الأخبار
منوعات سودانية
صاحب نادي مشاهدة يتعدى على محل زميله بسبب كأس العالم
صاحب نادي مشاهدة يتعدى على محل زميله بسبب كأس العالم



06-19-2014 12:36 AM
بحري - ابتسام

اتهمت محكمة جنايات الحاج يوسف برئاسة مولانا أبايزيد البشير صاحب ناد للمشاهدة وآخر بتهمة تعديهما على ناد للمشاهدة بسبب كأس العالم وسببا له خسائر بمنطقة شرق النيل إلا أن المتهم الأول رد عن التهمة بأنه غير مذنب وأنه استأجر النادي من المتهم الثاني صاحب المنزل وأخبره بأن الشاكي غادر المحل واستأجر ناديا آخر ولديه شهود، ورد المتهم الثاني بأنه غير مذنب وأن الشاكي ترك العمل بمنزله واستأجر منزل آخر ولديه شهود دفاع، وحسب الاتهام تشير التفاصيل إلى أن الشاكي استأجر منزل المتهم الثاني ناديا للمشاهدة إلا أن المتهم الأول تعدى بالبناء فيه ناد للمشاهدة (كأس العالم) وألقت الشرطة القبض على المتهمين والتحقيق معهما واتهمتهما النيابة بالتعدي.

اليوم التالي


تعليقات 6 | إهداء 0 | زيارات 1119

التعليقات
#1039676 [احلى من كدة مافى]
0.00/5 (0 صوت)

06-19-2014 07:05 PM
انتو دايرين شنو / واحد عندهـ بيت / قطع منو حتة عملها نادى مشادة / برضو مالفقت/قطع حتة تانية عملها نادى مشادة / الزول الاجر نادى المشادة الاول كان شريك الثانى عمل معاهو دوشة واجر القطعة الثانية / اها الناس دخلت نادى المشادة الاول اكتر من الناس الدخلو نادى المشادة الثانى والغيرة قامت انته لى بس عندك ناس اكتر منى اللى عندى / اصولو بتاع نادى المشادة الاول راشى الواطة بالخرطوش وطالق بخور تيمان منها يكف العين ومنها رأس الحربة ينشن على القون عديل والنتيجة البتطلع عنده احسن من النتيجه البتطلع عن صاحب نادى المشاهدة الثانى / وكمان قالو مشترى الحكام؟

[احلى من كدة مافى]

#1039670 [الفحل]
0.00/5 (0 صوت)

06-19-2014 06:58 PM
راكوبة كلها هبل

[الفحل]

#1039609 [تينا]
0.00/5 (0 صوت)

06-19-2014 05:16 PM
هههههههههههههه ضحكتنى يا (((عمرابى))) اخوى صدق وانا بقرأ فى الكلام قبل ما ادخل على التعليقات لقيت نفسى ما فاهمة أيى حاجة والكلام كلو استأجر استأجر قمت اعدت القراءة تانى برضو ما فهمت قلت ياربى القى ناس معلقين عشان افهم الحاصل لأنى قايله براى المافهمتا ومخى تخين ... لكن لقيتك انت والاخوان خاطرة واحمد كلكم ذييى ... اذن المشكلة فى ابتسااااااااااااام ... تحياتى لكم ...

[تينا]

#1039444 [عمرابي]
0.00/5 (0 صوت)

06-19-2014 02:16 PM
والله يا خاطرة ..

أنا قايل روحي براي البليد .. شلتي الكمبيوتر رجيتو .. قلت يمكن الكلا يترص صاح ..
قريت تاني بدون فايدة .. قعدت فووووق في التربيزة جمب الكمبيوتر وحنستو .. علا عنقد .. وكتب لي (ياهو دي .. عجبك عجبك .. ما عجبك شوف سواتك) .. نزلت وصنقرت .. وجعرت .. وفي النهااااااية إكتشفت إني ما بليد شديد ..

بلادتي كانت في التحانيس الحنستها للكمبيوتر دا ..

يا إبتسام .. ماااااا ترحمينا شوية .. كدي بي أمانة الكتبتيو دا فاهماهو .. ولة كمان زي ناس عشة ديك .. لفحتي لفح وجيتي جارية بيه ..

إنتو ما كلموكم زمان قالو ليكم بطلو اللفح ..

أمنية خاصة ..

فسي أعرف البليد منو .. القاضي ولة نادي المشاهدة .. ولة صاحب المنزل

[عمرابي]

ردود على عمرابي
European Union [عمرابي] 06-19-2014 05:17 PM
تسلم خاطرة ..

بيني وبينك عدم الفهم دا زاااااتو ما فهم .. ما موجعني إلا محاولاتي بتاعة الفهم .. وإنعل أبو الفهم زاتو ..

United States [خاطره] 06-19-2014 04:36 PM
والله يا عمرابي انت اجتهدت شديد عشان تفهم الكلام ده. ههههههههههههههه.انا قلت لو حاولت افهم حبة العقل الباقيه دي بتطير. مع تحياتي.


#1039427 [احمد]
0.00/5 (0 صوت)

06-19-2014 02:03 PM
دا شنو ياابتسام الهرج والمرج دا ما فهمنا اى حاجه (انت صحفيه ؟

[احمد]

#1039027 [خاطره]
1.00/5 (2 صوت)

06-19-2014 09:11 AM
كلام واضح ومنظم وجميل. لو في واحد ما فاهم حاجه اتصل علي ناس الراكوبه في غير اوقات القيلولة كان يحلوا الغلوطيه دي.

[خاطره]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة