الأخبار
أخبار إقليمية
المتهم بالاعتداء على طالبة أبو حمد يدلي بإفادات
المتهم بالاعتداء على طالبة أبو حمد يدلي بإفادات
المتهم بالاعتداء على طالبة أبو حمد يدلي بإفادات


بعد أن برَّأته المحكمة :
06-23-2014 06:43 PM

عطبرة/الخرطوم: رشان اوشي
برَّأت المحكمة العامة بمدينة عطبرة المتهم بالاعتداء على طالبة داخلية أبو حمد «عزة» من التهم الموجهة إليه لعدم كفاية الأدلة. وقال المتهم السابق محمد الحسن المُفرج عنه في تصريح - إنه تفاجأ باتهامه بالاعتداء على الطالبة «عزة»، مؤكداً على أنه كان خارج المدينة وقتها، وعندما حضر في اليوم الثالث للحادث توجه الى محل «غسال» ملابس حيث يترك ملابسه المتسخة عنده عادة، بغرض غسلها وتجهيزها لاستعمالها عند حضوره للمدينة قادماً من مقر العمل.
وأضاف بأن الغسال قد أخبره بأن أفراداً من شرطة المباحث حضروا الى المحل وقاموا عبر«قص الأثر» وأخذوا ملابسه. وأردف الحسن. ذهبت الى مكتب المباحث لأ ستفسر عن الأمر فأخبروني بأنهم يبحثون عني ومن هنا بدأت القضية.

الوطن


تعليقات 9 | إهداء 0 | زيارات 9026

التعليقات
#1044035 [تينا]
0.00/5 (0 صوت)

06-24-2014 08:35 PM
ههههههههههه التكامل الامريكى البتقوليهو دا يا (((اوبرا))) الا كان شارباهو انتى وعاد انتو امريكا دى ما مريضين بيها مرض شديد احمد الله ما عندى مرض امريكا ولا بحبها ولا سائلة فيها ... يا العاملة فاهمة وكلامى دا ما فهمتيهو موجه لمنو ... اقرى كويس لو بتعرفى تقرى الكلام القلتى عليهو ههههههههها دا انا كاتباه (((لفركتو))) وكلامك انتى الاول ههههههههههه عاملة بتفهمى وبتنبزينى بيعدم الفهم ياام الفهم انتى ... اما فركتو فاقول له انت مريض مرض مستعصى بحقد دفين على الشماليين حسى انا مالى ومال الذكرتهم ديل حتى ولو كانوا شماليين برضو اسمهم كيزان تبع العصابة الحاكمة اللهى فيها ذى الذكرتهم ديل كتييييير من اهلك برضو ... يعنى قصدك على الحاج والحاج ادم وابو قرده وعلى محمود وووووالخ من اسماء ما انزل الله بها من سلطان الهم ما من الشماليين ولكن من اهلك الصورتهم لى ملائكة والشماليين فقط هم الشواطين بريئين ولم يشعلوا الحروب ويفرقوا ابناء الوطن والاشياء الذكرتها دى ولا شنو ... قليييل من المصداقية يا هؤلاء ... مرضك مستعصى الله يشفيك ...

[تينا]

#1043763 [تينا]
0.00/5 (0 صوت)

06-24-2014 03:17 PM
اولا يا (((اوبرا))) ذى ما قال الأخ الباشبزق تكونى دى انتى ونحن ما عارفين ولا شنو ؟؟؟! يعنى اذا فعلا متهم عشان تبع الجماعة يكون محصن ونسكت نخليهو ولا شنو كلامك ؟؟؟!والله ما عارفاك ذاتى راجل ام امرأة ... اما (((فركتو))) بطل كذب خلاص ما صدقت لقيت ليك موضوع عشان تنفس سمومك العنصرية فينا وتنبزنا ؟؟؟ ورينى ياتو يوم انا نبزت الدهابة (((السودانيين))) واشبعتهم نبز واساءات عنصرية ؟؟؟ اسمع النبز دا حقك انت ما حقى عمرى فى الراكوبة دى ما نبزت لى زول ولا بعرف النبز ... أما عن الاساءات العنصرية المثل قال (((الفيك بدر بيهو))) لأنك انت من اكبر عنصرييى الراكوبة والغريبة عنصريتك تجاه الشماليين فقط ؟؟؟! ما عارفه السبب شنو ! دائما تنبزنا بينبزك العنصرى داك لدرجة الراكوبة كلها حافظه اسمك انك عنصرى ... وانا عمرى ما بعرف العنصرية وكنت بحارب ايى عنصرى فى الراكوبة دى والراكوبة تشهد بذلك ... وانا لما (((انتقدت))) ومش نبزت الدهابة افهم انتقدت الدهابة الوافدين يعنى الأجانب هل الذين تقصدهم كانوا أجانب على السودان ؟؟؟ نعم منطقتنا كلها اتملت بالأجانب من دول الجوار يجوا يسرقوا دهبنا ويمشوا يعنى عاوزنا ما ننتقدهم ولا شنو واذا كان انتوا فى منطقتكم مانعين حتى السودانيين ينقبوا عندكم ما بالك بالأجانب ولا نحن الشماليين كالعادة عندكم لقطاء وأجانب ودى ما بلدنا والمفروض اييى زول يدخل ويسوى فيها العايزو ؟؟؟! اما قولك طلع ولدكم يعنى منكم وفيكم وشمتان فينا كعادتك انا ما هامينى يكون مننا ولا منكم البهمنى يكون تبع الحكومة وجاييى يعمل العايزو بحكم حصانتو ودا ما بنرضاه ... لأنى ما بفكر ذيكم بالعنصرية عندى السودانيين كلهم واحد كان من منطقتى ولا من منطقتكم بس الما بدورو يكون تبع الحكومة ويعيس فينا فساد ... يا ناس ظلمتونا كتير والظلم ظلمات يوم القيامة ولكن نقول حسبنا الله ونعم الوكيل ...

[تينا]

ردود على تينا
[اوبرا] 06-24-2014 05:40 PM
عنصرية شنو وهسي انا قلت ليك انتي نبزتي الدهابة (((السودانيين))) ولا انا كتبت كلام عن العنصرية ؟؟ اسمع النبز دا حقك انت ما حقى ؟؟؟ نبز شنو ياشيخة شاربة حاجة انتي ولاشنو ؟؟؟ الدهابة افهم انتقدت الدهابة ؟؟ دهابة شنو ؟؟؟ هههههههههههههههها قوية دي ؟؟ شكلك شاربة تكامل امريكي .هههههههههههها

[فركتو] 06-24-2014 05:09 PM
لكل فعل ردة فعل انتم من جلبتم الظلم لانفسكم مكنكشين في الحكم منذ الاستقلال
حرمتم ابناء السودان من بناء اوطانهم واخرتم التنمية بحروباتكم العبسية و
اشعلتم نار الفتنة بين ابناء الوطن بعنصريتكم التى لا تخفى على اى سودانى
وبل حتى العالم عرف عنصريتكم تجاه الاخرين ماذا قال اليشير في حديث الغرابية
ماذا قال صلاح قوش في مروى ماذا قال نافع واللمبي بخصوص العنصرية
وماهو الهدف من انشاء صحيفة الانتباهة وماذا قال وماذال يقول الطيب مصطفي
عن العنصرية وكل المزكورين ديل من اى اقليم في السودان عند الاجابة لهذه
الاسئلة سوف تدركين انكم عنصريين وهذا قليل من كثير


#1043453 [ابوبشبش]
0.00/5 (0 صوت)

06-24-2014 11:29 AM
ما قولتو الحاول يقتصب البت من خارج ابو حمد وكدا يعني الجماعه التعبانيين الجايين من الغرب والجزيرة والشرق ماعندهم علاقه بالموضوع كلام عجيب يعملها البغل يعاقب الحمار كم انتم عنصريين يا اهل بلادي الله يجازي من جعلكم هكذا

[ابوبشبش]

ردود على ابوبشبش
[فركتو] 06-24-2014 03:41 PM
صدقت وقلت الحق ديل ناس عنصريين دائما يرمونا مشاكلهم في الغير يظهرون
انفسهم بانهم ملائكة وفي نفس الوقت كل مشاكل السودان هم طرف فيها ناس
عنصريين وجهويين


#1043313 [صابر الصابر]
0.00/5 (0 صوت)

06-24-2014 09:38 AM
وبعد دا كلو بكرة لمن تجي الانتخابات يصوتوا للمعفنبن ديل والظاهر عزة دي ماعندها اخو ولا ود عم قلبو حار..يعني يخلو الورل دا يقدل ساي كده... وجع...

[صابر الصابر]

#1043232 [كتاحة امريكا]
0.00/5 (0 صوت)

06-24-2014 08:25 AM
ما امنتجي معفن عشان كدا كانت البراءه


عدالة فشنكا


ذي سكوجا بتاعهم

[كتاحة امريكا]

ردود على كتاحة امريكا
[اوبرا] 06-24-2014 08:59 AM
فعلا كتاحة ؟؟


#1043142 [تينا]
5.00/5 (1 صوت)

06-24-2014 02:18 AM
وطيب ليه يا محمد الحسن شكوا فيك من البداية والآن برءوك ولا كالعادة بتستروا على جماعتهم ربنا ينتقم ليك ياعزة من الكان السبب فى أزاك وحسبنا الله ونعم الوكيل ...

[تينا]

ردود على تينا
[فركتو] 06-24-2014 11:51 AM
زمان كرهتونا ونسبتم الجريمة للدهابة واشبعتوهم نبز واساءات عنصرية وطالبتم
السلطات بترحيلهم وطردهم من بلدكم حسى المجرم طلع ولدكم يعنى منكم وفيكم

[اوبرا] 06-24-2014 08:58 AM
قلتي براك لي شكوا فيك من البداية ؟؟ شك يعني ظن وتاكدت المحكمة من اليقين وايقنت انو المتهم بري لذلك اطلقت صراحة ؟؟


#1043020 [Kunta Kinte]
0.00/5 (0 صوت)

06-23-2014 09:54 PM
غضب واسع إثر تبرئة محمد الحسن المتهم بالاعتداء على الطالبة الشجاعة عزة محمد السيد

June 23, 2014

الطالبة الشجاعة عزة(حريات)

برأت أمس محكمة من محاكم سلطة الانقاذ محمد الحسن محمد خير المتهم بالاعتداء على الطالبة الشجاعة عزة محمد السيد بمدينة (أبوحمد) نوفمبر 2013 .

وكان معتدى تهجم على داخلية طالبات المدرسة الثانوية بابوحمد وحاول اغتصاب الطالبة عزة التى تصدت له بشجاعة فسدد لها طعنة وفر هارباً.

والمتهم محمد الحسن محمد خير يعمل بشركة أسوار مع شقيقه الاكبر النافذ فى المؤتمر الوطنى ، ويعتقد على نطاق واسع بـ(ابوحمد) بان الشقيقين من العناصر الامنية .

وتفيد مصادر (حريات) بان قرار محكمة الانقاذ بتبرئة المتهم آثار غضباً واسعاً وسط مواطنى ابوحمد ، حيث انهم يعتقدون بان الحكم لايتعلق بالعدالة وانما بمحاولة التستر على المتهم لانتمائه وشقيقه للمؤتمر الوطنى واجهزته الامنية ، خصوصاً وانه وبعد الافراج عنه وفى استفزاز صارخ للمشاعر دعا لوليمة فى منزله ذبحوا فيها الذبائح واطلقوا الاعيرة النارية .

وكان مواطنو أبوحمد خرجوا فى تظاهرة حاشدة 10 نوفمبر 2013 مستنكرين جريمة الاعتداء على الطالبة عزة.

وفتحت الأجهزة الأمنية والشرطة الذخيرة الحية على المتظاهرين السلميين مما أدى إلى إصابة ما لا يقل عن عشرة أشخاص ، بعضهم إصاباتهم بليغة .

وواجه مواطنو أبو حمد الرصاص بصدور مفتوحة كالأسود الضارية في تظاهرات شارك فيها الآلاف وجابت شوارع المدينة وسط زغاريد النساء اللائي شاركن بفاعلية جنباً إلى جنب شيب وشباب أبو حمد .

وقال شهود عيان لـ (حريات) ان المحتجين كانوا يحاولون تسليم مذكرة بمطالبهم بصورة سلمية ، ولكن الشرطة والأجهزة الأمنية أطلقت قنابل الغاز ثم الذخيرة الحية على المتظاهرين دون أي أسباب سوى ذعرهم الشديد من حركة الجماهير المستقلة .

ومن بين المصابين بالذخيرة الحية إثنان من الوفد الذي حاول تسليم المذكرة إلى نائب الوالي ووفده ، وهما الحسين بابكر ومصطفى دكين .

ورغم إطلاق الغاز الكثيف والذخيرة الحية عمت التظاهرات كل أرجاء المدينة ، وحاصر المحتجون مبنى النيابة العامة لأكثر من ثلاث ساعات حتى أجبروا الأجهزة الأمنية على الإفراج عن عشرات المعتقلين الذين تم إحتجازهم في بداية التظاهرة .

وتواصلت الإحتجاجات لليوم الثانى وأعلن أهالي أبو حمد عن إعتصام في ساحة النادي الأهلي ( الذي أطلقوا عليها ساحة عزة – إسم الطالبة الشجاعة) إلى حين الإستجابة لمطالبهم بتقديم الجاني إلى العدالة ، ومحاكمة من فتحوا النار على المواطنين العزل وإقالة معتمد المحلية وكافة أجهزته التنفيذية والأمنية ، كما طالب المحتجون بنقل سوق جبرونا للعاملين بالتعدين من وسط المدينة إلى مكان آخر بعيد .

واعتصم الالاف من مواطنى ابوحمد بساحة (عزة) لعدة ايام الى ان تم القبض على المتهم وتقديمه للعدالة .

وقال ناشط لـ(حريات) فى حينها ان ما حدث يعد دليلاً على صحة التحذيرات التي أطلقها عديد من الخبراء من الآثار البيئية والإجتماعية للتعدين العشوائي ، اذ ان التدفق الكبير للمنقبين على المدينة شكل ضغطاً على البنى التحتية والخدمات الشحيحة أصلاً ، وقال انه لعدم إهتمام السلطات الحكومية بالآثار الإجتماعية والأمنية لم تضع التحوطات اللازمة وظلت الأوضاع الأمنية في تدهور شديد وظهرت أنماط من الجرائم لم تعهدها المدينة طوال تاريخها

[Kunta Kinte]

ردود على Kunta Kinte
European Union [الباشبزق] 06-24-2014 01:38 PM
تكوني انتي يا أوبرا محمد الحسن دا ونحنا ما عارفين شغالة تدافعي عنهم علي طول الخط!!!!!!!

[اوبرا] 06-24-2014 08:56 AM
وبعد الافراج عنه وفى استفزاز صارخ للمشاعر دعا لوليمة فى منزله ذبحوا فيها الذبائح واطلقوا الاعيرة النارية . ؟؟؟ كزاااااااااب منافق المتهم محمد الحسن واسرتة ساكنين الشمالية الدبة وماعندهم بيت ولا اسرة في عطبرة وليس ابو حمد ؟؟؟

[اوبرا] 06-24-2014 08:55 AM
وبعد الافراج عنه وفى استفزاز صارخ للمشاعر دعا لوليمة فى منزله ذبحوا فيها الذبائح واطلقوا الاعيرة النارية . ؟؟؟ كزاااااااااب منافق المتهم محمد الحسن واسرتة ساكنين الشمالية الدبة وماعندهم بيت ولا اسرة في عطبرة وليس ابو حمد ؟؟؟

United States [السويدي] 06-24-2014 02:54 AM
انتو ناس ابو حمد والله ما رجال. طلعتو مظاهره من دون ايه فايده. عددكم الكبير ده ما قادرين تمسكوا المجرم يعني ؟ انتو عرفتو المجرم امشوا امسكوهو و جردوهو من ملابسو و ركبو فيهو خابور القزافي و اربطوهو في عمود و اجلدوهو و اقطعوا عضوه التناسلي و اطلقوهو عكس الريح ، هسي الراجل مبسوط و عمل زبائح بأموال الشعب ، يعني يستفذ فيكم عشان انتو خيابه ، بعدين محكمه شنو ، حتى لو دخل السجن بعد يومين يطلع من السجن ، البشير يفرج عن الزناه و المغتصبين ،


#1042998 [أحمد السوداني]
5.00/5 (1 صوت)

06-23-2014 09:11 PM
ياخوانا يا ناس الراكوبة ياناس الأخبار .. يا رشان وأخواتها ... يا تجيبوا لينا الأخبار كاملة بالتفصيل عشان نعرف الحاصل شنو .. لكن كل مرة جايبين لينا خبر .. يا ( ضنبه ) مقطوع يا راسو مقطوع أو خبر ملف أو تحرير صحفي ركيك ... بس إنشاء الله تكونوا متعاونات .. يعني أخبار زي دي حرام الزول يكون شغال وياخذ عليها مرتب ..

[أحمد السوداني]

#1042988 [Mohd]
0.00/5 (0 صوت)

06-23-2014 09:07 PM
اها وبعدين ؟

يعني المسألة فيها تستر

والتستر دا اكيد بخص واحد من كلاب النظام

وهم كانوا بدوروا عليك عشان يختوك شماعة كعادتهم دائما اولاد الحرام كلاب الانقاذ

[Mohd]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة