الأخبار
أخبار إقليمية
جاتكم 60 داهية
جاتكم 60 داهية



06-11-2014 05:49 PM
كمال كرار

كلما ساء الوضع الاقتصادي بفعل الانقاذ الفاسدة قالت وزارة النفط نحن هنا .. والمقصود ليس الشعب السوداني الذي خرج من مولد البترول بدون حمص بل المقصود تطمين السدنة وحرامية البترول من هجليج الي العرشكول .

أما الجديد لدي وزارة النفط هذه المرة فهو حوض بترولي ضخم يمتد من تندلتي إلي الخرطوم ونهر النيل -عيني باردة -وهو اكتشاف جديد قالته شركة برازيلية مغمورة لسدنة وزارة الطاقة فصدقوها ومنحوها حق الاستكشاف والتنقيب والذي منه وقالوا للغلابة أرجو البرازيليين في الكريبة .

ولا ندري هل تشمل بنود الاتفاقية الجديدة إلتزام الشركة البرازيلية لسدنة الوزارة بتوفير تذاكر مجانية لكأس العالم بالبرازيل ام لا !
وما قالته الوزارة أيضا ان الحوض الرهيب يحتوي علي 4 مليار برميل نفط .. ولا بد أن السماسرة قد حسبوا عمولاتهم علي داير المليم لأخذها مقدما قيل أن تكتشف الوزارة أن حوض البترول هو حوض رملة ساكت .

لو كان عند السدنة أدني اهتمام بالزراعة وزرعوا مليون شتلة هشاب في تندلتي وضواحيها لكان العائد أكبر من أي بترول .. ولو زرعت المساحة دخنا وعيشا لما اشتكي جهاز الامن الصحفيين عندما قالوا أن المجاعة في شرق دارفور .. ولو توقفت الحرب الدائرة في جنوب كردفان وصرفت الأموال علي مشروع الجزيرة لما تسول التنابلة في ردهات صندوق النقد الدولي .

بعد أشهر قلائل سيقول ناظر مدرسة الانقاذ الاقتصادية- اللي هو صندوق النقد - لتلاميذه في ما يسمي بالقطاع الاقتصادي ارفعوا الدعم عن البترول ..وهو يقصد زبادة سعر البنزين حتي لا يسقط حكم السدنة التابعين وتابعيهم في الفساد اللعين .
وعندما تخرج المظاهرات في مدني وام دبيكرات ستقول وزارة النفط رواية أخري عن اكتشافات مذهلة في حلايب وجبل عوينات ..وعندما تنكشف الاكاذيب سيقال أن حلايب محتلة وبترولها بيد المصريين والحل في الدعم السريع يا مؤمنين.

فلتجرد وزارة النفط حساب سنوات البترول الذي مضي قبل أن تحدثنا عن اكتشافات قادمة والسؤال محول لوزارة المالية لمعرفة أين ذهبت أموال البترول الذي لم تستورد بها ولا حبة بندول .. لكنها بالتأكيد في جيب زول .. وان درت الكعب والشين أرح يا زول .. حوض يوديكم في 60 داهية إنتو وكيزان البرازيل وفلانة التي تحب القهوة بالزنجبيل

[email protected]


تعليقات 11 | إهداء 0 | زيارات 3408

التعليقات
#1033498 [عبد العزيز عبد الباسط]
5.00/5 (1 صوت)

06-12-2014 05:26 PM
يا ريت اروحو فى60000000000000000000000000000000000000000000000000000000000000000000000000داهية وريحونا

[عبد العزيز عبد الباسط]

#1033042 [كتاحة امريكا]
0.00/5 (0 صوت)

06-12-2014 10:11 AM
الثروة الحيوانية


الثروة المعدنية الاخري غير البترولية

الارض


المياه


الانسان


ممكن ان تبني الدنيا

ولكن جبهة هنا وهناك

[كتاحة امريكا]

#1033000 [موسى الموسى]
0.00/5 (0 صوت)

06-12-2014 09:34 AM
آلا تدرون يا شعبي الفضل ان ناس الانقاص وناس ثورة الهلاك الوطني ، الذين آتوا والذين سياتون في خضم الحكومة الثالثة لثورتهم التي دمرت البلد بمواطنيه وادخلتهم في نفق الجوع والعدم والفقر والجهل ، لا ندري لماذا اتيتم يا ثورة الهلاك الوطني آم اجل من ؟ اتيتم .

يا وزير البترو كل مرة بتطلعوا للشعب السوداني المسكين بحقنة تخدير جديدة او بمسيقى جديدة انتم فقط ناس فاشلين جميع والدليل هو تخبطكم وتدمير للوطن واهله وهو تدمير ممنهج .


آلا تخجلوا بالله بالله عندكم نفوس تتكلموا بها امام حكومات العالم العربي والغربي لا ادري اي دولة انتم منها واين رسالتكم الحكومات دائما ما تعمل من اجل تطوير شعبها ولكن انتم اتيتم بالعكس دمرت كل شيء حتى الذي كان مشيدا من زمن الانجليز قضيتم عليه كيف تفكرون ايها الجهلاء الفاشلين؟


نسال الله ان يرينا في فيكم يوما اسودا وفي حكمكم الظالم؟

[موسى الموسى]

#1032837 [أبو ديدى]
0.00/5 (0 صوت)

06-12-2014 02:41 AM
والله ياودكرار عفيت منك الكيزان معروفين هم الكائنات الوحيده فى هذا العالم تكذب وتصدق هى كذبتها بعدين عندهم وهم إسمو التضخم والتضخيم ينفخوا أى حاجه زى كروشهم الممدوده لة مترين..
دى زى كذبة مسؤولهم التنظيمى القال أن عضوية حزبهم 8 ملايين؟!! فى60 مضروبه 600 مليار داهيه..

[أبو ديدى]

#1032750 [ودالنيل تمساح]
5.00/5 (1 صوت)

06-11-2014 11:14 PM
وليه انت مديهم 60 داهية بس
ديل بستحقوا اى داهية فى الارض تصيبهم

[ودالنيل تمساح]

#1032732 [الكنزي]
0.00/5 (0 صوت)

06-11-2014 10:46 PM
ياوزير النفط يالمامهندس ارجع وفتش في دواليب او ارشيف المؤسسه العامه للبترول سابقا وراجع تقارير شيفرون وذكرت ذلك في تعليق سابق لي ارجع لهذه التقارير عشان تتعلم وماتشطح ساكت زي ماكنت بتشطح في الهيئه القوميه للكهرباء لمن وديتها في داهيه وعملت ليك جضوم في عيونك من كترة التخمه 4 مليار برميل احتياطي بالغته

[الكنزي]

#1032725 [الحازمي]
0.00/5 (0 صوت)

06-11-2014 10:35 PM
نشفوا البترول و قبلوا على الدهب و ما أدراك ما الذهب سيكتشف السودانيون حجم المأساة!!!!
تنقيب عشوائي و استخدام مدمر للبيئة و الأنسان بالزئبق
سرقة اثار الحضارة النوبية العريقة و طمسها بالتذويب الممنهج للقطع الاثرية الذهبية و من ثم اغراقها بالسدود المقترحة
انها الانقاذ والكيزان!!!!!

[الحازمي]

ردود على الحازمي
European Union [Naser] 06-12-2014 12:35 AM
انت يا الحازمي الناس ديل أمهاتهم سودانيات وعندهم ابهات وروهم الصح والخلط ولا اولاد حرام بوجوه سودانيه؟؟؟


#1032699 [خالد حسن]
0.00/5 (0 صوت)

06-11-2014 10:01 PM
ماعادت هذه الوعود الكاذبه تقنع الشعب لانه عارف انه ماحايستفيد من نقطة بترول واحده ولو تفوق السودان علي السعوديه وررسيا في كمية البترول المستخرج لانه بمشي لحرامية الانقاذ والكيزان والنفعيين الشغالين معاهم
جاتهم ستين داهيه

[خالد حسن]

#1032580 [بامكار]
5.00/5 (1 صوت)

06-11-2014 07:09 PM
حلايب نحن اهلها وفقدنا لحلايب مثل فقدنا للجنوب انسوا حلايب ما أخذ بالقوة لا يسترد الا بالقوة والمشكلة اهل حلايب الغالبية من البشاريين و محمد عثمان كرار الذى استشهد فى رمضان والذى قتله ابراهيم شمس الدين بالسونكى هو ابن ناظر البشاريين وهم لم ينسوا استشهاد ابنهم فى الوقت الراهن لم يسكت غضبهم واعتقد هم عندهم رائ ؟؟؟؟؟؟؟

[بامكار]

#1032544 [ود عباس]
5.00/5 (2 صوت)

06-11-2014 06:19 PM
والله مقالك جميل يا استاذ كمال كرار والاجمل انو يمشو يشاهدو مباريات كاس العالم والاجمل والاجمل منو كمان انو انتا كنتا شاهد على بدايات البترول ايام شركة قادرة وما ادراك ماقادرة والمحطات العطلانة والواقفة والمدير الفاشل وزير المالية بتاع ولاية سنار كانت شركة مهزلة والله الغريبة قبل قبل كم يوم شايف عاملين احتفال في شركة قادرة في التلفزيون مشكلتنا انو التنابلة ديل ماشبعو لسة ولاعندهم النية يشبعو ولو كان بشبعو كان شبع وزير المالية بنتاع ولاية سنار ماخلا حتة ما كباها في بطنو الغريقة حتى اموال المعاشيين بلعا في كرشو استثمار وكلام فارغ ومنافذ وكروت شحن وكلام فاضي

الشكر كل الشكر مديري السابق كمال كرار واتمنى ان يزيح الله عنا هذا الوباء الفتاك والمرض العضال يارب

[ود عباس]

#1032541 [awad]
5.00/5 (2 صوت)

06-11-2014 06:17 PM
يا ود كرار موضوع الأحتياطى بتاع البترول ده وكمان4مليار برميل ده فيلم دخلوا الشعب من قبل فكلما أزداد الخناق على الجماعة وشعروا بتذمر الشعب وخصوصا اليومين ديل الشباب رافعين لافتات أنا عاطل والجماعة ماعايزين لهم هواء وينقلب لأعصار يذروهم ويشتت شملهم ويلحقهم أمات طه.بعدين ياأخى البترول الصدروه وين ملياراته.نحن الكذابين هؤلاء شبعنا كذب وآخر العلاج الكى وكى هؤلاء الثورة التي لا تبقى منهم أحد ونعد لهم المشانق.

[awad]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة