الأخبار
أخبار إقليمية
الجيش يصدر بياناً حول السوداني المقبوض عليه بمطار القاهرة وهو يحمل ألاف الدولارات
الجيش يصدر بياناً حول السوداني المقبوض عليه بمطار القاهرة وهو يحمل ألاف الدولارات
الجيش يصدر بياناً حول السوداني المقبوض عليه بمطار القاهرة وهو يحمل ألاف الدولارات


07-07-2014 10:33 PM
اصدر العقيد الصوارمي خالد سعد الناطق الرسمي باسم القوات المسلحة اليوم بياناً توضيحيا حول ملابسات ما تناولته بعض أجهزة الإعلام عن أن سلطات مطار القاهرة ألقت القبض على ملحق إداري بمكتب الملحق العسكري بسفارة السودان في مصر .
وفيما يلي نص التوضيح :

"إن أحد موظفي ملحقيتنا العسكرية تم تكليفه رسمياً وبمستندات رسمية بإيصال مبلغ 175 ألف دولار للملحقية العسكرية السودانية بالقاهرة وبالفعل قام هذا الموظف بحمل هذا المبلغ وعندما صعد إلي الطائرة سلمه لإحدى المضيفات باعتباره أمانة سوف يستلمها منها بعد وصول الطائرة لمطار القاهرة .
وقد كان ذلك حيث أستلم الموظف أمانته وغادر الطائرة فأعترضه أحد أفراد أمن المطار ليقول له أنت تحمل معك مبلغاً من المال وأقتاده إلي مكتب الشرطة بالمطار فأبرز لهم الموظف مستنداته وبين لهم الوجهة المعنية بهذا المبلغ المخصص لها من قبل الحكومة السودانية كاستحقاقات ورواتب وعمل .
سلطات المطار المصرية اتصلت بوزارة خارجيتها والتي أفادتها بأنها لا علم لها بهذا المبلغ وأن تتعامل وفق اللوائح .
تدخل الملحق العسكري السوداني في مصر واستعان بإخوتنا في الاستخبارات العسكرية المصرية الذين قدموا له كل العون والمساعدة المطلوبة حيث تم الاتفاق على إرجاع المبلغ المالي للسودان ـ وهو الآن بين أيدينا ـ ليتم إرجاعه لمصر وفق الأسلوب الافتراضي وبإخطار رسمي .
أما الكيس الذي كانت فيه النقود فهو ليس كيس قمامة بل هو الكيس العادي الذي أعتاد السودانيون أن يحملوا فيه أغراضهم وليس هنالك أي محاولة لتهريب المبلغ المذكور بدليل أن موظف الملحقية كان قد سلمه في الطائرة للمضيفة وأستلمه منها حين مغادرته الطائرة ".


تعليقات 234 | إهداء 0 | زيارات 49727

صفحة 1 من 41234>
التعليقات
#1055018 [الرمدان كر]
0.00/5 (0 صوت)

07-10-2014 04:20 AM
متي نعرف معني الدبلوماسية

خجلتوتنا و شرطوا عينا

[الرمدان كر]

#1054923 [منو العوض]
0.00/5 (0 صوت)

07-09-2014 11:44 PM
المشير والصوارمي كلام واحد دي هي اساليب هذه الحكومه خلال 25عاما لذلك اودت السودان الي الهاويه!!!!!!!!!!

[منو العوض]

#1054844 [سودانى ساكت]
4.00/5 (1 صوت)

07-09-2014 08:19 PM
على كرتى:يهمس شخص فى اذنه لدقائق بكلمات فهم كل الحضور الحرامية ان الامر جلل.اشار كرتى للصوارمى..
الصوارمى:قام من مكانه حافيا صوب مكان كبير الحرامية..نعم السيد الوزير..همس كرتى فى اذن الصوارمى والحرامية يتابعون الموقف عن كثب ليخرج صوت الصوارمى دون ارادته قائلا المجال دا ما حقى وهو يرمق د.احمد بلال طلبا للانقاذ.
على كرتى:اسمع يا الصوارمى كل الناس القعده هنا عارفين بتأكل عيشك بالكذب وما قاعد تبذل اى مجهود غير النفى وحقك ماشى صاح ولا ما صاح..
الصوارمى:يرد ذليلا نعم صاح سعادتك..ليزجره كرتى انت لسع قاعد يلا بلا يخمك وهو ينظر الى عبدالرحيم الذى طاطا راسه ونظر الى الارض.
وكانت هذه الكذبة المبتذلة.

[سودانى ساكت]

#1054828 [ود الدكيم]
0.00/5 (0 صوت)

07-09-2014 07:16 PM
أسليب سوق أم دفسو وسوق ليبيا في المعاملات المالية

[ود الدكيم]

#1054767 [adil mohyeddin]
4.00/5 (1 صوت)

07-09-2014 05:35 PM
المشكلة ليست فى هذا الكيس المقبوض وانما فى(كم عدد الاكياس التى هربت الى دول جوار لايرتقى مستوى الامن فيها الى مستوى مطار القاهرة)؟وهل اسلوب(البُقَجة)هذا مستخدم منذ بداية الانقاذ ؟

[adil mohyeddin]

#1054725 [mohd abuidris]
0.00/5 (0 صوت)

07-09-2014 04:25 PM
لما أكون حميدتي بصدقك يا الصوارمي

[mohd abuidris]

#1054701 [حديد]
0.00/5 (0 صوت)

07-09-2014 03:45 PM
(حيث تم الاتفاق على إرجاع المبلغ المالي للسودان ـ وهو الآن بين أيدينا ـ ليتم إرجاعه لمصر وفق الأسلوب الافتراضي وبإخطار رسمي .)
يعني الفلوس تم ارسال بتلك الطريقة في الكيس وصحبه راكب لعدم معرفة من قاموابذلك بالاسلوب الافتراضي وباخطار رسمي ؟؟؟؟!!!!!!

[حديد]

#1054682 [المهندس سلمان إسماعيل بخيت على]
5.00/5 (3 صوت)

07-09-2014 03:20 PM
قريت كل تعليقات الإخوة المعلقين والمعقبين على التعليقات جميعها ولم أجد رأى واحد يتفق مع ما قاله الصوارمى - حقيقة ما يحدث حاليا فى السودان من تصرفات خايبه أخجل حتى الكيزان فلم يجدوا مدخل يسمح لهم بقول كلمة يدفعون بها عن نظامهم فلزموا الصمت وتركوا كل التعليقات والتعقيبات لكارهى النظام ومع كل ذلك يخرج علينا من فترة لفترة متشدق يقول أن حزب المؤتمر الوطنى هو حزب الغالبية ، فلو كان هذا الكلام صحيح أين هم نصراء المؤتمر الوطنى فلماذا يصمتون عن الدفاع بكلمة فى صالح جماعتهم - الجماعة ما تفعل فعل حتى تملأ السهام جسدها كله ولا تقول كلمة وإلا إنهال عليها الكتاب والمعلقين ضربا بالبراطيش - صمت الجميع وانزوى بعيدا عن منابر الصحافة بما فى ذلك ناس ربيع عبد العاطى وأمين حسن عمر فلم يبق للإنقاذ نصير ولو جماعة الإنقاذ ضمنوا السماح لهم بأن يذهبوا ويتركوا حكم البلاد بعد ان يحملوا كل ما سرقوه دون عقاب أو مساءلة لهربوا ولكن تمسكهم بالحكم هو أن كرسى الحكم يضمن لهم الحماية من السؤال والعقاب
وأنا أقول لكم كلما أطلتم من البقاء فى الحكم كلما كثرت سيئاتكم ومخازيكم ومفاسدكم وكلما تضخم ملف قضاياكم - والبيك بدربو

[المهندس سلمان إسماعيل بخيت على]

ردود على المهندس سلمان إسماعيل بخيت على
[موجوع وطن] 07-09-2014 10:28 PM
يديك العافية... جزيت و أوفيت يا ود سماعين يا هندسة...


#1054588 [Mohammed Ahmed Mustafa]
0.00/5 (0 صوت)

07-09-2014 01:36 PM
Dear Alswarmi, how much is your share!?!?!? Tell me frankly I won't tell anybody

[Mohammed Ahmed Mustafa]

#1054567 [المهندس سلمان إسماعيل بخيت على]
5.00/5 (1 صوت)

07-09-2014 01:10 PM
فى منتصف تسعينيات القرن الماضى كنت مسافر عبر مطار الخرطوم على متن طيران الخليج وكان خط سيرنا الخرطوم الدومة مسقط وفى العودة مسقط المنامة أبوظبى الخرطوم
فى مطار الخرطوم دخل الطائرة 2 موظفين ببنك السودان ومع كل منهما شنطة كبيرة مليئة بفلوس وكل شنطة بها كلبشات أشبه بتلك التى تربط فى يد المجرم ويد الشرطى - طرف الكلبش مربوط بإحكام فى الشنطة والطرف الأخر مربوط فى يد الموظف الذى يضع على صدره مايثبت إسمه ومحل عمله وخصص لهما كرسيين فى مقدمة الدرجة السياحية بحيث تجد الشنطة متسعا لتكون بجواره وكان هذا المنظر ملفت للأنظار ومحل فضول الكثيرين
نرجو من إدارة بنك السودان أن توضح لنا لماذا تم ذاك الإجراء بالصورة التى رأيناها فى تسعينيات القرن الماضى وماهى مسببتاها ولماذا لم تستخدم القوات المسلحة تصدير الأموال عبر البنك المركزى ؟ والى متى يتم تجنيب الأموال وإرسالها فى أكياس زبالة للخارج ؟ وهل السودان بيتحايل على الحصار بمثل هذه الأساليب ؟ سؤال أخير وبرىء - هل هذه هى أموال النفايات التى تجمعونها منا كرها وحيث أنكم تجمعونها بالمليارات ولا تستخدمون أكياس النفايات فى جمع النفايات رأيتم أن تستخدمونها فى تهريب الأموال ؟ وكيف حصلتم على دولارات من الداخل ؟ بينما الطبيعى أن تصدر منتجاتنا السودانية للخارج وتعود على شكل عملة صعبها دولارات يوروهات وأسترلينيات وين ويوان وريال ودينار كويتى وبعد من مصدرها الخارجى كان تتم عملية تحويل الـ 175 ألف دولار لحساب القنصلية العسكرية بمصر ، لكن أن تجمع الأموال بالمليارات بالعملة المحلية من نفايات وغيره من دمغات شهيد وجريح أو تشغل المطبعة الحكومبة ورديات إضافية لطبع مليارات الجنيهات لصالح الجيش أو إحدى المؤسسات المملوكة للجيش والتى تعمل فى التجارة والصناعة والزراعة والتى ضيقت الخناق بل قتلت القطاع الخاص حققت ارباح للجيش بالمليارات من الجنيهات ودخل ناس الجيش سوق العملة وحولوها لدولارات مما تسبب فى رفع قيمة الدولار الى مافوق العشرة ألف جنيه فى طريقه الة العشرين ألف جنيه وفى محطة العشرة ألف جنيه إشترى الصائم كل 2 ليمونه بجنيه ولمان الدولار يقفز الى عشرين ألف جنيه كل سودانى صائم فى رمضان القادم حيدفع جنيه لكل ليمونه والجماعة لا يهمهاشىء فهى تملك مطبعة عملة لو الليمونة بقت بعشرة ألف جنيه ممكن كل يوم يشتروا ألف ليمونه هم خسرانين حاجه ما مطبعة مدوره والبقية إن شاء الله تهلك مايهمهم عشان كده لمان توقفوا عن لم الزبالة بقى عندهم فائض اكياس زبالة عشان يصدروا به العملة الصعبة لأخوانهم خارج السودان
نحن فى المصايب دى ليأتى الشيخ محمد عثمان صالح أمين عام هيئة علماء السودان ويصدر فتوى تحريم الغناء لترسل الدولة وزير الإعلام والثقافة المسترزق المأجور دكتور أحمد بلال ليحضر حلقة برنامج أغانى وأغانى للسر قدور الذى جلس الوزير الهمام بين المغنيتين إنصاف فتحى ونسرين الهندى ودى رسالة بليغة وخطيرة لهيئة علماء السودان من الدولة فتواكم بلوها واشربوا ميتها نحن شعبنا 25 سنة غير الغناء والرفص والطبل والزمر لم نقدم له شىء وشاغلنه بأغانى وأغانى وأفراح وأفراح ونجوم الغد عشان نتفرغ لتصدير الدولارات فى أكياس النفايات وإنتو يا هيئة العلماء لمان نوقف الغناء الشعب دا نلهيه بشنو بلى فيكم وفى فتاويكم - نحن صنعناكم عشان تفتونا فى قروضنا الربوية لتقولوا إسلامية - نحنجبناكم عشان كل تلاته منكم يراجعوا الميزانية الختامية لبنوكنا الربوية لتقولوا تمت وفق الشريعة الإسلامية - نحن جئنا بكم عشان تقولوا لقد ثبت أن يوم كذا هو اول شهر شوال وبس - تمشوا تمدوا كرعيكم للغناء واللهو والطرب الذى نلهى به عامة الشعب - بلى فيكم وفى فتاويكم - فى عالم دين بيركب فوق ليلى علوى أو برادو اخر موديل والنغنغة المننغنغنكم اياها دى لو وقفنا الغناء يا بروف محمد عثمان صالح لازم نشيل منكم كل المخصصات ونحولها خدمات علاجية وتعليمية وغيرها للشعب عشان الشعب يسكت - نحن يابروف أفهمها نحن بنسكت الشعب بالغناء والطبل والزمر عشان مايتظاهر وبنسكت امثالكم بالدولارات عشان تحللوا أى شىء حرام فى حياتنا دى بفتاويكم - عشان كده لمان رسلنا كلبنا المطيع عشان يحضر البرنامج الغنائى دى كانت رسالة واضحه ولعلمكم الزول دا برضو زيكم مأجور لكنه مطيع - رسلناه فهدد الصحافة وخوف الصحفيين - طلبنا منه تهديد كتاب الصحف الأسفيرية وشايفين هددهم وقال ليهم شنو ( أى راجل أو مرة يكتب تانى فتوقفوا جميعهم - وكمان رسلناه عشان يحضر أغانى وأغانى ويرسل ليكم رسالة تحذير - والعاوز يبقى عالم محترم تسمع كلمته يبعد عن مجالسة السلطان وأكل المال الحرام وركوب ليلى علوى والبرادو - ويمشى راجلا بين الناس ويلبس المرقع ويأكل مما يأكل عامة الناس - هسي البيعاين لى جضومكم دى بيقول ديل علماء أم عالمات - بلا يا خدكم إطلتموا - أغانى وأغانى شغاله وبعد رمضان جاييكم نجوم الغد وما خفى أعظم - والما عاجبه يقدم إستقالته عشان نقفل البلف بتاع الخيرات منه فورا

[المهندس سلمان إسماعيل بخيت على]

ردود على المهندس سلمان إسماعيل بخيت على
Saudi Arabia [مجاهد] 07-09-2014 03:40 PM
الزول دة عاوز اهرب بس ما حريف زى ناس ابو الجاز والحرامية الثانين انا بنصحك
ادخل فى قروب من الحرامية اليد الواحدى ما بصفق


#1054369 [طارق الباز]
4.50/5 (3 صوت)

07-09-2014 09:20 AM
وعندما صعد إلي الطائرة سلمه لإحدى المضيفات باعتباره أمانة ؟؟؟ انت قايل نفسك راكب سفريات الهدى, طاقم الطائرة لا يستلم الا الاسلحة وفق الضوابط المعمول بها. بعدين عايز تفهمنا انو المبلغ تقيل لدرجة انك تسلمو للمضيفة. غايتو انا بقترح للصوارمى يعين ليهو زول يزبط ليهو الكضب وخصوصا اذا كان الكضب مربوط بمسائل دبلوماسية, تخيلو دبلوماسى شايل قروش كاش وفى كيس كمان.

[طارق الباز]

ردود على طارق الباز
Saudi Arabia [المهندس سلمان إسماعيل بخيت على] 07-09-2014 03:00 PM
يا طارق أوع تطلع قريب عادل الباز ولو فى محلك أغير إسمى واشيل النقطة أخليه ( طارق البار ) فأنت دون شك برا بوالديك


#1054360 [Mhmd Nour]
3.00/5 (2 صوت)

07-09-2014 08:51 AM
لماذا لم يوضع المبلغ فى حقيبة دبلوماسية وفقا للاعراف الدولية باعتباره من ممتلكات واغراض السفارة والحقيبة الدبلوماسية غير قابلة للتفتيش بحكم تمتعها بالحصانة الدبلوماسية المتعارف عليها دوليا والمنصوص عليها فىالقانون الدولى , لماذا هذه العشوائية ؟؟ ولماذا لم يحول المبلغ الى حساب السفارة فى القاهرة بصورة رسمية ؟؟ ولماذا يحمل فى كيس ؟؟ حمل الدولارات فى كيس تعرض المبلغ للخطر والحمد لله ربنا ستر من تعرضه للسرقة .

[Mhmd Nour]

#1054342 [halfaa]
5.00/5 (2 صوت)

07-09-2014 06:50 AM
الفلوس فعلا كانت مهربة والتحليل الوحيد ان الفلوس دي كانت ماشة لاسر المعتقلين بتوع الاخوان المسلمين لشهر رمضان وبلا شك ما راح تمشى بالطريقة الرسمية ولا يكون لها علاقة بالسفارة لامن من قريب ولامن بعيد ... شغل استخبارات فقط ... بس المستغرب منو كيف تسلم فلوسك لمضيفة الا يكون هناك فعلا شبهه جنائية واحتمال كان الاتفاق مع المضيفة تطلع الفلوس خارج المطار وتقبض حقها اي عمولتها ولما انكشفت تحمل الراجل المصيبة المهم بكرة الخبر بالمجان اليوم لو بالفلوس تحياتي

[halfaa]

ردود على halfaa
Saudi Arabia [غايتو] 07-09-2014 06:00 PM
هل يعقل بنا استغفال المصريين وشايل كبس اموال وإسلمها المضيفة - وإستلمها من المضيفة يعنى غاية الامانة والثقة ,
غايتو منتهى الغباء ألعبوا غيرها .
تخيل ولا يهمهم شىء . أحسن كان يسكتوا كالعادة عند كل فشل .


#1054335 [أسامــة]
0.00/5 (0 صوت)

07-09-2014 06:16 AM
في كيس القمامة أو في صندوق من ذهب تصرف مخالف للقوانين الدولية بشأن تحويل الأموال . أي بصراحة كدة دي تعتبر تجارة تهريب الأموال . يا المصرمح جيت تكحلها عميتها الله يعميك ويعمي الرقاص السفاح الهارب وكل أفراد عصابته ، نعلة الله عيلم يا جزم .

[أسامــة]

#1054312 [ســـــــــــــــــــــرحـــــــــــان]
5.00/5 (3 صوت)

07-09-2014 03:58 AM
1) أول مره نسمع المضيفات بيستلمو أمانات من الركاب خصوصا الأموال , المعروف أن الكابتن فقط بيستلم الأشياء الخطره مثل السلاح مثلا فى الحالات المصرح بها , و بيسلمها للسلطات فى الطرف الاخر و تقوم هى بدورها بتسليمها للراكب وفق إجراءات رسميه !

*أماأن يتعذر هؤلاء بحجة تسليم المبلغ للمضيفه فهذا حشو و كلام فارغ لزوم ذر الرماد على العيون , و هى حجه واهيه لا تغير شىء فى القضيه !

2) قال الصوارمى : "ليتم إرجاعه لمصر وفق الأسلوب الافتراضي وبإخطار رسمي " ها ها ها هـــــــــــــــــىَ!

*يعنى الجماعه بيدلعو الإجراءات الرسميه المتعارف عليها فى كل العالم و بيسموها إسلوب إفتراضى !

دى إسمها عريان من "تحت" ولا بس ليه صديرى ! شفتو دغمسه و جغمسه و مجمجه أكتر من كده !دستور يا أسيادنا !

[ســـــــــــــــــــــرحـــــــــــان]

#1054296 [كيفما كنتم يولي عليكم!!!]
5.00/5 (3 صوت)

07-09-2014 02:42 AM
والله ماعندك حق تصرح!!ولي منو!!!نحنه مافارقه معانه ولا من هش ولا منش!!! ومافي داعي تضيع حسناتك في رمضان!!!القاعد يحاسب منو!!الا تكونوا خايفين من بشة يعرف انكم شغالين من وراهو!!! كده معزور!!لكن الشعب الفضيل اي نحن فلم نعد نصدق انفسنا!!!من كترة الكذب من حولنا!!! وياصديقي كلنا لصوص!!ذي ماقالت عرابتكم!!! فالموظف المهرب لص!!! وبتاع الجمارك المصهين والقابض لص!!ومدير البنك المسمسر في القرض لص!!! وبتاع الضرائب المخفض والماكل منها او من حافزها لص!!وبتاع المرور الابت في الازقة لنسبته في المخالفات لص!!والطبيب الساكت علي التدهور في الصحة من اجل عيادته والخاص لص!!والتاجر المزاود في الاسعار في رمضان وشوال وشعبان لص!!!وبتاع الخضار البينفش الخضار ليزيد سعره لص!!! والبيصدر اناث البهائم ليدمر الثروة لص!!!والبيسمسر في عتاد القوات المسلحة لص!!!وبتاع النفايات دون نظافة لاوسخ المدن لص!!!وبتاع الاسمنت والمغلق البيبيع ليك الصيني المضروب لص!!وبتاع اللبن البيخت البنسلين في اللبن لص!!!!وبتاعين الاحزاب البقبضوا بالليل الشنط وبيشتموا تعميه لصوص!!! ونحن الصامتين علي ضياع الوطن في ايدي اللصوص !خزفا او رهبا!لصوص!!فالساكت عن الحق شيطان اخرس!!! والقائمة طويلة!!!!!!!!!!!!!1 اتري اننا في دولة اللصوص!!وانتم تشبهوننا!!! فعلا!1ولكننا ننكر الحقائق وانما كيفما كنتم يولي عليكم!!!ومن منا انتهر اخيه او ابن عمه او ترك مادبة جاره او صديقه الفاسد تعففا!!! ومن منا نظر باشمئزاز!!لجاره المتطاول في البنيان وهو موظف صغير او مدير لبنك لايسوي شئ!!! اننا مثل قوم قارون نظنكم زوي حظ عظيم!!ونتمني ان لنا مثل ما اوتيتم!!سرا ونلعنكم علانية!!! حتي يخسف الله بكم !!ونتمني الا يخسف ايضا بدياركم فتشملنا اللعنة ونحن ناظرين!!!!

[كيفما كنتم يولي عليكم!!!]

ردود على كيفما كنتم يولي عليكم!!!
[سعيد لورد] 07-09-2014 12:06 PM
كيفما تكونوا يولى عليكم ( حديث ضعيف )

وصور التاريخ تحدثنا عن تولى الرئاسة حكام أشرار بعد حكام عادلين أو العكس و الشعوب هي نفس الشعوب.

لكن دائماً الحكام الأشرار يسوغون لفسادهم بأنها نتاج لفساد الشعب.

فالشعب السوداني لم يكن أسوأ حالاً بالمقارنة مع غيره من الشعوب و مع ذلك بلينا بأفسد نظام مر على البلاد والعباد ( حكومة الأنجاس ).
فإن الفساد الذي استشرى في ربوع الوطن في عهد هذه الطغمة الظالمةيثبت عكس قولك كيفما كنتم يولى عليكم.
لأن العكس هو الصحيح إذا حظيت البلاد بحاكم عادل قام بنشر العدالة في بلاده وبالتالي سادت القيم الرفيعة وعاش الشعب في أمن و أمان.
و إذا منيت البلاد بحاكم فاسد سيؤدي حتما بالبلاد إلى مهاوى الفساد السحيقة.

Sudan [adil mohyeddin] 07-09-2014 05:12 AM
كفيت ووفيت لا فض فوك!


#1054283 [مفجوع]
5.00/5 (1 صوت)

07-09-2014 02:11 AM
بالله شوف المهانة...تهينو الدولاارات بأكياس الزبالة .. يا أخي أسيادكم الأمريكان لو عرفوها شيلو شيلتكم ..الصرماطي مزنزق فقد المنطق ...

[مفجوع]

#1054273 [DOG]
1.00/5 (1 صوت)

07-09-2014 01:36 AM
ما جيلاني
بس كيس عادي
يحمله كل سوداني

ما جيلاني
انا ماشي الجيش ابقي جياشي
كي احمل كيس افتراضي
يحوي دولاري ما سوداني
بل هو افتراضي
يحمله كل دبلوماسي
مشو كل سوداني

ما جيلاني
بس واحد سوداني
حظو يلقي قمامة جيلاني
يحوي سوداني لو في الاماني
لو تتذكروا الكيس الجيلاني
هو كيس عادي يحمله كل سوداني
ما الجيش السوداني الكيزاني

[DOG]

#1054269 [هيثم بشرى]
0.00/5 (0 صوت)

07-09-2014 01:17 AM
بيان هزيل فيه إستخفاف بعقول الناس راعي غنم ما بيعمل كده خليهو من موظف دوله وسفاره كمان

[هيثم بشرى]

#1054267 [مؤتمر وطني قال]
4.75/5 (3 صوت)

07-09-2014 01:12 AM
سؤال للصوارطي ،،،، هل إنت صائم ،،، غايتو الصائم عندنا لا يكذب إنتو عندكم كيف ؟؟؟؟
الإجابة لنفسك و بس

[مؤتمر وطني قال]

#1054257 [ود الفاضل]
5.00/5 (2 صوت)

07-09-2014 12:30 AM
ياجماعة والله نحن نشارك فقط من الغلب والوجعة وكلما حاولنا السكوت ما قدرنا ، ولكن مجرد ان يكون الصوارمي دا ناطق رسمي باسم مؤسسة القوات المسلحة هو دليل على ضياع البلد ... وبعدين ياجماعة كدا لاحظو معي الاسماء الاتية كرتي - صوارمي - كر منو - الجاز - غندور ، الاسماء دي بالذات عايزه ليها باحث اجتماعي كبير يورينا بالتقريب تاريخ وصولها لارض الوطن ، لانه ياجماعة فى مثل فى السودان قديم بقول توبن ماتوبك جرو بالشوك ...... والجماعة ديل جروا البلد كله على بطنه فى الطين والوحل والشوك .. فاحسن بدل الكلام الكتير التفكير فى الخلاص من هذا المرض .. الصوارمي يحاول تبرير تصرف الموظف الرسلوه لمصر يودي مرتبات الملحقية العسكرية فى كيس زبالة ولكن للاسف بيانه ادى لفضيحة مدوية اكبر من فضيحة تهريب اموال الشعب السوداني المغلوب على امره ... البنوك السودانية ليها حسابات مع بنوك مصر منذ زمان الملك فاروق ، فهل عجز بنك السودان ان يقوم بتحويل المبلغ فى حساب سفارة السجم والرماد فى القاهرة حتى عن طريق بنوك بوركينا فاسو .. والسؤال المحير كيف موظف سفارة يسلم مضيفة فى طائرة تجارية مبلغ ثم يستلمه منها بعد نهاية الرحلة ، الا اذا كان هذا الكيس مليان بطيخ وشمام وقرع لانه فى هذه الحالة يصعب وضعه فى رفوف العفش المصاحب للراكب!!! الموضوع فى جملته ان هؤلاء الناس الله سبحانه وتعالى امهلهم طويلا ثم بدأت مرحلة رفع الستر عنهم ولذلك اصبحت فضائهم تتابع . ودا كله من حق الناس !!! وعلى اي حال يجب على الصوارمي ان يطلب من قناة النيل الازرق استضافة الخبير الوطني عبدالعاطي حتى يبرر كيس الزبالة السافر الى مصر منفوخ بالدولارات !!!!! وغنوا معي امضفاير قودي الرسن واهتفي فاليحى الوطن .. لانه البلد اظنها فى حاجة لوثبة امضفاير الرجال ماتو !!!!

[ود الفاضل]

#1054251 [ود العمدة]
0.00/5 (0 صوت)

07-09-2014 12:07 AM
بيان مهزوم

[ود العمدة]

#1054250 [عبدالعزيز عبدالباسط]
4.50/5 (2 صوت)

07-08-2014 11:56 PM
السيد الصوارمى انتم تديرون اهم مؤسسة فى البلاد بعقلية التاجر البليد ... نحن فى عصر الابداع و نستطيع ان نحول اى مبلغ من المال لاى جهة فى العالم خلال خمسة ثوانى فقط ويطريقة امنة .. لقد حول لى صديق من كندا مبلغ عشرة الاف دولار تسلمتها بعد مكالمته الهاتفية بخمسة دقائق .. سيدى الصوارمى انتم لا تصلحون لادارة مدرسة .. سيدى الصوارمى انت تكذب على الشعب.. انت لا تصلح ..

[عبدالعزيز عبدالباسط]

ردود على عبدالعزيز عبدالباسط
Sudan [كان تسالو المتعافي بيحول كيف!!!!!,وله ابوالجاز!!] 07-09-2014 01:31 AM
كان سالوا اي واحد من جماعتم تجار الدولار كان حول ليهم المبلغ!!!بعدين السفارة الفي العمارة برسلوللايها الفالوس بالحمارة!!!!


#1054244 [من البداوة إلى الحضور]
4.50/5 (2 صوت)

07-08-2014 11:25 PM
كُلّ سفارة بها ملحق أمني ... وملحق عسكري ... وملحق شرطي ... وملحق إعلامي ... وملحق ثقافي ... وملحق شبابي ... وملحق طُلّابي ... إلى آخر الملحقيّات الفهلوانيّات البهلوانيّات ... التي شرعنها وابتعثها الأستاذ علي عثمان ... لتهريب دولارات أجيال السودان ... ؟؟؟

[من البداوة إلى الحضور]

#1054243 [kokab]
5.00/5 (1 صوت)

07-08-2014 11:25 PM
اكياسنا قمامات وبيوتنا بيوت الزبالة ،هل يجوز الصلاة داخل بيوت الزبالة ننتظر فتاوي فقهاء ،المثنى والثلاث والرباع ،وهل يجوز حمل المال العام المنهوب في اكياس القمامة ؟؟؟؟؟

[kokab]

#1054236 [cour]
4.00/5 (1 صوت)

07-08-2014 11:07 PM
من المعروف بان الشعب المصرى قام بثورتين من اجل دولة المؤسسات فعلية نستبعد توسط الاستخبارات المصرية لسلطاط الجمارك .ومن المعلوم ان المهرب كان لايعلم بمقدار الثروة التى يحملهابدليل ذكرة 100000 دولار انما الحقيقة 175000 دولار .وبداخل كيس قمامة وهذا الكيس على مستوى العالم بما فيها السودان معروف بلونة وحجمة .فعلية هناك كيس اخر مفقود اقل حجما من الاول تحمل فيها الخضار بالسودان.على ايتها حال من رابع المستحيلات ان تعيد الجمارك المصرية هذة الثروة بسهولة . والا مرسى يعود للحكم.وبعدين المضيفة دى كيف لها بان تستلم كيس اسود والى داخل قمرة القيادة ربما قنبلة. المفروض يجب فصلها من العمل وانذار الكابتن الوهم وسجن وزير الدفاع وقطع لسانك انت يا بن سعد.قتلى حاجة بسيطة شوية مرتبات لحفنة جنجويد مرطب بالقاهرة بربك قلى مهام المكتب العسكرى بمصر . لك اللة يا وطن كنت عزيزا محترما

[cour]

#1054228 [السماك]
5.00/5 (1 صوت)

07-08-2014 10:43 PM
يعني أن اوزارة الخارجية (لاحظ الخارجية) السودانية ووزارة الدفاع لا يعلمون الطرق الرسمية لتصدير النقد الأجنبي إلى دولة أخرى ؟؟ كيف كان يتم في الماضي تصدير الرواتب بالنقد الأجنبي قبل هذه الحالة لموظفيهم بالملحقية المصرية وغيرها من الملحقيات ؟؟ هل هذه أول مرة ؟؟ أم المسألة محاولة فقط لإخراج تهريب المبلغ لغرض ما خماية لموظفهم .. وأصول أجهزة الدولة صارت وكالات للشخصيات (الهامة) الكارثية التي تسرق وتدمر السودان ..

[السماك]

#1054226 [faris]
5.00/5 (1 صوت)

07-08-2014 10:38 PM
ليتم إرجاعه لمصر وفق الأسلوب الافتراضي وبإخطار رسمي .


ولما لم تتبعون الاسلوب الافتراضي الرسمي من البداية بدل البهدلة والفضائح دي . هل تجهلون القوانين والأجراء المتبع في مثل هذه الحالات ام مفتكرنها فوضى مثل ما تفعلون في السودان

[faris]

#1054223 [الجنقوري]
4.50/5 (3 صوت)

07-08-2014 10:35 PM
ليتك ما نطقت وانطميت فبيانك يعكس حالة التردي والتفاهة والانحطاط والضياع التي اوصلتمونا لها

[الجنقوري]

#1054222 [koko]
4.00/5 (2 صوت)

07-08-2014 10:29 PM
معقولة مرتبات تصل الى مليار وسبعمائة الف جنيه

[koko]

#1054218 [خالد]
4.50/5 (2 صوت)

07-08-2014 10:19 PM
حتى لو صاح سلمو للمضيفة بكون عاوز يوريها انو معاهو دولارات نظام قشرة وكدا
اصلو الكيزان العفن ديل كدا عندهم عقدة مع اللون الابيض ،شوية شوية يشيل رقمها ويتواصل معاهاوانقلب السحر على الساحر هههههههههههههههههههههه او الصوارمي كذااااااب مسيلمة زمانه

[خالد]

ردود على خالد
Sudan [حمارغيروطني!!] 07-09-2014 02:07 AM
شفته كيف!!والمضيفة طلعت اظرف منو واكثر وطنية من الحمير بكسر الراء عشان تمصرها!!!وبلغت عليهو!!!


#1054214 [رانيا]
4.94/5 (6 صوت)

07-08-2014 10:09 PM
أمس تابعت أخبار في قناة مصرية جايبين الجيش نزل أتوبيسات وبقى يخدم المواطنين لأنه أصحاب المركبات بيستغلوا حوجة البسطاء ، حقيقة المشهد كان مؤثر جدا وأنا بشوف أفراد الجيش بيساعدوا السيدات المسنات على النزول من السلم وفكرت قدر إيه بيحاولوا يرضوا شعبهم حتى السيسي قال حيكتفي بنصف راتبه فقط !! وكله من أجل مصر .. بجد كلام ذي ده بيحز في نفسي وبحاول أقارن بين جيشنا وجيشهم ورئيسنا ورئيسهم ما بلقى غير صفر كبير .. والله المستعان .

[رانيا]

ردود على رانيا
Egypt [عبدالعزيز عبدالباسط] 07-09-2014 12:34 AM
الزول زود مرتبو الى ضعفين و شوية فكة قبل ما إتبرع بنصف مرتبه .. و بعد ما إتبرع بنص مرتبه حيخت فى جيبو تسعة الاف زيادة فوق مرتبو القديم قبل الزيادة .. و كلوا بضحك على شعبو ..ههههههههههههه و الجيش مهمتو احمى الحدود ما اسوق بصات ركاب.ههههههههههههههههه


#1054207 [ابوقنابير كتيره]
5.00/5 (7 صوت)

07-08-2014 09:48 PM
دي مسؤلية الخارجية ام مسؤلية القوات المسلحة ؟؟؟

و مرتبات الموظفين الدبلوماسيين ترسل لهم عبر القنوات الرسمية وما أسهل ذلك ، أم بـ (كيس) ، وبواسطة اداري يعني موظف دوله كحيان ؟؟؟
واذا كانت الملحقية العسكرية السودانية بالقاهرة رواتب موظفيها 175 ألف دولار .. سجم البلد ورماد أهلها !!!!!!!
أيها الفاسدون .. تأخذوها من ستات الشاي واولاد الدرداقات وترسلوها دولارات لمجموعة عطالى مرطبة بالقاهرة تسمونهم موظفي الملحقية العسكرية
ووناس الملحقية ديل قدموا شنو للبلد وأهل البلد الجيعانيين ؟؟؟
وأصلاً سفاراتكم دي بتسوي شنو للبلد وللمواطنين و لمغتربيها ؟؟؟

[ابوقنابير كتيره]

#1054203 [ود السنى]
5.00/5 (4 صوت)

07-08-2014 09:25 PM
كلام غير مُقنع يا جنابو , من أوله حتى آخره غير منطقى و فيه الكثير من اللّف ووالدوران ,
و كيف يخرج مبلغ كبير زى دة(إذا صدقناك بإنه مرتبات افراد السفارة) كيف يخرج بسبهللية من النظام المالي للبلد و خارج القنوات الرسمية ليأخذه واحد عنقالى بمفرده فى كيس لخارج البلاد ؟؟

بيانك دة يا جنابو هزيل و ركيك و مستهتر بعقليات الناس و خالى من المصداقية و هو دليل إدانة اكتر من ما يكون براءة ..

و إذا فرضاًً نحن صدقناك فهل ياترى سيصدقك اولاد بُمبة الذين على مايبدو كانو متابعين الكيس منذ دخوله مطار الخرطوم و سفره للقاهرة و حتى القبض على حامله متلبساً بجريمته ..

[ود السنى]

#1054188 [نعمان عمر]
3.50/5 (2 صوت)

07-08-2014 08:38 PM
يا خوانا حميداتي رايو شنو في القروش المرقت دي عندو علم بيها ولا استغفلوه الاهبل .. اها يا حميداتي جاتك جمبك اتر لينا خبر القروش دي شنو ومرقت كيف بلا يكلموك .. عشان تعرف يا حميداتي انك راجل طرطور ساااااااااي الجماعة يهبروا في الدولارات وانت عامل فيها ابعرام في الفاضي .. غايتو كان انا في محلك يا ولدمي الا اقولهم رجعوها في بكانة وكان مارجعوها بقفل البلف طوالي .. اها يا حميداتي ابعضلات ابقى راجل ورجع قروش البلد اكرب الصوارمي بوريك ودوها وين يعني ما دايرا ليها درس عصر ... والله يا حميداتي كان ما رجعتها الوطا في خشمك وتعرف انو الناس ديل ريسوك وتيسوك سااااااى يا صاحبي ..غايتو لو رجعتها بكون بالفعل ماسك البلف الا كان ما رجعت تبقى زول وررررل وما فيك فايده . شد حيلك يا حميداتي ..

[نعمان عمر]

#1054185 [الساكت]
0.00/5 (0 صوت)

07-08-2014 08:32 PM
عوووووووووووووووووك

[الساكت]

#1054176 [adala]
5.00/5 (4 صوت)

07-08-2014 08:06 PM
شيئ مضحك أن يقول بيان القوات المسلحة ان الدليل علي تبرئة الموظف أعطاء المبلغ للمضيفة ثم إسترجاعه منها عند انتهاء الرحلة,,,,,, هل للمضيفة صفة رسمية من الناحية الأمنية والمالية؟؟ هل هي صندوق امانات؟؟ ولم استحدثت السفارة السودانية بالقاهرة وانتهجت أسلوبا غير القنوات الرسمية لارسال الاموال؟؟؟

[adala]

#1054130 [Kalis]
5.00/5 (2 صوت)

07-08-2014 06:18 PM
"سلطات المطار المصرية اتصلت بوزارة خارجيتها والتي أفادتها بأنها لا علم لها بهذا المبلغ وأن تتعامل وفق اللوائح .
تدخل الملحق العسكري السوداني في مصر واستعان بإخوتنا في الاستخبارات العسكرية المصرية الذين قدموا له كل العون والمساعدة المطلوبة حيث تم الاتفاق على إرجاع المبلغ المالي للسودان ـ وهو الآن بين أيدينا ـ ليتم إرجاعه لمصر وفق الأسلوب الافتراضي وبإخطار رسمي" . هذا المقطع يا الصوارمي يدل على عدم اتباع زولكم الهمبول لقوانين سلطات المطار في الدولتين كالعادي هناك انتم اسيادها ولكن في مصر هنالك لوائح وقوانين تتبعها سلطات المطار فاين موقعكم من هذه الوطنية؟ واعترفتم بارجاع المبلغ للسودان فالمرة الجاية ادوني اهربها ليكم باتجاه حلايب والشلاتين انتو ما بتعرفوا تشوتو كويس فحقوا الهمباتي يكون عندوا كذا لاعب في الاحتياط فلما تدونا حبة نكبها ليكم بالبراميل والدنيا رمضان وعقبال العيد خلونا نتعشم فيكم فرجاء اخطرو الشفاتة عشان نخارجها ليكم باي طريقة بدل الجهجهة دي قبل كدا الرئيس البشير قالوا كان عايز يشوت بالغلط ورجعوه السعوديين فكل الكلام دا لزومو شنو كن ما قدرين ليها ماسكنها لشنو ادو الناس القدها يرحمكم الله

[Kalis]

ردود على Kalis
Canada [AL KIRAN] 07-09-2014 02:48 AM
that's .. why Arab in Sudan are fake Arab and so stupid ever in whole world,, to the desert by God action > amen


#1054124 [كرم]
5.00/5 (1 صوت)

07-08-2014 05:59 PM
الصوارمي ده طلع لينا من وين ؟؟ هو شنو ؟ وتاريخه شنو في العمل العسكري والسياسي ؟؟ وعلى أي خلفيه عملوه ناطق رسمي ؟؟

[كرم]

#1054115 [omda]
5.00/5 (3 صوت)

07-08-2014 05:23 PM
كمان قال كيس عادي بستعملو كل السودانيين يعني يامصريين باختصار كده دي طريقة تفكير الشعب السوداني وطلعنا ليكم بيها بيان رسمي.

[omda]

#1054114 [حالم بوطن احلي]
5.00/5 (3 صوت)

07-08-2014 05:22 PM
سؤال بريء: هل كل دولة ليها موظفين في الخارج بترسل ليهم فلوس في أكياس مع أفراد. فرضا الزول هرب بالفلوس! مجرد سؤال.

[حالم بوطن احلي]

ردود على حالم بوطن احلي
Sudan [الراجل] 07-09-2014 03:48 AM
ياfaris الجماعة مسافرين ب طيارة ما راكبين تلفزيون المذيعة دخلها شنو؟ قالوا المضيفة يعنى الجرسونة بتاعة الطيارة صحصح معانا شوية. ده حالتو رمضان فى اولة كل سنة وانت طيب

Canada [AL KIRAN] 07-09-2014 03:35 AM
if .. he run away ! still there is 30,000,000,000,000 U.S. money in Albashir's account > at the same time there is a hundreds of people they sleeping without no "Suhur" in Ramadaan >> and other there no even water in iftar (break fast) > small babies of kids they always crying because there is no milk > or any kind of food even the earth's (Khushash)

Sudan [الراجل] 07-09-2014 03:07 AM
يا faris الجماعة مسافرين ب طيارة ما راكبين تلفزيون المذيعة دخلها شنو؟ قالوا المضيفة مش المذيعة صحصح معانا وده حالتو رمضان فى اولة

[faris] 07-08-2014 10:46 PM
فرض المذيعة نكرت انها ما استلمت أي مبلغ في حد يقدر يلزمها ترد المبلغ


#1054110 [محسن ابوحراز]
5.00/5 (1 صوت)

07-08-2014 05:15 PM
بدل هذة المذلة اتفقوا ليكم مع تاجر أبل سوداني وهم كثر ب أمبابة تدوهو بالجنيه في السودان يديها ليكم دولار بمصر وجماعتكم عارفين الشغل ده كويس وكان ماعارف أسأل اسامة عبدالكريم او السموئل خلف الله او عثمان ميرغني

[محسن ابوحراز]

#1054104 [ابوالحسن الشايقي]
5.00/5 (2 صوت)

07-08-2014 05:11 PM
ماسمعنا بدوله لها تمثيل دبلوماسي مع دوله اخري ترسل مرتبات موظفيها في كيس بلاستيك والمفروض ان السفاره السودانيه لها حساب بنكي في القاهره ويتم تحويل هذه المبالغ مباشرة وهذا هو مادرجت عليه الحكومه طوال سنين ماقبل الانقاذ والحادثه تكشف عن فساد وخلل كبير في اجهزة الدوله وكيف يتمكن المراجع العام مراجعة اموال تدار بهذه الطريقه الحاصل ياعالم البلد بتتعرض لنهب منظم وربما الاموال هذه مهربه لدعم الاخوان المسلمين في مصر وفي كل الاحوال هذه العمليه كشفت واكدت ان دولة الانقاذ دوله فاسده وعلي الشعب ان يعي جيدا ان الاموال التي تنهب من البلاد بكل الطرق يدفع ثمنها الشعب فقرا وجوعا ومرضا واقول للشعب العظيم لا خلاص لكم الا بالخروج للشوارع لان القادم اسوأ.

[ابوالحسن الشايقي]

#1054093 [ودالباشا]
5.00/5 (3 صوت)

07-08-2014 04:52 PM
يا النافى دايماً

موفق الخارجيه المصرية عندما اتصلت بها سلطات المطار مستفرة عن المبلغ وكذالك موقف الاستخبارات العسكرية المصريه التى قدمت االمساعده كما قلت والتى ردت البلغ للسودان حسب الاتفاق ليتم ارجاعه لمصر بالاسلوب الرسمى

بالله فى اهانه اكتر من كده اهانه لكم ولدولتكم وشعبكم الغلبان اوى.. ادوعم بالجزمه بااالجزززمه

[ودالباشا]

ردود على ودالباشا
United Arab Emirates [ردود على رانيا] 07-09-2014 11:03 PM
تشكرى الاخت رانيا على مرورك العطر ورمضان كريم والله المهووسين ديل فقعوا مرارتنا جد وخلوا حياتنا بؤس وشقاء والم هم مكنكشين فى السلطة لحمايتهم والسرقة ودمار البلد ما هاميهم ربنا ياخذهم ما يفضل فيهم نفاخ النار

Saudi Arabia [رانيا] 07-08-2014 10:12 PM
إنت وأنا نشعر بالخجل والكسوف ونتفقع وهم ولا عليهم وكأنه ما حصل أي حاجة وعايشين حياتهم .
تحياتي .


#1054092 [كاك]
4.50/5 (2 صوت)

07-08-2014 04:43 PM
طبعا عند قنابير دولار في كيس عادي الي دولة ثانبة ما في تحويل عن طريق البنك تشجيع تجارة السوق الاسود كل الملحقيات يصرفوا دولارات من السودان ثم التباكي لندرة العملة الصعبة الدولارات اشتريتوها من تجار العملة ولا من البنك اذا كان من البنك ابرزوا المستندات

[كاك]

#1054083 [بكري الصايغ]
5.00/5 (3 صوت)

07-08-2014 04:31 PM
ياصوارمي،
انت مجبور تكذب وتخفي الحقائق عشان "المعايش جبارة"!!، وسبق لك ان كذبت كتييير في تصريحاتك وكنت بتلقي النقد الحاد المر من القراء,

صدقني ياصوارمي: القوات المسلحة فقدت الهيبة والاحترام عسكريآ واخلاقيآ، واكبر دليل علي صدق كلامي، ان وزير الدفاع مطلوب القبض عليه بتهم الابادة وجرائم الحروب، والتهمة اصلآ وبالدرجة الاولي موجهة لكم بالدرجة الاولي.

المؤسسة العسكرية فقدت ثقة الناس فيها بسبب الفساد الذي ضرب كل مرابعها، وتم الكشف جهارآ نهارآ اثناء محاكمة الضباط الذين خططوا لانقلاب نوفمبر 2012، وقالوها بالواضح ان وزير الدفاع فاسد، واستجلب معدات عسكرية قديمة من روسيا واوكرانيا ادت لمصرع ضباط وجنود اثناء استخدامها!!..وبدلآ من تعديل المسار الخاطئ رحت انت وتدافع بشدة عن المؤسسة سيئة السمعة والصيت!!..وسكت الباقون من جنرالات كبار وضباط وجنود صمتآ غريبآ عن الحال المزري للغاية عندكم!!

الشعب السوداني ياصوارمي (وانت تعرف هذه الحقيقة)، هو الشعب الوحيد في العالم الذي يسخر بشدة من جيشه!!، ولايوجد اي شعب اخر في الدنيا و"ينكت" علي ضباطه وجنوده، ويرسم "الكاريكاتيرات" الساخرة علانية بالمواقع السودانية، ويعلق تعليقات محبطة علي اداء الضباط والجنود مثلنا!!.. نحن الشعب الوحيد الذي ينفرد بهذه الخصال...و"الله يجازي الكان السبب".

مشكلتك ياصوارمي، انك تدلي دومآ بتصريحات غريبة متناقضة، ناسيآ او تتعمد التغابي، ان الذين الذين تخاطبهم عبر الصحف وباقي اجهزة الاعلام فيهم نسبة عالية من العلماء والمثقفين واساتذة الجامعات، بجانب الملايين من المتعلمين واصحاب الشهادات العلمية والادبية ، ورحت وبكل برود وتخاطبهم وكانك تخاطب جنودك الذين ماعندهم حتي شهادة محو الامية!!

علق احد القراء علي تصريحاتك فقال بسخرية:
(الصوارمي مزنوق زنقة الكلب في الطاحونة!!وورط نفسه توريطة لا مخرج لها بقبوله ان يكون الناطق "الكاذب" للقوات المشلحة، واصبح عليه ان يتحمل الاساءات والتجريح نيابة عن الوزير الفاسد والمؤسسة المنهارة ...كان الله في عونه!!)...

الشئ الوحيد الذي يدخل في ميزان حساناتك، انك لاتميل في تصريحاتك للسباب والشتائم مثل المشير، ولا تسب وتلعن كوزيرك، ولا تطلق اللعنات والبذاءات مثل عشرات من كبار الجنرالات.....وهي ظاهرة ملفتة للنظر بحكم ان ( من عاشر قوما أربعين يوما صار منهم ) !!

[بكري الصايغ]

ردود على بكري الصايغ
Germany [بكري الصايغ] 07-09-2014 04:08 AM
شكرآ ياحبيب علي تعقيبك!!...بكرة تظهر الحقيقة ونعرف لوين كانت الدولارات رايحة!!..ولااستبعد انها لتنظيم الاخوان في مصر، فهم هذه الايام يعانون من ضائقة مالية، واغلب الاعضاء اصبح حالهم مزري!!

Sudan [فعلا البلدبديروها تجارة الشنطه والسماسرة!!من القاهرة لي سيول] 07-09-2014 02:17 AM
عشان كدة الدولار شايت!!!وممكن يكونوا اشترواهو من تجار الدولارات!!غريبة!!وهم عارفين انو في ناس هنا بيدوك مليون دولار في الخارج!!!!بس ادفع!!!


#1054080 [سوداني]
5.00/5 (3 صوت)

07-08-2014 04:27 PM
الجيش السوداني اصدر بيان
يا الصوارمي يا اخوي عليك الله ما تكذب في دوله محترمه ترسل مرتبات موظفيها في السفارت بكيس بكيس ولمنو واجه السودان في دول الخارجيه
وديل البعكسو الوجه المشرق للسودان والمال دي يا اخوي سايب ساي اسي في داعي لكشف الحال مافي بنوك مافي صرافات اسي الشال القروش دي لو هرب بيها اها
منو العوض وعليه العوض دوله تبكي وجيش يوجع وحاكم رقاص

[سوداني]

#1054075 [khider]
5.00/5 (2 صوت)

07-08-2014 04:24 PM
سؤال كيف كانت تصرف المرتبات بشكل عام - والله نحن فقدنا الرجولة خلاص الناس ديل بيسرقوا فينا عديل ونحن ساكتين وبعد كدا .......................... عديل ونحن ساكتين اللهم انى صايم

[khider]

#1054072 [زول]
5.00/5 (1 صوت)

07-08-2014 04:19 PM
حرام عليك نطاق رسمي وتكذب مين يصدق كلامك دا
حتى الطفل الصغير ما حيصدق كلامك
العب غيرها يا جانبو

[زول]

#1054060 [اختصاص السفير شنوو]
5.00/5 (3 صوت)

07-08-2014 04:08 PM
أين علي كرتي وزير الخارجية ؟ وأين وزارة الخارجية .. وماهو دور وزارة الخارجية .. وأين موقعها من هذا الحدث الإجرامي المشين الذي يعبر عن الهمجية والدكاكينية التي تعيشها الحكومة داخليا وخارجيا .. كيف يتم استخراج مبالغ ضخمة بالعملة الصعبة بطريقة غير رسمية والبلاد تعاني من نقص حاد في العملة الصعبة والنقد الأجنبي ,, ماذا يعني ذلك ؟
قال رواتب ؟ هههههه
هل كل الملحقيات والسفارات العاملة بالسودان والعكس دأبت علي دفع رواتب موظفيها بهذه الطريقة الإجرامية وعن طريق التهريب والإلتفاف علي شركات الطيران وموظفو المطارات ؟ انت تعرف الإجابة يالناطق الرسمي وليتك كنت غير ناطق ! لأنك غير صادق فيما تقول لأنه لايمت الي الحقيقة بصلة لامن قرب ولامن بعيد .. وانما يدل علي كلام شخص مغيب وغير متابع للواقع وللأحداث الجارية ..
*الخارجية السودانية هي المعنية بهذا التصريح وبهذا التصرف الفاضح المشين لتوضيح المزيد ولكشف خفايا هذه الجريمة البشعة التي يعاقب عليها القانون في جميع مطارات العالم .. وكان من المنطقي اذا جاء هذاالتصريح علي لسان السفير السوداني في القاهرة باعتباره الأقرب للأحداث وباعتبارها في دائرة اختصاصه ..وهذا السكوت من جانب السفير أوالسفارة السودانية في القاهرة يدلل علي أمرين :
الأول هو : اما عدم رضا السفير السوداني بالقاهرة عن هذه التصرف وتبرئه منه تجنبا للحرج مع السلطات المصرية والخارجية المصرية لما فيه من الإستفزاز والإستخفاف بالسفير والبعثة السودانية بالقاهرة لعظم الجريمة وهولها وماتحمله من معاني معنوية وحسية ينمان علي عدم فهم وقوقائة وسبهللية ومإلي ذلك ..
ثانياُ : هو أن يكون السفير السوداني جاهلاُ وغير آبه بهذا التصرف وكأنه لايعنيه في شيئ ,, وهذه مصيبة كبيرة جدا .. ويادنيا عليك ألف سلام ..

[اختصاص السفير شنوو]

ردود على اختصاص السفير شنوو
Sudan [adil mohyeddin] 07-09-2014 05:31 AM
عندما كنا طلابا فى مصر جاء احدهم بحقيبة الى طالب يجلس بجوارى فى القطار وقال خلى دى معاك لحدى حلفا !!فقال له الطالب :افتحها نشوف فيها شنو!!فغضب الرجل وقال :يعنى ماك مستأمنى؟فقال له الطالب :بعرفك من وين ؟يمكن فيها جناحرام وبعدين تنكرنى وانا زول قراية وما فاضى للمرمطة !!وحدثت مشادة قمنا باحتوائها وقلنا للرجل شيل شنطتك واتخارج!!هههههههههههه مااريد قوله :اذا كان هذا تصرف طالب فماذا يكون رد مضيفة خبرت اساليب تهريب المال والمخدرات؟


#1054059 [دولار حار]
5.00/5 (2 صوت)

07-08-2014 04:07 PM
يا جماعة حرام عليكم ده شغل علماء الرعاع الزينا مابفهموه ...وطبعا عندنا اعظم وزير دفاع وصاحب نظريات معروفة تدرس فى جميع الكليات الحربية فى العالم(الدفاع بالنظر)واكيد دى نظرية جديدة فى حمل الفلوس فى كيس الزبالة للتمويه وكده.

[دولار حار]

#1054055 [اخربا ليكم]
5.00/5 (1 صوت)

07-08-2014 04:04 PM
عليك الله يالصوارمى لو سكت ماكان احسن ناس كتار قايلين الزول دة بتاع حكومة يعنى مؤتمر وطنى والله فضحتونا ياوم وبعدين المضيفة دى ذنبها شنو رشوة واداها الكيس ياخ والله الكلام دة في سوق ليبيا خلوه من هنا للقاهرة كيس قمامة ياخ ماتقولوا كيس خضار انشاءالله يلعن ابوكم وابوا اهلكم ياخ انتو عالم ......... عشان ماتحزفوا الكلام.

[اخربا ليكم]

#1054053 [المستعرب اونطة]
5.00/5 (3 صوت)

07-08-2014 04:01 PM
الكيس الدبلوماسى من مصطلحات التوجة الاسلامى (الحضاري) لم يصل الى مسامع المصرين فاعتبروه كيس قمامة

[المستعرب اونطة]

#1054050 [خالد حسن]
4.50/5 (4 صوت)

07-08-2014 03:56 PM
بالله ياعمر دفع الله دايرين كاركتير كارب للصرموطي ده شايل فيه كيس زباله
مع تصريحاته الغبيه زيو دي

[خالد حسن]

#1054023 [ود السنى]
5.00/5 (5 صوت)

07-08-2014 03:13 PM
كَضِب كضبة يمكن المواطن يصدقها لانه هو صاحب هذه الاموال ,
هذا التبرير الفطير الساذج لا يمر على حتى اطفال إبتداي .. بيان كله تناقض و غباء ,

ثم و ماهى علاقة القوات المسلحة بمرتبات أفراد سفارة تنتمى لوزارة الخارجية ؟؟
و كيف كانت تصل اموال مرتبات العاملين بالسفارة قبل إكتشاف هذا التهريب ؟؟
و لماذا لم يعلن حامل الاموال عنها رسمياً عند وصوله مطار القاهرة ؟؟
و لماذا يكذب حامل الاموال عندما قال مية ألف دولار حينما هى قريب الضعف (175 الف دولار) ؟؟

هذا الناطق الرسمى لا بختشى ولا بخاف من الله , وكمان جايب معاها إستغفال و ضحك على العقول ..
والله ياكيزان الشيطان حيرتو إبليس نفسه , يوم واحد جايب ليهو أيات من راسو و قال دى قالها الله سبحانه و تعالى , و واحد يكضب ليك فى وشْك من دون ان يرمش له جُفن , و واحد يبكى و يجوعر عشان عملو تغيير وزارى و شالوهو ,
و حسبنا الله و نعم الوكيل ,

[ود السنى]

#1054020 [محبى البطيخ]
5.00/5 (2 صوت)

07-08-2014 03:06 PM
شرالبيله مايضحك هذا النظام جلب لنا العار وكشف حالنا وكل يوم فضيحه جديده ويتواصل توسنامى الفساد الذى لا يرحم بلد السودان بلد الشعب الطيب الذى لا يستاهل ان يحكمه مثل هؤلاء الدلاليك ياخواناصرمه جابوك فزع بقيت وجعه دولارات شنو البشيلوها فى الكيس انت لا قريت لا باريت وكمان عايز تخلق ليك عذر اقبح من الذنب ياخى خافو فينا الله والله الواحد مرات يتمنى تنظيم داعش دا يدخل عليكم يخلكيم زى طماطم الجروف بس جرررت بس من الاضان لى الاضان ويرحينا منكم ومن امثالكم


[محبى البطيخ]

#1054014 [هيثم الخلا]
5.00/5 (2 صوت)

07-08-2014 03:01 PM
يا الصرامطي لمتين تشتغل عتالي في ناسك ديل، بعد شوية حتشمي في الشارع بجنبه واحدة، المشكلة أنكم بصدقوا الكلام البتقولوا دا وعاوزننا نصدق أنكم في الطريق الصحيح، يا الصرامطي، لقد كتمت ولكن متى وكيف تخرج عد نفسك لهذا اليوم

[هيثم الخلا]

#1054012 [Mohammed Ahmed Mustafa]
5.00/5 (1 صوت)

07-08-2014 02:59 PM
Why not following the right procedures from the beginning!? This story is not true they are covering their ASS

[Mohammed Ahmed Mustafa]

#1054008 [Mohammed]
4.88/5 (4 صوت)

07-08-2014 02:55 PM
نهر النيل
عاشق السودان
**************

احترموا عقولنا ياذبالة { الم يتنامى الى مسامعكم الصماء حبر الحقيبة الدبلوماسية والاجرآءت الرسمية والقانونية الروتينية التي تتم من خلالها نقل الاموال بين الدول ؟ } لايوجد تفسير لما حدث سوى انه عملية تهريب غذرة لأموالنا مارستها عصابة البشير والذبالة اللي من حوله ضد السودان وسرقة واضحة لأموال ومفدرات الشعب السوداني الجبان وما حادثة إبن اللص الكبير { الجاز } ببعيدة عن ذاكرتنا . اصحوا يا جبناء بلدكم نُهبت وتُنهب وسيستمر النهب وستستمر السرقة مالم نكنس ذبالة الانقاذ الى غير رجعة ، إنتبهوا يا اهل السودان فأن الفئران بدأت تغفز فعلاً من المركب الغارق ومعها ثروة بلادكم .

[Mohammed]

#1054002 [عبدالاله]
4.44/5 (6 صوت)

07-08-2014 02:48 PM
رواتب بعثة دبلماسية شايلنها فى كيس للخارج ؟؟؟؟؟؟؟ ياخى ما تستحى 0 اضرستونا ؟؟؟؟؟؟؟؟؟؟؟؟؟؟؟

[عبدالاله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 41234>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة