الأخبار
أخبار إقليمية
اشرف الكاردينال رئيساً للهلال وفوزي المرضي يحصل علي اعلي الاصوات
اشرف الكاردينال رئيساً للهلال وفوزي المرضي يحصل علي اعلي الاصوات
اشرف الكاردينال رئيساً للهلال وفوزي المرضي يحصل علي اعلي الاصوات


سقوط قائمة صلاح ادريس ونائبه شقيق البشير
07-13-2014 05:41 AM
الراكوبة - حصل تنظيم (عزة الهلال) الذي يقوده اشرف الكاردينال علي جميع مقاعد مجلس إدارة نادي الهلال بفارق كبير عن تنظيم (الأصالة والصدارة) المنافس بقيادة رئيس نادي الهلال الاسبق ورجل الاعمال صلاح ادريس ونائبه اللواء عبدالله البشير شقيق الرئيس البشير.
وجاءت النتائج على النحو التالي :
اشرف سيد احمد الكاردينال (1852) صوتاً مقابل (1600) صوتاً لمنافسه صلاح إدريس.
وفاز احمد عبد القادر نائباً للرئيس بـ(1822) صوتاً مقابل (1487) صوتاً لمنافسه عبد الله حسن احمد البشير شقيق الرئيس.
وفاز عماد الطيب بمنصب الأمين العام بـ (1836) صوتاً مقابل (1451) صوتاً لمنافسه محمد ضياء الدين.
وفاز عصام كرار بمنصب أمين الصندوق بـ(1839) صوتاً مقابل (1395) صوتاً لمنافسه أزهري دهب.
وفاز فوزي المرضي الذي نال أعلى الأصوات بـ (1867) بمنصب قدامى اللاعبين وفاز بمنصب المناشط افكار وداعة بـ(1780) صوتاً .
وهشام محمد احمد عضوا بـ(1765) صوتاً ومحمود عبد الكريم بـ(1423) صوتاً.
وكانت الجمعية العمومية قد فشلت يومي الخميس والجمعة لعدم اكتمال النصاب القانوني ، وكان يوم امس (السبت) هو اليوم الختامي للجمعية باي عدد يتقدم لصناديق الاقتراع


تعليقات 27 | إهداء 0 | زيارات 15003

التعليقات
#1057739 [ابوهاني]
0.00/5 (0 صوت)

07-14-2014 02:07 PM
للاسف الشديد أين الكورة التي يعمل لها انتخابات وهيلمانه والزخمفي الفاضي لا نافع هلال ولا مريخ يجب أن تراعى وتدعم جميع الفرق والمنتخبات لكي نكون في مصافي الدول التي تلعب في كأس العالم

[ابوهاني]

#1057642 [عادل]
0.00/5 (0 صوت)

07-14-2014 12:32 PM
والله انتو عاملين ضجة في الفاضي ساي ،،، الموضوع اكتر من عادي ... رئيس علي مستوي اللاعبين ومستوي كورتنا !!!!!

[عادل]

#1057497 [أبو قرجة]
1.00/5 (1 صوت)

07-14-2014 08:08 AM
كلااام فارغ ... ناس بتموت من الجوع و ناس أصبحت رهاين لسياسات الكيزان الرياضية و الإعلامية فتباً لكل كوز و رهينة

[أبو قرجة]

#1057419 [جلد الفيل]
0.00/5 (0 صوت)

07-13-2014 11:58 PM
أنا في اللابس أزرق في الصورة جنب الحرامي المسمى بالكاردينال .. وواضع يده بصورة نسوية خالص .. دا ماله دا؟

[جلد الفيل]

ردود على جلد الفيل
Sudan [نكس] 07-14-2014 10:14 PM
والله انا لاحظت الكسرة دي بس قلت من التصوير - بس لمن قريت تعليقك قوية الملاحظة انو دا شي ما عادي - من اخوات نسيبة وكدا

[مستغرب] 07-14-2014 04:28 AM
دا درق سيدوه إلا يقولوها ليك!!!!!!!!


#1057415 [لازورد]
0.00/5 (0 صوت)

07-13-2014 11:44 PM
إقتراح:ارجو كتابة -زريبة فحم؛الهلال للتربية الرياضية بدلا عن :فريق الهلال للتربية الرياضية -لانها الانسب فى ظل هذا الوضع الماساوى

[لازورد]

#1057330 [عصمتووف]
5.00/5 (1 صوت)

07-13-2014 06:53 PM
رحم الله
**************رحم الله الكره والفن والسياسة والسودان وشعبة

[عصمتووف]

#1057309 [وادى سبيل]
1.00/5 (1 صوت)

07-13-2014 06:09 PM
والله من كتره الكلام وزحمه المواضيع الواحد غلبو التعليق عديل /لكن الله المستعان

[وادى سبيل]

#1057303 [وادى سبيل]
5.00/5 (1 صوت)

07-13-2014 06:00 PM
كلام فارغ

[وادى سبيل]

#1057281 [اب زرد]
0.00/5 (0 صوت)

07-13-2014 04:45 PM
عبدالله البشير ما كان يخج الانتخابات دي زي اخوهو ويفوز .. كان تمشي للأصم صاحب اخوك يا الفريق راجل الفريق ..

[اب زرد]

ردود على اب زرد
Sudan [وادى سبيل] 07-13-2014 05:59 PM
كلام فارغ


#1057232 [ظلال النخيل /فريد محمد مختار]
0.00/5 (0 صوت)

07-13-2014 03:05 PM
اهم ما في نتيجة هذه الانتخابات هو سقوط الطفيلي أخو البشير ...ديل نادي كوبر ما قدروا يرأسوه عايزين يرأسوا الهلال ....

[ظلال النخيل /فريد محمد مختار]

#1057229 [ابوالاء]
5.00/5 (3 صوت)

07-13-2014 03:03 PM
والله ياجماعة الخير اذا ما سمعتم الحوار الذى دار فى قناة النيلين مع المدعو الكاردينال وردوده على المدعو صلاح ادريس بشان الاتهامات المتبادلة بينهم لعرفتم الدرك السحيق الذى وصلت اليه الشخصية السودانية اذا افترضنا جزافا انهم يمثلون الشخصية السودانية(يمثلون بهلال الملايين ) والله مستوى مخجل جدا الشئ الذى يوضح جليا ماعناه الشاعر بقوله رايت الناس قد مالو الا من عنده المال ومن لا عنده مال عنه الناس قد مالو وخمنت كيف ان المال قد اشترى ذمم القضاة ليكشفوا قضايا فى الادراج فضلا عن الهمز والمز المبطن ومن ثم الاعتذار او تهزاون من المستمع الذكى

[ابوالاء]

#1057212 [ابو ياسر]
3.00/5 (2 صوت)

07-13-2014 02:48 PM
بلد نجوم المجتمع فيها الحرامية ، الله يقلعهم .

[ابو ياسر]

#1057187 [ابو احمد]
5.00/5 (1 صوت)

07-13-2014 02:22 PM
مبروك للكاردينال والحمد لله على سقوط صلاح ادريس

[ابو احمد]

ردود على ابو احمد
[كفاية] 07-13-2014 07:01 PM
صلاح ادريس احق بالرئاسة فقد قدم تاريخا للهلال ولكنه الان اختار قائمة كلها نكرات تريد ان تظهر على حساب الهلال


#1057172 [مدحت عروة]
5.00/5 (2 صوت)

07-13-2014 02:11 PM
يا جماعة ما تتكلموا ساكت!!
السودان فى عهد الانقاذ فاق العالم اجمع!!!
خليكم من الاقتصاد البقى احسن من اقتصاد جنوب افريقيا والتصنيع الحربى الفاق تصنيع كل دول القارة والعملة الوطنية البقت احسن من الدولار والاستقرار السياسى والتنموى والنغنغة العايش فيها السودان !!!
الرياضة فى عهد الانقاذ بقت على راس القارة واهو المريخ والهلال محتكرين بطولات الاندية الافريقية والفريق القومى شارك فى كاس العالم بتاع البرازيل باشتراكه فى قنوات الجزيرة الرياضية!!!!!!
الانقاذ او حكومة الاسلامويين اكتر حكومة انتيكة ومضحكة تمر على السودان فى تاريخه القريب والبعيد ودى اصلا ما بيتغالطوا فيها اتنين الا يكونوا من الجهلة بتاعين المؤتمر الواطى!!

[مدحت عروة]

ردود على مدحت عروة
Sudan [نكس] 07-14-2014 10:22 PM
اجمل شي في تعليقك مشاركة الفريق القومي في كاس العالم - يعني يدخلوا معسكر من اسي ويشوفوا حيشجعوا منو في 2018 - انت عارف البلد الوحيد الغائب اتحادوا وكابتن فريقوا القومي عن التصويت لاحسن لاعب في العالم - جنوب السودان موجود -باسم رتشرد جاستن - وتقول لي شكلة واتخابات ورئاسة هلال - السودان حتي هلال رمضان بقي معتمد علي السعودية - وعلماء السودان عدييل بقوا ما بشوا ابعد من متر من اللهط ولو البشير شاف نجمة حيقولوا تحتا هلال


#1057159 [اب شلاضيم]
5.00/5 (1 صوت)

07-13-2014 01:57 PM
الطيب عبد الله وحسن ابو العائلة وفوزي والوالي وغيرهم عملو شنو
كم مرة فاز فريق سوداني باي بطولة خارجية معتمدة
فرق بلا انجازات - تعرفوا المشكلة وين ؟؟؟
المشكلة في نوعية المشجع السوداني - اقصى طموح المشجع السوداني هلالي او مريخي ان فريقه يفوز على نيل الحصاحيصا او مريخ الفاشر او هلال كادقلي ويقعد يجعجع - شخصية متخلفة واقعة ميؤوس منها - عشان كده الفرق واقعة ..
الى متى ؟؟؟؟

[اب شلاضيم]

#1057149 [سيد أحمد منصور]
0.00/5 (0 صوت)

07-13-2014 01:46 PM
بعد كدا لازم تسجل هيثمونا طوالي في الهلال وتخرجه من الظلمات إلى النور عشان نغني سيدا سيدا سيدااااااااء اووووووو تنقا.

[سيد أحمد منصور]

#1057139 [كفاية]
0.00/5 (0 صوت)

07-13-2014 01:40 PM
صلاح ادريس يستاهل منصب الرئاسة بجدارة لكنه لم يحسن التعامل في اختيار القائمة المناسبة اذ اعتمد على قائمة كلها نكرات وغير معروفة وتريد ان تصنع تاريخا على حساب الهلال

[كفاية]

#1057126 [تمبوشتي]
0.00/5 (0 صوت)

07-13-2014 01:21 PM
مبرووووووك عمو كردنة وهاردلك عمو صلاح إدريس

[تمبوشتي]

#1057108 [وحيد]
5.00/5 (1 صوت)

07-13-2014 01:00 PM
اب شلاضيم اخو الرقاص ما فاز؟!

[وحيد]

#1057081 [تاج السر الحاج أحمد]
0.00/5 (0 صوت)

07-13-2014 12:32 PM
التهنئة للرياضية المثالية أفكار وداعة علي المنصب .... ناس بانت شرق رأيهم أيه ؟؟؟؟؟؟

[تاج السر الحاج أحمد]

#1057018 [abuleila]
5.00/5 (2 صوت)

07-13-2014 11:09 AM
كاردينال ....جمال الوالى..... وغيرهم..... وخلفهم المتشعبطون بترام الكورة المكسح ...... .....ماذا انجزوا .....نسمع ضجة ولا نرى طحينا ... ......كلهم من سقط متاع الشعب السودانى.....
وما للمرء خير في حياة * * * * * إذا ما عد من سقط المتاع

[abuleila]

#1057010 [المشتهي الكمونية]
5.00/5 (2 صوت)

07-13-2014 10:58 AM
والله يا حليل الهلال والمريخ ، انتخابات يتنافس فيها الحرامية الذين اغتنوا من ثروات الشعب البائس ، يا حليل زمن ناس الطيب عبدالله وحسن أبو العائلة وغيرهم من العمالقة ويا لتعاسة هذا الزمن القبيح

[المشتهي الكمونية]

ردود على المشتهي الكمونية
Saudi Arabia [اب شلاضيم] 07-13-2014 01:51 PM
الطيب عبد الله وابو العائلة وغيرهم من العمالقة ( حسب نظرك ) عملو شنو
كم مرة فاز فريق سوداني باي بطولة خارجية معتمدة
فرق بلا انجازات
الى متى ؟؟؟؟


#1057009 [الضكر]
0.00/5 (0 صوت)

07-13-2014 10:57 AM
نتمنى الاستقرار لنادي الهلال

[الضكر]

#1057004 [حامد عوض]
5.00/5 (4 صوت)

07-13-2014 10:49 AM
مالك والانحطاط يابلادي

الكاردينال الحرامي .. سارق أرض الكنيسه ابن الشرطي المهرب الكبير في بورتسودان
تفوووو

[حامد عوض]

ردود على حامد عوض
Sudan [جلد الفيل] 07-13-2014 01:31 PM
فعلا هو حرامي ومحتال ونصاب دولي تمكن من جمع ثروة كبير في زمن المظالم والسحت .. ولا تنس الطرف الآخر : صلاح إدريس وكيل غسيل الأموال أقذر التجارات .. كلاهما بلا تاريخ ولا سجل يسمح لهما برئاسة الهلال ... ولكن نرجع ونقول إذا كان السودان كله راح "شمار في مرقة" فكيف تبقى مؤسساته الرياضية؟


#1056961 [شومين]
0.00/5 (0 صوت)

07-13-2014 09:51 AM
تهانينا يا كاردينال يازعيم يلا ارينا ما عهدناك عليه دوما
مزيدا من التوفيق ومزيدا من النجاحات

[شومين]

#1056933 [أبو مهند - دبي]
5.00/5 (6 صوت)

07-13-2014 08:38 AM
ده كله تحصيل حاصل ومناصب شرفية فقط لأن الهلال والكرة السودانية في الحضيض زي الحال الاقتصادي والفقر والجهل والمرض وحياة الكفاف والدرك السفل الذي أوصلتنا اليه الحكومة

[أبو مهند - دبي]

#1056899 [خالد حسن]
5.00/5 (8 صوت)

07-13-2014 05:48 AM
الكاردينال زاتو مؤتمر عفني
لكن عجبنا لاخو المجرم البشير اسره مبغوضه وملعونه ان شاءالله

[خالد حسن]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة