الأخبار
منوعات سودانية
مذيعة قناة الشروق عفراء فتح الرحمن: لست (أرستقراطية) حتى أرفض تناول (العصيدة).!
مذيعة قناة الشروق عفراء فتح الرحمن: لست (أرستقراطية) حتى أرفض تناول (العصيدة).!
 مذيعة قناة الشروق عفراء فتح الرحمن: لست (أرستقراطية) حتى أرفض تناول (العصيدة).!


06-29-2014 08:46 PM
دردشة: نهاد أحمد
رمضان لديهم يقع في مدار خاص، كثيرون منهم لهم تفاصيل متعددة تختص بهذا الشهر الكريم، ومعجبوهم ومتابعوهم لديهم شغف عالٍ جداً بمثل تلك التفاصيل، لذا كان لابد من استنطاقهم فيما يختص بهذا الشهر الكريم، باعتبارهم شخصيات ذات ثقل ووزن اجتماعي واعلامي وفني ورياضي، فماذا قالوا خلال هذه المساحة التى نفردها لحياة النجوم في رمضان.؟
*بداية...ماذا تحب عفراء فى مائدة رمضان.؟
أحب أكل الاشياء العادية التى يحبها السودانيون مثل العصيدة والقراصة وأنا لست (ارستقراطية) كما يظن البعض.
*تشتكى معظم الفتيات من أعباء المطبخ فى رمضان..ماذا عنك.؟
أنا (ماعايزة أعمل فيها بطلة)، أنا ممكن اشتغل شغل البيت عادي، بس بصراحة بكره شغل المطبخ في رمضان، بس بلقى روحي كمان (مجبورة) وزي مابقول المثل (مجبر اخاك لا بطل).
*ماهو السبب.؟
فى الاشهر العادية انا مولعة بأكل المطاعم، ولو خيروني فى رمضان ان يكون الاكل (ديلفري) بوافق على طول، لكن فى رمضان بكون مضطرة اساعد ناس البيت.
*هل تتضايقين من كثرة الضيوف فى رمضان.؟
على الرغم من كراهيتي لشغل المطبخ في رمضان، لكنني لا أتضايق من الضيوف بل بالعكس، هم مرحب بهم طيلة شهر رمضان.
*كيف تقسمين وقتك مابين العمل وشغل البيت فى الشهر الفضيل.؟
لا يوجد نظام معين -على حسب جدول العمل-
*بصراحة...هل تتهرب عفراء من غسيل العدة.؟
أبداً والله...بغسلها عادي.
*ماذا تتابعين خلال رمضان من برامج ومسلسلات.؟
ماعندي بال طويل لمتابعة المسلسلات لكن افضل متابعة المسلسلات التى تتناول السيرة الذاتية لبعض المشاهير مثل مسلسل (أم كلثوم، صباح) وغيرها لأني أستفيد من المعلومات التى بها.
*ماذا عن برامج الإفطارات الخارجية وزيارات الأهل.؟
أخصص رمضان لصلة الرحم، إضافة الى تنظيم افطار جماعي مع صديقاتي سنوياً فى رمضان.
*هل أنت من محبات السهر فى رمضان.؟
السهر بالنسبة لنا شيء عادي، نسبة لظروف العمل فأحياناً تكون هنالك برامج سهرات لذلك اتعودت على الأمر.
*ماهي نصيحة عفراء للجميع فى رمضان.؟
أتمنى ان يطول الجميع بالهم فى رمضان، وان لا ينسوا مشروعية الصوم.

السوداني


تعليقات 11 | إهداء 0 | زيارات 8309

التعليقات
#1048927 [ابوامنه عبد الجليل]
0.00/5 (0 صوت)

06-30-2014 07:43 PM
انا بنصحك ياأخت عفراء خليك سودانيه
فى كل حياتك وما تتنصلى عن واقع
السودانيات وعادات وحضارات السودان
أستغلى مكانتك فى مجال الاعلام
لنشر ثقافات وتراث السودان ؟
إنتى زوله متالقه وانامن المعجبين
ماتخلى أغير نظرتى فيك

[ابوامنه عبد الجليل]

#1048832 [زووول]
0.00/5 (0 صوت)

06-30-2014 04:59 PM
غايتو جنس حنكشة شوفي انتي في السودان خلاص انتهي الموضوع ماتتفلسفي علينا

[زووول]

#1048820 [رانيا]
0.00/5 (0 صوت)

06-30-2014 04:45 PM
هل يوجد أرستقراطيين في السودان ؟؟

[رانيا]

#1048654 [كرجو]
0.00/5 (0 صوت)

06-30-2014 02:01 PM
أول مره ؟أعرف انو الناس في السوداني يصنفوا على حسب الاكل( الراقين و الارستقراطيين لا يأكلون العصيده) يااااااي

[كرجو]

#1048609 [أبوقرجة]
0.00/5 (0 صوت)

06-30-2014 01:20 PM
استخفاف بالعقول بالله دي تعتبر من الناس المهمين في البلد ههههههههههههه هههههههههههههه .. والله يا ناس الراكوبه انتم فيكم رأي بعد كده ..

[أبوقرجة]

#1048574 [كتاحة امريكا]
0.00/5 (0 صوت)

06-30-2014 12:47 PM
سؤال


متين الزواج ؟؟

[كتاحة امريكا]

#1048434 [شئ من حتي]
0.00/5 (0 صوت)

06-30-2014 10:45 AM
التنكر للماضي

[شئ من حتي]

#1048433 [Mohamed]
0.00/5 (0 صوت)

06-30-2014 10:42 AM
سودانية ولا أروع ... وخايلة فيك سواطة العصيدة .. وعواسة الكسرة .. وملاح الفرك.. والحنة.. وخليك من "الأرستقراطية" وأكل "الدلفري" وزمة الخشم، دا ما بشبهك قط.. خليك سودانية أصيلة كما أنت وبس!!

[Mohamed]

#1048242 [فلان بن علان]
0.00/5 (0 صوت)

06-30-2014 12:47 AM
ما في أي كلام .... سـودانية مية المية + حلاوة كثيرة .... ربنا يحفظك .... عليكي ببخور أم التيمان ... عيني باردة...

[فلان بن علان]

#1048225 [مالك الحزين جدا جدا]
5.00/5 (1 صوت)

06-30-2014 12:08 AM
البنت دى فاهمه تمام بس عندها شوية غرور ,, أتمنى منها قليلا من التواضع ,, الناس بطبعها لاتحب المتغرسين ,, والمغروين ,, والله إنت تمام ,, وأنا أحترمك بس بطلى الغرور بتاعك ده يا عسوووووله!!!

[مالك الحزين جدا جدا]

#1048213 [mada1966]
0.00/5 (0 صوت)

06-29-2014 11:50 PM
ولو خيروني في رمصان ان يكون
ان يكون اﻻكل./اﻻكل دليفري/.
والله عجبتني.الكلمة.
تتتتتتتتتتتتتتتتتتتتتتتتتتتتتتتتتتتتتتتتتتتتتناقد.

[mada1966]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة