الأخبار
أخبار إقليمية
الهد يتهم جهات بتهريب الآثار للخارج : في آثار مرقت بالباب بعد دفع قيمة 50%
الهد يتهم جهات بتهريب الآثار للخارج : في آثار مرقت بالباب بعد دفع قيمة 50%



06-24-2014 10:18 AM
الخرطوم: سعاد الخضر
أقر وزير السياحة والآثار والحياة البرية محمد عبد الكريم الهد بتهريب كميات من الآثار لخارج البلاد وقال: (في آثار مرقت بالباب) بعد دفع قيمة 50% لجهات لم يسمها ونوه الى أن هنالك أساليب مختلفة للتهريب وأكد الهد استرجاع آثار تمت سرقتها منذ الاستعمار، واشتكى من ضعف القانون وعدم مواءمته مع الدستور بالإضافة إلى تقاطعات بين الوزارة الاتحادية والولائية والمحلية فضلاً عن معوقات تواجه السياحة بالولايات بجانب الرسوم المفروضة التي وصفها بغير القانونية وأضاف: كيف أطور السياحة وكل ومحلية شغالة براها لافتاً إلى أن هناك اضطراب عام في السياسات السياحية، وشدد على ضرورة معالجة الآثار السلبية للتعدين العشوائي وقال الهد في التقرير الذي قدمه أمس أمام مجلس الولايات إن التعدين العشوائي أصبح مهدداً للآثار التاريخية والموارد الصعبة لافتاً الى أن حركة الآليات الكبيرة العاملة في التعدين بولاية نهر النيل والشمالية وقدرها بـ25 ألف وأضاف: الآليات أزعجت الحيوانات البرية.
من جهته شن النائب بمجلس الولايات ميرغني مزمل هجوماً عنيفاً على الاستثمارات الأجنبية في مجال المطاعم والكافتريات واتهم المستثمرين فيها بتهريب كل أموال البلاد من الدولار للخارج ورفض تصنيف الاستثمار في المطاعم بالسياحي، وانتقد مزمل ضعف البنيات التحتية في حظيرة الدندر لافتاً الى افتقارها لطريق مسفلت يربطها ببقية الولايات، وكشف عن جرف الفيضان للآثار الإسلامية في سنار وأضاف: كيف تكون عاصمة للثقافة الإسلامية والآثار فيها جرفها الفيضان.

الجريدة


تعليقات 7 | إهداء 0 | زيارات 1360

التعليقات
#1044105 [ود احمد]
4.00/5 (3 صوت)

06-24-2014 10:51 PM
الله يرحمك الله جابو حسين تيه لاعب الامل عطبرة والفريق القومي السوداني حينما سألناه عن الحكومة الجديدة اي الانقلاب بالاصح وكان الاسبوع الاول قال وهو يضحك انتو وقعتوا وقعة شينة مع الجماعة ديل قلنا له كيف قال ديل ناس صعاليك واحد ابوه سقا والثاني ابوه في جنينة الحيوانات وواحد بتاع قعدات الله يستر عليكم نميري كان معاهو ناس محترمين لكن ديل حبرتجية والحديث على ذمة القائل
بصراحة جبت كل مفردات اللغة الفصيحة والعامية التي اعرفها لم اجد ما اصف به هذه الطغمة الحاكمة التي لم تدع شجر ولا حجر ولا مدر الا سمسرة فيه والبلد بقت عدمانة التكتح ذي ما قال

[ود احمد]

#1043982 [زولأ باقى متصبى البنادر]
2.00/5 (4 صوت)

06-24-2014 07:09 PM
تعليقنا ارسلناه تحت "صورة التحقق"برقم 93 لكنه راح وين ؟ الله اعلم!!على كل حال نكتبو تانى.أهو..
(1)يا جماعة الخير السيد وزير السياحه فى اول اسبوع من توهطه على الكرسى الجديدالمستوردألأكبر حجما من الكرسى القديم قال لا فض فوه انه لم يحلّ ازار عينيه على آثار اواصنام ( فهى حرام قطعن) و ما دخل على اى متحف وكمان ابى يمشى بيت الخليفه مع زملائه فى زيارة مدرسيه!! كان بس حاصر نفسو على المساجد والخلاوى والزوى و(اغوار التعبد) لنسألنكم هل فى اى صله بين الراجل دا وبين وزارة السياحه فى القرن ال 21؟ يكونش المقصود انه "يهد"السياحه! هو متعود علهد قبل كدا "هد"شنوه او "هدّ" فى منو؟
(2)اها الليله اعترف انو فى تهريب فى الآثار" ومرقت بالباب وفى قروش اندفع منها 50% وكمان اقر انه عارف اساليب التهريب !! لكنو "رافد "يفصح عن المهرباتيه والدفع ال50% ولمنو!! الراجل دا بيكلّم فى منو؟ وهو عمل شنو و"رافد" يورى مين هم الحراميه لييييه؟ مشارك؟ قابض؟ خايف من اييييه؟
(3)قال ايه ٌاشتكى من ضعف القانون وعدم مواءمتو مع الدستور!! ياتو قانون وياتو دستور جاى تقول عليه؟ هو مين كان السبب فى الهرجله دى كووولتها؟ هل بكى ثم اشتكى ام اشتكى ثم بكى؟ اذا الوزير بيشتكى ناس السوق يعملو شنو ويشتكو لمنووو! وهوالوزير نفسواشتكى لمنو؟ ومنتظر شنو! ومن منو.
(4)الراجل يا جماعه بيسالكم " كيف يطور السياحه÷"وقال فى اضطرابات (تقبّض رئاسى يعنى؟ ) فى السياسات السياحيه!! لكن هو اكيد قاصد "السياحات السياسيه" وكمان نط على التعدين (يكونش عادو نيه فى ضمها اليه لتكتمل الصوره بجامع تهريب الذهب والآثار اللى قال عليه.. الراجل دا ناقش وتقتيحه"! مر على التعدين والحيوانت البريه و تذكر ولاية نهر النيل و لم ينس الشماليه والمحليات بس ما فضلن ليه الآ وزارات التعليم بشقيها و الرعايه والخارجيه والتقنيات الحديثه
(5) ألأستعمار اللى سيادتو ايامه كان اما "علقة مخلّقة او غير مخلّقهاو ربما نطفة" كان القانون هو سيد مل موقف وكل زول عامل حسابو منو وما كان فى :فقه ستره"دا فوق ان ناس السودان ألأمانه كانت كاتلاهم وقلبهم على بلدهم.
(6) يا اخا العرب ريّح نهسك وريح الخلق !! يا تسكت وتاخد مرتبك ومخصصاتك وانت ساكت ولا بكره بتلحق تمّات طه والمكان بياخدوه غيرك .. و"تندم وانا حالك بشوفو كى ما قال شرحبيل زفضها سيره احسن لك) وعليك بالأسترداف وثقب ألأوزون

[زولأ باقى متصبى البنادر]

#1043878 [ابو محمد]
2.75/5 (3 صوت)

06-24-2014 05:16 PM
مرقت بالباب بعد دفع قيمة 50% !!!!!!!!!!!!!!!!!!!!!؟؟؟؟؟
طيب ما ترفع فيهم قضية .. قاعد تسوي في شنو
المصريين عندهم اثار رجعوها من متاحف اوربية
يحدث فقط في السودان ... الوزير يشكو للاعلام

[ابو محمد]

#1043627 [radona]
2.50/5 (3 صوت)

06-24-2014 01:28 PM
كل شئ للبيع
مرافق الدولة
مشاريع الدولة
اناث الضان والابل
اثار الحضارة السودانية
كل شئ للبيع من اجل حفنة من الدولارات كل السودان اراضيه للبيع
الجماعة ديل حالفين يسلموها للشعب بعد الانتفاضة فاضية من التكتح تب

[radona]

#1043514 [دوسة]
4.07/5 (5 صوت)

06-24-2014 12:05 PM
وأضاف: الآليات أزعجت الحيوانات البرية

الآليات ولا الحروب !!!!!

[دوسة]

#1043483 [sudani]
3.00/5 (6 صوت)

06-24-2014 11:43 AM
يا سعادة الوزير لو سمحت خول لى رصيد زين بى عشره الف جنيه بالقديم داير ابيعو و افطر

[sudani]

#1043480 [ظلال النخيل /فريد محمد مختار]
2.07/5 (6 صوت)

06-24-2014 11:41 AM
الله يهدك ويهد حكومتك والله دمرتوا السودان وسرقتوا ثرواته وساعدتم لصوص الآثار العالميين في السرقة من أجل الكومشن ...لم أر ولم أسمع في حياتي ناس جشعين وطماعين مثل هذه المجموعة الحاكمة والحزب الحاكم...اللهم شل أياديهم ودمرهم وشتت شملهم ....

[ظلال النخيل /فريد محمد مختار]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة