الأخبار
أخبار إقليمية
ثلاثة قضاة لنظر استئناف المحكومة بالإعدام
ثلاثة قضاة لنظر استئناف المحكومة بالإعدام
ثلاثة قضاة لنظر استئناف المحكومة بالإعدام


06-10-2014 12:25 AM
أعلن محامو المواطنة السودانية المحكومة بالردة مريم (أبرار) إسحق، يوم الإثنين، أن السلطة القضائية السودانية شكلت دائرة من ثلاثة قضاة للنظر في استئناف حكم الإعدام الصادر بحق السودانية موكلتهم بعد إدانتها بالردة في منتصف مايو الماضي.

وقال المحامي مهند مصطفى لـ (فرانس برس) الإثنين "الأسبوع الماضي كونت السلطة القضائية دائرة من ثلاثة قضاة للنظر في الاستئناف المقدم في قضية مريم إسحق، لكن لا أحد يعرف متى ستصدر هذه الدائرة قرارها".

وعملاً بالشريعة الإسلامية التي يطبقها السودان منذ عام 1983، حكمت المحكمة برئاسة القاضي عباس محمد الخليفة على مريم إسحق المولودة لأب مسلم وأم مسيحية بالجلد 100 جلدة والإعدام بتهمة ممارسة الزنا من جراء زواجها من دانيال واني المسيحي.

وتحتجز مريم في سجن النساء بأم درمان مع ابنها وطفلتها التي أنجبتها في السجن قبل ثلاثة أسابيع.

وأكد المحامي أنه زارها مع زوجها الإثنين، وأنها وطفلتها بصحة جيدة.

وتمنح القوانين السودانية المحكوم بالإعدام ثلاث مراحل من الاستئناف.


الفرنسية


تعليقات 25 | إهداء 0 | زيارات 11943

التعليقات
#1032388 [واحد مستاء]
0.00/5 (0 صوت)

06-11-2014 03:36 PM
قال تعالى : من كفر فعليه كفره أي جزاء كفره . ومن عمل صالحا فلأنفسهم يمهدون أي يوطئون لأنفسهم في الآخرة فراشا ومسكنا وقرارا بالعمل الصالح

طيب كفرها عليها نحن مالنا ومالها مع انه هي قالت اصلا هي كافرة ولم تكن مسلمة يوما
عموما لن تضر الاسلام لو كانت مسلمة وكفرت

لكن تعالوا قولوا لي اشمعنى دي بسرعة حاكموها والجماعة الدخلوا خمسة كونتينرات مخدرات لا حس ولا خبر وديل ضررهم اكبر من كفر واحد او عشرة حتى لانهم يعملوا على تدمير جيل كامل..

الله ينتقم من الظالمين

[واحد مستاء]

#1031950 [Salah AL Deen P]
0.00/5 (0 صوت)

06-11-2014 10:27 AM
لو سرق فيهم الشريف تركوه ولو سرق الضعيف اقامو عليه الحد
حسي لو كانت البت دي من الشمال الجعجعة دي كلها ما كان سمعنا بيها
الكيزان يغشوا في الشعب السوداني والشعب ذاتو ينقاد بعاطفة بلهاء من غير تعقل
مين قال ليكم ارتدت ؟ هي قالت انها مسيحية وكانت مسيحية
وبعدين حد الردة فيه نظر وأقوال بين بعض علماء المسلمين والآية الكريمة واضحة (( ان الله غني عن العالمين))
وبعدين مين يقيم حد الردة؟؟؟ واحد يسرق من المال العام ويغتصب سلطة شرعية
لو الكيزان حريصين على الشريعة الاسلامية على الأقل يستردوا جميع الاموال العامة المنهوبة وكذلك يأتوا للحكم عن طريق ... لأنوا مافي في الشريعة الاسلامية انقلاب عسكري...
الكيزان ممكن يقتلوا البت دي .. يقتلوا مش يقيموا الحد ... عشان يشغلوا الناس عن الامور السياسية كالحوار الوطني والازمة الاقتصادية وخلافة .. وليس لاقامة شرع الله .. لانهم مجرد لصوص

[Salah AL Deen P]

#1031945 [الزول]
0.00/5 (0 صوت)

06-11-2014 10:23 AM
مرة أبرار ومرة مريم وحكمتوا عليها بالردة , طيب يا جماعة ناس هى لله ما قالوا عايزين يطبقوا حكم الله , والنتيجة نهبوا البلد وقسموا السودان وقتبوا الأبرياء , دى أعمال مسلمين ؟؟؟؟؟؟ أحكموا عليهم أولا بالردة وبعد داك شوفو مريم أو ابرار

[الزول]

#1031678 [مرتضي الجعر]
0.00/5 (0 صوت)

06-11-2014 12:06 AM
الحكومة ستعمل علي تبرئتها وإطلاق سراحها للمصلحة العامة ولمصلحة السودان الذي وصلته عشرات الادانات بسبب قرار الإعدام.

السؤال هو: اللي حيقنع أخو البنت وولي أمرها منو وهو يصول ويجول علي المحاكم ووزارة الداخلية والصحف مطالباً بإعدام أخته بسبب تركها للإسلام؟؟ ده يقنعو منو؟؟

أنا قريت للأخ ده تصريح في الجرائد بيطالب بإعدام أخته ويحذر المحكمة لو أطلقت سراحها وسافرت أمريكا مع زوجها كما هو المخطط فإن هناك 3 قبائل تتبع لها الفتاة لن تسكت وحنقوم الدنيا فوق تحت!!

وبالتالي أسأل مرة أخري: ده يقنعو منو؟

[مرتضي الجعر]

ردود على مرتضي الجعر
European Union [ساب البلد] 06-11-2014 01:32 PM
******** يا الجعر انت حكومتك بتجعروا 25 سنة ********* شريعة شريعة ولا نموت الاسلام قبل القوت ********* يا امريكا ظز ظز الشريعة قبل الخبز ****** و نحنا جينا عشان نطبق شرع الله ****** ما في شريعة مدغمسة هسي جاي تقول عشان مصلحة السودان تخلو شرع الله افوووو خوفتوا من امريكا ؟؟؟ ***** اما قصة الثلاثة قبائل ما حرروا الفشقة القاعدين فيها و عصابات الشفته البتنهب محاصيلهم و مواشيهم خلاص فلاحتهم بقت علي مرا ********* يا اخي اختشوا الاختشوا ماتوا ***********


#1031677 [خالد]
1.00/5 (2 صوت)

06-11-2014 12:06 AM
تحياتي للجميع . يا اخوانا لا إله إلا لله محمد رسول الله يا اخوانا استحلفكم بالله أن تدعو لهذه البنت بالهدايه ﻷنها ليست كأبرار التي عهدناها ملتزمه ومؤمنه . وكل الناس البتتسائل عن كتير من الأشياء والأدله والإثباتات الغير معلومه لعامة الناس دا شئ طبيعي ﻷنو الموضوع جد غامض لكثير من الناس ولكنه واضح كالشمس بالنسبه ﻷسرتها وأهل قريتها وكل المحيطين بها لكن عايزكم تتأكدو أنو مافي حاجه تخلي ناس يمشو يدعو أن شخص ما هو إبنهم أو بنتهم وخصوصا شخص فعل مثلما فعلت أبرار وبالأخص أسره مثل أسرة أبرار فهي أسره معروفه من قريه معروفه . وبالنسبه للناس البيقولو المسأله وراها الحكومه رجاءا تعقلو ولا تخلطو الأوراق فليست للحكومه مصلحه في قتل مرتده وخلينا نكون منطقيين . وحاجه تالته أرجوكم أرجوكم أرجوكم لا تتسرعو في إلقاء الأحكام . حاجه رابعه كلنا ذقنا الأمرين من حكم هذه الطغمه الفاسده التي ظلت جاثمه على صدورنا 25 عاما ولا تخاف الله فينا يعني بالبلدي كدا خلاص زهجنا . لكن رغم ذلك رجاء لا تخلطو الأوراق ﻷن من قام برفع هذه الدعوى هم أهلها ولا أحد غيرهم وأشهد الله على ذلك . لذلك فلندع ذلك جانبا . وتذكرو كلنا معرضون للمصائب والإبتلاءات وانا أدعو ألا يصيب أحد ما أصاب هذه الأسره . رجاء يا إخوه ادعو لها بالهدايه وأن يصبر ويثبت أهلها وأن يردها إلينا سالمه تائبه قانته كما عهدناها . واسأل الله أن يحفظ بناتنا وبناتكم وأولادنا وأولادكم خالص شكري وتقديري لكم

[خالد]

ردود على خالد
[شئ من حتي] 06-11-2014 08:55 PM
ابو الدفاع
ليس شفاعه في حد او تعاطف مع مجرم ..نحن في ظننا وتحليلنا فقط انسانه في وضع غير طبيعي ولا نتمني لانسان وخاصه انثي ضعيفه بعد الايمان تهوي في قعر جهنم خالده مخلده فيها ..ولان تخطي فى العفو خير من ان تخطي في العقوبه...

United States [ابو الدفاع] 06-11-2014 01:09 PM
الحقيقة الواحد ياخالد منبهر من هذا الشعب يدافعون عن الباطل بل ويتبرع المسلم منهم بتكبير كوم سيئاته في امر متعلق بالعقيدة .. ويخلط بين الامور ليحقق مآرب لايستفيد منها اي شيئ .. اذكر كنت في السعودية حكم علي ثلاثة مواطنين سعوديين من الشيعة بالاعدام بسبب اتهامهم باغتصاب فتاة في نهار رمضان وقام عدد من شباب الشيعة وقالوا الامر سياسيا اكثر من انه دينيا واثبات الزني صعب فكيف يحكوموا عليهم بالقتل تعزيرا .. سألت احد شيوخ الشيعة عن رأية فقال لي بلهجة سعودية ما علي منهم ان كانوا زنوا يستحقوا العقاب وان ظلموا ان ربك لبالمرصاد .. فلماذا ارتكب ذنب في الدفاع عن اشخاص اتهمهم القضاء بالزني في نهار رمضان وليس لدي دليل لتبرأتهم قلت له عين العقل ..


#1031654 [هشام ع]
0.00/5 (0 صوت)

06-10-2014 11:07 PM
الله يكون في العون

[هشام ع]

#1031642 [متابع]
5.00/5 (1 صوت)

06-10-2014 10:49 PM
فى موضوع نشر بألصحف الاردنية, أدان الامير الحسن بشدة حكم الردة الصادر بحق مريم أبراهيم, نرجو من الراكوبة نشر الموضوع.

[متابع]

#1031618 [زينة]
5.00/5 (3 صوت)

06-10-2014 09:50 PM
اولا القال ليكم هى مسلمة منو وكلمت منو بااسلامه وبعدين المسلم بى ارادتو واختياره منو ماهو دين وليقانا ورثناه زى وزى اى حاجة تانية
ليه تهيجو لما الواحد يطلع منو انتو اكثر من الله القال من شاء فليؤمن ومن شاء فليكفر
اقعدو انتو فى ردة وردة لماتلقو البلد كلها ارتدت
بعدين مانهلة قباله ارتدت وغيره وغيره كل يوم بيرتدو بالعشرات بنات واولاد الجديد شنو انتهى زمن السيف والردة والكلام الفارغ العايشين فيهو دا

[زينة]

ردود على زينة
European Union [خالد] 06-12-2014 12:44 AM
المدافع سالم
تستغفر ربها ﻷنها قالت المسلم بي إرادتو منو ماهو دين وورثناهو زيو وزي أي حاجه تانيه يعني هي هسي مؤمنه بالوراثه وليس الإعتقاد

European Union [سالم] 06-11-2014 07:22 PM
المعلق خالد

لماذا تستغفر ربها ؟ الاخت المعلقه تسأولاتها صحيحه ومنطقيه,

وفعلا إذا مريم/أبرار دي اهلها متأكدين انها مسحوره فكان من باب اولي يحلوالمشكله بطرق اخري لا تخفي علي أي شخص يعيش في السودان من غير مايدخلوهاالسجن ومن غير المرمطه دي كلها , لكنهم دخلوها السجن و الشخص القال انواخوها بيتكلم عنها بحقد وتشفي وكمان بيطالب بالقصاص ... اهناك قصاص علي مسحور أو مجنون أو شخص ذهب منه العقل ؟

إذا هي فعلا مسحوره أو عندها حالة نفسية في الحالة دي زيها زي المسلم اللذي ذهب عنه العقل !!!

European Union [خالد] 06-11-2014 12:15 AM
إستغفري ربك


#1031533 [عبد الحليم]
1.00/5 (2 صوت)

06-10-2014 07:45 PM
اتمني ان لا ننظر لهذه الحادثه من زاويه كرهنا لما فعله تجار الدين فينا باسم الاسلام السمح الجميل والتي جعلتنا للاسف الشديد نخلط بين افعالهم والاسلام فنقول لمن ارتد وانحرف عن الدين هذا خيارك،فالدين ليس هؤلاء
انها قضيه انسانيه لها ولاسرتها تحتاج منا لتفهمها والتعاطف معها والدعاء لها والوقوف بجانبها حتي تجتاز هذه المحنه،ليس وضع طبيعي ان ينكر الانسان نفسه وامه وابيه واسرته خاصه وهي انثي تعرف انها لن تستطيع العيش دونهم خاصه تربيتنا في السودان وكل الدول الاسلاميه ولي الامر صمام امان
اختنا وتحتاج ان نقف معها فبالامس كانت من امه سيدنا محمد صلي الله عليه وسلم واليوم اخطات وضلت الطريق فلناخذ بيده بالرفق واللين حتي تعود لصوابها وذي ما كانت ..كل منا يضعها اخته وعرضه

[عبد الحليم]

ردود على عبد الحليم
European Union [خالد] 06-11-2014 12:17 AM
الله ينصر دينك ياعبد الحليم ويحفظك


#1031518 [ودالمهدي]
5.00/5 (2 صوت)

06-10-2014 07:17 PM
انتو تعبانيين مالكم ماعلي كرتي قال ليكم ان شاء الله ح نحلها ليكم بما يرضي جميع الاطراف يعني ما في حل بما يرضي الله عز وجل.انتهي ....اعملوا صفا واسترح.

[ودالمهدي]

#1031271 [كاره الدنيا]
5.00/5 (1 صوت)

06-10-2014 02:23 PM
طيب اذا هي اصلا مسلمه منو السمح ليها بالزواج م مسيحي وبعدين اثبتو اولا من هي حتي تصدرو قراراتكم

[كاره الدنيا]

#1031260 [فوزي]
5.00/5 (1 صوت)

06-10-2014 02:15 PM
طباعة
البريد الإلكتروني

التفاصيل
نشر بتاريخ الثلاثاء, 10 حزيران/يونيو 2014 09:04

كلنا جربنا الدهشة في حياتنا الخاصة والعامة لا شك في ذلك.. ولكن كم منا جرب الذهول في عام وخاص؟
لا اظن كثيرين منا مروا بتجربة الذهول.. وهو أن تندهش حتى تكذب عينيك.. وحتى لا تكاد تعي ما حولك.. اقرأوا معي هذه الأسطر حول موضوع الردة وتعريفها وحكمها في الديانات.. ثم قولوا لي.. هل ذقتم تجربة الذهول؟
المسلمون ليسوا مختلفين في تعريف الردة، لذلك سأكتفي بتعريف واحد يلخص اقوال المذاهب الاسلامية كلها.
قال الشيخ ابو بكر الحسني الشافعي في كفاية الاخبار: «الردة في الشرع الرجوع عن الإسلام إلى الكفر وقطع الإسلام، ويحصل تارة بالقول وتارة بالفعل وتارة بالاعتقاد. ولكل واحد من هذه الأنواع الثلاثة فيه مسائل لا تكاد تحصر» كفاية الاخبار ج2 صـ123 وقالوا إن شرط الردة ألا يكون المرتد مكرهاً، لذلك قالوا ان من قال بالكفر كفر وان لم يعمل به ولم يعتقده ما دام ليس مكرهاً، وكذلك اذا فعل الكفر كفر وان لم يصرح به ولم يعتقده اذا لم يكن مكرها، ومدار ذلك على قوله تعالى «إِلَّا مَنْ أُكْرِهَ وَقَلْبُهُ مُطْمَئِنٌّ بِالإِيمَانِ وَلَكِنْ مَنْ شَرَحَ بِالْكُفْرِ صَدْرًا»، فالردة في أقوال الجميع لا تتحقق إلا إذا سبقها إسلام، إما ان يكون مسلماً اصلياً أو يكون قد اعتنق الاسلام وصدق به وآمن وصلى وصام وفعل ما يفعله المسلم.. هذا هو المرتد لا غير، فمن هو المرتد عند النصارى وفي الكنيسة؟ وما هي الردة عندهم، أرجو ان تلاحظوا اننا نتكلم الآن عن مفهوم الردة ومعناها لا عن حكمها.
أولاً: المسيحيون ـ اوالنصارى على الأصح ـ يستخدمون مصطلح الهرطقة بدلاً من الردة، فالمرتد عندهم هو المهطرق وهي مأخوذة من الكلمة الأجنبيةHerisism للردة و Herplic للمرتد، وقد أخذنا مفاهيم الكنيسة للهرطقة من كتاب اسمه الهرطقة في المسيحية لمؤلفه ج. ويتلر وترجمة جمال سالم وعدد الصفحات «383» والناشر دار التنوير للطباعة والنشر والتوزيع بيروت طبعة اولى 2007م. يقول الكاتب في تعريف الهرطقة «الردة»: ينص القانون الكنسي على «إذا انكر أحدهم بعد أن يكون تلقى العماد في الوقت نفسه الذي يحتفظ فيه بصفة مسيحي» باصدار احدى الحقائق التي يجب اعتبار انها تتعلق بالايمان الالهي والكاثوليكي أو شك بها يكون هرطوقياً. والقضية الهرطوقية هي تلك التي تدخل في تضاد مباشر وفوري على شكل تعارض أو تضاد مع نقطة من العقيدة التي اوصى بها الله واقترحتها الكنيسة.. ويستمر المؤلف ملخصا لاقوال الكهنوت الكنسي: فكل عقيدة تتعارض مع الايمان الحقيقي تشكل في ذاتها ما يسميه اللاهوتيون كفراً، أي غياب فضيلة الايمان الموحى بها أو القضاء عليها.
إلى هنا يظهر لك التطابق الكامل بين تعريف الردة في الاسلام وفي النصرانية، فهي لا تنطبق في الاسلام إلا على المسلم الاصلي بالميلاد أو بالاعتناق تماماً كما هي في النصرانية لا تنطبق إلا على النصراني الاصلي الذي اعتنق النصرانية أو عمد. وحتى يكتمل الذهول عند القارئ ويجربه ويذوق طعمه من لم يذقه من قبل اسمعوا إليه يقول:
وهم يميزون بين ثلاثة انواع من الكفر: الكفر السلبي الصرف وهو كفر الوثنيين الذين لم يعرفوا المسيح وهو ناجم عن الجهل، ولهذا السبب لا يجعلهم مذنبين.
أليس هذا هو ما نقول نحن انه معنى «لا إكره في الدين»، والثاني في ما يقولون هو الكفر السالب المتصف بالرفض الواعي والارادي للالتحاق بالحقائق الموصى بها أو حتى البحث عنها او انكار امكانية الوحي الالهي.
وهو مثل النوع الأول تماماً لا يعد عندهم ذنباً لأنه كفر أصلي.
وأخيراً يقول المؤلف: «الكفر الايجابي وهو يختلف عن السابقين بكونه ليس سابقاً لفضيله تلقي الايمان الموصى بها، بل يدمر هذه الفضيلة ـ وهو خطير لأنه يستتبع من جانب المعمد ارتداداً كاملاً إلى هذا الحد أو ذاك، وهو ينطوي إما على الجحود او الانكار الارادي». ونختم هذه العبارة الواضحة الصريحة. «ولكن لكي تكون هناك هرطقة ينبغي ان يكون المرء معمداً وان يختار الخطأ بعمل من أعمال عقله ويتشبث به بعناد، وان يكون الخطأ متعارضاً مع وحي إلهي تطرحه الكنيسة الكاثوليكية بواسطة احد اعضائها المعصومين».
وهو ما نسميه نحن في الاسلام انكار ما هو معلوم من الدين بالضرورة، والذي انعقد عليه الاجماع إنه كفر مبيح للدم.
هل هناك تطابق أكثر من هذا؟ أليس هذا كافياً لشرح معنى قوله تعالى «إِنَّ الدِّينَ عِنْدَ اللَّهِ الْإِسْلامُ وَمَا اخْتَلَفَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ».
أليس من البغي بعد كل هذا ان يختلفوا في حد الردة أو الهرطقة وهو منصوص عليه كما اوردنا من قبل في الاصحاح الثالث عشر في سفر التثنية وهو القتل بنصوص واضحة صريحة لا لبس فيها ولا غموض.
ومع ذلك يستبدلونها بأحكام لا تختلف كثيراً عن احكام المرتد في الاسلام.
قال: وفي القانون الكنسي «قلت المحرف» يؤدي جرم الهرطقة إلى عقاب واحد وحيد وهو الإقصاء الكلي من الاتحاد بالكنيسة او الحرمان من الأسرار المقدسة والقداس الالهي وصلوات الكنيسة والمنافع والاعباء الكنسية واخيراً من الدفن في ارض مسيحية.
أليس هذا بالضبط حكم المرتد في الاسلام؟ ألا تنقطع الصلة بينه وبين جماعة المسلمين من جميع الوجوه؟
فلا توارث بينهم وتطلق زوجته وينقطع الولاء بينه وبين سائر المسلمين، واذا قتل أو مات لا يدفن في مقابر المسلمين، أبعد كل هذا يتطاول على الإسلام متطاول باسم حقوق الإنسان أو باسم حرية الاعتقاد؟أو بالتأويل المفرط في الغباء لآيات القرآن الكريم؟
وأخيراً هل تعلمون لماذا تثير الكنيسة والنصارى والأقباط في مصر وفي غيرها كل هذه الضجة؟
ذلك أن الاقباط في مصر يخشون الانقراض!!
ففي تقديراتهم لن يبقى قبطي واحد في مصر بعد «100» عام، والسبب هو أن معدل دخول الاقباط في مصر في الاسلام يصل إلى خمسين الف حالة كل عام!!
وها هو دكتور كمال فريد اسحق وهو استاذ للغة القبطية بمعهد الدراسات القبطية يحذر من انقراض معتنقي الديانة المسيحية في مصر بعد حوالى «100» عام. وكان ذلك في صحيفة «المصري اليوم».
كما أشارت صحيفة نيويورك تايمز الامريكية في 12 مايو 2009 إلى أن هناك دراسات مسيحية تشير إلى تناقص عدد المسيحين المصريين بسبب هجرة بعضهم إلى الخارج واعتناق اعداد منهم الدين الاسلامي.
ولعلكم تعلمون أن عدد المسيحيين في مصر من كل الطوائف في حدود خمسة ملايين نسمة.
هل مازلتم في خانة الدهشة أم انتقلتم إلى حالة الذهول؟!

التالي >

تعليقات | إضافة خاصتك

رتب بواسطة:
فرز حسب الأقدم
فرز حسب الأحدث

لا ت

[فوزي]

ردود على فوزي
[رانيا] 06-10-2014 09:33 PM
ابو الكل والله موتني بالضحك إنت وخالتك الله يديكم العافية .

[خالد] 06-10-2014 04:15 PM
أخ فوزي شكرا لك على هذا النقل وأثابك الله عليه

[ابو الكل] 06-10-2014 03:33 PM
كلامك موضوعى وبحث دقيق وتوثيق للمعلومة من مصادرها .
نحن مابين الدهشة والذهول
زمابين النوم والصحيان
وكما قالت خالتنا ذات اللسان الاعجمى . الدهشمة هى جنا الحمارة ..
وتصبحون على وطن ...


#1031184 [abu ahmed]
0.00/5 (0 صوت)

06-10-2014 01:12 PM
براءة

[abu ahmed]

#1031170 [ود شرق السودان]
1.00/5 (1 صوت)

06-10-2014 01:04 PM
اللهم اشفها وعافها وردها اليك ردا جميلا
اللهم رب الناس اذهب الباس
والله يا اخوتي لو لم اشهد بعيني لما صدقت
فتاه طالبه ثانوي وقتها تقدم لخطبتها شخص من غير قبيلتها جاءت به ظروف عمل في القريه التي تقطنها الفتاه وحسب الاعراف والتقاليد السايده في القري ان الفتاه لاقربائها او من نفس القريه وتم رفض طلبه والان هذه الفتاه حبيسه الجدران فاقده للعقل وترطن وتعمل حركه اراها كثيرا في الملاعب وهي تخص المسيحين ...الشاهد ان هناك اشياء لا يصدقها العقل ولكن راي العين والمشاهده المباشره تعطيك ان هناك اشياء لا يدركها العقل
فلا استبعد ان تكون ابرار فاقده لعقلها ومن غير ارادتها ..ربما

[ود شرق السودان]

ردود على ود شرق السودان
[رانيا] 06-10-2014 09:41 PM
هو كلامك صحيح بلا شك وأنا كنت متابعة موضوع تنصير الشباب السعودي وقالوا بيودوهم في دبي وبيكونوا في حالة نجاسة تامة , يعني بيمتنعوا عن صلاة ووضوء وكل طهارة وبيكونوا مختلطين بأجنبيات يمارسن عليهم سحر الكابالا , لكن بصراحة في هذه الحالة أنا إتمخولت يعني أنا كنت بعلق على أساس إنها مريم المسيحية المولد المسجلة كمسلمة فقط في السجلات وإنه والدتها المسيحية هي التي قامت بتربيتها وتنشأتها وحدها .. لكن هي أبرار هي أسرار أنا حسه ما فاهمة أي شئ لكن كله جائز أنا الزمن ده ما بستبعد أي حاجة . تحياتي يا ود شرق السودان .

European Union [ود البلد] 06-10-2014 06:59 PM
يشهد الله ياود شرق السودان أن ما قلته هو ما إنتابني من احساس أن هذه المرأة قد سحرت او أصابها مسٌّ شيطاني حتى إختلطت عليها الأمور فبدّلت دينها وأنكرت أهلها. ولقد شاعت أمور السحرة والدجالين في بلادي فعاسوا في الأرض فساداً ولم تجرّمهم الحكومة بقانون يردعهم. فليت ولاة الأمر إبتعثوا أحد الشيوخ الرقاة ليرقيها بالرقية الشرعية عسى أن ينجلي الأمر وتظهر الحقيقة بإذن الله تعالى.

[خالد] 06-10-2014 04:21 PM
اللهم آمين ياود الشرق وانا بأكد ليك إنو البت دي ماكانت كدا ومافي زول بتخيل إنها تعمل كدا نهائي . غايتو في حاجتين زي ماقال شيخ جلال عضو مجمع الفقه الإسلامي : البت دي يامقهوره وأملي عليها ماتقوله أو مسحوره . لكنالمؤكد إنها أبرار


#1031140 [عصمتووف]
2.75/5 (3 صوت)

06-10-2014 12:34 PM
.

[عصمتووف]

#1031132 [المشتهي الكمونية]
5.00/5 (1 صوت)

06-10-2014 12:27 PM
.

[المشتهي الكمونية]

ردود على المشتهي الكمونية
European Union [ساب البلد] 06-11-2014 07:43 PM
********* هههههههههههه المشتهي سيد الاسم ****** ولا يهمك واثقين منك ******** عارفين الجداد بالكتاكيت عمر يوم ******* يديك الصحة و العافية ******** ما تنقطع *****

European Union [المشتهي الكمونية سيد الاسم] 06-11-2014 12:33 PM
ينقطع لسانك إن شاء الله
هذي هي أساليب حكومة الكيزان ومنسوبيها في الغش والخداع والكذب ،،، يا ساب البلد وجيفارا وجميع قراء الراكوبة المحترمين ،، إذا وجدتم هذا الأسلوب في الكتابة فاعرفوا أنه أحد منسوبي جهاز الأمن ،،، وهو أسلوب رخيص الغرض منه الإساءة لكل المعلقين الوطنيين الشرفاء بهذا الموقع

European Union [ساب البلد] 06-10-2014 07:44 PM
********* انت ما المشتهي الكمونية الانحنا بنعرفو ******** شكلك كاااااك *******

[جيفارا] 06-10-2014 05:52 PM
عاهر لسانك.. تسمون من تختار منهجها أصالةً عن نفسها و من يناسبها من الرجال عن طريق عقد شرعي عاهرة!!! هل انت رأيتها في احد بيوت الدعارة ولكن هي اكثر إنسانية منك لانها لا تنظر إخوتنا الجنوبيون كما تنظر انت ... انت فقط امتداد لأولئك القتلة الذين مارسو بربريتهم في الأقاليم المهمشة في السودان ... لقد عانى الجنوبيون منكم حتى نالو استقلالهم وهكذا نتبعهم نحن وتحكم انت صحراءك


#1031092 [مهدي إسماعيل]
0.00/5 (0 صوت)

06-10-2014 11:59 AM
لن يستطيع البشير ولا غيره إعدام أي سوداني أو سودانية بتهمة الردة،لقد قدم الشهيد/ محمود محمد طه، حياته فداءً لمريم/أبرار وأمثالها، وكان آخر شهيد للفكر.

القضية ليست براءتها أو إعدامها، القضية تناقض القوانين مع دستور البلاد. لا بُد من إزالة مادة الردة من القانون الجنائي.

[مهدي إسماعيل]

#1031050 [abumuzn]
5.00/5 (1 صوت)

06-10-2014 11:26 AM
ان اعادة النظر في مثل هذه القضية الحساسة فيها خير كثير للسودان ولوجه السودان امام الامم المختلفة.
كما يجب التحقق من هذه القضية بدقة بما ان الحكم هو الموت حسب ما ذهب اليه المشرع السوداني وبغض النظر عن صحة صحة هذا او عدمه، فيجب اخذ كل التحوطات والدفوعات اللازمة في حالة ان الحكم هو الموت حتي لا يكون سفك دم من اجل سفك االدم او التضحية بهذه المسكينة لصرف الرأي العام عن فساد الحكام وافساده لهذا البلد.

[abumuzn]

ردود على abumuzn
United States [غلبان الهلكان] 06-10-2014 06:39 PM
الامم المختلفة تدرك وجه السودان الفاسد قبل قضية هذه الفاشلة


#1030955 [فوزي]
0.00/5 (0 صوت)

06-10-2014 10:06 AM
إستئناف فى حكم ربنا سبحانه وتعالى لاحول ولاقوة الا بالله العلى العظيم

[فوزي]

ردود على فوزي
[ود مليك] 06-11-2014 11:07 PM
بتسمى المرمطة والبهدلة دى حكم ربك ذا كان ربنا خلق الانسان فى احسن تقويم /مين الحايردو لاسفل السافلين ؟انت ولا القاضي المخو فاضى ولا الاحاديث الفسروها ناس البخارى على هواهم يا عالم ختو فى عيونكم حصوة ملح /قال حكم ربك /امشي اقراء القران كويس وبعدين قول حكم ربك.

European Union [ساب البلد] 06-10-2014 07:42 PM
****** حكم ربك ده بس علي المسكينة دي ******** ناس مكتب الوالي ما بيمشي فيهم *******

[جيفارا] 06-10-2014 04:15 PM
هل انت متأكد دا حكم ربك؟؟؟ وهل ربك يتناقض عندما يقول: "يَحْلِفُونَ بِاللَّهِ مَا قَالُوا وَلَقَدْ قَالُوا كَلِمَةَ الْكُفْرِ وَكَفَرُوا بَعْدَ إِسْلَامِهِمْ وَهَمُّوا بِمَا لَمْ يَنَالُوا ۚ وَمَا نَقَمُوا إِلَّا أَنْ أَغْنَاهُمُ اللَّهُ وَرَسُولُهُ مِنْ فَضْلِهِ ۚ فَإِنْ يَتُوبُوا يَكُ خَيْرًا لَهُمْ ۖ وَإِنْ يَتَوَلَّوْا يُعَذِّبْهُمُ اللَّهُ عَذَابًا أَلِيمًا فِي الدُّنْيَا وَالْآخِرَةِ ۚ وَمَا لَهُمْ فِي الْأَرْضِ مِنْ وَلِيٍّ وَلَا نَصِيرٍ" لقد شهد الله ان هؤلاء قد كفرو ولكن لماذا لم يأمر الرسول بقتلهم.... المشكلة ان المتأسلمين لا يفكرون أصالة بل يفكر لهم رجال الدين نيابةً عنهم وهم يسيرون خلفهم كقطان الأغنام


#1030909 [بتاع بتتييخ]
0.00/5 (0 صوت)

06-10-2014 09:29 AM
ياكلاب انتو قدر بريطانيا واميركا ؟ خلاص اسيادكم قالو امرقوها يعنى تمرقوها وشريعتكم بتاعة السوقيين دي مش علي الناس بل على المساكين حتى منتسبنكم ما بطبقو عليهم الشرع شان كدا الله يخسف بيكم الواطة انتو وعلماءكم القوادين وكلابكم متاسلمين عفن

[بتاع بتتييخ]

#1030802 [الحسن والحسين]
5.00/5 (2 صوت)

06-10-2014 07:38 AM
ان شاء الله براءه

[الحسن والحسين]

#1030796 [على دينار]
0.00/5 (0 صوت)

06-10-2014 07:30 AM
https://www.youtube.com/watch?v=kWCDM3YbQFE _^..^_

[على دينار]

#1030793 [1320248aqz]
2.00/5 (3 صوت)

06-10-2014 07:25 AM
لسه كمان مصرين انو امها مسيحيه حسبي الله ونعم الوكيل عليكم

[1320248aqz]

ردود على 1320248aqz
[ود مليك] 06-11-2014 11:09 PM
انت لسة سكرتك ما فكت.

[خالد] 06-10-2014 11:49 AM
خليهم يصرو إنها مريم لكن في النهايه لما يوروهم نتيجة ال DNA نشوفهم حيعملو شنو الشئ المضحك في ناس بيتغشو من شوية صحفيين وكتاب عندهم أجنده خاصه وبمشو وراهم كالبهائم . وانا أتحدى أي زول لو كان من هيئة دفاع البت دي او صحفي او اي بشر يقدر يثبت إنو دي مريم والله العظيم اتحداهو

[السمندل يغني] 06-10-2014 11:10 AM
? وانت كيف تأكدت إنها أبرار ؟؟ هي لا تقرر بأنها أبرار.. ودفاعها قائم على أنها )مريم .. ووالدتها مسيحية .. والاستئناف سينظر في هذا ؟؟ لماذا تتحدث أنت بوثوقية؟؟


#1030756 [ساب البلد]
5.00/5 (1 صوت)

06-10-2014 05:07 AM
************* من البداية ليه قاضي واحد في قضية زي دي *********** برضو ما بحلكم غير تحكموا بالبراءة في النهاية ********* يلا النشوف شريعتكم *******

[ساب البلد]

ردود على ساب البلد
European Union [خالد] 06-12-2014 12:57 AM
أشكرك جدا أخ مأون علي سعيك ﻹثبات الحقيقه ودا يدل على إنك شخص متزن ولست منقادا كالعديد من الأشخاص . وتحب الخير للناس وربنا يوفقك ويثيبك.

European Union [ساب البلد] 06-11-2014 11:43 PM
******* شكرا اخي خالد بتكبد مشاق الرد و التوضيح ******* شكرا اخ مامون المامون و قضية ابرار او مريم اصبحت قضية راي (عالمي) المشكلة ما عندنا حكومة بتحل ولا بتربط عشان كده مع الضغط الحاصل الحكومة ما عندها غير تبرئ المتهمة و لو كانت مذنبة ***** شكرا علي تعقيبكم *******

United States [مأمون المأمون] 06-11-2014 07:46 PM
الأخ ساب البلد
أنا أعتقد كلام الأخ خالد دا منطقى جداً و هو يختلف عنك و هن جميع هؤلاء المعلقين -الذين يظنون أن هذه القضية تدخل فى لعبة حكومة و معارضة - لأنه يعرف المدانة أبرار شخصياً قبل أن تحدث هذه الكارثة و أنا أعتقد أن هذه القضية يجب أن تكون قضية كل من يريد أن ينحاز للحقيقة فالطرف الأضعف إعلامياً و الذى يحتاج فعلا للمؤازرة و المناصرة هو أسرة أبرار الهادى من قرية أم شديرة أما أهل الكذب و التحوير فهم أصحاب قصة مريم الأسطورة التى صنعها الزوج المزعوم مع المدانة بالزنا حسب حكم المحكمة التى لم تجد فيما حدث زواجا و لم يقدم لها الطرف المستقوى بالغرب أى دليل على صحة قصة مريم بينما قدم محامى أسرة أبرار الأدلة التالية:
1/ الموبايل الذى وجد مع شقيق الزوج المزعوم هو نفس الرقم الذى قدمته أسرة أبرار عند فقدانها و بموجبه تم القبض عليها مع زوجها المزعوم.
2/البصمة التى وجدت فى ملف جنسيته أبرار الهادى بالسجل المدنى بالقضارف تطابقت تماما مع بصمة الشخصية المختلقة مريم.
3/شهدت والدة أبرار - زينب عبد الله - أمام المحكمة (على اليمين )أن من تدعى أنها مريم هى أبنتها أبرار.
4/قدمت أسرة أبرار بطاقة إبنتهم الجامعية من جامعة السودان للعلوم والتكنولوجيا كلية علوم المختبرات.
5/ المدانة أبرار إدعت أن أسمها مريم يحى وأنها طبيبة تخرجت فى جامعة الخرطوم ونفت الجامعة بعد الرجوع لسجلاتها أن تكون قد درست بكلية الطب فيها من تحمل الإسم المختلق مريم يحى
6/لم يقدم الزوج المزعوم ودفاعه أى دليل يثبت وجود شخصية مريم يحى و اعتمد الدفاع على دحض أدلة الإتهام فقط.
7/ من ضمن ما اعتمد عليه الإتهام فى محاولات دحض أدلة الإتهام أن المدانة أخر مرة كانت معهم قبل رمضان الماضى حيث حضرت زواج شقيقتها و قيل أنها فى ذلك التاريخ كانت قد وضعت مولودها الأول وكان عمره أكثر من عام فكيف يمكن أن يتم ذلك و لا شك أنه من المستحيل أن تذهب به إلى أهلهاو ليس صعبا على الإطلاق أن تتركه مع أى امرأة أخرى مثلا مع شقيقة الزوج المزعوم و الذى قال بأنها هى التى عرفته على أبرار.
ومن ناحية أخرى فإنه من المعروف أن للأثيوبيين كنيستهم المعروفة فى العمارات وهم أرثو ذوكس و طالما أن مريم تبعت فى دينها أمها (المزعومة) الأثيوبية المسيحية فمعظم حضورها كان يجب أن يكون فى هذه الكنيسة و لكن الدفاع لم يقدم إلا شهودا من كنيسة كاثوليكية التى يتبع إليها الجنوبيون وبالتالى كان جنوبيا صرفا حضور زواجها ولم يكن به أى أثيوبى أو أثيوبية ليستعين به الدفاع لإثبات هذه الشخصية المختلقة عليه فشل الدفاع فى إقناع القاضى بعد أن منحته المحكمة الفرصة كاملة لإثبات زعمه بأنها مريم فصدر الحكم عليها باسم أبرار لذلك يجب على الأجهزة الإعلامية التى تتحرى الصدق أن تتحدث عنها بهذا الإسم

United States [خالد] 06-11-2014 06:49 PM
الله يسلمك اخوي بالنسبه لولدها دا حسب كلامها بنفسها عمرو الآن 3 سنوات وليس 19 او 20 شهر . النقطه التانيه نحنا شاكين إنو أصلا دا ماولدها او ممكن يكون ولدها بس دانيال دا ما أبوه وحنطلب تحليل الحمض النووي بالنسبه للولد والبنت . ومنو القال ليك نحنا ماقدمنا إثبات إنو دي ابرار ومال القاضي حكم على اي اساس؟ نحن قدمنا اول حاجه رقم البلاغ وتاريخه بالنسبه للفقدان ونفس رقم التلفون الفي البلاغ إتلقى عند غبريال وقدمنا صوره عائليه فيها ابرار وقدمنا بطاقة ترحيل فيها صورتها وقدمنا شهاده جامعية كمان فيها صورتها ومولانا خاطب السجل المدني القضارف وجابو ملف الجنسيه الخاص بيها كلو وفيهو صورتها وبصمتها وفصيلة الدم وكلها طلعت مطابقه وكان في شهود إثبات من الأهل والجيران والأصدقاء تاني نقدم شنو؟ صحيح هيئة دفاعها طالبت بالحمض النووي لكن القاضي شاف كل الإثباتات دي وكانت كافيه بالنسبه ليهو وهسي الإستئناف شغال وحيوروهم نتيجة الفحص الإتعمل بعد الحكم مباشره . وفي حاجه خليك عارفا إنو كم مره مولانا أجل الجلسات عشان يدي الدفاع فرصه يجيبو شهود او إثبات إنو موكلتهم هي مريم وماقدرو يجيبو حاجه وكان كل ماالقاضي يسألهم يقولو علي محامي الإدعاء وأسرتها ان يثبتو انها بنتهم . وكل كلمة قالتا البت دي طلعت كضب قالت درست طب في جامعة الخرطوم وطلع كضب . بعد شويه جابو شاهدين من الكنيسه يثبتو صحة الزواج وقالو البت دي بتتردد على الكنيسه من 2005 وهي بنفسها قالت كنت بمشي الكنيسه مع امي وانا صغيره لكن بعد ماتت بقيت مابمشي . ععموما سألتها المحكمه عن أهل او جيران او اي شخص يقدر يثبت إنك مريم ؟ وبرضوماقدرو يجيبو زول . وطبعا مامنطقي يكون زول نبت من عدم!!! البت دي لحدي هسي ماقدرت تثبت كلامها . الظريف في الموضوع جايبين قرابة ال 9 محامين وبعدا ما قادرين يثبتو شئ ﻷنه لايصح إلا الصحيح . تحياتي

European Union [ساب البلد] 06-11-2014 01:41 PM
*********** يا خالد حبابك و شكرا لسعت صدرك و شرحك ******* بس في حاجة غامضة يا اخي ***** ولد ابرار الكبير عمره 21 شهر يعني سنتين ****** و انا سمعت اخوها السماني بيقول انها جات زواج اختها قبل رمضان الفات يعني قبل سنة طيب ولدها دا كان وين ؟؟؟ ***** و عمره بالضبط كان 9 او 10 شهور ؟؟ ******* اذا افترضنا سابتو في الخرطوم وجات الاهل ما لاحظوا عليها اي تغير و خصوصا المراة بعد الزواج والولادة شكلها بتغير ؟؟ ***** الحاجة التانية انتو ما قدمتوا اي مستند يثبت انها ابرار شهادة ميلاد جنسية ... الخ ليه ؟؟؟ ******** الشي العارفو ما في اي مستند يثبت ذلك ******* علي العموم ربنا يحق الحق ******** تحياتي *******

United States [خالد] 06-11-2014 04:18 AM
عليكم السلام اخوي . بالنسبة لزواجها في 2011 دا كان في الفتره الهي جات فيها الخرطوم وقالت عايزه تحضر ماستر وبالمناسبه البت دي من دخلت الجامعه ما استقرت في القضارف وكانت بتمشي وتجي وبالمناسبه كمان فترتها الفي الجامعه قالو كانت مصاحبه 3 بنات مسيحيات على حسب كلام زملائها . وازيدك كمان إنها من سافرت الخرطوم للماستر بقت جياتها القضارف ماكتيره وكانت بتتصل بالتلفون فقط ومره اخدت سنه ماجات القضارف وجات بعدها لزواج اختها وبعد الزواج رجعت الخرطوم وبقت تجي من فتره لفتره . المهم قبل رمضان الفات قفلت تلفونها ومامعروف هي وين خصوصاﻷنها خلت الداخليه الكانت قاعده فيها ومن اللحظه ديك بدت رحلة البحث عنها ومتابعة التلفون . المهم قام محمد اخوها فتح بلاغ وبقى متابع رقم التلفون لحدي يوم ضرب محمد لقى التلفون شغال وردت ليهو ابرار بقى يكورك يا ابرار يا ابرار قالت ليهو انا ما ابرار انا مريم وقفلت الخط . طوالي قام بلغ النيابه إنو التلفون المسجل في البلاغ شغال وبدأت مخاطبة شركة الإتصالات (زين) وتابعو الرقم لحدي ما قبضو واحد إسمو غبريال كان شايل الرقم وعن طريقو قبضو ابرار ودانيال. معليش بريتك كتير والمجال مابسمح لكن عايزك تعرف حاجه أنا شخصيا بحلف جازم إنو دي ابرار ولو جابو مليون محامي والدنيا قامت وماقعدت أقسم بالله مافي زول يقدر يثبتإنها مريم والأيام بيناتنا والله إلا يلخبطو ال DNA ويزوروهو خصوصا الجماعه قالو مابيعترفو بالفحص في السودان ولازم يكون في المانيا . غايتو بصراحه الموضوع متشعب ومعقد ﻷنو عملتها كبيره والله يهديها بس . تحياتي

European Union [ساب البلد] 06-11-2014 01:34 AM
*********** خالد اخوي سلام و احترام ****** الزولة دي متزوجة من 2011 قبل 3 سنين ****** انتو فاتحين بلاغ قبل كم شهر و السماني القال اخوها قال فقدناها رمضان الفات يعني قبل سنة **** السوال السنتين ديل كنتو وين ؟؟؟ ******* القصة بقت اكبر من مريم و ابرار بقت راي عام دولي **** الحكومة عندها مصالح اخوي ما بتبدلها بمريم او ابرار غير المصالح الضغط من امريكا و المجتمع الدولي يعني ما ح يقدروا يعملوا حاجة غير يفكوها ****** و الامريكان قالوا اولادنا و امهم تحت حمايتنا ********** علي العموم خلينا نشوف ******** تحياتي *******

European Union [خالد] 06-10-2014 10:59 PM
عليكم السلام اخوي . إنت بتقصد شنو من بتاخدو الدعم من النصارى . يا اخوي انا ما ماسكا انا من اهلها للأسف . يعني نحنا الفتحنا فيها بلاغ وماحنخليها لو مسحوره نسأل الله يرجعها لصوابها وحنسعى في المسأله دي وجبنا شيخ يرقيها قبل الولاده بي يوم وهسي ترتاح شويه وتاني حنجيب الشيخ . أما لو وضح إنها مضغوطه من جهه اخرى دا بقى كلام تاني . وكلو بيظهر مع الزمن لكن حكاية إنها مريم دا محسوم بالنسبه لينا وحيتحسم بالنسبه لكل الناس قريب . ومسألة يفكوها ساي إنتا في وانا في وحنشوف . نصيحه ليك ماتشوت سايآخوي سمح ؟

European Union [ساب البلد] 06-10-2014 07:39 PM
*********** خالد سلام ان شاء الله طيب اخوي ******* اوباما ما ح يجي ******** لكن ح تفكوهاغصبا عنكم ********** ما تنسي انتو بتاخدوا الدعم (صدقة) من النصاري هيييييييييع ********

United States [خالد] 06-10-2014 11:21 AM
لعلمك المحكمه الإبتدائيه او محكمة الموضوع قاضي المحكمه بكون واحد اما في مراحل الإستئناف بتتكون المحكمهمن ثلاثة قضاة او اكثر وسيتم محاكمة هذه المرتده كغيرها من القضايا يعني ماحيعملو ليها قانون وتشريع جديد زيها وزي اي مجرمه وحاية براءة ساي ماف إلا تثبت براءتها فعلا وبإذن الله لو جا أوباما شخصيا ما حيفكها . عشان ماتصدعو بينا ساي


#1030745 [د/عنقالى]
2.00/5 (1 صوت)

06-10-2014 04:01 AM
الهيئة القضائية تمتلى بقضاة ضعاف نفوس من صنع وتربية سيئ الذكر جلال المحس فكل ما يصدر منهم من احكام وان صادفت الحق فهى محل تندر واحتقار من القانونيين الاحرار

[د/عنقالى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة