الأخبار
أخبار إقليمية
لوحت للصحفيين ..مريم يحي وزوجها وطفليهما ذهبوا جميعا إلى السفارة الأمريكية بعد الإفراج
لوحت للصحفيين ..مريم يحي وزوجها وطفليهما ذهبوا جميعا إلى السفارة الأمريكية بعد الإفراج
لوحت للصحفيين ..مريم يحي وزوجها وطفليهما ذهبوا جميعا إلى السفارة الأمريكية بعد الإفراج


06-27-2014 12:30 AM


الخرطوم (رويترز) - قال محامي السودانية مريم يحيى إبراهيم التي ألغي حكم بإعدامها لتحولها من الإسلام إلى المسيحية لكن اعتقلت لاحقا لدى محاولتها مغادرة البلاد إن السلطات أفرجت عنها يوم الخميس بشرط أن تبقى في السودان.

واحتجزت مريم يحيى إبراهيم (27 عاما) في مطار الخرطوم يوم الثلاثاء بعد يوم من إبطال محكمة استئناف حكم الإعدام الذي صدر ضدها لتحولها عن الإسلام.

وقال محاميها مهند مصطفى إن مريم وزوجها وطفليهما ذهبوا جميعا إلى السفارة الأمريكية بعد الإفراج.

واحتجزت مريم يوم الثلاثاء لمحاولتها استخدام وثائق صادرة من سفارة جنوب السودان للسفر جوا من الخرطوم مع زوجها الأمريكي من أصل جنوب سوداني وطفليهما.

ولوحت مريم للصحفيين لدى مغادرتها هي وأسرتها مركز الشرطة الذي احتجزت فيه لاستجوابها بعدما وجدت ضامنا يكفل ألا تفر من السودان.

وقال المحامي مصطفى إنه تم الافراج عن مريم بعد العثور على ضامن لكن لن يمكنها بالطبع مغادرة البلاد.

ورغم إلغاء الحكم بإعدامها بعد ضغط دولي هائل ما يزال السودان لا يعترف بمريم كمسيحية ولهذا لا يعترف بزواجها من زوجها المسيحي.

ولقيت قضيتها متابعة عن كثب من واشنطن ولندن التي استدعت الشهر الماضي القائم بالأعمال السوداني للاحتجاج على حكم الإعدام ضد مريم كما حثت السودان على الوفاء بالتزاماته الدولية بشأن الحرية الدينية وحرية العقيدة.

وقالت متحدثة أمريكية يوم الخميس إن مريم لديها كل الوثائق التي تحتاجها للسفر إلى الولايات المتحدة.

وأضافت ماري هارف المتحدثة باسم وزارة الخارجية الأمريكية للصحفيين "الأمر يرجع لحكومة السودان في السماح لها بالخروج من البلاد."

وتابعت "نحن على اتصال مع وزارة الخارجية السودانية لضمان أن تكون لها ولأسرتها حرية السفر بأسرع ما يمكن."

وتفرض الولايات المتحدة عقوبات اقتصادية على السودان منذ عام 1997 بسبب انتهاكات مزعومة لحقوق الانسان. وشددت العقوبات في 2006 بسبب تصرفات الخرطوم اثناء صراعها مع متمردين في منطقة دارفور في غرب البلاد


تعليقات 24 | إهداء 0 | زيارات 10626

التعليقات
#1046851 [ودبتول]
0.00/5 (0 صوت)

06-28-2014 09:13 AM
الله يهديكي يا ابرار ويثبتنا علي الاسلام

[ودبتول]

#1046736 [Malek Chol Malek]
0.00/5 (0 صوت)

06-28-2014 02:02 AM
Good luck free Martam

[Malek Chol Malek]

#1046650 [adil mohyeddin]
0.00/5 (0 صوت)

06-27-2014 11:35 PM
يا اخ حميدان انا آخر من يكون اوق بوينت!!واكاد اجزم ان من اعنيه يتابع كل ما اكتبه من خلال ال(Fags)بتاعينه على الفيسبوك وتويتر وغيرها من المواقع لسبب بسيط هو اننى(جنهم المرق منهم)!!صحيح ان الشخص المعنى لاعلاقة له بموضوع هذه المرتدة الامن خلال الاطار العام المتمثل فى بعد الواقع عن تعاليم الاسلام السمحة!!مااريد قوله ان الاسلام برىء من كثيرين يتشدقون بمبادئه

[adil mohyeddin]

#1046618 [nagatabuzaid]
0.00/5 (0 صوت)

06-27-2014 10:34 PM
ياجماعة رمضان عندنا فى السودان السبت ولا الاحد السعودية حسب قناة فضائية فى شريطها الاخبارى اعلنت السبت تمومة شعبان ورمضان الاحد اها تعودنا السودان يصوم ويفطر مع السعودية ا لسنة دى السعودية بقت ليهم كخخخ حيصوموا معاها ولا مع ايران وكل عام وانتم بخير

[nagatabuzaid]

#1046615 [عادل السناري]
5.00/5 (1 صوت)

06-27-2014 10:19 PM
الجكزمة التعيسة عايزة تقايض السماح بسفر مريم يحي الي امريكا بالغاء العقوبات الامريكية عن اليودان -- لكن دا عشم ابليس في دخول الجنة - قضية مريم كشفت ان شريعة الانقاذ هشة و مدقمسة و فشنك - قال خط احمر قال --- خط احمر غلي امريكا يا غبيان .

[عادل السناري]

#1046589 [SESE]
0.00/5 (0 صوت)

06-27-2014 09:37 PM
كنت متأكد تماما ان المرأة لين يصيبها سؤ طالما هي تحت الحماية الامريكية وكل ما كان يوقوم به النظام هي حركات بهلوانية الغرض منها اثبات الذات الفاشلة الضائعة في عالم السياسى وهكذا حال الفاشلين دائما يلجأون الى ابراز العضلات على الضعفاء والاستقواء على الحريم......

[SESE]

#1046536 [كتاحة امريكا]
0.00/5 (0 صوت)

06-27-2014 08:26 PM
مسرحية وانتهت حتلى جنوب السودان دخلت فيها


عليكم السلام

[كتاحة امريكا]

#1046524 [ود إدريس]
5.00/5 (1 صوت)

06-27-2014 08:10 PM
حسبي الله ونعم الوكيل. في سبيل حب رجل مسيحي وحلم الذهاب لامريكا تبدلي الاسلام..من يحميك من الله يوم العرض العظيم . اللهم ثبت قلوبنا علي دينك.

[ود إدريس]

#1046475 [adil mohyeddin]
0.00/5 (0 صوت)

06-27-2014 06:41 PM
اذا كان واحد فاقد تربوى بيصبح قيادى ويوصف ب(الاستاذ)!!وسبق له ان قام باستدراج موظفة الى منزله بحجة مساعدة زوجته فى تجهيز وليممة(للقيادى الكبير اوى)ثم حاول الاعتداء عليها وزميلتها قبل ان يضبط من قبل اهالى منطقته فى وكر رذيلة جمع بين احدى قريباته من جهة وشاب متزوج وزوجة عمه من جهة اخرى:بيوصف ب(الخَلُوق)!!فعن اى حكم اسلامى نتحدث؟اننى على استعداد لكى اقابل كل من يرغب فى مقابلة الموظفة المعنية وعلى استعداد لمقابلته بعدد من النصارى الذين كان يستعين بهم هذا القيادى الفاسد لعقد زيجات من فتيات لسن فوق مستوى الشبهات والسفر بهن الى دولة خليجية !!

[adil mohyeddin]

ردود على adil mohyeddin
[nagatabuzaid] 06-27-2014 10:08 PM
لا حول ولا قوة الا بالله العلى العظيم بعملوها الرميم اللميم

European Union [حميدان] 06-27-2014 08:40 PM
من الاستاذ المقصود يا عادل افصح ابن يا رجل انت اوف بوينت


#1046459 [f y s]
0.00/5 (0 صوت)

06-27-2014 06:16 PM
بسبب انتهاكات مزعومة لحقوق الانسان.

[f y s]

#1046414 [ZA HAGAN]
0.00/5 (0 صوت)

06-27-2014 04:58 PM
To the chritsians and and to the western , this womann is a hero, and and almost a saint , you should free her and allow her to leave as soon as possible before you get in another dilama you can't handel . It is too late to exercise your musseles with this innocent woman and her family . LET HER GO PERIOD .

[ZA HAGAN]

#1046338 [عبدالله]
5.00/5 (2 صوت)

06-27-2014 03:02 PM
اسال الله ان يثبتنا علي دين الاسلام ويحسن خاتمتنا علي دين الاسلام معقوله يا ابرار تخلي الدين الاسلام وتبقي مسيحيحيه انا والله ما مصدق الكلام ده لي اسه بنسمع كتير من اعتنق الاسلام لكن ما سمعنا عن واحد مسلم ترك الاسلام لاي سبب من الاسباب اسال الله ان يكون هذا الكلام ليس من داخل قلبك واذا كان اسال الله ان تعودي لدينك اولا واهلك وكلنا باخطاء لكن الشرك بالله لا مغفرة بعده ان الدين عند الله الاسلام اسال الله يا ابرار ان يهدينا ويهديك ويحسن خاتمتنا وخاتمتك

[عبدالله]

ردود على عبدالله
European Union [ابو إبراهيم] 06-27-2014 11:31 PM
الرد علي ود بلد حار
قلت لي محمد شالها و كمان محمد حافة هههههههههه و الله اذا كنت تعرف الله بأن الاسلام سوف يعم كل العالم و انا بكتب لك من بريطانيا و أري كل شهر او إقل إنسان بقمة الفهم و الرقي و العلم يدخل الاسلام و عدد المساجد في ريادة غير عادية فالاسلام وجد الحرية هنا فسوف يعود قويا و من إجل هولاء و دخولهم الاسلام لم نحزن علي خروج إبرار منه فمبروكة عليك إبرار

[خميس] 06-27-2014 11:28 PM
الضاهر انك اعمى ما بتسمع او بتخاف تسمع وتشوف هذا من ناحية اما الناحية الثانية كيف المسلم بدو يصير مسيحي اذا الإعدام ناطرو وتأكد يا انسان انو فتحت الحرية للمسلم ليختار ديانته كان اسلامك تعداده يجي نص مليون بالكتير

[nagatabuzaid] 06-27-2014 10:17 PM
الرد على ود بلد حر :

يا ود البلد الحر لا تقل ذلك حتى حتى وان كان مزاحا نحن متعاطفينمع مريم جدا من ناحية انسانية ولان القاضى كان ارعنا متسرعا وخوفا من اريكاقد دنا عذابها شاتوا القاضى هناك ونحنلاننا مسلمون وعقيدتنا فى الله قوية وايماننا برسولنا الكريم نعتبر ان الله احبنا فابتلانا بهذه المخلوقات ومن احبه الله ابتلاه ونحن والله باقون باذنه تعالى ( وحنعفص ونفجغ )الانتكاسيون بارجلنا ولن نترك اسلامنا اعرف انك تمزح وانك زهجان ومتضايق مثلنا وتاكد ستفرج باذنه تعالى

[Sabir] 06-27-2014 07:49 PM
كلامكك عين العقل، ليتنا نتحلي بالعقل عند ورود الشبهات والحكمة التي هي محور إرتكاز المنطق

[خالد] 06-27-2014 05:49 PM
اللهم آمين . الله ينصرك وينصر دينك ياعبد الله

United States [ود بلد حر] 06-27-2014 04:36 PM
انتظر بس بعد شوية كل السودانيين حبخلو الأسلام ويتجهو الي غيره بسبب المصايب العملا فيهم الاخوان المسلمين ( آسف الأخوان المجرمين). ياخي علي الأقل المسيحية ما اتبنت شريعة اليهودية البترجم الزاني والزانبة. وعيسى لما استشاروه في كدا قال ليهم" من ليس له منكم خطيئة فليرمها بحجر". اما محمد فشالها منهم وطبقا كما هي. لانه عيسى كان بيخاطب اهل الشام اما محمد فكان بيخاطب اهل صحراء الجزيرة العربية. فماكان متوقع منه غير كدا.

European Union [صلاح] 06-27-2014 04:00 PM
يا اخي الكريم عبدالله .... لم يثبت انها أبرار !!!

عادي جدا يمكن الناس ديل مشبهين عليها


#1046335 [kori ackongue]
0.00/5 (0 صوت)

06-27-2014 02:53 PM
In peace you all will remain and in peace you will settle where ever the sparking light of freedom is there. God is your real savior and I thik that no worry, since millions of voices and peoples prayers are heard. Le the infidels remain in their dreams of hate red, for they will gain what they have has sawn it.

[kori ackongue]

#1046308 [جلال]
0.00/5 (0 صوت)

06-27-2014 02:06 PM
يا علماء وقضاة ناس المؤتمر الغير وظني ماذا يجيركم لو عملتوا جلسات مناصحة لمريم بدلا من هذه الضجة التي جعلتها تفخر بلعزة بالاثم كان من الممكن ان تكون دخلت حظيرة الاسلام طائعة وبرغبتها ولكن نحملكم المسئولية كاملة لارتداها عن الاسلام انتم من اشعلتم النار وذدها حطب

[جلال]

ردود على جلال
[خالد] 06-27-2014 05:55 PM
ياجلال كان في محاولات كتيره لإستتابتها . لكن البت دي كانت متعنته جدا وبترفض مقابله أي شيخ . في أيام قبل ماتولد بدأت تمشي كويس وتتجاوب لكن بعد الولاده وبعدما سمحو للمدعو دانيال بمقابلتها تاني رجعت للرفض . غايتو في إن كبييييير جدا في الموضوع والبت دي شكلها مضغوطه من جهات عليا أو ماسكين عليها مصيبه


#1046295 [كاسترو عبدالحميد]
0.00/5 (0 صوت)

06-27-2014 01:44 PM
الترابى ما قال : يحـل للمسلمة ان تتزوج يهودى . لماذا لم يذهـب احـد الصحفيين ليجرى معه لقاء ويسأله عـن رأئه فى هـذه الحالة ؟ نرجو ذلك حتى يعرف العالم حقيقة هـؤلاء الناس .

[كاسترو عبدالحميد]

ردود على كاسترو عبدالحميد
United States [ابو حسين] 06-27-2014 10:27 PM
يفترض ياكاسترو حسب فهم الجماعةيستتاب لانه بسبب فتواه تم الزواج من قبل الكثيرين


#1046293 [المنجلك]
5.00/5 (2 صوت)

06-27-2014 01:40 PM
حمدالله على السلامة يلا اتخارجوا بسرعة حظكم كويس ما وقعتوا فى الطلابان. ديل اسلاميين مضروبين عاملين لينا وجع قلب.

[المنجلك]

#1046275 [منشى]
5.00/5 (2 صوت)

06-27-2014 01:19 PM
يعنى مساومة افراج مريم و تركها للسفر الى امريكا مقابل رفع الحصار الاقتصادى عن السودان !!! , آه دى قويه منهم .

[منشى]

#1046191 [مريم الاخر]
4.98/5 (8 صوت)

06-27-2014 11:00 AM
اها ديلك وقفوا معا بتهم المسيحية وروكم المزج بين علمانية الدولة ومسيحيتها بالدفاع عن الحقوق الانسانية ومعتقدهم في نفس الوقت!!!اينما كان!!!باقي نشوف دولة اسلامية يتقيف معا مسلم اكان في مندناو او في الروهيندا!!!ضد التمييز الديني او القتل!شعارات جوفا وكلبشة في الخم اضاعة الدنيا والاخرة!!! وذي ماقالوا لو وزنك ريش متنفخ ساكت!!!وبدل الاحراج واضافة كوز للسجل السئ!!مش كان القاضي الماسورة ميع الموضوع وخليتوا البت تسافر لامن شاف ولا من دري!!مالمواطنين بيهربوا وبيرموا نفسم في الاسلاك الاسرائيلية هربا من دولة الخلافة المزعومة لدولة الصهاينة المزمومة!!!!هو الواحد لازم يكفر بلسانوا عشان تعرفوهو ماداير معاكم!!!خلي السفارة الامريكية تفتح ابوابه يومين وتقول هلموا للشيطان الاكبر!!فستروا ان اماتكم لن تبقي معكم!!!!فلانسان يعيش مرة واحدة فالفقر ربيب الكفر!!!!!

[مريم الاخر]

ردود على مريم الاخر
United States [الغلبان] 06-27-2014 07:22 PM
وواحدين بطشوا يمشوا ليبيا بي مواتها ودمارها كله بس بس بس عشان اولاده ياكلوا لقمة حلال ومنهم عمك الغلبان 53 شفت كيف لا قرض حسن لا تمويل اسلامي لا اول ولا اخر كان زرعت ليك شويتين فول يا الله تحل الطلابة يعني حاجة حيرتنا انا ماشي كاودا

European Union [دقنة] 06-27-2014 01:48 PM
روعة ،،، وفي الروعة زااااتا روعة !!

ديل إسمهم أخوان الشياطين المنافقين المستسلمين المتاجرين بإسم الدين ،،،، مافيا ما يعلم بيها إلا ربنا !!! لعنة الله عليهم والملائكة والناس أجمعين


#1046116 [kamal]
4.75/5 (3 صوت)

06-27-2014 08:45 AM
على الطلاق بالتلاتة كان ما امربكا الانقاذ كان راحت زمان....كل الاجندة الامريكية بداية بسياسة
صندوق النقد والمصرف الدولى...مرورا بنيفاشا ..لما تمترس غازى خلف ملف المفاوضات ازيح وجاء
على عثمان كبديل لتنفيذ خطة الكوتش .........لما كان من البدهى تنوير البديل بمهامه سيق على عثمان الى الولايات المتحدة ولم يحدث اكثر غير عرضهم عليه شريط فيديو لمحاولة اغتيال حسنى مبارك..!
برضو تقول ست مريم...!

[kamal]

ردود على kamal
United States [Abu] 06-27-2014 08:55 PM
This is the most logically explanations to our ordeal in short. The USA administration are the one behind our long lasting ordeal. This mob simply is a pour 100% American brainchild. They have invented this over a very long process, and now we and sure, the coming generations “if we had ever?” will pay the bills of this creation. Americans no doubted have done a neat job, and unquestionable, they are the only ones’ got the means to terminate this mess..

European Union [alarabi] 06-27-2014 01:57 PM
وكمان ما تنسي لمن ساقوه لجنيف عشان يمرر اتفاقية السلام بتاعت جبال النوبة .. اذا هم بفتكروا أن دي شطارة سياسية تبقى السكينة سارقاهم .. دي ما عندها إلا أسم واحد عندما نتكلم عن الوطن وهي الخييييييييانة وكان الله في عون هذا الشعب المستكين

European Union [az] 06-27-2014 12:41 PM
و الله ما شاء الله عليك. كلامك في الصميم. ربنا يفرج الحال.


#1046100 [sasa]
5.00/5 (7 صوت)

06-27-2014 08:15 AM
انكم يا دواعش الالغاز يا من ادخلتم الاسلام للسودان الملحد الوثنى بانقلابكم المشؤوم منذ 25 سنة انتم عبيد اميركا ونفذتم لها ما ارات وسلمتومها اخوانكم الشياطين من متاسلمى العالم الموهوم ولن تفلعوا شيئا لمريم .... ستسلمون للغرب كل مايريد طالما انكم ستبقون فى الحكم الى ان يميتكم الله وتدخلون جنانه ... خليكم مرتاحين طالما نحن نتحدث نتحدث نتحدث ولانفعل!!!!!!!!!!!!!!

[sasa]

#1046079 [مواطنx]
5.00/5 (1 صوت)

06-27-2014 06:11 AM
وأضافت ماري هارف المتحدثة باسم وزارة الخارجية الأمريكية للصحفيين "الأمر يرجع لحكومة السودان في السماح لها بالخروج من البلاد."وتابعت "نحن على اتصال مع وزارة الخارجية السودانية لضمان أن تكون لها ولأسرتها حرية السفر بأسرع ما يمكن.".. انتهى

بلد مطلوووووووووووقة فاكه،أدغال مفتوحة،الجميع مدعو لملهى أدغال السودان.
وما أحقر تناقضات اليوم التي نعايشها.

[مواطنx]

#1046066 [ahmed]
5.00/5 (5 صوت)

06-27-2014 05:11 AM
إمريكا عزابها دني شعار يردده الكيزان يمكن يكونوا لحسوه أو بلعوه بدون موية

[ahmed]

#1046032 [ودالنيل تمساح]
4.94/5 (6 صوت)

06-27-2014 03:05 AM
معاك فى ماساتك حتى نسينا ماسيفا
بالله دى حالة دى واحده بلدها تتنكر ليها وتحميها دولة اجنبيه
ممكن نقول الموضوع اتسيس وكويس انه اتسيس
لانو لوما اتسيس كان البت د كتلوها الناس ديل
ولا يراعوا كمان لاولادها لانو كم ام لاطفال كتلوهم
ماعندهم رحمه ديل
لكن يامريم هنيئا لك السفر لبلد بتعرف قيمة الانسان معاهم
ممكن الناس يقولوا امريكا بتكتل الناس بقول ليهو ايوه
ده بسبب السياسات الفاشله

[ودالنيل تمساح]

#1046027 [قال مسلمين قال]
5.00/5 (11 صوت)

06-27-2014 02:54 AM
طالما قبلتو بي مبدأالافراج عنها موضوع الشرط هين. شكلكم بعد شوية ح تسفروها بالطائرة الرئاسية
قال ضامن قال

[قال مسلمين قال]

ردود على قال مسلمين قال
[nagatabuzaid] 06-27-2014 10:28 PM
جنهم شروط الله يشرط عينهم زى ما شرطوا عيننا السفير السودانى فى نيجيريا قال عندو شروط لتسليم رهينة ارهابى بوكو حرام لدى حكومته وانا لى هسه بضحك علشان بكرة حيسلموه ومريم بتسافر تخلى خشمم ملح ملح و خليهم يشرطوا فى هدومهم ويرجعوا عراة زى ما كانوا

European Union [غسان بابكر] 06-27-2014 10:00 AM
لو كانت الطائره الرئاسية بتطير كان كرته بقي كابتن و (العتوي بمعني الكديس المانع) ود عطا بقي ليهم مضيف...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة