الأخبار
أخبار إقليمية
وزارة المالية تتوقع انخفاضاً في أسعار صرف العملات الأجنبية مقابل الجنيه
وزارة المالية تتوقع انخفاضاً في أسعار صرف العملات الأجنبية مقابل الجنيه
وزارة المالية تتوقع انخفاضاً في أسعار صرف العملات الأجنبية مقابل الجنيه


06-11-2014 01:51 AM
SMC الخرطوم



توقعت وزارة المالية والاقتصاد الوطني انخفاضاً تدريجياً في أسعار صرف لأسعار العملة الأجنبية مقابل الجنيه بعد الإجراءات الأخيرة التي اتخذها البنك المركزي لانخفاض سعر الدولار.
وقال وزير الدولة بوزارة المالية الدكتور عبد الرحمن ضرار إن بنك السودان المركزي يسعى لتخفيض سعر الدولار عبر تقليل السيولة في الأسواق للحد من زيادة التضخم بجانب ضخ النقد الأجنبي وترشيد استخدامه وتوفير احتياجات المصارف من النقد الأجنبي و توجيه الموارد لتمويل القطاعات الإنتاجية بغرض تحقيق التوازن الاقتصادي وحظر تمويل العربات بكافة أنواعها وحظر تمويل الأراضي والعقارات، مضيفاً باستثناء تطوير الأراضي لأغراض زراعية.
وأشار إلى أن الجهود المبذولة ستعمل على إحداث انخفاض تدريجي لأسعار النقد الأجنبي وبالتالي ستعمل على زيادة الإنتاج وتوفير العملة الأجنبية بالبلاد.


تعليقات 28 | إهداء 0 | زيارات 9728

التعليقات
#1032668 [san]
2.00/5 (1 صوت)

06-11-2014 09:18 PM
توقعات وزارة المالية أصبحت زى توقعات اﻷرصاد الجوي في السودان ، بس لو أقدر اعرف المصبرنا وجابرنا عليكم شنو ، مربطنا عند فكي ولا شنو ، ولا طبقت دخان البنقو الملت جو السودان أثرت في المتعاطي و جار المتعاطي

[san]

#1032499 [man]
1.00/5 (1 صوت)

06-11-2014 05:23 PM
من الاخر كدة مافي اقتصاد يمكن اصلاحه بقرارات ملزمة للبعض ومعفية للبعض الاخر عشان كده كلام الجرايد خلووه ما حينفع ولا حيشفع . عشان كده الحل في ((الحل))

[man]

#1032424 [هوج الرياح]
3.50/5 (2 صوت)

06-11-2014 04:13 PM
زيادة انتاج ...... وصلاح المرضى " صلاح المرض " موجووووووود!!!!!!!!!!!


زيادة انتاج و50كجم سماد يساوى سعرها 300الف جنيه


زيادة انتاج و1كيلو تقاوى طماطم يساوى 20 مليون .تصدقوا الكلام دا !!! لا تستغربوا التقاوى اسمها

الجود ونوع آخر اسمه امانى ، لاحظ الاسماء ، معباة فى مظاريف زنة المظروف 5 جرام وسعره 120الى

130الف ، طبعا مافيش زول بيصدق الكلام دا . اسألو سوق التقاوى فى بحرى او الخرطوم المركزى.

زيادة انتاج وتكلفة الفدان من محصول القمح الموسم السابق اتنين مليون ونصف المليون .تغطيه عدد

7جوالات قمح هى متوسط الانتاج ليطلع المزارع "ميطى "ويعزف عن زراعته لو بقى حيا الموسم الفادم.

زيادة انتاج وكل ادارات المشاريع صدر لها تعميم ان يكونوا " بياعين موية" فقط .اى جباة ،

يتركونك تزرع بعد ان "تتبلكد" جاى وجاى تحضر كل مطلوباتك بنفسك ، اذا انتجت ، انتطرك بتاع

الضرائب والزكاة ، والديون السابقة ، ليذلوك ويأخذوا ما انتجت .لتذهب البيت صفر اليدين .

والاغرب ان الضرائب والزكاة لا تراعى ولا تحسب تكلفة . فى المليان بس .

[هوج الرياح]

#1032314 [حسن شاش]
3.00/5 (2 صوت)

06-11-2014 02:42 PM
تديرون الإقتصاد بعقلية سماسرة برندات السوق العربي لكن توقعاتكم دايما ضاربه

[حسن شاش]

#1032260 [الجاك جاك]
3.00/5 (1 صوت)

06-11-2014 02:12 PM
توقعاتهم دي يا سادة تعني ان هنالك ارتفاع قااااادم.العمرةواقتراب شهر رمضان والعيد والحج. وارتفاع السلع بالاسواق يعني الحكاية نظام تمهيد الراي العام.زي موضوع الوالي مع العاطلين . الي متي يكون المواطن سازج. ما كفاية 25 سنة كذب وخداع.والا صحي قالوا السكران والمسطول ما بيشعرو بالبنج.

[الجاك جاك]

#1032227 [ود الريف]
1.00/5 (1 صوت)

06-11-2014 01:55 PM
توقع واحلم كما تريد الدولار سيبلغ ال 20 الف ولن يعود وانت خليك منتظر زيادة الانتاج و ترشيد الصرف. هذيان و اضغاث احلام

[ود الريف]

#1032193 [د. محمد عبد الرازق سيد احمد]
5.00/5 (1 صوت)

06-11-2014 01:24 PM
بسم الله الرحمن الرحيم


كضبا كاضب ... اكثر مسؤلي نظام الانقاذ من الكذب .. ولا نهاية له الا بنهايتهم القريبة ان شاء الله
لان حرمة المال العام منتهكه وكرامة السودان والسوداني غير مهمه .. المهم هو بقاءهم في السلطة ولو بالتحايل وادعاء الحوار والأكاذيب المستمره .. وكان اجدر ان يركزوا علي النظافه الشخصيه قولا وعملا وانتهاج برامج اصلاحيه .. ولكن مع الاسف .. هم كانوا ولخمسة وعشرون عاما هكذا .. ويريدوا ان يستمروا .. لزمن قادم ..ولكن لا الصبر ولا الوقت ولا اساليبهم في صالحهم.. وغدا سنري تضاعف سعر الصرف .. ويمها سنرجع .. صاحب التصريح .. ونقل له : الم تقل .. سينكر ..حتي يصل وصحبه الي سؤال منكر ونكير ..القادم ان شاء الله .

[د. محمد عبد الرازق سيد احمد]

#1032167 [abutilal]
4.00/5 (1 صوت)

06-11-2014 12:57 PM
الدكتور عبد الوهاب عثمان وزير الماليه الاسبق كان اهتمامه منصبا علي ثبات العملات الصعبه وكان لا يجامل في ذلك احد مهما علا شانه حيث اتسم عهده بتنفس الصعداء للجنيه السوداني راجعوا سياساته الاقتصاديه والنقديه وكفي الله المؤمنين القتال والف رحمه لدكتور عبد الوهاب عثمان

[abutilal]

#1032083 [البعاتي]
5.00/5 (6 صوت)

06-11-2014 12:01 PM
الدولار يا فارة يا كدندارة شتت شتات خالي محطات نهي فرملات

[البعاتي]

#1032082 [قبضت الريح]
5.00/5 (1 صوت)

06-11-2014 12:01 PM
نسمع فيي الاسطوانه من سنين والجنيه السوداني ماشي فيي انخفاض مستمر امام العملات الصعبه واذا استنمر هذا النظام الفاشل فيي السلطه سيصل الدولار الي عشرين جنيه قريبا وعليه نهيب بجميع افراد الشعب السوداني البطل القيام بعصيان مدني منظم مع انتفاضه عارمه لازاحة هذا النظام وتشكيل حكومه انتقاليه تقوم بوضع دستور ومفوضية انتخابات لتجري انتخابات حره ونزيهة وتاتي بحكومه لديها قبول واعتراف وانفتاح للعالم الخارجي حتي نتمكن من حل المشاكل التي يعاني منها الوطن

[قبضت الريح]

#1032071 [ابو ابراهيم]
3.00/5 (2 صوت)

06-11-2014 11:54 AM
بنك السودان فتح باب إستيراد السيارات على يتم سداد هامش قدره 100% من خطاب الإعتماد و بالعملة الصعبة يعني زيادة في الطلب على العملة الصعبة في السوق الموازي مع قلة المعروض و برغم ذلك يتوقع السيد وزير الماليةإنخفاض أسعار العملات الصعبة هل هذه نظرية جديدة غير قانون العرض والطلب الذي نعرفه أيها الوزير المحترم؟

[ابو ابراهيم]

#1032062 [هارون]
4.50/5 (2 صوت)

06-11-2014 11:44 AM
الخبر اليقين: اتوقع ارتفاعا تدريجيا في مناسيب النيل الابيض والازرق خلال شهري يوليو واغسطس القادمين.

(خبير اقتصادي استراتيجي متفائل)

[هارون]

#1032037 [زول سوداني]
1.00/5 (1 صوت)

06-11-2014 11:15 AM
كلام صحيح مائة في المائة .. لانو امبارح مؤشر القطن السوداني في وول ستريت ارتفع بحوالي 4% نسبة للزيادة الكبيرة في ارتفاع اسعار القطن في السوق العالمي .. والجدير بالذكر انو الولايات المتحدة الامريكية انها صرحت بانها حتشتري الصمغ السوداني باي ثمن نكاية في المانيا ..
طززززززززززززز فيك ياوزارة المالية السودانية وفي وزيرك اكبقر سماسرة الدولار في البلد الماعندها وجيع دي :::::::::::::::

[زول سوداني]

#1032021 [العوض]
3.00/5 (1 صوت)

06-11-2014 11:03 AM
اي واحد عندو دولار ريال دينار يمسكوا عندوا الناس كضابين ومنافقين وخراطين وظراطين وشغلهم كلوا توقعات

[العوض]

#1031997 [ابو وليد]
3.00/5 (2 صوت)

06-11-2014 10:54 AM
من 2011 قاعدين نسمع في لالكلام الفاضي ده من كل وزراء المالية المتعاقبين والنتيجة و لاشي كان من الافضل العمل في صمت حتي الناس تشوف بيان بالعمل بدلا من هذه التصريحات التي اصبحت مسخرة.

[ابو وليد]

#1031994 [الارشيدوق]
3.00/5 (2 صوت)

06-11-2014 10:53 AM
يارب تخلصنا من الحراميه الظلمة ديل

[الارشيدوق]

#1031974 [Abdul]
3.00/5 (2 صوت)

06-11-2014 10:41 AM
ههههههههههه كوز شاطر .

[Abdul]

#1031904 [جركان فاضى]
2.50/5 (4 صوت)

06-11-2014 09:54 AM
يا اخى فى انتاج فى دولار...مافى انتاج كان دولارك غطيت بيهو راسك بتنكشف كرعيك...وكان غطيت بيهو كرعيك بنكشف راسك...وماتجى تقول لينا كان الملاح شوية ما تملحوا بيه الكسرة...خلوه للقراصة...اها جيب القراصة برضو الملاح شوية...هو ملاحك شوية وبس...دا بصلتو خفيفة وويكتو حتة

[جركان فاضى]

ردود على جركان فاضى
United States [جركان فاضى] 06-11-2014 06:03 PM
يا ابوجاكومة يا حبيبى ...تحية طيبة...المغترب ليس كالقاعد فى البلد...وفضلنا المغتربين على القاعدين درجة...المغترب عندو جنحين بطير بيهم...اما القاعدون فما عندهم ريش....المغترب اول ماسخنت يطلع تذكرة طيارتو ويطير الى حيث اماكن الترطيبة...اما القاعد فيواجه كريهتين...معاناة الحياة...وقلة ادب المؤتمر الوطنى
ويا كاكا يا حبيبى...تحية طيبة...طول ما البشير حاكمنا فنحنا ناس فاضين لا معنى لنا

[كاكا] 06-11-2014 04:40 PM
هو جركان فاضي يكون مغترب كيف اومال لو كان جركان مليان كان حيكون رجل اعمال خليجي

[ابو جاكومه ..ديم السلك] 06-11-2014 12:38 PM
انتو يامغتربين تاكلوا بارده ماتاكلوا حاره .. ضربه فى الصميم مع نزول المغتربين اوقف تمويل البنوك والدولار نازل والويكه مرتفعه واللحمه مرتفعه تعالوا اكلوا معانا شوية بوش وسلطة طمام بالدكوه .. والله مساءله انتا لغاية دلوقت جركانه فاضيه والله انتا مسكين ......


#1031893 [أبو قنبور]
3.63/5 (4 صوت)

06-11-2014 09:46 AM
ههههههههههههه هاهاهاهاهاهاهاهاهاهي هي هي هي هي هو هو هو هو

[أبو قنبور]

ردود على أبو قنبور
[أبو قنبورين] 06-11-2014 04:37 PM
صحيح إن شر البلية ما يضحك.
كلما يقولوا لي سعر الدولار زاد، أقول بنك السودان اتخذ إجراءات جديدة لخفض سعر الدولار.
بس السوق يطلع لسانه، سوق متخلف وقليل أدب.


#1031891 [Omaro]
1.00/5 (1 صوت)

06-11-2014 09:45 AM
تصريح غبى , تصريح زول ما عارف شغلو , تصريج زول فاكر الناس كلها ما بتفهم ... العملات تنخفض بناءا على شنو ؟؟ قراراتك الهزيلة زات النظرة الضيقة القصيرة دى أها نحنا لا سحرة ولا شئ ,, لا حينزل و لا حاجة طالما أنت فى ... و أنت فى و نحن فى

[Omaro]

ردود على Omaro
European Union [غباشة] 06-11-2014 05:26 PM
كلام جرايييييييد بس… كضب في كضب دددددددددل شخ


#1031879 [داوودي]
1.50/5 (2 صوت)

06-11-2014 09:37 AM
يا جماعة الصيف مواعيد اجازات وهم عارفين في مغتربين كتيرين بقضو الاجازة مع الاهل فاكيد بكون معاهم عملة اجنبية بفكوها بالسعر المنخفض دا ، ويا وزير ماليتنا الهمام معروف كيف ترفع قيمة عملتك ، لكن توقعات (( شختك بختك ))دي قولا لواحد ما عندو حديدة هههههههاي

[داوودي]

ردود على داوودي
European Union [ابو ابراهيم] 06-11-2014 02:35 PM
في زول عندو عملة صعبة والدنيا صيف هل برضو حيجي يقضي إجازته في السودان؟ يبدو أنك لم تغترب قبل كده يا داوودي


#1031806 [النفيعابي]
2.00/5 (2 صوت)

06-11-2014 08:28 AM
مثل هذه التصريحات دائماً يتبعها ارتفاع في سعر الدولار .نفسي اصدقكم ولو مرة واحدة. الدولار لن ينخفض والأيام ستثبت لكم

[النفيعابي]

ردود على النفيعابي
[أبو قنبور] 06-11-2014 04:44 PM
تصدق شنو يازول؟ إت ماك نصيح؟ بنيت الإنقاذ على خمسة أركان أولها الكذب، والباقي معروف.


#1031787 [مريود]
3.00/5 (2 صوت)

06-11-2014 08:07 AM
بعد ما ذبحتم الثور ( السودان )

الباقي تكسروا الزير ( المجتمع)

البصيرة أم حمد...ي

[مريود]

#1031778 [hassan]
4.00/5 (2 صوت)

06-11-2014 07:48 AM
حلم الجعان عيش

نشوف يا وزير المالية

احلامك دي حدها شنو

وحبل الكضب قصير

الدولار في وانت ونحنا في

[hassan]

#1031753 [bahaa]
5.00/5 (2 صوت)

06-11-2014 06:56 AM
توقعات ام دراسات

[bahaa]

#1031750 [abood]
2.00/5 (1 صوت)

06-11-2014 06:49 AM
عليكم الله ؟ غصبا عنكم كراعكم فى رقبتكم عا تجيبو القروش السرقتوها او العيدان ما فى خيار تانى

[abood]

#1031724 [مراقب]
5.00/5 (1 صوت)

06-11-2014 03:04 AM
طيب صدقناك يا ود نفاش, نكاتكم بايخة يا الكيزان.

[مراقب]

#1031718 [سجمان]
4.00/5 (2 صوت)

06-11-2014 02:43 AM
ها ها ها هااااااااااااااااااا

[سجمان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة