الأخبار
أخبار إقليمية
خطيب مسجد : الفيفا مؤسسة طاغوتية يحكمها الفساد.. ويديرها شياطين الأنس والجن!! ،
خطيب مسجد : الفيفا مؤسسة طاغوتية يحكمها الفساد.. ويديرها شياطين الأنس والجن!! ،
خطيب مسجد : الفيفا مؤسسة طاغوتية يحكمها الفساد.. ويديرها شياطين الأنس والجن!! ،


اللاعبون بلا قيم وأخلاق ..لو وجدوا مبلغاً كبيراً فليس لديهم مشكلة في الإنتقال للفريق "المعادي"!!.
06-15-2014 10:31 PM
صحف الخرطوم

في خطبة أمس الأول الجمعة ، قال خطيب مسجد جبرة مربع (6) أن الفساد يحكم الإتحاد الدولي لكرة القدم من كل صوب ، واصقاً إياها بالمؤسسة (الطاغوتية) ويديرها شياطين الأنس والجن!! ، مشيراً إلي أن الشباب يتابعوت ويحبون اللاعبين النصارى ، ووصف الخطيب كرةالقدم بكرة (العدم) ومنصوص عتها في بروتوكولات بنو صهيون لإلهاء شباب المسلمين! ، لذلك لا تنتهي بطولة إلاّ وتقام دورة أو بطولة دولية ومحلية جديدة ، وقال الخطيب أن اللاعبين بلا قيم وأخلاق مضيقاً : لو وجدوا مبلغاً كبيراً فليس لديهم مشكلة في الإنتقال للفريق "المعادي"!!.


image




تعليقات 21 | إهداء 0 | زيارات 5459

التعليقات
#1057922 [Richard]
0.00/5 (0 صوت)

07-14-2014 07:14 PM
Goodday
مرحبا اسمي هو السيد الونزو ريتشارد قرض المقرض. أقدم قرض لشركة المالية والأفراد الذين هم في حاجة ماسة للحصول على قرض. هل تبحث عن قرض لفعل أي شيء، وإذا كان لذلك يرجى الاتصال بي الآن، حتى تتمكن من الحصول على قرض من وجهة نظرنا (شركة القرض) اليوم عن طريق البريد الالكتروني: @ gmail.com ng.trustfundcompany

[Richard]

#1036636 [bent alnil]
0.00/5 (0 صوت)

06-16-2014 03:46 PM
الظاهر عليك المنشور بتاع خطبة الجمعة ما جابوه ليك ... ارتجلت و اتهجمت على الفيفا ..... خلاص الكورة طلعتها كافرة و نصرانية .. من كتر عجايبكم بطلنا نستغرب ... الإسلام برئ من جهلكم و تعصبكم و ضحالة فكركم .

[bent alnil]

#1036568 [سوداني مدبرس]
0.00/5 (0 صوت)

06-16-2014 02:37 PM
والله ناس الفتاوي ديل خايفين يجي مره يطلعو لينا بفتاوي تعجيزيه زي تحريم التقبيل بين الزوجين والا يجوز زواج الغرابي من عربيه شماليه وتكفير كل من ضميره لايرتاح للبشير

[سوداني مدبرس]

#1036565 [ورل الترعة]
0.00/5 (0 صوت)

06-16-2014 02:33 PM
يا شيخ يا كبير استهدي باللة واتكلم في الناس البياكلو الحرام نهب وسرقة لمقدرات الشعب
تاجرو في كل شي الدين الاخلاق القيم المبادئ تاجرو بالعبادات من الصلاة الي الزكاة والحج وموضوع التجارة بالحج ده كوم براه اذا انت رجل دين بحق وحقيقة اتكلم في المنبر بتاعك ليه ناس ادارة الحج والعمرة الي اليوم لم يقوموا بالاعلان عن اجراءات الحج للعام الحالي ليه انت ما عارف ليه لانهم مختلفين كل واحد عايز يطلع باكبر مبلغ من حج السنة ده وبالعملة الاجنبيه .
شوف لاعبي الكورة ديل اشرف منك لان الواحد فيهم بيعتمد علي رجله في اكل عيشو الحلال مش زيك كدة
عايش علي موائد الملوك النتنة .وانا الاحسن لي اتفرج كاس العالم من الاستماع الي عالم وامام مثلك لايقول كلمت حق لصالح عباد اللة امام سلطان عطل اعلان اجراءت شعيرة الحج للعام 1435 هجرية.

[ورل الترعة]

#1036339 [احمد]
0.00/5 (0 صوت)

06-16-2014 11:47 AM
وقال الخطيب أن اللاعبين بلا قيم وأخلاق مضيقاً : لو وجدوا مبلغاً كبيراً فليس لديهم مشكلة في الإنتقال للفريق "المعادي"!!.

يا زول استهدى بالله فريق معادى شنو انت قايله حرب وبعدين دى شغلتهم بياكلو منها عيش حاجه اسمه احتراف يعنى براحه كده انت شغال فى شركه وجاتك فرصه فى شركه تانيه بى مرتب اعلى ما تمشى يعنى ولو مشيت يبقى ما عندك قيم ولا اخلاق يا مولانا الله يهدينا ويهديكم ما تتكلمو ساى فى الفارقه والمقدوده واتكلم فى حاجه تفيد الناس

[احمد]

#1036302 [أبوالكجص]
0.00/5 (0 صوت)

06-16-2014 11:28 AM
ليه الإمام دا باين إنو جمعتو كانت كدر و ما لقى ليهو موضوع يتكلم فيهو فشاف الحيطة القصيرة دي في نظرو وهاك يا تنظير إنتو تاعبين نفسكم ليه خلوهو يهرقط ويغرد خارج السرب .

[أبوالكجص]

#1036271 [Quickly]
0.00/5 (0 صوت)

06-16-2014 11:06 AM
امام جامع جاهل شكلو فاقد تربوي ,,, ماعرف بالاحتراف في كرة القدم

[Quickly]

#1036171 [محمد]
5.00/5 (1 صوت)

06-16-2014 09:54 AM
هناك ضزابط لمن يصعد المنبر وامامة الناس الم يكن هناك من هو اعلم من هذا المأفون ليخطب الجمعه ويلي بالناس والله لو كنت بالمسجد لخرجت فمن الجهل والعار الصلاة خلف امام جاهل والعلم وراءه لو ماخرجوا يعتبروا قطيع اغنام يؤدوون حركات فقط قال الرسول الكريم ( لا تكن امعةاذا احسن الناس احسنت.....)

[محمد]

ردود على محمد
[بدر النهار] 06-16-2014 10:50 AM
أنا غايتو عملتها قبل سنة تقريباً في صلاة جمعة في مسجد مركز شرطة جبرة وقلت للإمام آيات المنافق ثلاث ولاتنطبق عليك شروط الإمامة وخرجت ولم أصلي معه صلاة الجمعة ومن يومها أصبحت أتحري عن الإمام عند الإقدام علي صلاة الجماعة .


#1036121 [الحاج]
5.00/5 (3 صوت)

06-16-2014 09:15 AM
اها واللعيبة البسجدو بعد الهدف ديل طالبان؟؟؟؟

[الحاج]

#1036070 [القعقاع الفي القاع]
5.00/5 (1 صوت)

06-16-2014 08:45 AM
قولوا للإمام ده جدد إشتراكك في الجزيرة و بطل كلام فارغ و إلتفت لحميدتي كلب البشير المروّع السودان كلو

[القعقاع الفي القاع]

#1035997 [شفقان (أبو قنبور)]
0.00/5 (0 صوت)

06-16-2014 05:45 AM
سؤال فقهي لمن يستطيع الفتوى ما حكم من يبصغ على وجه خطيب **** في صلاة الجمعة؟

[شفقان (أبو قنبور)]

ردود على شفقان (أبو قنبور)
European Union [البعاتي] 06-16-2014 04:06 PM
تؤجر اذا كان من خطباء المشروع الدعاري ...

اما اذا اتبعتها بالتبول عليه، فلك اجر عمرة ...

و "العارف عزه مستريح"...

[دنقر شيل] 06-16-2014 12:59 PM
شاطر خلاص
اديك حلاوة وتقعد

[AL SATARY] 06-16-2014 08:20 AM
ممكن ولما لا بس تكون بصغة معاها "سفةتمباك"


#1035957 [ودالنيل تمساح]
5.00/5 (1 صوت)

06-16-2014 03:01 AM
ههههههه ياجماعه الحكايه شنو ؟؟؟؟؟؟؟؟؟؟؟؟؟؟؟؟؟؟؟؟
خلاص نسيتوا القتل والسرقات بتاعة الاراضى
ونهب اموال الدوله وتشريد الشباب
واغتصاب النساء فى المعسكرات
وتجارة المخدرات ونفاق اامة المساجد
مالقيتو الا الفيفا تفتوا لينا فيها
ولا عشان الرشاوى الحتطلع عن قطر
بقت الكوره حرام هههههه
خلاص بنطلع مظاهره عشان يرجعوا كاس العالم لقطر ههههههه
دجالين ليه ماتتكلموا مع قطر وفيها القرضاوى بحاله
ليه مايتكلم مع القطريين ويقول ليهم الكوره دى حرام
واتنازلوا من كاس العالم هههههه دجل بالمجان
انت ياشيخ تكون ادوك حبة من المخدرات الدخلت بورتسودان دى
وكمان يكون عندك حبه فى جيبك وانت فى الجامع
ياعالم ياطالبان السودان ههههه كفاكم دجل ياناس

[ودالنيل تمساح]

#1035901 [Hisham Suliman]
5.00/5 (2 صوت)

06-16-2014 12:51 AM
العالم باكمله ورؤساء الدول ورؤساء الوزارات والمؤسسات الدوليةوالاقليمية المتخصصة او غير المتخصصة ليس لديهم اى عمل او تفكير الا الهاء شباب المسلمين عن العبادة واى شباب دلك المقصود شباب يلبس الجلاليب القصيرة ولديهم ذقون ولا حديث لهم الا الفتاوى ,تخال الواحد فيهم يحمل فى راسه كنيف لا عقل , هم لا بد من الهائهم لانهم خطر على الجنس البشرى وكل مكتسبات الحضارة الانسانية , يريدون ان يقيموا حضارتهم حضارة البغال والابل والحمير بدلأ عن السيارات التى تاخذك بسرعة الى حيث تريد ولا تجد فيها متسع من الوقت للصلاة , ولكن هناك ستنيخ راحلتك وتاخذ قسط من الراحة وتاخذ دلوك لا يجاد بعض الماء للوضوء والشراب وانت فى وضعية الجلوس , وبعدها سترحل الى مضاربك ويا حبذا لو ادركت درس فى المسجد عن الاحاديث الضعيفة والموضوعة وبعض الفتاوى ( التى لا نهاية ولا حدود لها)فهى مستمرة الى الابد , وتذهب الى بيتك لترى اى من النساء التى عليها المبيت فى فراشك الليلة .
هذه لمحة من الحياة التى يريدونها لا ابحاث ولا علوم فضاء ولا ذرة ولا قطارات ولا طائرات ولا عقاقير وادوية ولا علوم اليكترونيات وهندسة جينات , فقط يريدون مسند احمد وابن القيم ذكر فى صفحة كذا وصححه الالبانى فى صفحة كذا , يعشقون ويتفقون اضافة رحمه الله بعد ذكر مالك ( ذكر مالك رحمه الله) ويسمون هذه الاشياء علوم .
ولهم اسطوانة مشروخة يرددونها كلهم بلا استثناء , الدوائر الصليبية , الغرب ,الطاغوت , وان العالم مستهدفهم فى دينهم ولا يريد الاسلام ان بسود .
لله درهم عقولم فى القرن الاول الهجرى ويعيشون بيننا الان , واذا مرض الفرد فيهم يتناول العقاقير التى اكتشفها وطورها الغرب الصليبى هذا , فلو كانوا اهل الغرب مشغولين بالفتاوى لا ادرى من كان سيصنع الدواء للمسلمين ؟؟

[Hisham Suliman]

ردود على Hisham Suliman
[اشرف] 06-16-2014 11:44 AM
الله ينور عليك ياهشام .اصبت كبد الحقيقه .

[مسلم] 06-16-2014 09:47 AM
أسيادك المنبهر بحضارتهم ديل لمن كان الاسلام عزيز والناس ماسكة دينها صاح هم كانوا لاشئ, وعلماء المسلمين البتستخف بيهم ديل هم الوضعوا اللبنات الأولى لكل العلوم الحديثة في الطب والهندسة والكيمياء والفلك والرياضيات وحتى الكمبيوتر , وهم ماكانوا علماء حيض ونفاس وتطبيل للسلطان وإنما كانوا علماء ربانيين ربطوا الأرض بقيم السماء, أما الآن لأنو الناس الناس تركت دينها وبقت مسوخ مشوهة زييك كدة لا عارفة دين ولا عارفة دنيا عشان كدة وصلنا للإنحطاط النحن فيهو دة, واسألك بالله انت قدمت شنو للبشرية ؟ وين علمك وتكنولوجتك القدمتها؟أصلا من ناحية الدين عارفنك قادي دين واخلاق, ورينا عقليتك المتطورة والعصرية, والله أنا أكاد أجزم بأنك انسان عاطل وعالة على أسرتك وجاية تتفصح وتقل أدبك هنا, عليك الله فكنا ياوهم

[البيان الواضح] 06-16-2014 09:38 AM
ما حكم الاستهزاء والتنقص من شعائر الدين وكراهية من يدعون إلى دين الله واتهامهم بكل التهم الباطلة وخلط الحديث حقه وباطله ، صحيح نحن في آخر الزمان يتكلم الرويبضة في أمر العامة ، لكن سيعلم الذين ظلموا أي منقلب ينقلبون


#1035854 [Seek]
5.00/5 (1 صوت)

06-16-2014 12:12 AM
خلاص خليت الدعاره وقبلت علي الكوره. يا تجار. الخطب

[Seek]

#1035827 [بت قضيم]
5.00/5 (1 صوت)

06-15-2014 11:54 PM
هذا اخر ما وصلت له قريحت وعقل الفارغ الفتوى في كرة القدم واستهداف المسلمين من قبل النصارى واليهود يا جهلول لماذا لا تتحدث عن الفساد والظلم في بلدك

[بت قضيم]

#1035805 [سدالنهضة]
5.00/5 (1 صوت)

06-15-2014 11:30 PM
خلاص الخطب في الدين الحنيف كملتوها بقيتو في الكورة دفعو ليك كم عشان تقول الخطبه دي يا مولانا عدم شقله
ياخ اتكلم في الاختلاس من وزراء وولاءه ومخدرات ودعارة في الشقق المفروشه والتزوير بتاع الاراضي شئ مخجل انك تخطب في مسجد بالنفاق

[سدالنهضة]

#1035797 [[email protected]]
0.00/5 (0 صوت)

06-15-2014 11:17 PM
ده خلى الجاي والجاي مشي للفيفاتلقاه اول واحد بشاهد كاس العالم وعامل فيها امام مسجد

[[email protected]]

#1035792 [البعاتي]
5.00/5 (7 صوت)

06-15-2014 11:10 PM
الامام الدلاهة ما سمع باللاعبين المسلمين في الدوريات الأوربية !!!!

فريدريك عمر كانوتي كمثال، اسلم 1999م في العشرين من عمره، اشترى عقار في مدينة إشبيلية الاسبانية للحفاظ على المسجد المقام فيه ...

كما تبرع لاعب المنتخب الفرنسي كريم بنزيما بمبلع ثلاث ملايين يورو للمساهمة في بناء مسجد في مدينة ليون الفرنسية مسقط رأسه ...

هذا بعض مما يقدمه اللاعبين في اعتى الدوريات الأوربية ..

ماذا قدم هذا الامام المابون وشيعته من جماعة المشروع الدعاري؟ ... سوى سرقة كهرباء وتصاديق مواد البناء للمساجد والأدهى اغتصاب الأطفال داخلها، " كل شيء لله"...

[البعاتي]

#1035786 [كبسول]
4.75/5 (5 صوت)

06-15-2014 10:50 PM
انه رجس من عمل الشيطان
أتريد منديلا يا شيخنا ام منديلا تريد

[كبسول]

#1035784 [اشرف]
2.74/5 (9 صوت)

06-15-2014 10:47 PM
احيببببببببببببببببى ..الناس دى حتجلطنا ...
الفيغا مؤسيه طاغوتبه
الغيفا ضربت رصاص حى على متظاهرين ؟
الفيفا رئيسها جاء بانقلاب ضد القبلو؟
الفيغا ضربت سودانير؟
الفيفا قسمت بلد كان مليون مربع ؟
الفيفا سجنت الناشطين والاحزاب الضدها ؟
والاعبين النصارى ديل
ميسى سرق مكتب الوالى ؟
رونالدو عدم شركه الاقطان التيله؟
شفنشتايقر سرق خط هيثرو؟
بالوتيلى جاب شحنه بنقو بورسودان ؟.
ده خطيب جامع ولا معلق مباراه
الله يحرقكم حرقتو دمنا

[اشرف]

ردود على اشرف
[بدر النهار] 06-16-2014 10:46 AM
بنزيما قبضوه في نهار مضان في حالة زنا بشقة بالرياض !!!!!!
بلاتر قبض 25 مليون دولار من القرض الهندي اللي مشروعة ماإتنفذ ؟؟
والحبل علي الجرار

European Union [ياسر] 06-16-2014 02:54 AM
المعلق اشرف قطعت مصاريني من الضحك وكلامك صاح ميه في الميه


#1035780 [عصمتووف]
5.00/5 (1 صوت)

06-15-2014 10:44 PM
مولود الاولمبياد اتريد الشهرة ي شيخ العرب الضلالي محب الشهرة لو كان وجهت له دعوة للبرازيل لشاهده جمهور المصلين بين الحسان البرازيلية ويرقص السامبا ويهز ارادافة البرقص ما بغطي دقنة ** لكن المحيرني المصلين الطير ديل يستمعوا لهذا الغراب ضاعت صلاتكم يعوضكم الله

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة