الأخبار
أخبار إقليمية
ترتيبات لإنشاء خط سكة حديد يربط السودان بدولتي أثيوبيا وأريتريا
ترتيبات لإنشاء خط سكة حديد يربط السودان بدولتي أثيوبيا وأريتريا
ترتيبات لإنشاء خط سكة حديد يربط السودان بدولتي أثيوبيا وأريتريا


06-17-2014 12:58 AM
SMC

كشفت وزارة النقل والطرق والجسور عن ترتيبات لإنشاء خط سكة حديد يربط السودان بدولتي أثيوبيا واريتريا خلال الفترة القادمة.

وأكد دكتور أحمد بابكر نهار وزير النقل في تصريح لـ(smc) عقب لقائه السفير الأثيوبي أبادي زمو حرص السودان على تنفيذ كافة الاتفاقيات الموقعة بشأن حركة النقل بمجالاته المختلفة مع الدول المجاورة وبحث اللقاء كيفية تفعيل الاتفاقيات الموقعة في مجال نقل الركاب بدءاً من العام 2013 خاصة اتفاقيات السكة حديد، كاشفاً عن اتفاقهم على مقترح ربط السودان مع أثيوبيا بخط الرصيرص ود الماحي أثيوبيا على النيل الأزرق بجانب خط آخر يربط السودان مع أريتريا بخط خشم القربة حمداييت اريتريا.

وأبان نهار أن الوزارة في إطار سعيها لتطوير قطاعات النقل بذلت جهوداً مكثفة مع الجهات المختصة بشأن تحقيق الأهداف وتسهيل الحركة التجارية مع دول الجوار للإسهام في إنعاش الاقتصاد السوداني وتطوير العلاقات الخارجية في مختلف المجالات.


تعليقات 12 | إهداء 0 | زيارات 2515

التعليقات
#1037706 [ود الشبارقة]
0.00/5 (0 صوت)

06-17-2014 06:26 PM
ماذا فعلتم بطرق الموت يا طرق ويا جسور ، ماذا اعددتم للخريف والخريف السابق مازالت اثاره باقية ولم تنفذوا ما وعدتم به ، الم تروا طرق المحفرة والترابية والاسمنتية ، الم تشاهدوا طرق سوق المحلي والمركزي ، وطرق ام درمان ، ماذا انجزتم ؟ الطرق القومية عبارة عن طرق زراعية فالله تولى حفظ الانفس ، وانتم ادبرتم ظهوركم لطرق مع مصر ومع تشاد ومع الحبشة واريتريا باقي الصومال ياريت تعملوا سكة حديد مع مقديشو ، واريقيا الوسطىى ورواندا ، ومن ثم تهجروا اهل السودان واستبدلوهم بافارقة، عملتم ردمية هجليج فكانت بردا وسلاما على دبابات الجنوب وهي تدك ابار النفط في هجليلج ، والظاهر السيسي سوف يلقنكم من نفس الكاس عن طريق الطريق المصري السوداني ، يا عقلاء السودان من الذي يفكر للحكومة ، من الذي ينفذ خطط الحكومة دائما نحن من نجني علىى انفسنا بعلم او بغير علم ، مشاريعك الزراعية لا يوجد بها حتى ردمية ترابية ، سكانك في دارفو وكردفان والنيل الابيض والنيل الازرق في الخريف ينقطعوا عن اقرب مدينة اليهم ثلاثة شهور ن وطرقك وجسورك عاجزة عن ان تعمل ليهم كبري خشب لمجرى سيل ، والله نحن في زمن المهازل ، اصحوا فقد فاق اهل السودان على كوابيس احلامكم المفزعة اللهم ولي على السودان من يخافك قبل ان يخشى الناس .ومن في قلبه رحمة تحجبه عن ظلم العباد .

[ود الشبارقة]

#1037570 [زول اغبش]
5.00/5 (1 صوت)

06-17-2014 03:40 PM
اربطوكم بي حبل من رقابكم يا اذية

[زول اغبش]

#1037403 [الحدقنو]
5.00/5 (1 صوت)

06-17-2014 01:04 PM
مرمي الله ما بترفع . نحن ناقصين كبد وبائي وبنقو وملاريا حبشية وبلاوي اريترية .أربطونا ان شاء الله مع الحمار دا احسن لينا من الحبوش.

[الحدقنو]

#1037239 [كتاحة امريكا]
0.00/5 (0 صوت)

06-17-2014 10:52 AM
الفقراء مع الفقراء بيعملوا ايه ؟؟

[كتاحة امريكا]

#1037216 [مامون]
5.00/5 (1 صوت)

06-17-2014 10:35 AM
الحمار ده متأكد مائه فى المائه انو ما حيمر على الخط قطار زى ما مالكه متأكد

[مامون]

#1037210 [زول وطني غيور]
0.00/5 (0 صوت)

06-17-2014 10:29 AM
هذه الخطوة قطعا هي خطوة ممتازة أو دعونا نقول إنها فكرة جيدة ولكن من المستحيل تنفيذها في هذا الظروف طبعا كما هو معلوم خطوط السكك الحديدية مكلفة جدا وهذه الثلاث دول هي دول فقيرة
( السودان وأرتريا وأثيوبيا) يعني بإختصار الأمر يحتاج لتمويل دولي والتمويل الدولي يحتاج لعلاقات خارجية ممتازة وهذا غير متوفر من جانب السودان وإرتريا على الأقل...

[زول وطني غيور]

#1037158 [أبو محمد]
3.00/5 (2 صوت)

06-17-2014 09:43 AM
هههههههههه يا عمك الحمار من سمع انه الخط حيوصل لاثيوبيا واريتريا بدا يشم الطريق الواصل لاغراض دنيئة في نفسه ههههههههههههههههههههههههههههههههههههههههههههههههههه

[أبو محمد]

#1037110 [ود الركابي]
3.00/5 (2 صوت)

06-17-2014 08:59 AM
بلااوي متلتلة وحاتقع في راسنا ..

[ود الركابي]

ردود على ود الركابي
[رانيا] 06-17-2014 06:37 PM
إنتوا لسه شفتوا حاجة ؟!


#1037084 [ام احمد]
5.00/5 (1 صوت)

06-17-2014 08:07 AM
هم بلا سكه حديد الحبشه والارتريين كرهونا السودان والبلد تفشى فيها المرض وفنون السرقه بلا حبشه بلا ارتريا

[ام احمد]

ردود على ام احمد
[رانيا] 06-17-2014 06:35 PM
والله صحي وناسنا ديل لمن يقعوا في الزول بيقعوا بكل تقلهم ..


#1037083 [خالد]
5.00/5 (1 صوت)

06-17-2014 08:05 AM
انجاز يا حكومة الانقاذ..... صدقناكم

[خالد]

#1037072 [خاطره]
3.00/5 (1 صوت)

06-17-2014 07:45 AM
اجمل حاجه الحمار المربوط في الصوره ده. ياخي هي البلد داخليا ما مربوطه عايزين توصلوها باريتريا والحبشة كمان. لو كان الكلام دا زمان وقت السكه حديد بخيره كان نقول ممكن. لكن انتوا خليتوا مافي حاجه ممكنه في السودان كله. دمرتوا كل شي وحتي الزول السوداني دمرتوه.

[خاطره]

#1037046 [ركابي]
5.00/5 (1 صوت)

06-17-2014 04:54 AM
ههههههههههههه حلوة صورة الحمار البشمشم في قضبان السكة حديد ...موت ياحمار علي بال مايجيلك العليق...اول اربطوا ولايات السودان ببعضها وبالعاصمة والموانئ وبعد داك مدوا السكك الحديد لجيراننا

[ركابي]

ردود على ركابي
[رانيا] 06-17-2014 06:36 PM
حقيقة .. ذي ما بيقولوا أقرع ونزهي !!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة