الأخبار
أخبار إقليمية
أزمة المياه تمتد إلى الحلفايا والنساء يهددن بإغلاق الشارع الرئيس
أزمة المياه تمتد إلى الحلفايا والنساء يهددن بإغلاق الشارع الرئيس



07-05-2014 05:05 PM

شكا مواطنو الحلفايا من تكرار مشكلة قطوعات المياة بصورة يومية ومزعجة خاصة في الحي الأول مربع (3) لخمسة أيام على التوالي. وأكد عدد من المواطنين لـ معاناتهم من القطوعات المستمرة، لافتين إلى ارتفاع درجات الحرارة هذه الأيام ومطالبين الجهات المسؤولة بمعالجة المشكلة ومراعاة فصل الصيف ورمضان.

وفي السياق أبدت عدد من النساء سخطهن وتضجرهن من تكرار انقطاع المياه، وشوهدت عدد من السيدات يتجولن بحثاً عن الماء، وطالبت (مي هاشم) هيئة مياه ولاية الخرطوم بتوفير المياه. وهددت نساء بإغلاق الطريق الرئيس للمواصلات، احتجاجاً على شح وانقطاع المياه في المربع والحي والمنطقة.

اليوم التالي


تعليقات 4 | إهداء 0 | زيارات 2874

التعليقات
#1052010 [زوا والله بيعرف كوولو شى]
4.00/5 (3 صوت)

07-05-2014 07:19 PM
وهن النسوان بيهددن ليه؟ !! مالن ما نسوان!! ما يطلعن طوالى !! ما بنات ابوهن؟ .ولآ خافن من ود بلال ولا شنو يعنى المعنى!! هو ودبلال ما بخجل يتحدى النسوان؟ ما يسأل ود الخدر مالو ما جاب المويه. الناس ما تستحمّ ولآ كيف الشوره؟ والله اياهو كمان الفضل!! مويه مقطوعه ويحمو الناس يمرقو يفشّو غبينتن!!!
* و يا ود الخدر ,, انت والمعاك .. كان ود عز الدين ولآ غيرو ,, تحسبو لعب!! مليشياتكن ودفاعكم الشعبى وبنيان نافع المرصوص (هو نافع زاتو وينو) زكان حميرتى ..اقوى من حقوت صدام؟ بكره بيبين كلو شى عند المخاده!! ياما تندمو ندامة ملك ملوك افريقيا ونحن حالكم بنشيفو!!

[زوا والله بيعرف كوولو شى]

#1051996 [قرضمة]
4.00/5 (3 صوت)

07-05-2014 06:48 PM
نساء ؟؟!!

هووووووي يا رجال الحلفايا والله الكلام دا عيب في حقكم عهدناكم رجال هسي النسوان دايرات يلبسوكم الطرح .. الكلام دا اياك اعني و اسمعي يا جارة امرقوا انتو اقطعوا الشارع و وروهم انكم اسياد بلد

[قرضمة]

#1051986 [بت البلد]
3.50/5 (5 صوت)

07-05-2014 06:36 PM
ترقد مدينة الحلفايا على ضفاف النيل... وتشكو نساءها انقطاع المياه في رمضان لمدة خمسة أيام ,فماذا أنت قائل أيها البشير؟؟؟ يا من جئت لانقاذ شعب السودان... وماذا ستقول للمولى عز وجل يوم تقف بين يديه؟؟؟!!! اتق الله يا رجل في رعيتك: يا من جعلت نفسك اماما علينا وتذكر الحديث الشريف الامام راع ومسئول عن رعيته...

[بت البلد]

#1051970 [babo]
3.00/5 (2 صوت)

07-05-2014 06:01 PM
وين هيئة مياه الخرطوم عايزين رد وتعليل عن انقطاع المياه في معظم أنحاء العاصمة الا كافوري عايزين موية بدون تصفية عكرانة ذي ما جارية في النيل عشان ما يتحججوا بالكلور والتعقيم وشح الدولار ...

[babo]

ردود على babo
Sudan [ابوفيصل] 07-05-2014 11:10 PM
لكل الذين مروا من هنا ....

المسؤول الأول و الأخير نائب دائرتنا الذي وعد وكرر الوعود كثيراً بالنسبة لتحسين خدمات الحلفايا ..
ولكن للاسف الشديد إنتخبنا الرجل الغير مناسب لخدمة أهل الحلفايا الكرام وهو نائب دائرتنا الذي وعد ولم يوفي بوعده .. يا أهل الحلفايا إختاروا من الأن فصاعداً الرجل المناسب في المكان المناسب لان حلفاية الملوك تستحق أن يكون خلفها رجال صادقين ومخلصين لرفعة منطقة الحلفايا .................



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة