الأخبار
أخبار إقليمية
الممثلة الامريكية انجلينا جولي تخاطب احتفالا لمناهضة العنف الجنسي بالخرطوم عبر خطاب متلفز بعد منعها من دخول السودان
الممثلة الامريكية انجلينا جولي تخاطب احتفالا لمناهضة العنف الجنسي بالخرطوم عبر خطاب متلفز بعد منعها من دخول السودان
الممثلة الامريكية انجلينا جولي تخاطب احتفالا لمناهضة العنف الجنسي بالخرطوم عبر خطاب متلفز بعد منعها من دخول السودان


السلطات السودانية منعتها من دخول السودان - صور
06-12-2014 05:35 PM
الراكوبة خاطبت الممثلة الامريكية الشهيرة انجيلنا جولي المشاركين في إحتفال اقامته السفارة البريطانية بالخرطوم امس (الاربعاء) لوقف الاعتداء الجنسي علي النساء في مناطق النزاعات ودعت الجميع الي العمل من اجل ايقاف العنف فورا.

واضطرت انجلينا جولي لمخاطبة الحضور عبر خطاب متلفز بعد منعها من دخول السودان بواسطة السلطات الحكومية.

وافادت السفارة البريطانية بالخرطوم ان الحكومة السودانية رفضت منح الممثلة الامريكية انجلينا جولي تاشيرة دخول للاراضي السودان والمشاركة في احتفالية متعلقة بوقف الاعتداء الجنسي في مناطق النزاع.

وقال السفير البريطاني في الخرطوم خلال الاحتفال ان السودان رفض التوقيع علي معاهدة عالمية للحد من العنف الجنسي. ودعا الخرطوم الي التوقيع علي المعاهدة واعلان لندن الذي سيوقع من عدة دول في هذا الشان.

وكشف السفير البريطاني عن مشاورات تجريها السفارة مع الحكومة السودانية من اجل حث الخرطوم بالانصمام الي هذه الدول. وأشار الي احتلال السودان المرتبة السابعة عالميا في الدول التي ينتشر فيها العنف الجنسي.


image

image

image


تعليقات 33 | إهداء 0 | زيارات 14152

التعليقات
#1034093 [أحمد عبدالله]
5.00/5 (2 صوت)

06-13-2014 07:10 PM
احسن من جورج كلوني و من طريقة اهتمامه السخيفة بالسودان

[أحمد عبدالله]

#1034075 [فركتو]
5.00/5 (1 صوت)

06-13-2014 06:35 PM
السودان دولة الظلم دولة الاقلية العنصرية دولة الابادة الجماعية دولة القبلية
و الجهوية دولة اللا انسانية

[فركتو]

#1034045 [ابقو الصمود]
5.00/5 (1 صوت)

06-13-2014 05:24 PM
انجلينا جولي المفروض يفرشو ليها السكه ورود..... لكن لا تأسفن على غدر الزمان لطلما رقصت ع جسس الأسود كلابو

[ابقو الصمود]

ردود على ابقو الصمود
[رانيا] 06-13-2014 11:42 PM
الحمدلله إنه ربنا وضع في قلوب ناس الرحمة وسخرهم لخدمة المساكين والمستضعفين في الأرض .
الله كريم عليهم ..
مودتي .


#1034029 [أحمد عبدالله]
5.00/5 (1 صوت)

06-13-2014 04:22 PM
احسن من جورج كلوني و من طريقة اهتمامه السخيفة بالسودان

[أحمد عبدالله]

ردود على أحمد عبدالله
[رانيا] 06-13-2014 11:44 PM
بالسودان نعم لكن بجنوب السودان تمام وعال العال . ياخي ناسنا بيطفشوا الما يطفش بفعايلم الغريبة .. مع التحية .


#1033994 [ودالنيل تمساح]
5.00/5 (1 صوت)

06-13-2014 02:55 PM
انجلينا جولى نجمة هوليوود الممثلة البارعه
انجلينا جولى ممثله عملت فى التمثيل زيما بنقول نحنا
منز نعومة اظافرها نشرحها متين بدات. من عمرها سبعه سنوات
هى من مواليد خمسة 75 وبدات التمثيل فى 82
شوف وفى هوليوود مدينة التمثيل العالميه
يعنى انجلينا تكون عملت كم قلم لحدى هسه ؟؟؟؟
وعملت كم مليون دولار لحدى هسه ؟؟؟؟
يعنى لو جشعانه زينا كده كان تنوم وياكلوها فى خشمها
لكن شوف بعد الترطيبه دى كلها والحلاوه دى كلها
قررت فى النهايه انها تعمل عمل خير للاطفال المشردين
واالمساكين والايتام والمتضررين من الحرب
انجلينا شخصية حلوه متواضعه بسيطه جدا
ويمكن كلنا شايفين فى الصوره كيف غيرت حياة الاطفال البلعبوا معاها كوره
وقاعده معاهم فى الارض وتحضن فيهم بوساختهم دى. مش اساءه لكن وصف التواضع بتاعها
وتنفق فى قروشها من غير محاباه
انجلينا ممكن تمشى دول شرق اوربا اطفال حلوين ونضاف لكن مشردين
بس مامشردين حرب . لا مشردين اهمال بس
لكن انجلينا قررت انها تمشى للاطفال مشردين الحرب المهملين ديل
معلومه انجلينا عمرها ما اشتغلت فى الحكومه ولا حتى زوجها
وانجلينا معروف انها مسيجيه يعنى ممكن تشوف اطفال المسحيين وين
لكن برضو مافكرت فى حته زى دى ابدا
اخر زياره ليها كانت فى سوريا مع اطفال فى المعسكرات كلهم مسلمين
وبسيط منهم مسحيين لكن مافكرت انو ده دينه شنو ولا ده ود منو
تسلمى ياانجلينا والقلب العطوف مابعرف يميز
طيب نجى لوداد بابكر زوجة رئيسنا البقول امريكا مستهدفانا بغش فينا لكن هو المستهدفنا
وداد من زوجة عسكرى فى الجيش السودانى ولا حتى فى دولة مرتاجه
يعنى مرتب العسكرى عندنا ولا للدرجة ديك
لكن يقول ليك اتصرف ياجنابو ههههه
وداد بابكر عمرنا ماشفناها قدمت حاجه لاطفال الجرب او المعسكرات
العملها زوحها من الحروب لكن ماممكن تعمل عمل لانو زوجها الخلق الشر
لكن وداد مافاضيه من سرقة القريشات البتفضل فى الخزينه الفضت بسبب الحرب
لكن وداد عشان تعمل فيها قلبها رحيم تمشى تشوف ليها طفل من دوله كبيره
طفل نضييييف وتحضنه وتتتبسم لانو الطفل ماناقصاه حاجه مبسوووط
وكمان تتبرع ليهم سبحان الله ياوداد
المال ده لو بدوم كان دام لفرعون ولو مابتعرفى فرعون
اديك مثال قريب لو المال بدوم كان يدوم لزين العابدين بن على وزجته
او معمر القزافى واولاده او حسنى مبارك واولاده
يعنى حيدوم ليك انت ولا زوجك لانكم بتقولوا لا اله الا الله !!!!! ماتتخدعوا وماتخدعوا الناس
ياناس زيما بيقولوااهلنا المال ضل ضحى لو بتعرفى ضل الضحى

[ودالنيل تمساح]

ردود على ودالنيل تمساح
[رانيا] 06-13-2014 11:36 PM
فعلا عزيزي الدنيا فانية ولو بتدوم لغيرهم ما كانت جاتهم لكن الشيطان عاميهم وما مخليهم يشوفوا غير نفسهم وملذاتهم . بس بتبقى بايخة لي لمن أشوف وحدة حرامية ونهابة وعديمة رحمة وبعد ده لابسة الطرحة وعاملة فيها " ملتزمة " !! على مين يا ماما !!
تحياتي .

United States [nagatabuzaid] 06-13-2014 10:16 PM
يا سيمو انظر الفرق بين وداد وهى تحمل الطفل الصينى النظيف المبغبغ وبين الانسانة وهى ترفع علامة النصر باصابعيها البقن سمان بعد دخولها القصر وصورة انجلينا وهى تحمل الطفل الافريقى المنهك القوى وبين صورة وداد حاملة الطفل المبغبغ من اكل لحم الكلاب والخنزير وهى رافعة اصابعها بذلك الخاتم الضخم وبين صور انجلينا بملابسها البسيطة رغم اموالها وهى تلعب مع الاطفال الغبش انا كان مكان وداد بعد صورة انجلينا تمسكنى الحمى ام برد حمى من شدتها يتاوقوا ليها بالشباك عجبى

[سيمو] 06-13-2014 05:29 PM
يا ود النيل أنجلينا هى اليوم الممثلة الأعلى أجرا في هوليود أجرها 20 مليون دولار للفيلم الواحد،، ولدت طفلين لزوجها برات وتبنت 4 من مناطق المشردين حول العالم منهم واحد من أفريقيا أظن من ملاوى وتربيهم مثل أبنائها لا فرق،، تعال شوف وداد هى متهمة أنها كاوشت على ألبان أطفال السودان وعملت منها مليارات وقبلها كاوشت على بنك أم درمان الوطنى وطبعا ما فى زول قدر يقول بغم،، أصبرى ليكى يوم يا حرامية.

وما زلنا منتظرين الاستاذ عبدالرحمن الأمين بخصوص فساد منظمة سند وعلاقتها بالتنظيم الإسلامى العالمى.

European Union [دكتور على الحاج مضوى] 06-13-2014 05:17 PM
ياودالنيل تمساح
انك لرجل كريم وتعرف ناس الكرم اكرمك الله من كرمه بقدرما اعطبت ناس الكرم حقهم انجلينا لو قرات تعليقك عنها لكرمتك. مع انها غير محتاجه لمدح كم احد
هذه الوداد التى تتحدث عنها انها نهبت حتى الادويه من المستشفيات نهبت البسمه من المرضاء نهبت كل شئ جميل فى انسان السودان فلانرجوا منها خبرا.


#1033946 [ممغوص من الكيزان]
4.75/5 (3 صوت)

06-13-2014 01:04 PM
ياريت الست وداد بابكر ... تقعد واطه ... وتسيب لهف المليارات شويه ... وتتعلم الرحمه والرقه من الغرب وأمريكا الدنا عذابها ... شووووويييييه بس

[ممغوص من الكيزان]

ردود على ممغوص من الكيزان
[رانيا] 06-13-2014 11:29 PM
ياريت لو عملت كده ولو بالكذب .. ياريت لو مثلت إنها عطوفة وحنونة لكن عبث !! الناس في الأرض غرقانة وميتة وفي كارثة وهي وراجلا ولا عليهم "طايرين فوق هام السحب".. عاملين فيها " جوز الكناري " .
مع التحية .


#1033936 [موجاف]
5.00/5 (1 صوت)

06-13-2014 12:53 PM
الصورة الأولى تبين مشهد متكرر في دارفور، وهو ربط الأطفال إلى العناقريب أو الأعمدة.
--------------
في مناطق دارفور الماء عزيز جداً
يجلبون الماء بعد السير مسافات طويلة يضيع معها اليوم بكامله
أكثر المستهلكين للماء هم الأطفال وهم كذلك لا يسهمون في جلبه لمخاطر الطريق
يعرق الأطفال عند اللعب كثيراً فيعطشون ويستهلكون الماء سريعاً
لذلك يربطونهم بحبال حتى لا يتحركون كثيراً
وبذلك يستهلك الطفل كوب واحد أو اثنين في اليوم
-------------
المنظمات تسهم في تزويدهم بالماء، جركانة لكل أسرتين لكل أسبوع.

[موجاف]

ردود على موجاف
European Union [سبارتكس] 06-13-2014 03:57 PM
يمين كضاااااب نحن في دار فور لدينا اشكالات لكننا لا نربط الا المختل عقليا....تاجر للكن لا تبيع الماء في حلة الخرراجه


#1033911 [حسكنيت]
5.00/5 (1 صوت)

06-13-2014 12:27 PM
فرق فى كل شئ بين أنجلينا وبين سامية

[حسكنيت]

ردود على حسكنيت
[رانيا] 06-13-2014 11:50 PM
أي سامية ؟! الناس بتقول بينا وبين وداد لكن سامية إيه الدخلا ؟! آها يعني من منظور الجمال...
أممم وجهة نظر برضه... عني أنا فلا أفضل جمالها ويأسرني جمال أخريات من هوليوود وبوليوود لكن قلبها الابيض الكبير هو الأجمل .
مع التحية .


#1033893 [كلتوم]
5.00/5 (1 صوت)

06-13-2014 11:52 AM
خايفين تجرح مساعر حرامي حمير حميدتي

[كلتوم]

#1033880 [ابو الافكار]
5.00/5 (1 صوت)

06-13-2014 11:22 AM
نقول شنو الخواجات بقوا احسن ممنا

[ابو الافكار]

#1033835 [المدافع]
4.00/5 (2 صوت)

06-13-2014 09:53 AM
هي انجلينا دي كان ما عويرة , لو كان جات مطار الخرطوم طوالي ناسنا المقملين ديل كانوا بعرفوها ؟؟؟؟؟؟ ( والله الا يثبتوها ناس الجمارك عشان يشوفوا موبايلها غالي ولا لا )


الحبش يخشوا ساي والافارقة يخشوا ساي وانجلينا ما تخش ساي

بس فالحين تدخلوا في الاخوان الارهابيين

الله يرحمك يا سودان

حكومة عواليق

[المدافع]

ردود على المدافع
European Union [قرد الطلح] 06-13-2014 06:11 PM
والله صدقت ناس مقملين ووسخانين ورحتهم تيوس ديل من وين جابوهم والله شباب السوق المركزى انظف منهم عووووووووووووووووووووووع على اشكالهم وطريقة تعاملهم


#1033826 [مرتضي الجعر]
5.00/5 (1 صوت)

06-13-2014 09:35 AM
؟

[مرتضي الجعر]

ردود على مرتضي الجعر
[ِAburishA] 06-13-2014 05:51 PM
مالك اخوي مرتضى...كلامك كمل ولا الفضيحة مسكتك ...تحياتي..


#1033771 [hazim]
3.00/5 (1 صوت)

06-13-2014 06:07 AM
سبحانك هذا بهتان عظيم

[hazim]

#1033754 [سيمو]
5.00/5 (6 صوت)

06-13-2014 04:15 AM
يا ناس الركوبة بالله المرة الجاية جيبو صورة وداد بابكر تحمل ذلك الطفل الصينى بجانب الصورة أعلاه لأنجلينا تحمل الطفل على وشك الموت،،

مسلمة تحمل بوذى وتبتهج،، ومسيحية تحمل مسلما ويكاد قلبها ينفطر،، أستغفر الله العظيم

[سيمو]

ردود على سيمو
[ذهب الجبال] 06-13-2014 08:41 PM
Simo: Thanks you very much for your wounderful comment ( The best). s

United States [Quickly] 06-13-2014 07:05 PM
رائع ياسيمو

United States [مدحت الهادي] 06-13-2014 02:18 PM
نعم نعم نعم بالله بالله عليكم يا من تقومون بأمر الراكوبة أنا أضم صوتي إلى الاخ سيمو في طلبه بأن تضعوا صورة وداد بابكر وهي تحمل ذلك الطفل الصيني وصورة أنجلينا وهي تحمل هذا الطفل السوداني بالله نرجوكم رجاء خاص ودون أن تكون هناك كتابة أو غيره ..... بس عايزين الصورتين مع بعض ...فقط بدون تعليق !!!!! رجاء خاص ..


#1033708 [ساب البلد]
4.88/5 (9 صوت)

06-13-2014 01:10 AM
********** الفرق بين انجلينا جولي و انجلينا بابكر اقصد وداد باكر ***** الاولي تنفق الملايين من مالها لمساعدة الفقراء ******* و الثانية تنفق الملايين من اموال الفقراء علي نفسها ****** التحية لكل صاحب ضمير حي ********الخزي و العار لسارقي قوت الشعوب المستضعفة *********

[ساب البلد]

ردود على ساب البلد
[رانيا] 06-13-2014 11:24 PM
هم أصلا مخلوعين من الصدمة الحضارية الحصلت ليهم لذلك عاملين ذي الكلاب المسعورة شغالين خمش خمش وأحيانا بيتصدقوا على الغير !! طيب يا عبيطة إنتي وراجلك الأهطل ما تكفوا بلدكم الأول !! وصدقوا المصريين لمن قالوا ليهم ( يغوروا هما وبآرهم ) بيستحقوا كلام ذي ده ..لكن أرجع وأقول لك يا أخي إحنا الغلطانين وشعبنا المكن الأشكال دي والمال السايب يعلم السرقة...كل واحد ربى الدقن عشان يعجبم وأموره تسلك وما في واحد فكر في البلد البيغرق وأهو خلاص غرق وإنتهى !!

من فترة والتانية بتجي فديوهات على الواتس آب حقت شيلة عروس . في المرة الأولى والتانية قلنا بنات وداد بعد داك لمن إتواصلت عروض الفديو بقيت مسمياها " شيلات الحرامية " ... شئ في قمة الإتفزاز والسفه , ناس جايبين مع أطنان الدهب والفلوس الريال والدولار والعك التاني " كوفير "
بمعداته الكاملة , ناس مع الردوم داك أدوهم " هايبر ماركت " .. يا مؤمن ما شفت الدقيق تقول العروس حتفتح " فرن آلي " و غايتو الله المستعان . بجد الحرامية كتروا شديد ولسه ما شبعوا وعينهم ما حيملاها غير التراب . تحياتي

[الانقاذ قد دنا عذابها] 06-13-2014 07:56 AM
الماعارف يقول عدس


#1033699 [قرضمة]
4.50/5 (2 صوت)

06-13-2014 12:37 AM
هوووووووي يا كيزان القطران

تقطعوا المويه و الكهربا .. تغلوا لينا العيشة .. تكرهونا حياتنا .. تكتلوا اهلنا تضايقونا في هوا الله دا كلو ممكن نسامح فيهو لكن تصل بيكم الجرأة انكم تكاجروا جميلة الجميلات انجلينا جولي فدا الما ممكن نقبلوا بأي حال من الاحوال

قرضمة

مؤسس جمعية المكسرين في انجلينا جولي

[قرضمة]

ردود على قرضمة
United States [ِAburishA] 06-13-2014 11:37 PM
التسجيل بكم ؟؟؟


#1033689 [جارو]
4.75/5 (4 صوت)

06-13-2014 12:03 AM
سبحان الله سبحان الله برغم انو مامسلمه بتتكلم عن حق الابرياء والمساكين ف السودان سبحان الله الموتمر الوطنى نعلت الله عليكم حاكمين من اجل المعيشه لابنائكم وليس من اجل الدين الدين باتجاه وانتو باتجاه الله ينتغم منكم

[جارو]

#1033683 [Spartacus]
5.00/5 (1 صوت)

06-12-2014 11:45 PM
الطفل الحاضناهو انجلينا دة ليه مربوط بحبل علي الشعبة؟؟ ظلم عجيب يادنيا..

[Spartacus]

ردود على Spartacus
United States [موجاف] 06-13-2014 12:49 PM
في مناطق دارفور الماء عزيز جداً
يجلبون الماء بعد السير مسافات طويلة يضيع معها اليوم بكامله
أكثر المستهلكين للماء هم الأطفال وهم كذلك لا يسهمون في جلبه لمخاطر الطريق
يعرق الأطفال عند اللعب كثيراً فيعطشون ويستهلكون الماء سريعاً
لذلك يربطونهم بحبال حتى لا يتحركون كثيراً
وبذلك يستهلك الطفل كوب واحد أو اثنين في اليوم
-----
المنظمات تسهم في تزويدهم بالماء، جركانة لكل أسرتين لكل أسبوع.


#1033633 [Ahmed Elradi]
3.25/5 (6 صوت)

06-12-2014 09:48 PM
هذه الرائعة أنجلينا جولي ربما أسهم الإعلام الأمريكي الجبار في تقديمها بطريقة كبيرة كناشطة ومهتمة بكل الشأن الإنساني حتي في مناطق النزاعات ولكن لا نغفل ما قامت به من خلال أجمل وأقوي أفلامها التي جسدت ذات ثقافتها وإهتماماتها الإنسانية، أنجلينا في كل معسكرات النزوح واللاجئين، وحيثما الظلم والقهر ،،، أنجلينا قلب دافئ وضمير حي وإنسان مؤمن بإنسانيته لها الإحترام،،،، وخسر من أمر بعدم دخولها السودان لأنه كان يستطيع أن يستغل هذا الوجه الإنساني العالمي لصالح أبناء هذا الوطن الجريح،، لكنه عمي البصيره

[Ahmed Elradi]

#1033608 [واحد]
4.75/5 (4 صوت)

06-12-2014 08:59 PM
وأشار الي احتلال السودان المرتبة السابعة عالميا في الدول التي ينتشر فيها العنف الجنسي.

طبعا دول الجنجويد وأزلام الأمن أولاد الحرام


وبعدين متى ستحضن وداد بابكر طفلا من أطفال المعسكرات أو حتى تجلس بينهم كما تفعل أنجلينا جولى؟ ما هى برضو السيدة الأولى وحائزة على جائزة المرأة العربية إشترتها ب 2 مليون دولار من سمسار عراقى مخنث ودفع ثمنها الود جمال الوالى.

[واحد]

#1033598 [Malcum-X]
4.75/5 (6 صوت)

06-12-2014 08:44 PM
انجلينا جولي امرأة ناشطة في كل الشأن الانساني وتدفع الملايين من حر مالها لمساعدة الناس المحرومين والمرضي ..فماذا تتوقع من لص ومغتصب ومنحرف في نفسه استولي علي وطن كامل وبدأ في بعزقته يمينا ويسارا..

[Malcum-X]

#1033596 [سوداني هارب]
2.00/5 (1 صوت)

06-12-2014 08:39 PM
سوداني الجوه وجداني الله يكون في عون الجميع

[سوداني هارب]

#1033586 [الناقش]
0.00/5 (0 صوت)

06-12-2014 08:25 PM
سياسة دس المحافير ..؟؟؟؟؟؟؟؟؟؟؟؟؟؟؟؟؟؟

[الناقش]

#1033577 [ِAburishA]
4.88/5 (8 صوت)

06-12-2014 07:57 PM
**لأن النظام اغتصب السلطة لذلك يرفض منع الاغتصاب..
**لأن النظام يشجع جنجويده على الاعتداء الجنسي على النساء..لذلك يرفض وقفه على النساء..
** بل ان النظام نفسه يمارس الاعتداء الجنسي على الرجال (**) فما بالك بالنساء!!!!

** حتى ان متعتم انجلينا..فان الرسالة وصلت عن طريق التلفزة والفيديو كونفرنس والوساط الاخرى..
***بالله لاحظوا الى الطفل الذي تحمله انجلينا جولي.. وذلك الطفل "الانيق" الذي تحمله وداد بابكر
زوجة الرئيس لو تتذكروه.. ولا تعليق..

[ِAburishA]

ردود على ِAburishA
United States [ِAburishA] 06-13-2014 11:32 PM
لك التحية اخوي ود ابزهانة.. يديك العافية..انا قاعد لكن اظن (بنتعاقب) بجي بلقاك طلعتا وانتا بتجي تلقاني طلعتا وقالوا الحي بلاقي..خالص المودة...

[ود ابو زهانة] 06-13-2014 06:41 PM
وينك ياراجل ... ليك مدة ما بنت


#1033561 [طارق]
4.75/5 (5 صوت)

06-12-2014 07:09 PM
يا حكومة نامت من الجهل وما صحت الفنانه معروفة بمواقفها الانسانية علي اليمين ارجل من حمدتور بتعكم ذاتو امه وهم...

[طارق]

#1033546 [قرفان من الكيزان]
4.75/5 (4 صوت)

06-12-2014 06:43 PM
رفضهم لدخولها السودان لشئ في نفسهم الخبيثة .
هدف أنجلينا سامي لكن اهل النظام المغتصب يرون غير

[قرفان من الكيزان]

#1033531 [ركابي]
4.67/5 (9 صوت)

06-12-2014 06:28 PM
يا سلااام علي الرقة والانسانية شوف حاضنة الطفل كيف.....حكومة حاسدة منعوها تدخل السودان عشان بس الناس تتصبح بخلق ناس عشراقة بتاعت الزغاريدوبامية بتاعت البرلمان وشناء حمد بتاعت الخارجية

[ركابي]

#1033523 [ابو الرشا]
4.75/5 (5 صوت)

06-12-2014 06:17 PM
امرأه وليست مسلمه افضل منكم ايها السفله وتدعون الاسلام لماذا لاتوقعون اوليس الشريعة السمحا تقول ان اكرموا نسائكم ولماذا تمنعون من يريد المساعده فوالله انها افضل من جميع الكيزان وكل من ينتمي الي مايسمى بالاسلام السياسي لغنة الله عليكم الي يوم الحق

[ابو الرشا]

#1033520 [محمد]
3.50/5 (5 صوت)

06-12-2014 06:07 PM
لا نقدر نقول سوى (سبحان الله سبحان الله‏)‏

[محمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة