الأخبار
أخبار إقليمية
الصوارمي :سندخل مرحلة اعنف لانهاء التمرد
الصوارمي :سندخل مرحلة اعنف لانهاء التمرد
الصوارمي :سندخل مرحلة اعنف لانهاء التمرد


قواتنا تعيش أفضل حالاتها العسكرية
07-02-2014 07:43 PM
أعلن الجيش السوداني، يوم الأربعاء، أن قواته في كافة مسارح عمليات وخطوط المواجهة، تستعد للدخول لمرحلة أشد عنفاً في مواجهة الحركات المتمردة، لمواصلة سلسلة الانتصارات ووضع حد أخير للتمرد بنهاية عمليات الصيف الحاسم.

وقال المتحدث الرسمي باسم الجيش الصوارمي خالد سعد ، إن المرحلة المقبلة ستكون أعنف بكثير في مواجهة الحركات المسلحة وإلحاق الهزائم المتكررة بهم، خاصة وأن القوات المسلحة تعيش أفضل حالاتها العسكرية، في ظل تقدم عمليات الصيف الحاسم في دارفور، وإجلاء الجبهة الثورية من مناطق كثيرة وإرباك خططها، والاستيلاء على عدد من العتاد والمركبات.

وأضاف الصوارمي، أن هنالك سيطرة كاملة إلا على بعض المناطق في شرق الجبل نسبة لخصوصيتها الطبيعية التي تعوق تقدم القوات المسلحة بصورة جيدة، لكنه عاد وقال إن تلك العوائق لن تقف كثيراً أمام التوغل وإنهاء عمليات الصيف الحاسم التي قاربت على نهايتها.
لشروق


تعليقات 13 | إهداء 0 | زيارات 4903

التعليقات
#1051103 [طافش افندي]
0.00/5 (0 صوت)

07-04-2014 12:07 AM
باسم الله يا كيزان
باسم الشعب نتحدّى
وانتو ربيبكم الشيطان
قلوب مسمومة مرتدة
لهيب الثورة والعصيان
ساكن فينا من مدة
طلعنا الليلة متحدين
ومتكاتفين عشان نبدا
نزيل طغيانكم الظالم
ونعلن ثورة ممتدة
لآخر الكون ح نمشيها
جميع اطيافنا نلغيها
ونتجمع على الوحدة
عشان نبني الوطن جنة
وصوت الحق إذا رن
يفجر صحوة المبدا
أذيتونا
وأذيتوا الدنيا بي حالا
فضحتونا
وفضحتوا بلدنا وأحوالا
قهرتوا الطفل في الروضة
خنقتونا
وخنقتوا الزهرة والوردة
حرموتونا
حلاوة العيشة والقعدة
بضل شمس الضحى الحارق
وجرح الوجعة احتد
منو الفيكم هو ما سارق
وعايشين نحن بالشحدة
وكل شبابنا قام مارق
يفتش لي وطن أجدى
بدل الذل وصدر السل
ديل ميتين وديل مرضى
تجارة الدين وحلف يمين
كذب بهتان ودجالين
لا قرآن ولا ياسين
لا ركعات ولا سجدة
لا إنقاذ ولا إنجاز
حكم مفطوم على الفوضى
بقدرة ربنا السامع
وحلم نبينا الشافع
وقبضة كفنا البضة
داهية تشيل وتسعاكم
وتلحسوا انتو كيعانكم
وتحت الجزمة تتمدى
حرامية ولصوص سارقين
ورباطين ونشالين
مرافعين خايفة مرتعدة
فصلتو جنوبنا أرض الخير
بيهو حياتنا كانت غير
عظيمة كريمة معتدّة
وفي دارفور كتلتوا الناس
ميت فيكم الاحساس
جشعكم أصلو ما بهدَى
حتى النيل صبح عريان
وماتت دومة امدرمان
وكل الكان جميل عدّا
راحة البال وطيبة الفال
بقت في لحظة بيكم حال
نفس مقفولة منسدّه
وأي فرح بسيط هاجر
وضاع سودانا في غمضة
حق أطفالنا ما بروح ساي
كل وليد ح يتسدا
شقى الحرمان
وقهر حياتو في السودان
وقصرالظلم بتهدّا
بلد نبداهو من أول
جديد وفريد ولو طوّل
طريق الخير إذا انسدّ
بنفتح ليو مساماتنا
ونعبر بيو محطاتنا
عليهو نقيف ونستهدىَ
ونفتح صفحة وردية
طريق نمشيه حرية
بدل قصر الظلام نبني
للإشراقة قطية
فيها حياتنا بيو رغدة
ده في جوانا هو السودان
بلد نحميه من أحزان
وينهض تاني في غمضة
ومن سرطان ومن كيزان
وكل عمايل الأخوان
عشان نرضيه لو يرضى.

[طافش افندي]

#1050951 [اوكانبو]
0.00/5 (0 صوت)

07-03-2014 05:34 PM
الصوارمي رجل كاذب ومطبل ومنافق هووعبد الرجيم احمدحسين مكنونا صيف حاسم وانهاء التمرد وتصاريح كلها كاذبه مثل ضرب مصنع اليرموك قال الوالي انه حريق لاغير الكذب عيني عينك جماعة الكيزان هسع لان في الخريف ولسع الجماعه مازلو في حالهم الله يعينك ياشعب

[اوكانبو]

#1050735 [فرح ود تكتوك]
0.00/5 (0 صوت)

07-03-2014 12:42 PM
العقيد الصوارمى الناطق الرسمى
القوات المسلحة لأى دولة تتباهى إذا صدت لقوات اجنبية دخيلة ، وتتباهى معها الشعب . أما حكاية المتمردين ، فهى مثل المرض بلاء ربانى ليمتحن به الشعب السودانى وقواته المسلحة ، ومرض التمرد لا يعالج بالقوة فقط ، إنما بالحكمة والقوة . على الجيش أن يسأل عن أسباب التمرد ، مش يكون خاتم فى أيدى تنطيم ارهابى ، يسخره فى حروب عبثية ، مقابل تسهيلات مادية ، ليتفرغ قادة التنظيم للسرقة والفساد .
لا غالب فى العراك بين الجيش والمتمردين ، أما المغلوب والخاسر الأكبر هو الشعب السودانى الذى يدفع تكلفة عراكهم من دمه . على الجيش أن ينتبه قبل أن يكونوا تحت رحمة الجانجويد، بالإضافة لرحمة الكيزان . هل هم حموا دارفور ، ليأتوا الى الخرطوم ويحموها ؟ . التمرد عمره ناهز عشرة سنوات ، هل الجيش كان عاجزآ للتخلص منه كل هذه الفترة ؟ ، لا يصدق إلا الشخص الغبى والساذج تصريحات قادة الجيش بأنهم سيتخلصون من التمرد خلال هذا الصيف ، هل هم يظنوا أن كل الناس لا يتفكرون ولا يتبصرون ؟ .
احذر عدوك مرة ، واحذر صديقك ألف مرة . قوات الدعم السريع ، لم يهضمها الشعب السودانى ، لماذا يا الصوارمى ؟ ، لماذا يريد جهاز الأمن فرض حب قوات الدعم السريع على الناس بالتهديد والارهاب ؟ .
أيام الديمقراطية كان يحق للجيش أن يرفع مذكرة لرأس الدولة ، خلال 25 سنة لم نسمع عن مذكرة رفعت من الجيش ، هل هم مية المية ، وكل شىء تمام التمام ؟ ، هل كان ودابراهيم كاذبآ فى زعمه ضد قادة الجيش ؟ .

[فرح ود تكتوك]

#1050728 [مدحت عروة]
0.00/5 (0 صوت)

07-03-2014 12:32 PM
25 سنة والحرب لم تتوقف يوما واحدا حتى بعد اتفاقية نيفاشا دارفور كانت مولعة وبعد انفصال الجنوب ولعت معاها جنوب كردفان والنيل الازرق!!!!
الا تظن يا صوارمى ان هناك خللا ما فى تفكير ومنهج وادارة الانقاذ للسودان؟؟؟
ولا يكون الخلل فى باقى اهل السودان المعارضين لنهج الانقاذ او الحركة الاسلاموية؟؟؟
ولا يمكن يكون الخلل فى باقى العالم الما انخرط فى مشروع الانقاذ؟؟؟
ولا نديكم كمان 25 سنة تانى عشان تحلوا مشكلة التمرد عسكريا؟؟؟

[مدحت عروة]

#1050606 [jas]
0.00/5 (0 صوت)

07-03-2014 10:41 AM
حتطلع ملبسك ولا شنو الجيش سوا كل حاجة وانت نايم في البيت حتي القيادة ممنوع من الدخول حتعمل شنو يعين اعنف من الفات كدة نشوف مدام حيين

[jas]

#1050463 [الساكت]
0.00/5 (0 صوت)

07-03-2014 04:09 AM
انت بتغش نفسك يا صوارمي ؟ ومال الطيارة الوقعت دي كان في الأحلام ؟

[الساكت]

#1050433 [من تل ابيب]
0.00/5 (0 صوت)

07-03-2014 02:27 AM
صحاف حلمك حلم الجوعان

[من تل ابيب]

#1050380 [sudani]
1.00/5 (1 صوت)

07-03-2014 12:29 AM
talk is cheap .better keep the remaining of your air force .cause soon it's going to be man to man .combat .
last week one of your gun ship helicoopter was down .the others will follow.
long live the stuggle of people .

[sudani]

#1050351 [فانطاو]
3.00/5 (3 صوت)

07-02-2014 11:32 PM
يعني سوف تستخدمه أسلحة نووية ولأ كيماوية ولأ شنوووووووو أجروا لاهاي لتنجو بجلودكم أخبار الطائرة صحيح ولأ كذب يا ناكر رسمي باسم القوات المشلعة؟

[فانطاو]

ردود على فانطاو
[حسن - الخليج] 07-03-2014 10:30 AM
بانطالو يا فاشل يا من اتي من دولة الفشل لسه متعلق باسيادك في الشمال نحن اتفكينا منكم انت بتحب ترجع تاني للمكان المزلول فيهو ليه انت مالك و مال ما يحدث في الشمال خليك في بلدك المنهارة و رجعتو لينا لاجئين بدل مواطنين


#1050336 [محي الدين الفكي]
5.00/5 (1 صوت)

07-02-2014 11:08 PM
يااخي انت تقاتل إخوتك في الوطن و تستخدم أموالهم غي شراء السلاح ، ليس من مهام الجيش مقاتلة مواطنيه هذه مهمه قذره ارجو ان تعمل جاهدا في مساعدة هؤلاء المواطنين في إيجاد حل لمشكلتهم الدستوريه و نيل حريتهم . ان مهمة الجيش حماية الدستور وليس النظام . ان شرف الجنديه هي حماية حرية شعبهم وهؤلاء المواطنين يريدون حريتهم التي سلبها النظام الغير دستوري منهم . اقل شيء يعمل ان تهاجموا هولاء المواطنين الا دفاعاً عن النفس ويمكن لكل وحده ان تحاول إيجاد اتفاق يفضي الى وقف إطلاق النار وهذا ممكن في ايطار حماية الجيش والمواطنين.

[محي الدين الفكي]

#1050322 [مصطفى شفا]
5.00/5 (1 صوت)

07-02-2014 10:43 PM
كضضضضضضضضضضضضاب

[مصطفى شفا]

#1050287 [ودالنيل تمساح]
0.00/5 (0 صوت)

07-02-2014 09:21 PM
الصوارمى ماشفنا منك غير التصريحات الكتيره
لمتين انت حتعمل حاجه ههههههه

[ودالنيل تمساح]

#1050256 [عجلاتي]
3.00/5 (3 صوت)

07-02-2014 08:01 PM
والله يا الصوارمي الناكر الرسمي
أخاف عليك من مصير الصحاف بتاع العراق
بقى يلقلق و يلقلق اليوم كله
لمن لقاهو جوا الجك..زط

[عجلاتي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة