الأخبار
أخبار إقليمية
الحركة الإسلامية - جناح حزب البشير تدعو لتطبيق (هي لله هي لله)
الحركة الإسلامية - جناح حزب البشير تدعو لتطبيق (هي لله هي لله)
الحركة الإسلامية - جناح حزب البشير تدعو لتطبيق (هي لله هي لله)


شعار الحركة في المرحلة القادمة هو العيش مع الناس والحياة معهم
06-13-2014 02:46 AM

دعا الأمين العام للحركة الإسلامية السودانية الزبير أحمد الحسن، عضوية الحركة لحراك مستمر لتطبيق شعار (هي لله هي لله) والشعارات الأخرى، وخلق تواصل لتوثيق العلاقات بين عضوية الحركة الإسلامية. كما وجه بتجديد الدماء في العمل بالشباب لتتواصل الأجيال.

وقطع الأمين العام في الجلسة الافتتاحية للملتقى التنظيمي القطاعي الثاني للحركة الإسلامية للقطاع الشرقي الذي بدأت فعالياته يوم الخميس، بمدينة القضارف، أن شعار الحركة في المرحلة القادمة هو العيش مع الناس والحياة معهم، والاستمرار بروح إيجابية، موجهاً أعضاء الحركة بالوحدة والتآخي، مبيناً أن مشروع الحركة الإسلامية وضع منهجاً للعلاقة بين الحركة والآخرين، وهو مشروع اجتهادي في أصول الشورى والديمقراطية وفقاً للمشروع الإسلامي.

وأكد استكمال الحركة لبرنامج البنيان المرصوص، وقال إننا مضينا من الجهاد الأصغر إلى الجهاد الأكبر، وهي مرحلة ضخ المشروعات والبرامج وتفعيلها في المرحلة القادمة، مع الاستمرار في برامج التزكية والدعوة، والانفتاح والعمل الثقافي والاجتماعي.

توسيع القاعدة

وشدد الأمين العام الحسن على أن الحركة مستمرة في توسيع القاعدة وإشراك الآخرين في برامج الأسر خاصة رعاية الفقراء، والاشتراك مع جميع أهل السودان في الحزب (المؤتمر الوطني) والعمل الاجتماعي الواسع خاصة في شهر رمضان المبارك.

وجدد تأكيد جمع أهل القبلة حول المشروع الإسلامي، وحمايته من الذين يرفضون حكم الأغلبية الإسلامية بعد الفوز في الانتخابات، مضيفاً أن المرحلة القادمة ستشهد برامج مشتركة وحضوراً دائماً مع أهل القبلة.

ومن جابنه، أشاد والي ولاية القضارف الضو محمد الماحي، بدور الحركة الإسلامية في بناء حزب المؤتمر الوطني بالولاية، موضحاً أنه قد تم بناء الحزب بتوافق تام وتعاون مع قيادات الحركة.

وقال إن برنامج البنيان المرصوص الذي نفذته الحركة الإسلامية، شكل الدافع الحقيقي لإقبال الناس على المؤتمرات، مشيراً إلى أن قوة الحزب قوة لوحدة البلاد.

سونا


تعليقات 38 | إهداء 0 | زيارات 3244

التعليقات
#1034701 [Rebel]
0.00/5 (0 صوت)

06-14-2014 03:23 PM
* هل يعلم القراء ان الزبير محمد الحسن معروف بانه "هطله" و "متخلف" عقليا و "درويش" فقط لا غير. هذه حقيقه لا ادعاء. و هل يمكن ان يصدر ما قال به هذا الدرويش إلآ من "المتخلفين"؟

[Rebel]

#1034600 [ابومحمد]
0.00/5 (0 صوت)

06-14-2014 01:29 PM
افرغتو الكلمة من محتواها اللهم افرغ عليهم غضبك وسختك وارنا فيهم يوما اسودا فانهم لايعجزونك لقد وصل هؤلاء القوم من النفاق والكذب والتدليس ماجعل عامة الناس يدعون عليهم فقد انكشف امرهم على العباد فمابال رب العباد

[ابومحمد]

#1034362 [كاسبر]
0.00/5 (0 صوت)

06-14-2014 07:21 AM
لما كروشكم تبقى فى ضهوركم يمكن نصدقكم
ياأبات جضوم
قال هى لله

[كاسبر]

#1034252 [منشى]
0.00/5 (0 صوت)

06-14-2014 12:14 AM
هي لله موديل 2015 ... من انتاج شركه الوثبه

[منشى]

ردود على منشى
[ابوامنه] 06-14-2014 03:11 PM
تسلم كتير


#1034153 [ود كترينا]
0.00/5 (0 صوت)

06-13-2014 09:40 PM
***وأكد استكمال الحركة لبرنامج البنيان المرصوص...غايتو دى يمكن الحاجة الوحيدة الصدقت فيها ياشيخنا!!!لأنو برنامج البنيان المرصوص ده شفناهو بعينا..وين؟؟ فى كافورى!!برج جنب برج...وفيلا جنب فيلا...عمر وعبدالله وعلى والعباس وعثمان و49 قطعة أرض مبنية...فى بنيان مرصوص أكتر من كده!! وزينب حسن أحمد البشير وزوجها محى الدين 50 قطعة أرض..وبرضو بنيان مرصوص...خليك من عمك غسان وعبدالرحمن وود عبد الرحمن ونسيب عبد الرحمن المتزوج بنتو..ونسيب عبد الرحمن المتزوج اختو...كلو بنيان مرصوص...والبنيان جوة مليان شغل...شى دولار...شى يورو...شى رينجيت...وعييييك!!بالله عندكم وش تتكلمو عن الاسلام يافاسدين...ظهرتو على حقيقتكم...وين المتعافى والعشرين مليون دولار رشوة الهنود لمصنع مشكور...وين المتعافى وضرب أموال الصنف امام الفاسد...وين المتعافى وأخوهو من اراضى الدندر...وين عوض الجاز وتجنيب 58%من عائدات البترول السودانى خلال الفترة من 1999 حتى 2011 والبالغة 120 مليار دولار...وين 2 مليار دولار سنويا تجنيب الأجهزة الأمنية للصرف على المبانى...وين 190 مليون دولار قيمة القرض من بنك التنية الاسلامى والبنك الفرنسى التى نهبها البنيان المرصوص فى شركة الأقطان من عابدين محمد على ومحى الدين عثمانوبقية تيم التسعة!!..وين 90 مليون دولار أموال الأوقاف التى نهبها الطيب مختار وازهرى التجانى وخالد سليمان...وين الخمسين مليون دولار التى قام مكتب والى الخرطوم بالاستيلاء عليها من بيع الأراضى بعد تحويلها من زراعية الى استثمارية...بنيان مرصوص يالصوص!!

[ود كترينا]

#1034148 [الزهجان]
0.00/5 (0 صوت)

06-13-2014 09:32 PM
هو من زمان كانت ل شنو...!؟

[الزهجان]

#1034116 [ود كترينا]
0.00/5 (0 صوت)

06-13-2014 08:26 PM
*** وبرضو يقول ليك الخمسة حاويات بتاعت حبوب الكابتاقون مازالت محجوزة فى ميتاء بورتسودان...5 حاويات...19 جوال...15 مليون حبة فى كل جوال...المجموع 285 مليون حبة كابتاقون...قيمة الحبة الواحدة مايعادل 3 دولار أمريكى...القيمة الكلية للشحنة 855 مليون دولار(الكتراااااابة)...ده ماكلامى ولا كلام قوى الاجماع الوطنى عشان نقول زايدين المحلبية...الكلام ده كتبو حسن مكى فى جريدة الصيحة...وحسن مكى ركن مكين فى الحركة الاسلامية حتى قبل ظهور الزبير أحمد حسن...تساءل حسن مكى عن صاحب الشحنة وأنكر على الحكومة الصمت المريب!!بكل تأكيد حسن مكى يعلم الاجابة جيدا...وسؤاله ليس سؤالا استفساريا وانما هو سؤال استنكاري!!...فهل تبقى شئ أيها الحالم ياشيخ زبير أحمد حسن من مشروع هى لله ...هى لله...دخلت الشحنة الى الميناء وتم تفريغها والمحافظة عليها لأنها تخص شخصيات سيادية وهى شخصيات لها نفوذ فى البناء الهرمى لحركة الزبير أحمد حسن الاسلاموية...فهل هذا هو مشروع هى لله..هى لله!
***لم يصدر أى تعليق ولا حتى أى اشارة بعد ذلك لهذه الشحنة المهولة...لماذا؟؟؟هل لو كانت هذه الشحنة تخص تاجر مخدرات من (العوام) كان الصمت سيكون هو سيد الموقف...الاجابة قطعا...لا...وبالصوت العالى...لا...ولم تكشفها الأجهزة الأمنية الا مضطرة بعد نهديدها من الانتربول...فكل البطولات التى أعلنت أول أيام هى زائفة..ويبقى السؤال قائما...لماذا هذا الصمت المريب؟؟؟
***يبدو أن الشحنة تسربت وكان ل(شيخنا) الزبير نصيبا منها!!!...فقوله المسجل أعلاه لايأتى الا من رجل انفصل تماما عن الواقع وصار من (أصحاب المزاج) بامتياز!!!ياشيخنا!!اتق الله فينا ولا تتحدث أبدا عن الاسلام فلا أنت ولا رهطك منه!!ولا تشبهونه!!تبا لكم من كاذبين مضلين!!تكتبون الكتاب بأيديكم ثم تقولون هذا من عند الله!!احتا شعب وانتو(جماعة)!!...رغم ان الرب واحد لكم دينكم ولنا ديننا!!!

[ود كترينا]

#1034084 [ساب البلد]
0.00/5 (0 صوت)

06-13-2014 06:52 PM
*********** تااااااني ما كفاية الاولي كانت ****** قتل ****** اغتصاب ****** ابادة ***** سرقة ****** اختلاس ****** ربا ****** فساد ****** كذب ****** نفاق ****** اعتقال ****** تعذيب ******* تهجير ****** تدمير ****** تاني خليتوا شنو ؟؟؟ ********

[ساب البلد]

#1034027 [متوكل]
5.00/5 (1 صوت)

06-13-2014 04:17 PM
الشعار الشعار عاد اليكم من جديد

كابتن نافع كابتن نافع عاد اليكم من جديد

سجل أرضآ أبني قصرآ دمر زرعآ أهلك وطنآ شديييد

اعمل مزرعتآ ربي بقرآ درب خيلآ تمتع يا مستفييد

كابتن نافع كابتن نافع عاد اليكم من جديد

أستعمل سلطتك كبر منزلك من الشارع لسع بعيييد

و اذا شبعت أرفع أصبعك و تحلل و أسرق من جدييييد

كابتن نااافع كابتن نااافع عاد اليكم من جدييييد


مع الأعتذار لكابتن ماجد سوار .

[متوكل]

#1034008 [ودالنيل تمساح]
5.00/5 (1 صوت)

06-13-2014 03:17 PM
تانى هى لله ؟؟؟؟؟؟
هى لله الاولى مامرقت مننا تانى كمان
خلوا الضلال الله برئ منكم يادجالين

[ودالنيل تمساح]

#1033993 [adil a omer]
0.00/5 (0 صوت)

06-13-2014 02:55 PM
تااااااااااااااااااااااااااااااااااااااااااااااااااااااااااااااااااانى

[adil a omer]

#1033983 [إبن السودان البار ***]
0.00/5 (0 صوت)

06-13-2014 02:28 PM
بعد ما شبعتوا بقت هي لله ؟؟؟ والله إنتوا فنانين ولقيتوها ؟؟؟ بس الباع خط هيثروا دا بالغ ؟؟؟ فهو أشجع سوداني علي مدي التاريخ ومافي راجل يقدر يسائلوا حتي مش يحاكموا ؟؟؟

[إبن السودان البار ***]

#1033977 [عثمان]
0.00/5 (0 صوت)

06-13-2014 02:13 PM
قال هي للة انتو بتعرفو اللة

[عثمان]

#1033960 [أبو ديدى]
0.00/5 (0 صوت)

06-13-2014 01:35 PM
دايرين تطبقواشعار
(هى لله..هى لله)
أكترمن كده؟؟؟!!!!!!!

[أبو ديدى]

#1033944 [الغلبان]
0.00/5 (0 صوت)

06-13-2014 01:01 PM
يا ربي هي لله الجديدة مختلفة

[الغلبان]

#1033939 [محمد سعيد]
0.00/5 (0 صوت)

06-13-2014 12:55 PM
والله دي ام كوبوك نطلع منها كيف
تاااااااانى هى لله من جديد

[محمد سعيد]

#1033932 [ود البلد]
0.00/5 (0 صوت)

06-13-2014 12:51 PM
الزبير ده عايز تفتيش شوية لان تعويضات طريق
الكبرى الجديد دى قالوا تبعو

[ود البلد]

#1033925 [alcapitan]
5.00/5 (2 صوت)

06-13-2014 12:44 PM
بعد هي لله الاولي الجيتو بيها، مؤخراتكم عفوا اقصد قواعدكم تكبروها لي شنو؟ بعد دا المشي بغلبكم.

[alcapitan]

#1033913 [المشتهى السخينه]
0.00/5 (0 صوت)

06-13-2014 12:28 PM
اهل الجبهة الاسلاميه لهم لغتهم العربيه الخاصة التى لا تعنينا..مثلا عبارة (هى لله )ليست كما تفهما انت وانا ..(هى لله )تعنى عندهم هى للرئيس الدائم رازقهم الذى يعبدونه من دون الله وسجد له رئيس اتحاد طلاب المؤتمر الوطنى .
ثم نحن من اهل القبله ولا نتبع دين الترابى الدجال ابدا ولن نصلى خلف امام مسجد النور الكافورى ..فأهل القبله فى لغتنا تعنى عامة المسلمين الموحدين المسالمين ولا تعنى بأى حال حزب الترابى والجبهة الاسلاميه من السفاحين عبدة الدراهم والدينار القتله المجرمين مرتكبى جرائم الابادة الجماعيه للمسلمين فى دارفور والنيل الازرق وجبال النوبه وشرق السودان ..لكم لغتكم ولنا لغتنا ..

[المشتهى السخينه]

#1033903 [radona]
0.00/5 (0 صوت)

06-13-2014 12:15 PM
ياسيد الزبير هل كنت نائما ام ماذا
شعار هي لله لا للجاه ولاللسلطة هذا قد تم استهلاكه تماما ولم يعد استهلاكه مجددا من الحكمة
الفساد قد فضح كل شئ واصبح اللعب على المكشوف
فقد تم منع الصحف من تناول قضايا الفساد بعد ان رشحت بعض جرائم الفساد من الدرجة الثالثة الخاصة بشركة الاقطان ولجنة التحكيم وفساد مكتب والي الخرطوم والتحلل
لذلك يرجى البحث عن شعار جديد
شعار هي لله لا للجاه ولا للسلطة قد استهلك ولا يجدي تسويقه مجددا

[radona]

#1033887 [قلب طاهر فى جسد فاسد]
5.00/5 (1 صوت)

06-13-2014 11:42 AM
"دعا الأمين العام للحركة الإسلامية السودانية الزبير أحمد الحسن، عضوية الحكة لحراك مستمر لتطبيق شعار (هي لله هي لله) والشعارات الأخرى،"
احى انا واموت ركن اتارى انتو فى ال24 سنة الفاتت كنتوا شغالين حك ساى ياعلب يافارات

حاج نور من وراء القبر

[قلب طاهر فى جسد فاسد]

#1033870 [السماك]
0.00/5 (0 صوت)

06-13-2014 11:03 AM
طيب يا الزبير .. قلت نطبق شعار "هي لله هي لله " .. وماذا عن أموال الشعب التي إستمر نهبها 25 عاما من شيعتكم لتحقيق التمكين .. هل الشعار يعني تخلي الجميع عما نهبوه والإعتراف به علناً وتقديم أنفسهم للمحاكمات أم ماذا ..

بالنسبة للصوص .. من الثابت في الدين أن المغفرة لا تصيبهم لمجرد إعلانهم عن رزاياهم والإعتراف بها وحسب .. وإنما تتطلب المغفرة تخليهم عن المسروق وأعادته لصاحبه الذي هو الشعب السوداني .. وهو أيضاً وفي كل الأحوال من أشراط التوبة النصوحة ..وأنت أول من تعلم ذلك .. طيب لم نقرأ شئ من هذا في تصريحاتك المنشورة هنا .. نريد أن نسمع لك تعليقاً حول هذا..

ثم لماذا تصر على أن يستمر اللصوص في حكمنا بعد أن ثبتت خيانتهم للناس حتى ولو إعترفوا وأعادوا المسروق ؟؟ ألا يوجد غيرهم من يستطيع القيام بأعباء الحكم ..

بعدين نحن عشنا معاك شخصياً وعرفنا ما فيك من الشهامة وحسن الخلق والصدق والكرم والتدين .. أين ذهبت هذه المزايا في شخصكم ؟؟ خلاص قروش البترول ومال الشعب ذهب بها إلى غير رجعة؟؟

يا أخي إختشي على نفسك .. نحن عرفناك أكرم من أن تطلق تصريحات مائلة كهذه.. والحياة الدنيا ديه عندها حدود .. وحدود قريبة جداً .. بعدها العاقبة .. والقيامة تبدأ بدفن الإنسان في القبر .. لا تنفعك سياسة ولا أي شئ إلا شئ آخر

[السماك]

#1033864 [هنا امدرمان]
5.00/5 (1 صوت)

06-13-2014 10:54 AM
طيب ياخي اذا افترضنا الجهاد الاصغر ضم كل البلاوي الفاتت من فصل الجنوب والقتل والسرقه وتجاره المخدرات وغيرها وغيرها أمال الجهاد الاكبر ده حا يكون كيف

[هنا امدرمان]

#1033857 [ود احمد]
0.00/5 (0 صوت)

06-13-2014 10:44 AM
للحركة الإسلامية السودانية الزبير أحمد الحسن، عضوية الحكة
الراء سقطت سهوا لكن جات في محلها لانه فعلا حزب الحكة لان سياستهم وتصريحاتهم تسبب الحكة والحساسية لانها تخلو من المنطق 25 سنة رافعين لا لدنيا قد عملنا وهاهم اايوم يمدون يدهم للمال العام وادخال المذاهب الضالة للبلاد وان يلمنا ان الشيعة على حق ايضا عرضوا الشعب للتناحر المذهبي الذي يعصف الان بالعراق وسوريا وعلى نار هادئة في مناطق اخرى وتردي الاوضاع في جميع النواحي
لقد انتهت اللعبةGAME. OVER

[ود احمد]

#1033854 [دبل فاكتر]
5.00/5 (2 صوت)

06-13-2014 10:42 AM
طيب من زمان انتو وين ؟؟؟
وانتو بتدعو منو والكلام موجه لي منو ؟؟؟
ومن زمان كنتو مطبقين شنو ؟؟؟ وهي لي منو ؟؟

[دبل فاكتر]

#1033845 [anwar]
0.00/5 (0 صوت)

06-13-2014 10:19 AM
لا تعليق .. على العيش مع الناس .. ولكن التعليق على حكاية أهل القبلة ... هناك خلط في موضوع اهل القبلة والنظام الديمقراطي .. يا جماعة النظام الديمقراطي يعطي الحق للأقلية بنفس القدر الذي يعطيه للأغلبية في أن تعبر عن رأيها ويعطي غير المسلم نفس الحق في ان يكون رئيسا وواليا ووزيرا .. الدستور في كل الدنيا لا يحرم الاقلية من هذه الحقوق .. إذا كنا نعني الدستور الذي تحكم به الدول في عصرنا هذا.. أما اذا اردنا أن نحكم وفق ما صارت اليه الدولة الاسلامية في عهد النبوة أو الخلفاء الراشدين أو من جاء بعدهم من أصحاب الملك العضوض فهذاأمر آخر فلا يجب أن نخلط أو نضلل الناس ونحن نتحدث عن الدستور ... تحياتي وإلى الأمام..

[anwar]

#1033844 [القادمون الجدد]
0.00/5 (0 صوت)

06-13-2014 10:17 AM
هي لله هي لله S5 .......دي الجيل الثالث

[القادمون الجدد]

#1033832 [المشروع]
0.00/5 (0 صوت)

06-13-2014 09:44 AM
بعد ما شبعتوا وعملتوا شركات وبيوتات وعربات وعينتوا اولادكم في السفارات والمنظمات ..الخ بعدما طرحتم يوسف ارضا تريدوا ان تكون قوماً صالحين ؟ ولن تكونوا
قال تعالى:
(اقتلوا يوسف او اطرحوه ارضا يخلُ لكم وجه ابيكم ثم تكونوا من بعده قوما صالحين) صدق الله العظيم

[المشروع]

#1033819 [Quickly]
0.00/5 (0 صوت)

06-13-2014 09:11 AM
25سنة خداع مكشوف ولسه مصريين على الخداع بأسم الدين ؟؟؟!!!!
ارذل خلق الله ,,,,,,,تفوووووا

[Quickly]

#1033800 [Seek]
5.00/5 (1 صوت)

06-13-2014 08:18 AM
طيب كنت عايشين وين اذا ماكنت عايشين مع الناس. ؟؟؟؟؟

[Seek]

ردود على Seek
[سوداني متابع] 06-13-2014 10:04 AM
هم الكانوا عايشين و بيحاول يقول انو بعد ده هم ح يخلوا الناس بعيشوا !!! .

في رأيي يا سيك الجملة القالا مفروض تكون (( عايسين مع الناس )) بدون نقط يعني عواسه !!


#1033792 [من المركز]
5.00/5 (1 صوت)

06-13-2014 07:58 AM
يعني زي ما قلنا هي لله هي لله ما كانت مطبقه. ولا كيف يا الزبير؟
دا اعتراف كامل
لعنة الله علي الظالمين والمنافقين

[من المركز]

#1033786 [الجعلي الفالصو]
0.00/5 (0 صوت)

06-13-2014 07:29 AM
هي حركة مضروبة يديرها لصوص وقتلة لن تعيش بين الناس إلا كما يعيش الأجرب مع السليم لأنها لا دين لها ولا خلاق

[الجعلي الفالصو]

#1033777 [prjct]
0.00/5 (0 صوت)

06-13-2014 06:53 AM
مزيد من الكذب والتدليس والدهمسة والدغمسة . انت لو كنت صادق كنت استقلت من زمان

[prjct]

#1033758 [Sam7]
0.00/5 (0 صوت)

06-13-2014 04:29 AM
أن شعار الحركة في المرحلة القادمة هو العيش مع الناس والحياة معهم


بس سؤال قبل المرحلة القادمة كنتو عايشين وين

[Sam7]

#1033756 [سبف الدين الجهادي]
0.00/5 (0 صوت)

06-13-2014 04:21 AM
ما زلتم تتمادوا على الله بالكذب و النفاق . ﻻ حول وﻻ قوة اﻻ بالله . ربنا ينتقم منكم . ( هي لله و كل و احد فيكم يملك قصور و فلل و فنادق و شركات ) الى متى تتاجروا في هذا الشعب المسكين باسم الدين . اللهم احرقهم جميعآ كما حرقوا اكباد امهات من قتلوهم ظلمآ و تجارة بهم و باسم دينك القويم .

[سبف الدين الجهادي]

#1033748 [سدالنهضة]
0.00/5 (0 صوت)

06-13-2014 03:52 AM
هي لله..هي لله تاني رجعتو للنفاق توبه ما عندكم لازم تكضبو
وطمعانين في الشباب كمان اختشو ياخ
وقال. العيش مع الناس معهم والاستمرار بروح ايجابيه) ياخ مافي اي بشر عايز يعيش معاكم لانكم كضابين ومنافقين من عاشر قوما اربعين يوما صار منهم مافي زول دايركم عيشو براكم وموتو براكم ريحونا بلاش زفت معاكم
وقال مضينا من الجهاد الاصغر الي الجهاد الاكبر الجهاد الاصغر عرفناه كتلتو الناس وابادتهم لاكن الجهاد الاكبر ده شنو كمان موت اهل السودان جماعي وبيع السودان في مزاد علني لكل دول العالم
توسعت القاعدة. يوسع قدك ياخ كرهتونا السودان

[سدالنهضة]

ردود على سدالنهضة
[كبسول] 06-13-2014 11:57 AM
هي لله بعد ما خليتوا كروشكم الكبيرة ونهبتم أموال الشعب وتطاولتم في البنيان واتيتم شهوتكم مثني وثلاث ورباع
ان أردتم ان تكون هي لله أعيدوا أموال الشعب وأراضيه المنهوبة وتحللوا من الحرام
ويعودوا كما دخلتم لا تملكون من خشاش الارض الا قوت يومكم
والكل يعلم ما كُنْتُمْ تملكون قبل دخول الانقاذ
ما عدا ذلك اي حديث عن هي لله متاجرة بالدين واستخفاف بعقولنا
...وأنتم فضلتوا فيها حاجة عشان تكون للشعب او لله
استحي علي شيبك أيها المنافق الاشر


#1033745 [osmanaboali]
5.00/5 (1 صوت)

06-13-2014 03:40 AM
هاهاهاهاها!!!!!!!!!!!

[osmanaboali]

#1033735 [الغلبان]
0.00/5 (0 صوت)

06-13-2014 03:05 AM
تاااااااااااااااااني

[الغلبان]

ردود على الغلبان
European Union [Anti Koz] 06-13-2014 01:14 PM
(هي) دي مشت ماليزيا والبنوك اﻷجنبية وكافوري والدلب والحاجة الدعو ليك فيها أعلاه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة