الأخبار
أخبار السودان المحلية
تناقضات خضر الخرطوم : جمعنا 4 مليارات في قعدة لرجال الاعمال بالحزب .. تعليق المشاريع التنموية لإكمال البرنامج الانتخابي
تناقضات خضر الخرطوم : جمعنا 4 مليارات في قعدة لرجال الاعمال بالحزب .. تعليق المشاريع التنموية لإكمال البرنامج الانتخابي
تناقضات خضر الخرطوم : جمعنا 4 مليارات في قعدة لرجال الاعمال بالحزب .. تعليق المشاريع التنموية لإكمال البرنامج الانتخابي


06-25-2014 03:57 PM
الراكوبة اطلَّ والي الخرطوم عبدالرحمن الخضر علي الإعلام امس (الثلاثاء) بتصريحات عن الموقف المالي لحزب المؤتمر الوطني وتمويله للمؤتمرات القاعدية التي عقدها بولاية الخرطوم الاسابيع الماضية.
حيث كشف الوالي وهو رئيس المؤتمر الوطني بالولاية بأن ميزانية المؤتمرات الكلية التي تضم المؤتمرات القاعدية والمحليات 10 مليار جنيه.
وتباهي الخضر بوجود رجال اعمال كبار ضمن اعضاء الحزب ومضي في حديثه "جمعنا في قعدة واحدة لرجال الأعمال بالحزب4 مليار جنيه". وأكد حرصهم على قطع أي حبل بين الحزب والدولة حتى لا يكون ممولاً منها.
إلا انه عاد من جديد وفي نفس اللحظة ليناقض قوله بإعلانه عن تعليق المشاريع التنموية بالولاية لإكمال البرنامج الانتخابي. وزاد "دعم الحزب للمؤتمرات لم يتجاوز الـ10%".
وكان الوالي عبدالرحمن الخضر قد تصدر الاخبار الاشهر الماضية بعد الكشف عن عمليات تزوير وإحتيال واسعة قام بها موظفين في مكتبه وصلت قيمتها لـ 900 مليار جنيه، وخضعوا علي إثرها لتحقيقات امنية وقانونية ولايزال بعضهم قيد الإحتجاز.
وأثار الكشف عن عمليات الفساد في مكتب الوالي ردود فعل واسعة وحالة من الإستياء الشعبي بسبب ضخامة المبالغ التي تم إختلاسها، وثارت تساؤلات كثيرة وشكوك حول حجم المبالغ التي يمكن ان يكون قد استولي عليها الوالي نفسه مادام موظفين صغار يستولون علي مبالغ بتلك الضخامة.
وكان رئيس قطاع التنظيم بحزب المؤتمر الوطني حامد صديق قد برأ حزبه من استخدام أموال الدولة، وأشار لعدم حوجته لها.
وقال صديق، خلال تصريحات صحفية في ديسمبر 2013، إن المؤتمر الوطني سيعتمد على اشتراكات عضويته التي تصل 8 ملايين عضواً وقدر قيمتها بـ8 مليارات جنيه شهرياً، حسب زعمه.
وتابع : إذا دفع كل عضو جنيهاً ما قيمته نصف "كباية شاي ستصل أموال الحزب الى 8 مليار شهريا".


تعليقات 42 | إهداء 0 | زيارات 6137

التعليقات
#1045977 [مغبون]
0.00/5 (0 صوت)

06-26-2014 11:49 PM
وأكد حرصهم على قطع أي حبل بين الحزب والدولة حتى لا يكون ممولاً منها?????
اى صح والله تجاركم ورثو القروش من اهلم على الطلاق تجاركم ديل قبل 89 الواحد فيهم حق الجزمه اللابسا ما عندو

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ . صدق الله العظيم

[مغبون]

#1045855 [حافظ الشيخ]
0.00/5 (0 صوت)

06-26-2014 07:12 PM
انا من زمان قلت ليكم انو الشعب السوداني شعب ما عندوا ذاكراة وشعب جببببببببببببببببببان شوف قضية تهريب الود الاسموا غسان حكومة الحرامبة امرت ما حد بجيب سيرة الموضوع بعد داك ما في اي زول سال كانه امر منزل .

[حافظ الشيخ]

#1045835 [كفاية]
0.00/5 (0 صوت)

06-26-2014 06:46 PM
ديل اتحللوا لأن القروش هي قروش الشعب السوداني اتحللوا بتحويلها للحزب والمفروض الحزب يتحلل ويرجع القروش لاصحابها وهم فقراء وجياع ما تبقى من شعب السودان

[كفاية]

#1045681 [ود الركابي]
0.00/5 (0 صوت)

06-26-2014 04:02 PM
ياسيادة الوالي . تعبانين ليه وجامعين المبلغ الضخم ده . زي ماانت عارف واناعارف والشعب السوداني كله عارف . انتوا فايزين فايزين . علشان كده ماكان في داعي للتعب ده كله . ولا اقول لك اتبرعوا بالمبلغ ده علشان المرضي بتاعين الفشل الكلوي . محتاجين لمكائن غسيل . واهوا كله آجر وعافيه .. وانا بحلف قسم انتوا فايزين فايزين بدون تعب كمان ابشروا .. الله يحفظك ياسوداننا من ابناؤك قبل اعدائك ...

[ود الركابي]

#1045676 [كاهل ابوعرب]
0.00/5 (0 صوت)

06-26-2014 03:55 PM
ياريت لو كنت انا السائق والله الناس ديل اخلهم لكم السمك ما يرضي ياكل لحمهم

[كاهل ابوعرب]

#1045656 [محسن ابوحراز]
0.00/5 (0 صوت)

06-26-2014 03:33 PM
يا جماعة جمعها تم ببساطة كالاتي:
تصديق باخرة سكر ل سعود البرير
2- تصديق ب تقاوى مضروبة للمتعافي
3- تصديق بمعدات طبية مستعملة ل مامون حميدة
4- تصديق بمعدات تنفيب ل كمال عبداللطيف
5- تصديق بباخرة اسمنت ل كرتي
6- التصديق بتصدير اناث الضان ل دكتور فيصل
الحكاية ماعايزة شطارة وفهلوة

[محسن ابوحراز]

#1045654 [ود الكوتش]
0.00/5 (0 صوت)

06-26-2014 03:32 PM
يا جماعه ما مهم 4 مليار ولا 8 مليار ولا القعده ولا أصحاب صديق عشكوبي
الراجل ده قال " تعليق المشاريع التنموية بالولاية لإكمال البرنامج الانتخابي " ليه طيب يوقف المشاريع ده اذا هي في أصلاً عشان البرنامج الانتخابي ؟!!! عندك وظيفه وهي " والي الخرطوم " يعني ما رئيس لجنة الانتخابات الدخل ميتين أم الانتخابات في مهام وظيفتك شنو يا معفن ؟ الا اذا قروش التنميه عايز تشغلها لي حزبك عشان تكسبو الانتخابات أو عايز تشغلها في السوق وبعد الانتخابات الناس تكون نست القروش الاستلفتوها للتنميه دي من الدول التانيه وحتبقى دين علينا . أصحوا لكلام الوهم ده ، كلنا عارفين انه التجار ديل ما اتبرعوا بدون سبب كله بي حقه فما تلوكوا في الموضوع كتير

[ود الكوتش]

#1045642 [adil a omer]
0.00/5 (0 صوت)

06-26-2014 03:25 PM
والقعده دى كانت فى ياتو اندايه !!

وكانت عرفى بس ولا كل انواع المنكر !!

وكانت بى ندى القلعه ولا حنان بلوبلو ؟ وحسبو نسوان رايو شنو فى القعده دى ؟

كل اناء بما فيه ينضح

الله يخيبكم يا من تخرجون مع البراز بدون ولاده

[adil a omer]

#1045529 [mmm]
0.00/5 (0 صوت)

06-26-2014 01:37 PM
والله نكوم فقدنا رجولتنا تماما اذا لم نحاكم هؤلاء الخونة
السارقين المنافقين....

[mmm]

ردود على mmm
European Union [ود الكوتش] 06-26-2014 04:24 PM
ياعمك نحنا فقدنا دينا و بلدنا وأي حاجه بقت على الرجوله بس حسي!!


#1045270 [ود السودان]
3.00/5 (1 صوت)

06-26-2014 09:18 AM
وأكد حرصهم على قطع أي حبل بين الحزب والدولة حتى لا يكون ممولاً منها.
هذا إعتراف صريح بأن حزب المؤتمر الوطني قد حلب أموال الدولة طيلة ربع قرن وأي إنسان سوداني يعلم بما تم صرفه من خزينة الدولة على منظمات المرأة والشباب والسيارات والرواتب والسفر لكل منسوبي هذا الحزب النازي وسرقة أراضي الدولة والإستثمار والرخص وإستيراد العربات والشركات والتي إستلمت مشاريع الطرق دان فوديو والهدف وآلاف الشركات والتي تم منحها مشاريع وعقود وعلى ممثل الحزب أن يعلن عن هذه الحبال الواصلة بين الحزب وأموال الدولة وحتى وظائف الخدمة المدنية والخارجية حكراً على عضوية الحزب ولذلك لا بد من محاكمة هذا الحزب وكل عضويته بعد سقوط هذا النظام وإستعادة أموال الشعب وأراضيه وليحذر الناس عن شراء كل ما يملكه أعضاء هذا الحزب .

[ود السودان]

#1045097 [sulieman]
0.00/5 (0 صوت)

06-26-2014 12:25 AM
CRY THE BELOVED COUNTRY

[sulieman]

#1045082 [معقوله بسسسس]
0.00/5 (0 صوت)

06-25-2014 11:33 PM
طبعا مبلغ عادي جدآ لصبية المال و الأعمال ده تصريح فالت بوضح حجم الثروات التي تكونت بالمحسوبية و العطاءات المغشوشه من استثناءات جمركيه و تصاديق من مصفاة الخرطوم للبترول مرورا ب (مجاري ولاية الخرطوم) و حتي عطاءات خدمات لمشاريع مثل سد مروي كالمساحات الخضراء و شركات الليموزين التي استوردت آلاف السيارات لذلك الغرض فقط!!! كله موثق.. كله معروف،. الحساب ولد و قرب خلاص اصلا جزء من ملفاتكم الان عند امريكا بأسماء شخصيات معينة سلمها البنك الفرنسي المعاقب.. . عصاية جديده بس كالعادة بدون جزرة

[معقوله بسسسس]

#1045044 [عمر محتار]
3.00/5 (1 صوت)

06-25-2014 10:09 PM
اللهم انت اعلم بالحال اللهم ليس لدينا شك في قدرتك ولا نستطيع ان نمهل كما تمهلهم اللهم لا اله الا انت اسلك يا زو الجلال والاكرام ان تضرب الظالمين بالظالمين واخرجنا منهم سالمين

[عمر محتار]

#1045043 [عصمتووف]
5.00/5 (1 صوت)

06-25-2014 10:08 PM
اضافة
المصدر حريات
بعدها نفتي
علي عصمتووف يمد رجلية افطروا رمضان بعد كده وتعلق علي رقبة البشير او يصوم بالنيابة عن الشعب زي ما يضحي الحاكم بخروف في عيد الاضحي نيابة عن شعبة رمضان يحتاج لسوائل سكرية وفواكة طازجة مش ابري وفواكة مسمده وضاربة ح نموت مع سخانة الجو والجيب والدين يسر
بالوثائق ، السلطة تبيع السكر بضعف أسعاره للمواطنين وشركة واحدة تربح من ذلك 57 مليار جنيه
June 25, 2014
(فيسبوك – حريات)
كشفت وثائق منشورة بمواقع التواصل الاجتماعى بان حكومة المؤتمر الوطنى تبيع السكر للمواطنين بضعف أسعاره من المصنع وبان فرق السعر يعود لشركات محاسيب المؤتمر الوطنى (مرفقة).
وأوضح (ودقلبا) الذى نشر الوثائق فى صفحته على الفيسبوك (…تكلفة شوال السكر في المصنع 146 جنيه .. بتجي عليها زيادة 4 جنيه عبارة عن أتاوة ماف زول عارف راسها من رجليها .. المهم التكلفة بتبقى 150 جنيه .. والـ 4 جنيه دي أكييييد ما موضوعنا الليلة … نفس الشوال أبو 150 جنيه ده بوصل المستهلك (لو محظوظ) بـ 300 جنيه .. وداااااااخل الخرطوم .. أما المناطق التانية فبصل سعر الشوال لـ 600 جنيه .. وأسألوا ناس دارفور…).
وعن فساد تخصيص السكر لمحاسيب المؤتمر الوطنى ،أضاف (تصديق بـ 10,000 طن سكر .. (عشرة الآف طن سكر) وتصديق آخر بـ 200 طن سكر .. التصاديق دي لمــــــــنو ؟؟؟ دي لشــــركة (هندسية ومقاولات) !!! نعم .. 10,200 طن سكر لشركة (أحمداي للمقاولات والأستشارات الهندسية) !!! يعني .. ما قيمته 57 مليار و 120 مليون جنيه من السكر .. في تصديقين في يومين متتاليين يوم 4 ويوم 5 يونيو الحالي .. أدوها لشركة ما ليها أي علاقه بمجال المواد الغذائية والسكر ..علاقتها بالأسمنت والسيخ والبوهيات وكده !!! علاقتهم الوحيدة بالسكر أنهم من (المرضي عنهم) …)

[عصمتووف]

ردود على عصمتووف
[محمد سعيد] 06-26-2014 02:18 AM
أنا مجلدو لى 19 سنة ما عندى الكتح بوش و ام تلاتة اللحمة بقت تعمل لى حساسية و كاروشة وخمت نفس و سكسكت روح


#1045036 [عصمتووف]
2.00/5 (1 صوت)

06-25-2014 09:34 PM
اصلكم ناس متوعدة بتاعين قعدات من احيت واحي تلك الليلة المباركة دلوكة وعود والنقط تتساقط

[عصمتووف]

#1045023 [الاستاذ]
4.00/5 (2 صوت)

06-25-2014 09:09 PM
'حزب الشيطان واللة العظيم وكلنا نعوذ باللة من شر الشياطين ابدا اهل باطل وبينهم والحق بونا شاسعا

[الاستاذ]

#1045022 [جركان فاضى]
5.00/5 (1 صوت)

06-25-2014 09:06 PM
فى اخر انتخابات تبرع تجار سوق ليبيا بمبلغ 12 مليار جنيه دعما لاعادة انتخاب البشير..وكان الجنيه له بعض القيمة قبل ما يشوف الاهانات الاخيرة القللت من قدرو...وحول ابن الصايم ديمة مسيده لليالى السياسية لحملة انتخاب البشير وهاك يا كهارب حولت ليل اللالوبة الى نهار...واصبح سوار الدهب رئيس حملة اعادة انتخاب البشير فى المهجر....والله يا جماعة الواحد حرام يقول انا راجل...ومن اليوم حرام اخلى شنبى يقوم حتى يستحق ان يكون شنب بحق وحقيقة

[جركان فاضى]

ردود على جركان فاضى
[محمد سعيد] 06-26-2014 02:14 AM
أنا حالق فوق وتحت مما جوا هؤلاء الأوغاد بقيادة الزفت الترابى


#1045017 [زول ساى]
2.00/5 (1 صوت)

06-25-2014 08:49 PM
هههههههههههههههههههههه ديل سرقوا قروشنا وإتبرعوا بيها للحزب والله أخير تشيلوها عديل من المالية للحزب بدل تحتالوا وتسرقوا وتنهبوا ، رجال اعمالكم ديل كلها كانوا ناس مقطعين وابهاتهم ما عندهم التكتح ساكنين فى جالوص بدون حوش حتى لو صريف واظن ابهاتهم زاتهم متبرأين منهم عديل لانهم عارفين لو تجار من جد جدهم ما بسوا قروش قدر دى ، يازول كل تجاركم ناس قرى وضهارى ساى يعنى ناس غبش فكيف يكسبوا قروش زى دى هييع كومشنات وتجنيب ورشاوى وسف مستثمرين وبيع إسلاميين دوليين وهلم جرا قال شنو قال من تجار الحزب أنت ذاتك ياغندور تاريخ معروف سواء على المستوى الاخلاقى ولا النقابى ولو الترابى ( برغم كرهنا له كان ماسك البلد )كان ماسك البلد زى اول نوعك دا ما بجئ جنب القصر الجمهورى ولا دخلت فى مفاوضات لانك فى الكيزان تعتبر الصف الطيش فى قياداته .

[زول ساى]

#1045016 [ساهر]
0.00/5 (0 صوت)

06-25-2014 08:48 PM
والله أنا اللفت نظري في الموضوع ده ما هاميني، ولكنني عقدت مقارنة بين طائرة الملك عبد الله بن عبد العزيز وطائرة البشير. الأخيرة بدت كراكوبة.

[ساهر]

ردود على ساهر
[محمد سعيد] 06-26-2014 02:11 AM
كااااااااااااااااااااااك


#1045014 [Quickly]
5.00/5 (1 صوت)

06-25-2014 08:43 PM
اتكلمنا كتير ياخونا هل نحن شعب يجيد الكلام فقط ؟؟!!!!!!!!
الوقت من ذهب والسودان يضيع
الانتفاضة او الثورة المسلحة

[Quickly]

ردود على Quickly
[محمد سعيد] 06-26-2014 02:10 AM
اقرب طريق الثورة المسلحة
كفاية كفاية
ود المهدى اولادو داخل الجك أنا ما شيف غير الثورة المسلحة


#1045008 [sudani]
0.00/5 (0 صوت)

06-25-2014 08:23 PM
والله صدقت يا A. Rahman مافى جبهجى بيدفع حاجه ولا حتى فى كشف عرس ولا بكاءشحيحين وبخيلين مكنكشيت فى قروش الحرام دى كنكشه جد الا لعنة الله عليهم

[sudani]

#1045000 [محمد سعيد]
5.00/5 (1 صوت)

06-25-2014 08:02 PM
بالراحة بالراحة
عضوية الحزب 000'000'8
اذا دفع العضو 1 جنيه
اذا 8000000 x 1 = 8000000 يعنى ثمانية ملايين مش ثمانية مليارات
ما علينا
من دقنو وفتلو

[محمد سعيد]

#1044995 [GOZE DONGO]
5.00/5 (1 صوت)

06-25-2014 07:49 PM
أنا سوف أتبرع ببناء جامع لكن بالواضح كدة عايز تصديق إستيراد حديد و أسمنت و خشب حوالي 4 بواخر و بدون جمارك؟؟ اها قلتوا شنو (WHAT DID YOU SAY??)

[GOZE DONGO]

#1044985 [زعلان من الكيزان 25 سنة]
2.00/5 (1 صوت)

06-25-2014 07:38 PM
سعال رجال الاعمال الكيزان جابو القروش دة من ووووووووووووييييييييييين ؟؟؟؟؟؟؟؟؟؟؟؟


مش الرأسمالية الطفيلية الظهرووو بعدما بقو كيزاااااااااااااااااان ؟؟

[زعلان من الكيزان 25 سنة]

#1044978 [معاويــــــــــــــــــــــــــــــــــة]
0.00/5 (0 صوت)

06-25-2014 07:27 PM
من دقنو وفتلو ياسفيه يابتاع القعدات قعده واحدى جمعت عربعه مليار والله الدفعوها ديل عارفنك بترجعه ليهم فى صفقات فساد بينك وبينهم لكن انتو اصبروا بس فى رب بيرعى عبادو ويسلط عليكم ان شاء الله السيف البتار والى مزبابل التاريخ ستنتهوا ان شاء الله يافاسدين ياقتله

[معاويــــــــــــــــــــــــــــــــــة]

#1044966 [تباً للمفسدين]
0.00/5 (0 صوت)

06-25-2014 07:03 PM
هؤلاء الذين يدفعون الاموال للمؤتمر اللاوطنى ليس اقتناعاً بمادىء الحزب ولكنهم يعلمون أن الدوله تفتح لهم الابواب على مصرعيها للثراء الحرام بالتصاديق واحتكار السلع الضرورية وأن مايدفعونه من أموال للحزب يدر عليهم المليارات لاحقاً وما أرتفاع سلعة السكر فى كل عام عند شهر رمضان الا مثال واحد لذلك ، فالدولة تعطى احتكار السكر وتوزيعه لتجار كبار من منسوبيها ليقوموا بحجبه عن الاسواق عند قرب شهر رمضان فترتفع الاسعار وينالوا المليارات على حساب الغلابة والحكومة تتفرج ، وقس على ذلك سلعةالاسمنت .. الخ

[تباً للمفسدين]

#1044955 [Rebel]
4.00/5 (1 صوت)

06-25-2014 06:50 PM
* اولا، ما فيش مؤتمرات و لا يحزنون. هى مجرد تجمعات لشراء الذمم و ضمان اصوات إقتراع الفقراء و المساكين. و إلآ فكيف يتحدث الأبالسه عن 8 مليون عضو، و حجمهم الطبيعى الحقيقى يفترض فيه ان يقل كثيرا عما كان عليه!. هذا ما يقول به العقل، و المنطق، و معطيات الواقع، و ما وصلت اليه اوضاع البلاد من دمار و العباد من فقر و مسغبه، و راى الشعب السودانى فيهم و فى فسادهم.
* ثانيا،الحزب نفسه قد ضعف كثيرا فى الآونه الأخيره، و تركه العديد من عضويته الفاعله و المؤثره، و بعضهم كون احزاب و تنظيمات منفصله عنهم.
*ثالث، الحقيقه الثابته للشعب، انهم يستخدمون موارد الدوله و حقوق الفقراء و المساكين لتمويل حزبهم، و فساد عضويته و ثراء الطفيليه الإسلامويه الربويه و شراء ذمم السياسيين الفاسدين.

++إنهم مجموعات فاسده، و عصابه من اللصوص تتستر وراء الدين، و قد اننزع الله من قلوبهم الرافة و الرحمة، لحكمة يعلمها هو وحده جل و علا. و نحن لا نملك إلآ ان نتضرع اليه سبحانه و تعالى ان يخلصنا منهم، و ينتقم لنا عن كل ما ارتكبوه فى حق هذا الشعب المسلم الطيب المسالم، من قتل و بطش و ظلم و تشريد و إفقار و إذلال. إنه سميع و مجيب الدعوات.

[Rebel]

#1044952 [suliaman]
0.00/5 (0 صوت)

06-25-2014 06:45 PM
كلام الوالي صحيح مية في المية و لكن السؤال من اين اتي هؤلاء رجال الاعمال باموالهم لاننا لم نسمع برجال اعمال بهذا العدد الضخم في السودان قبل الانقاذ مما يعني انهم اصبحوا رجال اعمال باموال الشعب و من حقهم التبرع للحزب لكي يستمر الحزب في الحكم و استمرارهم في النهب.
يا ايها الوالي لو للحظة قف مع نفسك و اسالها كيف هؤلاء اصبحوا رجال اعمال لانك سوف تسال يوم القيامة لان كل راعي مسئول عن رعيته فهؤلاء مدراء الزكاء و صناديق دعم الطلاب و ابناء الوزاء
هل وجدت بين قائمة رجال الاعمال التي تتكلم عنها من ورث هذا المال او كان ثريا و رجل اعمال قبل الانقاذ
نقول لك بدلا من الفخر بهذه الشرذمة استحي استحي فكم تبقي لك في هذه الحياة
و سؤال اخير كم تبرع منسوبو مكتبك الذين نهبوا و تم كشف المبلغ الذي اختلسوه و خاصة ابن اختك غسان و ابنك نقول لك اذا افتخرت برجال الاعمال حقو تفتخر باعضاء اسرتك لتوضح لنا كم المبلغ الذي تبرعوا به
و الي اللقاء يوم القيامة

[suliaman]

#1044948 [حافظ]
5.00/5 (1 صوت)

06-25-2014 06:37 PM
الاربعة مليار من الـ900 مليار المسروقة زي الابرة في القش يا ...... ده من غير ما خفيه أعظم ليكم يوم أسود جايكم دنيا وآخرة

[حافظ]

#1044934 [اللحوي]
5.00/5 (1 صوت)

06-25-2014 06:18 PM
من دقنو ... وفتلو .....
يعني إذا تبرع العضو ب 100 مليون .. سوف يجد مقابلها 1000 مليون (مليار) من مال الدولة ... ألعبوا غيرها.

[اللحوي]

#1044933 [كركاب مطر بلا سحاب]
0.00/5 (0 صوت)

06-25-2014 06:11 PM
الجماعة ديل راكبين طيارة ولا قاعدين فى كارفان ؟؟؟ فعلا الشعب السودانى مسكين ..لك الله ياشعبى..

[كركاب مطر بلا سحاب]

#1044931 [A. Rahman]
5.00/5 (1 صوت)

06-25-2014 06:10 PM
عمركم شفتوا او سمعتوا باخو مسلم دفع حاجة لي حاجة حتى لو كان كشف عرس؟ بعدين مواصلة الكذب دي لمتين؟ قبل أسابيع او ايام قليلة غازي صلاح الدين طالب بفصل ميزانية الحزب من ميزانية الدولة، دا كمان ما بيعرف المؤتمر الوطني بيصرف من وين؟.بعدين مش نظريتهم اصلا قائمة على ان الحزب و الدولة هما ........في لباس؟ حرامية اولاد كلب.

[A. Rahman]

#1044929 [قبضت الريح]
0.00/5 (0 صوت)

06-25-2014 06:06 PM
الله يقلعكم بلاده في الدين وفي السياسه وكمان ف الحساب كيف لمن 8مليون كل واحد يدفع جنيه يبقي 8 مليار في ياتو خساب دا يا متخلف و8 مليون اذا فعلا صحيح فيهم 7 مليون حرامي وهم الطفليين المسلقبن الستفيدين من وجود هذا النظام الفاسد

[قبضت الريح]

#1044923 [ديل قادين حساب...نحن الحساب مقددنو...!]
5.00/5 (1 صوت)

06-25-2014 05:46 PM
لو صدقنا إنو 8 ملايين مغفل.... بدفعوا اشتراكات شهرية زي ما قال...

طيب لو دفع الواحد منهم جنيه (في اليوم)....يكون دفع في الشهر 30 جنيه...

يعني 8 ملايين.... ممكن يدفعوا..... 240 مليون جنيه...

طيب كيف حسبها 8 مليااااار....؟؟؟؟

[ديل قادين حساب...نحن الحساب مقددنو...!]

#1044922 [حمد]
0.00/5 (0 صوت)

06-25-2014 05:46 PM
من وين رجال الأعمال الكيزان جابوا الأموال ؟ أقول ليك و للا مافي داعي ؟ احسن أقول ليك : مجموعة ينطبق عليهم المثل المنسوب للترابي : أرواح طاهرة في أجساد نجسة (المقصود لو في واحد **** لكن صلاي و نضام زي هناي داك)... أها ديل تلقا الواحد يهتف : هي لله هي لله ... لكن الجسد النجس يهتف : مشتاقين مشتاقين .... طبعا الدولة من الوزير و المدير و رؤساء الأقسام كلهم كيزان كيزان أي مسؤول كوز أي سفير كوز أي مكان فيهو لبع و لغف كوز أي مكان مرتبات كبيرة زي مرتب بتاع الأوراق المالية (مليار) أو معتصم بتاع التربية (حافز 130 مليون) فيهو كوز ، أي زعيط أو معيط كوز أو كوزة عندو حوافز تساوي مرتب 100 عامل على الأقل ... أها العصابة من أعضائها تجار ، ديل مع أصحاب الأجساد النجسة هاك يا تسهيلات و هاك يا لبع و هاك يا لغف و يجي واحد زي الخضر يقول : رجال أعمال و موش عارف إيه ... يا راجل قوم لف لفاك قطر انت و مجموعة اللواي...ة بتاعنك ... تف

[حمد]

#1044919 [سارى الليل]
0.00/5 (0 صوت)

06-25-2014 05:40 PM
غسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسان
استحى
والله لو انا محلك انتحر

[سارى الليل]

#1044897 [الكاهلية]
0.00/5 (0 صوت)

06-25-2014 05:09 PM
ههههههههههههههههههههههههههههههه غسان من ضمن التجار

[الكاهلية]

#1044887 [أفريقى]
0.00/5 (0 صوت)

06-25-2014 04:53 PM
وكان رئيس قطاع التنظيم بحزب المؤتمر الوطني حامد صديق قد برأ حزبه من استخدام أموال الدولة، وأشار لعدم حوجته لها ( غبى ليس إلا )

[أفريقى]

#1044885 [كاره الكيزان محب السودان]
5.00/5 (1 صوت)

06-25-2014 04:47 PM
من اين لاعضاء حزب الجبهة الاجرامية ولصوص المؤتمر البطني 4 مليار؟؟؟ إنه كانوا أكثر فقراء المجتمع قبل مجئ ثورة الشؤم المشؤومة.

[كاره الكيزان محب السودان]

#1044873 [حسكنيت]
0.00/5 (0 صوت)

06-25-2014 04:38 PM
دللللللللل....دليبة، ،، واحد ماسك الدلوكة والتانى بخلف بالشتم

[حسكنيت]

#1044871 [adil a omer]
0.00/5 (0 صوت)

06-25-2014 04:37 PM
والقعده دى كانت عرقى ولا كوكتيل فيها كل انواع المنكرات

[adil a omer]

#1044857 [غايتو]
5.00/5 (1 صوت)

06-25-2014 04:23 PM
تجاركم ليس بأغبياء . كيف تعاد لهم ال 10مليار وفوائدها . ستعاد باعفاءات جمركية وضريبية وربما باستيراد محظورات بأستثناْْءات خاصة . وال 10مليار تعاد 30 أو 40مليار ويتم تحمليها المستهلك المشترى
الشعب السودانى بغض النظر عن اتجاهه الحزبى .
غايتو جتس شطارة . لكن الشعب السودانى ليس بهذا الغباء ... غايتو

[غايتو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة