الأخبار
أخبار إقليمية
سفير السودان بيوغندا يلجأ إلى بريطانيا...
سفير السودان بيوغندا يلجأ إلى بريطانيا...
سفير السودان بيوغندا يلجأ إلى بريطانيا...


مفاجآت السفراء من آل شرفي تتواصل
06-09-2014 06:07 PM
أكدت مصادر المعارضة السودانية ببريطانيا صحة الأنباء التي التي أفادت بوجود سفير السودان لدى أوغندا في بريطانيا ونيته تقديم طلب اللجوء السياسي فيها.

وكانت صحيفة حريات قد انفردت بنشر خبر اعتزام سفير السودان بيوغندا الأستاذ (عادل حسين شرفي) التقدم بطلب لجوء لبريطانيا التي سافر إليها مؤخراً. وعزا مقربون للسفير أسباب أستقالته واللجوء لبريطانيا لعدم رضاه عن سياسات حكومة المؤتمر الوطني الخارجية.

وقد اكدت مصادر المعارضة السودانية ببريطانيا أنهم يترقبون مؤتمراً صحيفاً مزمعاً للسفير يشرح فيها أسباب استقالته وطلبه اللجوء لبريطانيا.

الجمهور الرياضي السوداني له ذكريات مع هذا السفير ويمكن استعادتها من خلال هذا المقطع الذي شارك فيه السفير شرفي. حيث أتهمه مدير قناة النيلين الرياضية المٌقال خالد الاعيسر بأنه تحول لسمسار لقناة (خاصة) بينما تم ارساله من "طرف علي كرتي لخدمة قضايا السودان".
.

وقبل عام من الآن كان سفير السودان لدى فنزويلا (ابن عم سفيرنا بيوغندا) قد تقدم بطلب اللجوء السياسي إلى الولايات المتحدة.. والسفير المنشق هو عبدالرحمن شرفي الذي يُعتبر أول سفير بالعاصمة الفنزويلية كراكاس.
وعُين شرفي سفيراً لبلاده لدى فنزويلا عام 2009، وتولى قبل ذلك مسؤوليات دبلوماسية عديدة في وزارة الخارجية بالخرطوم وعدد من سفارات السودان بالخارج.

الحكومة السودانية من طرفها نفت تقديم سفير السودان بفنزويلا تقديم اللجوء السياسي لأميريكا وأكدت أن أسرة السفير تقيم بكندا، وأنه طلب من رئاسة الوزارة منحه إجازة سنوية في السابع من سبتمبر العام الماضي لمدة (45) يوماً حتى يتمكن من إنجاز بعض الأمور الخاصة بأسرته. وأضافت المعلومات بأنه بعد انقضاء الإجازة طلب تمديد الفترة، لكنه لم يرجع لمزاولة عمله وأنه وفقاً لقانون الخدمة المدنية وبنص المادة (50) من القانون، فإن السفير عبد الرحمن شرفي أصبح مفصولاً.


تعليقات 43 | إهداء 0 | زيارات 26533

التعليقات
#1074462 [صدام مانديلا]
0.00/5 (0 صوت)

08-09-2014 03:23 AM
نعم هذا الخبر صحيح والسفير حاليا موجود في بريطانيا بالضبط في مدينة ليدز وقبلها في بيرمنجهام ولدي معرفة شحصيا مع ابنه لكن ظروف تقديم استقالته لم يكت معروفا للاعلام اذا كانت بسبب خلافه مع مدير قناة النيلين ام بسبب تعامله مع قادة الجبهة الثورية كما يقال لكن في الاثنين انه شخص زو نزعة انسانية ومسئولية شخصية قوي......ة

[صدام مانديلا]

#1033317 [مبارك]
0.00/5 (0 صوت)

06-12-2014 02:17 PM
ردك يا [nagatabuzaid] فيه اساءة بالغة لكثير من سكان امدرمان وكذلك بقية اهل السودان وهذا يدل على تفاهة وعدم كياسة..
ألاحظ انك دائما تفتخرين كثيرا بما تسمينه (جذور) و (اصل وفصل) وهذا دليل على انك زولة معقدة تلجأ لهذه التفرقة المصطنعة والمستحيلة في بلد مكون من خليط من البشر معظمهم من اهلنا الزنوج (حفظهم الله) ثم اصطلح على هذا البلد بـ (السودان) وهو اسم لا يدل على شئ سوى لون السكان؟!!
كما الاحظ انك ترمين كل يخالفك بأنه دجاج الكتروني؟!! وهذا وهم من الأوهام التي تعيشـينها حتى زين لك الشيطان بأنك معارضـة خطيرة أخافت الوضع القائم حتى سلط عليها الدجاج!!!
ما هي قصتك بالضبط؟! كثيرون من سكان امدرمان القدماء لا يعرفون ناس بدري ولا ناس شرفي (الذين تتشـرفين بمعرفتهم) ولا يمثلون بالنسبة اليهم شيئا حتى لو سـميت المقابر باسمهم؟
انت من وين يا(معقدة ابوزيد) ؟ اكيد عندك ظروف خاصة جعلتك هكذا لا اعرفها بالضبط ولا استطيع التكهن بها ولكن ربما تكون بسبب عنوسة أو شئ من هذا القبيل!!...
لماذا لا تتكلمين عن ناس امدرمان ذوي الأصـول الجنوبية مثل ناس عبدالفضيل الماظ وعلي عبداللطيف مع اني سـمعت انك من منطقة جبال النوبة المحترمة لكنك تتهربين من ذلك هروب السليم من الأجرب وتدعين العروبة والشرف والمضحك ان العرب لا يرغبون فيكم وينفون أية صـلة لهم بكم؟!!!
عليك الله ورينا صورتك عشان نشوف شـكلك كيف فعسى ان تعيننا ملامح الوجه لمعرفة اشياء خـفيت عنا؟؟

[مبارك]

#1031661 [مصعب صديق البنا]
0.00/5 (0 صوت)

06-10-2014 11:23 PM
انا اعرف هذا الرجل جيدا انه في قمة الاحترام والشهامة اخر مرة التقيت بة قبل 5 شهور في السودان ابان مشكلة قناة الشروق والنيل الأزرق فهو من عائلة محترمة جدا وانى شخصيا سوف اسجل لة زيارة خاصة في لندن اذا صح الخبر

[مصعب صديق البنا]

#1031659 [مبارك]
0.00/5 (0 صوت)

06-10-2014 11:22 PM
رد على تعليق الاستاذة [nagatabuzaid]:
بالمناسبة الاستاذة [nagatabuzaid] عندها ولع وشغف زائد لمعرفة سكان امدرمان خصوصا المشاهير منهم ودرجت على جمع كل شئ عنهم حتى التفاصيل الصغيرة!!! لا ادري لماذا كل هذا التعب وما الدافع له؟!!! هل تحسبها ثقافة؟!!! امدرمان (كرش الفيل) كما يقولون لان كل القبائل والإثنيات انصهرت داخلها حتى نسوا اصولهم.. والاستاذة حسب ما ذكر ان اصلها من كردفان (لا ادري من جنوب كردفان او من شمالها) وهذا لا يهم لان الجميع اهلنا وكلنا إخوان..
يبدو ان الفساد القبلي والجهوي الذي روج له الكيزان بقصد وبدون قصد قد أصاب هوى من نفسها!!!!
نرجو لها الشفاء العاجل...

[مبارك]

#1031646 [منشى]
3.00/5 (1 صوت)

06-10-2014 10:59 PM
هوووى يا جماعة الخير السفير دا خم الملفات السريه بتاع المؤتمرنجيه و باع نصها لليوغندنين بالدولار و اخت لفه و كسر عامودو فى لندن و باقى الورق مشتت هناك ثمنها براها بمليون دولار ... يا بشبش الزول بالذات ركز على ملفاتك .يا عطا شتت وراهو عشان شال كمان ملفات تحقيق ناس هبة سبتمر , الزول دا سنيدر السودان ذاتو .

[منشى]

#1031587 [حالم بوطن أحلى]
0.00/5 (0 صوت)

06-10-2014 08:58 PM
أتذكره المقطع دا بمجرد قراءة العنوان

[حالم بوطن أحلى]

#1031576 [Abu]
0.00/5 (0 صوت)

06-10-2014 08:44 PM
Aburish A رد على
[ِAburishA] delighted to hear from you, and sure always I am keeping track of your fabulous comments. You might be right in your approach, and hope the regime is dismantling itself voluntarily? My disgruntle that all the individuals who are trying now to vacate were quite aware of this mob errant from the beginning, and despite that they have participated in such a chaos. Hard to find an excuse to anyone of them?

[Abu]

#1031523 [Abu]
5.00/5 (3 صوت)

06-10-2014 07:21 PM
Tasha رد على
{Tasha} It has never accrued to my mind that my “miserable English” was the issue here!!! Nonetheless I assume I have managed to convey my thoughts, and this evident in your poor impolite retort. This undoubtedly tells a bit about your idiosyncrasy. I do wonder if you are one of the “mob” infiltrators or a relative of his Excellency, or even the ambassador himself? By the way, if you can lend a hand, and assist a layperson like me in improving his “miserable English” sure will be more beneficial indeed? Moreover OLD HABITS DIE HARD {Tasha}

[Abu]

#1031447 [Hussein Musa]
3.00/5 (3 صوت)

06-10-2014 05:39 PM
بس انشاء الله يكون لجؤ سياسي بصدق وامانه ما وراه حاجة تانية..قبلها
عملها سفيرنا في هولندا كما اشيع..ضرب قروش السفارة وطلب حق اللجؤ.

[Hussein Musa]

#1031356 [Attahir]
4.00/5 (1 صوت)

06-10-2014 03:52 PM
Plesae sto playing dirty games. yesterday u were with NCP , today u leave them and say u disagree with and become asylum seeker..what a mess

[Attahir]

ردود على Attahir
European Union [الجزار] 06-10-2014 05:02 PM
اسمع انت غازي دا ما قال انشق من الحزب ..ليه ما بتتكلم فيه..راجلكم ولا شنو...ما بتقدرو تتكلمو في رجالكم الكيزان فالحين تهاجمو الشرفاء الاصلا لا ينتمون للجبهة الاسلامية تحت اي من مسمياتها


#1031300 [سوداني وأفتخر]
0.00/5 (0 صوت)

06-10-2014 02:48 PM
الخارجية كلها واسطات ، قدمنا للخارجية ونجحنا في الامتحان ولم يتم التعيين

[سوداني وأفتخر]

ردود على سوداني وأفتخر
United States [نونا] 06-11-2014 08:34 AM
كثيرون مثلكو هناك من يبحث عنكم


#1031246 [حرية]
5.00/5 (1 صوت)

06-10-2014 02:02 PM
عفيت منك والله يا الاعيسر ونريد أن كل انسان له انسانية في قلبه وهو في المؤتمر الواطي ان يحذو حذو الاعيسر البطل25

[حرية]

ردود على حرية
European Union [حالم بوطن أحلى] 06-10-2014 09:00 PM
ما قريت تعليق "حرية" بتمعن يا كسلا

European Union [ماجد كسلا] 06-10-2014 02:50 PM
الاعيسر ياهو شبهك وشبه امثالك من الذين دمروا هذا البلد العملاق عندما حكمه الاقزام و الاوباش و التاتار واللصوص و الحاقدين امثالك


#1031191 [ابو صادق]
4.00/5 (2 صوت)

06-10-2014 01:16 PM
احمد شرفي المقابر بتعرفوها

ناس الراكوبة الزول ده دبلوماسي محترف ومحترم مش عميد زي الجماعة اياهم من تانية ابتدائي
بطلوا اللولوة
اي زول نط من المركب فتشوه كان حرامي ولا قاتل رجعوه المركب
كان شريف اقبلوه

[ابو صادق]

#1031151 [نزار عوض]
0.00/5 (0 صوت)

06-10-2014 12:44 PM
ارجو من كل العاملين في جميع قطاعات هذه الحكومه الفاسده ان يقدموا استقالاتهم حتى ولو جاءت متاخره افضل من الاستمرار في خدمة الخونه.

[نزار عوض]

#1031125 [kakan]
4.50/5 (3 صوت)

06-10-2014 12:23 PM
عندما كنا طلابا في جامعة الخرطوم قام بتدريسنا في كلية العلوم ثلاثة بروفات من عائلة ياجي وثلاث بروفات من عايلة كرار ولم نندهش فشروط الاستاذية والتعيين تتطلب ان يكون الاستاذ الاول في دفعته
ولهذا انا مندهش للتعليقات التي تحرم علي ال شرفي ان يكون منهم ثلاثة سفراء وكاننا ضد الابداع والتوفوق الاكاديمي والمهني ولمعلومية الجميع فان التعيين في الخارجية علي وجه التحديد له شروط واضحة وبه شفافية مطلقة ولعلنا نلاحظ ان عوائل كثيرة بها اكثر من طبيب او مهندس بدرجة الاستاذية
اما عادل شرفي حقيقة فهو ديبلماسي نابغة تدرج في السلك الوظيفي في وزارة الخارجية تدرجا طبيعيا حتي وصل لهذه المرتبة الرفيعة دون وساطة او محاباة ولهذاتمني ان يكون المعلقيين جاديين في اطروحاتهم خاصة عندما يتعلق الامر بهموم مواطن سوداني يعتقد انه ظلم لاي سبب من الاسباب اما التعليقات المتمثلة في شلوخ امه فلا ترق للرد عليها لان النساء المشلخات هن من حفظن لهذه الامة عفافها وطهرها امد الله الحاجة صفية والدته بالعافية والصحة والهم عادل والخارجية السودانية
القدرة علي التبصر الجاد لحل الخلاف ان كان موجودا

[kakan]

#1031108 [قرع ود العباس]
0.00/5 (0 صوت)

06-10-2014 12:10 PM
برضو مع الخيانة

[قرع ود العباس]

#1031064 [محمد]
0.00/5 (0 صوت)

06-10-2014 11:43 AM
مثل هولاء لا فائدة منهم- سفراء كانو ان معرضين - كيف تترك مهمة وطنية وتهرب بغض النظر عن الحكومة- كان تترك مهمتك و ترجع لسودان ثم تفكر فى الهروب

[محمد]

#1031034 [فلان بن علان]
0.00/5 (0 صوت)

06-10-2014 11:06 AM
والله كل ما تجيبوا ســيرة البحـر أنا طوالي بتذكر سـناء حمد ... سلامي ليها كثير جداً ... وهي منتظرة شنو ... أحسن ليها تتخارج من الخارجية قبل الجماعة ما يجيوا .. ود ناس شرفي زاغ... يا سناء قدمي استقالتك أحسن ... المركب قرب يغرق ... خايفين عليكي من الكيزان ديل ما عندهم رجالة علشان يدافعوا عنك .... ديل بيدافعوا عن أموالهم فقط ... حتي أبناءهم وأخوانهم وأخواتهم بيزغوا منهم ... ما عندهم همة ... كضابين في كل شئ ... حتي دين الله بيكذبوا فيه...

[فلان بن علان]

ردود على فلان بن علان
United States [اليبي] 06-11-2014 01:06 AM
انتو حكايتكم شنو يا جماعة مع سناء حمد دي.الكل مهتم بيها..غايتو الله يجازي لكان السبب

United States [سامي يوسف] 06-10-2014 02:51 PM
و الله ضكر، كلامك صااااااااح


#1030850 [كرري]
0.00/5 (0 صوت)

06-10-2014 08:44 AM
عندما ينصب احدهم كسفير تراهو يقيم العزائم والولائم وفي اول لفة سحب الحصانة او الاقالة تراهو قد اصبح مكفهرا وغير راضي عن سياسة الحكومة طيب يا لزيز انت ما واحد من الشلة ومنهم من يذهب ابعدومن ذلك الا وهو البكاء والنحيب علي فقدان المنصب .اللهم اللطف بنا واخرجنا من هذة الدنيا سالمين وردنا اليك ردا لا مخزي ولا فاضح

[كرري]

#1030780 [ودالباشا]
0.00/5 (0 صوت)

06-10-2014 07:10 AM
خطوة ال(شرفى) بعد متابعة تعليقات الراكوباب فمنهم من بارك الخطوة ومنهم من ذمها واعتبرها مغادرة مخادع فلا نسبق الاحداث حتى تستبين الحقائق فلا نحبط مثل هذه المبادرات

[ودالباشا]

#1030736 [شئ غريب]
0.00/5 (0 صوت)

06-10-2014 03:13 AM
شئ غريب هذا الخبر ليس من ناحيه من هو احمد شرفي وكيف تعليمه ولكن من ناحيه كيف تم تعيين ثلاثه من نفس الاسره في منصب سفراء للسودان السؤال هل هي (الواسطه التي تتحدث هنا) بغض النظر عن تعليمه وكذا ولكن الي متي قد نسمع الحاكمين هم من اسره واحده كما حدث في العراق في عهد صدام اما الان بدأنا نسمع بسفراء من نفس الاسره والغريب ان هناك من يدافع عنهم دعك من هم اخي فالتعليم حق للجميع اما الفهم والأخلاق في هبه من رب الخلق .
ان يكون ابن عمه سفير وهو سفير وابن خالته سفير هو م ثسم وسيقسم السودان لأنك تعمل بنظام الوراثه وليس بنظام الكفاءه ومن بعده وكيف تم تعيين ابناء عمومته ومن ومن ومن انها الواسطه والمحسوبيه التي دمرت وم زالت تتدمر السودان حكي لي شيخ قد شهد الاستقلال ان المستعمر قد طلب من اسماعيل الازهري ان يترك كبار الخبراء في مجال الزراعه ان يعملوا حتي يتم تتدريب الشعب السوداني ومن ثم يتركون اماكنهم لهم فرفض الازهري وكل قام بتعييين ابن عمومته فبدأت المحسوبيه مهما م كانت قدم عائله شرفي في امدرمان فقد ساعدوا في هدم السودان بالمحسوبيه
وشكرا

[شئ غريب]

ردود على شئ غريب
United States [نونا] 06-11-2014 08:39 AM
لمعلومية الجميع و تم قبول اخوه الاصغر محمد في الدفعة الاخيرة من المستشارين بالخارجيةز حتى انه و في ورقة النتيجة لم يضعوا (شرفى) فقط حتى الجد الاول!!!! خبر مؤكد!!!!اهاو احنا حنسوي شنو وناس الخارجية حيسووا شنو؟

European Union [تابط شرا] 06-10-2014 10:11 PM
انت الغريب وتساؤلاتك غريبة قبل شخصيا تعينت في الثامنينات وكان عن طريق مكتب العمل وكان يمنحوك كرت به رقم لدخول اي منافسة في اي وزارة فشلت في عدة مصالح حكومية ووزارة وبنوك كان نصيبي وكان التنافس شديد كن مجموعة اداريين وعلي ما اذكر كان ينم تعين الدبلوماسيين بتدقيق لا توجد وساطة او عضلك بل عقلك وعلمك ف الحقيقة لله هم دخلوا بدفعات مختلفة ان شاء الله البيت كله وبالمناسبة اعرف سفير تم استيعاب ابنه و بدون واسطة لكن الابن خيب ظن ابية حتي السفير تبرا منه وهي خقيقة لدية مشاكل في سفاره سودانية بالجنوب الافريقي المهم اشهد الله لهم بالتواضع والعلم حتي عادل الثالث تم احالته للصالح العام في التسعينيات وانا من ضمن مجازر الصالح العامحاليا ناس الوراثة فيهم وزراء وكتبة ومحاسبين ولك شكر يا شئ غريب لا تندهش بعد 89 لو تم تعينهم في هذا التاريخ كنت اوافقك


#1030733 [ِAburishA]
5.00/5 (4 صوت)

06-10-2014 03:04 AM
مبروك... نحن اي زول يجينا قبل غرغرة موت النظام..بنقبل توبته وبتعبره مكسب شعبي.. لكن بعد سقوط الخرطوم ونراه قريبا .. واليوم داك الاسكيرتات والبلوزات مقاس XXL حتنعدم في السوق !!!

** اعتقد ان الاخ شرفي تدرج في الخدمة المدنية/السلك الدبلوماسي الى ان صار سفيرا.. ولا ضير في ذلك حيث لم يتم فرضه سياسيا..واذكر قبله ان طلب اللجوء السياسي الاخ السفير على حمد ابراهيم..وهو الان معنا كاتبا نشطا مرموقا..ومناضلا جسورا في هذه الراكوبة الواسعة..له خالص التقدير والاحترام.

** ان طلب اللجوء من سفير في مقام الاخ شرفي..وهو سفير في دولة (يوغندا) تعتبر استراتيجية وحساسة بل وخطيرة جدا على النظام..فان ذلك يعني ان شرفي قد رأي تحت الرماد وميض نار..

** يااخوانا عندما يطلب دبلوماسي اللجوء السياسي فمعناها..الكلام دخل الحوش...

[ِAburishA]

ردود على ِAburishA
European Union [مرتضي الجعر] 06-10-2014 11:53 PM
هههههههههههه
أولاً ضحكني أبوالريش وثانياً ضحكتني أنت يا سن اليأس بتعقيبك عليهو.
عموماً أبوالريش أثبت للجميع أنو (زول يصدق الكذبة ويبني عليها).. قال سقوط الخرطوم قال!! إنت فاكرنا في العصور الحجرية ولا عهود التتار والحروب المهدية ولا شنو يا عزيزي أبوالريش؟؟ كدي أولاً أحلم بسقوط أم زبد أو خور أم طقت أو حتي كادوقلي البتتكلمو عنها دي!!

عموماً السفير البيتكلمو عنو ده (لم) يستقيل من الحكومة و(لم) يطلب اللجوء في بريطانيا ولا إسرائيل.. والدليل هو: خبر الراكوبة أعلاه زااااتو (وللأسف الناس بتقرأ غلط وتحلل غلط لأنو عقولهم بقت في وادي آخر تماماً - وادي الأحلام).

الله يعين عقولنا علي الخطرفات اللي بنسمعها بس.

[ِAburishA] 06-10-2014 11:22 PM
لك التحية سن اليأس..الحمد لله الريش كلو طار وفضلت واحدة بس اقابلكم بيها..واتخطينا سن اليأس.
طيب وصيتك في العين والراس هدينا اللعب .. يا سن اليأس عبدالله ده جبتوا لي من وين.. انا قلت على داير تطير لي الريشة االواحدة الفاضلة..لك خالص احترامي وتقديري..

United States [سن اليأس] 06-10-2014 01:27 PM
قلت لي كيف يا ابو الريش : تقبلوا توبة أي زول يجيكم قبل الغرغرة ... وتاني قلت شنو (عبد الله معنا كاتبا نشطا) معاكم ؟! يا أبو الريش هدي اللعب لا تنفخ للدرجة دي حتى لا يطير الريش


#1030728 [قطع شك البشير حماأااأار]
0.00/5 (0 صوت)

06-10-2014 02:47 AM
انت من ذمان وين
كانت شايلاك نومه ولا شنو
برضو انت محسوب من الابالسه
معروفين انتهاذيين

[قطع شك البشير حماأااأار]

#1030688 [nagatabuzaid]
4.00/5 (4 صوت)

06-10-2014 12:12 AM
الرد على فوزى يا استاذ اذا نت من امدرمان كنت عرفت ناس شرفى ناس متميزين ومتعلمين وحسين شرفى له وضعه ومركزه الوظيفى المرموق وهكذا بقية الاسرة وحسين شرفى معروفا فى كل السودان لانه عمل فى معظم اقاليم وطنه محافظا وليس غريباان يكون ابنه دبلوماسيا حقيقة وليس كشا مشا
كتاحة اكبر ضربة لاى حكومة هى تمر د دبلوماسيها والدبلوماسيين الحقيقيين يعرفون اسس اللعبة جيدا وطلب اللجوء السياسى يفعله كل محترم وناس محمد احمد ان كانوا بحترموا نفسهم ما بتهربوا باللوارى او سيرا على الاقدام فيتوهون ويكونوا مطاردين من الدول التى يدخلونها الشخصية الدبلوماسية الغير كيزانية شخصية متميزة نرجو ان يحزو كل الدبلوماسيين الاشراف حذو هؤلاء الاشراف وهذا يعتبر من اكبر وسائل النضال بالله عليكم هل يصح لدبلوماسى اصيل ان يكون وزيره كرتى ؟ واقولها عدييييييل هل معقول ابن حسين شرفى يكون تحت ادارة كرتى ؟

يا فوزى انا قصدت بامدرمان على اساس معرفة الاسر لبعضها ولم اقصد استفزاز او انحياز فطبيعى اهل عطبرة يعرفون بعضهم واحبابنا فى فريق القبة الابيض واحب الاحباب من نيالا وكل مدن السودان ولكم التحية وتسلم ياود شرفى وكل من يسير على دربك

[nagatabuzaid]

ردود على nagatabuzaid
[nagatabuzaid] 06-11-2014 11:12 PM
يا المبارك شيخ الردح الدجاجى الاستاذه كيف تكون مولعة وشغوفة بالسر الامدرمانة الشهيرة وهى بنت واحدة من اشهر هذه الاسر ولدت ونشاءت وتعلمت ومتداخلة ومتصاهرة ومتواصلة معها لانها جزء منها اسرة الاستاذة نوابغ ومشاهير فى كل المجالات متعلمين نساء ورجال اسهموا فى محاربة الاستعمار ومتى كانت معرفة اسر انت جزء منها تعتبر ثقافة وما ذا يعنى مفهوم الثقافة عندكم كدجاج انقاذى الثقافة اما عن انتمائ يا من لاجذور لك انا بت امرمان معناها بت المحس والدينكا والعمراب والتاما والجعليين والشايقية والفور والداجو والدناقلة والنوبة بت الاشراف والعرب والزرق والعركيين انا بت كل الاسر الامدرمانية وكلها اسر كريمة لا ملاقيط ولا لميم ولا رميم انا بت شمال وجنوب وشرق وغرب كردفات بت القرير ومروى ومدنى بت جبل امعلى والجبلاب بت كل اسرة اصيلة وكل قبيلة والله انت بليد وعلشان تموتوا كيدا : ماشرفك يا الدبلوماسى بن المحافظ حسين شرفى ركلت حكومة الضبان ركلة جعلتهم يطلقون جدادهم يكاكى من الهيم عفيت منك
ستجدونى دائما امامكم ليزداد ورمكم وتنمو قرونكم وتقطع حكومتكم النفس
وعاااااااش السودان حرا مستقلا راكلا الكيزان خاليا من الضبان والجرزان والجداد

[ِAburishA] 06-10-2014 11:32 PM
رد على الاخ (طولو بالكم)...ياخي بارك الله فيك.. مداخلتك عقلانية..تنم عن تجارب حقيقة كانت سائدة في السودان..شكرا على التعليق الايجابي الذي نود ان يكون تبادل الاراء والافكار على نهجه وان اختلفت الرؤى او الاتجاهات السياسية...مودتي

[مبارك] 06-10-2014 11:19 PM
بالمناسبة الاستاذة [nagatabuzaid] عندها ولع وشغف زائد لمعرفة سكان امدرمان خصوصا المشاهير منهم حتى درجت على جمع كل شئ عنهم حتى التفاصيل الصغيرة!!! لا ادري لماذا كل هذا التعب وما الدافع له؟!!! هل تحسبها ثقافة؟!!! امدرمان (كرش الفيل) كما يقولون لان كل القبائل والإثنيات انصهرت داخلها حتى نسوا اصولهم.. والاستاذة حسب ما ذكر ان اصلها من كردفان (لا ادري من جنوب كردفان او من شمالها) وهذا لا يهم لان الجميع اهلنا وكلنا إخوان..
يبدو ان الفساد القبلي والجهوي الذي روج له الكيزان بقصد وبدون قصد قد أصاب هوى من نفسها!!!!
نرجو لها الشفاء العاجل...

[nagatabuzaid] 06-10-2014 03:53 PM
اب نفسا قايم هشام انا مخاطبتى للانسان المهذب فوزى ولانه مهذب كتبت ليه توضيح وكنت اعنى الجميع لكى لا ينظروا للامر كما حدث لك ولواحد دجاجة سمى نفسه النصيحة لكن البعض من ترسبات فى داخله ينظر للامور او التعليقاتى حسب ىالرواسب التى بدواخله ان اختيار المحافظين قبل حكومة الملقطين كان يتم على اسس توفرت فىؤشخصية حسين شرفى وقد كان صاحب رتبة عالية فى الجيش زمن الجيش كان رجا ل تمام وفى مقدمة الجيوش الافريقية والعربية وال شرفى اسرة عريقة لها تاريخ وارث ثقافى ودينى و حضارى يعنى فهم علم دين ثقافةوحضارة واصل عريق وايضا الدبلوماسية قبل حكومة اللميم كان الدبلوماسيون يتاجزون امتحانات ومعاينات وجهد اتحدى ان يصمد امامها اكبر راس فى حكومة الهلاهيل والبهاليل ثم بعد ذلك التجارب العملية داخليا وخارجيا اقليميا وامميا والسفير لا يكون سفيرا الا بعد خدمة متعارف على مدتها فى العرف الدبلوماسى والسفراء درجات حسب السفارات واحيانا يكون اكثر من سفير فى سفارة واحدة ما كان يتعرض له الدلوماسيون لا يمكن ان يصمد امامه من يكتب مثل ما كتبته انت وابن حسين شرفى وغيره من الدبلوماسيين الحقيقيين ا جتازوا كلما ذكرته الدبلوماسية لم تكن هبة او هدية او بواسطة انها نتاج جهدهم وعرقهم وعلمهم واخلاصهم وامانتهم وفهمهم الراقى حسب التربية ان ما كتبته من خطرفات لا ينطبق على ابن حسين شرفى اوغيره لان الدبلوماسيين السودانيين من بيوت عريقة واسر فاضلة من كل انحاء السودان وهنا لا اقصد غنى ولا فقر ابن محافظ او ابن خفير لا بل اقصد الجذور والاصالة والعراقة والذكاء والعلم ولذلك كانو ا مشرفين للسودان وكلهم كانوا متميزين فى مدارسهم وفى الجامعات اما لماذا استمر ؟ هل تعرف مدة عمله هل انت متاكد انه لم يقدم استقالته من قبل ؟ نفرض انه استمر والان راى ان يبتعد هذا خياره انها اسئلة تدل على انك حاد الذكاء لدرجة لا تطاق ولتعلم انه ليس محتاجا ويمكنه ان يمولك ان عندك مشروع عسى ان يفش الورم والحقد ان كل ما ذكرته ينطبق على من عينتهم الحكومة الحولاء وفرضتهم دبلوماسيين من الامنجية والرجرجة اصحاب الفضائح التى يندى لها الجبين وعينوا لهم وزير ووزراء دولة يشبهونهم ولذلك كان لابد ان يطلب الشرفاء اللجوء السياسى بقية ما تناولته عن محمد احمد وامدرمان وورجغتك لن ارد عليه يكفينى ان الاخرين فهموه لا تنسى كتابة وصيتك بعدم الدفن فى احمد شرفى بعد عمر طويل

[nagatabuzaid] 06-10-2014 03:12 PM
الرد على النصيحة
بعض الجداد يرد بلا تفكير من ما يشوف تعليق يمس اسياده يقوم يكاكى انت احول بصيرة لانك بس شفت رايى فى كرتى وطوالى كااااااك كاااااك من اسلوبك انك ماولدوك ولا حتى فى خيران اطراف ام درمان ولا فى اى مدينة فى السودان امشى شوف ولدوك وين بطل سلبطة وحقيقة انك لا تعرف شرفى ولا شىء عن الا شرفى ولن تعرفهم وما حاطول معاك لانك مخلوق سطحى مخك قرعة فاضية اقول لك عبارة واحدة ال شرفى البموت بلموه ومقابر احمد شرفى خير دليل اكتب وصية بعد عمرا طويل ملىء بجنس اسلوبك ده لما تموت ما يدفنوك فى احمد شرفى ابحث عن مكان ولدوك وعن مكان يدفنوك فيه خارج امدرمان

European Union [طولوا بالكم] 06-10-2014 12:46 PM
يا جماعة استهدوا بالله انحنا ح نبني السودان ده كيف ما دام ما فينا زول مستحمل الآخر وكلامنا كله نهزرة وتخوين؟؟!! كلام نجاة ما تحملوه اكتر مما يحتمل في نفس مكانه شرحت ماذا تقصد بناس امدرمان!! ثم يا جماعة طبيعة الدنيا كلها اولاد المهندسين غالبا بيطلعوا مهندسين وأولاد النجارين نجارين وهكذا وحتى لو البلد فيها عدالة اجتماعية الزول بيختار المهنة البعرفها حقت اهله!! يعني بس في زمن الانقاذ وقلب الهوبة الدنيا اختلفت لتأخذ منحى المحسوبية والقبلية وما المشكلة انو الحفاة العراة أصبحوا سفراء ووزراء مت غير تعليم مستحق كبقية الدنيا او تدرج وظيفي طبيعي والأسر الكانت تمتهن الدبلوماسية معروفة وقد شرفوا السودان لكن حسي اي واحد من ناس زعيط ومعيط بقى ممكن يكون سفير فقط عليه ان يرفع سبابته ويقول الله اكبر ويأكل مال النبي لعنة الله عليهم بسبب ما أصابنا من داء يصعب علاجه

[nagatabuzaid] 06-10-2014 11:37 AM
الى نصيحة وهشام لما تفهموا الكلام حارد عليكم قومتوانفسكم وما فهمتوا حاجة

United States [نصيحة] 06-10-2014 09:52 AM
انا ما بعرف شرفي ولا داير اعرف شرفي وومولد في امدرمان شنوا يعني
بر شرفي بر شريفه

[Hisham Suliman] 06-10-2014 03:23 AM
(يا استاذ اذا نت من امدرمان كنت عرفت ناس شرفى ) , ماذا تعنى من امدرمان فلنفلرض انه من امدرمان ولا يغرف ناس شرفى.... ما المنقصة... هل ذلك يؤثر على وضعه كسودانى لانه لا يعرف ناس شرفى ؟ , ماذا هو تميز ناس شرفى الذى تقصدينه ؟ ماهو مركز حسين شرفى االمرموق ؟ هل هو الوحيد فى السودان الذى عمل محافظأ وهل كل ابناء المحافظين لابد ان يكونوا دبلوماسيين ام ان هذا هو من حق ناس شرفى وحدهم؟؟؟
اما ناس محمد احمد الذين وصفتيهم بانهم غر محترمين لانهم يهربون من السودان باللوارى فهم الذين دفعوا ثمن تذكرة الطائرة التى هرب بها المحترم شرفى انها اموالهم بالاحرى هى دولاراتهم هم الذين يدفعون الدولارات التى يستمتع بها شرفى واسرته منذ سنوات , اما شرفيك هذا فقد لاحظ ان ميزانيات السفارات قد تقلصت فلم يعد هناك كثير من العملة الصعبة ولم يعد من سبيل امامه ليمتص من دماء ناس محمد احمد المزيد فاثر الهروب مكتفيأ بما ظل ياخذه من عرق الغبر محترمين ليستمتع به هو واسرته وبالمرة يدعى انه مناضل .
اما وزيره كرتى هذا, لم ياتى لوزارة الخارجية الاسبوع الماضى فلقد ظل شرفيك هذا تحت امرته منذ عامين لماذا لم يهرب منذ ذلك الحين ؟؟ حقيقة الامر ان شرفى وامثاله هؤلا تربوا تربية انتهازية , تربية الاخذ بدون عطاء تربية ورثة المستعمرين يريدون كل امتياز ولا يعطون شى فى المفابل , لماذا لم ياتى الى السودان ويتقدم باستقالته الى الوزير مباشرة , بالطبع لن يفعلها لان ذلك سيترتب علبه سحب الجواز الدبلوماسى وسيكون من الصعب عليه التحرك بسهولة والحصول على تاشيرة , ثانيأ سيطلب منه التسليم والتسلم وينفتح باب المسائل المالية ,
عزيزتى انتى تعيشين على وهم كبير اتمنى ان تفيقى منه وتعرفى ان قدر الناس بمنفعتهم للناس .


#1030671 [ساب البلد]
2.50/5 (2 صوت)

06-09-2014 11:41 PM
********** عاقل جدا ********* في انتظار بيان النفي من وزارة الغفلة بقيادة السمسار كرتا *********

[ساب البلد]

ردود على ساب البلد
United States [حسكنيت] 06-10-2014 04:31 PM
وقال مقربون من السفير لـ(حريات) ان السفير يعزو قرار استقالته واللجوء الى بريطانيا لما لمسه لمس اليقين من نفاق السياسة الخارجية للمؤتمر الوطنى ، فبينما يتحدث النظام دبلوماسياً عن عدم التدخل فى الشؤون الداخلية ليوغندا فانه فى ذات الوقت يواصل عبر أجهزته الأخرى دعم جيش الرب الارهابى ومحاولة العبث والتخريب فى يوغندا .

ويضيف المقربون من السفير انه كذلك يتحدث بأسى وتفاصيل محزنة عن مقدار الانحطاط الذى حاق بالدبلوماسية السودانية بعد ربع قرن من تخريب الخدمة العامة والقفز بأهل الولاء والمحسوبية على حساب أهل الكفاءة والمهنية .

ويقول المقربون انه يعارض جوهر السياسات الخارجية لنظام المؤتمر الوطنى التى تغلب مصالح النظام الآيديلوجية والحزبية خصماً على مصالح الشعب السودانى ، مما تجلى مؤخراً وبصورة صارخة فى فتح الموانئ السودانية للبوارج العسكرية الايرانية واستعداء دول الخليج العربى وفتح المعسكرات لزعزعة مصر وليبيا ، هذا فضلاً عن الحرج البالغ الذى يجده الدبلوماسيون المحترفون فى الدفاع عن سياسات لا ناقة لهم فيها ولا جمل مثل الانتهاكات المروعة لحقوق الانسان وقصف المدنيين والحكم بإعدام مريم يحيى.

وأكد المقربون للسفير عادل شرفى انه يزمع تنظيم مؤتمر اعلامى دولى لكشف أسباب وتفاصيل استقالته ولجوئه الى بريطانيا

European Union [ساب البلد] 06-10-2014 02:15 PM
********* هههههههههههه ما تستبعد كل شي وارد ******** تحياتي ******

[ِAburishA] 06-10-2014 03:46 AM
الله يستر مايصادروا مقابر احمد شرفي...تحياتي


#1030670 [ود الدمازين]
4.00/5 (1 صوت)

06-09-2014 11:39 PM
يمكن أمه يوغندية. وفي ستين داهية

[ود الدمازين]

ردود على ود الدمازين
[nagatabuzaid] 06-10-2014 04:03 PM
امه سودانية مية المية وسيدة مجتمع وتربيتهالابنائها ناجحة
ما فيهم جدادة ولا عاطل ولا بليد

عارف يا ابوريشة هذه السيدة رغم معرفتنا وتداخلنا الاسرى
كانت تعجبنى لانها نشطة ذات ابداعات ومشاركات وكنا نلتقى
فى المعارض التى نشارك فيها فى قاعة الصداقة والمواقع المختلفة
وكانت هذه السيدة القامة تمدنا بالمواد التى نحتاجها لاعمالنا
بحكم سفرها الكثير لبناتها فتجلب لنا المواد والادوات من الخارج
ورغم فارق السن فقد جمعتنا هوايات مشتركة وتبادل خبرا ت بعدت
انا وصرت لا اعرف اخبارها

[ِAburishA] 06-10-2014 03:48 AM
امه ما يوغندية يا ود الدمازين.. مشلخة مطارق..

United States [Abu] 06-10-2014 02:56 AM
THANKS FOR THE LAUGH..... EVERYONE IS A NEED OF SUCH???

[كاكا] 06-10-2014 12:55 AM
اقرب الدمازين ولا ام درمان من يوغندا اذن مين الامه يوغندية


#1030665 [سدالنهضة]
5.00/5 (1 صوت)

06-09-2014 11:33 PM
يكون استدعوه في الخرطوم العاصمة الحضارية وخاف لان الدنيا صيف وحر شديد وبعدين الجنجويد حارسين اي واحد يجي من بره ما يمرق اكان كتمة تكتم فيهم كلهم علي وعلي اعدائي وقرررررربت تكتم الريحه فايحه اليومين ديل ابقو الصمود يا انجاس 25 سنه مكنكشين وما دايرين تفكوها

[سدالنهضة]

#1030659 [مغبون]
1.00/5 (1 صوت)

06-09-2014 11:16 PM
هنالك شرفاء منذ بداية عهد الانقاذ لم يتلوثوا ولم يشاركوا معهم في اي منصب حكومي ماذا تقولوا عنهم ؟؟
في اعتقادي كل من شارك هذا النظام فقد شارك في اطالة امده حتي ولو كان غفيراً
فالسفينه غارقه غارقه ولا يهم من قفز منها بدءا من مبارك الفاضل ومناوي وسعادة السفير فكلهم شاركوا في اطالة عمر هذا النظام فالكل يلعب حسب مصلحته الشخصيه حتي ولو حمل السلاح

[مغبون]

ردود على مغبون
European Union [خليك واقعي] 06-10-2014 12:28 PM
يا جماعة اخير الواحد يفكر بواقعية، الحكومة دي قاعدة ليها 25 سنة مسيطرة على اي شي واي قرش مدور عندها ناصيته فكيف نقعد نقول اي زول اشتغل ملوث؟؟؟ ح تأكل وتأكل أولادك كيف حتى الكفاف؟؟ ماهو يا تعمل زي ما بعض الناس طلع ساب البلد من قولة تيت يا تكابس في البلد دي!! هي حقتهم عشان نخليها ليهم يعني ولا شنو العبارة؟؟


#1030656 [الزول المنسي]
0.00/5 (0 صوت)

06-09-2014 11:13 PM
الحكومة كعبة و فاسدة
لكن أن يكون أبناء عمومة سفراء وما خفي أعظم
عائلات السفراء ثلاثة أو أربعة أسر و البقية من بقية أفراد الشعب

[الزول المنسي]

#1030639 [Hisham Suliman]
5.00/5 (2 صوت)

06-09-2014 10:42 PM
هؤلا هم اللصوص والانتهازيين الحقيقيين , توفر عندهم مستوى من الانحطاط وعدم الاخلاق لمستويات لا يمكن تصورها لقد ظل امثال هؤلا يرضعون من ثدى الشعب المسكين ويمتصون دمائه طوال كل تلك المدة تكديس وكنز للدولارت وتعليم ابنائهم فى اورباء والتمتع بامتيازات السفارات لهم ولاسرهم , وهم فى حقيقة الامر الا لصوص عديمى المبادى , هم ليسوا من انصار الجبهة ولا من مؤيديها ولا من المدافعين عن افعالها , لماذا ظللتم كل تلك المدة صامتين لا تلوى السنتكم بالحق , وعندما يستشعر الواحد منهم قرب انتها اجله بالخارجية يفر وعندما يشعر بان الدولارات على وشك النضوب ساعتهايشعر بان ساعة مغادرة السفينة الغارقة قد ازفت لينتظر فى الرصيف مع المنتظرين فى انتظار فرصة اخرى ليمتطوا ظهر هذا الشعب كرة اخرى ويستنزفوه , كانما هناك عقد الهى بينهم وبين هذا الشعب البسيط اللطيف الخجول ان يلتزم بان يعيش أل شرفى وغيرهم من الوقحين الذين لا يعرفون الخجل , حياة هانئة رغدة لهم ولابنائهم مدى الحياة على حساب بائعات الطعام والكادحين والذين تشرق وتغيب الشمس على رؤسهم .
فلتذهب ايها الشرفى الى الجحيم انت وابن عمك وبقية العقد الفريد من اهلكم الذين هم فى وزارة الخارجية , امثالكم هم من استن السنن القبيحة فى الخدمة المدنية وانتم من ارسى اسس المحسوبيةوالوساطة والتدليس منذ ايام حكم مايو , ابن محمد احمد العامل او المزارع البسيط المجتهدالنجيب لا مكان له فى الخارجية ولكن ابنكم الابله الغبى مكانه محجوز , فكل الامر لبس اكثر من التملق ليتم تعيينه وانتم اهل التملق وانحطاط الكرامة , فكل شى عندكم مباح , فلتذهب الى مريكا او كندا فانت وابنائك لم تالفوا حال السودان الشمس والغبار ومنظر البائسين فى الشوارع , ولكن لتعلم ايها البائس ان ما تتمتع به هو من عرق هؤلا وليس من ذكائك او تميزك فانت مجرد لص سطاء عليهم وسرق مالهم بدون اى وازع اخلاقى .
تريد الان ان تظهر بمظهر من لا ترضيه سياسات النظام السودانى التى هى الان معتدلة مقارنة بالسنوات الماضية التى كنت فيها فى اوج الوظيفة وتتدفق الدولارات بلا حساب وتعيس فيها نهب واستهبال , لقد كان ذلك هو الوقت الذى كان يمكن ان تعترض فيه على السياسات الخارجية ولكن لبس الان عندما ضرب شح العملة الصعبة السودان وتقلصت الامتيازات وصار ما يصلكم من اموال يعانى الشح وربما على اعتاب اعادتكم الى السودان, ففكرتم فى المهرب بعد ان جف الضرع وما عادت الدولارات كما الاول فاكتفيتم بما حصلتم عليه وانتم تكيلون اللعنات والتذمر من الحال .
ايها الشرفى ومن لف لفك من اقزام الخارجية, امثالك لا يعترضون على سياسات ولا يبدون راى سالب او موجب فى توجه او فى موقف سياسى خارجى فانت اقل من ذلك بكثير انت لن تفعل ذلك مادام الامر ينطوى على الدولار فذممكم مفروشة على الرصيف من اجله , اما ضمائركم فالحديث عنها ترف (فكيف يسئل قاضى المدينة عن مكان بائعة الكحل ) .

[Hisham Suliman]

ردود على Hisham Suliman
United States [Abu] 06-10-2014 10:01 PM
Abushazalia,,,, No doubt you have got your point clear and legible. Absolutely transparency in how we see all the affiliates of this mob is a must to set models for coming generations to flow. Principles and morals is not something interchangeable. Something you implant from childhood.

European Union [مجدي] 06-10-2014 02:54 PM
يا شوشو.روق المنقة.رجالتك دي امشي اعملها مع الوالي و لا حمدتي ..فالح تتواقح في الناس المحترمة الهم من ابناء هذا الوطن الاوفياء ...هل اصبحت مشكلة السودان ال شرفي....لو راجل ولد راجل عبر عن غضبك واكشف فساد ال البشير ولا ال علي عثمان ولا النافع..ولا ديل ناسك ومن حلتك..

United States [مجاهد] 06-10-2014 12:10 PM
بعد كلامك دة ما فى شى يقال تسلم يدك وربنا اوفقك

[Abushazalia] 06-10-2014 11:26 AM
تعليقك واقعي جدا ومهني وعلاني اشكرك كانك تقرأ افكاري بجدفي هذا المقال بالذات ....
انا شخصيا مغرد خارج السرب ولكن بقول هروب السفير فيهذا الاثناء هو التولي يوم الزخف ....
ماهو انجازات السفير ابان جيش الرب مفلفل البلد اين مساعيه الدبلوماسية لم نسمع به ابدا لولا اطلاق ساقيه للريح جة ماعندو مروئة ولا نخوة انتهازي .
الاخت نجاة بوزيد عنصرية واسبتت ذلك بتعليقها التي كانت تريد ان تلمع الهارب بتفاهات امدرمان اسرة متعلمة شرفاء ..... هو في زول بتمتى ان يكون ماكويس ما هي الظروف ال بتعمل الناس كدة
اشكرك على توضيحك بعض الخفايا

[hassan] 06-10-2014 08:06 AM
من تاب ورجع الي الحق قبل سقوط حكومة الفساد فهو امن

ان الله يقبل توبة العبد عندما يتوب توبة نصوحة فما بالنا نحن العباد

ان شرفي باتخازه هزا القرار فان زلك ضربة للنظام ايا كانت نواياه

ففي ثورات الربيع العربي كانت استقالة السفراء صفعات تلقتها تلك الانظمة

التي تهاوت وانهارت وعقبال استقالة باقي السفراء وعقبال تهاوي حكومة الانقاز

United States [هامش الهامش] 06-10-2014 03:06 AM
شكرا أستاذ هشام. هذه هى الحقيقة المرة رضينا أم أبينا. الفساد والمحسوبية في التوظيف، وعدم المحاسبة عند التقصير والتفريط لأن الكل أبناء عمومة أو أصهار أو أبناء نفس القبيلة والمنطقة وهذا هو الواقع. التوظيف ليس للكفاءة بل محاباة منذ استقلال السودان ولكن في ظل هذه الحكومة أصبح شيئ مبالغ فيه. شكرا لك قلت ماكنت أود قوله وزيادة. قفز من المركب لينتظر الحكومة القادمة ليبدأ الموال. لو كان شريف حقا كما يدعى البعض لما عمل مع مثل هذه الحكومة أصلا.


#1030627 [جبة جابر]
5.00/5 (1 صوت)

06-09-2014 10:16 PM
صبرا حتى نسمع منه اسباب استقالته ثم نحكم عليه
امكن اعتبرها فرصة ويود المخارجة من السودان
عقبال البشير يطلب حق اللجوء فى سويسرا عشان يكون قريب من المحكمة

[جبة جابر]

#1030626 [جبة جابر]
3.00/5 (3 صوت)

06-09-2014 10:14 PM
صبرا حتى نسمع منه اسباب استقالته ثم نحكم عليه
امكن اعتبرها فرصة ويود المخارجة من السودان
عقبال البشير يطلب حق اللجوء فى سويسرا عشان يكون قريب من المحكمة

[جبة جابر]

#1030620 [موجاف]
5.00/5 (2 صوت)

06-09-2014 09:57 PM
وتاني منو من "آل شرفي" شغال سفير؟

[موجاف]

#1030585 [كسار الثلج]
4.88/5 (4 صوت)

06-09-2014 09:01 PM
من باب أولى يا عادل شرفي أن تفهم أن نفس السياسات والمحسوبيات التي أدخلتك وزارة الخارجية هي ذات السياسات والمحسوبيات التي أخرجتك منها.أن من جيلك و أعرفك و أعرف أنك درست في مصرو في جيلنا نعرف من هم الذين يحتاجون للدراسة في مصر,اعرف مدى تواضع المؤهلات التي دخلت بها وزارة الخارجيةففيم الضجة!

[كسار الثلج]

ردود على كسار الثلج
[Abu Hawa] 06-10-2014 02:29 PM
عفارم عليك بالجد كسرت فيه ثلجاية رهيبة.
مع مودتي


#1030579 [Abu]
5.00/5 (2 صوت)

06-09-2014 08:51 PM
Unequivocally NO ONE cares about his Excellency attempted to seek a asylums in the UK. Being a part of this despicable regime even for a single day sure will defy our sympathies towards him. Sure, he needs an extensive make-up operation to correct his images?

[Abu]

ردود على Abu
European Union [Tasha] 06-10-2014 01:50 PM
Mind your miserable English.

[ِAburishA] 06-10-2014 03:40 AM
Hi Abu it seems long not seen,hope doing all right
Yes I agree with you that an extensive make-up operation to correct his images is badly
needed but I think its good to our part to win as well as the regime to lose such
Its OK why not call or consider his seek a asylums,as an internal regime destruction, Best regs


#1030577 [خالد حسن]
3.50/5 (2 صوت)

06-09-2014 08:46 PM
الواحد ياكل مال النبي مع الحراميه ديل واواول مايشعر بغرق المركب ينط ويجري يطلب لجوء ويعمل معارض
برضو مابحلك وانت محسوب مع الخيانه ما معانا
سفير بدل يشتغل للمصلحه العامه شغال قواد لجمال الوالي وقناته

[خالد حسن]

ردود على خالد حسن
[hassan] 06-10-2014 08:09 AM
برضو احسن من القاعدين لسة

علي الاقل جاهو احساس متاخر

وبالطريقة دي الحكومة حا تلقي نفسهخا براتها في السهلة

تابي الرماح ازا اجتمعن تكسرا وان افترقنا تكسرت احادا


#1030569 [ظلال النخيل /فريد محمد مختار]
4.00/5 (2 صوت)

06-09-2014 08:38 PM
خطوة هامة يجب تشجيع أمثالهم على هذه المواقف البطولية الجريئة .وان شاء الله تكون هناك انشقاقات في كافة القطاعات المدنية والعسكريةحتى يتهاوى النظام المتهالك أصلا...

[ظلال النخيل /فريد محمد مختار]

ردود على ظلال النخيل /فريد محمد مختار
European Union [عصمتووف] 06-09-2014 09:50 PM
القضية ليس ب تشجيع بل ب اتخاذ القرار الشجاع بعد الترتيبات المهمة للاسره اما امثالنا كعذابة لا ترتيبات غير الوصية والعفو والعافية


#1030531 [المنجلك]
3.75/5 (4 صوت)

06-09-2014 07:50 PM
ما اظن فى زول يقدر يلومكم ابناء كرش الفيل (كل أرجائه لنا وطن إذ نباهي به ونفتتن)
لعن الله الجهوية ومن اشعلها

[المنجلك]

#1030530 [المنفى 20 سنه]
4.50/5 (3 صوت)

06-09-2014 07:49 PM
بصراحه موقف شجاع منه بحسب معرفتى البعيده عنه ولاكن الكل يحترمه ويتكلم عن نزاهته ولاكن غلطة انه اتا سفيرا فى ذمن الكيزان النصابين وكما تعلمون السلك الدبلماسى به الكثير من الشرفا ولاكنهم يوظفون فى بلاد منسيه وليسة لها وزن اما ما يوظفون فى دول القرار ودول ذات اهميه فهم الطبالون وموتمرجيه وتجار دين عادل شرفى من اسره عريقه لا تحتاج لى وساخة الكيزان

[المنفى 20 سنه]

ردود على المنفى 20 سنه
United States [حكم] 06-09-2014 10:00 PM
الأستاذ عادل شرفى اعرفه عن تجربة عمل
فهو نزيه للحد البعيد .. كما انه وطنى لأبعد الحدود
ومن أسرة غنية عن التعريف
مشكلته الكبيرة انه يجاهر برأيه ولا يخاف

تعرض لمشاكل مهنية من بعض زملائه الدبلوماسيين
وعانى كثير من الظلم والمكايدات داخل الوزارة

شخصياً لا استغرب طلبه للجوء فهو ليس اول سفير يطلب اللجوء

European Union [عصمتووف] 06-09-2014 09:47 PM
لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن لكن


بصراحه موقف شجاع منه بحسب معرفتى البعيده عنه**** ولاكن**** الكل يحترمه ويتكلم عن نزاهته و****لاكن***
معليش الله يرحم جدي الباشا

[أبو السارة] 06-09-2014 09:43 PM
يا أخو ما جننت لكن دي جن وبعدين شنو ليسة التاء دي لزومها شنو والشرفاء ما الشرفا أتي ما أتا زمن ما ذمن . إنت فاقد تربوي والله شنو . يا زول اقرأ وبس شيبك من الكتابة دي .


#1030506 [الغلبان]
0.00/5 (0 صوت)

06-09-2014 07:22 PM
الكثير من السودانيين صاروا يلجأون - حتى هم من المفترض يبدأو في البحث لهم عن مكان يلجأون اليه نصيحة (مسلم)

[الغلبان]

#1030502 [ادروب الهداب]
5.00/5 (1 صوت)

06-09-2014 07:10 PM
عقباب البقيه انشالله

[ادروب الهداب]

#1030496 [فوزي]
5.00/5 (1 صوت)

06-09-2014 07:04 PM
ماهى عزبة ماما ال شرفى سفراء وال البنا للغنى وال وال وال الخخخخخخخخخخخخخخخخخخخخخخخخخخخخخخخخخ

[فوزي]

ردود على فوزي
United States [المنجلك] 06-10-2014 02:52 AM
يا فوزى صلحها شوية نعم لقد كانت هناك طبقية ولكن بالاجتهاد مع ان الفرص لم تكن متساوية فى عموم السودان بسبب عقلية المستعمر واليوم ندفع الثمن جهوية وتقوية ضراع.
لعن الله الحقد الاجتماعى.

European Union [تابط شرا] 06-09-2014 08:19 PM
بالمناسبة هم 3 وليس اثنان الثالث غادر مبكر ا اواسط ال90 ت والشهاده لله رجال متعلمون ممتازون اولاد بلد خسر السودان وخسرت الخارجي حاليا المتواجدون بالوزاره من السفراء والدبلوماسيون المحترفين قليلون جدا جدا خاصة السفراء لا يتجاوزوا ال5 تقريبا الغالبية من اصحاب الدبلوماسية الرسالية اصحاب الشهادات من جامعة القران والنيل ومنظمة الزبير غير الذين اشتروا شهادات دكتوراة من السوق ولا ننسي مرافيد الجيش ب تشاد ومسقط انتهت الخارجية وانتهت البلاد الحمدلله احالونا مبكرا للصالح العام انفجر في شريان


#1030483 [كتاحة]
2.97/5 (13 صوت)

06-09-2014 06:46 PM
كل واحد إعمل ليك فيها بطل في النهاية . وين كنت من أول ؟


إذا سفير عايز " لجؤ سياسي " طيب وناس محمد أحمد يعملوا شنو ؟؟؟؟!!!!

[كتاحة]

ردود على كتاحة
European Union [bent alnil] 06-09-2014 11:35 PM
يا كتاحة
محمد أحمد ده مسكين و زول الله و عيشة السوق عشان كده ناس محمداحمد يعملو سفراء نوايا حسنة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة