الأخبار
أخبار إقليمية
"800" مستثمر سوداني يحصلون على رخص عمل في إثيوبيا
"800" مستثمر سوداني يحصلون على رخص عمل في إثيوبيا



07-11-2014 02:18 AM
أديس أبابا– آدم محمد أحمد

كشف العقيد عوض الكريم سعيد، رئيس جمعية لجنة الأعمال السودانية للمستثمرين في إثيوبيا، عن أن عدد المستثمرين السودانيين في إثيوبيا بلغ (800) مستثمر لديهم رخص مسجلة منهم (200) يعملون حاليا، ونوه إلى أن العدد يضع السودان كثاني أكبر بلد مستثمر في إثيوبيا بعد الصين، وكسابع دولة من حيث رأس المال بواقع (2.4) بليون دولار، وقال عوض الكريم في لقاء مع الصحفيين الذين يزورون أديس أبابا هذه الأيام إن الاستثمار في إثيوبيا مشجع أولا لكونه يقع تحت ولاية وزارة الصناعة مباشرة، لكنه أشار إلى أن هناك بعض المشاكل التي تواجه المستثمر السوداني لخصها في الأراضي وصعوبة الحصول عليها سيما في العاصمة أو حولها. في الأثناء قال خالد كرم عضو الجمعية إن الاستثمار في إثيوبيا مشجع لأن السلطات هناك وضعت إعفاء ضريبيا للمستثمرين يتراوح بين (2-5) أعوام كما يمكن للمستثمر أن ينهي إجراءاته في مكتب واحد خلال ساعات. ونوه خالد إلى أن الجمعية تخطط للإعلان خلال مؤتمر يعقد خلال الأيام المقبلة عن إنشاء منطقة تجارية حرة على الحدود بالقلابات بالإضافة إلى نقل الحجاج الإثيوبيين عبر السودان برا، وأوضح أن السودانيين يستثمرون في الصناعة بمختلف أنواعها، كما يستثمرون في تربية المواشي.

اليوم التالي


تعليقات 13 | إهداء 0 | زيارات 6127

التعليقات
#1056482 [ابوكرتونة]
1.00/5 (1 صوت)

07-12-2014 01:33 PM
مستثمرين سودانين في اثيوبيا يعني الاسلاموين طلع القروش ماليزيا وباقي الناس اثيوبيا طيب كدة مافي حد حيثتثمر في السودان وقروش السودان كلها طلعت خارج السودان

[ابوكرتونة]

#1056333 [sky painter]
4.00/5 (1 صوت)

07-12-2014 06:43 AM
حقيقة استثمار السودانين في اثيوبيا مبالغ فيها,اغلب السودانيون يسجلون كمستثمرين في اثيوبيا للحصول على الاقامة و بعدها الانخراط في عمل اقل بكثير من حجم الاستثمار الذي اخذ شهادة به, مثلا يتزوج بعضهم و يفتح كافتيريا باسم زوجته الاثيوبية بمبلغ 5 الف دولار مثلا و يعيش حياته, في حين اقل راس مال مطلوب لاستخراج شهادة استثمار هو 150000 دولار (يكتبه الشخص في طلب شهادة الاستثمار,اي رأس مال وهمي)...الحكومة الاثيوبية ذكية جدا,لا تعطي الاجانب المشاريع سهلة الربح مثلنا...يعطوك ارض محتاجة لسنتين و مبلغ كبير لاستصلاحها,او يلزموك بافتتاح مطعم 5 نجوم ,لازم يكون في منطقة راقية حيث يكون ايجاره مبالغ فيهو (على فكرة ,اي مطعم لايقدم الخمور في اثيوبيا مكتوب عليه الفشل)..المسألة ليست سهلة كما يتصورها البعض...سؤال بسيط: اذا كانت اثيوبيا جاذبة للاستثمار كما يقولون و اقتصادها نشط فلماذا يتكبد ابناءها مشاق السفر الى بلد كالسودان بمعدل 150 - 200 شخص يوميا,خلاف الذين يركبون قوارب الموت الى اليمن و السعودية..اثيوبيا بلد ترطيبة و فرفشة و العندو قروش بتدلع فيها اخر دلع و السودانيون يحبون ذلك, هذا كل ما في الامر....خذ مثال للسوداني السيد الكاردينال مثلا,اخذ قطعة ارض في بحردار لانشاء مجموعة صناعية برأس مال قدره مليار دولار و لم يبدأ المشروع حتى الان و لا اظنه يبدأ قريبا,هذا الحلم الكاردينالي يكتب في التقارير الاثيوبية بانه استثمار سوداني بمبلغ مليار و كثير من المشاريع على هذه الشاكلة ,يعني على الورق فقط

[sky painter]

#1056184 [كتاحة امريكا]
2.00/5 (1 صوت)

07-12-2014 12:46 AM
كيف يكون الجال مع ناس التحلل ( شراكة وسرقة ) ؟؟

[كتاحة امريكا]

#1056152 [منشى]
2.50/5 (2 صوت)

07-12-2014 12:02 AM
الدكتور دا كرعينو حاره خلاص محل ما يخش ينحسو طوالى .. دخل الخارجيه جاب لناس عمر قرار المحكمه الدوليه لاهاى , رجعوا الحزب قسمها ليهم و اتشتت الباقين اصلاحين و سياحين , دخل الاستثمار هرب المستثمرين الاجانب و السودانين معاهم , يا جماعه الزول دا ما تودوا القصر عشان يشتت باقى النبق و لا اقول ليكم جيبوا الجيش .

[منشى]

#1056084 [ود الركابي]
4.50/5 (2 صوت)

07-11-2014 10:21 PM
مشكلتنا نحن كاسودانيين .. عالم الذرة عندنا شغال وزير زراعة .. دلوقت دكتور اسماعيل طبيب اسنان . دخلوا شنو في الاستثمار .. يأخي امخاخنا .. عناد عناد عناد وبس وبدون اي تفكير . ولاهم للوطن والمواطنين . السياسيين راكبين راسهم غلط ما غلط كله صح . ومامستعدين يسمعوا اي نصيحة . هم بس صح .. الله يحفظك ياسوداننا من ابناؤك قبل اعدائك ..

[ود الركابي]

#1055988 [المشروع]
3.50/5 (4 صوت)

07-11-2014 05:57 PM
اقتباس:(إعفاء ضريبيا للمستثمرين يتراوح بين (2-5) أعوام كما يمكن للمستثمر أن ينهي إجراءاته في مكتب واحد خلال ساعات).
في السودان ان استطعت ان تنهي اجراءاتك خلال سنتين فأنت محظوظ
في السودان سماسرة الحكومة اكثر من الموظفين
في السودان الملبنة ياكلها طير الانقاذ والكيزان
في السودان لا يوجد قانون استثمار ونظام و لا وزارة استثمار وانما شخص واحد مسئول عن الاستثمار منذ 25 سنة وهو نفسه الامين العام للمؤتمر الوطني وهو طبعا كوز و و و و اللهم اني صائم عشان كدا وانا متاكد تماما ان مصطفى اسماعيل نفسه ما مستثمر في السودان. وان المؤتمر الوطني استثماراته بالخارج اكثر من الداخل.وان الكيزان استثماراتهم في الخارج اكثر من الداخل ..

[المشروع]

#1055891 [كرم]
3.00/5 (1 صوت)

07-11-2014 02:26 PM
الطفل المعجزة ده مالو فرحان كدي ؟؟

[كرم]

ردود على كرم
United Arab Emirates [KKambalawi] 07-11-2014 09:31 PM
ما يندهش لييهه ؟ ما صدق أنو ششفيي ممن ال تي بي, لو ماا إنقلاب الكيزان ده, أكتر شي يكون بعملو ينخس لليهو في سنون زول


#1055814 [ALI HAMID]
2.66/5 (6 صوت)

07-11-2014 11:28 AM
الأغرب والذي يحز في نفسي كثيرا أن القائمين لي الأمر في بلادي يظنون أن إفتتاح المطاعم وزراعه العلف ومن ثم تصديره إستثمار أقسم باالله أبسط تاجر فارش عجور يعرف أن هذا ليس إستثمار إنما إستعباط ليس إلا

[ALI HAMID]

#1055763 [أبو قرجة]
3.50/5 (2 صوت)

07-11-2014 07:48 AM
كيزان كلاب .. حتى التجار الهربوا من جحيم أسواقكم دايرين تلحقوهم ؟ 85

[أبو قرجة]

#1055748 [adil a omer]
5.00/5 (2 صوت)

07-11-2014 05:53 AM
قصدكم 800 لص

[adil a omer]

ردود على adil a omer
Saudi Arabia [اب شلاضيم] 07-12-2014 12:34 AM
حبيبي انت مالك ؟؟؟؟
الصيام ماثر عليك ول شنو ؟؟؟؟

United Arab Emirates [جيمى ابوالسرة] 07-11-2014 11:12 AM
ياحمار هؤﻻء المستثمرون سودانيون قادمون من جميع دول العالم وخاصة من الخليج واوربا وامريكا - وقليل منهم من السودان - هؤﻻء اناس شرفاء قفلت اﻻنقاذ عليهم ابواب الرزق والمنافسة الشريفة - فذهبوا الى ارض الحبشة ووجدوا الترحيب . عندما تكتب ارجو ان تكتب بفهم .


#1055742 [Sadrik]
2.00/5 (2 صوت)

07-11-2014 05:13 AM
هجره عكسية

[Sadrik]

#1055727 [كاك]
4.25/5 (4 صوت)

07-11-2014 03:25 AM
السودانيين يستثمرون في الصناعة بمختلف أنواعها، كما يستثمرون في تربية المواشي.////// اما المستثمرون الاجانب في السودان يستثمرون في المطاعم والمكسرات والعلف ويصدرون العلف الي مصر حيث موارع الابقار التابعة لهم ويقيمون مصانع مشتقات الحليب في مصر

[كاك]

#1055717 [المستعرب الخلوى]
3.50/5 (4 صوت)

07-11-2014 03:02 AM
وما هو رأى الطفل المعجزة فى الكلام دا ؟؟

[المستعرب الخلوى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة