الأخبار
أخبار إقليمية
مصطفى عثمان اسماعيل : "أي زول عندو اتهام يجيبو لينا"..الاتهامات لموظفي وزارتي آثاره سالبة على مناخ الاستثمار في الدولة
مصطفى عثمان اسماعيل : "أي زول عندو اتهام يجيبو لينا"..الاتهامات لموظفي وزارتي آثاره سالبة على مناخ الاستثمار في الدولة
مصطفى عثمان اسماعيل :


أي شخص يستطيع كيل الاتهامات لموظفي الاستثمار من الغفير للوزير
06-23-2014 07:09 PM
الخرطوم - نازك شمام

رفض مصطفى عثمان إسماعيل، وزير الاستثمار، إطلاق الاتهامات جزافا ضد موظفي الاستثمار وقال خلال مؤتمر صحفي عقده أمس : "أي شخص يستطيع كيل الاتهامات لموظفي الاستثمار من الغفير للوزير بوجود أيادي تعبث بالاستثمار في الدولة".. وأضاف: "لا ننكر وجود سماسرة للاستثمار بالفنادق" واعتبر أن لكيل الاتهامات لموظفي وزارته آثاره السالبة على مناخ الاستثمار في الدولة أكثر من أثره على الموظفين، وقال إسماعيل في مؤتمر صحفي عقده أمس بمباني الوزارة إن موظفي الاسثتمار يعملون في جو خانق.. وكشف عن وجود لجنة للشكاوي برئاسة وزير الدولة لاستقبال أي شكوى في أي من الموظفين وقال: "أي زول عندو اتهام يجيبو لينا في الوزارة أو في البرلمان أو أي مكان ولكننا لا نقبل أن تطلق الاتهامات جزافا".

وفي سياق ذي صلة أعلن إسماعيل عن انعقاد الملتقى الأول للمستثمرين الوطنيين بالتعاون مع اتحاد أصحاب العمل السوداني غدا (الثلاثاء) بقاعة الصداقة، وقال إن الملتقى سيبحث المعوقات التي تحول دون نيل القطاع الخاص (70%) من النشاط الاقتصادي للدولة كما سيبحث بقية مشاكل الاستثمار

اليوم التالي


تعليقات 22 | إهداء 0 | زيارات 2741

التعليقات
#1043809 [البركان]
0.00/5 (0 صوت)

06-24-2014 04:01 PM
فضيحة مافيا النفط : أهم شركات التوريد تملكها قيادات وزارة النفط !
June 24, 2014
عوض الكريم محمد خير(حريات)
كشفت مصادر مطلعة وموثوقة لـ(حريات) بأن شركة (ساس) التى تستورد السوائل الكيميائية المستخدمة فى صناعة النفط السودانية شركة خاصة يملكها أمين عام وزارة النفط عوض الكريم محمد خير وعاطف مصطفى مدير مكتب وزير النفط السابق عوض الجاز ومحمد صالح عثمان مدير شركة سودابت (الشركة الوطنية الحكومية) .
وتضيف المصادر بان شركة (ساس) تستورد السوائل الكيميائية Drilling Fluids من شركة أورن oren hydrocarbons التى يديرها الهندى أحمد رضوان Rizwan Ahmed والمسجلة فى الامارات العربية المتحدة ، بوساطة محمد عبد الرحمن كورتى صهر عوض الجاز .
وتتعامل شركة (ساس) مع عطاءات وزارة النفط التى تفرزها قيادات الوزارة أصحاب الشركة (!) باعتبارها شركة أجنبية (وهى مسجلة فعلاً فى الامارات العربية المتحدة) تماماً كما فعلت شركة (عارف) مع الخطوط الجوية السودانية !
وتؤكد المصادر ان شركة (ساس) الخاصة أسست لتنتزع التوريدات التى تقوم بها مجموعة (أساور) وشركتها التابعة (آدف) African drilling Fluids وهى شركة عامة تتبع لشركة سودابت الحكومية ، وكان يديرها غاندى معتصم الذى أزيح بقرار من عوض الجاز فى عام 2013 (وثيقة مرفقة) مما أدخل (أساور) فى نزاعات قانونية أتاحت لشركة (ساس) الخاصة ان تستولى على اغلب توريداتها وأنشطتها ، وذلك كان القصد أصلاً.
ولتقدير حجم الاموال التى آلت الى شركة (ساس) فان (أساور) بعد عامين على تأسيسها فى عام 2009 وصلت استثماراتها الى 300 مليون دينار سودانى ، كما يورد موقعها على الانترنت (الجدول المرفق) ، رغم انه حينها لايوجد دينار سودانى ، والأرجح ان المقصود 300 مليون دولار امريكى ، ولكن غض النظر عن العملة المقصودة فان المبلغ يشير الى حجم التعاملات الضخم .
وكان عوض الكريم محمد خير أمين عام وزارة النفط الحالى مديراً عاماً فى السابق لشركة سودابت ونائباً لرئيس شركة النيل الكبرى ورئيساً لشركة سوداباك لعمليات البترول ، وبحكم مناصبه فى الشركات الحكومية عرف (من أين تؤكل الكتف) فأسس مع قيادات الوزارة الآخرين شركة (ساس) الخاصة لكى تؤول الارباح الضخمة لهم بصورة شخصية ومباشرة . وتضيف المصادر بان عوض الجاز وزير النفط السابق والذى أسست (ساس) فى عهده شريك فيها عبر مدير مكتبه عاطف مصطفى اضافة الى عمولات صهره محمد عبد الرحمن كورتى .
وتؤكد المصادر المطلعة والموثوقة لـ(حريات) ان شركة (ساس) المملوكة لقيادات وزارة النفط تضع أرباحاً عالية على توريداتها تتراوح ما بين 30% الى 40% ، وتقدر المصادر حجم أرباحها (فسادها) بما يصل الى 200 مليون دولار .
والفساد في الانقاذ فساد بنيوى وشامل يرتبط بكونها سلطة أقلية ، تحكم بمصادرة الديمقراطية وحقوق الانسان ، وتحطم بالتالي النظم والآليات والمؤسسات الكفيلة بمكافحة الفساد ، كحرية التعبير ، واستقلال القضاء ، وحيدة اجهزة الدولة ، ورقابة البرلمان المنتخب انتخاباً حراً ونزيهاً . كما يرتبط بآيدولوجيتها التي ترى في الدولة غنيمة ، علاقتها بها وبمقدراتها بل وبمواطنيها علاقة ( امتلاك) وليس علاقة خدمة . وبكونها ترى في نفسها بدءاً جديداً للتاريخ ، فتستهين بالتجربة الانسانية وحكمتها المتراكمة ، بما في ذلك الاسس التي طورتها لمكافحة الفساد .
ويجد فساد الانقاذ الحماية من رئيس النظام الذى يشكل مع اسرته اهم مراكز الفساد ، كما يتغطى بالشعارات الاسلامية ، ولذا خلاف ارتباطه بالمؤسسات ذات الصبغة الاسلامية كالاوقاف والزكاة والحج والعمرة ، فانه كذلك فاق فساد جميع الانظمة في تاريخ السودان الحديث ، وذلك ما تؤكده تقارير منظمة الشفافية العالمية – السودان رقم (173)من(176) بحسب تقرير 2012 ، وتؤكده شهادات اسلاميين مختلفين.
وحين تنعدم الديمقراطية ، لفترة طويلة ، كما الحال في ظل الانقاذ ، يسود أناس بعقلية العصابات ، ويتحول الفساد الى منظومة تعيد صياغة الافراد على صورتها ، فتحول حتى الابرار الى فجار ، واما أدعياء (الملائكية) فانهم يتحولون الى ما أسوأ من الشياطين !.

[البركان]

#1043789 [sasa]
0.00/5 (0 صوت)

06-24-2014 03:43 PM
انا بسالك يامصطفى الشحاد ولدك اشتغل كيف فى الغاز والله البترول بدولة قطر؟؟؟؟؟ هل لكفائته ومؤهلاته وجنسيته البريطانية ؟؟؟ ام للمصالح مع القطريين

[sasa]

#1043588 [بشير]
0.00/5 (0 صوت)

06-24-2014 12:54 PM
يا مصطفي شفون ابدأ بنفسك اولا ونظفها من درن واوساخ المال الحرام الذي تجسدا لحما ودما في جسدكم الطاهر بفتوي شيخ حسن الترابي على جسد المرحوم القاضي نور

[بشير]

#1043581 [هاشم]
0.00/5 (0 صوت)

06-24-2014 12:50 PM
والله مهازل اي وزير عمل من وزارتو اقطاعيه وتربع علي عرشه الله يكون في عونك ياسوانسان اقصد سودان

[هاشم]

#1043532 [فلان بن علان]
0.00/5 (0 صوت)

06-24-2014 12:20 PM
يا مصطفي عثمان إسماعيل ... كدي خلينا من حكاية الإستثمار وما أدارك ما الإستثمار ... إنت عامل دراسات عليا في العلوم السياسـة (دكتوراة) إنت أولاً قريت وين العلوم السياسية حتي تعمل فيها دكتوراة (يعني) أي طبيب أو أخصائي طوالي يخش توش علي العلوم السياسية ويعمل دكتوراة.. أصلها ما فيها مقدمات دراسات إنسانية أولاً وبعدها تعمل الدكتوراة ... دا يسـمي سـرقة (حرامية) رشوة ... إختلاس ... وكمان من جامعة إسلامية ... شوف عليكم الله الناس دي تسئ في الإسلام دا كيف ...أخجل يا لص ...بعدين لو أنت راجل أمشي أسـأل وداد (السيدة الأولي) عن الإستثمار و ما أداراك ما الإستثمار...

[فلان بن علان]

#1043494 [Kudu]
0.00/5 (0 صوت)

06-24-2014 11:51 AM
الصورة في الأعلى كافية... مندوب مبيعات مركب مكنة وزير...

[Kudu]

#1043368 [Sarah]
0.00/5 (0 صوت)

06-24-2014 10:23 AM
يجيب ليكم شنو يا دكتور معقول دا يكون فهمكم وهل في مرتشي ولة انسان فاسد بترك اثر او دليل عشان يتقبض الحرامية ديل جزء من الدولة وبعضهم في الوزارة وعارفين كيف يغطغطو سرقاتهم حاجة تانية يا دكتور وين انتا من ظاهر الحال اول حاجة ابدا بنفسك شوف حالك كان كيف اول الانقاذ وهسة بقيت وين واموالك الما عندها حد كان عمارات ولة اسهم ولة عملات صعبة الحاجة التانية شوف ناس وزارتك معظمهم كانوا ناس نكرة لا يسوو شىء الأن شوف املاكم وثرواتهم ابدا اسلهم جابوها من وين والحاجة المهمة والاخيرة اسال نفسك العرب هربوا من الاستثمار في السودان لشنو ولية ما تبدا تدرس نتائج ملتقى الاستثمار السعودي السوداني ادرس الكلام الاتقال فيه والناس ديل ختوها ليكم واضحة انكم بقيتو بتاعين رشاوي واتاوات من عبدالله البشير الى اصغر غفير كل واحد يعرقل عشان ياخد حقوا
السودان انتهى بسببكم بلى يخمكم دليل قال
هسة انا اجيب ليك دليل عشان تنسى الموضوع وتمسك فيني جبتي المستندات دي من وين ؟؟ ما ياهو الرائد بتاع الشرطة داك خمة فايلات جابا ليكم نتيجتوا كانت شنو مش حاكمتوا وقلوا لي جبتا الورق دا من وين ؟
نسأل اللله ببركة مقدم الشهر الفضل ان لا تتجاوز نهايتكم ختام شهره المبارك

[Sarah]

#1043337 [ام رنا]
0.00/5 (0 صوت)

06-24-2014 10:02 AM
انا كنت موظفة فى مصنع لمستثمر اردنى قام اشترى ارض في غرب ام درمان منطقة اسمعها السبلوقة بعد ما دفع دم قلبو من ثمن الارض والاجراءات التى يشيب لها الراس جاء وقت التسليم عندهم هناك مجرم كبير لتسليم الاراضى بحجة انو الاراضى حقت عرب لما موشو للتسليم قالو ليهم مافى كلام زى ده اتصل موظف من الوزارة المرموقة قال ادنى 4 مليون انا بسلمكم الارض بصراحة زعلوا وقالوا الا امشوا للمديرالاراضى مدير الاراضى صدق رجعو ناس الاستثمار قالوا ليه الارض فيها مشكلة قام قال والله ياجماعة نحن ما بنقدر نسلكم الارض لانها بقت قضية سياسية الا نرجع لراسة الجمهورية عشان نحل المشكلة يعنى لمنو للرئيس شخصيا الجماعة لما شافوا الحكاية بقت فيها رئيس قالو نرجع للموظف القال ادنو 4 مليون واسلكم الارض ولا رئيس ولا وزير اتصلو عليه قال ليهم خلاص بكره تعالوا في الموقع واسلكم لما مشو وجاء معهم المدير من عمان الجماعة طموا وقال الارض عليها مشكلة وما بنقدر نسلمكم ليها الا تدفعوا 8 مليون ودفعوا ال 8 مليون واستلموا الارض وانتهت الحكاية ........................................ رايكم شنو

[ام رنا]

#1043285 [موسى الموسى]
0.00/5 (0 صوت)

06-24-2014 09:21 AM
يا مصطفي عثمان ابدا بنفسك واعرف وقس الفساد في حكومة الاقلية التي دمرت السودان منذ استقلاله وحتى الآن . كم كان عندك من اموال قبل وبعد ثورة الهلاك الوطني هذه؟ وطبق ذلك على كل من تقلد منصبا فيها وستعرف الفساد والسرقة التي اغتنيتم منها جميعا واين تلك الثروة التي جمعتموها من الفقراء والدولة ؟

ولكن اين تذهبوا من الله يوم تقبرون وقريب ذلك بدون شك ، واعلم ان دوام الحال من الحال؟

[موسى الموسى]

#1043280 [موسى الموسى]
0.00/5 (0 صوت)

06-24-2014 09:18 AM
عشان انتم حكومة ما نظيفة وما مخلصة للوطن والمواطنين مافي زول بصدق كلامك ابدا يا اخي ما بتخجلوا امام العالم لم تقوموا بزيارات لدول من حولنا ، ما الذي قدمتوه واستفاد منه المواطن من اي استثمار منذ اعتلاكم ايها السدنة المنافقين منذ السنوات العجاف لثورة الهلاك الوطني 25 عاما تكذبوا ومازلتوا تكذبوا بان الخير قادم الناس ماتت وانتم تحكون عن اشياء ليست موجودة لمتى النفاق على المواطن يا مصطفى عثمان لمتى؟ كنزتم الاموال يا ناس الحكومة انتم ومن والاكم من ضعاف النفوس استقطبتم اهليكم واثريتموهم على حساب المواطن بكثرة الضرائب الفاحشة والمميتة والتي دمرتم بسببها المواطن وجعلتموه ارزل من مشى على الارض يا اخي اين تذهبوا من الله يوم تقبرون اخجلوا وشوفوا المواطن ماذا حصل استهدفتم المواطن الضعيف واثقلتوه بالضرائب وافقرتوه هل رسالتكم هي تدميره نشكيكم لله الواحد الاحد يوم التلاقي يوم يحشر الناس ضحى يا عثمان انت ومن معك من المنافقين (انت بتقول العندو دليل على الفساد اجيبه لينا هي الشغلة ما عاوزة دليل شوف كم كان عند كل من تقلد منصبا في هذه الدولة كم كان عنده قبلها وكم عنده الآن من اموال وهذا هو الدليل الذي لا يحتاج لبرهان وابدا بنفسك كم كان عندك من اموال قبل الانقاذ وكم عندك الآن وقس على ذلك على كل من تقلد منصبا في هذه الحكومة والاجابة نتلاقها يوم التلاقي يوم يقبر الناس وذلك ليس ببعيد ودوام الحال من الحال ؟

[موسى الموسى]

#1043193 [hassan]
0.00/5 (0 صوت)

06-24-2014 07:20 AM
طيب يا دكتور نسيت ولا شنو انت بنفسك قلت سلمته ملف كامل عن الفساد الذي
وجدته في الوزاره للسيد الرئيس. اها خبرو شنو علي قول استاذنا جبرا

[hassan]

#1043164 [سم الارقط]
0.00/5 (0 صوت)

06-24-2014 04:34 AM
ليه يكون في سماسرة في كل العالم مافي كلام زي دا السماسري هو حرامي مقنع بالسمسرة ي سيادة الوزير ودايما بكون عندو ورقة لاعبها مع موظف جوه نضفو انفسكم قبل السماسرة لانه لولا الموظف الجوة السمساري مابشيل ورق يخلصو بدون اتفاق مع الموظف فهمت ي سعادتك!!

[سم الارقط]

#1043111 [ســــــــــــــــــــــــــــــــرحـان]
5.00/5 (1 صوت)

06-24-2014 12:23 AM
أى واحد يقبض حرامى يوديهو لعمك " على بابا" فاهمين !

ها ها ها ها هـــــــــــــــــــــــــــــــــــــا ههههههه هـــــــــــــــــــــــى !

[ســــــــــــــــــــــــــــــــرحـان]

#1043101 [بابكر]
0.00/5 (0 صوت)

06-24-2014 12:09 AM
ذكر بعض المستثمرين العرب أن الجهاز السياسي والإداري للدولة يطلب متطلبات تكون في شكل رشاوي وعمولات، مما يؤدي لعزوفهم عن الاستثمار في السودان

[بابكر]

#1043056 [ركابي]
0.00/5 (0 صوت)

06-23-2014 11:03 PM
هل انته وموظفينك مغسولين بموية زمزم؟؟؟؟ الاثار السلبية علي الاستثمار ما من القيل والقال الليها اساس بل من الفساد وكمان المستثمر الاجنبي ده عايز يقلب قروشو ويطلعها وانتوا ماشاء الله قرضتوا الدولار يبقي المستثمر حيشيل ارباحو بشنو؟؟بالجنيه بتاعنا الماعندو قيمة..والاهم من ده كلو اي شركات عالمية بتجي تستثممر في بلد نظامها مغضوب عليهو وحتتعرض لعقوبات من امريكا ومعظم الشركات العالمية اسهمها بتتداول في وول استريت...افهم يادينتال تيكنشن الاقتصاد مرآة للسياسة الخارجية للدولة

[ركابي]

#1043042 [الصادق صديق الصادقين]
0.00/5 (0 صوت)

06-23-2014 10:38 PM
" وقال: "أي زول عندو اتهام يجيبو لينا في الوزارة أو في البرلمان أو أي مكان "
-------------

أنتوا السودان دا خلاص ما فيهو محاكم ولا شنو؟

[الصادق صديق الصادقين]

#1043030 [Khalid]
0.00/5 (0 صوت)

06-23-2014 10:16 PM
ما رأي السيد الوزير لما زوجة الرئيس (مجرد وعاء للرئيس) تتكلم عن الاستثمار وتتعهد بتسهيل الامور... و و و و
ده ماتجاوز للوزارة اللي انت ماسكها؟؟؟
ده مش في حد ذاته تطاول علي موسسات الدولة؟؟؟
يا تبقي راجل وتدافع عن الموسسه المعهوده لك من كل التجاوزات..... يا "تتكتم خالص"
مين الاهبل اللي يجي يستثمر عندك؟؟؟
بدل الجعجعه دي كلها

اطلع بمثل واحد لشخص جاء عندكم واستثمر وامورة ماشيه حسب دراسة الجدوي اللي اتعملت لمشرعه!!
ده هيكون افضل وسيلة للدفاع بالادلة

مش بالتهديد الفاضح واسلوب التستر

الله يرحم الادارة

[Khalid]

#1043000 [محمد الامين]
1.00/5 (1 صوت)

06-23-2014 09:17 PM
والله انت اذا منتظر الناس تجيب ليك الشكاوى منو العوض وليهو العوض انت شغلتك شنو يعني تستقبل وتوافق وين الدور الرقابي ياخي ريحة عفنتكم وصلتنا في الغربة الم تقرا ماقيل على لسان المستثمرين الاجانب بان بعض الولاة يطالبون بامتيازات شخصية كمنزل ومزرعة حتى يوافقو على الاستثمار في ولايتهم والله والله لو ذي موظفين دولتك ديل في الصين كان اعدموا الواحد تلو الاخر واقول ليك نحن السودان قنعنا منو وخلينا ليكم لانو بقى ليكم مزرعة خاصة يناس حرام عليكم اهليكم مرضى وفقر وانتو قننتو للمفسدين بفقه السترة وفقه التحلل . ياخي الحرامي اذا كان اهلو مساكين بسرق وبقاسمن انتو تسرقو منهم فكة الريق وفتيل الدواء

[محمد الامين]

#1042972 [المشروع]
0.00/5 (0 صوت)

06-23-2014 08:34 PM
يجيبو ليكم شنو؟ وعشان تسوي شنو؟ عشان تغتسوا حجر الاتهام وتخلوا المتهم يتحلل ويا دار ما دخلك شر ؟ الناس الجابوا قضايا فساد عملتوا فيهم شنوا ما ياهو دا غسان حايم زي ما الما كان في شئ؟ يا مصطفى اسماعيل اول معوق للأستثمار هو انت لا يعقل ان تكون 15 سنة وزير للاستثمار ومافي اتفاقية استثمار قدمت للشعب او للبرلمان عشان يقول رأيوا فيها تبيعوا وتشتروا ساكت ما في زول عارف شئ

[المشروع]

#1042958 [الغلبان]
0.00/5 (0 صوت)

06-23-2014 08:08 PM
نجيبو ليك من وين الحرامي الله الله الله (دي دغمسة وكلام ساكت) كدي شوفوا مسائلكم الرئحتها فائحة كلها دي ما وصلت اليكم

[الغلبان]

#1042937 [الغلب الجوع بالنوم]
5.00/5 (4 صوت)

06-23-2014 07:37 PM
مصطفى شفون يا لص الاتهامات دي مقصود بيها انت ذاتك يا حرامي ياخي انت ما بتختشي سارق لقب علمي بحالوا وكمان عندك منقار تتكلم بيهو؟؟؟

[الغلب الجوع بالنوم]

#1042931 [Rebel]
5.00/5 (3 صوت)

06-23-2014 07:33 PM
* سيب "الموظفين"، انت بالتحديد لص و سمسار.

[Rebel]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة