الأخبار
أخبار إقليمية
تجار (التمباك) بدارفور يحذرون وزارة الصحة بالخرطوم من اثارة النعرات الجهوية ويتهمونها بالفشل في مواجهة ديناصورات (السجائر)
تجار (التمباك) بدارفور يحذرون وزارة الصحة بالخرطوم من اثارة النعرات الجهوية ويتهمونها بالفشل في مواجهة ديناصورات (السجائر)
تجار (التمباك) بدارفور يحذرون وزارة الصحة بالخرطوم من اثارة النعرات الجهوية ويتهمونها بالفشل في مواجهة ديناصورات (السجائر)


"الغلبا راجلا قالت تأدب حماتا"
06-18-2014 12:22 PM
الراكوبة تحولت إتهامات وزارة الصحة لصانعي وتجار (التمباك) لقضية سياسية وتراشقات بين الطرفين لم تخلو من إتهامات جهوية وعرقية مباشرة. حيث اصدر تجار (التمباك) بدارفور بيانا ادانوا فيه إتهامات وزارة الصحة ضدهم.

وكانت الوزارة قد اوضحت ان صانعي (التمباك) يستخدمون بعر الحمير وبنج الحصين واسمنت وعرقي في تمطير الصعود وان الصعود السوداني يحتوي علي مواد خطرة مثل (اليورانيوم والكادنيوم).

وشنَّ إتحاد تجار (التمباك) بالفاشر هجوما عنيفاً علي وزارة الصحة بالخرطوم واشاروا إلي ان اهل دارفور حفظة قرآن لايتعاطون العرقي وان "العرقي اصحابه معروفين".

واتهم التجار الوزارة بالفشل في مواجهة الديناصورات اصحاب مصانع التبغ والسعي لمداراة ذلك بالهجوم علي تجار (التمباك). واضاف التجار في بيانهم "الغلبا راجلا قالت تأدب حماتا". وسخروا من ادعاءات الوزارة باعتبار ان ماذكرته يعد اغلي من التمباك ويشكل خسارة للتجار.

واكد التجار ان الصحة لاتملك دليلا واحدا علي ماذهبت اليه، وحذروها من إثارة النعرات الجهوية باعتبار ان (التمباك) يشكل عنصر الاقتصاد الاول لاهل دارفور.


تعليقات 18 | إهداء 0 | زيارات 3901

التعليقات
#1038922 [محمد عثمان عمر]
0.00/5 (0 صوت)

06-19-2014 05:25 AM
السلام عليكم

لكل السودانين والسودانيات

انتو دايرين سودانا يكون دولة فيها كل سوداني له كل الحقوق وعليه كل الواجبات

كلمة بسيطة لكنها كبيرة

تصالحو مع نفسكم

أنا من وين

فلان من وين

قبيلتي من وين

ونحن أحسن ناس

طيب فرقكم من الناس شنو

الكلمة الطيبة عربون المحبة

داير أصل لحاجة أغلب السودانين غير راضين عن الحاصل الآن

لكن الأسلوب ما كويس

اصبحنا نتحين الفرصة لننال من بعض

هل ده الاسلام

المسلم من سلم المسلمين من لسانه ويده

اخواني وأنا أولكم لازم الواحد يجلس مع نفسو ويتصالح معها أولاً والباقي ربنا يسهل

يعني خلاص التمباك بقى قصة عندنا كبارنا رجال ونساء يستخدمونه لكنهم ذو أخلاق طيبة

ما يهمني وحز في نفسي اننا لا نقبل راي الأخر

لكم من التحية

[محمد عثمان عمر]

#1038864 [معاذ عباس العبيد]
0.00/5 (0 صوت)

06-19-2014 03:52 AM
التمباك هو ادمان الادمان في السودان ،لكن التخلص منه ما يكون ببين يوم وليلة ..بل حبة ، حبة وذي ماغنى خوجلي عثمان (عليه الرحمة)حبة ..حبة.. زيد صدودك ..وزيد كمان الريدة حبة وامشي درب الححب معانا ..ابقي زينا زول محبة ، نحن ريدك من ربينا تأتأ فينا وفينا شبا ..وزي ما قالت قارئة الفنحان : يا ولدي لما تسف التمباك مع انك قيافه وشائل لابتوب (ان يور باق) ياولدي ..في يدك ياولدي كيس التمباك ..لن ياخذه منك اضخم ثيردباك..للتمباك رائحة سبحان المعبود ..وحبيبتك لن تاخذ منك الوعووود..ستظل وحيدا يا ولدي في بئر الحرمان ..وستغني ياولدي بي عود وكمان..وستحن لايام زمان..وستجدع كيس التمباك ..وتعود لحبيبتك يا انسان...تن..تن...تن.. تن..تن..تن..
مع تحات / معاذ عباس العبيد[email protected]

[معاذ عباس العبيد]

#1038693 [الفاتح]
0.00/5 (0 صوت)

06-18-2014 06:57 PM
أكثروا من نشر القضايا الهامشية وألهوا المواطنين بها وأفعلوا ما تريديون

[الفاتح]

#1038691 [اللحوي]
0.00/5 (0 صوت)

06-18-2014 06:55 PM
يا أخوانا التمباك ده موجود في أرقى أماكن بيع التبغ العالمية وفي أرقى العواصم ولكنه معبأ في علب وله ماركات (Chewing Snuff) ... ولكن الإختلاف في البيئة ... نحن لاتوجد لدينا أماكن عامة لرمي المخلفات ... يعني ممكن تكون واضع سفة ولكن عندما تريد التخلص منها ... لاتعرف أين ترميها ... وعندما تريد إضفاء سيجارة لا تجد مكان لرميها إلا الأرض وهي أصلا ما ناقصة بالفيها ... بطلوا الفلسفة ولا تشغلوا الناس بالمواضيع الأساسية خلوهم في حالهم ... إنشاء الله الواحد يبقى زي البندقية معمر طوالى.

[اللحوي]

#1038675 [Mojo]
0.00/5 (0 صوت)

06-18-2014 06:34 PM
وشنَّ إتحاد تجار (التمباك) بالفاشر هجوما عنيفاً علي وزارة الصحة بالخرطوم واشاروا إلي ان اهل دارفور حفظة قرآن لايتعاطون العرقي وان "العرقي اصحابه معروفين".



برافو يا تجار التمباك … خليييكم دائمآ مفتحين لآنه إحتمال الحكومه عايزه تفرض ضريبة إضافية حتى تغطي بيها العجز
النتج من فساد والي الخرطوم

وآخيرآ شكرآ لأنو زكرتونا كمان العرقي اللي عملتو زوجة المك نمر في شندي لتكريم إسماعيل باشا

[Mojo]

#1038619 [سامر]
0.00/5 (0 صوت)

06-18-2014 05:32 PM
ابشروا تجار التمباك بدافور فإنكم لن تتأثروا بقرار الوزير، إذ أن هناك حوالي 3 مليون من مواطني ومواطنات جمهورية جنوب السودان لم يزالوا (خرمانين) منذ يوم الانفصال وحتى اليوم. صدروا التمباك إلى دولة جنوب السودان عبر جمهورية السودان، وفي هذه الحالة سوف يكون التمباك سلعة نقدية تدر عليكم وعلى الحكومة الاتحادية ملايين الدولارات.

[سامر]

#1038601 [عادل]
0.00/5 (0 صوت)

06-18-2014 04:55 PM
والله قصص عجيبة بقت على التمباك والسجائر البلد كلها منتهية الصلاحية دا صراع مصالح بس

[عادل]

#1038600 [جيفارا]
0.00/5 (0 صوت)

06-18-2014 04:55 PM
وشنَّ إتحاد تجار (التمباك) بالفاشر هجوما عنيفاً علي وزارة الصحة بالخرطوم واشاروا إلي ان اهل دارفور حفظة قرآن لايتعاطون العرقي وان "العرقي اصحابه معروفين".

نعم اهل دارفور حفظة لكن لايعملون به قتل النفس عندهم أهون من قتل البعوضة والسرقات والنهب وقطع الطرق والمعرضة وسفك الدماء دارفور اصبحت سرطان السودان يجب فصلها اسوة بالجنوب وكل الذي ذكرته الوزارة صحيح بالنسبة للتمباك وهذا ما اكدته المختر بالوزارة

[جيفارا]

#1038550 [مخطط محتمل]
0.00/5 (0 صوت)

06-18-2014 03:57 PM
تاني تجو يا اولاد الشمالين يا مدقري التمباك _ نحن نصنع ولا علاقة لنا بأستعماله _ و لذا قاطعي الأرزاق يخططو لكم يا إتحاد التجارة كما تم محاربتنا في سوق ليبيا امدرمان

[مخطط محتمل]

#1038513 [محمد عمر]
0.00/5 (0 صوت)

06-18-2014 03:32 PM
وين الجهوية والنعرات في الكلام ده هسي ؟؟

[محمد عمر]

#1038501 [قرضمة]
0.00/5 (0 صوت)

06-18-2014 03:20 PM
عليكم الله دي امة يرفعوا ليها علم

ابوكم على ابو الحكومة على ابو عقدكم الما دايرة تنتهي دي

[قرضمة]

ردود على قرضمة
[سعيد الياس] 06-18-2014 05:52 PM
ههههههههههههههه قرضمة...ينصر دينك


#1038469 [ابوضرغام]
0.00/5 (0 صوت)

06-18-2014 02:51 PM
والله غيركم ما عاملين الأذية لإنسان السودان

[ابوضرغام]

#1038454 [هدهد]
0.00/5 (0 صوت)

06-18-2014 02:35 PM
ههههههها قال الصعود فيه مواد ........ طيب ما كفاية مادة التخمير والتى تستخدمونها فى المخابز وادت الى انتشار السرطان فى كثير من المواطنين وساكتين عليهو والطماطم بتاعت البيوت المحمية دى عشان بتاعت كيزان ما فى زول يتكلم فيها ماهى كلها مواد كيمائية مضرة وياكلها المواطن داخل احشائه والصعود يوضع على الفم فقط فأيهم اكثر خطر ايها الكلاب اللصوص .متى تعدلوا ومتى تنصفوا الشعب خلونا فى تمبكانا دا وشيلو وصادروا هذه الطماطم المسرطنة ومادة التخمير التى تنتج من الجوال اكثر من مليون رغيفة !!!!! لصوص كمان تتاجرون فى صحة البشر وتتكلمون عن الحلال والحرام !!!!!.

[هدهد]

#1038441 [التويمابي]
0.00/5 (0 صوت)

06-18-2014 02:23 PM
نعم أتفق معك أيها الحبيب النفيعابي بأنهما بئس الإتحاد وتجارته ، أم في دعائك عليهم فمن الأنفع أن ندعو لهم بما هو أفضل وأن يصلحهم ويهديهم إلى سواء السبيل ، ولايجوز أن ندعو عليهم بدعائك لا رأفاة بهم ولكن لأن الله تقدست أسماؤه وتنزهت صغاته عن ماذكرت سبحانه وتعالى علواً كبيراً.

[التويمابي]

#1038414 [أبوقرجة]
5.00/5 (1 صوت)

06-18-2014 01:54 PM
والله تلحقوا يا ناس الحكومه توقفوا التمباك دا ... الخرامانين براهم في السودان يعملوا أعظم انتفاضه شعبية ....

فعلاً بيان شديد اللهجة ههههههههههههههههههههههههههههههه

[أبوقرجة]

#1038404 [radona]
0.00/5 (0 صوت)

06-18-2014 01:39 PM
ابعدوا من ودعماري
تجار التمباك هم ممولين للضرائب وكافة الجبايات والمكوس الاخرى
واننا نحذر من المساس بكيف الشعب الاول فاننا نعتبر التمباك مثله مثل البترول والذهب
السودانيين ممكن يتخلوا عن اي شئالاسفة التمباك التي توزن الدماغ
ولولا سفة التمباك لضاق خلق السودانيين وقاموا بملا يحمد عقباه
شوفوا ليكم شغلانة غير ودعماري يااعداء الشعب

[radona]

ردود على radona
European Union [Mojo] 06-18-2014 05:02 PM
الضرائب علي السلع والخدمات + ضرائب علي مصانع السجاره + ضرائب التمباك +غرامات ستات عرقي = إجمالي الدخل القومي
مرتبات العاملين في الدوله بما فيها مخصصات منسوبي المؤتمر الوطني ومجمع الفقه الإسلامي from tax
أنا عايز زول كوز يثبت لي إنو ما أكل قروش عرقي او صعود


#1038362 [asiiiiiiiiiiiaam]
0.00/5 (0 صوت)

06-18-2014 01:07 PM
هههههههههههههههههههههههههههه

[asiiiiiiiiiiiaam]

#1038305 [النفيعابي]
0.00/5 (0 صوت)

06-18-2014 12:30 PM
بئس الاتحاد و بئس التجارة ...الله يقرفكم يا قرف

[النفيعابي]

ردود على النفيعابي
European Union [Mojo] 06-18-2014 05:03 PM
وشنَّ إتحاد تجار (التمباك) بالفاشر هجوما عنيفاً علي وزارة الصحة بالخرطوم واشاروا إلي ان اهل دارفور حفظة قرآن لايتعاطون العرقي وان "العرقي اصحابه معروفين".



برافو يا تجار التمباك … خليييكم دائمآ مفتحين لآنه إحتمال الحكومه عايزه تفرض ضريبة إضافية حتى تغطي بيها العجز
النتج من فساد والي الخرطوم..




وآخيرآ شكرآ لأنو زكرتونا كمان العرقي اللي عملتو زوجة المك نمر في شندي لتكريم إسماعيل باشا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة