الأخبار
أخبار إقليمية
البرلمان : تجار الكريمات يتسببون في ارتفاع الدولار
البرلمان : تجار الكريمات يتسببون في ارتفاع الدولار



07-10-2014 12:00 AM
البرلمان: سارة تاج السر
اعتبر رئيس لجنة الشؤون الاقتصادية بالبرلمان سالم الصافي حجير الصافي أن ارتفاع معدلات التضخم "عارضة" وغير مزعجة وستزول عقب انقضاء شهر رمضان، وتوقع ارتفاع سعر الدولار أمام الجنيه السوداني خلال الأيام المقبلة بسبب تجار مستحضرات التجميل "الكريمات". ونفى الصافي ما يثار بشأن اتساع دائرة حظر التعاون المصرفي مع السودان وقال: أي حديث بهذا لا يخرج من إطار الشائعات المغرضة ولخلق بلبلة في الاقتصاد السودان وأضاف: حتى هذه اللحظة لم تعلن أي جهة حظر تعاونها المصرفي مع البلاد واستبعد حجير في تصريحات أمس، اتجاه الحكومة لزيادة أسعار الوقود أو رفع الدعم وقال إن دعم المحروقات سياسية دولة وحينما ترغب في أي زيادة تعلن ذلك عبر مؤسساتها المعنية واعتبر أن ارتفاع معدلات التضخم "عارضة" و"غير مزعجة" وستزول عقب انقضاء شهر رمضان باعتباره شهر استهلاكي، وتوقع ارتفاع سعر الدولار أمام الجنيه السوداني خلال الأيام المقبلة بسبب تجار مستحضرات التجميل "الكريمات" وقال "ما في شئ تاني برفعو لا دواء ولا بترول ولا قمح" وأشار الى أن الدولار أصبح سلعة نادرة في ظل تزايد الطلب عليه قبل أن يطالب بضرورة إجراء تقييم للدولار نفسه، وانتقد ثقافة السودانيين الاستهلاكية القائمة على المظاهر وقال حجير: هذه الثقافة إذا لم تتغير "نهر النيل دا إذا اتقلب بترول اقتصادنا ما بتصلح".

الجريدة


تعليقات 17 | إهداء 0 | زيارات 3057

التعليقات
#1055381 [Abu]
4.00/5 (1 صوت)

07-10-2014 03:02 PM
Another imbecile is surfacing! I do wondering from where all this rubbish keeps coming? Based on what this idiot is saying, see no needs at all for this economics science, and sure if he can elaborate on such issues, myself the layman could contribute too in this respect, and who knows, I might even solve all Sudan’s’ problems !!!!!

[Abu]

#1055350 [جاك سبارو]
3.00/5 (4 صوت)

07-10-2014 02:15 PM
بـي جد اثبتوا انكم برلمان الحيض والنفاس !!!

[جاك سبارو]

#1055296 [حمدي]
5.00/5 (1 صوت)

07-10-2014 01:05 PM
رئيس اللجنة الاقتصادية في البرلمان الكارثة --- لم يتحدث عن المشاريع الزراعية الكبري مثل مشروع الجزيرة و المناقل و الرهد و السوكي و غيرها التي اتهارت و توقفت عن العمل و اندفنت قنوات و ترع الري فيها نطة و بنسبة تفوق ال 70^ في عهدهم البغيض -- المصانع تعمل بنسبة 12% من طاقتها التصميمية-- ضرائب جمارك مدخلات انتاج كهرباء فيرنس --- انهيار قطاع الثروة الحيوانية و تصدير الاناث --- الحروب و توقف الزراعة في اخصب الاراضي و اكثرها امطارا في النيل الازرق و جنوب كردفان و دارفور --
ترك مقومات الافتصاد و خمل تجار الشنطة و كريم ديانا و المنكير مسؤلية انهيار الجنيه السوداني .
كيزان السجم حرامية و كضابيين و اغبياء .

[حمدي]

#1055261 [sasa]
5.00/5 (2 صوت)

07-10-2014 12:33 PM
لوبقت على الكريمات اكان كده مشكلة الاقتصاد والعملة ساهلة تب .... يلا امنعو استيراد الكريمات لعل الحال ينصلح ؟؟؟ ههههههاااااااا


حرم غلبتكم تب وماكم لاقين طريقة للزوقة

[sasa]

#1055243 [nagatabuzaid]
4.00/5 (2 صوت)

07-10-2014 12:17 PM
خليتوا كل اسباب فشلكم بقيتوا على الكريمات الله يخيبكم نواب عرة ما بعرف بلقطوكم من وين ؟اقدروا على حريمكم وبناتكم امنعوهم من الجلبطة 3 مرات فى اليوم

[nagatabuzaid]

#1055231 [مدحت عروة]
5.00/5 (2 صوت)

07-10-2014 12:07 PM
شوفوا رئيس لجنة الشؤون الاقتصادية فى البرلمان بيقول فى شنو؟؟؟
الفاتحة على السودان!!!
هل تقاس قوة العملة والاقتصاد بتجارة الكريمات؟؟؟
الزول ده منو الختاه فى هذا الموقع؟؟؟
ولا اقول ليكم حكومة الانقاذ كلها منو الختاها فى سدة الحكم؟؟؟
انه الترابى وحزبه القذر الواطى السافل الاسمه الجبهة الاسلامية القومية!!!!
عليكم الله شوفوا السودان كان كيف بى صف رغيفه وبنزينه وبقى كيف الآن بعد مضى 25 سنة من حكم هؤلاء؟؟؟؟

[مدحت عروة]

#1055199 [رئيس السودان 2020م]
5.00/5 (2 صوت)

07-10-2014 11:37 AM
اما يكفينا ربع قرن من الفشل ؟
اما يكفينا ربع قرن من التخبط ؟
اما يكفينا ربع قرن من الانهيار ؟
اما يكفينا ربع قرن من التدهور ؟
اما يكفينا ربع قرن من الانحطاط ؟
اما يكفينا ربع قرن من الفساد ؟
اما يكفينا ربع قرن من الافساد ؟
اما يكفينا ربع قرن من الاستعمار الكيزاني البغيض ؟

لو حكم ابليس اللعين لما اوصل السودان لهذا الدرك السحيق .

اقتصاد بلد يقعده بضع تجار كريمات تفتيح للبشره
فلنبكي عليه ونقيم عليه سرداق للعزاء

يا لهف قلبي على وطن اضاعه ثلة من الجهلة المفسدين !!!؟؟؟

[رئيس السودان 2020م]

#1055197 [على]
4.00/5 (2 صوت)

07-10-2014 11:36 AM
الكريمات يتم استيرادها لامثال حسين خوجلى !!!

[على]

#1055150 [المتجهجه بسبب الانفصال]
4.50/5 (3 صوت)

07-10-2014 10:37 AM
رئيس لجنة الشؤون الاقتصادية بالبرلمان ،،،

طالما أن ذلك هو كذلك ولم تفلح كل المعالجات للدولار فالحل هو أن يصدر الرئيس بيان هام وحاسم يعلن فيه العودة الى الودك والكركار لصالح الدولار ،،،

[المتجهجه بسبب الانفصال]

#1055095 [مفجوع]
4.50/5 (2 صوت)

07-10-2014 08:47 AM
يا أخوانا الكيزان ديل مابيختشو ...
دا كلام أيه دا المابيدخل الرأس ..
عالم زبالة حرام يقودوا أمة ...

[مفجوع]

#1055067 [l]
0.00/5 (0 صوت)

07-10-2014 06:39 AM
والله انت حيوان انت ىبتغش فى منو اختشى ياراجل خاف من ربك فى الشهر الكريم ده

[l]

#1055054 [ابو ريهام]
5.00/5 (3 صوت)

07-10-2014 05:53 AM
والله انا ما عارف دي دولة وﻻ طبلية . ده اسمو كلام عاد .يازول انت قايلنا فارشين تبش في سوق الحر عليك الله قوم لف بلا يخمك

[ابو ريهام]

ردود على ابو ريهام
United States [Abu] 07-10-2014 03:30 PM
You have made my day.... Thanks for the laugh


#1054998 [معاويــــــــــــــــــــــــــــــــــة]
4.50/5 (2 صوت)

07-10-2014 02:53 AM
الان بدات تظهر بعد الطفيليات المتقوقعة فى دهاليزها امثال الاصم وانتهت مرحلة شخبتات وبدرية

[معاويــــــــــــــــــــــــــــــــــة]

#1054984 [dar salam]
5.00/5 (2 صوت)

07-10-2014 02:16 AM
سيبو اللعب علي المواطن يا حراميه انتو البترفعو الدولار ما كفايه الحصل في مطار دبي ومطار القاهر وما خفي اعظم

[dar salam]

#1054974 [bent alnil]
5.00/5 (2 صوت)

07-10-2014 01:51 AM
جديدة الشماعة دي تجار الكريمات أصبحوا سبب الأزمة الاقتصادية ... و قال حجير الثقافة دي إذا ما اتغيرت نهر النيل ذاتو كان بقي بترول اقتصادنا ما بتصلح ... ثقافة الكريمات و لا شنو؟ يعني الناس لا تأكل لا تتمسح ... خلاص يا بنات بطلوا الكريمات و الجيهة عشان الاقتصاد ينتعش و يتصلح ... نشوف تاني الاقتصاد مشكلته شنو... هههههه قال كريمات قال ..

[bent alnil]

#1054967 [jas]
5.00/5 (2 صوت)

07-10-2014 01:34 AM
يالصافي اول مرة اشوف زول سكران في رمضان لقيتو عندك ياخي احترم العقول الموجود في السودان دي من البروفات والدكاترة علي الاقل هل يعقل انو تجار كريم يغيرو في اقتصاد عدد سكانو تقوق الالثلاين مليون هم التجار كم 100تاجر صغير في السوق ما بدخلو قروش التسرقو من البنوك المركزية بزريعة السفر للخارج والدولار تسهيل لسفر وكم وزير قبضو بالثابتة شايل قروش وكم ود وزير شايل بلاين الجنيهات معاه في الخارج كفايا الغباء عرفنا قصدك انو ناس دارفور رفعو الدولار لكن العنصرية الشيقوشمالية دي خليها وفكر بروح وطن واحد ماتفتكر انك تتبجه لوقت طويل عمرك سنة مع نهاية البشير وحتسافر كثير في ارجاع السودان بحثا عن العمل حتي لا تكون شخصيتك هي المطلو الاخري عند السودانين بعد رئيسك المطلوب عند الخواجات العنصرية البغيضة لا تفيد فكر جيد واعلم ان ما صنعه نافع في الهامش لنيتجة لابقاء الشمال النيلي التي تساوي 2% من سكان السودان لاطول وقت في الحكم علي حساب الاقلبية السودانية لم تنجح بعد حتي بعد اغلاق المعاهد والجمعات والمدارس لان ما اراده الله ان يكون ليست في مقدور البشر منعه والقيادة عكس التيار غالي الثمن وشكر يا ملحق الزريبة الشمالية في مربط الحمير الانقاذ(البرلمان)

[jas]

#1054961 [ود نفاش]
4.88/5 (4 صوت)

07-10-2014 01:21 AM
ونفى الصافي ما يثار بشأن اتساع دائرة حظر التعاون المصرفي مع السودان وقال: أي حديث بهذا لا يخرج من إطار الشائعات المغرضة ولخلق بلبلة في

والله انت خارج الزمن ولو داير ممكن اجيب ليك رسائل المصارف التى اوقفت تعاملها مع السودان مش الدولار بل حتى الريال والدرهم بل الراجحى اعتذر لنا ولم يذكر السبب والسبب نحنو عارفنه هو امثالكم وحكومتكم التى يسافرفيها ريئسكم الى ايران بون الالتزام بالقوانين الملاحية
ياخى قوم جاك باه اخمك وشوف ليك موضوع تانى
قال الكريمات قال الله يكروك من كرعيك من المحطة الوسطى لى سنجة رفعته ضغطنا
تبا لك وعليك اللعنه

[ود نفاش]

ردود على ود نفاش
South Africa [العمرابي الاول] 07-11-2014 12:23 AM
ود نفاااااش ياااا

United States [Abu] 07-10-2014 03:35 PM
Hilarious undoubtedly ,,, Thanks indeed for the laugh buddy...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة