الأخبار
أخبار السودان المحلية
خفافيش الإعلام الإلكتروني .. كاريكاتير ود أبّو
خفافيش الإعلام الإلكتروني .. كاريكاتير ود أبّو
خفافيش الإعلام الإلكتروني .. كاريكاتير ود أبّو


06-29-2014 03:15 PM
الراكوبة الكاريكاتيرست محمد علي (ود أبّو) يرد على تصريح والي الخرطوم الخضر حول الإعلام الالكتروني المعارض، مستصحباً أطرف تعليقات قراء الراكوبة..
image


تعليقات 12 | إهداء 1 | زيارات 9468

التعليقات
#1081620 [شيخ كرتوب.]
0.00/5 (0 صوت)

08-17-2014 03:44 PM
أحسن تسكت ،ما،،،تخلينا نصلي
صلاة الإستسقاء ونجيب ليك مطره بي سيوله.

[شيخ كرتوب.]

#1050585 [nagatabuzaid]
0.00/5 (0 صوت)

07-03-2014 10:21 AM
تقبلوا تحيات خفاشاية طلعت نص النهار وبتقول ليكم وزير الاعلام هددنا وما همانا والوالى شتمنا وما همانا والله معانا للعلم يا مولولين يا نائحين من وزير لوالى الخفافيش دى كان طلعت دفعة واحدة وقالت كدى اخدت ليها دورة فى الهواء وهجمت عليكم اليوم داك شوفوا ليكم جهة تلمكم لماكم بلاء يخمكم ويريحنا منكم


ارواح شهداء رمضان تناديكم يا شعب السودان

[nagatabuzaid]

#1048638 [الخفاش]
5.00/5 (1 صوت)

06-30-2014 01:45 PM
ماجاب المطر
بنزين
ولا سوت خُطَب مولانا
( تاج الدين )
بلد طيبة
وقوم آمنين
ولا ارتاحت
جيوب الناس
في الطابونة
والكنتين .
………….
قعدتو تبولو
في ريسينا
كم حولاً
فات في العد
عدد عشرين .
خليتو البلد فقران
سواد الأمة
بات محتاج
وجُل الشعب
صار مسكين .
……………
ما شفنا يا ( مولانا )
يا ( بشبش )
ءاسم ءاسلامي
ءاسلامين
ولا شفنا الصلاح أفعال
ولا قامت شريعة
ودين .
سويتو البنوك ( كعبة)
و ( هرولتو )
بين ( كافوري ) و ( البدعة )
وبين ( السفة) ( واللبعة )
جيتو نحاف
تقول أطياف
بقيتو كروش
شحم وقروش
وقاطرين من ورا
الجعبة
وما فيكم ءاسم ( صالح )
ولا صالحين .
……………..
يا مولانا يا ( بشبش )
وتاج الدين
انحنا ولاد بيوت الطين
ما دخلت بيوتنا ( البيتزا )
ولا عارفين شنو
( الهوت دوق )
ولا ( اتحنكشنا )
( بالمصاصة )
ءانتو المصوا
دم الشعب
ما خليتو قطرة دم
وانتو السُقتو
بي حالو
وطن للجوع
ونار الهم
وانتو البعتو
خير الأمة
شرف الذمة
لما خجل
عديل
من روحو
حتي الذم
وانتو الجيتوا
بس للم
وكم في كم
وقهر الأمة والتنكيل
……………….
يا ( بشبش )
هو ده التأصيل ؟
وجنس ( البيتزا )
مش ايطالي
ما ( جعلي )
ولا شايقي
( والهوت دوق )
موش نصراني ؟
ولا كمان
صبح سوداني
ساي بالغش
والمصاصه
يا حصحاصة
ده الاعجاز
وده الانجاز ؟!
…………..
مما جيتو
اتباع الشرف
في السوق
عكّرتو البحر
بالغم
وكتْلتو العباد
بالهم
وسطرتو الظلم
بالدم
رقّيتو الرمم
لي فوق
زرزرتو الرقاب
بالطوق
ولغيتو
الخجل
والذوق .
……………
يا ( بشبش )
أمير الدين
نحن ولاد
بيوت الطين
كنا عُزاز
ومستورين
وشبعانين
نعوس الكسرة
فوق الصاج
وبينا العُشرة
والنفاج
ونكرم ضيفنا
والمحتاج
لا ( هوت دوق )
ولا ( بيتزا )
و ( مصاصة )
شبعنا عشقنا
اللقمة ( بالتقلية )
والقراصة
بالدمعة
وبالسمنة
وسَلطةْ روب
كمان خاصة .
……………
قَبُل ما تجونا
ما كنا
ناس فاجرين
ولا كفار
وعارفين
الفروض والدين
انتو الجيتو كضابين
وسفاحين
وسراقين
نشّفتو البلد والريق.
وتجار دين
لا شوف سبحة
لا ءابريق
ما زدتو البلد
انجاز
ولا ميزة
غير ( مصاصة )
أو ( بيتزا )
كُلْ شيتاً
عكس روحو
ونكر سيدها
شَمِس
بتجينا بوشيها
بقت بتجينا
بي ( ……. ) .
……………
كل شيتاً صِبح بالعكس
عقل الباقي
صابو المس
لا خَدّر زرع
أو قش
ولا نجض الثمر
للحش.
………..
كل شيتاً
صِبح بالعكس
وطن كامل
أذاهو القص
حتي الضُل
دخل القش
سماع ءاضني
كورك كش .
…………..
كل شيتاً صِبح بالغش
العولاق
صبح عملاق
والرمة
صَبح قِمة
ديك الوادي
صار والي
( الباطل )
صبح راجل
كمان كاتل.
والمهبوش
قدل منفوش.
ده بس
زمن الكضب
مفروش
وبيع شرف البنات
بقروش
وصوت النخوة
صار مقروش .
……………..
يا مولانا
يا ( بشبش )
أمير الدين
ما جاب المطر
بنزين
وما شفناك
عدالة ودين
حريقنا وَقَد
حسابنا ولَد
مرقنا نأدب
الباطلين
جوه السُلطة
رقاصين وهراشين
وبره
نِعام
يوم الزَرّة
ما فيكم
ءاسم راجل
وما بتموتو
مستورين .

[الخفاش]

#1048536 [الخفاش]
5.00/5 (1 صوت)

06-30-2014 12:27 PM
كفانا ذلة وإستكانة..
قرفنا منك .. والمهانة..
لاك شبهنا ولاك معانا..
ولا نظامك ..مستوانا..
سوق رعاعك والبطانة..
وجرادك الزاد في أذانا ..
يلا شتت من حدانا..
راجي ايه بعد الإدانة..
وظلمك الهارد كلانا..
قيدك الكتف خطانا..
رمانا من أرفع مكانة..
كنا أسياد في ربانا..
من عرقنا ومن شقانا..
نحصد الخير الكفانا..
وشبّع الضيف المعانا..
في الضرع وافر لبانا..
والسعن فاض لى سوانا..
جيتنا في غفلة هوانة..
سرقت مفتاح الخزانة..
رميته في ستيان فلانة..
وجماعتك المعطت لحانا..
وخلت الشّفع حزانة ..
لا رعاية..ولا اجزخانة..
ولا مدارس فيها خانة..
قرايتك أم دقاً هرانا ..
إلا بالقرش الختانا..
نشفت ريقنا ودمانا..
ولما يتخرج جنانا..
بالعطالة يكيل بلانا ..
وله يركب موج بُكانا..
يجّرب الغربة وزمانا..
ونحن الرجال الما وطانا..
قدم غريب دنس حمانا..
الليلة في زمنك غشانا..
وهط البوت والرطانة..
جرحت همتنا ورجانا..
بى موسك الطبق الختانة..
وكيف تهين عزة نسانا..
الشدن الحيل بى أمانة..
بنات مهيرة المي جبانة..
الفي الدواس سندن قفانا..
الليلة بى سوط الخيانة..
فضحتها و قللت شانا..
سلبتها التوب الكسانا..
عفة الروح والأمانة..
ياخي شتت ..بس كفانا

[الخفاش]

#1048522 [كتاحة امريكا]
0.00/5 (0 صوت)

06-30-2014 12:16 PM
انت قدرها يا وزير الاعلام والمتحلل ووالي الغفلة

انتو موجودين وين ؟؟



نحن موجودين في كل مكان

[كتاحة امريكا]

#1048513 [الحالم]
0.00/5 (0 صوت)

06-30-2014 12:07 PM
الناس شهداء الله في الارض اذا اجمعو على انسان في حالتي المدح او الذم و الفي راسه بطحة يحسس عليها

[الحالم]

#1048391 [radona]
0.00/5 (0 صوت)

06-30-2014 09:51 AM
الحقيقة
ان المسلم ليس بطعان ولا لعان والاغلبية العظمى تكتب في هذه المواقع بموضوعية ومن اجل انارة الغرف المظلمة من اجل مصلحة الوطن
نعم بعض الاخوة لا يتمالكون اعصابهم جراء استفزازات بعض المسئولين الذين يطلقون تصريحات عنترية وغير منطقيه وفيها تسفيه لحقوق المواطن فيحتمق بعض الاخوة ويردون الحماقة الصاع صاعين
ورغما عن ذلك فان مناضلي الكي بورد موجودون ولهم مساحة ارحب واكبر من رصفائهم في الصحف وقنوات التلفزيون
ولكن لكل شئ سقف كما قالت الحكومة وللحرية سقف لذلك نرجو من الحكومة مناشدة المسئولين بضبط الالفاظ والعبارة وعدم استفزاز المواطن وافهامهم ان المواطن هو من بفضله هم في هذه المناصب لخدمته وحراسته ونظافته وادارة امواله لذلك يجب مخاطبته بكل لطف وذوق واحترام جم وعدم ممارسة الفساد في امواله التي ااتمنهم عليها لانه من البديهي ان يحرس المواطن امواله ويحرص عليها من الفساد الذي شهدت الحكومة نفسها بوجوده وعجزها عن محاربته
نرجو من الحكومة الاستفادة من مناضلي الكيبورد وارائهم لانها في الغالب اعمق وافضل بكثير من اراء الكثير من المسئولين الذين لا فائدة منهم البتة

[radona]

ردود على radona
Saudi Arabia [شمشار] 07-01-2014 02:56 AM
ههههههههه حكومه ؟؟؟؟

كلمة حق اريد بها باطل روح ياكوز اتلمي


#1048334 [عمر]
0.00/5 (0 صوت)

06-30-2014 06:14 AM
كلامك صح احنا خفافيش الاعلام الالكترونى لكن انتوا خفافيش جهاز الامن
وابقوا رجال امشوا كدارى زينا فى الشوارع وده الما بتقدروا عليه ياخفافيش كلاب الامن

[عمر]

#1048211 [عزالدين الشريف]
4.75/5 (3 صوت)

06-29-2014 11:48 PM
واحدة من اكبر الهموم والمشكلات للمؤتمر الوطني الاعلام الالكتروني ... انه الصوت الصادح الذي يجعلهم يتقلبون في اسرتهم الف مرة طلبا للهدوء والراحة ... لقد خنقوا الاعلام الورقي المحلي وحطموه تماما ... قارب ايقاف الميدان السنة ونصف السنة ... هذه صحيفةواحدة ما بالك ببقية الصحف ... دور الصحافة نشر الوعي وكشف الفساد وصيانة الحريات والديموقراطية وهذه اشياء تؤرقهم اشد الارق ... جعلوا لمحاربة الاعلام الالكتروين كتائب ولكنها لم تفيد ولن تفيد ... ان صوت الاعلام الالكتروني هو صوت الشعب المعارض وشبابه ووخبراتهم ... ليس امامهم من شيء الا ان يستغنوا عن الانترنت والهواتف الجوالة ...

[عزالدين الشريف]

#1048197 [ود كترينا]
0.00/5 (0 صوت)

06-29-2014 11:30 PM
***رحم الله الفنان حسن عطية!!!!!!!!

[ود كترينا]

#1048164 [بنت الناظر]
4.82/5 (5 صوت)

06-29-2014 10:20 PM
الميزة فى خفافيش الظلام إنهم يكتبوا بكل صدق وأمانة ومجانا دون أ ن يدفع لهم أحد .. خفافيش الظلام أقلقوا راحة الحكومة لذلك الوالى منزعج منهم ..فلا تنزعجوا أيها الخفافيش ودعونا نكتب حتى يكل متننا..مافى أجمل من الحرية وأجمل مافى المواقع الإلكترونية إننا نجد هذه الحرية الجميلة التى لو إستطاع الإنقاذيون لحرمونا منها ولأنهم ما قادرين يوقفونا فوجدوا ما فى حل غير شتيمتنا ..
ويعلم الوالى ومن معه إن من يسمونهم بخفافيش الظلام هم مجموعة من المثقفين والشرفاء من خيرة أبناء السودان ولن يستطع أحد أن يعيب علينا التخفى ولنا فى رسول الله عليه افضل الصلاة ..إسوة حسنة ودار الأرقم هى قدوتنا...وقد قال عليه الصلاة والسلام إستعينواعلى قضاء حوائجكم بالكتمان وسنظل نكتب ونقلق مضاجعكم حتى يبزغ فجر الحرية.. أما الشتيمة فنقول لن تزيدنا إلا عزيمة وكما قال لويس باستير السم الذى لا يميتنى يزيدنى قوة ..
مبارك عليكم الشهر الفضيل .. ويارب السنة الجاية نصوم رمضان بدون كيزان....

[بنت الناظر]

#1048017 [ابن السودان]
5.00/5 (8 صوت)

06-29-2014 04:47 PM
تعليقات عبدالرحمن الخضر ووزير الاعلام حاجة ايجابية بالنسبة للمعارضة لان الحكومة بعد ان جندت النطيحة والمنخنقة وما أكل السبع ومواليد الزقاقات وتربية الشوارع في الجهاد الالكتروني والامن الالكتروني وصرفت عليهم الملايين من الدولارات فشلوا في مهمتهم لانهم حثالة ولأنهم مرتزقة ليس لهم قضية غير الكسب المالي.
وصبية الجهاد الالكتروني الشعب السوداني عرفهم من المواقع الالكترونية المنتشرة بأنهم أوسخ ناس وأعفن ناس وفشلهم بعد القروش الكثير الدخلت جيبوهم ده كان توقعنا كشعب لأن المحرش ما بكاتل.
وزعيم الجهاد والامن الالكتروني الحكومة صرفت عليه وأسست له شركة ليقوم بتكذيب كل ما تقوله المعارضة وللتشويش على ما يجري في البلد. ولأنه جبان ورعديد أفنى نفسه في شتم المعارضين ومحاولات قتلهم معنويا لكنه فشل وفشلت كل خططهم لانهم مرتزقة ورضعوا من ثدي ملوث بدماء الشعب السوداني.
عشان كده كل الشعب السوداني أصبح يثق في الراكوبة واصبحت هي الناطق الرسمي باسم الشعب السوداني
وإدارة الراكوبة من تواضعها لا تعلن عن الارقام فأن الذين يقرأون الموقع في اليوم الواحد بالملايين من السودانيين المنتشرين في العالم.
وكقاري نهم للراكوبة احي إدارتها ومن يقف خلفها لأنه أصبحت لنا الملاذ الوحيد في معرفة احوال بلدنا ونحن في الخارج.

ارجو من الفنان الكاركتيرست ان يرسم كاركتير من هذا الكلام كحوار بين أشخاص.

[ابن السودان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة