الأخبار
أخبار إقليمية
غرامة قدرها «50» جنيهاً على كل من يرمي مخلفات التبغ في الأماكن العامة
غرامة قدرها «50» جنيهاً على كل من يرمي مخلفات التبغ في الأماكن العامة
 غرامة قدرها «50» جنيهاً على كل من يرمي مخلفات التبغ في الأماكن العامة


06-09-2014 12:19 PM

الخرطوم: عواطف عبد القادر
أعلنت وزارة الصحة بولاية الخرطوم حظرها بيع وتعاطي التبغ بأنواعه المختلفة بالمدارس والمؤسسات العلاجية وجوار دور العبادة، بالإضافة إلى أماكن تصنيع الأطعمة أثناء ساعات العمل الرسمية. إلى ذلك أعلنت مدير إدارة مكافحة الأمراض غير السارية بالوزارة د. نادية عبد الكريم أحكاماً جزائية صارمة في مواجهة المخالفين للمواد «9 ــ 10» من قانون مكافحة التبغ بالولاية لسنة 2012م. مشيرة إلى عدم رمي مخلفات التبغ في الأماكن العامة، وأكدت أن كل من يخالف أحكام هذه المادة يعاقب بغرامة لا تتجاوز «50» جنيهاً، وأكدت نادية أن وزارة الصحة تؤكد وضع اللافتات المتعلقة بحظر تعاطي التبغ في الأماكن العامة.

الانتباهة


تعليقات 16 | إهداء 0 | زيارات 3926

التعليقات
#1030612 [موسي]
0.00/5 (0 صوت)

06-09-2014 09:43 PM
نحن متعاطي السجاير والصعوط فرعية ام دخاخين نؤيد القرارات ونحسب أن الكيف سوف ينداح على ما يلينا من اسحقاقات الوثبة التى ظبطت كيف الخرمانين فاصبحوا يبلعون السفة ويلوكون السجاير حفاظا على نظافة العاصمة .... لذلك نؤيد القرار لقثتنا الكثيرة بأن حصيلة تلك الغرامات سوف تستخدم في دعم وتقوية اثر السيجارة والسفة على مزاج المواطن ترشيدا للاستهلاك ونتمني من حكومة الولاية بتركيب عداد جمرة خبيثة في رأس كل مدخن ومتعاطي صعوط حتى لا تهدر موارد البلاد بفعل العابثين وشذاذ الافاق ...........

[موسي]

#1030561 [اللحوي]
0.00/5 (0 صوت)

06-09-2014 08:24 PM
والناس اللي بتتبول على الجدران دي حتكون غرامتهم كم .... ؟؟؟؟؟ ولا إنتو عاملين حمامات عامة للجمهور الذي يستخدم شوارع مسفلتة ونظيفة ما فيها أي أتربة وحفر ... !!!!
بالله شفتي الكتاحة اللي ضربت أستاد الخرطوم يوم مباراة الهلال ... والأكياس والورق ... وسخ الخرطوم كله كان على الهواء مباشرة .... فلسفة .... خلوا الناس ترمى سجايرها و تف التمباك ولا يخروا في الشوارع ... إنتوا عملين ليهم شنوا ... !!!! حتى النفايات عليها رسوم ... أخجلوا من القرارات والأساليب القذرة والتى القصد منها المأكلة وبس.

[اللحوي]

#1030454 [وافي]
0.00/5 (0 صوت)

06-09-2014 06:16 PM
يعني خلاص بقت علي التبغ ...الخرطوم عاصمة قذرة بمعني الكلمة قذرة يعني قذرة ..البيئة الناس والحياة والسكان ولا ننسي القذارة المعنوية وقذارة قاع المدينة انها عاصمة قذرة.

[وافي]

#1030411 [شاي العصر باللبن]
0.00/5 (0 صوت)

06-09-2014 05:18 PM
الواحد من اشوف السجارة دي سااااااااااااي اتكيف زمن والخريف جاااااي اهم شئ

[شاي العصر باللبن]

#1030394 [kamal]
0.00/5 (0 صوت)

06-09-2014 04:57 PM
الظاهر الدكتورة الوزيرة دايراليها قيدومة. اه كي ورينا مكتبك وين عشان نعمل ليكي مبادرة اهل السفة والسجاير بس ما نسمع فهمتوني غلط.

[kamal]

#1030352 [سن ألفيل]
0.00/5 (0 صوت)

06-09-2014 04:02 PM
كيس التمباك ب جنيه والاصال ب 50 جنيه
يعني التسعيرة الجديدة لي كيس التمباك حا تكون 51 جنيه ولا اناغلطان في الحساب ؟؟
سؤال هل التسعيرة الجديدة في ولاية الخضر ولا جميع الميلايات السودانية

[سن ألفيل]

#1030329 [يا عثمان حسن]
3.00/5 (3 صوت)

06-09-2014 03:45 PM
والله حقيقة الفاضي يعمل قاضي
اهتموا بنظافة قلوبكم ونفوسكم واجسادكم من الفساد اولاً
وستجدون العامة يتبعونكم

[يا عثمان حسن]

#1030297 [المتجهجه بسبب الانفصال]
0.00/5 (0 صوت)

06-09-2014 03:21 PM
شنو مخلفات التبغ .. هل هي أعقاب السجائر ... وبصق السفة في أي لفة،، وهل هذا القرار يشمل جميع ولايات ومعتمديات وقرى السودان أم أنه يقتصر على الخرطوم محل الرئيس بنوم والطيارة بتقوم ولبع قطع الاراضي بالكوم ،، وأين سيذهب وارد المخالفة الذي حسب التقديرات الاولية المبنية على خشوم السودانيين لا سيما من التمباك اذ انه من السهل القاء اعقاب السجائر بطريقة حريفة أما بصق السفة فيحتاج لثلاثة حركات لافتة ،، لوي الرقبة، وادخال الاصبع لخرت ما تبقى و البصق ثلاثة مرات مع لوي الفم وتحريك اللسان وهي حركات لن تفوت على الجهات الرقابية العاطلة،،، وهل عائدات الغرامة التي تبلغ 50 جنيه أي 500 جنيه بالقديم ستسفها الجهات الحكومية كما سفت الزكاة والضرائب أم سيتم بها بناء مستشفى على الطراز الالماني لمعالجة متعاطي التمباك والسجائر في هذا البلد الحائر الذي لا ندري الى اين هو عائر،،،،

[المتجهجه بسبب الانفصال]

#1030294 [sara]
0.00/5 (0 صوت)

06-09-2014 03:16 PM
دا اسمو عدم شغلة منكم ...خلاص حليتو مشاكلنا الاساسية و بقينا في رمي السفة و اعقاب السجاير....قايلين روحكم في سنغافورة؟؟؟؟

[sara]

#1030284 [أب قرن]
0.00/5 (0 صوت)

06-09-2014 03:08 PM
عايرة وادوها سوط

[أب قرن]

#1030282 [التويت]
0.00/5 (0 صوت)

06-09-2014 03:07 PM
والاكياس .. ومخلفات المصانع والنفايات .. وهلمجر

[التويت]

#1030269 [ابو جاكومه ..ديم السلك]
5.00/5 (2 صوت)

06-09-2014 03:02 PM
طبعا الدكتوره والبنات السودانيات عموما حساسات جدا وعندهم اتوكيت اكثر من الرجال ... الدكتوره تقصد السفه وده قانون كويس .. والله النور الاعور السمكرى فى يوم واحد كمية السفه البطلعا قدام الورشه بتاعتوا تزبل بيت كامل ..لكن الراجل صاحبى وحفاظا على التلوث سوف اصور هذا المقال واهدده بحكاية ال 50 دى لكن الدكتوره لم توضح هل ال 50 للسفه الواحده ونديه ايصال ب50 ويمكن له التجول فى العاصمه وهو يحمل الايصال تف تف تف . ويقول لنفسه كانى سايق عربه مامرخصه وقاطع ايصال وجاك بلاء ياكبرى توتى والمنشيه وامدرمان والمك نمر وكبرى كوستى والدويم وحنتوب وكبر دنقلا وشارع المزيكه وشارع الصحه وشارع الكلاب بالحله الجديده .. وطبعا شارع المزيكه لان كل السكان كانو يعملوا بمزيكه الجيش الانجليزى وشارع الصحه لانهم كانوا يعملوا فى البلديه وشارع الكلاب لانه كان شارع كله بيوت مريسه وكانوا السكارى يتبولون وهم وقوف فى الشارع لذالك سموشارع الكلاب .. احسن اسمحوا لنا ان نتكلم عن السفه ونترك كلمة الفساد .....

[ابو جاكومه ..ديم السلك]

ردود على ابو جاكومه ..ديم السلك
[سفيف جدا] 06-10-2014 09:27 AM
يا ابو الجواكيم اتمنى انو يكون وصل واحد لليوم كلو وبرضو لو فى طريقه للضمان ....انحنا السفيفه نشوف زولم دا وين بتاع الايصالات ونمشى على و نعمل زى ناس الهايسات نفك الريق من الصباح بى وصل ...عشان ما نتعرض لمواقف بايخه اثناء ساعات اليوم و بالذات لو معاك جكسويه


#1030250 [ودالنيل تمساح]
0.00/5 (0 صوت)

06-09-2014 02:48 PM
نظفوا البلد من اوساخكم فى اﻻول ياوزيره وبعدها تعالوا اتكلموا عن مخلفات السجائر. وﻻ خﻻص تانى عايزين تملوا خزينتكم من الضعفاء. اوﻻ نظفوا المستشفيات غيروا السرائر نظفوا حول المؤسسات الحكوميه واﻻماكن العامه بعدها المواطن وﻻ علىكيفه حيهتم بالنظافه

[ودالنيل تمساح]

#1030213 [صادميم]
0.00/5 (0 صوت)

06-09-2014 02:10 PM
أرجو ان يشمل هذا مخلفات التمباك اذا لم يكن كذلك و يجب مراقبة نوافذ المكاتب الحكومية و احواض غسيل الوجه في المكاتب و التفتيش عليها بصورة دورية.

[صادميم]

#1030175 [الزين]
0.00/5 (0 صوت)

06-09-2014 01:20 PM
خلاص انتهت قصة ندي راستا
والرده
والقرقوش الصادق المهدي عطنتو في المويه
ودايربن تشتغلونا بالصعود.

[الزين]

#1030140 [Abuyasir]
5.00/5 (2 صوت)

06-09-2014 12:48 PM
هل من مخلفات التبغ "التمباك"" السعوط" اتمني ذلك.

[Abuyasir]

ردود على Abuyasir
United States [semsem Alhajar] 06-09-2014 05:58 PM
عليك ربك يا ابو ياسر لو خيروك بين اتنين لا ثالث لهما من 1/سف السعوط 2/سف المال العام وعرق عم عبدالرحيم وحجة امنة ...فايهما ستسف؟؟؟؟
دا طبعآ لو بهمك ياسر ما يطلع ودحرام ولا اختو كمان ..
ولك العتبئ اذا خانني التعبير اخي العزيز



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة