الأخبار
أخبار إقليمية
تعرّضت لضغوط غير مسبوقة ..وزارة الخارجية تصدر بياناً حول تبرئة مريم يحي وتطالب بالثمن.
تعرّضت لضغوط غير مسبوقة ..وزارة الخارجية تصدر بياناً حول تبرئة مريم يحي وتطالب بالثمن.
تعرّضت لضغوط غير مسبوقة ..وزارة الخارجية تصدر بياناً حول تبرئة مريم يحي وتطالب بالثمن.


06-23-2014 11:21 PM
الخرطوم (سونا) أصدرت وزارة الخارجية اليوم بياناً صحفياً حول الحكم الذي أصدرته محكمة الاستئناف بتبرئة المواطنة ابرار والغاء حكم الادانة الصادر من المحكمة الابتدائية .
وفيما يلي تورد (سونا) نص البيان :

وزارة الخارجية
بيان صحفي

اصدرت محكمة الإستئناف اليوم حكماً بتبرئة المواطنةأبرار محمد الهادي وإلغاء حكم الإدانة الصادر من المحكمة الابتدائية في ما نسب اليها من تهم .
جاء صدور هذا الحكم في اطار استقلال السلطة القضائية في السودان وإعمالاً لحكم القانون ومبادئ الدستور السوداني ووثيقة الحقوق الأساسية .
لقد تعرض السودان لحملة ضغوط غير مسبوقة من حكومات ومنظمات وشخصيات دولية ، وتشويه إعلامي جائر بسبب هذه القضية وكانت هذه الحملة تهدف لدفع الحكومة السودانية للتدخل في قضية ينظرها القضاء قبل ان تبلغ نهايتها وأن تتجاهل استقلال القضاء ومبدأ فصل السلطات وهو الامر الذي رفضته الحكومة السودانية رفضاً مطلقاً .
وقد ظلت وزارة الخارجية تؤكد ثقتها في مهنية ونزاهة واستقلال القضاء السوداني العريق والرائد في المنطقة العربية والافريقية ، وظلت تذكر المجتمع الدولي بضرورة احترام ذلك القضاء وأحكامه ، وتجدد الدعوة نفسها في هذه المناسبة .
الآن وقد قال قضاء السودان المستقل كلمته في هذه القضية التي تتعلق بمصير مواطنة واحدة ، فتود وزارة الخارجية تذكير المجتمع الدولي بالظلم المتصل الذي يتعرض له 35 مليون سوداني جراء العقوبات الآحادية الظالمة التي تفرضها حكومة الولايات المتحدة علي السودان منذ 17 عاما دون سند من القانون او مبادئ حقوق الانسان او الأعراف الدولية . اذ تعيق هذه العقوبات غير القانونية استيراد الأدوية المنقذة للحياة ومدخلات الانتاج الأساسية وجهود التنمية في البلاد كحق أصيل من حقوق الانسان ، وتتيح مصادرة أموال المؤسسات والأفراد السودانيين دون وجه حق مما يمثل انتهاكاً جسيماً للقانون الدولي وحقوق الانسان .
وعليه تدعو وزارة الخارجية نفس الحكومات والمؤسسات والأفراد الذين ارتفعت أصواتهم تعبيراً عن القلق والرفض للحكم الذي أصدرته المحكمة الابتدائية في حق المواطنة المذكورة أن يعبروا عن تضامنهم مع حقوق كافة أفراد الشعب السوداني التي تنتهكها العقوبات الآحادية الظالمة ضد السودان .


تعليقات 149 | إهداء 0 | زيارات 26881

صفحة 1 من 3123>
التعليقات
#1045078 [د. محمد عبد الرازق سيد احمد]
0.00/5 (0 صوت)

06-25-2014 10:24 PM
بسم الله الرحمن الرحيم


اعزائي شرفاي الراكوبه محرريها بني وطني الكرام مرتاديها لكم التحية والاحترام

ليس تعليقا مني علي الاخوه الكرام .. ولكن وجهة نظر هي: كل الدلائل تؤكد ان المدعوه مريم ليست مسلمه
ومن ذلك :
1- شكلها يشبه الحبش
2- يوجد تداخل في مجتمعنا السوداني والاسلام يبيح الزواج من الذميين والنصاري .
3- هي في اي مرحله من مراحل محاكمتها لم تعترف بأنها مسلمة وارتدت .
4- ادعي من لهم صلة بها انها ارتدت وكانت مسلمه .
5- ذويها يمكن ان يتطرق الشك في اقوالهم لاسباب عائليه
6-من الممكن ان تكون امها مسيحيه وجاء بها ابوها صغيره لمن تدعي انها امها ولما كبرت عرفت ان امها حبشيه بمعني انها نتيجة جريمه سابقه واكتشفت الحقيقه عندما كبرت
7- لدينا في الارث الاسلامي : امرأتين احتكمتا لدي قاضي في ولد تدعي كل منهما انها امه فحكم القاضي عندما لم يطمئن لدليل اي منهما ( بأن يشق الطفل نصفين ويعطي كل امرأة نصفه فصاحت الأم الحقيقيه متنازلة عن الولد - فتراجع القاضي عن حكمه وحكم ان الولد هو ابنها ) استند الي ان الام لاترضي موت ابنها او ابنتها _ وبالقياس ام المدعوه مريم لم ترفض الحكم باعدامها .
8- واضح ان علاقة المدعوه مريم بمن يدعوا انها اسرتها ضعيفه للغايه بدليل : زواجها وانجابها ومرور زمن حتي توصلوا الي مكانها .. فمنذان غابت اسبوع اسبوعين شهر شهرين سته شهور اين كانوا .. واليوم يتحدثون عن الشرف ..والدين ..كانوا ناسيين ( كلكم راع ومسئول عن رعيته ) واللا شنوا؟
9- واضح ان الموضوع له ابعاد اجتماعيه واقتصاديه في العائله .. واخيرا سياسية شغلت المجتمع .واري انه :
ومن الاجدر ان يدرس الموضوع متخصصين في العلوم الاجتماعيه .
10- ينطوي الموضوع علي اسرار .. سمعنا في الاعلام تصريحات من يدعي انه شقيقها فاين ابوها وامهاالحقيقيين ؟؟... في رايى هذا ما ستكشف عنه الأيام ..

[د. محمد عبد الرازق سيد احمد]

#1044240 [دينقديت]
0.00/5 (0 صوت)

06-25-2014 05:18 AM
دا ابتزاز بمعنى الكلمة!!!!!اعطوا الشعب حريته بالكامل وسوف ترفع العقوبات وكمان سلموا عمر البشير المجرم واعوانه الي المحكمة الدولية كشرط ثاني قبل رفع العقوبات وإلا الحسوا كوعكم يا قتلة....الله اكبر عليكم وعلي الجابكم

[دينقديت]

#1044135 [Zorba]
0.00/5 (0 صوت)

06-24-2014 10:34 PM
حق أبرار جابتو أمريكا
طيب حق ال 35 مليون الحبجيبوا منو؟
ما نكون منتظرين أمريكا تجيب لينا حقنا؟
أمريكا ومحكمة العدل الدولية عملت العليها وحاصرتم اقتصادياً حتي يحس الشعب بالجوع ويتذمر ويثور عليهم
لقد خزلنا العالم الذي مهد لنا كل السبل والطرق للثورة و أكتشف العالم أجمع أننا شعب جبـــــــــان نهاب الموت و نُفضل الذُل والهوان والعبودية خوفـــــــــاً من الموت من أجل الحــــــــــــــرية
أنتوا منتظرين شعب يأتي من كوكب آخر ليثور ويقتلع النظام نيابةً عنكم
ستظلــــــوا عبيــــــــداً لحين إشعار آحر.
لأن الحرية لا يستحفها الجبناء
قي مادة الصمود وعدم الخوف من الموت نجحت إمرأة بينما رسب 35 مليون "يمكن لأن أصولها ما سودانية كما يُشاع لذلك لم تجري فيها دماء العبودية والذُل والهوان مثلنا ... يمكن!!!!!"

وفي الوضع الراهن "ما بجيبا غير نسوانا" والرجال ماتوا في كرري!!!!!
وما أُخذ بالقوة لا يُسترد إلا بالقوة "الدم هو الحل مغ هذه العصابة" ولا عتدكم راي تاني؟؟؟؟

[Zorba]

#1044071 [ِAburishA]
5.00/5 (5 صوت)

06-24-2014 08:40 PM
** ياجماعة بيني وبينكم كدا.. هسي الـ ارتدت مريم ولا إرتّد النظام !!!
لانه مريم ثبتت على مبدأها .. والنظام ارتد عن دينه.. المفروض يحكموا عليه (بالرجم) !!!

[ِAburishA]

ردود على ِAburishA
[المنجلك] 06-24-2014 11:08 PM
حلوة يا ابوريش بس لو كان عندهم دين

European Union [ساب البلد] 06-24-2014 10:37 PM
********* الثورة قادمة لا محال ******* و سيكون الرجم بايدي الشعب ان شاء الله اخي ابريشة ***** طاب مساءك بخير *********


#1044059 [بكرى ابو صلاح الدين]
0.00/5 (0 صوت)

06-24-2014 08:21 PM
1. جاء صدور هذا الحكم في اطار استقلال السلطة القضائية في السودان وإعمالاً لحكم القانون ومبادئ الدستور السوداني ووثيقة الحقوق الأساسية . يا سلام بتضحكو على نفسكم ولا شنو يا مخنثين

2. لقد تعرض السودان لحملة ضغوط غير مسبوقة من حكومات ومنظمات وشخصيات دولية ، وتشويه إعلامي جائر بسبب هذه القضية وكانت هذه الحملة تهدف لدفع الحكومة السودانية للتدخل في قضية ينظرها القضاء قبل ان تبلغ نهايتها وأن تتجاهل استقلال القضاء ومبدأ فصل السلطات وهو الامر الذي رفضته الحكومة السودانية رفضاً مطلقاً . بالله ؟ تدفعكم للتدخل فى قرارات القضاء يا سبحان الله

3. وقد ظلت وزارة الخارجية تؤكد ثقتها في مهنية ونزاهة واستقلال القضاء السوداني العريق والرائد في المنطقة العربية والافريقية ، وظلت تذكر المجتمع الدولي بضرورة احترام ذلك القضاء وأحكامه ، وتجدد الدعوة نفسها في هذه المناسبة . تثق ولا ما تثق هل هذا من اختصاص الخارجية يا اخرق

4. الآن وقد قال قضاء السودان المستقل كلمته . احييى انا الروب قال قضاء السودان المستقل قال .. دا العصر والخوف وليس كلمة ناس القضاء يا منافقين

5. فتود وزارة الخارجية تذكير المجتمع الدولي بالظلم المتصل الذي يتعرض له 35 مليون سوداني جراء العقوبات الآحادية الظالمة التي تفرضها حكومة الولايات المتحدة علي السودان منذ 17 عاما. 25 عاما يا قتله واقعين فى 41 مليون سودانى ذاقو شتى انواع الظلم والتعذيب والقتل فى الجنوب والغرب والنيل الازرق وجبال النوبة وتعرض الابرياء للتعذيب والاغتصاب والتشريد

6. تعيق هذه العقوبات غير القانونية استيراد الأدوية المنقذة للحياة ومدخلات الانتاج الأساسية وجهود التنمية في البلاد كحق أصيل من حقوق الانسان . انتو ادخلتو الادوية المنتهية الصلاحية والاطعمة الفاسدة والمبيدات الغير صالحة للاستعمال وا وا

7. وتتيح مصادرة أموال المؤسسات والأفراد السودانيين دون وجه حق مما يمثل انتهاكاً جسيماً للقانون الدولي وحقوق الانسان . ( دى معلومة جديده لنج شكرا يا كرته بنضوره وكشفنا لونا), ياتو مواطن سودانى صادرو امواله. لكم يوم للقصاص يا علوج

[بكرى ابو صلاح الدين]

#1044026 [عاطل]
5.00/5 (2 صوت)

06-24-2014 07:13 PM
يعني الواحد لو بقي مسيحي امريكا بتديني جنسية يعني بدل اللوتري كده والله العطالة بهدلتنا






افيدونا

[عاطل]

ردود على عاطل
European Union [حليلو القام ب ليلو] 06-24-2014 10:50 PM
إنت عاهة ولا شنو؟علي كيفك,الإسلام لا يخسر والمسيحية لا تزيد تشريفا بك!!!!!!!


#1043986 [توتو بن حميده آل حميده]
5.00/5 (2 صوت)

06-24-2014 06:17 PM
يا كيزان الا لعنة الله عليكم الى أبد الابدين - لعنة تتجدد ما تعاقب الليل والنهار من رب العزه الكبير المتعال .. ما هذا الهراء (فتود وزارة الخارجية تذكير المجتمع الدولي بالظلم المتصل الذي يتعرض له 35 مليون سوداني جراء العقوبات الآحادية ) ترهبون المسكينه وتمرمطوها وتدخلونها السجن وكمان حكم بالإعدام - وبعد هذا كله تجي تساومون بها المجتمع الدولي - والأخت هذه ما هي الا مثال لما لاقته المرأه السودانيه على أيديكم أيها الكيزان لعنكم الله - كم من مسكينه سحلتموها بالشوارع وكم من مسكينه أدخلتموها السجن وكم من خرى يتمثم أطفالها وتركتوموها أرمله وكم من أخرى ضربتموها بالسوط وهي تتمرغ في التراب دون مراعاه لحرمه أو خوف من الله - يا ربي العنهم لعناً كبيرا وأجعل ما إكتنزوه من أموال الشعب المسكين نغمة عليهم.

[توتو بن حميده آل حميده]

#1043983 [المنجلك]
0.00/5 (0 صوت)

06-24-2014 06:10 PM
ولكن وسط كل ذلك ماهى قصة مريم او ابرار وكيف كانت علاقتها باسرتها الاصلية وتركها وحيدة مع امها فى عاصمة السجم والرماد. وهل وجدت فى امها المسيحية وزوجها مالم تجده عند المسلمين.

نتمنى سماع قصتها بدون ضغوط او حواجز مفروضة عليها. وغالباً ستسافر للخارج هى وزوجها وابنها المسيحيين خوفاً على ارواحهم.

امسكوا الخشب يا انقاذ ما تقوم تطلع ليكم واحدة يهودية وما تعرفوا تعملوا شنو.
امسكوا الخشب يا انقاذ ما تقوم تطلع ليكم حسينيات شعية وما تعرفوا تعملوا شنو.

كثر نفاقكم بأسم الدين. الحلال بين والحرام بين وبينهما امور متشابهات. الاصل فى العقيدة ما وقر فى الصدر وطبق بالعمل. والاصل فى الدولة متى ما قأم المجتمع بأمر دينيه وتشاور وأسس لحكمه

متى يفهم هؤلاء انهم جاءو خصماً على الاسلام والعقيدة بهذه التجربة الفاشلة التى وقعت فى المحظور وتجاوزت الاصلاح والدعوة والاعداد والتربية وهذا ما تحتاجه عموم المجتمعات الاسلامية اليوم.

العلمانية ضرورة للخروج من مازق التأسلم الكاذب علينا وضع نظام من شاءان يؤمن فليؤمن ومن شاء ان يكفر فليكفر. ومتى ما اراد اغلبية المجتمع ان يقيم نظام اصبح حكمهم شورى بينهم.

[المنجلك]

#1043978 [السماك]
5.00/5 (1 صوت)

06-24-2014 06:04 PM
"حد الردة خط أحمر" .. هيئة علماء اتلسودان

[السماك]

#1043972 [julgam]
0.00/5 (0 صوت)

06-24-2014 05:53 PM
ياجماعه شوقى بدرى قالها زمان فى قضية مريم بأن التيبار لو مانقط ما يبقى تيبار والكوز لو ماخرخر مايبقى خرخار ..المهم البت دى نالت الجنسيه الأمريكيه ومين يقدر يقتل أحد رعايا ماما أمريكا..الله يرحمك يا نبى الرساله الثانيه وينتقم من قاتليك ..

[julgam]

ردود على julgam
[ابوعبدالرحمن] 06-24-2014 08:27 PM
وما قتلوه وما صلبوه ولكن شبه لهم....لقد كفر الذين قالوا إن الله ثالث ثلاثة...بل رفعه الله إليه..


#1043970 [فاعل خير]
0.00/5 (0 صوت)

06-24-2014 05:51 PM
انتصرت مريم على السفلة

[فاعل خير]

#1043968 [فنجال السم]
1.00/5 (1 صوت)

06-24-2014 05:48 PM
لم يكن هنلك قضاء مستقل وعادل ليقول قولته رقم عدالة قضية مريم والامر هنا امر متلازمه من متلازمات حكم الاخوان المسلمين وهي اتخاذ القرارات بدون دراسة والرجوع عنها سريعا قراراتهم كرغوة الصابون. تذوب في الهواء سريعا الغرض منها علي حسب اعتقادهم ان هذه الاشياءتكسبهم جماهيريه وان شعب السودان المغلوب علي امره يمكن لك ان تسوقه بعنتريه وشوفينيه الي حيث تريد ولكن دوما يصطدمون بالحائط سريعا ويرجعون القهقري ويا دار ما دخلك شر. فلو تذكرون طلاقات السيد رئيس الجمهوريه المبجل حول دخول القوات الامميه الي دارفور فطلق بالثلاثه ورقص رقصته المفضله الصقريه علي انغام (المدفع الرزي). ولكن لم يجف لعابه الذي تطاير مع حرماته بالثلاث واذ باصحاب القباعات الزرق يملاؤون ساحات وباحات السودان من اقصاه الي ادناه وكان شيئا لم يكن.
وهنالك سوابق كتيره جماعيه وفرديه ابان حكمهم العضوض. ارجعوا الي ارشيف جرايدهم في شنين الانقاذ حينما كانت تقول بالجهاد قبل ان تتحول الي هذه الوداعه القسريه فسوف ترون العجب من اناس صاروا اليوم يتحدثون عن قيمة الحريه وحق الانسان الاخر في الحياه.دوما الاخوان المسلمين هكذا و لو اتسق قولهم بفعلهم يوما فهذا من سابع المستحيلات يسمون السرقه والفهلوة باسامي غير اساميها ويمتهنون الربا باسم المرابحه الاسلاميه وياكلون اموال الناس بالباطل باسم الزكاه علي عرق العاملين..
ويسمون الجنجويد القادمين من وراء الحدود بقوات الدعم السريع.
كسره---علي طريقة جبره--
اورد الاخ بكري الصائغ((كان المفروض علي وزارة الخارجية (فرع جهاز الأمن) وقبل ان تصدر بيانها الهزيل هذا، ان تنظف
مكاتبها واروقتها من من شخصيات دخلوها بالواسطات الحزبية والأمنية الكبيرة ، وشغلوا العديد من المناصب الهامة في الخارج وهم ولايملكون اي مؤهلات او خبرة بالعمل الدبلوماسي، بل وراحوا يعادون الجالية السودانية ويذيقونها العذاب المر!!)
اقول تعضيدا لقول الاخ بكري حادثة بطلها قنصل جمهورية السودان بجده ويدعي خالد الترس وهو من الامنيين الذين زجوا بهم الي وزارة الخارجيه. فصادف يوم الجمعه الفائت مناسبة عزاء لرابطة اهلنا المسيريه بجده وكان الحضور لفيف من كل نحل وملل السودان السياسيه واتي القنصل وشال الفاتحه وبدا يصافح الحضور وحينما مري امام وزير سوداني سابق قي عهد الديمقراطيه رفض ان يسلم عليه ويصافحه واستهجن الحضور ما بدر منه وتعجب البعض ولكن نحن الذين خبرنا الاخوان المسلمين واخلاقهم وعنجهيتهم الفارغه المبنيه علي صرح ممرد من عقد الصبا لم نستغرب ما بدر منه

[فنجال السم]

#1043954 [Mohaned]
0.00/5 (0 صوت)

06-24-2014 05:34 PM
المسرحية الهزلية دي شكلها ما انتهت لانو تم اعتقال الاسرة كلها اليوم في صالة مغادرة مطار الخرطوم...

[Mohaned]

#1043952 [Almo3lim]
0.00/5 (0 صوت)

06-24-2014 05:33 PM
منذ البداية قلنا أن (مريم) أو (أبرار) لن يمسها سوء و كان الامر واضح أن القضية تم تسخيرها لمصالح سياسية (عدالة القضاء السوداني و رفع العقوبات) و قد ظهرت نوايا حكومة بني كوز في هذا البيان ...

[Almo3lim]

#1043949 [سوداني متابع]
0.00/5 (0 صوت)

06-24-2014 05:27 PM
يعني بعد اللف و الدوران النتيجة هي :
1. طلعتوا جعجاعين علي الفاضي و ما عندكم لا ثوابت و لا خطوط حمراء و لا بنفسجية .

2. البنت المرتدة صارت رمزاً للصمود و الثبات علي المبدأ !!( لا حول و لا قوة الا بالله) .


3. أولويات التنظيم هي الرأي العالمي و ليس فقه البراء و الولاء كما خرموا اذاننا .

الأخوان المسلمين عاملين زي التيس القاعد يحرس محل الخزف . قلتو وطن و فرتقتوه كل الدين و ضيعتوا دينكم . قلتوا تنمية المواطن فصلتو ثلث الشعب و حاربتو تلته و الباقين مهاجرين و مشردين .يا تري تاني دعوتكم ح تكون لي شنو أو بالأصح علي منو ؟؟؟

[سوداني متابع]

#1043946 [فاروق بشير]
5.00/5 (1 صوت)

06-24-2014 05:22 PM
البيان خارج الموضوع. وهذا الذى رد عليه ليس هو السؤال. ونحن لا نقدم راى العالم الخارجى على الراى المحلى. فلنا تاريخ قوى جدا يناهض وجود نص قانوني للردة.
الاسلام الذى انتشر فى هذه البلاد هو اسلام المتصوفة ومعروف بتسامحه ويناهض اسلام السلفييين الذين يشرعون لنص الردة.من المحتمل انه لولا ظهور البترول فى بلاد السلفيين-مع احترامنا لهم -وتزايد الهجرات لما تغلغل هذا التطرف فى رؤوس البعض.
نرجع للسؤال الذى ينتظر الحسم. وهو كما كرر الكتاب مرارا وتكرارا هوعن القانون والنص وكيف يسقط.

[فاروق بشير]

#1043931 [د. محمد عبد الرازق سيد احمد]
5.00/5 (1 صوت)

06-24-2014 04:57 PM
بسم الله الرحمن الرحيم
رد علي اخي الكريم( Saas )

واعزائي محرري الراكوبه الشرفاء - وزوارها بني وطني الكرام ... السلام عليكم ..

اكلوا افخاذ البقر .. واكلونا ملاح البراطيش ..

كنا في العام 1991 م .. دفعة الفاروق ( واحد ) في الدفاع الشعبي .. اخذنا قهرا من الوزارات
وكانت الدفعه تضمني .. والكثيرين من الزملاء في الخدمه المدنيه وكنا جنيعا في المجموعه الثانيه والاولي .. واذكر منهم ومن هنا لهم التحيه .. عبد الرحمن عثمان وهو الآن من كبار الدفاع الشعبي واحمد محمد العاص .. واصبح فيما بعد وزير دوله بوزارة الداخليه .. وآخرين منهم من مات رحمه الله ومنهم من هو حي والقائد لهذه الدفعه الطيب سيخه .. يتم ايقاظنا قبل صلاة الفجر .. لنصيح في شط النيل الابيض في القطينه كالمجانين :
.. في حماك ربنا .. في سبيل ديننا ..لا يروعنا الفناء فتولي نصرنا ..الخ.. ونصلي الفجر ثم يتم وغم اننا عجائر ..اجبارنا علي الجري ونصيح في طاوبر يجري حول القطينه ويستقظ اهلنا سكانها علي صوتنا.. وفيهم المريض الذي يحتاج الي الهدوء وفيهم من كان ساهرا .. نقلق راحتهم بصياحنا .. امريكا روسيا قد دنا عذابها .. يانفس مالي اراك تكرهين الجنه ,, والله لو الله .. الخ
ونصل المعسكر بعد طلوع الشمس ..لنقوم بتمارين رياضيه سويدي .. حتي الساعة الثامنه .. ثم اجمع
.. ثم انصراف .فنذهب الي الخيام ..ويذهب زملائي الاربعه الي الخيمه ويعلمون اين انا اذهب .. هم يذهب احدهم للمطعم وياخذ باذنجان مغلي في صلصه في صحن وخمسه رغيفات ويذهب لزملائه ليفطروا

اما انا ..فاذهب بين شجيرات العشر واخلع ملا بس الدفاع الشعبي ولدي جلابيه مربوطه في شجرة عشر
البها قوام وعندي عصايه واعمل فيها راعي وامشر بي طرف البحر لمدة خمسه دقائق اكون في سوق القطينه مخترقا حرس الدفاع الشعبي الذي يظنني راعيا ..وهناك اشرب شاي ( انا اصلي مربي بالشاي) وود عم اهلي الشايقيه ناس اسكت كب .. واضرب فول وكبده مصلحه .. واقوم قبل طابور السلاح الساعه عشره ارجع بعد ما ادخن واشيل كيس صعوص لصاحبي نور الدين رفيق الخيمه ..

وذات مره انا جالس امامي فنجان القهوه ومولع سجارتي بمزااااااج حضرة عربة الدفاع الشعبي وبها من ( كرتي - وعوض - وياسر هذا ملازم ) جلسوا امام الدكان وصاحب الدكان يتكبكب جاب ليهم الشاي .. وبدا عتالي ينزل من عربة الدفاع الشعبي : نزل ثلاثه صفايح زيت وسته صفايح عسل وجوالين دقيق واربعه جوالات عدس وكم كرتونه ماعارف فيها شنوا .. وانا باعاين .. وانا باعاين ...في حماك ربنا .....
وجاء سيد الدكان وعد ليهم ستمائة جنيه وهي في ذلك الزمن قروش .وقامت شكله بين ياسر والتاجر قال ليه كله مره تقول يبقي ليكم .. تاني ما بنجيب ليك .. وبنودي لحاج عبد المعطي .. رجع ديل مع الفي العربيه نوديها كلها ليه .. قام التاجر قال ليه : انت باقي ليك ثمن العدس تعال باكر استلم .. قال ليه طيب ..يالله ياشباب . وركبوا عربتهم وبسرعه .. دخلوا السوق .. لا ادري الي اين... عموما قمت متذدر وصية نصر الدين زميل الخيمه .. مشيت جبت ليه ليمون .. وبنفس الطريقه
رجعت من طرف البحر .ز مريت بالديدبان .. قال لي هوي .. هوي ..ارجع .. قلت ليه ماشي لي غنمي ديك ما شايفهم .. رد طيب امش وما ترجع من هنا قلت ليه ... حاااااااضر ياجناااااابوا ..

وصلت شجيرات العشر .. سلمت عليها وملصت جلبيتي الوسخانه .. ولبست ملابس الدفاع الشعب وجزمته .. طبعا كنت حفيان .. وبسرعه .. جكه جككككككككككوصلة الخيمه .. سلام ياشباب .. وصاحوا ضاحكين
زيل الخيمه الرابع .. دكتور احمد دياب محمد .. له التحيه قال :...والله يوم تمشي السجن .. قلت ليه .. وهسع انحنا وين .. ياخي علي حساب الحكومه يشتروا كل يوم من متعهد لحم بقر بالأفخاد وكبد ياكلوها ويودوها بيوتهم ويودوا العدس والعسل يبيعوه وانحنا يأكلونا ملاح البراطيش ( الباذنجانالاسود في ماء الطماطم ) وحكيت لهم حكاية باقي ليك ثمن العدس وضحكوا .وفي .. التعليق القادم نتم الحكايه .. لكن اخي ساسا .. اديك النهايه :

يوم تخرجنا : وامامنا .. الملازم ياسر الدور الشكله مع البقال التاجر الودي ليه المسروقات مع زملاءه ..الدكتور احمد العاص وكرتي ...يحمل السيف امام وجهه وقال قائد طابور التخريج مع الموسيقي والمرحوم الزبير والطيب سيخه واقفين والطابور ماشي وانا في نص الطابوروبجواري زملاء خيمتي ( لهم التحيه : احمد دياب - نور الدين - عثمان -نصر الدين ) اول ما قال الملازم ياسر قائد الطابورامام المنصه لليمين انظر قلت باقي ليك تمن العدس .. وبدلا من ان ينظر ياسر الي المنصه
الي اليمين نظر الي الخلف ..

وفيما بعد ..وبعد زمن طويل عرفني اعرفه .. بعد سنه تقريبا وكانوا يجمعونا شهريا في معهد الاداره العامه ويوم انتها اجتماع المؤتمرالاسلامي ونحن بزي الفاروق مر علينا رؤساء الاسلاميين حاضري المؤتمر .. ونحن طابور نصيح لهم .. في حماك ربنا .. كررتها باقي ليك حق العدس وياسر بجواري فعرفني وسواها مضحكه .. وحاول يبرر بنبيع وبالثمن نشتري الخبز ليكم قلت ليه توجد افران في المعسكر .. وياخوي سرك في بير واليوم طلع ..لانه النظام يحتضر وربما لا يجد الكفن وله الآن عمارتان .. وكرتي استثمر في مغلق .. وبقي بتاع اسمنت .. وله .... ويذهب الحرام من حيث اتي .. ونلتقي .. ونقول لشعبنا : في حماك ربنا ... والفرج قريب ...

[د. محمد عبد الرازق سيد احمد]

ردود على د. محمد عبد الرازق سيد احمد
[دينقديت] 06-25-2014 05:44 AM
الله معك يا د.محمد علي هذا السرد الجميل والشيق يجب تعريتهم ...ليس هناك مجال لسياسة السترة مع تجار الدين هؤلاء .....لك جزيل الشكر

[ظلال النخيل /فريد محمد مختار] 06-24-2014 06:37 PM
الاخ الدكتور محمد عبدالرازق
لك التحية على هذا التعليق والسرد الجميل لفضائح الانقاذ وعمايلهم وكيفية ارتقائهم السلالم الوظيفية بالسرقة والنهب وأكل مال اليتامى والسحت ...فالسارق عندهم يترقى الى العلالي والشريف ينبذ إن كان فيهم شريف.عليه فمثل هذا التعليق يجب أن ينشر كمقال قائم بذاته واقترح عليك وعلى المنتدين والمتصفحين وقراء الراكوبة نشر مثل هذه القصص والوقائع الانقاذية الفاضحة حتى يفتضح أمرهم اكثر ...يبدو أن في جعبتك الكثير فهلا تكرمت بنشرها!!!


#1043918 [غايتو]
0.00/5 (0 صوت)

06-24-2014 04:44 PM
أحسن كان تسكت / هذا الوزير دائما يتسرع. أما الإستجداء فلا داعى له فالفيكم معروفة لدى الغرب هذا الشرير , والقريب والبعيد.

[غايتو]

#1043911 [رانيا]
0.00/5 (0 صوت)

06-24-2014 04:41 PM
مريم تجي إيه جمب غيرها في الصمود . على الأقل هي عارفة إنه ما حيحصل ليها حاجة ومسنودة بزوجها والقضية فشنك من يومها . هي ولا وفاء قسطنطين القبطية الأسلمت وقتلها البابا شنودة في وادي النطرون .. والكل عارف ومنهم الدكتور زغلول النجار وأكدوا على إنها قتلت هناك ويوجد المئات والمئات محبوسات في الدير هناك ولا تجرؤ الدولة على فتح تحقيقات في قضايا مقتلهن أو إختفائهن حتى !! موضوع تغيير الأديان يا يكون حاسم ورادع يا يتأخد باليد ذي ما بيعملوا الأقباط في مصر وإنتهينا. مش تكون حكومة رعديدة وقضاء بطاطا ويفتحوا النار على ملفات ساخنة ؟! ده كلام ده ؟

[رانيا]

ردود على رانيا
[رانيا] 06-25-2014 05:16 AM
(( الرد على السفيه مذلة )) ...~

[احمد] 06-24-2014 09:40 PM
هل قصـدك كان المفروض أن تقتل؟ وهل اقباط مصر قدوة حسنة حتى يقتدى بهم؟!
انت عاملة فيها متدينة لكنك في الحقيقة لا تعرفين شئ عن الدين ولاتعرفين راسـك من قعرك..
لا كثر الله من امثالك.. يخص ...


#1043900 [شاهد اثبات]
0.00/5 (0 صوت)

06-24-2014 04:34 PM
.

[شاهد اثبات]

#1043875 [معاذ]
0.00/5 (0 صوت)

06-24-2014 04:09 PM
امريكا قد دنا عذابها لمن كانت؟

[معاذ]

#1043869 [al wadah]
0.00/5 (0 صوت)

06-24-2014 04:04 PM
سبحان الله . فهم الغالبيه لهذه القضيه كان واضح جدا . ما غريبه والله علي شعب السودان العظيم . وطبعا علي العكس وبرضه ما غريبه عليهم حكومة السجم ووزراها . باقي لكل قاعدة شواز . وحكمة الله اداهم حكمنا . المهم يا شواذ ربنا وراكم انه دينكم ده كده شاذ . ده حد من حدود الله لا بعرف امريكا ولا فيه بيانات . اللعبه منكم ٢٥ سنه علي ربنا اولا ونحن شعبوا الضعيف بفرض انفسكم علينا كانبيا ء تحمون وتنصرون دين الله انتهت بامتحان ربنا ليكم بفضية ابرار هذه . انتم الان عراة لا دين لكم ولا عزة لكم ولن يكون لكم نصر من الله . فالله ينصر من ينصره . توبوا الي الله واتركوها لمن هو اصدق منكم مع الله . . اميركا كانت اصدق منكم وبقض النظر عن قوتها عليكم تجاه هذه الفتات ونصرتها لانها تمثل في هذ الحاله كل الدين المسيحي . لو اتكلمنا لي بكره العبر والاعتبار ما بكملوا في هذه القضيه . بس دائما تذكروا اذا دعتكم قدرتكم الي ظلمالناس ان تذكروا قدرة الله عليكم . . .

[al wadah]

#1043852 [الهادي بورتسودان]
5.00/5 (1 صوت)

06-24-2014 03:50 PM
سبحان الله كأننا نسينا يا شباب
لو متذكرين أزرق الناها قال قبل اسبوعين للبي بي سي إنو حا يطلوا صراحها عبر إجراءات قضائية .. طبعاً الكيزان أتفقوا على المسرحية و المخرج يكون عبر الإستئناف
... قال إستغلال قضاء قال
شاهد حديث أزرق الناها مترحم على الرابط


.

[الهادي بورتسودان]

#1043845 [جاكس]
0.00/5 (0 صوت)

06-24-2014 03:40 PM
أتصور، بل أجزم بما لا يدع
مجالا للشك، ان ملابسات هذه القضية...
وما آلت إليه من هذه النتجية السخيفة والمخجلة...
ستؤدي إلى عواقب وخيمة جدا على صعيد إعادة كثير من السودانيين...
وبالذات الشباب مراجعة ايمانهم...
وإعادة التفكير وربما الإعتقاد أن كووووول الأديان
احتمال كبير أن تكون صناعة بشرية...
وأن الله تعالى ربما يكون بريئ منها...
واللي شاف تزايد في موجات الإلحاد
وبداية التشكيك ما كضب...

[جاكس]

#1043838 [بكري الصايغ]
3.00/5 (3 صوت)

06-24-2014 03:32 PM
اولآ:
كان المفروض علي وزارة الخارجية (فرع جهاز الأمن) وقبل ان تصدر بيانها الهزيل هذا، ان تنظف
مكاتبها واروقتها من من شخصيات دخلوها بالواسطات الحزبية والأمنية الكبيرة ، وشغلوا العديد من المناصب الهامة في الخارج وهم ولايملكون اي مؤهلات او خبرة بالعمل الدبلوماسي، بل وراحوا يعادون الجالية السودانية ويذيقونها العذاب المر!!

ثانيآ:
جاء في بيان الخارجية مايلي:
"وقد ظلت وزارة الخارجية تؤكد ثقتها في مهنية ونزاهة واستقلال القضاء السوداني العريق والرائد
في المنطقة العربية والافريقية"!!

نزاهة واستقلال القضاء السوداني!!، علي من تكذبون يامن كتبتم هذا البيان الهزيل، والملازم شرطة
غسان لم يقدم للمحاكمة.. وتتاجل في كل مرة محاكمة الضابط الذي قتل الراحلة عوضية..وتتاخر
محاكمة شقيق النافع الذي قتل المزارع بعد تعذيب؟!!

بيانكم هذا يذكرنا ببيانكم السابق المخجل عام 2006 بعد وقوع مجزرة ميدان "مصطفي محمود" في
يوم 30 ديسمبر 2005، وراح ضحيتها 27 سودانيآ قتلوا برصاصات رجال شرطة وزارة الداخلية المصرية، ورحتم تؤكدون في هذال البيان الرسمي، وتعلنون انه: (شأن داخلي يخص المصريين)!!

[بكري الصايغ]

#1043828 [ود تميرة]
1.00/5 (1 صوت)

06-24-2014 03:22 PM
القضية أصلا فمبركة من البداية أي شخص كان يتخيل سيناريو غير هذا السيناريو فهو لا يفهم ( خلينا نقول الإنقاذ ) إستطاعوا أن يشغلوا الناس في الفترة السابقة بموضوع مريم لصرف الناس عن المشاكل الحاصلة في البلد أمثال ( حميدتي و الجنجويد و الغلاء الطاحن للأسعار ومشكلة الصادق المهدي التي أشك فيها لأن الصادق الجماعة دفعوا ليه تقيل وباع القضية الراجل الصاح هو محمد الشيخ ولا رايك شنو )

[ود تميرة]

#1043824 [عمار سودانى]
5.00/5 (2 صوت)

06-24-2014 03:19 PM
الرووووووووب الرائب قلتو لى امريكا مالا دنا شنو عذابها

ويا امريكا شنو اختينا دفاع الشعبى بتاع على كرتى مالو بحمينا

اولاد ال .... قلته شنو يا الكيزان احى الروب شنو لا دنيا قد شنو عملنا

الروب الروب على الطلاق مقابل الكرسى كان قالوا ليكم انبطحو تنبطحوا وكان

قالو ليكم ..... طوالى ترقدوا اولاد ال.... احى يا ماما امريكا لكن خطيرة

تعرفوا للمساكين الضعفاء جوعتوهم وظلمتوهم ودمرتوهم والبطلع الشارع سلميا

القناصين جاهذين شنو قال دعم شنو سريع احى لينا نحنا المساكين اها وشغل امريكا

ده شنو اسمو نقط نقط سريع مش يا كرتى احى الكيزان الروووووب اها بعرف لى مرتد بطبقوا

الشريعة الروب الرائب .

اخجلوا على الطلاق مفروض مش تخلو الحكم تقعوا البحر الروووب.

يابشة امريكا كيف .

[عمار سودانى]

ردود على عمار سودانى
European Union [السودانى الغيور] 06-24-2014 05:18 PM
ههههههههههههههههههه شر البلية ما بضحك........ ويا لامة ضحكت من جهلها الامم .والديانات كمان ..


#1043816 [أبوالكجص]
0.00/5 (0 صوت)

06-24-2014 03:08 PM
قتباس:
فتود وزارة الخارجية تذكير المجتمع الدولي بالظلم المتصل الذي يتعرض له 35 مليون سوداني جراء العقوبات الآحادية الظالمة التي تفرضها حكومة الولايات المتحدة علي السودان منذ 17 عام

تصحيح من عندي: المتأثرين بالعقوبات 35 مليون مطروح منها (-) مسئولي الحكومة وأهليهم وحواريهم وأهليهم وعضوية المؤتمر الوطني وأهليهم

[أبوالكجص]

#1043811 [بومدين]
4.00/5 (2 صوت)

06-24-2014 03:04 PM
سيظل هذا التأييد الـفضـيحـه .. بكلماته وتاريخه ورقمه وصمـة عـار فـي جبين تجــار الـدين .. ويـعـتبرآخــر أوراق الـتوت الـمتساقطه ..
كاشـفـه عـن عـورتهـم وعـوارهـم ، نهـارا جـهـارا ، وفي وضـح الـنهـار ، وامـام الـمـلأ الـعـظيم ، وكـذبهـم ودجـلـهـم وإسـتهبالهـم ..
لايحــق لـتنابلة الـسـلـطان ، وحارقي البخـور فـي مـعـبد الشيطان ، وحـمـلـة الـمباخـر ، ولاعـقي أعـقاب حـذاء الـسـلـطـان بـعـد اليوم أن يذكروا سـيرة أي شـريـعـة ..
وكـل مـن يدجـل باسـم الـدين ( بـعـد هـذا التأييد ) يحــق لـكـل مسـلـم أن يقـطـع لســانه مـن جـذوره ويطعم به الـكـلاب الـضالـه ..

يا أيها الذين آمنوا لم تقولون ما لا تفعلون ؟؟ .. كبر مقتا عند الله أن تقولوا ما لا تفعلون .

( ان حـد الـردة خـط أحـمــر لا يـجـوز لأي أحــد الـتحـدث فـيه أو إعــادة الـنظـر حـولـه أو مـراجـعـته . )

قـر قـر قـر قـر قـر قـر قـر قـر قـر قـر قـر قـر قـر قـر قـر قـر قـر .. قـرقـراب .
قـر قـر قـر قـر قـر قـر قـر قـر قـر قـر قـر قـر قـر قـر قـر قـر قـر .. قـرقـور .
قـر قـر قـر قـر قـر قـر قـر قـر قـر قـر قـر قـر قـر قـر قـر قـر قـر .. غـرغـرينا .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هــيئة عـلـماء الـســودان : حــد الـردة خــط أحـمـر لا يـجـوز لأحـد الـتحـدث فـيه


05-26-2014 07:10 PM
الخرطوم - عثمان عوض السيد

أيدت هيئة علماء السودان ، الحكم الصادر ضد مريم يحيى ، والقاضي بالإعدام حتى الموت إنفاذاً لحد الردة ، وأجمع عدد من علماء الهيئة بينهم ، المكاشفي طه الكباشي ، وجلال الدين المراد وعثمان محمد النضيف ، في ندوة عن مفهوم الردة وآثارها عقدت في دار الهيئة بالخرطوم ، بالتعاون مع كلية الشريعة والقانون جامعة أم درمان الإسلامية ، مساء أمس - على أن جمهور العلماء أكدوا أن حكم الإعدام على المرتد سواء أكان رجلاً أو امرأة واجب بعد الاستتابة ، واستنكروا ما رشح من انتقاد لحد الردة في وسائل التواصل الاجتماعي ، موضـحـين ( أن حـــد الـردة خـط أحـمـر لا يـجـوز لأي أحــد الــتحـدث فــيه أو إعــادة الـنظـر حـولـه أو مـراجـعـته ) .. !!؟؟.

اليوم التالي
ــــــــــــــــــــــــــــــــــــــــــــــــــــــــــــــــــ

ملـحـوظـه هـامـه : ننصـح الـمتصفـحـين الكرام بنسـخ هـذا الـتأييد الـوثيقـه ( الفضيحه التاريخيه المجلجله ) وصـفـع أي دجـال ( عـتل بـعـد ذلك زنيم ) بهـذه الـوثيقه فـي دين أم وجهـه الـقميئ . وقـطـع لـسـانه واطـعـامه للـكـلاب الـضـالـه الـجربانه .

[بومدين]

ردود على بومدين
European Union [هلول] 06-25-2014 01:43 AM
الاخوان الاجلاءقلتم واستفضم في القول ثم ماذا بعد هذا لاالبشير ولا اركان حربه يفعلون شي دون الرجوع لسادتهم وهم يقولون هي لله لاللسلطه ولاللجاه والان الايه إتعكست ويقولون مالايفعلون ويتاجرون بالدين وثلاثه عندهم هم علي حق الحرامي والإمعه والصعلوق بالمعني الواضح ويمهل ولايهمل وكما حدث في كل من سوريا ومصر وليبيا والعراق سيعاد باذن الله في السودان وتزهبون الي قبوركم بكفنكم وعملكم فقط فماذا اعددتم من تدمير الشعب وتفككه واكل ماله والفساد والالحاد .


#1043808 [بت حبوبتها]
1.00/5 (1 صوت)

06-24-2014 03:01 PM
بيان هزيل من وزارة هزيلة كانت لها هيبة في يوم ما وكان اسمها "الخارجية" ..الله يرحمها

[بت حبوبتها]

#1043799 [ساب البلد]
5.00/5 (2 صوت)

06-24-2014 02:52 PM
************ حمد الله علي السلامة ****** ما في داعي من البداية عارفين الكلام ده يحصل ******* هسي غير شوهتوا صورة الاسلام و السودان ما عملتوا حاجة ****** مريم صمدت و لم تتراجع ****** حُكم عليها كمسيحية و افُرج عنها كمسيحية و بطلة في عيون المجتمع المحلي و الدولي ********** اين هيئة عملاء السلطان طبعا ح يسكتوا ساكت و ح يبلعوا حكاية الدين و الشرعية خط احمر ***** خلاص بعد ده حكاية نحنا حماة بيضة الدين و ظل الله في الارض و هي لله و امريكا دنا عذابها ما بتاكل عيش ****** و بعد ده باب الردة انفتح علي مصرعيه ******

[ساب البلد]

#1043787 [كاكا]
5.00/5 (1 صوت)

06-24-2014 02:42 PM
وين اخوها الحلف مليون طلاق وقال قبيلتنا بتاكل النار وحتشوفوا نحنا نسوى شنو .....

[كاكا]

ردود على كاكا
[fadeil] 06-24-2014 06:13 PM
أخوك دا يا كاكا ركبه تعطلت وحلقومه أتقفل تاني لا رقيص ولا ضجيج .

European Union [بت مكوار] 06-24-2014 04:18 PM
أخس عليهو ،ده ما اخو دا عدو لا عندو رحمة ولا محنة ، قال الدين قال ،الدين اليجيب خبرو وخبر علماء بل جهلاء السودان معاهو ،المكاشفي وبدرية ودفع الله وباقي الكرور ، قال جمهور العلماء قال والله ديل جمهور الهلال أفهم منهم ،ديل علماءولا كتالين كتلا جارين لجلد وقتل النسوان لعنة الله تغشاهم .


#1043771 [hassan]
5.00/5 (1 صوت)

06-24-2014 02:30 PM
القضية واضحة من الوهلة الاولي ولم تكن تحتاج للمسرحية الطويلة دي

ولكن واضح جدا ان للحكومة كانت هنالك اهداف تريد تحقيقها

واولها صرف الانظار داخليا عن سرقات عصابة الانقاز وشغل المجتمع داخليا

وخارجيا بعيدا عن مشروعات التحلل وركب الرئيس المتحللة ايضا وقوات الدعم السريع

وقد وضحت جليا من خطاب وزارة الخارجية الاهداف الخارجية

ونقول لهم خبتم وخابت خططكم وانتظرو الجاياكم

ويمكنكم اعادة دراسة تاريخ الامم التي انهارت رغم قوتها وجبروتها

وما حسني مبارك والقزافي عنكم ببعيد

[hassan]

#1043768 [adil a omer]
5.00/5 (2 صوت)

06-24-2014 02:24 PM
سياسة سوف الملجه

والله لو عاوزين ندى القلعه زاته نديكم ليها لكن راعونا فى السعر شويه اليومين دى ناشفه شويه

[adil a omer]

#1043759 [رانيا]
5.00/5 (2 صوت)

06-24-2014 02:13 PM
أسد علي وفي الحروب ....

[رانيا]

#1043757 [د. ياسر الشريف]
0.00/5 (0 صوت)

06-24-2014 02:11 PM
الكرة في ملعب المناضلين الأحرار الذين كان لدورهم الأثر الأكبر، بفضل الله وتوفيقه، لإبراز قضية هذه المرأة واستنهاض المجتمع الدولي والحكومات الديموقراطية لصيانة حقوق الانسان الأساسية ومنع الحكومات الدكتاتورية المستهترة من انتهاكها.

عليهم مواصلة النضال للمطالبة أولا بإزالة مادة الردة كلية من القانون بعد هذه السابقة التي قامت فيها السلطة السياسية بإلغاء حكم الردة والزنا وإطلاق سراح المحكوم عليها.

[د. ياسر الشريف]

#1043747 [sudani]
4.00/5 (3 صوت)

06-24-2014 02:03 PM
ضغوط كيف يعنى الاتعرضتوا ليها ما فهمت ؟ يعنى ضضغط ناشف ؟

[sudani]

#1043708 [ود الفنكوك]
3.75/5 (4 صوت)

06-24-2014 01:29 PM
هنا والشئ بالشئ يُذكر يطوف بالذاكرة وقائع مأساة الشهيد الأستاذ محمود محمد طه أمام محاكم التفتيش المايويه حين قال ( أنا أمام فضاة ليسوا مؤهلون قانونيا وضعفوا أخلاقيا ).. فأي عدالة نرجوها من قاض مسيس وتم تعينه وفقا لإنتمائه السياسي ......(.عالم تخاف ما تختشيش . )

[ود الفنكوك]

#1043705 [سلطان عيال عطيه]
4.50/5 (6 صوت)

06-24-2014 01:28 PM
وين علماء الحيض والنفاس ؟لابارك الله فيكم

[سلطان عيال عطيه]

ردود على سلطان عيال عطيه
European Union [زول] 06-24-2014 02:12 PM
الطهور شطر الايمان بالمناسبه دي شحده يعني خلينا ليكم ابرار يلا فكو العقوبات الهم لا شماته


#1043699 [دابي السوج]
3.00/5 (2 صوت)

06-24-2014 01:25 PM
و ما علاقة ردة مريم بالمقاطعة الامريكية ؟ وبعدين مش امريكا قد دنا عذابها ؟ طيب محتاجين لمساندة العالم لرفع المقاطعة ليه ؟

[دابي السوج]

ردود على دابي السوج
European Union [Moss Side] 06-24-2014 03:03 PM
دنا عذابها
لكن ماوصل لسع
لانه حبل الكضب طويييييييييييييل ( ثبت ذلك الآن )


#1043698 [شوف الانتهازية على أصولها...!]
4.25/5 (4 صوت)

06-24-2014 01:24 PM
بالله شوف....

قال شنو:(..فتود وزارة الخارجية تذكير المجتمع الدولي بالظلم المتصل الذي يتعرض له 35 مليون سوداني جراء العقوبات الآحادية الظالمة التي تفرضها حكومة الولايات المتحدة علي السودان منذ 17 عاما دون سند من القانون او مبادئ حقوق الانسان او الأعراف الدولية...الخ)....

طيب أولاً أرفعوا إنتو عقوباتكم عن الشعب السوداني.... أميركا بعدين

طبعاً حضرتو.... داير يرفعو العقوبات... عشان يقدر يحول قروشو... هو وغيرو من القطط السمان

لأميركا... ما أولادهم كلهم عايشين بهناك.... يعني يطالب برفع العقوبات ما عشان خاطر الشعب السوداني

أبداً... مصالح شخصية جداً...


الله في

[شوف الانتهازية على أصولها...!]

ردود على شوف الانتهازية على أصولها...!
European Union [sasa] 06-24-2014 02:08 PM
هم كلاب الالغاز بتابعيهم وخدمهم وحشمهم وامنجيتهم ومليشياتهم ومعرسينهم وماسحى الجوخ وهلمجراااااااااااااااااا لايساون المليون ... مالكم ومالى الشعب السودانى ... عرفتم ان لكم شعب اليوم يا اولاد ..... الم تسطوا على السلطة انتم بارادة ربانية سماوية ملائكية لكى تطبقوا الشريعة الاسلامية فى السودان بلد الناس الماعارفه دينها؟؟؟

الم تعدوا العدة لامريكا التى دنا عذابها وروسيا معها وكل دول الاستكبار


#1043690 [Majour]
3.00/5 (2 صوت)

06-24-2014 01:18 PM
حمدلله على سالمة هذه السيدة المسكينة, وعلى تصحيح القضاء او الخارجية او الضغط الامريكى الاوربي أو أيأن كان السبب فى الغاء حكم الاعدام, الربح الاول والاخير للسودان , فمن يدري ربما هؤلاء الاطفال يعيدون لحمة السودان العريض ارض المليون ميل الى خارطة العالم مرة أخرى.

[Majour]

#1043680 [منشى]
5.00/5 (1 صوت)

06-24-2014 01:13 PM
ايوا ترا اللى فيكم عرفنا تب تانى تعالوا قولوا لينا هى لله ما كل شئ عندكم لامريكا و لجيوبكم . خلى تانى واحد فى دجالينكم ديل يفتى بجواز شئ تعملها الحكومه عشان ندى شهادة زور و بامتياز من مدرسة الدغمسه النموزجيه . اتارى لو امريكا سكتت كان ضبحتوها ساكت زى ما تضبحوا ناس دارفور و غيرهم فى الخرطوم كمان عشان امريكا ما قالت لا ما تسوووا . امريكا بتقول المسلمين بتعونكم اضبحوهم ساكت ما فارغه معانا لكن اللى بيفارغكم و يبقى فى ديننا نحن بنقيف معاهو , دى دعوه صريحه و طريقه جديده للحمايه . يلا معنا يا ضدنا . دى معناها ناس الانقاذ كلهم فى الطرف اللى بهناك عشان بيضبحوا اللى ما فى طرفهم .

[منشى]

#1043664 [جنرال زمان]
5.00/5 (1 صوت)

06-24-2014 01:00 PM
(وعليه تدعو وزارة الخارجية نفس الحكومات والمؤسسات والأفراد الذين ارتفعت أصواتهم تعبيراً عن القلق والرفض للحكم الذي أصدرته المحكمة الابتدائية في حق المواطنة المذكورة أن يعبروا عن تضامنهم مع حقوق كافة أفراد الشعب السوداني التي تنتهكها جماعة الأخوان المسلمين الجاثمة علي صدور هؤلاء السودانيين)

[جنرال زمان]

#1043662 [بومدين]
5.00/5 (2 صوت)

06-24-2014 12:58 PM
نعبر عن تضامننا مع حقوق كافة أفراد الشعب السوداني التي تنتهكها حكومة البغي والعدوان واللـصوصيه ..
ونناشــد أحـرار الـعـالـم ، وناشطي المجتمع الـمدني ومنظمات حقوق الانسـان بالـتدخـل الـفوري لوقف الـتطهير الـعـرقي ، والاباده الشـامله ، وفظائـع الـحروبات ، وانتهاكات حقوق الانسـان المستمره منذ ربـع قـرن ..
ونؤكـد لاحـرار الـعـالـم أنه لـولا وقفتهم الشـجاعـه لتم قـطـع رأس المواطنه مريم بـحـد الســيف ..
ونؤكـد أنه لايوجـد قضـاء بالمره ولاتوجد دولة مؤسسات بل عصابة مافيا جاثمه علي صدورنا بالحديد والنار ..
ونناشــد مجلس الامـن الـدولـي بتأكـيد مصـداقيته والقاء القبض علي المجرم المطلوب دوليا ، والهـارب مـن وجـه الـعـداله الـدوليه الرئيس السـوداني المزعـوم ..
ونناشــد الســيده المحترمه فاتو بن سـوده لتشــديد الملاحقه ، وتذكير الـعـالم بجـرائم المجرم ( المعاق - بالكلوجه )الهارب من وجه العدالة الدولية المدعو عمر قشــير.

[بومدين]

#1043660 [ربيع حار جدا]
3.00/5 (2 صوت)

06-24-2014 12:56 PM
في داعي لي الفشخرة والمسخرة دي هسي .. ما كان من البداية تعملوا رايحن من الموضوع .. هو يعني خلااااااااااااااص طبقتوا الاسلام كلوا لدرجة حكم الرجم .. يرجمكم الله ويريحنا منكم يا تجار الدين .. بس ياريت تسمعونا آخر ألحان كورال علماء السلطان في الحتة دي لانو أكيد يكونوا ألفوا ليهم قطعة نسرية في ثوب ديني مفصل من أجل المخارجة من هذا المطب الإصطناعي دا .. وبث خلاص يا سي اوباما شطبنا القصة وشطبنا البلاغ عشان نطيب خاطركـ الغالي ... ههههههههههههههههاي قلته لي (هي لله هي لله لا للسطله ولا للجاه) تكبييييييييييير (الله اكبر) تهلييييل ( لا اله الا الله ) ما لدنيا قد عملنا نحنوا للدين فداء أو كما قال كبيرهم الذي علمهم السرقة والرقص ..

[ربيع حار جدا]

ردود على ربيع حار جدا
[جاكس] 06-24-2014 03:34 PM
ههههههههه
ههههههاااااييي
ههههههههااااايييي
ههههههههههههههههههههه
الواحد ليهو فترة طويلة ما ضحك...
وجعتوا بطنوا الله يدمر شيطانكم...
غايتوا اصبحنا نكتة وسط العالمين...

United States [ابو ياسر] 06-24-2014 01:53 PM
تسلم ياربيع تعليقك كارب .


#1043647 [SESE]
1.00/5 (1 صوت)

06-24-2014 12:45 PM
جاء صدور هذا الحكم فى أطار استقلال السلطه القضائيه فى السودان واعمالا لحكم القانون ومبادىء دستور السودان و وثيقة الحقوق الاساسيه......

جاء صدور هذا القرار في اطار الضقط الامريكي المباشر وإلا لكان راحت المسكينة في الشوربة وكما قالوا ((العصر بجيب الزيت))....!!!

[SESE]

#1043641 [ابومصطفي]
1.00/5 (1 صوت)

06-24-2014 12:40 PM
قصة ماقلتو نوبه يقال ان الاب فلب عباس غبوش اراد ان يقوم بمحاوله انقلابيه في عهد الرئس نميري فتم القبض عليه وحكم عليه بالاعدام فتدخل مجمع الكنائس العالمي لالغاء العقوبه والعفو فطلب النميري ان يقوم الاب فلب عباس غبوش بالاعتذار فرفض غبوش ان يقدم اي اعتذار وقال نحن نوبه انت بتلعب فوصل الكلام الي النميري فامر باعدامه فتدخلت الكنيسه واقنعت غبوش بان يقدم اعتذار فطلب النميري ان يكون الاعتذار امامه شفاهة وجاء غبوش واعتذر امام النميري فقال له النميري ماقلتو نوبه

[ابومصطفي]

#1043638 [adams]
5.00/5 (1 صوت)

06-24-2014 12:39 PM
مريم بتعبد اللة وعندها مبداء لكن انتو كيزان ربكم امريكا و مبدائكم .....

[adams]

#1043636 [الكاهلية]
1.00/5 (1 صوت)

06-24-2014 12:38 PM
طلتم الحدود قبل ان يعطلها الغرب
اتدرون بماذا
بنفاقكم وكذبكم وترككم للحرامية ينهبون ويسرقون وعطلتم حد السرقة فعطل الله حياتكم وفي الاخرة تردون الى اشد العذاب
واي واحد منكم استمتع باموال الغلابة او اضاف جالون بنزين ليعزي قريب له انتم مسئولون عنه
وجميعنا خصومكم يوم القيامة

[الكاهلية]

#1043607 [ظلال النخيل /فريد محمد مختار]
3.00/5 (2 صوت)

06-24-2014 12:11 PM
نبارك للاخت مريم الغاء الحكم الجائر.. الذي تم تحت ضغوط امريكية وغربية كما يعلمه الجميع وبارك الله في امريكا ودول الغرب العادلة ..والخزي والعار على حكومة السوان الظالمة وعلى أشباه القضاة كوادر الكيزان الذين أتت بهم الانقاذ تنفيذا لسياسة التمكين الفاشلة ....

[ظلال النخيل /فريد محمد مختار]

#1043584 [حسكنيت]
5.00/5 (1 صوت)

06-24-2014 11:51 AM
لأبرار الحق فى أن تصلى الجمعة أو السبت أو الأحد...أنى شاءت

[حسكنيت]

ردود على حسكنيت
[جاكس] 06-24-2014 03:30 PM
هههههههه
أحلى تعليق!!!


#1043582 [radona]
5.00/5 (1 صوت)

06-24-2014 11:50 AM
هل يخافون المخلوق ولا يخافون الخالق؟
ام ان القضاء السوداني مستقلا وحرا وقال كلمته ولم يستجب للضغوط؟
ام ان الحيثيات التي استندت اليها محمكة الموضوع خاطئة ؟
ام ان القضاء السوداني اتبع الحكمة ولم يتبع القانون ؟
ام كان من الافضل للقضاء ان يثبت الحكم وصحيح القانون ويترك باقي الامر لسيادة الدولة ان شاءت عفت وان شاءت طبقت شرع الله ؟
الاتعد السابقة القانونية باعدام محمود محمد طه عقبة قانونية كؤود ام القانون يمكن ان يكون مرنا حسب الحاجة ؟
ماهذه الا تساؤلات تحتاج لاجابة خوفا من الله
والله من وراء القصد

[radona]

#1043571 [محمد]
0.00/5 (0 صوت)

06-24-2014 11:44 AM
ماسمعنا ولا كلمة لعلماء السلطان واللا بنظام ولا الضالين آمييييييييييييييييييييييين
اما البيان فهو عبارة عن بيان احنا ماخايفين من زول والحقيقة بيان مفروض يكون عنوانه لحفظ ماء الوجه ...لو فضل فيها حياء رئيس يهرب من نيجيريا ونص دول العالم مابيقدر يمر من اجواءاها الله يرحم الزعماء ازهري عبد الله خليل والهندي عبود وابعاج اللي دخل الاردن في عز نارها موش زي المدسين وراء شذاذ الافاق معلش كبوة وطالت وبكرة تنكشف وتبقى حكاوي

[محمد]

ردود على محمد
European Union [cour] 06-24-2014 06:20 PM
لا يا محمد الضالين اعادو مريم الى السجن راجع موقع البى بى سي ارابك


#1043568 [جنوبي]
2.00/5 (1 صوت)

06-24-2014 11:40 AM
يعني افتعال الجوطه دي كووولها عشان الكسب السياسي الرخيص ده !
تضروا بسمعة الاسلام عشان في النهاية تجوا تقولوا للمجتمع الدولي انكم عندكم استقلال قضاء واحترام لحقوق الانسان وتطالبوا برفع الحظر ؟!!
غايتو بس خسرتوا الله ولااااا حتكسبوا الامريكان !
زماااان عندنا عمنا ساخر جدا وعنده ولد اخوه عمنا ده اصلوا ما بريدوا , الود ده خلي المدرسة وودوهوا المنطقة الصناعية شهر وااحد وخلي الشغل , في حفلة عمنا شاف ود اخوه ده بيرقص واتغاظ منه , جاه في نص الدايرة وقال ليهو : والله انت لا تنفع في مدرسة ولا تنفع في شغل وحتي الصعلقة ذااااتا ما نافع فيها !
هسي يا كرتي انتو لا تنفعوا في دين ولا تنفعوا في دنيا !!

[جنوبي]

#1043562 [فارس]
0.00/5 (0 صوت)

06-24-2014 11:36 AM
الخوف إنو أى واحد عايز يريد أن يرتدبعد اليوم يقيف فى ميدان أبوجنزير ويصيح بأعلى صوته إنو خرج من الإسلام وصار مسيحى،، أها الحكومة وهيئة علماء السودان حيعملوا شنو؟؟ ماسورة وإتحلجت الله يستر.

[فارس]

ردود على فارس
United States [ود الزين] 06-24-2014 03:53 PM
الخوف من شنو؟ انت ما بتقرا سورة الكهف ؟
وقل الحق من ربكم فمن شاء فليؤمن ومن شاء فليكفر إنا أعتدنا للظالمين نارا أحاط بهم سرادقها وإن يستغيثوا يغاثوا بماء كالمهل يشوي الوجوه بئس الشراب وساءت مرتفقا ( 29 ) )


#1043560 [تاتاي في الخلا]
0.00/5 (0 صوت)

06-24-2014 11:35 AM
بيان انتهازي وموتور وبائس.

هل هذا هو مبلغ القدرات الدبلوماسية لوزارة الخارجية السودانية؟

[تاتاي في الخلا]

#1043553 [د. محمد عبد الرازق سيد احمد]
0.00/5 (0 صوت)

06-24-2014 11:32 AM
يسم الله الرحمن الرحيم




اعزائي شرفاء المحررين بالراكوبه وروادها بني وني الكرام السلام عليكم ..


تعالوا نقول : ... كرتي اخجل .. واذا لم تستحي فافعل وقل ما شئت ..انتم .. عسكر وجنجويد
ومتسلطين .. علي 35 مليون سوداني تجوعونه وتحرمونه من حق الحياة وتقهرونه اعتقالا وسجنا وتعذيبا وقتلا ..والمجتمع الدولي يعرف ذلك .. ويطلبكم للمحاكمه ..وما زلتم في طغيانكم تعمهون .. اذكروا الموت .. وحساب القبر .. وانتقام رب العالمين .. في شعب تتحدثون باسمه وهوكاره لكم ..يدعوا الله ليل نهار ان ينتقم منكم فأين ستذهبون .. مهما تطاولتم بالكذب والتزوير والاستمرار في النهب والقهر ستحاكمون في الدنيا وفي الآخره ..ولكم يوم ..ان شاء الله ..وما الله بغافل عما يفعل الظالمون .. اذ انتم تخافون امريكا ولا تخافون الله ..ومن الجبن تجأرون الي الجحور عندما تواجهكم قوة اكبر منكم كالثعالب .. وتستأسدون علي شعب هزمتموه بالتجويع ..والقهر والاعتقال والتعذيب ..والآن تصدرون بيانات .. تبررون الخزي والمهانه التي ترد اليكم بلا خجل اوحياء ..واتيتم من وادي الأبالسة تحكمون السودان تسلطا تنهبونه وتسئؤا له محليا ودوليا ..وباقولكم وافعالكم فقدتم احترام شعبكم والعالم .. كرتي .. اخجل ..وكفاك .. اكلت .. وماخليت اي كرته .

[د. محمد عبد الرازق سيد احمد]

ردود على د. محمد عبد الرازق سيد احمد
European Union [sasa] 06-24-2014 02:14 PM
الله ينتقم منهم يادكتور ندعو عليهم ليلا نهارا قتلوا اهلنا 28 ضابط ورهط من الجنود غير معروف العدد للعامة ... برؤ قوش القاتل واخرجوه ليشم الهواء مرة اخرى ... يقتلون الطلاب والطالبات ... ابنائهم يدرسون بارقى جامعات العالم على حسابى وحسابك ... اقول لهم مالكم ومال الشعب ... الله يبنتقم منكم دنيا واخرة ....


#1043548 [كشكوش]
5.00/5 (1 صوت)

06-24-2014 11:27 AM
حسبنا الله ونعم الوكيل فيكم يا كيزان يا منافقين يا تجار باسم الدين

فوق فوق امريكا فوق

[كشكوش]

#1043547 [عماد الزين]
5.00/5 (2 صوت)

06-24-2014 11:27 AM
أين القضاء المستقل الذى يتحدث عنه بيان وزارة الخارجية المبجله فالأمثلة عن عدم وجود قضاء نزيه ومستقل لا حصر لها وآخرها مهزلة إعتقال السيد/ الصادق المهدي وكيفية الإفراج عنه بالأجاويد. أذهبوا الى مزبلة التاريخ ومعكم مشروعكم الحضاري وفقه التمكين وكل ماأتيتم به خلال ال25 عاماً العجاف التى أذقتم خلالها الشعب والوطن المذلة والهوان والفقر والجوع والمرض ...الخ

[عماد الزين]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة