الأخبار
أخبار إقليمية
تجار التمباك يهاجمون وزارة الصحة
تجار التمباك يهاجمون وزارة الصحة
 تجار التمباك يهاجمون وزارة الصحة


نحن لا نصنع بما يضر الإنسان
06-16-2014 12:28 AM

الخرطوم: نجلاء عباس
نفى اتحاد الغرفة الفرعية لتجار التمباك ولاية الخرطوم، إدخال «العرقي» و«روث» الحمير في تصنيع التمباك. وقال الأمين العام لغرفة تجار التمباك عبد الناصر محمد علي : «نحن لا نصنع بما يضر الإنسان». لافتاًَ إلى إجرائهم لدراسة علمية حول التبغ الذي أوضح أنه يسبب السرطان بنسبة «2%» فقط، وما صرحت به وزارة الصحة باتباعنا هذه الأساليب وقذفنا بتلك الاتهامات يسيء لنا، واعتبر عبد الناصر أن تلك الاتهامات خارجة بقصد التقليل من الذين يعملون في هذا المجال لأكثر من «300»عام طلباً للرزق، وطالب الاتحاد من وزارة الصحة عمل مراقبة كاملة لكل محلات بيع التمباك بعدها ستمنح الوزارة الحق بإغلاق المحلات إن وجدت بها شيئاً مما اُتهمنا به.

الانتباهة


تعليقات 17 | إهداء 0 | زيارات 4697

التعليقات
#1036898 [سوداني بس]
0.00/5 (0 صوت)

06-16-2014 09:56 PM
كمان التمباك
برضو دايرين تعزبو الناس فيو
دا حتكون مظاهراتو قوية
وبكرة نسمع جلسة البرلمان
رفع العم عن التمباك
وروحو ادفعو ليك اصحاب المحلات قروش اضافية
دا فهم ليي فهم جاي
نسمع وبعد داك نشوف

[سوداني بس]

#1036837 [الكرباج الحار]
0.00/5 (0 صوت)

06-16-2014 07:52 PM
غير الوساخة وكل ما ياخر السودان ما بنلقى منكم

[الكرباج الحار]

#1036437 [Rihana]
0.00/5 (0 صوت)

06-16-2014 12:55 PM
تعرفو السبب الخلاهم ياتو بموضوع التمباق ده شنو؟لانو بيزرع في غرب السودان..اصلا هم عايزين يمسحو اي شي اسمها غرب..وماعايزين اي دخل لغرب السودان.ده كل الموضوع..المواطن كل لو مريض مايهمهم.حاربو الملاريا ,والفساد الحكومي,ووووو التي ليس لها علاقه لا بالتمباق ولا بالسرطان.والله انتم السرطان في داخل الشعب السودان.ملايين الشعب السوداني يتعاطو التمباق.م سمعنا يوم وووواحد انو مرض بسبب التمباق.بل بالعكس انتم من مرضتو البشر

[Rihana]

#1036436 [توتو بن حميده آل حميده]
0.00/5 (0 صوت)

06-16-2014 12:54 PM
سبحان الله يا ود عماري - سوولك اتحاد غرفة فرعية لتجار التمباك ولاية الخرطوم، وبقوا يخلطوك بالعرقي» و«روث» الحمير وكمان أمين عام لغرفة تجار التمباك. ودراسات علمية. هراء هراء - ما في نزاهه - أيام الزمن الجميل يتم تمطيره فقط بالعطرون وبعض المحسنات التي تزيد من جودته.

[توتو بن حميده آل حميده]

#1036303 [ود عشمانة]
5.00/5 (1 صوت)

06-16-2014 11:28 AM
والله عجيب ... لو قفلتو دكاكين التمباك المحليات تسف من وين ؟؟

[ود عشمانة]

#1036288 [طفشان]
1.00/5 (1 صوت)

06-16-2014 11:18 AM
ده كلو كوم والبنتين الواقفات مع سيد التمباك ده كوم تاني ... !!!! الحكاية شنو يا جماعة البنات بقن بسفن على عينك يا تاجر ؟؟؟؟ والله عشنا وشفنا ...!!

[طفشان]

#1036255 [الفاتح]
5.00/5 (1 صوت)

06-16-2014 10:48 AM
خلاص البلد وصلت قمة الحضاره وخلصنا من الفساد الذي أزكم الأنوف والصحة والعلاج أصبح في متناول الجميع التعليم متوفر للكل المياه متوفره في كل البيوت الشوارع نظيفه المواصلات متوفره وبدأنا في محاربة ومعالجة العادات الضاره .... مبروك

[الفاتح]

#1036231 [المتجهجه بسبب الانفصال]
0.00/5 (0 صوت)

06-16-2014 10:30 AM
TEA PARTY
SNUFF PARTY

[المتجهجه بسبب الانفصال]

#1036204 [حزين جداً]
1.00/5 (1 صوت)

06-16-2014 10:13 AM
بلا صاعود بلا غرف معاكم . إغلقوا مزارع التمباك وريحونا لأنها غرف غرف عرف ومضرة بالصحة وشئ غير إجنماعي على الإطلاق

وإغلقوا مواقع الشيشة والمعسل أفسدتم أبناءنا وشبابنا .

نحن نريد جيل صالح وشباب معافي غير مريض بهذه الأشياء القبيحة والقبيحة جداً .

قال تجار التمباك قال .... شئ أصلاً مكروه مكروه وكسبه غير حلاااال .

أرجو عدم تسهيل أمر الصاعود والسجائر والشيشة بأنواعها . الله يكون في عون من تقع عليه المسئولية .

بس حزين لسهولة تراخيص هذه المكروهات ... يخس .

[حزين جداً]

ردود على حزين جداً
European Union [عصمتووف] 06-16-2014 09:48 PM
جنس مجمجة وفك لسان
غرف غرف عرف*************الصاعود *********** أبناءنا ***********
اولا انت واو الضكر ما بتعرفو هل تقصد الغرف ام القرف **** ابناؤنا ******** انصحك امشي لتغليم الكبار وتعال اقعد في الراكوبة انت ما بتسف نحن بنسف مالك ي مقرف

European Union [Rihana] 06-16-2014 12:41 PM
شكلك اخواني ارهابي متاسلم....روح ونظف نفسك من الوسخ ال انت فيه ونظف الاخرين...حسع عليك الله بيع التمباغ ول نهب المليارات للخارج؟ كلامك ده وجها للحراميه والمنافقين الذيك ديل.تفووووو عليكم وعلى اليوم اللمانا معاكم


#1036123 [عبد الجبار احمد]
5.00/5 (1 صوت)

06-16-2014 09:18 AM
خلونا من قصة صعوط وتمباك وغيرها

شوفو لينا موضوع الحرامية البسرقوا على عينك يا تاجر وهم جالسين في كراسي السلطة

[عبد الجبار احمد]

#1036119 [عماري ممتاز]
5.00/5 (2 صوت)

06-16-2014 09:14 AM
الأمين العام لغرفة تجار التمباك، هههههههههههههههههههههه انتو جادين

[عماري ممتاز]

#1036117 [أبوقرجة]
0.00/5 (0 صوت)

06-16-2014 09:14 AM
نفسي في سفه كاربه كده من شارع الجلود في أم درمان .... أنا بقول نأسس حزب الصعود ... أكيد حيفوز بالانتخابات حتى لو زوروها ...

[أبوقرجة]

#1036105 [ندمان ع اي لحظة مرت ما سفيت فيها]
0.00/5 (0 صوت)

06-16-2014 09:08 AM
ارحم لينا روث الحمير الف مرة عساه من خدار ...ولاكن يبقي السوال عن القطن الممحور وراثيآ والنفايات التي تدفن داخل السودان من دول اروبا مقابل الدولار والمواد المسرطنة في معظم المصانع السودانية والتخصيص و و و ..وهل يعقل وزراء ووزير صحة يعمل ف البزنس..
ملحوظة: ويا وزارة الصحة بعد توفروا للمرضئ ابسط مقومات الانسانية بعديها اتفاصحو..
ويا المنجلك والصادق ..هو الشنو الما حرام ف البلد ديك .
انتوا زاتكم حرام خلاص بقت علي التمباك .وماف حد محتاج نصايكم نسف .نسكر..نخشخش...عليكم بالمسجد وزيارة مشائخ الضلال ثم اسركم ...اماخصوصيات الاخرين فلست من مسؤليتكم ...
فتبآ لهذه بلاد وتبآ لهولاء منظراتية ومتاسلمين ...

[ندمان ع اي لحظة مرت ما سفيت فيها]

#1036041 [Degess]
0.00/5 (0 صوت)

06-16-2014 07:55 AM
والله حرام عليكم ي موتمرجي خلو الناس تاكول عيش لو قفلتو دكاكين التمباك انتو بتسفو شنو...?

[Degess]

#1036032 [المنجلك]
0.00/5 (0 صوت)

06-16-2014 07:40 AM
يا زول ده كلام شنو يعنى الصاعود بتاعكم خالص 100% لو لفيت كل محلات الصاعود ما بلقى صاعود نظيف 100%

[المنجلك]

#1036028 [صادق]
5.00/5 (1 صوت)

06-16-2014 07:32 AM
سيظل التمباك من المحرمات شرعا لوجود المادة المخدرة بها
التمباك ضار بالصحة لانه يسسبب السرطان
التمباك تعاطيه مقرف
مزارعوا التمباك لا يستفيدون
تجار التمباك هم الوحيدون المستفيدون
المناطق التي تزرع فيها التمباك لا يوجد بها من يتطعاى هذا المخدر
انتبه كن في طاعة الله وتذكر حسن الخاتمة

[صادق]

#1035985 [مرتضي الجعر]
0.00/5 (0 صوت)

06-16-2014 04:41 AM
آآآآخ يا رأسي.
صداع فظيع.
داير لي سفة كاربة من العملو عليها (دراسة علمية) دي.
وتكون سفة فيها بروتينات وفيتامينات مُثبتة من المجلس العلمي لإتحاد تجار الصعود السوداني!!

بصراحة يا تجار الصعود لازم تجتهدو أكثر عشان تأخدو شهادة الجودة العالمية (الآيزو) لأنكم تستحقوها عن جدارة!!
أما وزارة الصحة فدي وزارة فاشلة ساي وحاقدة علي إنجازاتكم العلمية!!

يحيا إتحاد تجار التمباك العلمي.
وتسقط وزارة الصحة التي تحارب التمباك العلمي.

[مرتضي الجعر]

ردود على مرتضي الجعر
[فطومة بنت أم در] 06-16-2014 07:40 AM
ههههههههههههههههههههههههههههههههههههههه بالغت والله

European Union [عشكبه] 06-16-2014 06:10 AM
و الله يا مرتضى أخوي ناس الحيكومه ديل حيرونا ....
هسي امانه عليك الفاسد منو التمباك ولا المتعافي و نافع ؟
أنا أشيد بالتنمباك و تجاره الاشاوس الذين يقفون سدا منيعا في وجه السلطة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة