الأخبار
أخبار إقليمية
والي الخرطوم يوجه بتوفيرالمياه بالتناكرللأحياء
والي الخرطوم يوجه بتوفيرالمياه بالتناكرللأحياء


هبت ثورة الإنقاذ
06-11-2014 10:35 AM
الخرطوم: عازة أبوعوف
وجه والي الخرطوم عبدالرحمن الخضر هيئة مياه الولاية والوحدات الإدارية بتوفير المياه عبر التناكر للأحياء التي تعاني شحاً بصورة يومية ومجاناً لحين اكتمال الآبار ذات الإنتاجية العالية بمناطق حي النصر والمناطق الأخرى، وأعلن عن دعم مالي لإنفاذ البرنامج الإسعافي للمياه وقطع بعد وجود مشكلة في مصادر المياه النيلية والجوفية، كاشفاً خلال زيارته لمحلية جبل أولياء عن تطيبق برنامج لترتيب الأوضاع في النظافة خلال الأيام القادمة، وتعهد بتوفير آليات إضافية لفصل الخريف.
وفي السياق كشف نائب الوالي صديق الشيخ عن افتتاح مكتب لمعالجة القضايا القانونية المتعلقة بالأراضي خاصة وأن المحلية تعاني من مشكلة التداخل في الأراضي السكنية والزراعية.

الجريدة


تعليقات 16 | إهداء 0 | زيارات 4488

التعليقات
#1032766 [ابوسحر]
5.00/5 (1 صوت)

06-11-2014 10:47 PM
المشكلة رمضان حيجي والناس عطشانة بدون موية ونفس الوقت وغرقانة من السيول والامطار

[ابوسحر]

#1032529 [Rihana]
5.00/5 (1 صوت)

06-11-2014 04:52 PM
ده مويه يشربوها؟ الحمدلله انا م في السودان...عاصمه دوله يسقي شعبه بتناكر وكارو وحمار ياحمااااااااااااااار.وين ميزانية الدوله ووين اموال الدوله.ياعالم ياناس ياجماعه انا دمي فائر.والله الارهابيين ديل قاصدين يمرضوكم .يعني لو ماكان في نهر النيل و قاسم السودان لنصفين كانو عملو شنو؟ وانشاالله اثيوبيا تسدها عشان نموت مره واحد وسببها تكون عطش بدلا من يكون سببها مرض.

[Rihana]

#1032528 [ِAburishA]
5.00/5 (1 صوت)

06-11-2014 04:51 PM
موية مافي..موية قاطعة..موية ملوثة..موية مرة..موية غبشا..موية طين..موية مالحة..

** غايتو في التانكر الواحد الملح ده الوالي يقعد يتفسح بيكم..كأنه جاب ليكم موية زمزم !!!

[ِAburishA]

#1032505 [Quickly]
5.00/5 (1 صوت)

06-11-2014 04:28 PM
حلوة مجاناّ دي امال بقروش ؟؟؟!!!!!!!!!

[Quickly]

#1032426 [salih]
5.00/5 (1 صوت)

06-11-2014 03:14 PM
حن ريفي بحري شمال وبالتحديد ام القري شمال الذاكياب جنوب القوز يتعارض نائب الدائرة المحلي م.العوض في توصيل مياه الشرب للمواطنين ولا متابعة لقضية من النواب المنتخبون الاخرون والوالي حيث يضرب العطش هذه المنطقة بالرغم من تبرع السيد المعتمد بمبلغ ثمانية الف جنيه الا ان هنالك تقاعس في التوصيل بالرغم من احضار المواسير ولحامها الا ان المعرضة حدثت منه عندما اريد توصيلها ودفنها هذا هو ممثل اهل القرية لا خيرا منه يرجي ولا كفاية شره

[salih]

#1032406 [salih]
5.00/5 (1 صوت)

06-11-2014 03:00 PM
ونحن ريفي بحري شمال وبالتحديد ام القري شمال الذاكياب جنوب القوز يتعارض نائب الدائرة المحلي في توصيل مياه الشرب للمواطنين ولا متابعة لقضية من النواب المنتخبون الاخرين والوالي حيث يضرب العطش هذه المنطقة منذ زمن بالرغم من تبرع السيد المعتمد بمبلغ ثمانية الف جنيه في الشهر السابق الا ان هنالك تقاعس في التوصيل بالرغم من احضار المواسير ولحامها الا ان المعارضة حدثت منه عندما اريد توصيلها ودفنها هذا هو ممثل اهل القرية لا خيرا منه يرجي ولا كفاية شره فنأمل من الوالي النظر في الامر

[salih]

#1032391 [ابومصطفي]
5.00/5 (1 صوت)

06-11-2014 02:43 PM
لينا اكثر من اربعه سنوات نسمع عن الخطه الاسعافية لحل مشكلة مياه الشرب وعن ابار يتم حفرها لحل المشكلة والحال في حالة كل عام تتكرر وفي نفس لفترة قبل دخول رمضان لاتوجد جديه في حل مشكلة المواطن وتوفير اقل متطلباتة ونسمع عن اموال تصرف لحصاد المياه والسدود والمواطن السوداني في معظم بقاع السودان يعاني في الحصول علي مياه شرب نظيفة اوقفوا تخبط السياسات وطموح الحالمين من الوزراء الغير المؤهلين لادارة البلاد والله يكون في عون الشعب السوداني

[ابومصطفي]

#1032390 [البعشوم]
5.00/5 (1 صوت)

06-11-2014 02:40 PM
الحكومة براها البتدخّل في الاراضي ؟؟

[البعشوم]

#1032373 [madibo]
5.00/5 (1 صوت)

06-11-2014 02:25 PM
اجد نفسي اشد الاستغراب من أمر هذا الوالي المتخلف هو وحكومته لماذا يصر ان يسقي مواطنه من مياه ملوثة ويصيبه بأمراض فتاكه لايوجد لها علاج وعنده نيل حدادي مدادي اي واليا هذا وبعد ان يقتل الشعب من يريد ان يحمك

[madibo]

#1032372 [جنرال زمان]
5.00/5 (1 صوت)

06-11-2014 02:24 PM
معذرة يا راكوباب تعليقي عن موضوع آخر بس هو متعلق بالوالي التعيس دا. طبعاً أي حد عارف موضوع شيخ الجكسي بتاع ود البنا ومطالبة ناس ود البنا وبيت المال بإغلاق الماخور بتاعه اللي عامل إزعاج وطبعاً إلي الآن ما حصل شئ وساقيته مدورة. عايز أقول لناس ود البنا وبيت المال واطاتكم أصبحت, قولوا لي كيف؟ أقول ليكم، في نشرة أمس التلفزيونية جء فيها أنه رئيس السودان أرسل رسالة لرئيس دولة الأمارات المتحدة وقام حامل الرسالة بتسليمها لولي عهد الأمارات. حلو، طيب جابو المقابلة وكان حامل الرسالة الفريق شرطة طه سكرتير الرئيس ومعاااااااااااهـ مييييييييين؟ معاه الخايب بتاع الزاوية اللي إسمه الأمين واللي ناس ناس ود البنا وبيت المال مطالبين بطرده؟؟؟ أها بعد نقول شنو وبأي صفة ذهب هذا المأفون في وفد رسمي كهذا؟ رجاء اللي عنده تفسير يفسر لنا ولا عزاء للجماعة إلا بعد دا يأخذوا حقهم رجاااااااالة كدا .... ويا حليل السودان اللي كان زمان

[جنرال زمان]

ردود على جنرال زمان
European Union [رأفت محمود] 06-11-2014 05:47 PM
شيخ الامين لسانه يعف عن الاساءة لغيره دعوه وشانه وذهابه شرف لتمثيل السودان


#1032294 [بومدين]
5.00/5 (1 صوت)

06-11-2014 01:27 PM
ماري انطوانيت ملكة فرنسا وزوجة الملك لويس السادس عشر ..
صاحبة المقولة المشهورة ( إذا لم يكن هناك خبزاً .. لماذا لا تعطوهم بسكويتاً ) !!.

الناس الـعـطشآنه دي .. مـا تشـــرب بســـتي كــولا ؟؟.

وللـقـصـه بقـية .. ومـغـزي
ــــــــــــــــــــــــــ
أعدمت أنطوانيت في 16 أكتوبر 1793 م .. بعد أن اقتيدت بعربة مكشوفة دارت بها في شوارع باريس حيث رماها الـثوار بالأوساخ وكل ما يقع تحت يدهم ، وقصوا شعرها الطويل ثم وضعوا رأسها الصغير في المكان المخصص في المقصلة ( الجيلوتين ) وهوت السكين الحادة فأطاحت برأسها في سـلـة الـقمـامـة ؟؟!!.

[بومدين]

#1032235 [شفقان]
5.00/5 (1 صوت)

06-11-2014 01:01 PM
إن بقاء هذا القذر في منصبه كوالي بعد فضائح الفساد التي طالته وطالت مقربين منه وما تلى ذلك من تخبط في محاولة التستر على الجرائم والإلتفاف حول القوانين لمؤشر واضح الإشارة و دليل قاطع الدلالة على مدى تجذّر الفساد في أوساط صانعي القرار في بلدنا المأزوم بهم وتشعبه في كل مفاصل الدولة. وعندما يجدد البشير كبير لصوص الدولة، المتهم بالثراء الحرام والسطو على أموال الدولة بجانب تهم متعلقة بالتطهير العرقي والقتل، عندما يجدد هذا البشير ثقته بالقذر والي الخرطوم، الذي بدا جلياً للقاصي والداني فساده، إنما يعبِّر عن ثقته بأن أي مساءلة لهذا القذر ستطاله شخصياً وستطال مقربين منه نسباً أو شراكةً في الجرائم التي أصبحت مكشوفة للشعب. المحاسبة القانونية والأخلاقية لن تقف عند الفاسدين والمفسدين وإنما ستطال أيضاً الشياطين الخرص الذين هم أدرى بفساد هؤلاء السفلة المنحطين بحكم قربهم منهم. فقربهم من هؤلاء وتعاملهم معهم يعتبر تكتماً على الجريمة ومساعدة المجرمين معنوياً بالترويج والدعاية لهم، أو مادياً بتمكينهم من وسائل السلطة ومساعدتهم على توسيع هذه السلطات وتقويتها. وهذا يعني أن علي عثمان مثلاً لن يعفيه من المساءلة القانونية كشف مرتبه الشهري أمام البرلمان، فإذا كان أهل مكة- يا علي عثمان- أدرى بشعابها( جملة تعرفها جيداً) فأنت بالأحرى أدرى بفساد البشير وهذه حقيقة ملزمة لك قانونياً وانت رجل قانون، وأدبياً وأخلاقياً، فتحلل بكشف بمعلوماتك قبل أن نحللك نحن وإن كنت تؤمن بالله وبرسوله فهي أمانة و ستحاسب عليها. وما قيل عن ولعلي عثمان يمكن قوله عن ولكثيرين ممن أظنُّ فيهم شخصياً خيراً. فالأولى والأحرى بهم أن يريحوا ضمائرهم ويصفُّوا صفحاتهم قبل أن يدركهم اليوم الذي "لاَّ بَيْعٌ فِيهِ وَلاَ خُلَّةٌ وَلاَ شَفَاعَةٌ" (البقرة254) "الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ"(الزخرف43) "وَاتَّقُوا يَوْمًا لَا تَجْزِي نَفْسٌ عَنْ نَفْسٍ شَيْئًا وَلَا يُقْبَلُ مِنْهَا شَفَاعَةٌ وَلَا يُؤْخَذُ مِنْهَا عَدْلٌ وَلَا هُمْ يُنْصَرُونَ" (البقرة 48)

[شفقان]

#1032213 [ساب البلد]
5.00/5 (2 صوت)

06-11-2014 12:44 PM
******** يعني لحدي ما مات الشاب ******** من زمان كنت بتعمل في ايه ؟؟؟ ******** بلد فيها نيلين يقولوا ليك ابار ******** الخدر عايز يتحلل ****** برضو ما بحلك ********

[ساب البلد]

ردود على ساب البلد
European Union [ساب البلد] 06-11-2014 11:15 PM
*********** اختي العزيزة رانيا سلام من الله ****** ضيوفكم مبالغة كان تستغلي كرعينهم الحارة دي في كوي الملايات و الستاير قبل ما يمشوا ههههههههه ****** يا اختي ما في مقارنة بين مهاجرنا و بلدنا الحبيب و دي الحاجة البتفقع المرارة ******** غايتو ربنا يحلنا من الكيزان ******** مودتي *******

[رانيا] 06-11-2014 02:29 PM
ما دي الحاجة الما ممكن أي يعقل يصدقها .. كيف بلد النيل وكيف الناس عطشانة !! مهزلة المهازل! قبل فترة كان في ضيوف جايينا من السودان وفي نفس الليلة حصل عطل عندنا في البيت وإتقطعت الموية وما عرفنا نتصرف لأنه أصلا شئ غير متوقع وما مخزنين براميل موية للإحتياط كما يحدث في السودان ..( الجماعة كوراعم مكوةههه ) المهم زوجي في الليل داك إتصل بناس الموية ومافي دقائق إلا و تانكر قد الدهية ركن قدام بيتنا ومدونا بالموية( في الخط )إلى أن صلحوا العطل وعادت ( المياه إلى مجاريها ) .. هو يا أخي الكلام في الإهتمام .. إنه دول بشر والماء ده أساس كل شئ حي لكن عندنا آخر همهم الإهتمام بالمواطن . مساكين ناسنا في بورسودان كل سنة يتمنوا يمدوا ليهم من موية النيل لكن عبث !! ده ذي عشم إبليس في الجنة . ولناس العاصمة وما جاورها بقول .. قلبي معاكم ..
عاطر التحايا يا أخي .


#1032206 [محمد]
5.00/5 (1 صوت)

06-11-2014 12:36 PM
يشهد الله في ناس داخل الخرطوم وبمسافة 7 دقيقة لمطار الخرطوم الآن يشتروا الماء الجوز ب‏(‏2‏)‏ جنيه و (3‏)‏ جنيه ، لماذا هذا الظلم ؟ ولماذا لم يراعوا ظروف الناس بهذا التوقيت مدخل الرمضات والسلعة الإستهلاكية في زيادة كبيرة والناس في غاية من التوتر لماذا هذا السياسة أليس يوجد إنسانية لأقصى درجة !!؟

[محمد]

ردود على محمد
[رانيا] 06-11-2014 02:32 PM
بالله إذا دي ميزانية الموية بس طيب الباقي كيف حيقضّوه .. المعيشة والمواصلات والكهرباء وحسه رمضان داخل ... بجد الله يعين أهلنا في السودان وكل شعبنا الحبيب الغالي .


#1032147 [المهندس سلمان إسماعيل بخيت على]
5.00/5 (1 صوت)

06-11-2014 11:43 AM
لحين اكتمال الآبار ذات الإنتاجية العالية بمناطق حي النصر والمناطق الأخرى
بس لينا طلب ياوالى الخرطوم أول البئر ما تكتمل تشيلوا عينة تحللوها لو لقيتوا مويتها صالحة ويمكن بتجريع جرعات كلور فقط تصبح صالحة للشرب أشبكوها مع شبكة مياه الحى وزودوا بها المواطن لكن لو لقيتوا فيها نسب مرتفعه من زرنيخ ونترات ونتريت وكبريت وخفه أستحلفكم بالله أغلقوها نهائيا حتى تتوفر لديكم إمكانيات لإنشاء محطات كعالجة صغيرة لكل مجموعة آبار وإلا فالعطش أفضل من السرطانات والفشل الكلوى واصلهم سكان الأحياء الفقيرة دى مقاومتهم ضعفيه جدا
خافوا الله ولو مياه الابار دى ضخت للمواطنين دون تحليل بايولجى كيميائى فيزيائى وإشعاعى لمعرفة حجم النظائر المشعة تكون إرتكبت يا الخضر جريمة تفوق جريمة فساد الأراضى بملايين المرات
فى قضية الخضر قيت المجنى عليه قطع أراضى إستثمارية
فى هذه القضية المجنى عليه هو المواطن رأس الرمح فى العملية الإستثمارية
السويتوه زمان كله كان خالى من مخافة الله
صلحوا العمل فيما تبقى لكم من أيام علها تشفع لكم

[المهندس سلمان إسماعيل بخيت على]

ردود على المهندس سلمان إسماعيل بخيت على
European Union [بيكانتو] 06-11-2014 12:31 PM
بالله عليك يا مهندس يحفر بئر عشان شنوا النيل الابيض غرب و النيل الازرق شرق ، ممكن يعمل محطة مياه جوار ترعة جبل الاولياء او على النيل الازرق فى المسعودية و يمدها لتغطية جنوب الخرطوم


#1032100 [قوز دونقو]
5.00/5 (1 صوت)

06-11-2014 11:10 AM
كالعيس (كالعير) في البيداء يقتلها الظأ و الماء فوق ظهورها محمول ؟؟؟




فلو كان رمحا واحدا لاتقيته . . . ولكنه رمحٌ وثانٍ وثالث

نيل يجري من جنوب البلاد إلي أقصي شمالها و أنهار ترفد النيل شرقا و غربا و أمطار موسمية تكاد تغرق (الخرطوم نفسها)) و ينادي الوالي الخضر بري أحياء الخرطوم بالتناكر و (الكاروات) ؟؟ و ما ينسي (الخرج) الذي يحمله الحمار (مثلك ) مع الإعتذار للقراء الكرام؟؟؟
الله ليك يا بلد ساستك لا يذهب تفكيرهم أكثر من موطأ أقدامهم ؟؟؟؟

[قوز دونقو]

ردود على قوز دونقو
[رانيا] 06-11-2014 02:46 PM
قبل يومين فتحت تلفزيون السودان . كان في شاعر ( وأنا ما عارفاهو كان شاعر بإيه ...) ومعاه شاعرات حسناوات وبسمع لك في صوت المعزة مااء مااء.. التصوير كان في الخلا . أنا إستغربت . شوية كده قال هو " مخصوص " قصد إنه الغنماية تكون موجودة وبأصواتها وقعدتهم في السهلة عشان الجو يكون من "الطبيعة" . خلاصة كلامي إنه يا عزيزي في ناس ما عايزة تعيش إلّا كده يعني ما عايزين يتطوروا وعاجبهم الحال وبيفتكروا إنه ده المفروض يحصل !! ومع الأسف مسؤوليننا من هذه الطينة..عالم عايشة عيشة البداوة وما عايزين يتحضروا أبدا لذلك حيفضلوا كده وما حيحاولوا يقدموا أي خدمة للبلد أو المواطن لأنه " ما بتفرق معاهم " !

تحياتي قوز .

United States [Rowian] 06-11-2014 12:38 PM
قلت لسائق التاكسى المصرى معقبا بعد ان عرفت ان كل مياه القاهرة عذبة المزاق: انا اسكن على مرمى حجر من النيل ولكن المياه تاتى من بئر مرة المزاق !!! فرد السائق بسرعة فائقة (ما اصدقش) !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة