الأخبار
أخبار إقليمية
عامل سوداني بدولة قطر ينال شهادة شكر وتقدير لأمانته
عامل سوداني بدولة قطر ينال شهادة شكر وتقدير لأمانته



07-15-2014 10:32 PM
(سونا)-نال السوداني مزمل محمد القرشي الذي يعمل في شركة أمنية تسمي(حماية) وهي احدي أكبر الشركات القطرية التي تعمل في مجال تأمين المنشآت العامة والخاصة شهادة شكر وتقدير من نائب مدير شركة حماية الأستاذ خالد عمران العمران علي ما قام به أثناء أداء عمله.
وتعرض القرشي إلي اختبار أثناء أداء عمله حيث قام أشخاص ينتمون لدولة أجنبية بنهب بعض الأجهزة والمعدات والمبردات من احد المصانع في ضواحي مدينة الدوحة ، وعندما إكتشف الجريمة قامت العصابة بإغرائه بمبلغ كبير فرفض ، وحاولوا إيذاءه إلا أن عناية المولي أنقذته وقام علي الفور بإجراء اتصال بشرطة النجدة والدورية الخاصة بالشركات ، عندها لاذ المجرمون بالفرار حيث وجد أفراد الدورية العامل السوداني في موقع الحادث بالإضافة للمحتويات وهي مبعثرة .
ويمثل هذا نموذج السوداني المهاجر الذي يحمل قيم ومبادئ شعبه التي يشهد بها الآخرون .
وتشير /سونا/ إلى نموذج المغترب الراعي السوداني الطيب يوسف الزين الذي تناولت الأجهزة الإعلامية المختلفة في الداخل والخارج وبانبهار وإعجاب عن أمانته ونزاهته ليجد التكريم من المسئولين في الدولة ومن قبل الذين عمل معهم في المهجر.


تعليقات 22 | إهداء 0 | زيارات 11489

التعليقات
#1067768 [ود أزرق]
0.00/5 (0 صوت)

07-29-2014 09:57 AM
اختبار حقيقي......
يعني بان كل انسان يقع في مشكلة يقولوا ليك دا وقع في اختبار حقيقي
يعني اختبار الراجل الشهم دا كان اختبار في الامانه من ربنا سبحانه وتعالي وليس من قبل احد .......
وهذا هو المقصود

[ود أزرق]

#1059927 [آمال]
0.00/5 (0 صوت)

07-17-2014 11:49 AM
السودانيين لا زالوا بخير و الحمدلله و لسه كتير منهم المشرفننا في الخارج بأمانتهم و سمعتهم الطيبة

[آمال]

#1059615 [ود الركابي]
0.00/5 (0 صوت)

07-17-2014 12:53 AM
والغريبة شنو اذا ماعمل كده مايكون سوداني .. نحن غير عاداتنا وتقاليدنا ماعاوزين حاجه والغني الله .. الله يوفقك .

[ود الركابي]

#1059287 [يسع]
5.00/5 (1 صوت)

07-16-2014 02:38 PM
ادراج كلمة اختبار في حشو التقرير ليس بامانه

[يسع]

#1059143 [عصمت]
0.00/5 (0 صوت)

07-16-2014 12:34 PM
الشاص الالفين والسواق كنزاوي والحمل باذن اللة يوصل اصحابة
خمسين الف وخمسين عماني ولاجل عين تكرم مدينة

[عصمت]

ردود على عصمت
Saudi Arabia [gagooom] 07-16-2014 10:37 PM
انت ضارب حاجة ؟


#1059129 [الرمدان كر]
0.00/5 (0 صوت)

07-16-2014 12:25 PM
دا كلااااااااااااااااااااااااام جرائد و بس


وين الفرق بين اداء الواجب في العمل و الامانة

[الرمدان كر]

#1059045 [كتاحة امريكا]
0.00/5 (0 صوت)

07-16-2014 11:36 AM
امانة شعب مسكين وتحلل قادة متكوزين

[كتاحة امريكا]

ردود على كتاحة امريكا
Oman [ابو الخير] 07-16-2014 05:28 PM
والله يا كتاحة اسمك دا مستمد من السودان لن البلد كلها كتاحة
وطبعا دا تصرف طبيعي أي شخص راجل بمعنى الكلمة مفروض في عمله يتصرف هكذا
لكن كيزان الترابي ديل ما سودانيين ديل طبعا ما......
اللهم إني صائم


#1059018 [خليل عزة]
5.00/5 (4 صوت)

07-16-2014 11:11 AM
شركة حماية وشاغال حامي

يعني الزول ده ادى واجبو .. وكان ممكن يتحاكم لو الحاجات دي اتسرقت ..

يعني الزول حمى نفسه في الاول والاخر ..

وبعدين شنو قصة الامانة البقينا نحتفي بيها دي.

[خليل عزة]

#1059011 [سوداني اصييييل]
5.00/5 (3 صوت)

07-16-2014 11:05 AM
يا خي كرهتونا الأمانه زاتا.... شنو يعني راعي امين, ولا حارس امين,,, ده شقلهم وواجبهم,,, عادي جدا....

[سوداني اصييييل]

ردود على سوداني اصييييل
Japan [mak] 07-16-2014 08:22 PM
لان الامانة اصبحت عملة نادرة.صار كل من يؤدي واجبه يحتفي بة


#1059009 [ابوكرتونة]
5.00/5 (1 صوت)

07-16-2014 11:03 AM
هذا النوذج بقي نادر مع الانقاذ بس دي عشان برة السودان وشغال لكن تعال شوف العطال والظلم وعصابات النقرز وووو

[ابوكرتونة]

#1058939 [ابو عمر]
5.00/5 (2 صوت)

07-16-2014 09:21 AM
بختك يا مصطفى عثمان وقعت ليك من السما. يلا شوف لك وفد وقوم بزيارة الراجل في الدوحة لتقديم التهاني وأهو تعمل ليك كذا ألف دولار بدلات من عرق الشعب السوداني المسكين من وراء أمانة وشهامة الراجل زي ما عملت مع الراعي السعودي

[ابو عمر]

#1058894 [true]
4.75/5 (6 صوت)

07-16-2014 07:38 AM
والله كرهتونا بالراعي ده وده اكبر دليل علي انو الامانة في السودان انعدمت انك نادرا" ما تلقي امين و لو كانت الامانة في السودان شئ اعتيادي ما كان لقي الراعي كل الزخم الاعلامي في وسائل الاعلام السودانية كده و كمان بقي و نحن نمشي بعيد لية ياهو ده الحكومة التي تربت في كنهها اجيال هل صادفت فيهم واحد أمين , ولا هل في يوم من الايام وثقت في حد في السودان ولا هل في يوم من الايام أخدت حقك كامل من ير زعل وجري من مؤسسة أو افراد في السودان عشان كده ما تشبكونا امانه امانه ونحن عارفين البير وغطاها خلوها مستورة واشكرو الراجل بس لكن نحن اخر ناس نتكلم عن الامانه, بعدين ده شغلو و هو قاعد حارس شنو ما حارس الحلجات دي بياخد عليها راتب واذا انسرقت بيدفعوهو سعرا الامانة هنا وين انا ما بقول مش أمين لكن الموقف ما بيستدعي قدر ده لانو دي وظيفتو وده مكان عملو


تحياتي للشرفاء من ابناء بلادي

[true]

#1058831 [Sadeik]
5.00/5 (5 صوت)

07-16-2014 03:53 AM
كل شعوب الدنيا فيها الطيب والاسواء حتا السودانين فيهم حكومه البشير من أسواء ما خلقت الله

[Sadeik]

#1058820 [عبد العزيز]
5.00/5 (4 صوت)

07-16-2014 03:06 AM
امانة امانة السودانيين بالخارج سواء كانوا رعاة او حرس هي اخر ما تبقت للحكومة من انجازات تتباهي بها

[عبد العزيز]

ردود على عبد العزيز
Saudi Arabia [الغضنفر] 07-16-2014 10:21 AM
كيف الكلام دا يا أستاذ عبد العزيز؟؟؟؟؟
هل أمانة السودانيين و القيم و الخصال التي ىتمتعون بها من انجازات الإنقاذ ؟؟؟؟؟

ليهم حق لصوص الإنقاذ يركبوكم 25 سنة و ما خفي أعظم..


استغفر الله ... استغفر الله ... استغفر الله.. اللهم إني صائم


#1058814 [بت البلد]
5.00/5 (2 صوت)

07-16-2014 02:44 AM
كدى فهمونا الأول الحكاية دي مطبوخة وللا الحاصل شنو ؟ الحمد لله على سلامتك يا قرشي يا أمين ويجب تكريمك من قبل السفارة أسوة بالراعي الأمين ...

[بت البلد]

#1058807 [ال]
5.00/5 (4 صوت)

07-16-2014 02:29 AM
هل اصبحت هذه الطريقه هى الوسيله الوحيده لنا كشعب لنتزوق طعم الفخر..سودانى ابى يبيع النعجه ..سودانى ابى يسرق مكيفات الشركه سودانى انقذ سخله من الغرق..والله انا خايف يجى يوم نقرأ خبر سودانى ينال شهاده صحيه فى دوله اجنبيه وتنهال التعليقات من شاكلة رفعت راسنا و سودانى وافتخر...وفى ذات الوقت الاخبار فى الداخل و الخارج تتحدث عن جرائم يشيب لها الولدان مرتكبه بواسطة سودانيين...وانا هنا اتسأل هل لو قرأت خبرا فى صحيفه ان راعى مورتانى رفض بيع بقره فى امريكا بمائة الف دولار هل سوف تتغير نظرتى للشعب المورتانى كأن اعتبر مورتانيا دوله متقدمه مثلا...وهل صور معسكرات النزوح واخبار القتل والكوارث الملازمه لسيرة السودان فى كل وسائل الاعلام يجدى معها مثل هذه التفاهات واخيرا انا اتسائل عن شعور شعوب تلك الدول التى تصنف فى كل عام بانها الاكثر تقدما او الاكثر سعاده او الاكثر شفافيه وكل يوم يقدم ابنائها عشرات الاختراعات والاكتشافات التى تنقل الانسانيه لافاق جديده وينالون جوائز نوبل وارفع الاوصاف العلميه .....كيف يشعرون....كم انت بائس يا شعبى كم انت مسكين حزين تحلق خارج فضاءات عالم الوعي

[ال]

#1058802 [الراجل]
4.75/5 (6 صوت)

07-16-2014 02:15 AM
اوعكم تعيدو لينا المسلسل السودانى السعودى الراعى والنعجة بنسخة قطرية عشان ماطممو لينا بطنا

[الراجل]

#1058743 [الفنجري]
5.00/5 (3 صوت)

07-16-2014 12:07 AM
دا واجبوا

[الفنجري]

ردود على الفنجري
United Arab Emirates [سوداني حر] 07-16-2014 04:45 AM
ايو ده واجبوا كموظف وخلاص شنو حكاية امين وما امين دي

نحن شعب ما محتاج شهادة لتثبت امانتنا

ده دليل انو بلدنا في واحدة من اسواء حالاتها علي مر العصور

انو نحنا بقينا نتكلمم في الامانة كأنها حاجة نادرة


#1058732 [nagatabuzaid]
5.00/5 (3 صوت)

07-15-2014 11:48 PM
درس لعثمان حسن احمد البشير وحرمه وابنه وبقية عصابة ال كافورى ومجموعة عصابات المؤتمر السجمى وغسان الوالى وكل المجرمين والانزال الذين ا بتلى بهم الله السودان عامل بسيط فى شركة امنية ولكنه ابن ناس تربى بالحلال فرفع راس السودان تسلم البطن الجابتوا

[nagatabuzaid]

#1058706 [اوبرا]
3.00/5 (3 صوت)

07-15-2014 11:15 PM
وتعرض القرشي إلي اختبار أثناء أداء عمله ؟؟؟؟ اختبار ؟؟ معاناها تجربة معاناها الشركة علي علم وهي العملت الاختبار ؟؟ او كدي فهمونا ليها انتو ؟؟؟

[اوبرا]

#1058700 [عزة]
3.00/5 (4 صوت)

07-15-2014 11:05 PM
اختبار يا اهبل
دى امتحان
اختبار يكون مرصود فى عمليه تتم متابعتها من اشخاص لمعرفة امانة الرجل

[عزة]

ردود على عزة
Sudan [ِAburishA] 07-16-2014 12:46 PM
ملاحظة قيمة عزة لك التحية.. حتى انا اتلخبطا شديد عند قراءتي للموضوع.. وحتى كلمة الاختبار ادخالها في التقرير يعتبر حشو ليس له لزوم بل عمل لينا تشويش.. خالص المودة,,


#1058695 [حلفاوي السوداني]
4.50/5 (4 صوت)

07-15-2014 11:01 PM
سبحان الله...
والله الواحد كان متخيل انو كل السودانين العاملين في قطر من ( الكيزان )

[حلفاوي السوداني]

ردود على حلفاوي السوداني
Qatar [ياسر] 07-16-2014 04:30 PM
لا و الله !

Iraq [ابوها] 07-16-2014 08:58 AM
ههههههههههههههههههههههههههههههه حلويي دي يا حج



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة