الأخبار
أخبار إقليمية
رجال أعمال سعوديون يؤسسون لبناء 50 برجاً في السودان
رجال أعمال سعوديون يؤسسون لبناء 50 برجاً في السودان
رجال أعمال سعوديون يؤسسون لبناء 50 برجاً في السودان


06-22-2014 04:24 PM
أعلن المدير العام لشركة الرواد في السودان المهندس مصطفى الترعاني الشركة التي يملك غالبية اسهمها رجال أعمال سعوديين عن بدء تنفيذ المرحلة الثانية من مشروع مجمع الرواد السكني في حي اللاماب جنوبي العاصمة الخرطوم بتكلفة تقدر ب30 مليون دولار.
وقال الترعاني أن هذه المرحلة تأتي بعد الانتهاء من المرحلة الأولى التي شملت إنشاء المباني وتمثلت في 50 برجاً ممتدة في آلاف الأمتار في هذا الموقع المميز تحتوى على شقق مريحة وبمساحات مختلفة. وأوضح الترعانى أن المرحلة الثانية تشمل المباني الخدمية مثل الأسواق التجارية والحدائق والمركز الطبي بالإضافة إلى وسائل الترفية المختلفة.

وشدد على أن الشركة تسعى لتكون بمثابة مظلة تنطوي تحتها مشاريع عقارية مختلفة ترضي كل الأذواق بهدف تحقيق نهضة حضارية تسهم في التنمية الاقتصادية والاجتماعية في السودان والمنطقة عامة.

ويستحوذ مستثمرون سعوديون على نسبة 90% من أسهم الشركة التي تعد واحدة من اكبر الشركات في سوق العقارات السوداني..
الرياض السعودية


تعليقات 44 | إهداء 0 | زيارات 11744

التعليقات
#1042844 [tornad-xy]
0.00/5 (0 صوت)

06-23-2014 04:47 PM
تبنوها و تسكنوا فيها انتو بس والباقي تعملوا مخازن لـ....؟! we all out of here

[tornad-xy]

#1042813 [حسكنيت]
5.00/5 (1 صوت)

06-23-2014 03:56 PM
كدى ألغوا لينا ساعة البكور وخلونا من برج السرطان وبرج العقرب

[حسكنيت]

#1042800 [aa]
5.00/5 (2 صوت)

06-23-2014 03:45 PM
لآحظ الخبر الآخر في الراكوبة:
"شركة سعودية تعتزم بناء أكبر مزرعة أبقار في مصر وضخ استثمارات بـ500 مليون دولار"
أهو دة الإستثمار !! زراعة و صناعات اساسية و مشايع منتجة و من شركات معروفة بنجاحها العالمي .....

[aa]

#1042621 [العارف عزو]
5.00/5 (1 صوت)

06-23-2014 01:00 PM
والله حتطيرواالابراج الفاضلة فى دماغى ، اصلو مكلفنى كتييير !!

[العارف عزو]

#1042547 [ابو جاكومه ..ديم السلك]
3.00/5 (2 صوت)

06-23-2014 12:02 PM
ياحكم واخر رقمك 2034 . يااخى انتا بره الشبكه منو القال ليك انو حتكون فى مشكلة صرف صحى ؟ يااخى ابراج الرواد تقع على بعد 50 متر من محطة مجارى الخرطوم الرئيسيه يعنى لو حفر ليهم جدول ساكت بتم التوصيل . بعدين ناس الرواد قالوا بالاماب ناصر والمعروف انها بمنطقة المجارى .. وبعدين ياحكم انحنا فى ديم السلك مرتاحين ومتمتعين برائحة المجارى وبالذات بخة الصباحيه والمغربيه .ياسسسسسسسسسلام وارتحنا اكتر لامن دخلوا برج القذافى فى منظومه الصباح والمغربيه وهسه جايبين لينا 50 برج كمان ياسسسسسسسلام.عارف ياحكم انحنا فى ديم السلك بنعرف لو فى زول من ناس امدرمان دخل برج القذافى وفى زنقه زنقه ولم تسعفه الزنقه لمواصلة المشوار الى امدرمان .. هسه من يوم ماالخبر ده نزل فى صحيفة الرياض .. اراضى الاماب ناصر ارتفعة لانها سوف تصبح بين 50 برج والنيل الابيض ..... واحد نعسان ركب باص الشجره وقال للكمسارى نزلنى فى محطة المجارى والكمسارى نسه وصاحبنا لقه نفسه فى محطة الشجره وشاكل الكمسارى والكمسارى قال ليه يازول انتا لوكنت نائم مابتشم ..

[ابو جاكومه ..ديم السلك]

#1042520 [عبدالعزيز عبدالباسط]
5.00/5 (2 صوت)

06-23-2014 11:43 AM
نحن لسنا فى حاجة الى ابراج و من يريد ان يستثمر عندنا فاليكن ذلك فى مجال الزراعة او التعدين او التعليم
نحن فى حاجة الى محاربة عدونا الاول الفقر و الجهل : نحن بلد حباها الله بثروات يجب الاستفادة منها ، نحن لسنا فى حاجة الى عمارات.
ما قيمة ان تمتلك بلدى عمارة واجلس تحتها جائعا؟
ولا هى فشخرة ساكت؟

[عبدالعزيز عبدالباسط]

#1042492 [boshab]
5.00/5 (2 صوت)

06-23-2014 11:22 AM
حقنة مورفين جديدة لتخدير المواطنين المطششين,
لا يوجد انسان نصيح فى العالم يستثمر فى السودان
الا غسيل اموال الماغية و العوالم الظلامية.
30 برج من الاكاذيب ... رهاب سراب

[boshab]

#1042464 [المسافر]
5.00/5 (3 صوت)

06-23-2014 10:57 AM
سعر الطابق في برج خليفة في دبي ب 24 مليون دولار فكيف ل 50 برج ب 30 مليون !!!

[المسافر]

#1042453 [زول سوداني]
0.00/5 (0 صوت)

06-23-2014 10:46 AM
ياناس ال30 مليون تقديرات فقط للمرحلة الثانية الحاتبدأ مش كل التكلفة بتاعت المشروع فالمشروع على مراحل ،والمرحلة التانية منه قدرت أن تكلف 30 مليون ، يا أخوانا أفروا الكلام كويس وافهموه !!!!!!!!

[زول سوداني]

#1042362 [محمد حسن]
0.00/5 (0 صوت)

06-23-2014 09:40 AM
يا جماعه 30 مليون دى الرشوه افهموها

[محمد حسن]

#1042294 [الكج]
5.00/5 (1 صوت)

06-23-2014 08:54 AM
50 برج بـ 30 مليون دولار، يعني البرج بـ 600 ألف دولار. ده إلا برج حمام خمسة نجوم.

[الكج]

#1042270 [موسى الموسى]
0.00/5 (0 صوت)

06-23-2014 08:27 AM
ابرااج مكسرة فوق راسكم يا فاشلين البلد عطشانة وجعانة فكيف يكون ذلك ؟ يا وزير الهنا لعنة الله عليكم في الدارين .

30مليون دولار دي ما بتسوي فلة يا سيد اعرف واحد شيخ اشترى قصر في لبنان ب 11500مليون دولار قصر فقط ، فكيف تبني 30 مليون دولار 50 برجا إلا من ورق معليش ممكن تكون مائة برج يا ارجل ما تستحي على كلامكم دا والسعوديين عرفوا وضع السودان الاقتصادي انه بلد فساده يمشي بالرجلين الآن منذ حكومة المؤتمر اللاوطني وحتى الآن البلد بتحتضر الآن والاقتصاد احتضر .

[موسى الموسى]

ردود على موسى الموسى
[مازيل تنيبور] 06-23-2014 04:45 PM
ربما كان هذا القصر اثري وتاريخي .. كنت اشتغل في بناية ورشة في بيروت من خمسة طوابق يعني عشرة شقق واعرف سعر الشقة مائة ومائة وخمسين الف دولار واعرف ان بناء العمارة كلف مليون ومئة الف دولار وهذا في لبنان حيث المواد والالتزمات والعمالة غالية وتصرف بالعملة الصعبة .. وبالتالي يمكن ل30 مليون دولار ان تبني 50 عمارة من عشرة شقق في السودان


#1042268 [ساهر]
0.00/5 (0 صوت)

06-23-2014 08:25 AM
50 برجاً ب (30) مليون دولار فقط!! هل هذه أبراج حمام؟ هل يُعقل أن يكلف البرج مليون ونصف دولار فقط؟ أنني أعرف أن هناك بُرجاً في احدى العواصم القريبة منا، كانت تكلفة تكسيته بالزجاج هي 14 مليون دولار، وكان هذا في بداية الألفية الثالثة!!!

[ساهر]

#1042246 [الجعلى]
0.00/5 (0 صوت)

06-23-2014 07:51 AM
30مليون دولار تشيد 50 برج تجى كيف دى الى ابراج حمام
ممكن 30 عمارة

[الجعلى]

#1042192 [كاسبر]
5.00/5 (1 صوت)

06-23-2014 05:38 AM
الرواد دى بتاعت صاحبكم حمدى

[كاسبر]

#1042186 [gerham]
5.00/5 (1 صوت)

06-23-2014 04:58 AM
لو الشقق هتكون بالاسعار الفلكية الخرافية السائدة الان,يفتح الله ,ما دايرنها...لا يعقل ان يكون ثمن الشقة في الخرطوم بثمن ثلاثة شقق في الرياض !!!

[gerham]

#1042180 [عودة ديجانقو]
5.00/5 (3 صوت)

06-23-2014 04:03 AM
أنا ما مهندس ولكن عايز استعين بالباشمهندس سلمان بخيت.

الموضوع على حسب تقديرى التمدد الرأسى للمدن يخضع لمقاييس دقيقه لها علاقه بالبنيه التحتيه ومقدرة خدمات الدوله أهمها الدفاع المدنى....يعنى الدفاع المدنى عندنا فى الخرطوم لايستطيع حمايه مبنى مكون من طابقين بحكم الأجهزه المتوفره عنده زائدا الخبره الفنيه...يعنى حرارة القلب هنا ما بتأكل عيش...وخير مثال حادثة الطائره الأحترقت فى المطار شفنا الناس غازين كيعانهم بتفرجوا وبنظروا وفيهم حتى رجال شرطه...وهناك نواحى فنيه ممكن نراها واضحه فى واسنطن العاصمه الأمريكيه وهى المبانى فيها بالقانون لاتتعدى الطابق الحداشر وذلك لأنها على أقل من مرمى حجر من مطار ريغان الداخلى زياده على ذلك حجمها الصغير جدا أللى أصغر من الخرطوم بحرى بكثير لايتحمل عدديه ضخمه من السكان والزوار كما تكرم الأخ سلمان بخيت وإستفاض فى هذا.
عشان كده حكاية الأبراج دى فشخره وبوبار وفك زرار ونحن جهزنا الحصان قبل العربه.

[عودة ديجانقو]

ردود على عودة ديجانقو
[جاكس] 06-23-2014 02:58 PM
والشيئ العجيب والغريب أنه كيف يسمح
بالمزيد من هذا التمدد الرأسي في حين تفتقر
هذه المدينة (القرية) لشبكات الصرف الصحي؟؟؟
أليس أكثر جدوى لو ضخت هذه الأموال في إنشاء
شبكة صرف صحي.
تباً لعاصمة ما تزال تنتشر فيها (الادبخانات).


#1042156 [mohd]
3.00/5 (1 صوت)

06-23-2014 01:39 AM
كذب صريح

بلد منهارة اقتصاديا وعملتها في الحضيض وتنقص على مدار الساعة اي سعوديون الذين يجازفون باموالهم في بلد منهارة وحكومتها فاسدة وبتاعت رشاوى وبلد هجرها اهلها ومثقوفها ومتعلموها

بتعلبوا على مين انتوا

[mohd]

#1042155 [ابو الخير]
4.00/5 (1 صوت)

06-23-2014 01:39 AM
خبر غير صحيح 100%
هذه اشاعات يطلقها الكيزان عشان يروا الناس أن البلاد فيها تنمية ومستثمرين
اي استثمار يا مصطفى عثمان
ثبت سعر الدولار وبعدين تكلم عن الاستثمار
اين شبكة المجاري واين الكهرباء واين المياه البلد عطشانة تقول لي عايزين تسو مباني

[ابو الخير]

#1042154 [mohd]
4.00/5 (1 صوت)

06-23-2014 01:37 AM
كذب صريح

بلد منهارة اقتصاديا وعملتها في الحضيض وتنقص على مدار الساعة اي سعوديون الذين يجازفون باموالهم في بلد منهارة وحكومتها فاسدة وبتاعت رشاوى وبلد هجرها اهلها ومثقوفها ومتعلموها

بتعلبوا على مين انتوا

[mohd]

#1042150 [بكري الصايغ]
3.50/5 (2 صوت)

06-23-2014 01:21 AM
اذا كنا لانستطيع انشاء مطار حديث وهو حاليآ نفس المطار الذي شيد عام 1945، فهل فعلآ ستقام ابراج سكنية في الخرطوم؟!!..وماذا عن مشكلة الكهرباء..والاسمنت.. ومواد البناء الاخري؟!!..وهل سيتم استجلاب عمال اجانب من الخارج يملكون الخبرة والدراية في تشييد الابراج؟!!.. واخيرآ، هل نحن في حاجة لابراج ومساكن الرفاهية المبالغ فيها؟!!

[بكري الصايغ]

ردود على بكري الصايغ
[حسكنيت] 06-23-2014 03:51 PM
الغساسنة مالين الواطة


#1042142 [IBN ALKHARTUM]
5.00/5 (1 صوت)

06-23-2014 01:04 AM
أفهموها يا جماعة دي مناكفات للحكومة المصرية, ٥٠ برج معناها نقص من حصة مياة النيل الماشة لمصر, والمستثمر سعودي معنا يا مصريين ضغوض مافي. الكيزان دواهي وشياطين.

[IBN ALKHARTUM]

#1042120 [Abu]
5.00/5 (1 صوت)

06-23-2014 12:18 AM
In a country where a small percentage of that sad place lives at the pinnacle of wealth, an increasing number of are sinking into below the third world economic and living conditions - and being blamed for their plight. An investor is willing to pump that much of money; sure, this will be insane.
More money laundry, this is the only reason I think for it right now.

[Abu]

#1042113 [سمعة النظام]
4.75/5 (3 صوت)

06-23-2014 12:06 AM
إن كان الخبر صحيحاً فهذه أموال من غسيل أموال ولا أعتقد أن سمعة النظام في الفساد تجعل مستثمرين عرب يستثمرون أموالهم مع نظام فاسد.

[سمعة النظام]

#1042105 [قرضمة]
5.00/5 (2 صوت)

06-22-2014 11:34 PM
انا برج حمام ما قادر ابنيهو !!!

[قرضمة]

#1042059 [علوب]
4.50/5 (3 صوت)

06-22-2014 09:52 PM
30 مليون دي ما أبراج دي عمارات , وأنحنا فى السودان البيت المن 3 طوابق بنقوليها عمارات والعمارة من 10 طوابق بنقوليها برج , ارحمونا ياخي من كذبك . 30 مليون ولا تكلفة حتى ربع برج , اذا برج خليفة من 800 متر طول تكلفتوا 1.5 مليار دولار ’ وبرج العرب 650 مليون دولار , قيس على كدة لو كان برج متواضع على الاقل تكلفتوا 200 مليون , اذا هو برج الفاتح الخرطوم تكلفتوا 130 مليون يورو .

[علوب]

ردود على علوب
European Union [حسن شاش] 06-23-2014 07:36 AM
واحة الخرطوم 100 مليون دولار


#1042036 [ود الباشا]
5.00/5 (4 صوت)

06-22-2014 09:04 PM
مشروع فاااااشل ولن يستفيد منه الشعب السودانى فائدته فى جيوب الفاسدين هذه هى مشاريع اللهف

[ود الباشا]

#1042034 [حكم]
5.00/5 (12 صوت)

06-22-2014 09:02 PM
اها الخمسين برج ديل ، كلهم بالسايفونات ؟؟
بلد مافيها مجارى صرف صحى ، الأبراج ليها شنو ؟؟

يا ناس الراكوبة كان تجيبوا صورة كارو الموية
عشان ناس الأبراج ديل يعرفوا نحن عندنا مشكلة موية
وكهرباء ، وكمان خريفنا بجى فجأة
ولاعذر لمن أنذر

[حكم]

#1042003 [رانيا]
4.75/5 (5 صوت)

06-22-2014 08:17 PM
يعني خلاص الخرتوم حتبقى شنقهاي. . .

[رانيا]

ردود على رانيا
European Union [مجنووووووون] 06-23-2014 07:59 AM
لا حتكون شنق رؤوس

[رانيا] 06-23-2014 04:19 AM
أهلا أبو ريشة .. سلامي العطر .

ألين أو إيلين .. يا حليلك إنتي ويا حليل جوزك ويا حليل عيالك ..وإنتي لسه من زمن " لسع " !!
ما قادرة أتخيل شكلك وإنتي بتقولي " لسع " وإسمك الين ؟!!!! هههههه بجد ضحكتيني .

[الين] 06-23-2014 12:27 AM
هييييي يا ناس الخرتوم
انت لسع من زمن الخرتوم
مسكينة وبعيدة ياااااااا حليلك

[ِAburishA] 06-22-2014 10:27 PM
لا.. لا يا رانيا حتبقى زي شنقلي طوباي.. هيع هيع هااااااع.. لك التحية..


#1041999 [ود الشريف]
5.00/5 (3 صوت)

06-22-2014 08:09 PM
نسأل الله العافية

[ود الشريف]

#1041994 [osmanaboali]
5.00/5 (2 صوت)

06-22-2014 08:02 PM
طالحكومة لا تعنينا في شي خليهم يبنوا ابراج على يوقفوا التمدد الافقي المهلك لاي حكومةقادمةايا كان لونها الكيزان لن يحكموا الى يوم القيامة ولو فيها شبهة فساد تتراجع واذا البلد عندها حق سناخذه غصب الان ناس كثير ستعمل لانهم ان ياتوا بعمال من الخارج فلننظر للناحية الايجابية ولن ياخذ المستثمرين مابنوه الى بلدهم بل سيبقى هناوليذهب الظلمة الى الجحيم

[osmanaboali]

#1041992 [السودانى وبس]
5.00/5 (2 صوت)

06-22-2014 07:59 PM
الكلام دا حقيقة وصحى والمنكرين لها بحجة ان البلد غير آمنة وان هذه خطة للإستيلاء على الاراضى وغيرها لا يدركون حقيقة الواقع الحالى حيث هناك كمية كبير من المفسدين لديهم أموال سحت واموال متلتلة وين يودوها وين يختوها فى أمبدة ام الحاج يوسف ام الكلاكلة ما لازم يشتروا بيها شقق وفلل فى هذه الأبراج والسعوديين واصلهم الخبر ان هنالك مفسدين بالهبل فى السودان لديهم اموال لا يخشون معها فقراً (كسب ساهل ) ومستعدون أن يدفعوا بالدولار كمان بل أن الشقة فى الخرطوم تعادل قيمتها هى او إيجارها اضعاف مضاعفة من الشقق فى السعودية فلماذا المستثمر السعودى يضيع فرصة ذهبية لن تتكرر وهذه الابراج قيمتها مستردة فى أقل من عشرة سنوات بينما فى السعودية اكثر من عشرين سنة ، طبعا نضيف لهؤلاء المفسدين المريشين من المغتربين الذين يشترون الشقق سواء للإستثمار او للأدولاد فى الجامعة او أى شئ آخر ، يعنى السوق العقارى فى السودان رغم وساخة الناس الفوق رائج وكاشف والدليل اسعار الأراضى العالية والغالية والمضاربات فيها التى تفوق فيها سعر الشقة أكثر من مائين ألف دولار وقطعة الارض تصل مليون دولار وتزيد ، بالله سوق زى دا كيف ما يجيب سعوديين يستثمروا تلاتين مليون دولار لا تساوى شئ بحجم ما يجنونه من اموال الشعب السودان ، بس الحاجة الكويسة الأبراج دى ما حا يشيلها السعوديين معاهم هى حا تكون فى الخرطوم وحا تكون للشعب السودانى لان مافى خليجى حا يشترى شقة فيها.

[السودانى وبس]

#1041926 [sudani]
3.00/5 (3 صوت)

06-22-2014 05:57 PM
hahahahahahhahahahahahahahahahhhaa

[sudani]

ردود على sudani
[ِAburishA] 06-22-2014 10:32 PM
سوداني اخوي!!! بتضحك مالك انشاء الله عافيه؟؟ هيع هيع هيييييييع


#1041925 [ِAburishA]
3.50/5 (4 صوت)

06-22-2014 05:55 PM
** بحمد لله مشاكلنا لكهاانتهت..فضل لينا حاجة وااااااحدة بس ومهمة شدييييد .. لو قطر دقت صدرها وبنت لينا (برج ايفل) تكون ما قصرت. فرنسا احسن مننا بشنو !!!!

** التناقض والمفارقة ياجماعة هي انتعاش سوق العقارات في بلد الجياع.. ودا في حد ذاتو اختراق كبير لعلوم الاقتصاد.. شيء يحيّر العلماء..

[ِAburishA]

#1041920 [بتاع بتتييخ]
2.50/5 (2 صوت)

06-22-2014 05:46 PM
هههههه في المشمش

[بتاع بتتييخ]

#1041906 [شعبان]
4.50/5 (5 صوت)

06-22-2014 05:32 PM
و السودان محتاج ابراج عايزين استثمار في الصناعة و الزراعة بلا ابراج بلا كلام فارغ حنستفيد شنو منها

[شعبان]

ردود على شعبان
United States [osmanaboali] 06-22-2014 11:27 PM
نحتاج للاثنين والبلد محتاجة لمساكن نخليهم يبنوا والبناء لا ينقل

[عبد الله] 06-22-2014 08:01 PM
شكرا لك نحن لا نحتاج الى غابات من الاسمنت ولكن نحتاج الى مشاريع زراعيه وصناعيه من اجل تنميه الانسان السودانى ...هذه الابراج للساده الجبهجيه اما نحن ناس راكوبه ودهر تور واوده جالوص بارده ما محتاجه مكيف ...البلد دى تقول ما فيها رجال اقتصاد ابدا


#1041895 [عبدالرازق]
5.00/5 (2 صوت)

06-22-2014 05:19 PM
هذه المنطقة هي سواقي الحماداب لمن لا يعرف وقد تم بيعها بليل بهيم لكن اهل المنطقة لن يسكتوا حتي يبان الحق " من الذي اخذ الثمن وبدون وحه حق ؟ هل الحكومة ام احد الذين لا يرجون حسابا يوم القيامة ولو اخذوا كتابهم وراء ظهورهم " الاختشوا ماتوا

[عبدالرازق]

#1041880 [Zorba]
4.00/5 (5 صوت)

06-22-2014 04:59 PM
هي السعودية نفسها ما فيها 50 برج!!
من واقع الأوضاع الحالية وهل حالة السودان مبشرة ان يكون بلد آمن في المستقبل!!!
إذاً كيف يرمي مستثمرين 30 مليار دولار في بلد اهلها شاكين في استقرارها لو استمرت الانقاذ
رأس المال جبــــــــــــــــــــــان و ألعبوا غيرها يا إخوة إبليس "عذراً لإبليس علي التشبيه"
مشروع نصب جديد للإستيلاء علي الآراضي, إحذروا يا ناس اللاماب .... الشيطان عينو علي اراضيكم
قال ابراج قال ... ناس ما قادرين توفروا ليهم أكل و موية شراب من جنب النيل .... الأبراج دي حيشتريها منو وحيسكن فيها منو؟؟
أكيد مواطنين من كوكب آخر!

[Zorba]

#1041870 [سعيد]
4.25/5 (3 صوت)

06-22-2014 04:53 PM
ياناس من وين نجيب القروش التي نشتري او حتي نؤجر بها . نحن الغلابة ملح الارض الله يكون في عوننا

[سعيد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة