلبت فيها هوبا )) ...فلست ادري عن اي قانون تتحدث ... اهو قانون

حمورابي ... ام قوانين اسبرطه ... ام حُكم قراقوش ..... يا راجل استحي ...

United States [tom] 06-09-2014 11:18 AM
مرتضي ما تجعر ... من يجعر اخيرا هو الخاسر ... شوف يا مرتضي ليه ما يضموا قوات الدعم السريع للقوات المسلحة وتكون هي من ضمن الدرع المافع عن الوطن بحق وشرعية ... اما ان هناك مارب اخري .. خليهو يسجلوا رتبهم ويكونوا تحت امراة ابو رياله ونشوف مين اللي بتقدهم

United States [الحمري] 06-09-2014 11:11 AM
لماذا في الأساس الحاجة لقوات دعم سريع أو خلافه
لماذا لا توجه كل الإمكانيات للقوات المسلحة والتي تتمتع بقدر من الاحترام والانضباط والقدرة القتالية
الاجابة ببساطة: القوات المسلحة لن تنفذ أي مهمة قذرة وكذلك قوات الدفاع الشعبي
إذا هناك حاجة لقوات متحللة من الانضباط لا تحكمها قيم تنفذ مهام قذرة لدرجة أن تم طردها من شمال كردفان بواسطة الوالي / هارون
ابراهيم الشيخ من كردفان هي عانى أهله من هذه القوات فماذا ينتظر منه أن يقول؟
ابراهيم الشيخ أعتقل بالنهود ويقبع الآن بسجن النهود وسيقدم لمحاكمة يوم الخميس وليس كما ذكرت يتمتع بالآنس والخدمات مع السيد/ الصادق المهدي

قوات الدعم السريع مليشيات مرفوضة من القوات المسلحة ومن المواطنين في أي منطقة حلت بها ولابد لكل سياسي أو وطني أن يطالب بحلها وتسريحها فورا وتحويل مخصصاتها لقوات الشعب المسلحة.

انتقاد ابراهيم الشيخ لهذه القوات كانت مبرر فوري لاعتقاله ولكن ليست السبب الحقيقي
ابراهيم الشيخ وحزبه رفض حوار الوثبة واتجهوا للعمل الشعبي وهذا ما أخاف النظام
تلك الحشود الهائلة الهادرة في سودي والنهود هي ما أخافت النظام خاصة وأن برنامج التعبئة الشعبية الذي بدأه ابراهيم الشيخ وحزبه كان معداً له جولة في كل ربوع السودان بعد نجاح أولى محطاته في الجنينة حاضرة غرب دارفور.

[احمد المصطفى] 06-09-2014 10:54 AM
الفرق بينك و بين السيد أبراهيم الشيخ يا فيلسوف زمانك إنه هو راجل إبن راجل قال كلمة الحق فى سلطان جائر و إنت تتوارى و تندس خلف نظام متسلط منبوذ من الغالبية العظمى من شعبه ..
فعلاً "جعر" إذا ماكنت جِقر يا ...

United States [سودانى] 06-09-2014 10:46 AM
جميع دول العالم لها جيوش وطنية لحماية الدولة الوطن
واجهزة شرطية لحماية المواطن وفرض الامن
واجهزة امنية للعمل الاستخباراتى و الامنى الداخلى و الخارجى

فتطوير القوات المسلحة و الجيش هو امر وطنى لحماية الوطن

لكن وجود جسم موازى للقوات المسلحة تلك تسمى مليشيات (جنجويد) او قوات دعم سريع او اى مسمى يخطر ببالك وهذا يضعف القوات المسلحة
وتلك المليشيات لالالالالالالالالالالالالالالالالالالا تخدم الوطن ولكن تخدم لمن يدفع اكثر و تحمى من يدفع اكثر و باختصار هى قوات لحماية المؤتمر الوطنى وليس الوطن
انتهى

United States [abusami] 06-09-2014 10:45 AM
كر يا سوسيو

European Union [غسان بابكر] 06-09-2014 10:37 AM
عليك الله ما تجعر فينا.....

United States [abunahid] 06-09-2014 10:28 AM
أمشي جعر بعيد يا مرتزق


#1029787 [engles]
5.00/5 (1 صوت)

06-09-2014 08:36 AM
مصير الاسلاميين عامة مستقبلا فى السودان سوف يكون مثل مصير عرب زنجبار وسيعود البلد لأهله الاصليين النوبه،النوبيين،الفور،الفونج والبجا وسيكون قويا وآمنا متصدرا الافارقه ومحترما عالميا0

[engles]

ردود على engles
United States [فوزي] 06-09-2014 11:14 PM
دعوها فانها منتنة ام انك تريد يوم اثنين اخر وسؤال برئ هل كل العرب سيئين نصيحتى لك ابحث عن الزى يجمع ولا يفرق

European Union [ود الباشا] 06-09-2014 10:39 PM
دا ذااااتو المفرتق السودان الله انت هسى قرقك شنو من الاخوان الخونه يا مريض العقل و معقد النفس

United States [Abdulkareem Al-Haj] 06-09-2014 12:40 PM
يا ريت يتحقق

United States [abdo salih] 06-09-2014 11:06 AM
ياعنصري انت تقول ان السودان يكون مصيره للنوبة وان عربه سوف يصبحون مثل عرب زنجبار اقول لك ان النوبة اصدقاءنا وجيراننا ولم نري من المسالمين والمسلمين منهم شي حتي ذلك الحين لكل حدث حديث واهلنا بقولو ليك الداير الغني يعمل حساب لفقرو وانا اذا دا فهممك سوف ترجع الي نظافة الحمامات في ظهرك ممن جديد


#1029784 [Mohamed]
1.00/5 (1 صوت)

06-09-2014 08:32 AM
أصلو الترابي من زمان عندو وسواس

[Mohamed]

#1029780 [راشد]
5.00/5 (4 صوت)

06-09-2014 08:26 AM
إبراهيم الشيخ عبدالرحمن انت فاهم موضوع الكيزان كويس هو هلوسة مخلوطة بسوء تربية وسوء أدب. اتمنى ان تكون رئيس للبلد.

[راشد]

#1029768 [قريشـــــــــــــــــــــــــــــــــــــة]
0.00/5 (0 صوت)

06-09-2014 08:00 AM
شــباب ، نفــسي اعــرف التــرابي عمره كم؟
ودرس الثانوي وين؟
ومتزوج ولا لسه عزابي؟
العارف يجاوب ولكم كل الود

[قريشـــــــــــــــــــــــــــــــــــــة]

ردود على قريشـــــــــــــــــــــــــــــــــــــة
[قوز دونقو] 06-09-2014 11:51 AM
الترابي من مواليد 1932 بكسلا يعني دي الوقتي عمره 82 سنة بالتمام و الكمال ....نفسك فيه و لا شنو ؟؟

[قوز دونقو] 06-09-2014 11:46 AM
ليه؟؟؟ عايزة تتجوزيه؟؟؟ هو من قل الرجال و لا من قل الرجال يا أختي ؟؟؟؟

[awad] 06-09-2014 09:25 AM
الشيخ اللعين الترابى درس الثانوى بمدرسة حنتوب الثانوية ثم جامعة الخرطوم. متزوج من السيدة وصال المهدى اخت الصادق المهدى وله أبناء من ضمنهم عصام الترابى


#1029754 [بابكر الطيب]
5.00/5 (1 صوت)

06-09-2014 07:41 AM
لسه البلد دي فيها احزاب وتكتلات منفعيه ودوائر فاسده لا يهمها غير المصالح الفرديه ندعو الله ان يخلصنا من هذه التجمعات الفاسده ويحكمنا فرد وطني غيور لا يعرف الانتماءات الحزبيه والجهويه والعنصريه يكون انتماءاه الاول والاخير الي الوطن الواحد السودان

[بابكر الطيب]

ردود على بابكر الطيب
[يالله دايرنوا وطن كامل] 06-09-2014 10:31 AM
كيييييييييييييييييييييك كااااااااااااااااااااااااك ...غبي

European Union [بت قضيم] 06-09-2014 09:32 AM
كتكوت مجند حنكوش. متدثر ومتنكر بثوب الوطنية لعبتك مكشوفه يا كوز يا مقدود


#1029752 [عودة ديجانقو]
5.00/5 (2 صوت)

06-09-2014 07:38 AM
سبق أن قلت بأن (الولد) الترابى ليس من سلالة البشر بل من سلالة الجن التى تعمر أكثر من البشر يعنى صبى من الجن يعادل تسعينى من البشر.

وهاكم الدليل:

(1) أقطعوا الوش من الصوره الفوق وأنظروا للأيادى هل هى أيادى ثمانينى.
(2) الولد الترابى عمره ما دخل مستشفى لعمل فحوصات طبيه غير مستشفى أتاوا أللى أخد فيها علقه وبرضوا على حسب معرفتى كانت تمثيليه منوا عشان يكبر المشكله ويورط هاشم بدرالدين أكتر.
(3)الولد الترابى لن يموت قريبا وإنما ينتظر به ليوم يبعثون حتى يزيد فى إغواء أهل السودان البسطاء.
(4)وأخيرا الولد الترابى ما فضل واحد من دفعته على قيد الحياة وممكن يرجع سنه أولى أوليه تانى ويقرض أللى حيقروا معاه.

[عودة ديجانقو]

ردود على عودة ديجانقو
[A. Rahman] 06-09-2014 09:37 AM
و المشكلة يا ديجو انه اخوه اللي اكبر منه لسع عايش، و هو الدكتور دفع الله الترابي الذي كان عميدا لكلية الهندسة في بداية ستينات القرن الماضي. من ناحية العمر نحن موعود ون بالمزيد من النجاض. تحياتي


#1029730 [صبري فخري]
5.00/5 (4 صوت)

06-09-2014 07:10 AM
كلما سمعت اسم الترابي تذكرت معنى قول الله الذين آمنوا ثم كغروا ثم آمنوا ثم كفروا

[صبري فخري]

ردود على صبري فخري
European Union [ساب البلد] 06-09-2014 06:04 PM
********* اخي صبري فخري سلام مربع ****** عزيزي انتبه للاملاء عند كتابة ايات الله ****** افضل طريقة اعمل كوبي بيست من قوقل عشان هامش الغلط يكون صفر ******** تحياتي اخي *******


#1029704 [سوداني أنا]
5.00/5 (13 صوت)

06-09-2014 05:09 AM
من محاسن الصدف أن جمعت الوثبة كل البيض الفاسد (وطني شعبي أمة أتحادي ) في سلة واحدة مما يسهل كنسها .

[سوداني أنا]

ردود على سوداني أنا
[Dr. Martin] 06-09-2014 01:45 PM
يا سوداني تجميع الوسخ هيَن الخوف من النسيان بكرة و عفا الله عما سلف و محاكمات ديمقراطية و لف و دوران و يطلعوا منها زي كل مرة و يجونا بالشباك.. المصيبة في التبعية الطائفية و تقديس الأفراد و تذبذب المواقف لغالبيةهذا الشعب

[نكس] 06-09-2014 11:48 AM
ما مختليين في كوشة السودان بس مختلفيين في البكنس منو ؟

[الصاحب] 06-09-2014 11:09 AM
تمام عشان تتحقق فيهم نبوة الاستاذ محمود

[Abutenja] 06-09-2014 09:32 AM
صدقت يا سوداني أنا
ومن محاسن الصدف أنّ تلكم الوثبة كسرت ركبة الريس - يعني ما نشوف رئيس في الدنيا يرقص تاني ..

United States [مدني الحبيبة] 06-09-2014 09:23 AM
فعلا راي سليم 100% ، الكثيرون من البسطاء يتحدثون ويلغنون الديمقراطية بانها فاشلة وان الاحزاب هي كارثة السودان الحمد لله ان وحد تلك الاحزاب الكارثية في سلة واحدة ليسهل كنسها مستقبلا ومن ثم يمكن ان نعرف الاحزاب الاخرى وبرامجها من اجل الانخراط والمساهمة في برامجها لانها بعيدة عن الارتباط بشخصيات نمطية (المرغني، الصادق ، والملعون الترابي ) .

United States [ابو العتاهية] 06-09-2014 09:02 AM
كلامك صحيح لقد جمعت الوثبة كل الذين في قلوبهم مرض يقول تعالى (وترى الذين في قلوبهم مرض يسارعون فيهم.. صدق الله العظيم) ورغم ان الآية في اليهود والنصارى ولكن لا يمنع استخدامها مع كل الذين في قلوبهم مرض مرض السلطة والوهم بأنهم الافضل والاحسن وانهم الافيد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة