الأخبار
أخبار إقليمية
مراتب الاسفنج تستخدم في تبتيل اللحوم والدجاج بالخرطوم
مراتب الاسفنج تستخدم في تبتيل اللحوم والدجاج بالخرطوم
 مراتب الاسفنج تستخدم في تبتيل اللحوم والدجاج بالخرطوم


06-25-2014 10:20 AM
اتهام خطير ضد كافتيريا بام درمان تتلاعب في الاطعمة المقدمة للزبائن
اتهام خطير ضد كافتيريا بام درمان تتلاعب في الاطعمة المقدمة للزبائن
06-24-2014 10:12 AM
نشب صباح امس حريق هائل بإحدى الكافتريات المواجهة لمستشفى البقعة بأم درمان أدى الى احتراق جزء كبير من أثاثات الكافتريا. واكد مدير غرفة العمليات بمحلية ام درمان الأستاذ حسن بعد أن قامت الغرفة بالاتصال بشرطة الدفاع المدني وقوات الشرطة وتم اخماد النيران واحتواء الموقف.

وقال حسن مدير غرفة العمليات بمحلية ام درمان بأن كافة اجهزة المحلية وقفت على الحادثة التي وقعت بعد ان اشعل عامل الاقاشي ألسنة اللهب اثناء عمله وامتدت النيران الى داخل الكافتريا.

وفي تصريح آخر كشف مدير الادارة العامة للشؤون الصحية بمحلية ام درمان الدكتور نزار العشا لـ(أخبار اليوم) بأن سلطات المحلية ألقت القبض في الطابق العلوي على عدد يفوق العشرة مراتب (قديمة) وماكنة طحن تحول مراتب الاسفنج الى مادة مطحونة يضاف إليها التوابل وتستخدم في تبتيل اللحوم والدجاج وذلك بغرض تغير لون الدجاج واللحوم والاقاشي وزيادة الوزن. وقال د. نزار العشا في تصريحه للصحيفة تم فتح بلاغات من قانون الصحة العامة وتم القبض على صاحب المحل و اثنين من العاملين وكما تم اخذ الماكينة اضافة لمراتب الاسنفج كمعروضات في البلاغ كاشفاً بأن سلطات المحلية والادارة للشؤون الصحية بالمحلية ستواصل حملاتها بصورة مستمرة في كافة اسواق المحلية واماكن تجهيز اللحوم داخل محلية ام درمان.

وقال د. نزار العشا بلهجة غاضبة بأن ادارته ستقدم كل مخالف لقانون الصحة وكل من تسول له نفسه التلاعب بروح المواطن في محلية ام درمان وحذر د. نزار اصحاب النفوس الضعيفة من التلاعب بأرواح الناس.


أخبار اليوم


تعليقات 74 | إهداء 0 | زيارات 23923

صفحة 1 من 212>
التعليقات
#1045987 [nagatabuzaid]
0.00/5 (0 صوت)

06-27-2014 12:16 AM
من سنوات طويلة حرمت الاكل من الكفتريات منذ كنت طالبة كنا مسافرين ر حلة خارجية وبنتابع اجراءات السفر وفى كفتريا كانت من اجمل وارقى الكفتريات قى الخرطوم كان موقعها مكان الخطوط القطرية الان او المنطقة الحولها تقريبا واتينا بعد اكتمال الجوازات مجموعة مع مشرفات الرحلة للافطار وشراب عصير وبس عينكم ما تشوف الا النور اشوف ليك فار جقر مثلج جااااااامد فى الثلاجة وكانت من الزجاج فالكفترياكانت راقية وصرخت الفااااااااااار تدافعت زميلاتى والمشرفات معتقدات ان الفار هجم على او اتلحست واشرت اليهن ناحية الثلاجة وجميعهن صرخن فهرعت ادارة الكفتريا ووقفوا خجلانين وعرضوا على المشرفين مبلغا كبيرا من المال على ان لا يخرج الامر وان يسيطروا علينا فرفض المشرفون ولقنوا اصحاب الكفتريا درسا بليغا ومن الزمن داك ان كنت فى غيبوبة و عرضوا على اكل او عصير من كفتريا افوق من غيبوبتى هسع بقى فيها جداد بالاسفنج وجداد الله كتلا ( ده قالوا فطيس )وجداد الكترونى الاخير ده يتلقى فى اى شواية لله يستر على اهل السودان من الموت اسفنجيا

[nagatabuzaid]

#1045985 [موسى]
0.00/5 (0 صوت)

06-27-2014 12:12 AM
والله عشنا وشفنا ، لحوم بمراتب ومخدات ، بكرة نقانق بالنيم و بيتزا بالعراريق .. زمن (الألغاز) !!!!

[موسى]

#1045976 [جلد الفيل]
0.00/5 (0 صوت)

06-26-2014 11:46 PM
كتير الواحد بشوف بتاعين الصحة ديل بيجوا الدكاكين وشايلين دفاترهم .. الواحد فيهم عينه ما برفعها يشوف بيها الحاصل في المحل شنو .. وسخان وللا نضيف .. وهو ذاته وسخان ومهلهل من الحر والحوامة ..ودفاتره الشايلها دي ما بتلقى فيها أي شيء عن ملاحظات أو خلافها .. فقط سؤاله الوحيد هو عن الرسوم هل اندفعت وللا لا .. ومرات يقولوا لسيد الدكان: نحن ممكن نجيب ليك الشهادة الصحية في محلك ولكن شوف لينا حق المواصلات والفطور ...

[جلد الفيل]

#1045919 [ود احمد]
1.00/5 (1 صوت)

06-26-2014 09:47 PM
من الخواص الفيزيائية للاسفنج امتصاص الماء وثقل الوزن شوف اسع ناس المؤتمر الوثني رويانين ووزنهم تقيل الحمد لله الطعمية والفول مافيها تتبيلة زي اللحوم والدجاج
اذا كان رب البيت بالدف ضاربا(الخضر وجماعته) فشيمة اهل البيت التتبيل بالاسفنج
ياخي في الانقاذ دي شفنا العجايب عجايب الانقاذ وانا سوف الف كتاب اسميه( اكبر المصائب في عجائب الانقاذ) واي واحد عندو وثائق يواصلني بالايميل

[ود احمد]

#1045907 [ِAburishA]
0.00/5 (0 صوت)

06-26-2014 09:23 PM
*** كدا يا جماعة اول شيء باركوها واسمعوا كلامي دا.. خلوا موضوع المراتب ... انتو الاقاشى ده زاتو متأكدين انو ما لحم بني آدمين !!!!

********* بحسب نظرية الاحتمالات ,,, فان جميع الاحتمالات واردة وشكرا ******

[ِAburishA]

#1045873 [KKambalawi]
0.00/5 (0 صوت)

06-26-2014 07:47 PM
وغِش آخر هو إضافة ورق الجرائد لبواقي لحوم الجزارات، وعمل سجوك منه. هذه هي إبتكارات العمالة المصرية في الكافتريات والمطاعم. فأحفظوا أولادكم وبناتكم من هذه البلاوي.

[KKambalawi]

#1045822 [جركان فاضى]
0.00/5 (0 صوت)

06-26-2014 06:35 PM
الناس الشبعانة لحم مراتب ديل حقو يبعدوا من طلمبات البنزين ايام المظاهرات

[جركان فاضى]

#1045821 [كفاية]
0.00/5 (0 صوت)

06-26-2014 06:35 PM
( وقال د. نزار العشا بلهجة غاضبة بأن ادارته ستقدم كل مخالف لقانون الصحة وكل من تسول له نفسه التلاعب بروح المواطن في محلية ام درمان وحذر د. نزار اصحاب النفوس الضعيفة من التلاعب بأرواح الناس )
يعني يادكتور لو ماقامت الحريقة دي ماكان عرفتوا الحاصل وين التفتيش الدوري على محلات تقديم الاطعمة والمأكولات لقد اختفت الحملات الصحية من زمان لما كان ضابط الصحة يمر بصورة دورية على المطاعم ويتأكد من الشهادات الصحية للعاملين ومن نظافة المطاعم ؟
البركة في الحريقة الطلعتكم من المكاتب وكشفت سؤاتكم وكشفت كيف تدار الخدمات الصحية في السودان ؟

[كفاية]

#1045727 [hanabeero]
0.00/5 (0 صوت)

06-26-2014 05:00 PM
وأنا بقول ليه بشرب موية كتيرة وما قاعد أروى؟

[hanabeero]

#1045725 [كما يدل عليه اسمه]
0.00/5 (0 صوت)

06-26-2014 05:00 PM
"الدكتور نزار العشا"
عشاء مراتب اسفنج comme son nom l'indique

[كما يدل عليه اسمه]

#1045653 [عباس محمد علي]
1.00/5 (1 صوت)

06-26-2014 03:32 PM
والله قمة المأساة الواحد لا يثق في أكل و لا شراب و لا دواء و لا جهاز كهربائي ولا موبايل و لا كمبيوتر و لا سيارة يعني ما خلينا شيء الواحد يشتريه يا كيزان الواحد يمشي وين و يشتري من وين و الواحد يشك حتى في نفسه و في ناس بيته !!!

[عباس محمد علي]

ردود على عباس محمد علي
[جركان فاضى] 06-26-2014 06:13 PM
يا اخى هناك طرق كثيرة لكشف اللحم المغشوش...قرب جزء صغير من اللحم لكديس(عشان تعمل تستة)...كان اكلوا اعرفه غير مغشوش...وكان شماه مرتين تلاتة وزحا منو اعرفو زى لحم زاد المجاهد...كما يقول اخونا اب احمد


#1045633 [أب احمد]
1.00/5 (1 صوت)

06-26-2014 03:14 PM
سألت عن هذه الفاجعة و كانت الإجابة ان بداية هذه الفكرة وليدة خبراء ذاد المجاهد , ثم إنتقلت الى المطاعم و الكافتريات و صيجان الطعمية و كان ذلك في مطلع العام1994 , ايضآ سألت و لماذا مراتب الاسفنج القديمة, الإجابة نسبتآ لما تحتوية من املاح العرق و حاجات تانية حامياني , افضل انواع المراتب إستهلاكآ في عمليات السحن و أغلاها المراتب المجلوبة من المستشفيات العامة و الخاصة, و بمعنى اخر اي واحد من رواد المطاعم و الكافتريات و موجود في ولاية الخرطوم منذ التاريخ أعلاه يكون ماكل ثلاث مراتب واحدة من مستشفى امدرمان و واحدة من بحري و واحدة من ابو الطعم مستشفى الخرطوم و هذا هو اسمه الحركي عند سحاني الأسفنج وهي الأغلى لأنها دائمآ بتكون مختومة بختم مستشفى الخرطوم, و صدق مامون حميدة ,العيانين الكتار ديل بتجيبوهم من وين,,!!! اتاريهو دي مراتبو ,,!!

[أب احمد]

#1045578 [جملون]
0.00/5 (0 صوت)

06-26-2014 02:17 PM
الاسفنج مفيد حيث انه لا يمكن هضمه ويمتص الماء ويخلى بطنك مليانه طول اليوم اهو احسن من الجوع وهذه من افكار عبد المنتقماالكوزى على قول جبرا عشان الجوعى ديل يسكتو وبلاش وجع راس

[جملون]

#1045567 [Ameryosif]
0.00/5 (0 صوت)

06-26-2014 02:08 PM
سؤال للقراء ممكن الزول يتحلل اقصد ممكن ينطبق عليه فقه التحلل

[Ameryosif]

ردود على Ameryosif
[جركان فاضى] 06-26-2014 06:15 PM
التحلل الاسفنجى...فطالم الاسفنج يتحلل فى البطن فلا داعى لادخال الفقه فى الموضوع


#1045548 [أحمد عبدالله]
1.50/5 (2 صوت)

06-26-2014 01:51 PM
سبحان الله ده الفضل كمان

[أحمد عبدالله]

ردود على أحمد عبدالله
[جركان فاضى] 06-26-2014 06:16 PM
دى البداية...والفضل كتير ...احمد ربك


#1045491 [معاوية كورينا]
1.00/5 (1 صوت)

06-26-2014 12:57 PM
والله أنا في تقديري , لا يجوز الإ الإعدام في هذه الحالة لأصحاب الكافتيريا والعاملين بها أيضاً وهذا مطلبنا نحن المواطن الذي يأكل من هذا البلاء , لك الله أيها السودان ,

[معاوية كورينا]

#1045466 [الكاهلى]
3.50/5 (2 صوت)

06-26-2014 12:23 PM
اكيد كوز او ابن كوز او امو( موزة) اقصد كوزة

[الكاهلى]

#1045461 [ابو احمد]
1.00/5 (1 صوت)

06-26-2014 12:17 PM
ههه ههههههههههههههههههه ههههههههههههههه هههههههههههههه ههههه داير اموت من الضحك الله يجازى محنكم وريتونا فكرة جديدة

[ابو احمد]

#1045455 [السر موسى]
1.00/5 (1 صوت)

06-26-2014 12:11 PM
ناس الخرطوم ديل بياكلو اى حاجه ماعندهم عطله ربنا استر عليهم

[السر موسى]

#1045431 [وحيد 2]
1.00/5 (1 صوت)

06-26-2014 11:52 AM
يعني لولا كرم الله وقيام الحريق للبث الشعب في أكل الأسفنج من عمره سنينا.

وناس الصحة دايرين يركبوا مركبة الإنجاز........با لله قوموا دوروا كده

[وحيد 2]

ردود على وحيد 2
[nagatabuzaid] 06-26-2014 11:35 PM
قيام الحريق انتقام من الله سبحانه وتعالى


#1045425 [عباس جعفر]
2.00/5 (2 صوت)

06-26-2014 11:43 AM
حسبنا الله ونعم الوكيل عرفنا ناس البتضبح حميير وكلاب كمان جابت ليها ضبح مراتب اسفنج والادهي وامر ماخفي أعظم....لو بلد محترمة وفيها حكومة محترمة الاعدام في ساحة عامة لكل من اشترك في هذه الجريمة حتي يكونوا عبرة لكل من تسول له نفسه للتلاعب بارواح المواطنين...الناس دي لو ماقصوها مابترعوي .

[عباس جعفر]

ردود على عباس جعفر
[جركان فاضى] 06-26-2014 06:19 PM
طيب يا اخوى عباس اكل الاسفنج دا ما احسن من غيرو....الليلة يوقفوا لحم الاسفنج بكرة يطلع لحم الكلاب والحمير مرة تانية...خلينا فى اسفنجنا احسن


#1045415 [منقذ الوطن]
3.50/5 (2 صوت)

06-26-2014 11:36 AM
انا مغترب في دبي اكتر من 20 سنة والله مستوي الصحة والنظافة عالمي والمفاجاه انو مفتشين الصحة ودكترة الصحة سودانيون حتي مختبر ابوظبي للصحة كان المدير سوداني
ياشعب نحنه دولة اكتر من 60 سنة نصل الي هذا التدهور المحزن ودبي 40 سنة صارت اعلي مننا بمراحل زمان شيخ زايد قال لنميري ابغي ابوظبي تكون مثل الخرطوم حسيبقولو اعوذ بالله من الخرطوم
الثورة والعصيان المدني هو الحل واقتلع عصابة الكيزان اقتلاعا من اراض السودان الحبيب

[منقذ الوطن]

#1045406 [المشتهي الكمونية]
1.00/5 (2 صوت)

06-26-2014 11:28 AM
وليه زعلانين من الناس الأكلونا المراتب ما الحكومة مأكلانا نيم من زمااان
الكلام دا لو حصل في دولة محترمة تستقيل الحكومة بأكملها وتحاكم سلطات الرقابة الغذائية بأغلظ العقوبات ولكن عندنا عادي ،، تقع الواقعة وتاني يوم تلقى الرئيس يرقص والنواب والوزراء يبشروا

[المشتهي الكمونية]

ردود على المشتهي الكمونية
[جركان فاضى] 06-26-2014 06:25 PM
يا المشتهى الكمونية يا حبيبى كيف حالك...كيف حالك يا كمريد...يا اخى المأساة كلها من مفتشين الصحة...يجيك الصباح تعصر ليه وتانى تعمل الدايرو فى الناس...وجيات المفتشين كترت فى اليوم...وقروش العصر زادت...وقالوا نعوض زيادة الاتاوة باسفنج...بالله فيها شنو...اصحاب المطاعم ما ياكلو عيش مع البشر؟

[الانصارية] 06-26-2014 03:59 PM
الله يستر على الكمونية المشتهيها دى!


#1045382 [سهيل]
1.00/5 (2 صوت)

06-26-2014 11:03 AM
يا جماعة انا مرة شفتا لي حبشي شغال في احدى المطاعم الشهيرة جدددددددددا بولاية الخرطوم..ماسك قسم الشاورما والكرسبي..عشان نقاش حاد بينو وبين زبون قام بصق في السندوتش ولفاهو في الورق واداهو للزبون حقد بس..عشان كده يا ناس حذاااااااااااااري من اكل المطاعم الناس دي ضمايرا ماتت...من المنظر داك انا شخصيا لي تلاتة سنين حرمت على نفسي من اكل المطاعم

[سهيل]

ردود على سهيل
[جركان فاضى] 06-26-2014 06:27 PM
لذلك يقولو ليك عامل من يقدم لك الطعام باحسان شديد حتى تكسب رضاه...دا ممكن يسممك عديل مش يبصق ليك فى الاكل زى الحبشى المحترم دا


#1045321 [abu mohamed]
1.00/5 (1 صوت)

06-26-2014 10:07 AM
الفطور شنو

[abu mohamed]

#1045311 [kamuzu]
0.00/5 (0 صوت)

06-26-2014 09:54 AM
لو كنت المسؤول
1-لجلدت كل اتيام الرقابة والمفتشيين الصحيين بالمحليات في الشارع العام
2- لاعفيت معتمد كل محلية تقع فيها مثل هذه المحالفات من مهامه
3- لامرت كل الناس قبل البدء في الاكل بعمل جولة تفتيشية يالمطاعم قيل الشراء
4- لاعتمدت (DESIGN )معين ومعايير رقاتية واضحة لكل من مطعم بحيت يكون مكان الطبخ وتقديم الطعام وحتي مستوع مواد الطعام مرئبا للجميع ....
5- والكتبر الكتير الخاص بصحة المواطن كخبير في صحة البئة بس للاسف لا توجد لامثالنا فرص لخدمة هذا الوطن مع هؤلاء الكيزان الحرامية

[kamuzu]

ردود على kamuzu
United States [جركان فاضى] 06-26-2014 06:29 PM
دا كلامك؟...كان بقيت مسؤول شنبى دا يقوم فى التاية


#1045255 [Abu Ammar]
5.00/5 (1 صوت)

06-26-2014 09:02 AM
نتاج طبيعى لتغيير صيغة الانسان السودانى فى عهد الانحطاط والفساد و التحلل

[Abu Ammar]

#1045186 [بابكر حاج على]
1.00/5 (1 صوت)

06-26-2014 06:29 AM
يادوب فهمت !!! عشان كده سوق العناقريب والمراتب اتلحس فى سوق السجانه وأصبح كلو محﻻت حداده !! والجماعه شغالين مﻻح نعيميه بالدباره وتغيير لون اللحوم بى مراتب اﻻسفنج .... !!! يا حليلكم ياعمى سيد أحمد الحسين وعمنا محى الدين أبو الفلو وعمنا عبد الجليل أبو بكرى وبقية اﻻعمام العتاوله ... عليهم رحمة الله ... والله عكاكيزكم كانت أفظع من الكﻻشنكوف لو حصل ده فى زمنكم الجميل !!!!!!!

[بابكر حاج على]

ردود على بابكر حاج على
[Ameryosif] 06-26-2014 02:38 PM
والله ضحكنا هههههههه ههههههههه ههههههههه


#1045084 [منشى]
0.00/5 (0 صوت)

06-25-2014 11:38 PM
الاسفنج يحتوى و بنسبه عاليه مركبات البنزويت الكيميائيه و التى تعتبر من المسببات الرئيسيه لسرطانات الجهاز الهضمى , كسرطان المرئ و سرطان المعده و الاثنا عشر و سرطان الامعاء و سرطان حويصلة المراره و القنوات المراريه و سرطان القولون و البنكرياس و غيرها ... لذلك نهيب بكل من تردد الى مطاعم السوق العربى و بالاخص المطعم المذكور اعلاه ثم اصيب باحدى هذه الاورام عليه برفع دعوه قضائيه للجهه المسببه . اخيرا عرف من هم الذين يكثرون عدد مرضى مستشفى الذره . آه ثم آه من الضمير المفقود .

[منشى]

ردود على منشى
[جركان فاضى] 06-26-2014 06:32 PM
يا منشى يا حبيبى...شكلك عايش فى سويسرا...يا اخى السودانيين ديل مافى حاجة كعبة ما اكلوها...بس الحافظ الله...واظنك ما شفت الناس العايشة على محلات القمامة


#1045063 [زوول]
3.50/5 (2 صوت)

06-25-2014 10:48 PM
"" ﺑﺄﻥ ﺳﻠﻄﺎﺕ
ﺍﻟﻤﺤﻠﻴﺔ ﺃﻟﻘﺖ ﺍﻟﻘﺒﺾ ﻓﻲ ﺍﻟﻄﺎﺑﻖ ﺍﻟﻌﻠﻮﻱ ﻋﻠﻰ ﻋﺪﺩ ﻳﻔﻮﻕ ﺍﻟﻌﺸﺮﺓ
ﻣﺮﺍﺗﺐ ‏( ﻗﺪﻳﻤﺔ‏) ﻭﻣﺎﻛﻨﺔ ﻃﺤﻦ ﺗﺤﻮﻝ ﻣﺮﺍﺗﺐ ﺍﻻﺳﻔﻨﺞ ﺍﻟﻰ ﻣﺎﺩﺓ
ﻣﻄﺤﻮﻧﺔ ﻳﻀﺎﻑ ﺇﻟﻴﻬﺎ ﺍﻟﺘﻮﺍﺑﻞ ﻭﺗﺴﺘﺨﺪﻡ ﻓﻲ ﺗﺒﺘﻴﻞ ﺍﻟﻠﺤﻮﻡ ﻭﺍﻟﺪﺟﺎﺝ
ﻭﺫﻟﻚ ﺑﻐﺮﺽ ﺗﻐﻴﺮ ﻟﻮﻥ ﺍﻟﺪﺟﺎﺝ ﻭﺍﻟﻠﺤﻮﻡ ﻭﺍﻻﻗﺎﺷﻲ ﻭﺯﻳﺎﺩﺓ ﺍﻟﻮﺯﻥ""

كيف يتم القبض علي المراتب ..؟؟! ههههههه
قولوا تم ضبط عدد ....

[زوول]

ردود على زوول
[سالم عبد الله] 06-26-2014 12:47 PM
ههههههههههههههههه ده هو الحصل قبضوا المراتب و أخلو سبيل صاحب المطعم لأنه

داير يتحلل ومافيش حد أحسن من حد ما كلهم بتحللو حتى المراتب ( القبضوها )

كان مقدر ليها التحلل لكن ما لحقت !!!!!! .

ياخي دي عالم بايظة لأنأنها أكلت مراتب متحللة يعني الدماغ إتوقفت تغذيته من زماااان

و عشان كدا ما تستغرب عشان مرارتك ما تنفقع . الله يقدهم .


خلي ده كلـــــــــــــو

الخبر غالبا مفبرك عشان يغلوكم بي حاجة


#1045033 [مغبون]
4.00/5 (2 صوت)

06-25-2014 09:25 PM
الخوف تكون مراتب المستشفي القديمه وملايات غرف العمليات تباع لهذه الكافتيريا المقابله للمستشفي !!!!!!!
وطبعا رائحة الدم البشري مع اللحم الحيواني بها نكهة طاعمه !!
لا حول ولا قوة الا بالله العلي العظيم

[مغبون]

ردود على مغبون
[ود الحاج] 06-25-2014 11:33 PM
شكلك مجرب...............
منكم خوفه...


#1045005 [غريب في وطني]
3.00/5 (3 صوت)

06-25-2014 08:17 PM
انتوا شفتوا حاجه .... في حاجات لو قبضوها ناس المباحث حنبقي اخطر من دهاليز امبابة وازقة الجيزة .. بس الله ساتر الجماعه ... وعشنا وياما حتشوفوا .. سودااااااااان يا ... كيزااااااااااااااااان ... نستاهل اكتر من كده عشان كل ما عمر البشير امشي حته نطلع ليهو ونرقص ونغني ونقيف في الشمس ... حوش بانقا يااااااااااااا ... شعب غريب وعجيب ...الشعب لايريد الحياة عشان كده لن يستجيب القدر ...

[غريب في وطني]

#1044972 [آمال]
1.00/5 (1 صوت)

06-25-2014 07:14 PM
قرف يقرفكم ياخ.. دي اخرة عدم الرقابة و التفتيش

[آمال]

#1044958 [سعيد]
5.00/5 (1 صوت)

06-25-2014 06:52 PM
اعدام

[سعيد]

#1044914 [كاكا]
1.00/5 (1 صوت)

06-25-2014 05:35 PM
انا كنت بستغرب ليه بتاعد الخرد يشتري المرتبة القديمة بسعر الجديد ههههههههههههههههههههههههه

[كاكا]

#1044899 [خدعوك]
5.00/5 (1 صوت)

06-25-2014 05:17 PM
ياجماعة انتو العربي دا زا دو موية ولاشنو. شنو تبتيل دي.
اليست تتبيل هي الصاح. شكرا

[خدعوك]

ردود على خدعوك
European Union [الباشا] 06-26-2014 03:25 PM
(زا دو) تطلع شنو أليس زادوهو هي الأصح بس شكلو تبلوهو بي إسفنج


#1044883 [بت حبوبتها]
5.00/5 (1 صوت)

06-25-2014 04:44 PM
عشان تاني ما نطول لساننا في المصريين واستهبالهم ! أهو بعد شوية حيتعلموا مننا !

لعنة الله على الكيزان في بلد اللا قانون

[بت حبوبتها]

ردود على بت حبوبتها
[واحد من الناس] 06-26-2014 11:43 AM
انتي في شنو والناس في شنو همك المصرين ياخي جاتك داهية انتي والمصرين


#1044879 [Hussein Musa]
5.00/5 (2 صوت)

06-25-2014 04:41 PM
انا في اوربا دي بخاف من اكل المطاعم وخاصة مطاعم المصريين والصينيين...يا جماعة انصح اي واحد في السودان يفكر مليون مرة
اذا اراد الاكل خارج المنزل...

[Hussein Musa]

ردود على Hussein Musa
[nagatabuzaid] 06-26-2014 11:45 PM
مطاعم الصينيين كلب اوكديسة مطبوخة او دمعة صراصير


#1044876 [GOZE DONGO]
3.00/5 (5 صوت)

06-25-2014 04:39 PM
أنا شخصيا سوف أشتري قمح من المزارع و رأسا إلي الطاحونة و عندي فرن بلدي في البيت (يعني فرن شخصي أنا و جيؤاني ) نخبز و نطهو في الفرن هذا بالنسبة للرغيف أما باقي الأشياء أشتري خروف صغير و أقطعه كيمان كيمان و احفظه في الثلاجة كل يومين نستخدموا كوم واحد بس ؟؟؟
و دا كله في شنو ما أحسن طريقة أرجع لقريتي بلا خرطوم بلا لمة أمشي هناك لقريتي و لمزرعتي و بقيراتي الثلة و غمنماياتي الخمسة و أزرع و ’كل مما أزرع بدل البشتنة الأنا فيها دي أقعد آكل لي بلاستيك و قديم كمان لاقينو في مكب الزبالة أو مخلفات المستشقيات ؟؟ أتاري الأمراض الكثيرة الظهرت أخيرا في السودان دا منشأها المطاعم التي يملكها أناس فاقي الضمير و الوازع الديني و دا كله يرجع لحكومة السجم دي ؟؟لو خلوا الناس علي سجيتهملما وصلوا لهذه الدرجة لكنها (الحيكومة) فرضت الشئ الفلاني علي كل شئ معروض للبيع أو ما من شأنه أن يدر و لو شئ بسيط لصاحبه ؟؟ الدولة حشرت نفسها في كل شئ يعني أنت لو عاوز عتمل مشروع صغير برأسمال 5000 جنيه لازم تدفع نصفهم علشان تبدأ و بعد ما تبدي يبدأ العد التصاعدي للمدفوعات ؟؟ الدول الراقية و التي يهمها رأس المال الحقيقي و هو الإنسان تدعمه بدل أن تأخذ منه فكل إنسان ينتج سلعة و يبيعها يمنح نسبة مقدرة من المال تقديرا و تشجيعا له و تحفيزا لزيادة الإنتاج فكلما زاد الإنتاج نمي الإقتصاد و كلما قل الإنتاج نضاءل الإقتصاد و أنزوي ؟؟؟
وقع ليكم كلامي ؟؟؟
قولوا مجنون قولوا مخرف لكن والله ما في طعمة زي طعمة المصنوع في البيت؟؟
كنا نشتري زجاجة زيت الفول ب 6 قروش زيت معاصر بلدية (بالجمال) ربطة الملوخية 3 ربطة بقرش واحد و معاها ربطة شمار (مجاني ) اليوم الشممار ذاتو بقي بقروش و بالشئ الفلاني أنا أقدص شمار الملاح و ليس شمار اليومين دول ؟؟؟
و الله و الله كيلو اللحمة البقري نظيف ب 8 قروش الكلام دا سنة كام لكن يا جدو ؟؟ الكلام دا قبل نا يجوا أعمامك بتاعين الشالات و الكروش الكبيرة البسموهم (الكيزان) لمن كان مشروع الجزيرة كان العمود الفقري لٌتصاد السودان ؟؟؟منه نأكل و نلبس ؟؟؟ و مستورين و الحمد لله لكن دحين الوقت دا زمان الشقلبة كل شئ أصبح بالمقلوب؟؟
الحكومة عايشة عالة علي المواطن ؟؟ يعني المواطن هو الذي يصرف علي الحكومة ؟؟؟
موظف الحكومة إنسان عاطل و غير منتج قاعد في مكتب فاره و تكييف و سيارة آخر موديل و منزل أشبه إلي القصر و دا كله من جيب المزاطن ؟؟ كيف أيوا قلتوا لي كيف ؟؟؟
أها كيف دي خلوها مستورة زي حاجات تانية جماعتنا خلوها مستورة ؟؟؟؟ حسي فقه التحلل و السترة ؟؟؟؟

[GOZE DONGO]

ردود على GOZE DONGO
United States [GOZE DONGO] 06-28-2014 01:07 PM
الأخ : جركان فاضي
أنا لما قصدت القرية أعني تلك القرية التي تتوفر فيها الخدمات الأساسية مستشفي مدارس و ما إلي ذلك القرية التي أعنيها لا تبعد عن أي مدينة كبيرة سوي كيلومترات معدودات يعني في أقل من ساعة تستطيع أن تصل إلي أقرب مدينة فيها خدمات غير متوفرة في القرية ؟؟
و بعد ألم تسمع بأن العالم أصبح قرية صغيرة ؟؟
نرجع لعادات القرية البسيطة نأكل مما نزرع و نلبس مما نصنع أما مستزمات العصر و التقنية الحديثة فهي متوفرة في كل مكان ما أقصده بالظبط هو الإبتعاد عن المحيط الملوث بمخلفات التقنية و المصانع الضخمة التي لوثت البيئة و جلبت تلك الأمراض المستعصية و التي لم نكن نعرفها في الزمن الجميل ؟؟؟
موضوع عاصمة و أقاليم هذه مصيبة أبتكرها الشماليون لأنهم وجدوا أنفسهم حكاما بعد جلاء المستعمر و أصبح كلما ما خارج الخرطوم يعتبر من الأقاليم و هم يعدونها سبة و و نحن نعتبرها نوع من التفرقة و و العنصرية البغيضة التي رفضها الإسلام و رفضتها كل التعاليم السماوية و العرفية ؟؟؟؟
لا ينبغي أن يكون هناك فرق بين عاصمة و أي مدينة أخري في ذات الأقليم ؟؟؟ أنظروا إلي الدول من حولكم تجد ذات المستشفي موجود في أي مدينة أو قرية صغيرة و بذات المواصفات إذا تم توزيع الخدمات بنسة عادلة فلن تجد 40% من سكان السودان في الخرطوم ؟؟؟
أعيدوا توزيع الخدمات و المصالح العامة بين كل أقاليم السودان المختلفة بحيث تتساوي و تلك الموجودة في الخرطوم و سوف تجدون أن خاطة السودان الديموغرافية قد تحولت 180 درجة ؟؟ و لن يكون هناك أكتظاظ سكاني في منطقة و و مناطق أخري طاردة للسكان ؟؟ و كل ذلك بسبب الظلم في توزيع الخدمات و متطلبات الحياة ؟؟؟
رحم الله السودان فإنه في طريقه إلي الهاوية إن لم تتداركه العناية الإلاهية؟؟؟

[جركان فاضى] 06-26-2014 07:01 PM
تمشى قريتك؟ ..كيف ترجع للقرية؟...كدى خلي اليجيك وجع زايدة...ما بتروح فيها شمار فى مرقة...كدى خلى زوجتك تتعثر فى الوضوع...ما بتقرأ عليها الفاتحة عديل....ودى اولادك المدرسة ...كان ما اتخرجوا من الثانوى اميين ابقى انا ما جركان...السكن فى القرية اسمك دفنت نفسك وانت حى

[أبوسارة] 06-26-2014 03:25 PM
كلامك صاح. ما جانا المرض إلا بعد أن هجر الناس حياة الطبيعة و تغير نمطهم الغذائي و تغير فيهم كل شئي.

European Union [ركابي] 06-25-2014 10:27 PM
انتة زول تمام


#1044870 [الخبير الوطنى]
3.00/5 (2 صوت)

06-25-2014 04:36 PM
زمان طلعت اشاعة بأن النسوان بائعات الاكل في السوق (ستات الكسرة والملاح) يقال كانوا بدل الشرموط (بدقو الحبال القديمة لتكون عوضا عن الشرموط) ويفركوها مع الويكة--- اتمنى ان لا تكون هذه الاشاعة حقيقة ومستمرة حتى الان ___ وبرضو يقال بأن بائعين الفواكه من برتقال وموز يخرج البائع منديله من جيبه ويمسح به عرق جبهته ويمسح به الفواكه حتى تكون لامعة__ اتمنى ان لا تكون هذه الاشاعة حقيقية ومستمرة حتى الان--- والامثلة كثيرة انتم اعلم بها وما في داعى لذكرها.

[الخبير الوطنى]

ردود على الخبير الوطنى
[nagatabuzaid] 06-26-2014 11:52 PM
غايتوا اعمل حسابك من الفواكه الحايمين بيها بالدرداقات او فى مواقف المواصلات وحتى كان اشتريت من محلات محترمة ماتنسى تغطسه فى صابون بودرة وبعدين تشطفوا بالموية ثم بعد البسملة والتوكل على الله تبداء الاكل بالهنا

[ود الامام] 06-26-2014 01:14 PM
الاشاعة ما اشاعة ده كلام صحيح وفي واحدة ضبطوها بتفرم جولات الخيش مع اللحمة وتعمل ملاح التقلية ....رايك شنو بعد ده


#1044861 [الفاتح الاسد]
3.00/5 (1 صوت)

06-25-2014 04:26 PM
يعني تاني ما في ساندوتش اسليب ؟؟؟؟؟

[الفاتح الاسد]

#1044839 [كشكول]
0.00/5 (0 صوت)

06-25-2014 04:05 PM
المشكلة يا أخوانا صاحب الكافتريا بكره ح يطلعو من السجن اذا قبض عليه اصلا بعد دفع جباية السجن ده اذا لم يكن لديه فيتامين و يطلعو زي الشعره من العجين حسبي الله ونعم الوكيل , مليتوووووووووووووو البلد .

[كشكول]

#1044831 [الراجل]
3.00/5 (13 صوت)

06-25-2014 03:55 PM
الحمدلله انحنا لينا سنة ونص مااكلنا جداد ولا لحمة لا من كفتيريا ولا فى البيت شغالين فول عدس وطعمية ولمن نغير طعمية عدس وفول

[الراجل]

ردود على الراجل
United States [جركان فاضى] 06-26-2014 06:55 PM
الفول والعدس من فصيلة البقوليات...وهى مواد بروتينية نباتية صعبة الهضم...وهى السبب فى كتل الجسم...والسودانيين يسمون رخرخة الجسم بكتل الجسم...ولها تأثير سلبى على نشاط المخ فهى تقلل من هذا النشاط...واكل البقوليات يرخى المفاصل...ويسبب اليابوسة وهى الامساك الشديد...ويحتاج الشخص ماكل البقوليات لقضاء ساعة ونصف الى ساعتين يوميا فى المرحاض ...يعنى 10% يعيشها من حياته فى المراحيض

[freedomfighter] 06-25-2014 06:19 PM
ياخى تعال لينا عازمنك فى نيالا موقف الجنينة نأكلك شية ضان لكين بقية المستلزمات (السائلة وكده) و المزة من عندك يا عمك


#1044829 [صابر مصبر]
3.00/5 (1 صوت)

06-25-2014 03:53 PM
قايتو الناس ماشا كويس بعدما إتعودت علي اكل لحم الحمير والكلاب والدجاج التالف (الميت ألأن إنتقلت الي المرحلة الثانية وهي اكل الاسفنج والقطن والمرحلة الثالثة اكل اوراق الاشجار وبذلك سوف تستغني الحكومة عن اسيراد القمح لأن حينها الموطن سوف يكون متعود علي كل شيء بأن يأكل الاخضر واليابس هذا هو حال السودان عامة لارقابة ولا صحة ولا إهتمام بصحة المواطن المسكين .
طبعاً هذا كوم والحشرات التي تملاء الكفتريات كوم تاني ذات مرة دخلت كفتريا فائقة الجمال تقع علي شارعا لبلدية بحري جوار موقف الشهداء ووجدت الناس مليااانة فيها لدرجة لم اجد مكان سواء بطابق الثاني وحينما جلست ونظرت الي اسفل الطربيزة وجدة شيء اقرب من القريب مليشية من الصراصير تسير في طرف الحائط نزولاً وصعوداً فهذا نهاراً جهاراً فما الذي سوف يحدث ليلاً حينما يقادر الجميع المكن ومن يومها بطلتا اكل الكفتريات .
وبكل اسف دور الصحة والرقابة معدوم تمامااااااااااااااً في وطني في ظل حكومة الوطني والجواب باين من عنوانو إذا كان وزير صحة اتحادي ليس له صلة بالصحة......!؟

[صابر مصبر]

#1044806 [تينا]
1.00/5 (1 صوت)

06-25-2014 03:25 PM
لاحول ولا قوة الا بالله ... بالله معقول انعدام الضمير وصل لهذه المرحلة؟؟؟ حسبنا الله ونعم الوكيل ...

[تينا]

#1044787 [Aboreem]
2.00/5 (3 صوت)

06-25-2014 03:11 PM
بالله شوفو الدنيا دا بقت كيف .. اتاري نحنا قاعدين ناكل مراتب ماعارفين .. وقعدين نأكل جولات الخيش jute bags ,وما عارفين وفي ناس تأكل اسمنت وتشرب عرقي في التمباك وما عارفه .. يا جماعة الشغلانة دي بقت غش عديل ... عشان كده في واحد بريطاني اسلم قال الحمدلله اني عرفت الاسلام قبل ان اعرف ادعياء الاسلام .. كلام محير انا شخصيا اكلت في هذه الكافتريا ساندوتش لا طعم له لا رائحة وابني الصغير رفض تناول الساندوتش

[Aboreem]

ردود على Aboreem
European Union [mustafa] 06-25-2014 08:30 PM
والله وزير صحة متخصص ولا امي ما مهم
ياهو مامون حميدة بروف من قبل 30سنة باع الصحة كها سواها دكان تاجر بشع
المهم اساس الخدمات واهمها المحافظة علي صحة المواطن المسكيييييييين الله يكون في عونه

[freedomfighter] 06-25-2014 06:20 PM
كعب عرقى السفنجات حلرم تفافك ما يصل الواطة


#1044778 [حزينة]
4.25/5 (3 صوت)

06-25-2014 03:01 PM
المراتب [قديمة] إخييييييييييييييي حرام علكيم اليس فيكم من يخاف الله المنتقم الجبار القهار

[حزينة]

#1044771 [محمد حسن حمد]
3.75/5 (3 صوت)

06-25-2014 02:55 PM
مصانع للتخلص من النفايات كان مفروض يوجه دعوة للوالي الخنزير ابو كرش عشان يجي هو والتور غندور يفتتحوا تلك المصانع البشرية لتدوير النفايات واهو برضوا انجاز منسوب للسفلة ناس تاكل في الأسفنج والافل غندور يتحدى بأنه المعارضة اذا مسكت لن توفر كهربة للقصر منعول ابو القصر الذي فشل في توفير حياة كريمة لمواطنه والذي في سببه فرطوا في صحة الإنسان وفي الوطن وسيادته واصبح الوطن مكب وموقع لتخلص العالم من نفاياته الإلكترونية القاتلة ومواطنه اصبح يتغذى على النفايات وانت والخنزير ابو كرش الفاسد الحرامي السافل بن السافل قاعدين تتحدوا وتتباهو بمشاريع تنمية وهمية الغرض منها مزيد من الفساد والنهب عن طريق اخذ عمولات في صفقات مشاريع مدمرة للإقتصاد

[محمد حسن حمد]

#1044746 [بيكانتو]
3.00/5 (3 صوت)

06-25-2014 02:22 PM
المراتب مخلفات المستشفى ، عيع

كدى شوفوا الطعمية معاكم

[بيكانتو]

#1044738 [طبيب في السعوديه]
1.00/5 (1 صوت)

06-25-2014 02:16 PM
في كافتريا اسمها حنونه نحن مجموعه من الاطباء كنا شغالين في مستشفي ام درمان وبناكل في الكافتريا دي .والمشكله انو اداره المستشفي متعاقده معها في توفير الوجبات للاطباء .ههههههههههههههههه لاحوله ولاقوه الاب الله

[طبيب في السعوديه]

ردود على طبيب في السعوديه
[freedomfighter] 06-25-2014 06:22 PM
فى الحالة دى يا مستر لازم ترجعو وتتأكدو من الجثث الفى المشرحة انو اى جثة كبدتا قاعدة


#1044737 [ود الريف الحريف]
1.00/5 (1 صوت)

06-25-2014 02:16 PM
والله الشعب السودانى وصل درجة من الإنفلات الأخلاقى مالايخطر على قلب بشر .... إلى أين منقادة الناس .... هل ماتت الضمائر لهذه الدرجة المؤسفة .... طيب ماذا آكل إذا كنت عازب وراغب فى وجبة دسمة ... هل أنام على لحم بطنى أم على إسفنج مرتبتى .... لسلامة معدتك وبعيداً عن التخيلات بعد تناول أى وجبة فى مطعم ما .أنصحك بالعدس عند الغداء وأبو الأفوال عند الفطور إن وجدا أصلاً وكان هنالك سبيل لتناولهما ...........
الحى الله والدايم الله السودان كلو راح فى حق الله

[ود الريف الحريف]

ردود على ود الريف الحريف
[جركان فاضى] 06-26-2014 06:46 PM
يا ود الريف ...كان اعتمدت على اكل العدس والفول تجيك يابوسة تمسك بطنك زى التقول قابضنها بى كماشة...شوف المراحيض العامة فى الاسواق ...البطول فى القعدة فيها لمن يفوتك الصلاة...اعرفوا ماكل عدس او فول

[hassan] 06-25-2014 07:56 PM
غايتو العدس وابو الافوال الا تشدهم في البيت

بخلاف زلك اتوقع اي اضافات ممكن تسبكهم

للشايفو انا وبالحالة دي انو حكومة الانقاز

دي عقاب لينا

لا يغير الله ما بقوم حتي يغيرو ما بانفسهم


#1044698 [جنوبي]
2.95/5 (9 صوت)

06-25-2014 01:48 PM
زماااان ايام نميري كان عندنا مطعم في السوق العربي وكان كل يوم من الصبااااح قبل تطبخ حاجاتك يجوا ملاحظين الصحة ويفتشوا المطعم ده فوق تحت ويتأكدوا من اللحمه وختم السلخانة ولحدي الكبده والكمونية يشموها شم عشان يشوفوا ريحتها والسمك وملابس الطباخين لحدي ( كيزان ) الموية !!! والان كل المطلوب دفع الجباية ( للكيزان ) وان شاء الله تطبخ كلب !!
اها وان شاء بس المراتب دي ما كانت مراتب شُفّع ؟

[جنوبي]

ردود على جنوبي
European Union [hero] 06-25-2014 08:34 PM
وزماااااااان السودانية كانت ﻻ تخرج من مطار الخرطوم واﻻ
بمحرم وكانت هناك رجال شرطة قلوبهم على البلد وسمعة البلد
وزمااااان كان فى ترابط أسرى واﻻب اﻻمر الناهى
وزمااااان كانت فى اخﻻق سوانيين حلوة وكريمة
وزمااااااان كان فى غيرة على الدين والعرض والوطن
السودان راااااح الله اعلم متى العودة للنفس

United States [عابر طريق] 06-25-2014 05:39 PM
هههههههههههههههههههههه والله اضحكننا ومعك القرفان رغما عن فظاعة الخبر ... ههههههههههههههههه

[القرفان] 06-25-2014 03:41 PM
ههههههههه
اضحك الله سنك يا الجنوبي
الشفع غير البولندة عندهم كمان ابو هريرة وسهل البقاع ياااااااااااع


#1044695 [حسكنيت]
2.25/5 (3 صوت)

06-25-2014 01:48 PM
كل ما أقول للولد أرقد كويس...إقول لى أنا برتاح لما أرقد على بطنى ، وأتارى المرتب ضايع فى المراتب

[حسكنيت]

ردود على حسكنيت
[جركان فاضى] 06-26-2014 06:41 PM
مش احسن ما ياكل ليه لحم كلاب يقوم يعضيك


#1044691 [سوداني بس]
2.50/5 (3 صوت)

06-25-2014 01:46 PM
لحمدلله الذي أوقدها ناراً حتى تعرفي ياشؤون صحية أن الشعب يأكل إسفنج كم كفتريا تفعل ذلك؟متى قمتم بالتفتيش المفاجئ للكافتريات؟(هُو السرطانات من شوية) اللهم صلِّ وسلم على محمد وعلى آله وصحبه وسلم تسلماً كثيراً.(حرر عقلك تحرر وطنك).

[سوداني بس]

#1044680 [بامكار]
1.00/5 (1 صوت)

06-25-2014 01:40 PM
الغريبه الحيوانات لا تأكل الاسفنج والبلاستيك واخونا ابن ادم عجيب فى الاذيه

[بامكار]

#1044654 [النفيعابي]
5.00/5 (1 صوت)

06-25-2014 01:15 PM
في دراسة أمريكية حديثة جاء ان الإسفنج يحتوي علي كمية من الفايتمينات المتعددة وبه مادة مقوية جنسيا لذا نصحوا بالإكثار منه

[النفيعابي]

ردود على النفيعابي
[واحد من الناس] 06-25-2014 02:41 PM
يكون الاسفنج الطبيعي يا اخي ما الصناعي . الصناعي عبارة عن مواد كيميائية . الله يسامحك حسي الناس تقبل علي الاسفنج بارادتها .


#1044639 [كفاية]
5.00/5 (7 صوت)

06-25-2014 01:05 PM
( وقال د. نزار العشا بلهجة غاضبة بأن ادارته ستقدم كل مخالف لقانون الصحة وكل من تسول له نفسه التلاعب بروح المواطن في محلية ام درمان وحذر د. نزار اصحاب النفوس الضعيفة من التلاعب بأرواح الناس )
يعني يادكتور لو ماقامت الحريقة دي ماكان عرفتوا الحاصل وين التفتيش الدوري على محلات تقديم الاطعمة والمأكولات لقد اختفت الحملات الصحية من زمان لما كان ضابط الصحة يمر بصورة دورية على المطاعم ويتأكد من الشهادات الصحية للعاملين ومن نظافة المطاعم ؟
البركة في الحريقة الطلعتكم من المكاتب وكشفت سؤاتكم وكشفت كيف تدار الخدمات الصحية في السودان ؟

[كفاية]

#1044634 [محمد السودانى]
3.00/5 (3 صوت)

06-25-2014 01:00 PM
سبحااااااااااااااااااااااان الله الذى يمهل و لا يهمل... حريقة تقضى على كل المال الذى تم اكتسابه بالحرام... وتفضح هذه الجريمة الغريبة!!! هل حقا هؤلاء بشر؟؟؟أشك فى ذلك... يا هؤلاء كيف تنسون يوما لا ينفع فيه مال و لا بنون... هذا اليوم يمكن أن يأتى قبل أن يكتمل "طحن مراتب الإسفنج" هذه...مراتب قديمة توضع فى الطعام؟؟؟ أكاد لا اصدق!!! أين تذهبون من الله يا هؤلاء؟؟؟ هذه نار الدنيا ... فكيف بنار الاخرة؟... سبحاااااااااااااااااااان الله العظيييييييييييييييييم

[محمد السودانى]

ردود على محمد السودانى
European Union [عابر طريق] 06-25-2014 05:44 PM
يا محمد السوداني والله نحن بدول المهجر اصبحنا نشفق على كل شئ في السودان .. انعدام اخلاق وامانة بصورة مذهلة لا يصدقها عقل .. عشان كده صدق فينا القول ( كما تكونوا يولى عليكم )


#1044630 [خالد]
5.00/5 (7 صوت)

06-25-2014 12:52 PM
وفي تصريح آخر كشف مدير الادارة العامة للشؤون الصحية بمحلية ام درمان الدكتور نزار العشا لـ(أخبار اليوم) بأن سلطات المحلية ((ألقت القبض ))في الطابق العلوي على عدد يفوق العشرة مراتب (قديمة) وماكنة طحن تحول مراتب الاسفنج الى مادة مطحونة

اذا كان هذا هو مستوى الصحفي محرر الخبر في أخبار اليوم فنستحق ان ناكل المراتب التي نم (القاء القبض )عليها !!!!!!!!!!!!!!!!!!!!!!!!!!!

[خالد]

ردود على خالد
[ظلال النخيل /فريد محمد مختار] 06-25-2014 02:56 PM
المراتب دي ما جرت ليه؟؟


#1044629 [اسد]
3.50/5 (2 صوت)

06-25-2014 12:52 PM
طالما مذاقها حلو مفيش مشكلة كلوها بالعافية.

[اسد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة